|
حوارٌ هادئ مع الأخ عبد الكريم كيكي حول أحداث البيان
|
الأخ العزيز باشمهندس عبد الكريم كيكي
أشيد في البدء بإصرارك على الحوار و التأكيد على قيمته.
أبدي لك رغبتي الصادقة في حوار هادئ و مسئول، لا سقف زمني و لا استعجال و لا فرض وصاية من جانبي، بل لك دائما حقّا غير منقوص في تعديل مسار الحوار و رفض ما تراه غير مناسب من اسئلة و لك دائما أولوية توجيه الحوار
اعتذر بدوري من وصف حوارك السابق معي باللولوة و عن ما وردك من معانٍ تفيد انتقاصاً من شخصك الكريم
أخصّك بهذه الدعوة و لا مانع لدي أن تعكس وجهة نظرك و آخرين، كما أرجو أن نسعى كلانا لحفظ مسار الحوار ما أمكن
أرجو أن نتعامل أنا و أنت و القرّاء بذهن مفتوح مع كل ما سيثار من نقاط، صحيح أنّنا في البداية قد نعيد بعض ما سبق نقاشه، و كان الإنسان أكثر شيء جدلا، لكن أنا على ثقة بأن لدينا الكثير ما يزال، و نسأل الله الرشاد.
إن ناسبتك الدعوة يا سيّدي عبد الكريم، فأنا في الانتظار، و سأقدِّم بعدها مقترحا للبدء يتضمّن نقطتين، أو فافعل أنت..
|
|
|
|
|
|
|
|
Re: حوارٌ هادئ مع الأخ عبد الكريم كيكي حول أحداث البيان (Re: Marouf Sanad)
|
كما نتمنى ان تاتى كلماتك امينه
ومسئولة تليق بمثقف ومبدع ( ناشىء ) ...
بعيدا عن كلمات ( القطيع ) و ( الهمجيه ) ...
ـــــــــــــــــ
لانو بصراحة تلك الكلمات قد جردتك حتى من ذلك القميص الاحمر والسنتان الاماميتان مع الضحكة ....... وهى كل ما نعرفه عنك ..
امنياتى لصديقى كيكى بالتوفيق ... سنعزز القوات متى ما استطعنا لذلك سبيلا .....
| |
|
|
|
|
|
|
Re: حوارٌ هادئ مع الأخ عبد الكريم كيكي حول أحداث البيان (Re: Marouf Sanad)
|
اخي محمد حسبو كيكي اخ و صديق عزيز و دائماً ما اجد نفسي متخندقاً معه ليس لعامل الصداقة بل لتوافق الرؤى في الكثير مما يطرح من قضايا عامة على اروقة الأسافير .. ارجو منكما السماح لي بالإدلاء بدلوي في القضية موضوع النقاش دون الإخلال بالشروط التي ترونها مناسبة لحواركما و كلي امل في الخروج بما يفيدنا جميعاً في دفع قضية حرية الرأي و القلم بالرغم من ان الدعوة موجهه للأخ عبد الكريم بعينه .. سأرقب حواركما و اتمنى ان تسمحا لي بالمشاركة علنى اشارك بما قد يفيد ..
الصاوي
| |
|
|
|
|
|
|
Re: حوارٌ هادئ مع الأخ عبد الكريم كيكي حول أحداث البيان (Re: emad altaib)
|
تحية يا محمد حسبو ولكل الاخوة الاخوان والاصدقاء الذين مروا علي هذا المكان وتحية خاصة للاخت دينا خالد واولا..اشكرك وعلي المستوي الشخصي لاعتذارك واتقبله بكل صدر رحب وتقدير وامتنان.. وثاينا شكرا علي تامينك علي احترام الحوار وتقديره وهذه روح نتمني ان تسود بيننا هنا جميعا.. ...... واما في امر دعوتي للنقاش بشكل شخصي فاجدني يا محمد ومع كل تقدير لها اقول اليك فيها قولان.. 1-انا لم اخرج من الحوار ولم اقفل بابه حتي ادعي اليه مرة اخري فلدي بوست مفتوح وناشط بين صفحات المنبر وتم فيه حوار انا علي استعداد للمواصلة فيه قافزا فوق كل المياه السلبية التي جرت عقب ذلك ومتصالح فيه مع نقاشك بكل حماس .... وذهابنا الي تلك الساحة ليس لانه بوستي انا بل لاننا بدانا هناك وثبتنا نقاط هناك ومن المعوق للحوار ان تجلب مداخله من هنا وهنالك مما يشوش علي المتابعين لهذا الخيط الذي اري اننا ممكن ان نقدم ما يفيد... 2-دعوتي وبوست منفصل وتلبيتي لها في هذا البوست الخسوسي يهدم (موقفي من الانتقائية) التي هي موضوع نقاشنا ولعله خلافنا ايضا لذا استميحك عزرا في تمسكي بالحوار واستعدادي له في تلك الساحة التي هي مشروعة لك في كل الاوقات والازمنة ان تعود اليها تواصل ما بداناه سويا هناك... ومرة اخري لك شكري وتقديري علي هذه اللفتة التي وبكل صدق هي قادرة علي تذويب الكثير من الثلوج واعادة الامر الي مربعات الحوار المثمر وفي مظلة الود الذي لم تجد منناالا ماهو مضاعف منه..
| |
|
|
|
|
|
|
Re: حوارٌ هادئ مع الأخ عبد الكريم كيكي حول أحداث البيان (Re: محمد حسبو)
|
سلام جميعاً
يا عبكريم كتاكو
ميرسي على الرد المهذّب و التفهّم الجميل و بوستك داك على العين و الرأس و هو يا قولك موجود لا بأس من عودة و مواصلة الحوار فيه، ربّما بعد حين، فأنا أنشد بعض التكيّف على أوضاع جديدة الآن، قد لا تدرك ما يتطلّبه السقوط من ترتيبات،، أعني السقوط كرياضة طبعاً، تجي يا معروف تتريّض معانا؟..
هاف أ نايس ويك إند يا عبد الكريم و لنا لقاء في الخير إن شاء الله .
| |
|
|
|
|
|
|
Re: حوارٌ هادئ مع الأخ عبد الكريم كيكي حول أحداث البيان (Re: Mohamed E. Seliaman)
|
تابعت بداية الحوار بخيط الأخ عبد الكريم كيكي ثم جئت هنا وجدت محاور الرفيق حسبو صلبة ومحاججته موضوعية -بغض الطرف عن وحشية لغته وقسوتها-ولم أجد شيئا يدعم منطلقات الأخ عبد الكريم غير الهتافية وجو الـــRage الذي كان سائدا حينها الآن بعد عودة الأمن و زوال الاحتقان وهذا ما يؤكده احتفاء الأخ عبد الكريم وآخرين ببيان محسن خالد - أرجو أن تسود الموضوعية.
إن لم يعد حسبو فأرجو أن يمنحني الأخ عبد الكريم كيكي شرف الحوار (الهادئ) معه دون أن يقولني ما لم أقل أو يذهب إلى تأويل كلامي بما لا يحتمله الظاهر
| |
|
|
|
|
|
|
Re: حوارٌ هادئ مع الأخ عبد الكريم كيكي حول أحداث البيان (Re: Mohamed E. Seliaman)
|
Quote: الآن بعد عودة الأمن و زوال الاحتقان وهذا ما يؤكده احتفاء الأخ عبد الكريم وآخرين ببيان محسن خالد - أرجو أن تسود الموضوعية.
إن لم يعد حسبو فأرجو أن يمنحني الأخ عبد الكريم كيكي شرف الحوار (الهادئ) معه دون أن يقولني ما لم أقل أو يذهب إلى تأويل كلامي بما لا يحتمله الظاهر |
نعم ومرحب يا محمد وقبل ان نمنحك شرف الحوار الهادي وان كان الامر ليس بنمحة بس فقط بين لينا الاحتفاء بتاعي بحديث محسن خالد عن المنبر (اكرر) عند المنبر وبالله خليك دقيق وحاذق...واتي لينا باحتفاء واضح لا يقبل التاويل حتي تكون ارضية راسخة للتحاور ان اردت..
| |
|
|
|
|
|
|
Re: حوارٌ هادئ مع الأخ عبد الكريم كيكي حول أحداث البيان (Re: Mohamed E. Seliaman)
|
Quote: شايف في صراع حول العالمين ما بين ثنائية محسن خالد الرهيبة ومقولة غنماية الدقيق المدهشة |
1-وطيب اين الاحتفاء ببيان محسن في جزئية حديثه من المنبر او بيان المجموعة اعلاه.. وكنت متيقن بانك حتجيب الكوت ده لاني شفتك لافي بيهو في كم بوست كده.. عشان كده قلت ليك جيب كلام دقيق وثابت ولا يقبل التاويل.. عالمين متفرقين ما بين ثنائية محسن الرهيبة وغنماية الدقيق(هل تدري ما الموصوف بغنماية الدقيق) ولا اقول ليط عشان تعرف رهابة محسن وغنماية الدقيق خاتين منو في نصهم..!! 2-بيان محسن يا سيدي كبير وعريض وفيهو مداخل عديدة اتفق معه في جزئية واختلف وبراي معلن سلفا عن بعض ما ورد فيه.. 3-طبعاكوني انبس بكلمة (انا وانا فقط من احدد ان انبس بكلمة في الزمن والمكان البحددوا انا) وليس بناء علي ما يطلبه الاخرين.. 4- ما بيني وبين محمد حسبو حوار لم يتكمل وساظل انتظره وقلتها ساعتها بانني ان اقتعت برايه ساخذ الامر بكل اريحية ويظل الاحترام بيينا رغم مرارات التجرية وتداعياتها السلبية هنا وهناك.. 5-مسح الكلام لاني فهمت حديثك بطريقة غير صحيحة لانك كتبته بطريقة غير سوية لذاكان علي عندما تبيت اني علي خطاء يجب ان امسح الكلام اعلاه وقد حدث لكثيرين غيري في بوستك الشهير...(وعلي قدر الكتابة ياتي الرد حتي يتبن الخيط الابيض من الاسود) 6-مطالبتك بعدم الرد لانك في البوست كنت تجنح الي التهاتر في مرحلة لم اريد لبوستي ان يذهب الي ادراج الرياح السلبية وهذا حقي 7-واما بخصوص اساءة حسبو ليك فليس انا ببوليس او قاضي او حامي فانت ماشاء الله لمضيض وشديد وبتقدر تاخد حقك في المكان والزمان المناسب وياهو داك حسبو امشي ليهو..
مرة اخري اتمني ان تعطي ولمصلحة الحوار دلالة او دليل يوكد باني ايدت محسن في رايه عن (البيان) دليل قاطع واصيل... كون الدليل الذي اوردته لا يشفي غليلي كدليل ادانة واتيت به انت محقونا بكل الاشياء التي اوردتها لاحقا من محبوسات النفوس البشرية في انتظار مرحلة الانفاجار النفسي...واراك قد حسبت بانك قد وجدتها في الثناية تلك ولكني اقول لك انها سراب بقيع... الراي من البيان كان مبداء واختلاف راي عندي ولكنه في علمك لا يجعلني اجعل من محسن خصما فهو صديق ومبدع حقيقي ورجلا تعزف له الاناشيد ونوارة جيل.. اختلف معه في العام ولكني احبي كتاباته كما احب كتابات يحي فضل الله وسلمي الشيخ وخطاب واسامة الخواض...(الكلام ده موجود في البوست ما دام انت زول بتاع ارشيف فارفع كراعك صوب الارشيف ستجده موثقا تماما)
| |
|
|
|
|
|
|
Re: حوارٌ هادئ مع الأخ عبد الكريم كيكي حول أحداث البيان (Re: عبدالكريم الامين احمد)
|
طبعا يامحمد الرد الطويل وعريض الفوووق ده في اطار دعوتك لحوار هادي.. ولولا ذلك حكاية (انت زمااااان عملت لي كده وسويت لي كده ) دي اسمها حوارات الذات المحتقنة فموضوعها بكون بايظ...(انت لو عندك حاجة مفروض تاخذ كاش في ساعتها) اخير من الزول يجي منفوخ (تامبيرا) او قربة ويقول عاوز حاور... داير حوار هادي فرق الشحن التامبيرية بتاع انت زماااااااااان سويت لي كيت كيت وتعال بعقل مفتوح وصافي وعاوز حوار مفيد مش تصفية حسابات فحبابك.. ولكن غم ذلك ان اردتها تامبيرية فانا المنفاخ بتاعي جاهز عشان اقيف تامبيرا بت لذينة وبرضو حبابك في تامبيرية نوعية
| |
|
|
|
|
|
|
Re: حوارٌ هادئ مع الأخ عبد الكريم كيكي حول أحداث البيان (Re: عبدالكريم الامين احمد)
|
كتبت :
Quote: الآن بعد عودة الأمن و زوال الاحتقان وهذا ما يؤكده احتفاء الأخ عبد الكريم وآخرين ببيان محسن خالد - أرجو أن تسود الموضوعية. |
فكتب عبد الكريم مطالبا :
Quote: بس فقط بين لينا الاحتفاء بتاعي بحديث محسن خالد |
فرددت عليه بجلب كلامه :
Quote: شايف في صراع حول العالمين ما بين ثنائية محسن خالد الرهيبة ومقولة غنماية الدقيق المدهشة |
فانتهى أمر عبد الكريم إلى المطالبة :
Quote: مرة اخري اتمني ان تعطي ولمصلحة الحوار دلالة او دليل يوكد باني ايدت محسن في رايه عن (البيان) دليل قاطع واصيل... |
لم أقل إنك أيدت رأي محسن جملة وتفصيلا لكن كلامك المقتبس يشهد على احتفائك بكلام محسن و هذا ما فمهته في سياقه . أرجو ألا تحاول إقناعي بأن (ثنائية محسن خالدالرهيبة ) لا صلة لها برسالة محسن إلى عصام
| |
|
|
|
|
|
|
Re: حوارٌ هادئ مع الأخ عبد الكريم كيكي حول أحداث البيان (Re: Mohamed E. Seliaman)
|
Quote: 2-بيان محسن يا سيدي كبير وعريض وفيهو مداخل عديدة اتفق معه في جزئية واختلف وبراي معلن سلفا عن بعض ما ورد فيه..
|
انت يا زول ما قريت الكلام ده ولاشنو... ثنائية محسن خالد الرهيبة لها علاقة مباشرة تماما بخطاب محسن لعصام وانا وكما شفت اعلاه متفق تماما مع جزئيات فيما اورده محسن بالذات في جزئية ملاسي واما امره في المنبر فقلت ليك بانني الراي بتاعي معلن فيه ... هل وصلك مني ما يفيد بانني غيرت الراي بتاعي في البيان...اين؟؟ ومتي...؟؟ والينا بدليل...!!!!
غنماية الدقيق وصف سابق لملاسي ومحسن خالد اشار لملاسي وبالاسم هذه هي الثنائية الرهيبة التي اعنيها يا شيخ العرب...
محمد انا الراي بتاعي من البيان مليون مرة اقولها ليك ولاي زول تاني انو راي جاء من مبداء واختلاف في الراي العام مع مجموعة اتفق معها في الكثير من الاشياء
| |
|
|
|
|
|
|
Re: حوارٌ هادئ مع الأخ عبد الكريم كيكي حول أحداث البيان (Re: عبدالكريم الامين احمد)
|
Quote: وانا وكما شفت اعلاه متفق تماما مع جزئيات فيما اورده محسن بالذات في جزئية ملاسي واما امره في المنبر فقلت ليك بانني الراي بتاعي معلن فيه |
عزيزي عبد الكريم اتضح لي بعض الأمر الآن فأنت تقصد أنك تتفق مع محسن على هذه الجزئيات التالية من رسالته :
Quote: وهذا ليس بالأمر الخطير، أبداً يا عزيزي عصام، فأقاويل المفعوصين والمفعوصات هي وهم، يطأها الزمن بسنبكه فلا تبقى في الأرض منها ولا منهم باقية، إلا حُفرة حدوة الزمن. ولكن الأخطر من ذلك، هو تنصيب الذات حيث لا مكان لها إلا كشاهدة قبر، قول لي زي شنو!؟ كما يُنَصِّب –القنيط- الآخر، "أب شيبة "، تمييزاً له عن القنيط حميدة "أب عيبة"، يُنَصِّب نفسه في مكان الناقد المعرفي، أو الفيلسوف إن شئت، أعني بالطبع حسين ملاسي |
Quote: ونحن من زمان سراويل روسينا اتشرطت ياهو بالقعاد في دلجة أمخاخ زي البوفّرها سودانيز دي. وصديقي كبّر يقول لي سمح الصبر، العندو حكمة ينزّلها للناس بكل طولة بال، يا كبّر يا أخوي ياتو ناس محتاجين حكمتك ياخي؟ في قطيع جُهّال هنا، زي العنبلوق ملاسي دا، |
Quote: كنتُ أتوقّع أن يدخل تاج السر، ويقول لهؤلاء المتشعلقين ولكبيرهم القنيط "أب شيبة" ، ما يجب أن يقال، ولكن السؤال هل هو منتفع من هذا التغوُّل العامّي والركيك، لذائقة فقيرة وجاهلة، قُصاد ذائقة أخرى ترى أنَّه من سابع الشاهقات الخوض مع أمثال هذا اللزج –والدعي الجاهل - ملاسي |
عرفت الآن مواطن اتفاقك مع محسن وأنت تستحق مني بعد وضوح الرؤية اعتذارا على ما سلف من تعميمي-كما بدا لك - احتفاءك بالبيان. نعود إلى صميم الموضوع : ما هي مواطن اختلافك مع محسن ؟
| |
|
|
|
|
|
|
Re: حوارٌ هادئ مع الأخ عبد الكريم كيكي حول أحداث البيان (Re: Mohamed E. Seliaman)
|
Quote: ما هي مواطن اختلافك مع محسن ؟ |
اول شي انت عايز شنو مع مواطن خلافي مع محسن..؟؟ كون الامر مع محسن فانا ومحسن فقط من هما عليهم التحدث عن امر خلافنا مع بعض ..ولاشنو..؟؟ بما اراه او نراه من طرق
شي تاني الكوتات الانت جبتها دي انت قطعتها من راسك وفي اشياء انا لا اقصدها وكذلك انا وانا فقط من اتمكن من تحديد نقاط اتفاقي واختلافي مع محسن...ولا شنو برضو
| |
|
|
|
|
|
|
Re: حوارٌ هادئ مع الأخ عبد الكريم كيكي حول أحداث البيان (Re: Mohamed E. Seliaman)
|
عندك اثبات شرعي يفيد ان اديتك الكوتات دي وحددتها ليك يا زول؟؟
من اين لك حق تحديدها..!!!
اي سليمان انت جيت وادعيت اني وافقت محسن في رايو المربوط بالبيان وطالبانك بالدليل القاطع وفشلت انك تجيبو...
وجبت الامر ده الي هذا البوست مخصوص لشي في نفس يعقوب بتاعك عندك دليل جيبو...ما قادر تجيب دليل فرتق وقشة ما تعتر ليك وما عندك شغلة بحكايتي مع محسن اختلف معاهو اتفق ادقو يدقني دي حاجة بيني وبين محسن خالد
في العام بتاع البيان وضحنا ليك الخطوط كلها...اما حكاية انو عاوز تصفي حاجاتك مع محسن علي حسابي انا فعفوا يا حبة فالنمرة غلط..
عندك حاجة مع محسن ياهو داااااكا (زي ما قالو ناس الخراطيم) ياهو دااااكا محسن امشو ليهو بتلقاهو قاعد
وقوود قيم
| |
|
|
|
|
|
|
Re: حوارٌ هادئ مع الأخ عبد الكريم كيكي حول أحداث البيان (Re: kamalabas)
|
Quote: فهناك من أقلقه محتوي البيان وهناك من يقف علي النقيض فكريا وسياسيا مع تلك الكوكبة التي وقعت علي البيان لذا يسعي لتصفية الحساب معها عبر ركوب موجة النقد الموضوعي الذي صوب نحو أسلوب أخراج البيان. من هنا يجب علينا الألتفات للقضية المحورية وعدم تحويل النقد البناء لإستعداء ونبذ لتلك المجموعة الواقفة معنا في ذات الخندق!!!!!كمال |
هلا يا ابوكمال وتحياتي وفعلا ده النقطة الما قادرين يفهمها البعض هنا في راينا حول تداعيات البيان ويريدون تحويلية تفصل اشياء عديدة متماسكة من بعضها فما قيل في البيان سبق وثبتنا بانه راي في الشان العام وفي اطار ممارسة حق الاختلاف في الراي في ايمان الناس بالديمقراطية وتباين الاراء التي لاتفسد للود والقضايا الاساسية الاخري قضية وتسلم
| |
|
|
|
|
|
|
Re: حوارٌ هادئ مع الأخ عبد الكريم كيكي حول أحداث البيان (Re: Mohamed E. Seliaman)
|
يا ابو الشباب استهدي بالله وامشي شوف ليك شغلة تاني بلاش مسخرة وقلة ادب معاك...قربت شديد لمرحلة الرفع الاسفيري فما تحوجنا ليها بالله.. احترم نفسك وانا حتي الان لم اقدم ليك اي مسخرة او سخرية في هذا البوست... قلت داير حوار...قلنا ليك الفيها النصيب ...وقولنا قيم اوووفر داير شنو تاني عاوز تتمسخر؟؟؟ حدد عاوز شنو يا مستر سلميان وحباب عشرمية ونص
| |
|
|
|
|
|
|
Re: حوارٌ هادئ مع الأخ عبد الكريم كيكي حول أحداث البيان (Re: عبدالكريم الامين احمد)
|
عبد الكريم من غير تشنج تفضل واقرأ:
Quote: أرجو أن نتعامل أنا و أنت و القرّاء بذهن مفتوح مع كل ما سيثار من نقاط، صحيح أنّنا في البداية قد نعيد بعض ما سبق نقاشه، و كان الإنسان أكثر شيء جدلا ، لكن أنا على ثقة بأن لدينا الكثير ما يزال، و نسأل الله الرشاد. |
Quote: حوارٌ هادئ مع الأخ عبد الكريم كيكي حول أحداث البيان |
أعتذر لك عن كل ما أدى إلى غضبك وتشنجك ولنعد إلى صلب الموضوع
| |
|
|
|
|
|
|
Re: حوارٌ هادئ مع الأخ عبد الكريم كيكي حول أحداث البيان (Re: Mohamed E. Seliaman)
|
Quote: حكى لي بعض الإخوة –و أعرف أنّ مثلهم كثير- عن دورهم في الأحداث التي تلت الرحيل المفاجئ للأخ جون قرنق، و هم من أبناء شمال السودان ممن يتبنّون خطاباً ينادي بالعقلانيّة و يضاد العنصريّة، و لهم مكابداتهم في سبيل ذلك الخطاب، حكوا أنّهم عندما بدأت التجريدات الانتقاميّة التي نظّمها الشماليّون في بعض أحياء العاصمة، ردّاً على الهمجيّة الإجراميّة التي طبعت تصرّفات بعض من صدمتهم وفاة قرنق، أنّهم كانوا يحملون عصيّهم إلى جانب الجماهير و هي تأخذ الجنوبيين بالهويّة، ففي تلك الأوقات يصعب أن يتحمّل أي شخص تبعات أن يدلي بخطابٍ عقلانيّ يدعو إلى عدم تكرار أخطاء أخوتنا الجنوبيين بالأمس و زيادة الإنقسام العرقيّ و شرخ الوحدة الوطنيّة، بل يُعد مثل ذلك الخطاب عبثاً و تخاذلاً عن نداء الجماهير في هيجتها و هي تنشد الثأر و رد الاعتبار. |
وأنا أتخيلك بالأمس القريب وأنت تحاور الجماهير كصاحب خطاب عقلاني من الشماليين* يقف -ضحى الاثنين الأسود-بالقرب من صيدلية محمد سعيد أو محطة ود البشير وهو يخاطب حملة السواطير والسيخ والحرب والعصي والملتوف قائلا : انتظروا نتيجة التحقيق ولا تستعجلوا الحكم فلربما سقطت مروحية قرنق بسبب عطل فني
______________ *ما عارف ليه تردني صورة جعفر بشير في بدلة أنيقة وهو يخاطب الجماهير ملوحا بقلم في يسراه ويمناه تعبث بربطة عنقه أو قل الأمير بشاشا وهو يصيح بهم آمون أمون
| |
|
|
|
|
|
|
Re: حوارٌ هادئ مع الأخ عبد الكريم كيكي حول أحداث البيان (Re: Mohamed E. Seliaman)
|
Quote: رجاءً تخلّ عن هذا الكابوس. - منعاً للّبس، أعني كابوس صيدليّة محمّد سعيد |
.. .. والله كنت ماشي كويس وبقرا في البوست بي نفسيات عاليه جدا .. في هذا الصباح فجأة لقيت نفسي قدام صيدلية محمد سعيد..
في معالجات وكولاجات جميلة جدا في حتات متفرقة . أنا غايتو قاعده تريحني يا جسبحو .. ويا كوكي: صدقوني محمد الحسن دا اضافة حقيقية للبوست دا صدقوني بتستفيدو .. وكمان بتمتعوني انـا.. الرجل دا ما تفقدوهو.. سوو سواتكم .. وهو يسووي سواتو طالما انو السخانه خفت شوية والناس على الاقل لقت ليها حتة تجمع فيها البنادق ..
| |
|
|
|
|
|
|
Re: حوارٌ هادئ مع الأخ عبد الكريم كيكي حول أحداث البيان (Re: tmbis)
|
Quote: صدقوني محمد الحسن دا اضافة حقيقية للبوست دا صدقوني بتستفيدو .. وكمان بتمتعوني انـا.. الرجل دا ما تفقدوهو.. سوو سواتكم .. وهو يسووي سواتو طالما انو السخانه خفت شوية والناس على الاقل لقت ليها حتة تجمع فيها البنادق .. |
يا تمبس البوست ده قصتو انتهت زماااااااان واتفقنا مع محمد حسبو علي اشياء مثبتة في هذا البوست... صاحبنا اي سليمان ده كان حاضر وعارف تداعيات الامور كلها... والنقاش في الموضوع بكل تفاصيله له مساحة موجودة يا تمبس وعلي استعداد للانطلاق فيها في اي زمن.... .... اي سليمان ماعندو صبر يبل الابري وداير يقبقب من طرف... محسن يقول حاجة طوالي جررررري علي (التمنة) اللهي البوست ده...ويرفع بلاغ سودانفور اول تقول حاجة برضو جرري علي (التمنة) ...ويترفع بلاغ.. بيني وبينه دار جدل واوضحت راي في الامر وقفل المحضر وسجل البلاغ ضد منو ما عارف ولكن بالنسبة لي الموضوع معاهو انتهي في المساحة دي... ولكن اي سليمان احسن زول في العالم ممكن يسكك اسفيريا واحسبه لاعب (هارد ) مميز يعني لو الدس كمل ممكن يسكك في الاوضة حتي ياكلك اشياء مثل (ياغبي..ويا شنو كده ماعارف).. تامبا لا جنوح الي التهاتر الا لمن ابي وتفرعن اومارس الانبعاج المحتقن وساعتها يافردة لا حديث الا حديث (عوض جوكس) حيث يد الليبر لابد ان تكون جاهزة اربعة وعشرين...وبالعدم المرق الاسفيري
| |
|
|
|
|
|
|
Re: حوارٌ هادئ مع الأخ عبد الكريم كيكي حول أحداث البيان (Re: عبدالكريم الامين احمد)
|
عبد الكريم ازيك
Quote: حرام عليك يا بدر الدين ياخي حالتي منتظرك تناصرني في يوم (السك العالمي ) ده تجي تحرش فيني ومنو..؟؟؟ اي سليمان كماااان |
كان ليك، انا كنت منتظر الفرصة و كل ما اشوف بوست لملاسي احمر ليه، تقوم تحرش علي المثقفاتية بتاعين اوباما؟؟
الكويس ثروت رفع ليك القزاز!!! غايتو انت ضيعت فرصة، ود عمك عضلاتو تبش، كان اضقل ليك بي صاحبك، لكن هسع انا بشجع محمد دة، شمتااااان
| |
|
|
|
|
|
|
Re: حوارٌ هادئ مع الأخ عبد الكريم كيكي حول أحداث البيان (Re: Mohamed E. Seliaman)
|
Quote: او تصلح خطاويك وتبقي زول محترم ومالي هدومو |
تعرف يا عبد الكريم احترام من زول (ساكت*) زيك ماني منتظره !!
متذكر يوم قلت لك قل رحم الله الإمام الشافعي فقلت آمين متذكر ولا أذكرك ؟ يوم كنت مركب مكنة صفوة وتدافع عن فضيلي جماع وهو يطالب بكري بقمع كمال فرانكلي أنت مشكلتك مع البيان لا صلة لها بحرية التعبير أنت ومن لف لفك مأزومون من بيان (المبشرين بالإبداع ) لأن قائمة التوقيعات لم تشملكم هذا طبعا باستثناء الفياد عماد الذي شكلت موقفه من البيان روزمين كما هو موثق وثابت يا عبد الكريم قل غآآآآآآآآآآغ غآآآآآآآآآآغ
_______________ أقصد بها رويبضة
| |
|
|
|
|
|
|
Re: حوارٌ هادئ مع الأخ عبد الكريم كيكي حول أحداث البيان (Re: Mohamed E. Seliaman)
|
سلام يا ازمة.. ويا محمد الحسن سليمان.. كلامك الفوق بتاع النبذ والشتم وساقط القول ولغو الحديث ده... مشفوعا بالاثم والعدوان لو قلتو في الظروف العادية كنت ح اجي اجكك معاك في البوست ده واقطعك حتت حتت اسفيرية واعملك شاورمة اسفيرية تطرب الغاشي والداني.. وستفكر جليا في ايجاد نفاج اخر كما صنعت من هذا البوست نفاجا ونافذة لاحتقانك.. ولكن لانو الشغل عندي متكامل.. 1-طالما كان التشريح والعملية علي الهواء المباشر وشاهدها الغاشي والداني في (بوست عصام جبرالله) لذا 2-سيكون الانعاش مجاني و كما راينا (هضربة البنج) في شتمك ونبذك ولغو حديثك الفوووق.. كلو يا محمد سليمان سيكون علي الهواء الطلق تحت شعار (من الاسافير الي الاسافير).. 3-لذا ساقبل طواعية ان يكون هذا البوست ومنذ لحظة دخولك اليه في مداخلاتك ما بعد التشريح في بوست (عصام حبرالله) الي (عنبر كيكي) اقدمه لك منحة كيكية اسرح فيهو..امرح..نبذ...اشتم ما بدا لك take your rest نبذ كيكي ده نبذ السنين وما تخلي ليهو صفحة يرقد عليها..(ولو عاوز ناس ينبذو معاك برضو قول عووك بجيب ليك ناس يدوك دفرة ) ولو اتضايقت في العنبر ده (برضو ممكن تعمل ليك عنبر تاني براك) المهم فرغ احتقانك... ولا تتوقع ابدا باني سوف ازورك فيه مرة اخري كوني عارف انت بتعمل كده ليه..!!!
واها ابقي عشرة علي النبذ اازول ها والله يساعد
| |
|
|
|
|
|
|
Re: حوارٌ هادئ مع الأخ عبد الكريم كيكي حول أحداث البيان (Re: محمد حسبو)
|
كيكي يا فردة والله يا صاحبي أنت جهجهتنا زاتو في المنبر ده !! مرة تطلع بتاع كنابي مرة تطلع مثقفاتي مرة تطلع كاره زاتو جرقاس جلابة . . الليلة طلعت زول ساكت !! و بتفسيرها كمان ( رويبضة قال ليكـ عشان الجهلة الزي و زيكـ ما يتعبو يسألو .. )
بالله يا كيكي منعاً للبس حدد أنت ياتو واحد في الفوق ديل أنت زاتو كان الله ما ساخطكـ يسلط عليكـ MES ؟؟
| |
|
|
|
|
|
|
Re: حوارٌ هادئ مع الأخ عبد الكريم كيكي حول أحداث البيان (Re: خالد عبد الله محمود)
|
Quote: الليلة طلعت زول ساكت !! و بتفسيرها كمان ( رويبضة قال ليكـ عشان الجهلة الزي و زيكـ ما يتعبو يسألو .. )
بالله يا كيكي منعاً للبس حدد أنت ياتو واحد في الفوق ديل أنت زاتو كان الله ما ساخطكـ يسلط عليكـ MES ؟؟ |
يا خالد مالك ياخ يا بشرية انتو ما بتقرو قلنا (عنبر...عنبر ..عنبر كيكي) وزولي ده انا خاتيهو في الانعاش ونقاهة فبالله بطلو حركات السودانين بتاعة الجوطة في العنابر دي..وخلي الراجل ياخد راحتو.. تقومو تكتروها اجيب للعنبر كده (ودعجورة)* غفير وتاني النشوف البجي بهوب بهنا منو تاني واي سليمان ياخد راحتو تماما فلا حرج ابدا عليه.. روبيضة..ككو..ورل فياد...دودي الفايد(انها هضربة البنج الشهيرة).. واصلا ما بجي بقول ليهو كيلو النبذ ده بكم .... وبعدين يا خالد في لافتة انو انا ما بجي تاني بهنا فما تعملو لينا (صفا ومروة في البوست دده بالله)
يا خالد iam kiki and only kiki
............ ودعجورة هو احسن غفير مستشفي لئيم في العالم
| |
|
|
|
|
|
|
| |