|
Re: يا ناس الخرطوم أسعار الأراضى بالخرطوم....................... (Re: نجاة محمد بابكر)
|
الاخ منصور السلام عليكم ورحمة الله وبركاته
اطلعت على موضوعكم بسودانيز اونلاين والذي يحوي اسعار بعض الاراضي اود الاستفسار عن اسعار اراضي جنوب امدرمان ابتداءا من الصالحة وبعض المناطق المجاورة سمعت عن منطقة تسمى الوديّ وكذلك القمّاراب يا ترى كم الاسعار ماهو الموقع الافضل من كل النواحي والطريقة الامثل للشراء هل الحيازة ام لابد من شهادة البحث
شكري وتقديري
اخوك ابو محمد المملكة العربية السعودية
| |
|
|
|
|
|
|
Re: يا ناس الخرطوم أسعار الأراضى بالخرطوم....................... (Re: munswor almophtah)
|
الاخ منصور السلام عليكم ورحمة الله وبركاته
اطلعت على موضوعكم بسودانيز اونلاين والذي يحوي اسعار بعض الاراضي اود الاستفسار عن اسعار اراضي جنوب امدرمان ابتداءا من الصالحة وبعض المناطق المجاورة سمعت عن منطقة تسمى الوديّ وكذلك القمّاراب يا ترى كم الاسعار ماهو الموقع الافضل من كل النواحي والطريقة الامثل للشراء هل الحيازة ام لابد من شهادة البحث
شكري وتقديري
اخوك ابو محمد المملكة العربية السعودية
| |
|
|
|
|
|
|
Re: يا ناس الخرطوم أسعار الأراضى بالخرطوم....................... (Re: abdelgadir mustafa)
|
الاخ قدورة زى ماقلت ليك عندى قطعتين فى مربع تلاتة الحى الديبلوماسى لكن ما على ظلط مدنى الخرطوم يعنى لى جوّة شوية.انا كنت اتمنى انهم يكونوا على الظلط لكن افادنى صديق بالاراضى بان القطع البعيدة من ظلط مدنى الخرطوم هى الاحسن لانو فى خط كهرباْء هاى تنشن مارّى مع ظلط مدنى الخرطوم وبعدين هو بفتكر انه الحى الديبلوماسى حايكون بى فهم الاجانب الذين سيقطنون المنطقة مستقبلا وحى السفارات يعنى مسالة انو يكون عندك بيت مع الظلط فيه دكان ماجّر لى اهل العوض ودكان تانى ماجّرو غسال ولاّ نقلتى وتلقى واحد عندو صاج طعميّة قدام المحل وفول بالدكوة ما حتكون من سمات المنطقة ديك .. فرايك شنو فى الكلام ده..
تحياتى وشكرى يا اخ قدورة
وشكرا حبيبنا منصور على البوست المفيد
| |
|
|
|
|
|
|
Re: يا ناس الخرطوم أسعار الأراضى بالخرطوم....................... (Re: abdelgadir mustafa)
|
Quote: ألأخ على مربع 3 فى الحى البلوماسى مشكلتو الوحيدة انو فاتح على المنطقة الصناعية الجديدة وكلما ابتعد عن شارع مدنى اسعارو بتقل شوية لكن صدقنى هو الافضل فى العروض حاليا ومتوقع انو اسعارو ترتفع مجرد ماتبدا فيهو حركة البناء |
تعرف يا مهدى الخازوق يبقى لو بنيت لى بيت جميل كده وقام جارى بى الحيطة عمل ليه دكان واجّرو لى غسال بى حبل غسيله قدام الدكان وكلما اجى داخل البيت تلقاهو شارّى ليه سراويل ولغاويس كده مامفهومة..
يكون شقى الغربة ضاع ساكت ياحبيب
تليشة: يا اخواننا بهزّر والله مايجينى واحد ناطّى يدافع عن الغسالين وماادراك.. انا امريكا دى ما مارق منها والاورنج جوس ده افوتو مفلّق
| |
|
|
|
|
|
|
Re: يا ناس الخرطوم أسعار الأراضى بالخرطوم....................... (Re: Ali Sirelkhatim)
|
Quote: طبعا لو طلعت من النصيب نحنا عندنا سعر خاص واهو قالو من جاور السعيد سعد انحنا لاقيين نجاور حوش بانقا .. :) |
البيت تانى ناصية (عويرة انا عشان ابيع ليك الناصيةوفاتحة على الظلط كمان قوم لف) نفس شارع المسجد سريحة المسجد شفتا الشارع الفاصل بين 9 و 11 بس هناك بالضبط جنب دار الايتام فى قطع فاتحة على دار الايتام هى وراهم طوالى عشان العلى الظلط دى بتاعتى والوراها للبيع انت لاقى تجاورنى
حوش بانقا قال
| |
|
|
|
|
|
|
Re: يا ناس الخرطوم أسعار الأراضى بالخرطوم....................... (Re: نجاة محمد بابكر)
|
Quote: الاخ على سر الختم منطقه سوبا عموما وما جاورها هى مستقبل امتداد الخرطوم وستزيد اسعارها ولا شك |
يا قدورة ياخ لا عدمناك وان شالله يوم شكرك مايجى. انا غايتو حا انتظر اسعار القطع دى تزيد واقوم ابيعهم واشترى لى عمارة فى منهاتن
تخريمة: عندى قطعة فى الوادى الاخدر قالوا لى لو سكنت هناك اقرب لى اشترى الخدار من اسمرا صحى الكلام ده؟
يا منصور عليك الله قول للنصرى ده راجينك فى سانكاثرين.
| |
|
|
|
|
|
|
Re: يا ناس الخرطوم أسعار الأراضى بالخرطوم....................... (Re: Ali Sirelkhatim)
|
.. .
Quote: تبلدينا يا حبيب اووعك من كافورى والله تشترى هناك هشام هبانى ما يريحك ولو ود هبانى خلاّك فى حالك صور بيتك علاءالدين داك بجيبا ليك هنا فى سودانيز اون لاين ياخوى هوووووووووووووى تعال اشترى فى الديبلوماسى معاى بى غادى..
|
هشام هبانى هين .. الكلام تقوم كعه ونبقى نقعد للجرسة والله وانا جيرات حوش باتقا وانا اشتريت من نجاة قرقر قرقر قرقر
الدبلوماسي دا ما بعيد يا السر .. والاسعار كيف ..
---------------
غايتو احسن الواحد يضمن ارض بين مقرن النيل احتمال تكون دى اخر معاقل السودان .. الاصلى او الما قد كان ..
| |
|
|
|
|
|
|
Re: يا ناس الخرطوم أسعار الأراضى بالخرطوم....................... (Re: munswor almophtah)
|
Quote: الاخ منصور السلام عليكم ورحمة الله وبركاته
اطلعت على موضوعكم بسودانيز اونلاين والذي يحوي اسعار بعض الاراضي اود الاستفسار عن اسعار اراضي جنوب امدرمان ابتداءا من الصالحة وبعض المناطق المجاورة سمعت عن منطقة تسمى الوديّ وكذلك القمّاراب يا ترى كم الاسعار ماهو الموقع الافضل من كل النواحي والطريقة الامثل للشراء هل الحيازة ام لابد من شهادة البحث
شكري وتقديري اخوك ابو محمد المملكة العربية السعودية |
الإخوة الكرام أنا بسأل عن أسعار أراضي البقعة/ غرب منازل البنك العقاري جنوب أم درمان. وكذلك أسعار الأندلس مربع 9 .
ولكم شكري وتقديري
| |
|
|
|
|
|
|
Re: يا ناس الخرطوم أسعار الأراضى بالخرطوم....................... (Re: نجاة محمد بابكر)
|
الاخت الفاضلة نجاة انا طبعا اشتريت من ناس الاراضى لما جونا هنا فى امريكا . واحدة بى كم وستين الف جنيه والتانية بى كم وسبعين الف جنيه ما متذكّر بى الضبط لانو الايصالات وشهادت البحث فى الخزنة لكن البتذكّرو انو فكّيت لى شوية دولارات ادونى كم شوال جنيهات كده سددت بيهم القيمة.
Quote: على سرالختم ممكن تورينى اسعار الاراضى فى الحى الدبلوماسى كم وهل الحى فيهو خدمات وعندو مستقبل ولا لا
|
السؤال ده محول للاخ قدورة.. وزى ما قالوا خلى العيش لى خبازينو
| |
|
|
|
|
|
|
Re: يا ناس الخرطوم أسعار الأراضى بالخرطوم....................... (Re: نجاة محمد بابكر)
|
سلام جميع الإخوة والأخوات المتداخلين والمضاربين فى بورصة أراضى الخرطوم ,,
بالله أى مشارك ممكن يفيد عن أسعار الشقق بمنطقة الخرطوم والخرطوم2 والعمارات والرياض والطائف يفيدنا بالعندو,, سعر المتر المبنى و مساحات مختلفة وتشطيب محترم ومواقع مميزة وغير مميزة,,
إشارات...
على سرالختم!!!وينك يا زول؟؟؟إنت جادى ,, لقيت أترك فى أمستردام!! نجاة يا بنت خالتى ما تبيعى لى الأرض دى ؟؟تبلدينا دا خليهو يرجع أهلو ويفكنا!!! ونسأل الله فعلا ألا تحدث كعة تجعل من كل الموضوع شمار فى مرقة,,,
تحياتى,,
| |
|
|
|
|
|
|
Re: يا ناس الخرطوم أسعار الأراضى بالخرطوم....................... (Re: الامين موسى البشاري)
|
Quote: وومن باب العلم باسعار الاراضي و لا الجهل به و لو سمحتو اسعار الخوجلاب الجديدة مربع 1 درجة تالتة 400 متر الخوجلاب الجديدة مربع4 درجة الأولى 500 متر الخوجلاب الجديدة مربع40 درجة التالتة 311متر الثورة ة مربع الحارة 91 درجة تالتة 300 متر الأندلس الدرجة التالتة 300 متر الفاتح مربع 7 الدرجة التانية 400 متر الوادي الاخضر مربع 30 درجة تالتة |
سلامات منصور صاحب الحوش وعبد القادر لكم التحية يا عبدو ياخ المرة دى بالله ما تطنشنا شوف لينا الخوجلاب دى ولك الود
| |
|
|
|
|
|
|
Re: يا ناس الخرطوم أسعار الأراضى بالخرطوم....................... (Re: أحمد إسماعيل)
|
السلام عليكم و رحمة الله الأخ منصور ، أتمنى أن تكون بخير و عافية قرأت الموضوع في سودانيوز أون لاين و أود مساعدتك في عرض قطعتين بالأزهري واحدة في مربع 5 و التانية في 3 لو في زول عندو الرغبة - لو تكرمتا مافي داعي لنشر الإسم و الإيميل أنا حأكون متابع الموقع إن شاء الله و لو رسلتا لي تلفونك أكون شاكر و مقدر في أمان الله
| |
|
|
|
|
|
|
Re: يا ناس الخرطوم أسعار الأراضى بالخرطوم....................... (Re: عصام دقداق)
|
اخى عصام مربع خمسه الان يتراوح بيم 145 مليون حتى 165 مليون كما ان الجامعه التى زكرتها تقع فى الناحيه الجنوبيه الشرقيه من المربع بالقرب من الظلط الذى يصل بمنزل جورج كنقور فى مربع سته واذا قطعتك بتقع ثالث ناصيه من الظلط البيجى من جامعه السودان فلدينا الرغبه فى الشراء ويمكن ان نتواصل تلفونيااو بالماسينجر لك الشكر
| |
|
|
|
|
|
|
Re: يا ناس الخرطوم أسعار الأراضى بالخرطوم....................... (Re: abdelgadir mustafa)
|
الاخ ماجد حسون اولا الشراء فى مثل هذه المربعات حسب اعتقادى المتواضع ليس بغرض السكن فالمربعات حتى الان لاتوجد بها خدمات ابداكما لا يوجد بها اى مبانى حتى الان كما ان الطرق غير مربوطه بطريق رئيس رغم قرب بعض هذه المربعات للحى الدبلوماسى مثلا انا انصح بالشراء بالوادى الاخضر او الخوجلاب ولا انصح بدريم ويمكنك خلال ثلاثه اشهر ان تلاحظ الفرق فى قطعه قمت بشرائها فى مربعات دريم او مربعات الوادى الاخضر والخوجلاب يظل ما قلته اعلاه راى شخصى قابل للصحه والخطأ فلك الخيار سيدى
| |
|
|
|
|
|
|
Re: يا ناس الخرطوم أسعار الأراضى بالخرطوم....................... (Re: abdelgadir mustafa)
|
.. .
Quote: بالله أى مشارك ممكن يفيد عن أسعار الشقق بمنطقة الخرطوم والخرطوم2 والعمارات والرياض والطائف يفيدنا بالعندو,, سعر المتر المبنى و مساحات مختلفة وتشطيب محترم ومواقع مميزة وغير مميزة,, |
عزيزنا الاخ ايمن ياخى والله اسفين ما نسيناكـ بس خليها على الله شقة فى نفس الشارع بتاعك الكلمتنى بيهو بالرياض تشطييب لوكس - مكيفات اسبيلت - مراوح ونجف 3 غرف كبيرة ومطبخ كبير مجهز ووهول فى حرف L وحمامين وموقف سيارات (اندر قراوزند) موقف لكل شقة .. السعر 175 الف دولار امريكى ابو صلعة .. نفس السعر ينطبق على نفس المواصفات فى نمرة اتنين وقد يزيد الى 200 الف دولار
الشقق فى شارع 41 - شقة تشطيب ديلوكس ايضا 3 غرف طابقين .. مواقف وحراسة ب 200 الف دولار ..
دى اسعار اليوم ..
-------------
انا شايف تشترى فيلا فى ولاية فيرفاكس بفرجينيا او مزرعة بيت به خيول فى نابلى احسن ليك ..
الصورة دى من فير فاكس قلنا نعقد ليكم بيها مقارنة ساااى :)
| |
|
|
|
|
|
|
Re: يا ناس الخرطوم أسعار الأراضى بالخرطوم....................... (Re: Tabaldina)
|
الاخ تبلدينا مافى اى مقارنه طبعا بين الصوره وواقعنا فى السودان ودا البحير الزول السبب شنو عاوزين نفهم بحساب بسيط ليه الفرق فى سعر الاراضى والشقق حتى فى مصر القريبه دى الاسمنت عندهم باربعه جنيه ونحنا عندنا بسبعه وعشرين جنيه الحديد عندهم بحوالى 500 جنيه وعندنا وصل 3000 الف جنيه سعر الارض عندنا مضاعف عن بقيه دول العالم
| |
|
|
|
|
|
|
Re: يا ناس الخرطوم أسعار الأراضى بالخرطوم....................... (Re: Abdelmuhsin Said)
|
Quote: اخى عصام مربع خمسه الان يتراوح بيم 145 مليون حتى 165 مليون كما ان الجامعه التى زكرتها تقع فى الناحيه الجنوبيه الشرقيه من المربع بالقرب من الظلط الذى يصل بمنزل جورج كنقور فى مربع سته واذا قطعتك بتقع ثالث ناصيه من الظلط البيجى من جامعه السودان فلدينا الرغبه فى الشراء ويمكن ان نتواصل تلفونيااو بالماسينجر لك الشكر |
رسل رقمك في الخاص صاحب القطعة نازل السودان وانتظر كول منو --
الحبيب عبدالقادر سالت عدة مرات عن سعر قطعة علي زلط الامتداد الثورة 37 ناصية وخامس قطعة من التقاطع الرئيسي 607 متر كم تساوي حاليا؟؟؟؟؟
| |
|
|
|
|
|
|
Re: يا ناس الخرطوم أسعار الأراضى بالخرطوم....................... (Re: نجاة محمد بابكر)
|
الاخوة الكرام تحايا وسلام كل المؤشرات تشير الى انهيار سوق العقار فى السودان اولها انقسام الوطن الى نصفين و التدهور الاقتصادى المريع بكل ملحقاته وعدم الاستقرار السياسى الذى يلوح فى الافق وتدهور قيمة العملة الوطنية والهلع وفلس مافيا الاسلام السياسى التى هى طرف مؤثر فى سوق العقارقبل ستة اشهر فقط كانت المائة مليون جنية بالقديم تساوى اربعين الف دولار والان تساوى ثلاثين الف 25% خسارة وعلى ذلك قس
| |
|
|
|
|
|
|
Re: يا ناس الخرطوم أسعار الأراضى بالخرطوم....................... (Re: abdelgadir mustafa)
|
تشهد مناطق واسعة من ولاية الخرطوم ركوداً حاداً وتراجعاً في الطلب على العقارات والايجارات خاصة المناطق الطرفية،وتفيد متابعات الرائد بمدن الخرطوم وبحري وأم درمان بحدوث تراجع فى الطلب على العقارات والايجارات في كثير من المناطق الطرفية، وكشفت جولة للرائد في الخرطوم شرق ان سعر قطعة الارض بلغ حوالي (190) ألف جنيه وفي الصحافة وسط (180) ألف جنيه وفي الطائف تبدأ أسعار القطعة من 250الف جنيه إلى ب450 للقطعة المميزة وفي منطقة الأزهري الدرجة الأولى تباع باسعار تتراوح بين ألف جنيه160 الى 200 ألف جنيه للقطعة المميزة وفي اركويت تبدأ الأسعار من ألف جنيه180 الى (200) ألف جنيه إلى 350الف جنيه للقطعة المميزة كما بلغ متوسط سعر القطعة في امدرمان مدينة المهندسين بين ألف جنيه300 إلى(350) ألف جنيه وفي بانت (250) ألف جنيه وفي ابوسعد (150)ألف جنيه وفي منطقة الدوحة بام درمان تباع القطعة الدرجة الأولى 260الف جنيه للقطعة المميزة بينما عزا السماسرة وأصحاب الوكالات العقارية تراجع الطلب بسوق العقارات إلى عدم توفر السيولة . ويؤكد عثمان جبريل - سمسار بمنطقة أم درمان - تراجع الطلب على شراء العقارات خاصة في مناطق الفتيحاب وابوسعد والمربعات ومناطق غرب أم درمان في أمبدة ودار السلام. وفي السياق نفسه يؤكد الزين الله جابو - سمسار عقارات بمنطقة الخرطوم جنوب - تراجع الطلب على العقارات في الكثير من المناطق جنوب الخرطوم في كل من الانقاذ والازهري. وعزا الله جابو الركود في سوق العقارات إلى حالة ضعف السيولة التى تلقى بظلالها على الوضع التجارى . وفى ذات السياق نفى الطيب حسن - صاحب وكالة ببحري - تأثر حركة الطلب على القطاع العقاري في الكثير من المناطق ببحري، وقال الطيب في حديثه لـ(الرائد) ان حركة السوق العقاري تحكمها العديد من العوامل ولايمكن الحديث عن عامل واحد يؤثر في تحديد الأسعار وقيمة العقار في ظل التطورات المتسارعة في ولاية الخرطوم. وقلل الطيب رغم ضعف السيولة الا ان الطلب على على سوق العقارات كبير مؤكداً الى انه في ظل حالة النزوح المتزايدة من كافة انحاء السودان إلى الخرطوم ليس من السهل حدوث تراجع في الأسعار بالقطاع العقاري
| |
|
|
|
|
|
|
|