|
Re: استفسار عاجل ......عن اراضي الوادي الاخضر (Re: بكري عباس علي)
|
يا بكري تحياتي لو أنت من رجال الاعمال في الشهر القادم سوف يكون هنالك مزاد لمجموعة دكاكين سوق هذا المنطقة بواسطة دائرة الاستثمار بشرق النيل (المحلية ) ومنطقة الخدمات التابعة للسوق المنطقة مبشرة جدا علي كافة الاصعدة الاستثمارية بس أراضي سكانية ألا شراء من الملاك أو الذين منحوا بها قطع سكانية والاسعار كما أفاد الزملاء لك ودي
| |
|
|
|
|
|
|
Re: استفسار عاجل ......عن اراضي الوادي الاخضر (Re: بكري عباس علي)
|
الأخ بكرى، تحياتى وشكرا على البوست الهام، انا أرغب فى معرفة نفس المعلومات ، بس أخشى يابكرى ان يدخل تجار الاراضى والسماسرة لرفع الأسعار، احد أصدقائى من البطاحين قال أحذر ما تشترى من الوادى الأخضر ، دى أراضى أهلنا وحنستردها بعدين ، طبعا دعابة وان شابها شىء من التهديد الخفي، لكن للضمان لابد من التأكد من ان وضع هذه الأراضى قانونى ولاتشوبه أى شبهات ، فى انتظار المعلومات مثلك، مودتى .
| |
|
|
|
|
|
|
Re: استفسار عاجل ......عن اراضي الوادي الاخضر (Re: محمد على حسن)
|
و لو سمحتو الاسعار الخوجلاب الجديدة مربع 1 درجة تالتة 400 متر الخوجلاب الجديدة مربع4 درجة الأولى 500 متر الخوجلاب الجديدة مربع40 درجة التالتة 311متر الثورة ة مربع الحارة 91 درجة تالتة 300 متر الأندلس الدرجة التالتة 300 متر الفاتح مربع 7 الدرجة التانية 400 متر
| |
|
|
|
|
|
|
Re: استفسار عاجل ......عن اراضي الوادي الاخضر (Re: محمد على حسن)
|
اخينا بكرى عباس لك عاطر التحايا على الرغم من اجابتى المتكررة لاسئلة حول موضوع الوادى الاخضر للقادمين من انحاء العاصمة وبصورة دورية كل جمعة وعن المرابيع وامكنتها وافضليتها ووو.. الخ الا اننى لم امل من تقديم المعلومات لكل سائل ويبقى واجب علينا اذا كان السائل زميل منبر وحرف مكتوب . يتكون الوادى الاخضر من عدد 58 الف قطعة سكنية منها حتى الان منازل مشيدة مدينة الصحافيين (مربع 20) والاسكان الشعبى والاقتصادى (معا) (مربع 21) بيوت الصحافيين عددها 980 منزل بالوادى الاخضر والاسكان والاقتصادى 1500 منزل والاسكان مكون من جزئين ، سكن شعبى وهو استحاق خطة اسكانية يدفع فيه الفرد مبلغ 3.500 بالقديم تلاثة ملايين ونصف والسعر الكلى 27 مليون وكل المنازل قد تم سحبها فى مربع 21 اما القسم الثانى فهو الاقتصادى وسعر المنزل مكون من غرفتين وحمام ومطبخ 36 مليون تدفع 18 مليون نقدا والباقى يسدد فى ثلاثة سنوات وفيه نظام الفلل فى البداية كانت الفلا المكونة من اربعة غرف بهولاتها والحمام والمطبخ بسعر 60 مليون والان ذاد سعرها ووصل الى 67 مليون ويوجد عدد قليل منها لا يتجاوز العشرين واعتقد بنهاية الشهر سوف تباع . وهناك مربع 15 الذى تم تشييده (مساكن جاهزة ) وتم تسليم الى المستحقين وبعضم قد سكن فيها فعلا . بخصوص المربعات الاخرى هى من ( 1-14 ) هى قطع سكنية تم توزيعها وتسليمها لمستحقيها يضاف اليهم 15 و16 هى المربعات المبنية سماكن جاهزة منها مربع 16 لم يبدا العمل فيه اصلا . مربع 17 ومربع 18 ومربع 19 هذه ملاصقة لمدنية الصحافيين وموزعة درجة اولى 520 متر مربع المربعات من 22 الى 58 اراضى قطع منها حوالى 8 الف قطعة منحت للناس الزواج الجماعى . بخصوص اسعار الاراضى الدرجة الاولى السعر المناسب للشراء (15- 16) باقى الكلام صدقونى خداع يعنى الناصية بى 16 والعادى ب 15 وافضل المربعات هى 40 و41 و42 و43 و44 و45 و46و65و60و61 هذه معلوماتى وانا من اوائل من سكن الوادى الاخضر مربع 20 مدينة الصحافيين . بالامس اتصل قريب صديقى شايف اسعار السفارة السودانية بالمملكة السعودية عالية جدا ويمكنكم ان تقارنوا بين اسعار السوق واسعار السفارة . اسواء مربع هو مربع .... هناك مربعات تاتى مجراى السيول فيها فاحزروها .
| |
|
|
|
|
|
|
Re: استفسار عاجل ......عن اراضي الوادي الاخضر (Re: عبد الواحد أبراهيم)
|
يا اخينا عبد الواحد ابراهيم معلومات كتيرة ومفيدة .. لكن ولغرض البوست عايزين الاسعار في مربعات معينة وأين تقع هذه المربعات .. 71 و 72 و 78 بالتحديد .. لانو دي المربعات الشغالين في توزيعها اليومين ديل بالدوحة بواسطة وفد الاراضي .. وبما انك من سكان المنطقة فياريت تدينا المعلومات اليوم قبل باكر لانو اخر يوم للوفد في الدوحة هو الخميس القادم وبالذات حتتك الاخيرة دي
Quote: اسواء مربع هو مربع .... هناك مربعات تاتى مجراى السيول فيها فاحزروها . |
ياخي بي كلامك ده يصبح معلومات الاولى ديك كلها تشيلها ترميها البحر بس ادينا خبر اسو مربع ده وموقعو وين
| |
|
|
|
|
|
|
Re: استفسار عاجل ......عن اراضي الوادي الاخضر (Re: عبد الواحد أبراهيم)
|
Quote: الاخ بكري سلام الوادي الاخضر مشروع كبير وضخم وفيه اراضى بيعت للفئويين واخرى للاهالي فهناك اراضي بيعت للصحفيين - هذه غير المنازل الجاهزة الاسعار هناك تتراوح بشكل عام بين 18 الى 25 مليون السكن في المنطقة صحي جدا بحسب زيارة سجلتها لبعض السكان فيها |
الاخ كمال ادريس الاراضى لم تصل مبلغ ال 25 مليون لكن فى بعض الناس بيبيعوا
منازلهم الجاهزة ودى تتوقف على نسبة الزيادة فى المنزل مثلا وغيره من
العوامل الاخرى
ومعظم الاراضى هى خطة سكنية او اسكانية . اما الفئويين فعددهم قليل الصحافيين .. معاشيو القوات المسلحة والشرطة .. اساتذة الجامعات هولاء منحو ايضا جوار مدينة التلال .. لكن فى الخريف حاجة بطالة .
| |
|
|
|
|
|
|
Re: استفسار عاجل ......عن اراضي الوادي الاخضر (Re: بكري عباس علي)
|
Quote: الاخ عبد الواحد شكرا علي معلوماتك الوافية ولكننا وكما ذكر الاخ صلاح ليون بصدد معرفة وضع المربعات من
70 - 78 لانه دي هي المطروحة حاليا بالسفارة ؟ |
تعرف يا بكرى ناس الاسكان زاتم ما بكونوا بيعرفوا المربعات دى وين
اتصلت على مهندس وقال ما مكان الا شرق مدينة الصحافيين بى 10 كليو
المهم يا زول بره خالص لانو المربعات التى تقع شرق الصحافيين هة 17و18و19 واى
مدينة جديد تقع بعد الاحياء الاخرى بما فيها ال 8الف قطعة بتاعت الزواج الجماعى يعنى اى مربعات جديدة بتكون بد دالك .
| |
|
|
|
|
|
|
Re: استفسار عاجل ......عن اراضي الوادي الاخضر (Re: عبد الواحد أبراهيم)
|
الاخ عبد الواحد .. شاكرين لي معلوماتك ولكن لسه .. انحنا ماشين على الناس ديل وعايزين ندفع .. لكن ادينا شوية معلومات أدناه .. صورة للوادي الاخضر من الويكيمابيا .. وطبعا المسميات دي مكتوبة بواسطة ناس وممكن تكون معلومات مغلوطة .. فلو تفضلت وضح لينا وين مكان المربعات على حسب علمك وما هو آخر مربع تعرفو ووين موقعو .. والمكان العليهو علامة استفهام ده ما مكتوب عليهو حاجة في الويكيمابيا فالمكان الفيهو عمران وفوق مدينة الصحفيين ده شنو ؟ وكمان لو وريتنا تقريباً كده مكان السيل بي وين تكون ما قصرته.. شاكرين ليك مقدماً
| |
|
|
|
|
|
|
Re: استفسار عاجل ......عن اراضي الوادي الاخضر (Re: بكري عباس علي)
|
عزيزى ليون المنطقة الاسواء هى جزء من الدرجة الاولى فى الفاصل بين الصحافيين
ومربع 15 الذى توجد فيه علامة الاستفهام يعنى جزء من الدرجة الاولى تقريبا
قصاد المستطيل المكتوب فيه الدرجة الاولى ( المستطيل المن تحت ) كما المياه بتجى جارية بين المستطلين المكوب فى كل واد الدرجة الاولى ثم تتجه الى المساحة الفارغة بين الصحافيين وبين مربع 15 المشار اليه فى الخريطة بعلا مة الاستفهام. بخصوص مربعات 70 و78 والله ما عارف محلها وين لكن ذى ما وضحت ليك اعلاه .
| |
|
|
|
|
|
|
Re: استفسار عاجل ......عن اراضي الوادي الاخضر (Re: عادل عوض بلال)
|
أنا قايتو يا جماعة عندي قطعة رقم 290 مربع 51 الوادي الأخضر مساحتها 520 متر وناوي بجد أبيعها وللجادين والراغبين فقط
ومنها نعرض القطع دي (1) هيكل عمارة جاهز للسقف بمربع 34 بالسوق المحلي رقم 1216 بمساحة 130 متر
(2) دكان رقم 343 مربع 34 السوق المحلي بمساحة 50 متر
والأسعار حسب السوق يا شباب
| |
|
|
|
|
|
|
Re: استفسار عاجل ......عن اراضي الوادي الاخضر (Re: أيوب خليل)
|
حبيبنا عادل عوض بلال تحياتى
Quote: الأخ عبد الواحد أشكرك على الإيضاحات والإفادة المفيدة جدا بس أنا عندي قطعة في مربع 12 أرغب معرفة هل هي ضمن القطع الأسواء أم لا ضروري الإفادة وشكراً ليك مقدماً. |
مربع 12 بعيد جدا عن مناطق السيول وافتكر هو كويس جدا وجنوب مباشرة موقف مواصلات من الناحية الجنوبية ( محطة ضخمة) مدينة رياضية برضو جنوبه وطبعا الكلام كلو حتى الان على دى الورق .
| |
|
|
|
|
|
|
Re: استفسار عاجل ......عن اراضي الوادي الاخضر (Re: بابكر التوم)
|
بابكر التوم عاطر التحايا
Quote: ممكن توضيح ولو بالتقريب المربعات الممكن تكون بمجرى السيل ...
معروضة لى قطعة بمربع 55 درجة ثالثة كيف المربع دا ؟ وتقريبا كم سعرها ؟
وايضا مربع 35 الاتوزع فى المغتربين موقعة برضوا لانو انت ذكرت سابقا المربعات الجيدة
مع شكرى |
بخصوص 55 دى اياضا بعيد من مجرى السيل ويقع شمال شرق مدينة الصحافيين بخصوص سعر الدرجة التالتة (6,500 ) اما مربع 35 افتكر كويس جدا لكن بعيد بيكون قصاد الدروشاب او ام القرى .
| |
|
|
|
|
|
|
Re: استفسار عاجل ......عن اراضي الوادي الاخضر (Re: Hisham Ibrahim)
|
الوادي الأخضر مساحة مهولة ، أرض منبسطة يمكن الذهاب إليها عن طريق كبري المنشية الجديد أو الطريق الذي يمر بكافوري والصناعات أو من الحاج يوسف وهذا هو الطريق الذي سلكته ، لم أجد طريقة للوصول حسب الوصف بل تبعت حافلات عليها شريط أخدر ومكتوب مواصلات الوادي الأخضر اندهشت لكمية الفلل الجاهزة للتسليم ( عن طريق البيع المباشر) ، سبعة وستين مليون للواحدة ، 30 مليون مقدم والباقي أقساط قابلت صاحب مكتب عقار وصورت منه الخريطة المرفقة معظم المربعات الشمالية بها خدمات كهرباء ومياه تقد الراس وسكان عندهم ميدان كورة وسوق خضار صغير ومحلات كثيرة لبيع مواد البناء خبطت على أحد السكان الجدد ، في الإسكان الشعبي ، بيته مبني من البلكـ الكامل وبه إمكانية طايق ثاني قال انو ارتاح من فلوس الإيجار الشهرية البالغة 500 ألف بالحاج يوسف لم يتردد في الرحيل رغم إنو لسه ما عندو جيران ، هو وأولاده يبدو عليهم الإنهماكـ في التحركـ داخل البيت ومساطيرهم معاهم ، أصغرهم شغال يدلع في حديقة البيت الخارجية ، على الشارع يعني رغم مساحة البيت الجيدة ولكنها ثقافة الإعتداء على مترين زيادة من الشارع الرئيسي لا يبدو أن أخطاء التخطيط ستطال هذه المنطقة فالشوارع يمكن أن تكون بمواصفات جيدة من حيث المساحة الأسعار كما ذكر أعلاه ، فقط سعر الـ 18 مليون للقطع التي لم تصلها الخدمات حسب إفادة صاحب العقار ، رغم أنو طبعاً بيديكـ السعر باعتبارو 14 مليون المربعات من 39 - 40 - 41 - 42 والتي أسفلها حسب الخريطة لم تصلها الخدمات بعد ( سعرها 14 - 17 ) مليون
| |
|
|
|
|
|
|
Re: استفسار عاجل ......عن اراضي الوادي الاخضر (Re: أحمد إسماعيل)
|
الشيخ القال الوادي الاخضر يبعد 50 كيلو من سنتر الخرطوم..ياررررررررررررررراجل.انا اسكن في مدينة الصحافيين ولي سنة كاملة هناك.الوادي يبعد 23كيلو من سنتر بحري وحوالي 26كيلو من سنتر الخرطوم وزميلنا عبد الرحمان حنين الصحفي بجريدة الوطن عندو كوريلا موديل80وبيصل بمبنى الجريدة القديم "بين شارعي القصر والمك نمر" في نصف ساعة والوادي سكن مثالي لاي زول ماعندو عقدة من الاطراف ومربع الصحافيين مخطط بشكل مثالي والهوا نضيف والمجتمع الموجود كلو من الطبقة الوسطى التي انهكها "البوبار وغز الاريال في بيت الايجار "
| |
|
|
|
|
|
|
Re: استفسار عاجل ......عن اراضي الوادي الاخضر (Re: عمران حسن صالح)
|
Quote: وكمان لو عملوا لؤلؤة ياسلاااااااااااااااام
اديهم الراي دا عليك الله |
بس جزيرة اللولوة دى مافى ليها طريقة . عشان المسؤلين الفى السودان الجو اشتروا فى جزيرة اللولوة فى الدوحة ديل مايكونوا اتمقلبوا
بعدين الحاجات دى كلها عاوزاها فى مربع 53 . ده انتى طلعتى طماعة ياشبكة
| |
|
|
|
|
|
|
Re: استفسار عاجل ......عن اراضي الوادي الاخضر (Re: SHIBKA)
|
Quote: بخصوص مربعات 70 و78 والله ما عارف محلها وين لكن ذى ما وضحت ليك اعلاه . |
مربعات 70 وحتى 78 دى لسه هم ذاتهم ماعارفين مكانها !! المهم عندهم الآن يلهفوا دولاراتكم دى ويحلوا مشكلة العمله الصعبه دى وبعدين الله كريم . ممكن تكون بالقرب من دنقلا وممكن تكون جنب ( كمل نومك ) . المهم أى واحد عايز يشترى أرض عن طريق وفود الحكومه البتجرى وراء المغتربين دى يعتبر نفسو إشترى أبو الهول !! عندك قروش أركب طيارتك وأمشى إشترى على الطبيعه كفايه الحصل لينا فى مشروع سندس !!
| |
|
|
|
|
|
|
Re: استفسار عاجل ......عن اراضي الوادي الاخضر (Re: كمال سالم)
|
Quote: عندك قروش أركب طيارتك وأمشى إشترى على الطبيعه كفايه الحصل لينا فى مشروع سندس !! |
لا حول الله
ده جنسو شنو والله نفس الناس ديل جونا في باريس باعو لينا نفس الاراضي ونفس المربعات البتتكلمو عنها هنا وقبل ما يجو كانو في سويسرا وبعدينا مشو تركيا. يا ود الصايم ولاشبكه القي زول فيكم معاوقطتعتي بس عكاكيز
المهم التوزيع تم في سويسرا وباريس تركيا في المربعات من40حتي 78بي اسعار من 6مليون الي 10مليون سوداني والدفع في السودان .
| |
|
|
|
|
|
|
Re: استفسار عاجل ......عن اراضي الوادي الاخضر (Re: بكري عباس علي)
|
Quote: الاخ عبد الواحد اسعار الاراضى فى المربعات من واحد لى اربعتاشر, بعدين
فى مبانى جاهزة معروضة الان وما هى اسعار المربعات من اربعين لغاية ثمانية وخمسين |
عزيزى حسون بخصوص 1-14 اسعارها مش غالية تتراوح ما بين 6 وصف وسبعة ونصف اما من 40 الى كم وخمسين دى اراضى الدرجة الاولى وسعراها ما بين 16 الى 17 مليون.
| |
|
|
|
|
|
|
Re: استفسار عاجل ......عن اراضي الوادي الاخضر (Re: عبد الواحد أبراهيم)
|
السلام عليكم ..
معاوية محمدالحسن إنت غاتس بي هني ونحن نفتش؟ .. مشتاقين ياخ ..
ياجماعة قصة القرب والبعد من الخرطوم دي حقوا الناس تتجاوزها .. لأن الزمن تغير وما معقول لسه نقعد نقيس المواقع الحضرية والخدمات بالقرب أو البعد من وسط الخرطوم أو بحري.. لأن هذه الإمتدادات الجديدة للعاصمة مصيرها تتعمر وتنشأ فيها مراكز تسوق ومراكز حضرية ستفوق وسط العاصمة .. وأعتقد نمط العيش المستقبلي زاتو سيتغير - فليس من الضروري أن تكون ساكن جنب الدكان أو البقالة عشان تتناول احتياجاتك باليومية وتحس بالإطمئنان لأنك ساكن جنب السوق .. لأنو مستقبلاً ممكن المنطقة تربط بشبكات مواصلات وطرق واسعة وفاضية تجعل الإنتقال من الوادي الأخضر لوسط الخرطوم أسهل من الزحف في المواصلات أو بالعربية من الأملاك للخرطوم ..
عندما بدأ الناس في الرحيل للحاج يوسف كانت أبعد من شندي .. اليوم الحاج يوسف اصبحت عاصمة .. الثورات والصحافات دي زمان كانت تعتبر سقط لقط .. نحن كنا في الشعبية نعتبر الحلفايا أقاليم عديل .. المهم يا اخواننا حقو نضع في بالنا إنو الحياة تتسارع وتتغير والعاصمة ستصبح عدة مراكز حضرية - فلا يجب أن نكون مقفولين في الذهنية القديمة بتاعة وسط الخرطوم أو وسط بحري .. يعني الواحد عاوز يسكن في وسط الخرطوم عشان يعمل شنو يعني؟؟ .. عشان تصل الشغل بدري؟؟ .. لاحظ إنك لو شغال في السوق العربي مثلاَ وجيت من الدروشاب سيكون تسعين في المية من زمن المشوار حيكون بعدما تصل الكباري ..
العندو فرصة يشتري يشتري ومافي داعي للتثبيط .. والشكر للصحفيين الذين دقوا صدرهم وعمروا المنطقة .. بالرغم إنو عبدالواحد ده أنا كنت قايلو ساكن أمري الجديدة .. أتاريك يا عبدالواحد لابت في الوادي الأخضر ..؟
أها بعد النقة بتاعتي دي اخبرونا عن أحوال مربع ٤٢ عندي فيهو قطعة ناصية - خطة اسكانية - .. الناس سكنوا واللاّ لسة .. لأنو الواحد عاوز لو الله مدَّ في العمر نجي نضرب الهمبريب زي ناس الحاج يوسف والدروشاب زمان .. حينما كان الترحيل باللواري ..
الشارع ده في يوم من الأيام حيبقي شارع نيل .. بإذن الله ..
| |
|
|
|
|
|
|
Re: استفسار عاجل ......عن اراضي الوادي الاخضر (Re: Amiral)
|
Quote: وصدقنى اذا جربت بت فى الوادى الاخضر سوف تستمتع بنومة هنيئة . (ريف فرنسى ) .
|
سلام يا عبد الواحد
إنت بت دي قاصد بيها المبيت يعني نمت ليك ليلة في الوادي الأخضر
لكن حسب البرادايم بتاعي كما يقول فايز القاضي أنا كنت قايلها بت بمعني بنت
| |
|
|
|
|
|
|
Re: استفسار عاجل ......عن اراضي الوادي الاخضر (Re: احمد حسن)
|
فقيرى
Quote: سلام يا عبد الواحد
إنت بت دي قاصد بيها المبيت يعني نمت ليك ليلة في الوادي الأخضر
لكن حسب البرادايم بتاعي كما يقول فايز القاضي أنا كنت قايلها بت بمعني بنت |
المعنى الاول هو المقصود .. بعدين براحة علينا الانقاذويين ديل بيأخذوا بالشبهات
يقوموا يجلدونا او يرجمونا .. يعنى ممكن واحد يقول ليك انا حلمان ان زنيت ولا كدة
مش برضو واحد قال لفاروق كدودة انا حلمان انى فصلتك من الجامعة وقام فصلو بالجد فى اليوم
الثانى من جامعة الجزيرة كلية الاقتصاد .
| |
|
|
|
|
|
|
|