نظراً لمعاناة الكثير من الطلبة...وعمداء الكليات....وناس الكافتيريا ...واييييك ناس كتيرة ....من مشكلة المواصلات من والى الجامعة...فقد تم بحمد الله توفير مواصلات مبدأية مريحة للأعصاب ....وهي عبارة عن باص من صنع أفريقى سوداني...ألف ألف مبروك .....
وقد تم تصوير فيديو كليب خاص وعشانكم بس لهذا الباص....تمتعوا بالمشاهدة .....ورحلة جميلة!!!
نعمل دوماً لإرضاءكم... ما دايرين شكاوي من هسي !! ما في غير الباص ده دلوقت في المستقبل حنوفر !!
01-26-2008, 02:14 PM
abubakr
abubakr
تاريخ التسجيل: 04-22-2002
مجموع المشاركات: 16044
تعلن مجموعة بتاعتنا وجامعتنا ان الشابة سلمي صبحي تم تعينها مسؤلية عن التروييج الاسفيري للجامعة وان كل اعلاناتها ومداخلاتها التي سبقت هذا الاعلان مدفوعة الاجر وحين تستلم اعبائها ستنال بونص وعلاوة سنوية علي جهدها وان اي اعلان او مداخلة بعد هذا الاعلان هو بصفتها الجديدة كاحد العامليين في الجامعة وليس كمروجة ..
____
رئيس مجلس ادارتها
01-26-2008, 05:53 PM
salma subhi
salma subhi
تاريخ التسجيل: 06-29-2006
مجموع المشاركات: 4817
Quote: تعلن مجموعة بتاعتنا وجامعتنا ان الشابة سلمي صبحي تم تعينها مسؤلية عن التروييج الاسفيري للجامعة وان كل اعلاناتها ومداخلاتها التي سبقت هذا الاعلان مدفوعة الاجر وحين تستلم اعبائها ستنال بونص وعلاوة سنوية علي جهدها وان اي اعلان او مداخلة بعد هذا الاعلان هو بصفتها الجديدة كاحد العامليين في الجامعة وليس كمروجة .
الحمدلله تمت السيطرة على الهاكر....المتحدث الآن هو الأستاذ أبوبكر الحقيقي.....!!! وفي حال ظهور الهاكر مرة أخرى نطمئنكم انه قد تم إتخاذ كافة الإحتياطات التامة لذلك!
عوداً حميداً استاذ أبوبكر........كشخص تمتلك خبرة طويلة سؤال... ينفع تديني شهادة في الترويج الأسفيري للجامعة؟
بالمناسبة ستكون الكافتيريا في الميدان الغربي من نصيبك....وفضلنا أن تبعد عن الميدان الشرقي الذي تشرف انعام فيه على مهام الكافتيريا...وذلك لظروف بوردابية أمنية...
Quote: وليس كمروجة
01-26-2008, 05:33 PM
محمد البشرى الخضر
محمد البشرى الخضر
تاريخ التسجيل: 11-14-2006
مجموع المشاركات: 28869
يا ود المنسي .. دي شغالة مسؤلة تروييج في "جامعتنا" التابعة لمجموعتنا "بتاعتنا وجامعتنا" ومش في مجلس الامن ...
رئيس مجلس ادارتها ________ حاشية : حندي ود عمك جدو شيقوق منحة مجانا في رقصة البرييك بعد ما الحت بقي موضة قديمة وخايفيين يحاول برييك يكسر عضيماتو فاحسن يتدرب بالمناسبة انت كنت شغال في الاحصاء واللا دار النشر قاعد تعد في الصفحات مالك
01-26-2008, 08:27 PM
salma subhi
salma subhi
تاريخ التسجيل: 06-29-2006
مجموع المشاركات: 4817
معليش يا سلمى انا حاسي بي نفسي كترتها بي تردُدي المُتكرر علي (بوسطينك) دا .. لكين وحياة المِلح والمُلاح والايام الطيبة دا بس مِن ظرافتو وخِفة ظِلو .. وكما ايضاً مِن عشمنا في سماحتكم وكِدة ..
اما بعد ..
المرة دي يا سلمى انا جيت اقول ليكم إنو شغلتكم دي الظاهِر عليها ح تطوِّل شوية .. وما ح تخلصو لينا قريب مِن ترتيبات الإعداد ومُناقشات التأسيس المُطوّلة دي .. وذي ما حضرتِك عارفة يعني إنو (العُمر مُش بعزاءة) .. والمُستقبل ما فيهو لِعب وكدة ..
وبناءاً عليه بقول ليكم إنو انا اخدتا الشغلة مِن آخِرة ومشيت سجلتا في جامعة الدول العربية .. وإنتو بعد دا بي راحتكم وعافيتكم ..
لكين اسي دا كلو خلّي يا سلمى .. في الصورة دي:
إنتي قدرتي تمُرّقي قدوم البطة دي بي فوق للمُسدس كيف ؟!! ياخي دا إبداع عديييل مافي كلام
بس طلب اخير يا سلمى .. لو امكن يعني تصغري لي الصورة التُحفة دي لي حجم مُناسِب كِدة ينفع في البروفايل .. لانو انا زي ما تقولي كِدة ماسِح في فنيات الكُمبيوتر.
وشُكراً ليك كتير مُقدماً
01-26-2008, 09:41 PM
salma subhi
salma subhi
تاريخ التسجيل: 06-29-2006
مجموع المشاركات: 4817
Quote: معليش يا سلمى انا حاسي بي نفسي كترتها بي تردُدي المُتكرر علي (بوسطينك) دا .. لكين وحياة المِلح والمُلاح والايام الطيبة دا بس مِن ظرافتو وخِفة ظِلو .. وكما ايضاً مِن عشمنا في سماحتكم وكِدة ..
ود الجيران انت معين رسمياً في الجامعة دي يعني من حقك تجي وتشوف الحاصل والبوست بوستك ما عندك أي مشكلة....يعني ذي عنوان بوست الأخ محمد عثمان ....على كيفك تفوت على كيفك تعال!! .
Quote: ومشيت سجلتا في جامعة الدول العربية .. وإنتو بعد دا بي راحتكم وعافيتكم ..
أنا كتبت في عنوان البوست...( عاين وبعدين قااارن ) لو لقيت ذي جامعتنا ما بنلومك!! وكده من أولها يا ود الجيران نديك مهام تخليها وتمشي .... بعدين كلامك الأخير ده كأنه والله أعلم ما بيشبه الفوق......يعني حابي تمر على البوست وعشمان في سماحتنا ...بعدين تفكر تسيبو وتمشي لي جامعة تانية...ولا كيف؟؟؟
Quote: إنتي قدرتي تمُرّقي قدوم البطة دي بي فوق للمُسدس كيف ؟!!
وإنت قدرت تفكر أساساً تسيب الجامعة دي كيف؟؟؟
Quote: بس طلب اخير يا سلمى .. لو امكن يعني تصغري لي الصورة التُحفة دي لي حجم مُناسِب كِدة ينفع في البروفايل
حاضريييييين !! ولك أن تختار بينهما...أي واحدة انت عاوز...
بتوافقينى إنوالهيكل التنظيمى للجامعة إكتمل ، وحقو تدعى لعقد إجتماع للـ Senate لوضع موجهات المقرر لكل كلية ، ولا بتفتكرى إنو عميد كل كلية أقدر على وضع الموجهات العامة ، ونفسى نبدأ ( بالجكس ) و ( البكايين) ، ولا شنو ؟!
01-27-2008, 03:06 PM
salma subhi
salma subhi
تاريخ التسجيل: 06-29-2006
مجموع المشاركات: 4817
Quote: بتوافقينى إنوالهيكل التنظيمى للجامعة إكتمل ، وحقو تدعى لعقد إجتماع للـ Senate لوضع موجهات المقرر لكل كلية ولا بتفتكرى إنو عميد كل كلية أقدر على وضع الموجهات العامة ، ونفسى نبدأ ( بالجكس ) و ( البكايين) ، ولا شنو ؟!
فعلاً ما ندم من استشار............ لك التحية على كل كلمة تجود بها............
أوافقك تماماً يا سيدي الفاضل على عقد إجتماع للعمداء لوضع مقرر كل كلية...... وبكل تأكيد عميد كل كلية سيكون قادر على وضع الموجهات العامة والا لما أوليناهم ثقتنا!! ولكن لدفع عجلة التطور ولوضع إستراتيجية مستقبلية هادفة بالذات في المرحلة الحالية لابد من تكاتف الأيدي لوضع لبنة هذا الصرح الشامخ ...جامعة سودانيزأون لاين.... مع انو في بعض الوظائف شاغرة كسواق الباص ومنظمي الحفلات...لكن يبدو أن الأمر يتطلب دعاية وإعلان أكبر....
يعني من رأيك نبدأ بكلية الجماعة ديل والبكايين!! عشان بيبكوا .....ولا شنو يا سيادة المستشار!...
سنعقد الإجتماع قريباً...ليوضح عميد كل كلية مقرره ومنهجه.... وما ندم من استشار...
01-27-2008, 01:10 PM
انعام عبد الحفيظ
انعام عبد الحفيظ
تاريخ التسجيل: 12-07-2005
مجموع المشاركات: 8738
Quote: بالمناسبة ستكون الكافتيريا في الميدان الغربي من نصيبك....وفضلنا أن تبعد عن الميدان الشرقي الذي تشرف انعام فيه على مهام الكافتيريا...وذلك لظروف بوردابية أمنية...
سلمى الظاهر كل ما الواحد يغيب تحصل حاجة جديدة
وكمان الجامعة ظاااااااااتها(على قول هباني)
بقت تبع مجموعة شركات "بتاعتا"
01-27-2008, 03:25 PM
salma subhi
salma subhi
تاريخ التسجيل: 06-29-2006
مجموع المشاركات: 4817
Quote: بعدين لولا ثقتنا لما عيّناك في الوظيقة الأولى..
أشكر الثقة الغالية لكن خليني بي راحتي الناس دي كلها عزلت جات علي انا وبقت تعيين الترانسبورت كان في زول رامي عينه عليه خليناه لكن الشئون الهندسية بضارب فيها عديل تمام كدة
01-27-2008, 04:04 PM
salma subhi
salma subhi
تاريخ التسجيل: 06-29-2006
مجموع المشاركات: 4817
ولا يهمك... ما بعرف كأنو كان عندك بوست حاجة قريبة أو فيه كلمة من العبارة دي...مش كده؟.....
Quote: الترانسبورت كان في زول رامي عينه عليه خليناه لكن الشئون الهندسية بضارب فيها عديل تمام كدة
غريبة ليه برضو؟ الترانسبورت ما مسكو زول لحد الآن وسواق الباص ما لاقينو! فممكن تساعدنا في البحث عن إنتحاري لسياقة الباص الموضح في الفيديو كليب في الصفحة 4... أما الشئون الهندسية ففروعها كتيرة إنت قاصد أي نوع؟ لأنو في مثلاً هندسة مدنية لتفتيت الصخور من أجل إنشاء الطرق البوردابية... أو هندسة إتصالات لمتابعة أحوال البورداب وصلة الرحم....أو معمارية وكدا.... وبمناسبة الهندسة المعمارية وصلنا تخطيط لمبنى مكاتب الجامعة...حاوريك ليه ولو عندك أي تعليق ممكن تورينا عشان مصلحة الجامعة وكدا! ....
Quote: ما بعرف كأنو كان عندك بوست حاجة قريبة أو فيه كلمة من العبارة دي...
طبعا قدر ما أتأنيت عشان أفهم المغزى غلبني إني هاو كلامك دايما صاح فعشان كدة
Quote: مش كده؟
يالحيل كدة..
سمح وكت الترانسبورت هامل خليه لي وبالنسبة لــ
Quote: الشئون الهندسية ففروعها كتيرة إنت قاصد أي نوع؟
كلهن حا امسك الشؤون الهندسية بي زر ابوها و التخطيط توريني ليه مش عشان أقول رايي وبس لا تسلميني ليه عشان الأبروفال و الكونتراكت و المتابعة اطلعي منها بعد دا
01-27-2008, 07:14 PM
salma subhi
salma subhi
تاريخ التسجيل: 06-29-2006
مجموع المشاركات: 4817
Quote: حا امسك الشؤون الهندسية بي زر ابوها و التخطيط توريني ليه مش عشان أقول رايي وبس لا تسلميني ليه عشان الأبروفال و الكونتراكت و المتابعة اطلعي منها بعد دا
أحيي فيك هذه الروح العملية والجادة....ثقتنا في محلها..( لحد الآن )! بس ورينا برنامجك بشكل عام وحتطور في الموضوع ده كيف بالذات بعد ما تستلم الصورة!
الجملة الاخيرة دي ( أطلعي منها بعد دا )...بتذكرني استاذ أبوبكر ما بعرف ليه؟ بدا معانا بي كافتيريا سواها مجموعة بتاعتنا....وصل لي بتاعتنا وجامعتنا....خفت يقول سلمى دي تبع الرطّانة وحقتنا....بس نفدنا وسوانامسئولي ترويج....الحمدلله
Quote: و التخطيط
حيكون عندك....
....
01-27-2008, 04:42 PM
معتصم دفع الله
معتصم دفع الله
تاريخ التسجيل: 12-18-2003
مجموع المشاركات: 12684
Quote: إذا ً تم تعيين الاخ معتصم دفع الله فوراااااااااً.....بعد معرفة السبب..... شكرا اختنا سلمى .. مبروك اخي معتصم .. تعيينكم مساعدا لعميد كلية الجكس اثلـــــج صدورنا وجعلنا نطمئن على فلزات اكبادنا وفقكم الله والى المزيد من الترقي ... خلي عين مفتحة والاخرى مغمضة العميد دا ما مضمون ..
ود الباوقة
هوووي يا جماعة .. الجاب اسمي دا هنا منو
01-27-2008, 07:45 PM
salma subhi
salma subhi
تاريخ التسجيل: 06-29-2006
مجموع المشاركات: 4817
الأخ محمد البشرى الخضر... ده مخطط لمكاتب الجامعة بعث من قبل أحد الإخوة المهندسين.....نشكر له إجتهاده بس طبعاً هو مستني الكونتراكت وقال السعر ما فيه مشكلة هو همو يخدم الجامعة لأنو مننا وفينا....
ورينا رأيك هل في أي تعليق؟..
يا جماعة لو واحد من الإخوة الأعضاء عندو تعليق أو إعتراض فليتفضل بذكره مشكووووووووووووووراً
المهندس المصمم لهذا التخطيط له سعة صدر في سماع كافة الإنتقادات .....
01-27-2008, 08:27 PM
محمد البشرى الخضر
محمد البشرى الخضر
تاريخ التسجيل: 11-14-2006
مجموع المشاركات: 28869
Quote: يا جماعة لو واحد من الإخوة الأعضاء عندو تعليق أو إعتراض فليتفضل بذكره مشكووووووووووووووراً
المهندس المصمم لهذا التخطيط له سعة صدر في سماع كافة الإنتقادات
يا سلمى دا كلام شنو دا تعاون سكر ولا تنظيم رحلة العيد في الحلة شنو تصويت و آراء الأعضاء دا اختصاص وحدة الشئون الهندسية سلمي البروبوزال مشكورة واطلعي منها
01-27-2008, 09:14 PM
salma subhi
salma subhi
تاريخ التسجيل: 06-29-2006
مجموع المشاركات: 4817
يؤسفني يا سلمى أن جامعة سودانيز أون لاين - تحت التاسيس لم تستفد من العولاق الحاصل في المرافق السودانية المختلفة و تعتبر بها
المدير ما عاجبه تصميم المكتب ما مشكله المشكله هنا
Quote: فطلب المدير من أحد الإخوة رسم تخطيطي جديد تماماً لمكاتب الإدرة....يتناسب ومكانته الإدارية
دا شنو ده مدير حواشة هو فاكر نفسه في قنوات رسمية و جهات إختصاص مناط بيها مثل هذا الأمر ومكاتبات رسمية وقنوات لا بد من المرور عبرها بعدين حكاية أحد الإخوة دي غريبة جدا تلجأ لأحد الإخوة يلز معاك العربية يقيف ليك في صف الكورة لحدي ما تشتري السعوط يمشي معاك لضابط بعرفه عشان الجمارك لكن ما بتلجا لأحد الإخوة يصمم او يعيد تصميم مباني مرفق عام أنت موظف فيه
يا أختي انا لي اربعة سنين - أو يزيد - أعيش و اعمل في احد اسرع مدن المنطقة تطورا ونموا والمؤسسة اللتي اعمل بها تحتل المرتبة الأولى في الشرق الأوسط في مجالها ولم يتاتى هذا التفوق إلا بإحترام التخصص و المؤسسية في العمل وهذا ما كنت انشده -بل واتوقعه - في مشروع الجامعة و يحزنني ان خاب فألي , فما أراه لا يعدو ان يكون تكرارا لما جرى و يجري في السودان لذا أعتذر عن المشاركة التنفيذية في المشروع وأكتفي - أن سمحتم لي - بالإلتحاق بإحدى الكليات - العامرة بالدامات - كطالب علم علي أصيب ما ينفعني من علم وأشياء أخرى مفيدة وشكرا
المدير السابق لوحدة الشؤون الهندسية والطالب المستقبلي بالجامعة محمد البشرى
01-28-2008, 11:13 AM
salma subhi
salma subhi
تاريخ التسجيل: 06-29-2006
مجموع المشاركات: 4817
Quote: انا لي اربعة سنين - أو يزيد - أعيش و اعمل في احد اسرع مدن المنطقة تطورا ونموا والمؤسسة اللتي اعمل بها تحتل المرتبة الأولى في الشرق الأوسط في مجالها ولم يتاتى هذا التفوق إلا بإحترام التخصص و المؤسسية في العمل وهذا ما كنت انشده
فهمت ليه إحنا عيّناك مباشرة ولم يتأتى ذلك من فراغ بل من رؤيتنا الثاقبة والمستقبلية....ولخبرتك ولتقديرك لأهمية العمل الدغري.....وإنت إضافة حقيقية لهذه الجامعة... وهذا ما ننشده منك يا أخ محمد أن تنهض بهذه الجامعة كسوداني غيور على جامعته وووطنه مش تتراجع...
Quote: لذا أعتذر عن المشاركة التنفيذية في المشروع وأكتفي - أن سمحتم لي - بالإلتحاق بإحدى الكليات
لم ولن نقبل ذلك أبداً....وستظل في منصبك كما أنت....ولا تراجع عن ذلك.....
بعدين كل شي بالهداوة...
إحنا عارفين انو السوداني بشكل عام بيزعل بسرعة لكن قلبه طيب....مش كده!!
Quote: المدير السابق لوحدة الشؤون الهندسية والطالب المستقبلي بالجامعة محمد البشرى
نرجو تعديل كلمة السابق بأسرع وقت والإحتفاظ بالمسمى الوظيفي الأول... وموضوع الإعتذار عن الوظيفة...غير قابل للنقاش
01-28-2008, 11:35 AM
الطيب شيقوق
الطيب شيقوق
تاريخ التسجيل: 01-31-2005
مجموع المشاركات: 28804
مكتبك جنب الباب وكمان سوينا ليك بابين واحد يفتح بـــــــرة والتاني يفتح على الدكتور لزوم المراقبة وكدا.. وفي احتمال نخليهم يعينو معاكم المكاتل عشان يراقبكم الاتنين ..
في كل إقتراح جديد تتقدم به لهذه الكلية بالذات يتأكد لنا إهتمامك بمصلحة هذه الجامعة لذا قررنا الآتي..... تعيينك رسمياً في نفس الكلية الفيها د. محمد حسن والأخ معتصم دفع الله....
بصفة مستشار.
كل التوفيق....ولتبدأ إستلام المهام منذ اليوم!
مجلس إدارة الجامعة....
01-28-2008, 01:01 PM
salma subhi
salma subhi
تاريخ التسجيل: 06-29-2006
مجموع المشاركات: 4817
بعض المُلاحظات الاولية - لو تكرّمتم لي - في ما يتعلق بالرسم الهندسي لمباني الإدارة المُوضح اعلاه.
واحِد: طبعاً ما مُمكِن المُدير يكون قاعِد في ملعب تِنس وبينما كامل إستاف الإدارة يكون مكتبو عِلبة كبريت - الكلام دا بيتنافى مع قواعد (البيرسونال سييفتي) في مكان العمل .. وكما ايضاً يتنافى مع مبدأ العدالة في توزيع الفُرص وكِدة.
إتنين: العربية الواقفة قِدام مكتب السكرتيرة دي بلاي حاولوا شوفوا ليها قراش.
تلاتة: بيبان الزنكي حقت المكاتِب دي حاولوا غيّروها بي بيبان سياحية شوية .. إن شا الله خشب ابلكاش.
وهذا مع خالص (إحطراماتي)
التوقيع: Disputes settlement expert who believes in the “team work” principle to efficiently accomplish the job
ود البُشرى يا عمك .. خبرك شنو .. طوّلنا ما سمِعنا مِنّك
01-28-2008, 01:11 PM
Khalid Saeed
Khalid Saeed
تاريخ التسجيل: 12-12-2005
مجموع المشاركات: 2605
السادة / جامعة سودانيز أون لاين المحترمين عناية الأخت / سلمـى صباحي المحترمة صورة : إلى أعضاء مجلس الجامعة المحترمين صورة إلى مرشحي المناصب المحترمين بعد التحية ، أرشح نفسي وبجدارة لكي أشغل خبير سلويكات فردية بهذه الجامعة المقترحة .. وذلك لما توصلت إليه من أبحاث خلال مداومتي على موقع سوادنيز أون لاين .. وما توفري إلي من تشخيص يفيد جميع الطلاب في كيفية التعايش السلمي والتحاور البناء مع بعهضم البعض .. فمثلاً : سوف أقوم بترتيب كيفية .. تجنب الكمائين الفتعلة .. وهذه الدروس خاصة لطلاب كلية الشكل المرحلة الأولى . سوف أضح خطة وتصور .. لطلاب كلية الجكس .. عن الطريقة المرهفة التي تكسبك أكبر قدر من تعاطف الجكس [ وسوف يمنح فرصتين مجانيتين للدكتور / محمد الحسن ومساعده معتصم الشفيف ] ... كذلك سوف نركز من ناحية لإختيار الكلمة المناسبة في الوقت المناسب .. وسوف نوضح أسهلة طريقة للمخارجة عند مواجهة الحالات الميئوس منها إسفيرياً .. هذه نبذة مختصرة لبرنامجي المطروح .. وسوف نزودكم بالبروشورات والشرح الوافي حال قبولكم طلبنا هذا . وتقبلوا أطيب تحياتنا ، خالد سعيد ادريس الأرباب خبير دولي للسلوكيات الفردية
01-28-2008, 02:10 PM
salma subhi
salma subhi
تاريخ التسجيل: 06-29-2006
مجموع المشاركات: 4817
Quote: أرشح نفسي وبجدارة لكي أشغل خبير سلويكات فردية بهذه الجامعة المقترحة .. وذلك لما توصلت إليه من أبحاث خلال مداومتي على موقع سوادنيز أون لاين
هذا ما نصبو اليه دائماً...الإستفادة من الخبرات البوردابية السودانية في كافة المجالات وبما إنك من معاصرى البورداب في هذا المنبر ...فلا مانع لينا أبداً من توليم مهام خبير دولي للسلوكيات الفردية....
Quote: سوف أقوم بترتيب كيفية .. تجنب الكمائين الفتعلة .. وهذه الدروس خاصة لطلاب كلية الشكل المرحلة الأولى . سوف أضح خطة وتصور .. لطلاب كلية الجكس .. عن الطريقة المرهفة التي تكسبك أكبر قدر من تعاطف الجكس [ وسوف يمنح فرصتين مجانيتين للدكتور / محمد الحسن ومساعده معتصم الشفيف ] ... كذلك سوف نركز من ناحية لإختيار الكلمة المناسبة في الوقت المناسب .. وسوف نوضح أسهلة طريقة للمخارجة عند مواجهة الحالات الميئوس منها إسفيرياً ..
قد نال برنامجك البوردابي إستحساننا....الى الأمام!!
Quote: هذه نبذة مختصرة لبرنامجي المطروح .. وسوف نزودكم بالبروشورات والشرح الوافي حال قبولكم طلبنا هذا .
إذاً مستنين الشرح الوافي... وإذا تكرمت عاوزين التفاصيل لبرنامجك في كم مداخلة عشان نقدر نطّلع عليها بتأني....وطبعاً أي إنتقاد لمقترحاتكم من عمداء الكليات أو من العاملين في الجامعة علينا جميعاً أن نتقبله برحابة صدر....وما يهمنا هو أن نصل لحلول جماعية تفيد ومصلحة الجامعة.... نسعد بإنضمامك لهذا الصرح الشامخ....جامعة سودانيزأون لاين.... وعليه ترسل نسخة من خطاب الموافقة على تعيينك الى كافة العاملين بهذه الجامعة.... حتى ناس الكافتيريا...
01-28-2008, 01:36 PM
salma subhi
salma subhi
تاريخ التسجيل: 06-29-2006
مجموع المشاركات: 4817
Quote: واحِد: طبعاً ما مُمكِن المُدير يكون قاعِد في ملعب تِنس وبينما كامل إستاف الإدارة يكون مكتبو عِلبة كبريت - الكلام دا بيتنافى مع قواعد (البيرسونال سييفتي) في مكان العمل .. وكما ايضاً يتنافى مع مبدأ العدالة في توزيع الفُرص وكِدة. إتنين: العربية الواقفة قِدام مكتب السكرتيرة دي بلاي حاولوا شوفوا ليها قراش. تلاتة:بيبان الزنكي حقت المكاتِب دي حاولوا غيّروها بي بيبان سياحية شوية .. إن شا الله خشب ابلكاش.
أربعة4... ترفع الملاحظات لمدير وحدة الشئون الهندسية الأخ محمد البشرى فوراً....
Quote: التوقيع: Disputes settlement expert who believes in the “team work” principle to efficiently accomplish the job
ود الجيران.... Accomplish بي وين بس ؟؟؟؟؟؟ لو رديت أنا حالياً حيحصل Demolish لما بنيناه ! صاح بشجع ذيك العمل الجماعي لكن يا دوب ود البشرى هدأناه لانو كان داير يسيب الوظيفة دي... راجع مداخلاته فوق.... بعدين ما تنسى انك خبير فك النزاعات... كدي نشوف ردو؟
01-28-2008, 02:14 PM
Aymen Tabir
Aymen Tabir
تاريخ التسجيل: 12-02-2003
مجموع المشاركات: 2612
يا سلمى سلامات انا شايف انو كل الوظايف طارت ... انحنا كبرنا على القرايه لكن عندي وظيفه كده والله ما عارفه طارت ولا لسه الواحد ممكن ينافس فيها .. انا داير وظيفة مسجل الكليات وبي شرط واحد من غير ضغوط من الادارة او الاتحاد ولا الوزاره ذاتو عشان يكون عندي الحق الكامل في القبول والرفض ..وفي ناس كتار كده انا اصلا عايز لي فرصه الغي تسجيلهم ، فبالله اتوصي بالوظيفه دي ! كل الشكر لإدارة الجامعه
01-28-2008, 03:04 PM
salma subhi
salma subhi
تاريخ التسجيل: 06-29-2006
مجموع المشاركات: 4817
Quote: انا داير وظيفة مسجل الكليات وبي شرط واحد من غير ضغوط من الادارة او الاتحاد ولا الوزاره ذاتو عشان يكون عندي الحق الكامل في القبول والرفض
مبروووووووك تعيينك مسجل الكلية... والغريبة انو أنا أبديت إستغرابي من انو ما في شخص اتقدم للوظيفة دي! مع انو لهذه الوظيفات مميزات عجيبةمنها ذي ما قلت..توافق وترفض على كيفك! والفرصة بتجي مرة وااااااااااحده في الخياة....ودي فرصة كبييييييييرة ! والله أداك ليها!
Quote: وفي ناس كتار كده انا اصلا عايز لي فرصه الغي تسجيلهم
بالله!!!!!!!! ذي منو يعني؟؟؟؟
01-28-2008, 02:27 PM
محمد عبد الماجد الصايم
محمد عبد الماجد الصايم
تاريخ التسجيل: 10-16-2005
مجموع المشاركات: 35312
Quote: خلاس يا سلمى اقتراح أخير .. كلية للشفيفين (حصرياً).. على أن يتم توكيل إدارتها للعبد لله ..
ما عندنا مانع لكن بين مداخلة ومداخلة تغير رأيك سريع كده....مش غريبة!!!!!! بعدين يا ريت تتأنى ! عندك ود الباوقة مستشار في كلية د. محمد حسن ...ممكن تستشيره أحسن ما تستعجل في قرارك!
على العموم لو أصريت على رايك انو لازم نفتح الكلية الجديدة ...ما في مشكلة بس دي حنحاول نشوف ليها مكان....جنب حديقة...جنب وييين ياربي؟ رأيك شنو تكونوا جنب (كلية غيب وتعال) ....ناسها ما بيجوا يقروا الا من شهر لي شهر....ما بيسببوا أي إزعاح!
Quote: يا سلمى عايزين مكاتب الكلية دي تكون بعيدة شوية لا جنبها ملعب ولا كافتريا ..
ليه السبب؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ سؤال أخير... حابي منو يكون معاك في الكلية الجديدة؟ ممكن د. محمد حسن يود أن ينضم اليك أيضاً.... ويتحول مسمى الكلية الأسبق الى الجديد....وتكونوا برضو مع بعض .... .......
01-28-2008, 05:55 PM
معتصم دفع الله
معتصم دفع الله
تاريخ التسجيل: 12-18-2003
مجموع المشاركات: 12684
Quote: ما عندنا مانع لكن بين مداخلة ومداخلة تغير رأيك سريع كده....مش غريبة!!!!!!
التغيير تكتيكي يا سلمى .. لازم نلعب بتوازن في تشكيلتنا
Quote: بعدين يا ريت تتأنى ! عندك ود الباوقة مستشار في كلية د. محمد حسن ...ممكن تستشيره أحسن ما تستعجل في قرارك!
الجماعة ديل أنا خليت ليهم الكلية الأولى عشان ما يزاحمونا ياخ
Quote: على العموم لو أصريت على رايك انو لازم نفتح الكلية الجديدة ...ما في مشكلة بس دي حنحاول نشوف ليها مكان....جنب حديقة...جنب وييين ياربي؟ رأيك شنو تكونوا جنب (كلية غيب وتعال) ....ناسها ما بيجوا يقروا الا من شهر لي شهر....ما بيسببوا أي إزعاح!
غيب وتعال تلقانا جنب الحديقة .. ونحن ما نحنا
Quote: سؤال أخير... حابي منو يكون معاك في الكلية الجديدة؟ ممكن د. محمد حسن يود أن ينضم اليك أيضاً.... ويتحول مسمى الكلية الأسبق الى الجديد....وتكونوا برضو مع بعض ....
لا لا دكتور محمد حسن دا أنا ما عندي ليهو قدره .. ممكن نفكر في الشريك .. لكن نحن زي الفريك ما نحبش ......
01-28-2008, 03:48 PM
محمد عبد الماجد الصايم
محمد عبد الماجد الصايم
تاريخ التسجيل: 10-16-2005
مجموع المشاركات: 35312
السادة / جامعـة سودانيز أون لاين المحترمين عناية الأستاذة/ سلمى صباحي المحترمة صورة : أعضاء مجلس إدارة الجامعة المحترمين بعد التحية، لقد أسعدني .. وسره بالي .. قبول طلبكم .. وسوف أبدأ مع طلاب السنة الأولى جكس [ الشفيفين ] .. وإليكم أولى نظرياتي العلمية الحديثة [ نظرية الأعمــى شايل المكســر ]
من الصورة أعلاه يتضح جلياً قصة الأعمى الشايل المكسر .. طبعاً المكسر الوحش الشايلنه فوق ده .. والأعمى هو زرافتنا الحنونة .. وهذه النظرية كثيرة الحدوث وصت البكايين .. حيث نجد أن المكسر دائماً مايكون سئ الحظ بحيث لايتمكن من توصيل وجهة نظره إلى الجهة التي قامت بتكسير صاحبنا . والعكس تماماً تجد أن من ليس له لا في التور ولا في الطحين ولا في التكسير.. ماخد راحته على الأخر مع الجكس وهاك ياونسة وضحك يحسد عليه من قبل المكسرين . لذا نجد أن هذه النظرية المستمدة من ظاهرة التعايش السلمي التي أثبتها علم الأحياء بين الدبال والطحالب حيث أن الطحالب تمد الدبال بالأكسجين والدبال يمدها بالماء .. ماعلينا من تلك الشربكة العلمية نرجع لي موضوعنا الحبيبي . المهم يقوم المكسر يعقد شراكة ضمنية وإتفاق تفاهمي إطاري بحيث الأعمى جكسياً يساعده على توصيل وجهة نظر المكسر .. وإذا لذم الأمر يشيل المكسر شيلاً كاملاً لامنقصة فيه .. كما موضح في الصورة أعلاه وهي أقصى حالات التكسير . وبالتالي تتم الناقصة بحيث يستطيع المكسر أن يمارس هوايته الجكسية المفضلة عن قرب . واضح ولا أعيد .
01-28-2008, 09:17 PM
salma subhi
salma subhi
تاريخ التسجيل: 06-29-2006
مجموع المشاركات: 4817
Quote: حقيقة لم ننتبه والآن نتساءل .... متى حطّ طائر الفلمنجو بجامعتنا وعشعش فى مكتب الإدارة ؟
هو طائر يسكن أروقة الجمال في دنيا المباهج والخيال...يتربع على عرش البحيرة الراقصة دفئاًوحنينا، فكيف لا نجعله يحط على جنبات المكان !!......كيف لا وتسري معه النسائم وعلى إيقاعه الراقص تنتابك غيرة ايجابية بتقديم أبهى ما لدى الإنسان من عطاء مكلَّلٍ بينابيع الصَّفاء! بعدها نتحوّل بقدرةٍ ما إلى فراش راقصً على إيقاع الفلامنجو، لعلِّنا ننفض الغبار المتراكم حول خاصرة الرُّوح.... أوالى طائر شامخ الرأس ، يتمايل بعذوبة مرفرفاً بجناحيه حول وهجِ الانبهار. رباه، أي تواصل ملائكي هو !! هو أنسجام بين الصوت والإيقاع والنغم الراقص على موسيقى تنبعث من تجليّات الروح...سيمفونية تهدي محبتها الى كل الأحبة !! فهلاّ أفسحنا لطائر الفلامينجو مكاناً ليقيم بيننا!!
تقديري لك سيدي الفاضل ولكل الأعضاء....
.........
(عدل بواسطة salma subhi on 01-29-2008, 04:42 PM) (عدل بواسطة salma subhi on 01-31-2008, 08:49 PM)
01-29-2008, 06:22 PM
wd al geran
wd al geran
تاريخ التسجيل: 09-08-2003
مجموع المشاركات: 670
Quote: هو طائر يسكن أروقة الجمال في دنيا المباهج والخيال...يتربع على عرش البحيرة الراقصة دفئاًوحنينا، فكيف لا نجعله يحط على جنبات المكان !!......كيف لا وتسري معه النسائم وعلى إيقاعه الراقص تنتابك غيرة ايجابية بتقديم أبهى ما لدى الإنسان من عطاء مكلَّلٍ بينابيع الصَّفاء! بعدها نتحوّل بقدرةٍ ما إلى فراش راقصً على إيقاع الفلامنكو، لعلِّنا ننفض الغبار المتراكم حول خاصرة الرُّوح.... أوالى طائر شامخ الرأس ، يتمايل بعذوبة مرفرفاً بجناحيه حول وهجِ الانبهار. رباه، أي تواصل ملائكي هو !! هو أنسجام بين الصوت والإيقاع والنغم الراقص على موسيقى تنبعث من تجليّات الروح...سيمفونية تهدي محبتها الى كل الأحبة !! فهلاّ أفسحنا لطائر الفلامينكو مكاناً ليقيم بيننا!!
سلمى .. واللِكشر دا مُقرر في إمتحان السِمِستر الاول؟
عشان الطلبة ديل ياخدوا بالُم وكِدة
مودة خالصة .. وصادِقة .. لكِ يا سلمى ..
كوني ابداً بخير
01-29-2008, 06:55 PM
salma subhi
salma subhi
تاريخ التسجيل: 06-29-2006
مجموع المشاركات: 4817
Quote: واللِكشر دا مُقرر في إمتحان السِمِستر الاول؟
عشان الطلبة ديل ياخدوا بالُم وكِدة
إذا كان خبير التكتيكات وفك النزاعات شخصياً أخد بالو....ولا شنو؟
طبعاً يا ود الجيران دايرة أجاوبك بالنسبة لرأيك على الرسم التخطيطي لمكتب المدير والموظفين....لكن قلت أعمل بي أصلي وما اتعدى السلم الإداري وأخلي ألاخ..... محمد البشرى الخضر يرد لانو دي مهمته.... لكن برجع اجاوبك قريب !!
تقديري دوماً
(عدل بواسطة salma subhi on 01-29-2008, 07:08 PM) (عدل بواسطة salma subhi on 01-29-2008, 07:19 PM)
01-29-2008, 03:27 PM
محمد عبد الماجد الصايم
محمد عبد الماجد الصايم
تاريخ التسجيل: 10-16-2005
مجموع المشاركات: 35312
الأخت سلمى مرور كرام بس متابعين كل جديد الرطاني دا شايفو بسلبط ساااكت وطلعك مأجورة مسبقاً أنا جاهز وعكازي مضبب ... شندي تجمعنا وكمان إعتبار ما سيكون بعدما نشيل منكم العسل هند.
تخريمة بي طلبها الكلام جاك يا الأخ محمد عبد الماجد الصائم
هندسة فعلاً جميلة ويا ريت لينك الحفظ أخوك متوك في الكلمة الحلوة
01-29-2008, 06:14 PM
خالد علي محجوب المنسي
خالد علي محجوب المنسي
تاريخ التسجيل: 04-10-2006
مجموع المشاركات: 15968
الطلاب في الجامعة بيطالبوا بشدة بنشر هذا الإعلاااااا ن مرة تانية....
مطلـــــــــوب........
لجنة لتنظيم الفعاليات والأنشطة والمناسبات بالجامعة.....
وأكيد حيكون في تكريم وإحتفالات وناس مهمة لذا نريد مرشحين يتولون هذه المهمة بكفاءة تامة.....
ومن يرى نفسه مؤهلاً يسجل اسمو طوالي ! ومن يحب أن يرشح غيره بنديه كمان الفرصة وبرضو الجماعة ما ذي الفرد بالذات في المهمة دي .... والأيد الواحدة ما بتصفق....يعني الناس تتعاون !
Quote: تمورو مورننغ بتوقيت شندي تكون عندك شان أنا حسي بره الشبكة .. قصدي بره المكتب
آآآآآآيسسسسسسسسسكررررررررررررررييييييييم يا علييييييييييييييينا جااااااااااااااااااااااي
بس ياالحبيب مفروض الهندسة تستعدل رأس انعام مُش تلخبطو مقاسات طول وعرض وزوايا حادة وتضبط كهربتها
مشكور على الوعد.. الله الانقليزيا بالحروف العربية لخبطت رأسي ولحقتني انعام وانا ذاتي هسي بقيت برا الشبكة شَبْاك شِبك شبكنا شَبكات وفات خلانّا واللابسا توب الشبكة هي دي الشابكانّأ ما بندور الشَبك ونتشابا في الخربانّا والداير الشبك الـ لجدع شبكتو معانا
معليش شربكتك معاي في الشبك والشبكة منتظرك يا جميل أرسل وعلى نار هادئة جالسين
بعدين شنو علينا جاي الحكاية شنو هو الأيسكريم بقو ينادو بي خلاااااااس بار
01-30-2008, 07:24 AM
معتصم دفع الله
معتصم دفع الله
تاريخ التسجيل: 12-18-2003
مجموع المشاركات: 12684
Quote: بالله خلي الجماعة ديل يعملو لينا كشك بتاع استريو عشان الفنانين الشباب وكده ..
هو إحنا لسه ما لاقين الناس البينظموا لينا المناسبات والفعاليات في الجامعة لكن برضو الحمدلله الكشك المقترح أحسن من لا شئ.... مساعدة منك!!...رشح لينا من تراهم مناسبين لتنظيم الفعاليات !! وبسرعة دايرين نعمل إحتفال كبير بمناسبة إكتمال الكادر التعليمي في الكليات!!
وووووووينك يا إنعام؟؟؟ لا شايفاك جبت كراسي ولا طرابيز ولا حضرت للكافتيريا لستة بالخدمات والمأكولات.... طيب الناس حتجي كيف؟ وإنت عارفة الكافتيريا دي بالذات الناس مستنية بس وتآخدها... ما تسرحي يا إنعام.... ما شفت أستاذ أبوبكر قدم البروموشن للكافتيريا كيف....!!ّ
01-30-2008, 06:39 AM
د.محمد حسن
د.محمد حسن
تاريخ التسجيل: 09-06-2006
مجموع المشاركات: 15194
Quote: د. محمد حسن....كلية الجكس _ د. صفية...مؤيدة لد. محمد حسن وعميدة كلية الجكس الموازي _ نهى محسن أبوراس....طالبةفي كلية البهجة...
اولا محمد حسن اقترح الكلية
دونما طمعا في الحصول على منصب لضعف مءهلاته
نط ودالباوقة الرجل المتطلع رهطيا ولزقها فيني معتصم الشفيف مسئول داخلية الجكس عامل ضيق نهى ابوراس هو البهجة شنو ما انتو ذاتكم ادخلي الكلية وامسكي شئون العمادة سلمى صبحي شكيتك على الله الناس فكوا آخرهم
01-30-2008, 08:53 AM
salma subhi
salma subhi
تاريخ التسجيل: 06-29-2006
مجموع المشاركات: 4817
Quote: منو قصدك استاذ الطيب شيقوق ولا استاذ أبوبكر.....
لكن يا بت امي العربي دا الوداه شنو على الرطانة لمن خلاك تلخبطي ؟
ويا محمد البشرى دا كلام شنو ؟
Quote: وأكتفي - أن سمحتم لي - بالإلتحاق بإحدى الكليات - العامرة بالدامات - كطالب علم علي أصيب ما ينفعني من علم وأشياء أخرى مفيدة
حالتي داخلة مخصوص عشان اقول عمادة معهد الدراسات الجندرية لازم تكون مناصفة بينك وببين دكتورة شروق ، بالاقل عشان نشتغل شوية في هدم الفكرة القائلة بانه الجندر دا خاص فقط بالنساء. ياخ راجع موقفك ياخ
01-31-2008, 09:54 AM
خالد علي محجوب المنسي
خالد علي محجوب المنسي
تاريخ التسجيل: 04-10-2006
مجموع المشاركات: 15968
الأخ الفاضل محمد البشرى الخضر... توصلنا الى معرفة السبب الخلاّاك تتغيب عن وظيفتك عن طريق قراءتنا بالصدفة لهذه النظرية.....................
Quote: النظرية بتقول ماشي و مستقيل و حردان وكدا يجوك.... و البورد ..... وما شابه من...... تقوم... يومين تلاتة ..... عشان .... حا اتنازل .... وقع ليك ...
وقع لينااااااااااااااااا !!!! اقتبس من المصدر .
(عدل بواسطة salma subhi on 01-31-2008, 10:53 AM) (عدل بواسطة salma subhi on 01-31-2008, 10:59 AM) (عدل بواسطة salma subhi on 01-31-2008, 08:05 PM)
دعيني أجر قدمك إلى حوار من مقصدك بتكوين هذه الجامعة: فسؤال المعارف في مجال ما هو ثقافي ما يزال مطروحا ، إن لم أقل يقاوم من لدن جهات لا تؤمن بالثقافي و تكرس بكل الوسائل المتاحة لها ثقافتها المضادة لثقافتنا التي نمت وتنمو في هذا المنبر ، و لسوء حظها فالثقافة الحقة منذ ابتكار الكتابة قبل 3500 سنة قبل الميلاد لم تخلق إلا لدعم و إعادة إحياء و تجديد القيم الإنسانية النبيلة وأحسب يا سليمى أن تلك هي الجامعة التي تدعين إليهافي هذه المساحة ولكن الملاحظ هنا أيضاً أن هناك بعض يصر إن لم أتفق معه فأنا في خانة الضد وربما العدو .. مشكلتنا تنحصر في عدم إحترام فكر الآخر والإسراع بتخوينه .. ولكن الخوف من الدخول دوما في صراع مهما كلف من ثمن مع تلك الجهات "المعرقلة"و التي ألفت العيش في الفتات و النمو السريع و التسلق الأسرع في المياه الراكدة ،لأن الضفادع لايمكنها أن تسمع صوتها إلا من داخل المستنقعات المسائية... عفواً ومعذرة إذا ضاق الصدر بترهاتي .. وعفواً إن ضاق بلا قصد مني.. يمكن فعلاً أن يكون هذا المنبر جامعة بحق وحقيق.. لك التحية والتقدير
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة