|
|
 Re: جــــامعة ســـودانيزأونلايـن .....بالله أدخل وعااااين وبعدين قاااارن !!! (Re: salma subhi)
|
الأخت سليمى
سلام على روحك الطيبة..
دعيني أجر قدمك إلى حوار من مقصدك بتكوين هذه الجامعة:
فسؤال المعارف في مجال ما هو ثقافي ما يزال مطروحا ، إن لم أقل يقاوم من لدن جهات لا تؤمن بالثقافي و تكرس بكل الوسائل المتاحة لها ثقافتها المضادة لثقافتنا التي نمت وتنمو في هذا المنبر ، و لسوء حظها فالثقافة الحقة منذ ابتكار الكتابة قبل 3500 سنة قبل الميلاد لم تخلق إلا لدعم و إعادة إحياء و تجديد القيم الإنسانية النبيلة وأحسب يا سليمى أن تلك هي الجامعة التي تدعين إليهافي هذه المساحة ولكن الملاحظ هنا أيضاً أن هناك بعض يصر إن لم أتفق معه فأنا في خانة الضد وربما العدو .. مشكلتنا تنحصر في عدم إحترام فكر الآخر والإسراع بتخوينه .. ولكن الخوف من الدخول دوما في صراع مهما كلف من ثمن مع تلك الجهات "المعرقلة"و التي ألفت العيش في الفتات و النمو السريع و التسلق الأسرع في المياه الراكدة ،لأن الضفادع لايمكنها أن تسمع صوتها إلا من داخل المستنقعات المسائية... عفواً ومعذرة إذا ضاق الصدر بترهاتي .. وعفواً إن ضاق بلا قصد مني.. يمكن فعلاً أن يكون هذا المنبر جامعة بحق وحقيق.. لك التحية والتقدير
| |
 
|
|
|
|
|
|
|
|
Re: جــــامعة ســـودانيزأونلايـن .....بالله أدخل وعااااين وبعدين قاااارن !!! (Re: salma subhi)
|
الأستاذ الفاضل أبوبكر يوسف إبراهيم.....
أهلاً بالحكمة من قلم كاتب راقٍ حكيم ننحني إجلالاً لروعة ما يكتب..وكم تتنوع الأقلام....!!!
أوقن تمام اليقين بأنها حكم لمفكر يعي جيداً مفاهيم الحياة والتي كتبت بحنكة وخبرة... .روئ تأمل أن يشق النور طريق الثقافة والقيم النبيلة ....أوِ تظن يا سيدي يوماً باننا نعبرها دون أن نلتفت إليها....كلا !! فقد اقتبسانها وهي في دفاترنا مدوّنة....وفي ذاكرتنا محفوظة....كلمات نسترجعها من سجل غني بمعرفة الزمن والزمان.....وهو ضوء نستنير به جميعاً وسيطوف دوماً في فلكنا....وحوله ندور....وسندور...فليطمأن قلبك....وأعي مقصدك تماماً...ولكن لكلٍ رأيه واسلوبه....ولا ننكر بان هذا المنبر ثرى بالعديد من الثقافات التي يشار اليها بالبنان..وكلنا يعي ذلك تماماً...حتى وإن إختلفت الآراء ...فإننا نوقن كذلك بأن إختلاف الرأي لا يفسد للود قضية....وتنوع هذه الثقافات يؤهل سودانيزأون لاين لأن تكون جامعة واقعية وليست من محض الخيال...فالتحية لكل قلم زاده المعرفة.........
لن نلعن الظلام ولكن لنوقد شمعة حتى وإن بللها الماء سنجد طريقة لإضاءتها !!هذا المنبر هو جامعة بحق وحقيقة وسيكون أفضل من ذلك يوماً ما....
هو الأمل يا سيدي الفاضل !! 
دمت لنا قلماً أنيقاً وقلباً نابضاً بحروف الصدق والحكمة والتقدير والإحترام...
تقبل فائق امتناني وشكري الجزيل
.......
| |
|
|
|
|
|
|
|
|
|
Re: جــــامعة ســـودانيزأونلايـن .....بالله أدخل وعااااين وبعدين قاااارن !!! (Re: salma subhi)
|
الرطاني
| Quote: تعلن مجموعة بتاعتنا وجامعتنا ان الشابة سلمي صبحي ليس لديها اية علاقة بجامعتنا ولم يتم تعينها ابدا بتاتا وانا اعلاناتها تخصها هي فقط وليست جامعتنا "جامعة سودانيزاونلاين " ولكن اذا قدمت للالتحاق بالادارة فسننظر في امرها وبس |
يعني لو ظهر ليكم في ال CV اسم(سلمى حسن عباس صبحي) ايعقل تتصفحوا باقي السيرة الذاتية ؟
والله دى ابوها يكون درّس ليك المسئولين كلهم بما فيهم الامنجية ذاتهم والله برفعة تلفون بس يخلوك تتراجف يا رطاني .
وما تتبوبر ساى والله سلمى يدها لاحقة اكان اظهرتم اداءا ناجحا في ادارة الجامعة وارتفعت اسهمها تقوم بتحت تحت تسلط ليك مجموعتها الاستثمارية الخفية لشراء المعروض من الاسهم كلووووو لحدى - وانت غافل - تجدهم عملوا استحوذوا تاني على الجامعة .
حاسب دى مش هندسة معمارية او مدنية دى هندسة السيطرة الاقتصادية يا الحبيب .
هييييييييييع تبقى تتلفت سااااااااااى
| |
|
|
|
|
|
|
|
|
|
Re: جــــامعة ســـودانيزأونلايـن .....بالله أدخل وعااااين وبعدين قاااارن !!! (Re: abubakr)
|
استاذي القدير أبوبكر....
لن أوفيك حق قدرك مهما قلت.......ولن أستطيع تجميع كلمات الشكر والثناء مهما حاولت....فلمثلكم ننحني إجلالاً...ولهذا الخضم المتدفق من المعرفة....عرفتك من خلال المنبر إنسان وكاتب ذو نظرة ثاقبة وفكر تقدمي متزن،وأسلوب واضح مشرق التعبير....وكم هو شرف لي أن تكون استاذي ودوماً لك تقديري وإحترامي ( حتى لو شلت الجامعة ذاتها)....
شكراً استاذ أبوبكر ...شكراً سيدي الفاضل
| |
|
|
|
|
|
|
|
|
|
Re: جــــامعة ســـودانيزأونلايـن .....بالله أدخل وعااااين وبعدين قاااارن !!! (Re: salma subhi)
|
| Quote: ...ولهذا الخضم المتدفق من المعرفة |
ياسلمي وبصدق لا تحمليني مسئولية انا لست مؤهلا لها .. ربما " بعض المعرفة" مثلي مثل الكثيرين اما" خضم متدفق " فاكيد ليست لي .. ليس هذا تواضعا وانما جبنا فمعرفة كثيرة تستوجب قنوات كثيرة لتوصيلها لغيري ليستفيد منهاو لااملكها فانا لست كاتبا ولا مفوها ولا مصلحا والا فاكون ابخل البخلاء ....والبخل مذمة تؤدي الي ذنوب كثيرة تلقي بصاحبها في سقر ...
اننا نتعلم من بعضنا البعض وهذا هو المهم ... ولك خالص شكري ومودتي
| |
|
|
|
|
|
|
|
|
|
Re: جــــامعة ســـودانيزأونلايـن .....بالله أدخل وعااااين وبعدين قاااارن !!! (Re: sama7)
|
ردا على تعبير بالون .....!!!!!!!!
أقول له نعم إنه بالون الفرح ،.... جيئ به من أجل قدح القريحة وإستباط الرؤى والأفكار.....
إرتفع عاليا في فترة وجيزة بتداخلات من يحملون هم الثقافة والفكر والأبداع في غالب درامي
أشبه بفن الكاراكتير ومدارسه ....
قال كل رأيه بتجرد وضيئ .... بل وأضاف البعض معلومة نيرة ....
وهكذا تولد الفكرة وتنضج وتصبح حقيقة ... فهلا وعيتم ....؟؟
شــكرا ولك التحية والتقدير سلمى إبنة الأستاذ ومعلم الأجيال دكتور حسن عباس صبحي
محمد مختار جعفر
| |
|
|
|
|
|
|
|
|
|
Re: جــــامعة ســـودانيزأونلايـن .....بالله أدخل وعااااين وبعدين قاااارن !!! (Re: sama7)
|
سماح...
أهلاً بيك وسعيدين بمرورك....
Quote: ممكن أقدم فى الجامعة دى
وللا أقول قدمت خلاص
يعنى بعتبر نفسى فيها من حسى أما قصة الكليات دى دايرا ليها دراسة |
ودي دايرة ليها كلامإنت مش عضوة هنا....تقدمي طوالي وتختاري الكلية العاوزاها والبتقترحيها كمان وعلى كيفك أها في جامعة أحلى من كده!!.......بعدين إنتي وين؟؟ إحنا في السنة النهائية وبنقول كل زول تداخل هنا في هذا البوست يقول كلمة أخيرة...
لكن ولا يهمك حنفتح ليك بابا القبول للسنة الجاية....ومن غير واسطة...
إنت جربي الطريق السيدا( على قولة أخوانا الهنود ) بعدين الواسطة....
| Quote: أنا واسطتى قوية (رئيس مجلس ادارتها ) |
بعدين أيواااااا إنت من ناس الواسطة وناس استاذ أبوبكر وكدا...طيييييب!!
حتشوفي ان ما طلعوا ليك إعلانات مدفوعة الأجر....إسأل مجرب ولا تسأل طبيب.. ...
مودتي
| |
|
|
|
|
|
|
|
|
|
Re: جــــامعة ســـودانيزأونلايـن .....بالله أدخل وعااااين وبعدين قاااارن !!! (Re: sama7)
|
العزيزة سماح...
| Quote: أما ممكن أكون مسجل لكليه ناس صعبة خلاص (مسجل بس)!!!!!!!! |
والله إنت زولة حربية...بهنيك...
على حسب ما اتذكر العضو الكان حابّي يسجل فيها هو الصحافة_30 ....بس سأل...لكن ما بعرف لقى فيها شنو.. ..وبعدين إختفى...
وحاجة تانية...
طبعاً مقرر لكلية دي ومنهجها ما في زول إقترحو لحد الآن....حنخليك إنت تختيه دلوقت وسيعمل به مستقبلاً وإبتداءاً من السنة الجاية....
| Quote: وبالمساء أشتغل فى الكافتريا مع استاذ أبوبكر نظام ألملم مصاريف القراية أصلو وظيفة مسجل قروشا ما كتيرة |
ما واسطة طبعاً عند استاذ أبوبكر وكدا...لكن برضو بقول ليك....ماتتطمني ل(شركة بتاعتنا) بكرة بيقلبوا عليك....
....
| |
|
|
|
|
|
|
|
|
|
Re: جــــامعة ســـودانيزأونلايـن .....بالله أدخل وعااااين وبعدين قاااارن !!! (Re: أبوبكر أبوالقاسم)
|
الأستاذ القدير أبوبكر أبوالقاسم....
مستشارنا....
| Quote: هل فى داعى " تصحينا بدرى كدا" من الحلم الجميل دا؟ |
أنتم يا سيدي الفاضل من جمّعتم عناصر هذا الحلم الجميل...عنصراً فعنصر...حتى تكون مركب عميق الأبعاد ورفيع الأهداف وهو جامعة سودانيز أون لاين....
سوف تصحو ونصحو جميعاً يا سيدي على حلم أجمل....فلنترقب غداً
وغداً سيكون أبهى و أزهى....
وطائر الفلامينجو سيحط على أرض ربيعية أخرى.....أنتم أزهارها....وأريج أزهارها..
لك التحية والتقدير والإحترام سيادة المستشار
....
| |
|
|
|
|
|
|
|
|
 Re: جــــامعة ســـودانيزأونلايـن .....بالله أدخل وعااااين وبعدين قاااارن !!! (Re: wd al geran)
|
كلمة أخيرة:
كانت مساحة لتظهر أن تباين الآراء بحد ذاته هو الأثراء الثقافي والمعرفي.. شكراً يا سلمى فذهنك الوقاد تفتح عن نافذة كنا نحتاج إليها لنتعرف عن أنفسنا ..نقف مع النفس لتدارك السالب ورعاية
الموجب ليزدهر ولتتفتح ألف ألف زهرة في بساتين المعرفة.. وكلمتي الأخيرة هي:
حين تضيق الكلمة
يتسع الصدر
لاحتضان كامل الأسف .
الماء المالح ينعي (..)
على الخد
يشهد المأساة ،
خلف ما تخفي النفوس
بحر فكر..
هو سر الغرق ،
وغرض في نفس
من غرق ـــــــــــــــــ
على مائدة الوضيمة
أسائل السمك ،
كيف طعم لحم خلقتي ؟
****
إلى هناك بعـث القدر
بشموع مشتعلة
سرعان ما تنطفئ
تحت الماء ...
وأنا ،
إلى هناك أرمي
طاقة ورد ...
يجرفها مد الأحلام
و يرجعها زجر الفقر (..)
إلى أولئك الذين
أوغلوا في الرحيل ،
أهدي رحماتي ...
وهـبوا الجثث للبحر
قرابين ــــــــــــــ
سافرت أطيافهم
في العقول ،
و عادت
مع الأرواح ..
هم في قلوبنا
بملء الفراق والجلد ...
اغرسوا من الورد
ألف ألف ألف!!
| |
|
|
|
|
|
|
|
|
|
Re: جــــامعة ســـودانيزأونلايـن .....بالله أدخل وعااااين وبعدين قاااارن !!! (Re: ابوبكر يوسف إبراهيم)
|
الأستاذ الفاضل أبوبكر يوسف إبراهيم...
Quote: كانت مساحة لتظهر أن تباين الآراء بحد ذاته هو الأثراء الثقافي والمعرفي...نقف مع النفس لتدارك السالب ورعاية
الموجب ليزدهر ولتتفتح ألف ألف زهرة في بساتين المعرفة |
وأي كلمة جدت بها يا استاذ أبوبكر...
هي كالورود رائحة ولغة....
هي رسائل لإعلان بشائر النور....
هي غيمات مطر تهطل على السطور....
معك نتعلم وندرك بأن العلم نور...والمعرفة زاد...
فبالعلم تبنى الحضارات....وتنهض الأمم...
وسأردد يا سيدي ما قلت....
اغرسوا من الورد
ألف ألف ألف!!
وسنغرسهاحتى يكسو الربيع رياضنا....
وتلبس الأرض أجمل حلة لها....
أنعم الله عليك بالصحة والعافية دوماً....
ولك من التحية والتقدير والإحترام....
| |
|
|
|
|
|
|
|
|
|
Re: جــــامعة ســـودانيزأونلايـن .....بالله أدخل وعااااين وبعدين قاااارن !!! (Re: wd al geran)
|
wd al geran
دعنا نسترجع جميل وعبير ذكريات هذا البوست....
أناطبعاً قايلاك من طلاب كلية النغم( بوست محمد عثمان وكدا)
لقيتك خبير في التكتيكات وفك النزاعات....وعينّاك بعدها مباشرة في الجامعة....بل وأثبتنا ذلك بصورة الكديسة...
Quote: غايتو يا سلمى إجتهدتي في المشروع الحلم دا
لحدي ما بقيتيهو حقيقة واقعية |
هو حلم يا ود الجيران عشناه سوية بأجمل اللحظات ....وصدقني لن أنسى هذا البوست طوال حياتي ....فله وقع كبير على نفسي ..
ولكم إحترامكم وتقديركم دوماً بإذن الله....
بعدين متذكر ...كنت عاوز تعمل تمثال من الغرانيت....عشان الجماعة يلقوا فرصة فيني وهاك يا حجّار...
كويس اللحقناك...
.....
| |
|
|
|
|
|
|
|
|
|
Re: جــــامعة ســـودانيزأونلايـن .....بالله أدخل وعااااين وبعدين قاااارن !!! (Re: abubakr)
|
استاذ أبوبكر.....
| Quote: اولا الحملة الترويجية لمجموعة بتاعتنا انتهت قبل اسبوع وانتو قاعدين تلفحو سااااي طلبات هووم ديلفري ساااي .. اها ادفعو العليكم في اسبوع وبعديين اتواصلو ....يعني تتواصلو انتو و"بتاعتنا" تتقطع .... |
ود الجيران....
بالله إنت برضو مطلوب من استاذ أبوبكر قصدي...شركة بتاعتنا....أنا غايتوا لي هسي بسدد...
الشركة دي فلّست الجامعة...
تقديري لكما
| |
|
|
|
|
|
|
|
|
|
Re: جــــامعة ســـودانيزأونلايـن .....بالله أدخل وعااااين وبعدين قاااارن !!! (Re: salma subhi)
|
رغم تحفظي على منهاج السيد المدير و عدم إحترامه للإختصاصات
إلا انني اشيد بالجامعة اللتي استفدنا منها و اضافت لي شخصيا الكثير
مع شكر خاص لأختنا الفاضلة سلمى للرقي و الدبلماسية و التهذيب العالي في تعاطيها مع المشروع
وادارتها لحوار و نقاش التأسيس
ومع خسارتي لمنصب تنفيذي إلا انني كسبت اخوة واصدقاء اتعلم منهم و أسعد برفقتهم و التواصل معهم
كلمة أخيرة لأخونا عوض عكاشة
أثقلت علينا ياخ
ليه كدا؟
| |
|
|
|
|
|
|
|
|
|
Re: جــــامعة ســـودانيزأونلايـن .....بالله أدخل وعااااين وبعدين قاااارن !!! (Re: salma subhi)
|
سلمى ، العزيزه ...تحية وسلام ....
يبدو أن جامعتك وهى فى نهاية الفصل الدراسى الأخير ، و أرى الكل بدأ فى حجز
التذاكر إستعدادا لقضاء الإجازه والراحة ، بعد عناء طويل بطول تأسيس الجامعة
التى ضمت بين دفتيها وأروقتها العديد من الكليات العلميه ،هندسيه وفنيه وطبيه وحتى
الكليات الدراميه والرومانسيه والفكاهيه ، حيث كانت كليات البهجه تطغى على الكليات
العلميه لنشاطها الدؤوب وتجدد برامجها من خلال الحوار المستمر والملاقطه الكلاميه الممتعه
الذى كان المايستو فيها بقيادة ( بتاعتنا ) أبوبكر بالرغم من أنه لم يدخل المكتبه أو
يستلف كتابا واحدا منا ولم نسأله خوفا وتحسبا من ختم ( بتاعتنا ) ونفقد الكتب والكتاب .....
الآن نحن على مشارف العطله ترى هل تمول ( بتاعتنا ) تذاكر السفر للإسطاف
العامل بالجامعة / ذهابا وعوده / ..؟؟؟؟ لك التحيه .. وحتى نلتقى ..
محمد مختار جعفر
| |
|
|
|
|
|
|
|
|
|
Re: جــــامعة ســـودانيزأونلايـن .....بالله أدخل وعااااين وبعدين قاااارن !!! (Re: محمد مختار جعفر)
|
الأستاذ الفاضل والفنان القدير محمد مختار جعفر...
قبل أن أتحدث عن جامعة سودانيزأون لاين..دعني أجدد لك التحية والتقدير على تشجيعك لي بدخول بوابة سودانيزأون لاين....وهو أمر لم و لن أنساه....
Quote: أرى الكل بدأ فى حجزالتذاكر إستعدادا لقضاء الإجازه والراحة ، بعد عناء طويل بطول تأسيس الجامعة
التى ضمت بين دفتيها وأروقتها العديد من الكليات العلميه ،هندسيه وفنيه وطبيه وحتى
الكليات الدراميه والرومانسيه والفكاهيه ، حيث كانت كليات البهجه تطغى على الكليات
العلميه لنشاطها الدؤوب وتجدد برامجها من خلال الحوار المستمر والملاقطه الكلاميه الممتعه
الذى كان المايستو فيها بقيادة ( بتاعتنا ) أبوبكر |
أولاً نهنأك على مجهودك الجبار كأمين مكتبة لهذه الجامعة...ولقد ناضلت حتى تصل شحنة الكتب... وهو أمر ليس باليسير...
لهذه الجامعة التي جمعت الكثير من الأعضاء بصمة جميلة في النفس وأتمنى أن تكون كذلك في نفوس من إلتحق بها..مديراً فعميد كلية وحتى طالب العلم...ولو ما قلت ناس الكافتيريا حيرفعوا شكوى علينا..أحسن نذكرهم!!
أن لنا أن نستريح ....وأتمنى للجميع أن يقضي إجازة سعيدة....
Quote: بقيادة ( بتاعتنا ) وأبوبكر بالرغم من أنه لم يدخل المكتبه أو
يستلف كتابا واحدا منا ولم نسأله خوفا وتحسبا من ختم ( بتاعتنا ) ونفقد الكتب والكتاب .....
الآن نحن على مشارف العطله ترى هل تمول ( بتاعتنا ) تذاكر السفر للإسطاف
العامل بالجامعة / ذهابا وعوده / ..؟؟؟؟ |
استاذ أبوبكر ما عندوا وقت للكتب والقراية ...مما سبق ظاهر انو بتاع بيزنس... وبعدين هو موّل الجامعة ما يموّل التذاكر يا استاذ محمد!!
بس خليه يقرا الكلام ده!
برضو إحتمال يكون عندو راي تاني!!
لك مرة أخرى كل التقدير
...
| |
|
|
|
|
|
|
| |
salma subhi
الطيب شيقوق
awad okasha
abubakr
sama7
محمد مختار جعفر
ماجدة عوض خوجلى
خالد علي محجوب المنسي
أبوبكر أبوالقاسم
wd al geran
محمد البشرى الخضر
فيس بوك
تويتر
انستقرام
يوتيوب
بنتيريست