|
Re: ما اجمل بورداب المغرب...بهجة لا تنتهي (صور) (Re: النذير حجازي)
|
Quote: يا ود جبريل رمضانكم كريم
تعرف يا ود جبريل الكرمبا ح يديكم زيرو في الفطور دا لأنو عزابة
تحياتي |
يا النذير كيفنك ياخي الكرمبا دة ذاته نحن ما مقتنعين بيه حكم نحن كان هدفنا فطور ووجه مشرق امام الجاليات وحققنا الغاية الكرمبا دة زول خردة ومخرف سااااااااااكت
| |
|
|
|
|
|
|
Re: ما اجمل بورداب المغرب...بهجة لا تنتهي (صور) (Re: النذير حجازي)
|
والله يا ود جبريل فطوركم ما شاء الله عليه .. ما فيهو كلام تبْ ...
واللمة حلوة .. وفكرة الفطور مع الطلبة دي براها كوم ..
وتعتبر سبق إفطاري يحسب ليكم على مستوى كل البورداب ...
تتليشة:
بالرغم من الصلعة .. لكن وجاهتك ملحوظة ولا ينكرها إلاَّ مكابر ومغالط ساي ...
| |
|
|
|
|
|
|
Re: ما اجمل بورداب المغرب...بهجة لا تنتهي (صور) (Re: عبد الله كسلا)
|
Quote: والله يا ود جبريل فطوركم ما شاء الله عليه .. ما فيهو كلام تبْ ...
واللمة حلوة .. وفكرة الفطور مع الطلبة دي براها كوم ..
وتعتبر سبق إفطاري يحسب ليكم على مستوى كل البورداب ...
|
ود كسلا يا حبيبنا الله يجبر بي خاطرك ياخي
Quote: تتليشة:
بالرغم من الصلعة .. لكن وجاهتك ملحوظة ولا ينكرها إلاَّ مكابر ومغالط ساي ... |
يا حبيب الصلعة دي واحدة من مميزات الوجاهة هسي لو جيت لابس طاقية كان حا تظهر الوسامة دي
| |
|
|
|
|
|
|
Re: ما اجمل بورداب المغرب...بهجة لا تنتهي (صور) (Re: حبيب نورة)
|
Quote: يعني بعد السعودية طلعت لينا المغرب بنين |
لووووووووول ياحبيب.....
غايتو نحن نتفوق حتى على ناس امريكا فى مشاركة الجنس اللطيف حضور الافطارات والفعاليات
___________________________ ياطارق جبريل عند قلية بن بث مباشر ما بقدر اجيبها هنا امشى البوست بتاعنا شم ريحة البن وتعال
| |
|
|
|
|
|
|
Re: ما اجمل بورداب المغرب...بهجة لا تنتهي (صور) (Re: حبيب نورة)
|
يا سلام عليك يا ود جبريل نكتّ لينا الشخصية العظيمة دي من وين؟؟؟ طارق مختار الإنسان الجميل النبيل. ولكن في حاجة: فطوركم البلا حريرة ده أجره كان طار ما بحصل بوابة العرفان! لا صيام بلا حريرة. ولا حريرة بلا بغرير أو مسمّن. (أو كما لم يقل سيدي عبدالرحمن المجدوب)
| |
|
|
|
|
|
|
Re: ما اجمل بورداب المغرب...بهجة لا تنتهي (صور) (Re: محمد علي شقدي)
|
Quote: وكمان اميرة بتشجع وبتديكم نقاط علي كل حاجة.. التواطؤ بتاعها ظاهر
|
يا ايهاب ,,,,, المحبة المحبة هى الادتهم النقاط وهذا قسمنا فيما نملك فلا تلومونا فيما لا نملك ..
والله الناس ديل افطارهم سمح النصيحة لى الله وفيهو ابتكار واضافة وقعاد الوا...طة دا براهو بديهم زيادة نقاط ياخ الناس ديل تفنو ليك خلق الله الماسودانيين ديل زى الترتيب ولزموهم الجابرة شان كدا لحدووووت اللحظة دى المنافسة محصورة بينا وبينهم فقط *
الليلة ووووب....
____________________________________________________________ نحن متفوقين عليهم فى مسالة حضور الجنس اللطيف والبن والكوارع والفنوات الفضائية و بث
| |
|
|
|
|
|
|
Re: ما اجمل بورداب المغرب...بهجة لا تنتهي (صور) (Re: Amira Elsheikh)
|
Quote: يا ايهاب ,,,,, المحبة المحبة هى الادتهم النقاط وهذا قسمنا فيما نملك فلا تلومونا فيما لا نملك ..
والله الناس ديل افطارهم سمح النصيحة لى الله وفيهو ابتكار واضافة وقعاد الوا...طة دا براهو بديهم زيادة نقاط ياخ الناس ديل تفنو ليك خلق الله الماسودانيين ديل زى الترتيب ولزموهم الجابرة شان كدا لحدووووت اللحظة دى المنافسة محصورة بينا وبينهم فقط *
الليلة ووووب....
____________________________________________________________ نحن متفوقين عليهم فى مسالة حضور الجنس اللطيف والبن والكوارع والفنوات الفضائية و بث |
يا بت الشيخ ما تشتغلي بالمهزومين ياخي
ولسة الصور جاية بس ارد على الناس الحلوة دي
| |
|
|
|
|
|
|
Re: ما اجمل بورداب المغرب...بهجة لا تنتهي (صور) (Re: Ehab Eltayeb)
|
أكثر من رائع يا طارق ولكم فرحت برؤية أحبابي ودفعتي سليمان الفلاتي وعمر عبد السلام والصديق عصام قطر والحي الجامعي وكأنه لم يتغير منذ أن كنا قاطنيه...
ياااخي والله حتجوا بعد بورداب الدوحة طوالي ولا تلتفت للشامتين والخشامة...
Quote: ناصر جاب الموية مويتنا اسمها سيدي علي يا دكتور سيف |
مرة من المرات زارنا الفنان الظريف الراحل المقيم عبد العزيز محمد داؤود في الرباط في زيارة فنية ولبى دعوة السفير نور الدين منان (زميل البورد) للعشاء وجاءت الشغالة بموية للقنان ابوداؤود وعندما قرا في الزجاجة ماء سيدي علي، علق قائلا: بالله سيدي علي نركع ليه في السودان ونجي نلقاه موية ساكت في المغرب فضحك الجميع...
ومحبتي الأكيدة لكل الأصدقاء هناك والزملاء وإنشاء الله تامين ولامين ونفسي في موية سيدي حرازم...
| |
|
|
|
|
|
|
Re: ما اجمل بورداب المغرب...بهجة لا تنتهي (صور) (Re: سيف الدولة كامل)
|
Quote: حبيبنا \طارق جبريل
لمة طيبة وحلوة والله ,, واولاد جبريل مضوين متل قمر اربعتاشر ماشاء الله.
ان شاء الله دايما متلمين علي الخير,, وسلامي للدفعة عمر عبد السلام قول ليه
مالك قاطع الحركة من المنبر. الود محمد يستاهل باسوورد من بكري ويجي يصاقرك.
مودتي لكم جميعا |
اووووه استاذنا وحببنا سيف كل سنة وانت طيب يا حبيب ورمضان كريم الله يجبر بي خاطرك ياخي عمر عبد السلام قاعد بس عجز
| |
|
|
|
|
|
|
Re: ما اجمل بورداب المغرب...بهجة لا تنتهي (صور) (Re: عبدالأله زمراوي)
|
Quote: أكثر من رائع يا طارق ولكم فرحت برؤية أحبابي ودفعتي سليمان الفلاتي وعمر عبد السلام والصديق عصام قطر والحي الجامعي وكأنه لم يتغير منذ أن كنا قاطنيه...
ياااخي والله حتجوا بعد بورداب الدوحة طوالي ولا تلتفت للشامتين والخشامة...
|
زمراوي كيفنك ياخي الحي حصلت فيه تغييرات وكمان اصبح للمغاربة تُرام من سلا لحدي الحي الجامعي كمحطة اخيرة يا حبيب ما تشتغل بالشمات
لكن ابو داوود بالغ
| |
|
|
|
|
|
|
Re: ما اجمل بورداب المغرب...بهجة لا تنتهي (صور) (Re: Ehab Eltayeb)
|
غايتو يا قريبي لا املك الا اقول كما قال اخونا : اشرف السر..
مدد مدد يا شيخي،، ودي كرامة قرابتك لي ناس الكرسني،،، عشان حاجتين..
1- الكمرا اللخدت الصور براها لي ناس الصلاة..
2- كونكم لميتو الجنسيات دي كلها وقعدتوها في البرش قبايل بعض،، ما سبقتكم عليها لا امم متحدة ولا اشتراكية...
ملحوظة: يمين بالله منور ووجيه، وصلعتك ما بتشبه صلعة الباقين يمين الله صلعتك احلاهم.. اها عليك الله شوف محمد الليلي ، دحين ما بشبه محمد الليلك..
تسلم يا قريبي
| |
|
|
|
|
|
|
Re: ما اجمل بورداب المغرب...بهجة لا تنتهي (صور) (Re: جمال المنصوري)
|
Quote: غايتو يا قريبي لا املك الا اقول كما قال اخونا : اشرف السر..
مدد مدد يا شيخي،، ودي كرامة قرابتك لي ناس الكرسني،،، عشان حاجتين..
1- الكمرا اللخدت الصور براها لي ناس الصلاة..
2- كونكم لميتو الجنسيات دي كلها وقعدتوها في البرش قبايل بعض،، ما سبقتكم عليها لا امم متحدة ولا اشتراكية...
ملحوظة: يمين بالله منور ووجيه، وصلعتك ما بتشبه صلعة الباقين يمين الله صلعتك احلاهم.. اها عليك الله شوف محمد الليلي ، دحين ما بشبه محمد الليلك..
تسلم يا قريبي |
اووووووه قريبي ياخي سبحان الله البُطان شبه شديد عاد ما ولاد عم كميفن ما يتشابهوا بعدين يا حبيب الصلعة د ياخي بقت آخر موضة
| |
|
|
|
|
|
|
Re: ما اجمل بورداب المغرب...بهجة لا تنتهي (صور) (Re: Ehab Eltayeb)
|
الاخ الفاضل ودجبريل
مية في المية
يحسب لك اجتهادك في ايجاد بورداب بالمغرب
واذا كان عددك ثلاثة فهم بهذا الانجاز يحسبوا تلاثمائة
ثمن لك عاليا دعوتك للجاليات لافطار سوداني يتعرفوا من خلاله
الى المائدة السودانية والاهم القيم السودانية في الافطار الجماعي
لك في هذه كاس خاص وشهر مبارك
| |
|
|
|
|
|
|
Re: ما اجمل بورداب المغرب...بهجة لا تنتهي (صور) (Re: محمود بكر)
|
والله يا طارق كلمة حق يجب أن تقال لقد كانت لفتة بارعة أن يكون إفطاركم لهذا العام مع طلابنا في المغرب الشقيق والأروع منها ضيوفهم من مختلف أصقاع العالم يا لها من رسالة عظيمة أستطتعم إرسالها إلى العالم عبر هؤلاء الضيوف ومن خلال إفطاركم البهي كصلعتكم
أمنياتي أن يتبوأ إفطاركم مقعده بين إفطارات البورداب مع الوضع في الاعتبار العدد القليل لكم كبورداب في المغرب
| |
|
|
|
|
|
|
Re: ما اجمل بورداب المغرب...بهجة لا تنتهي (صور) (Re: جعفر محي الدين)
|
الاخ العزيز / طارق جبريل اول حاجة خلي اقول ليك ربنا يحفظ ليك محمد واولادك من كل شر، اسمح لي ان اتقدم اليك بخالص التهنئة القلبية بنجاح افطار بورداب المغرب والذي حقيقة بلا جدال فاق كل ما شاهدته حتى الان من أفطارات اخري. لقد نجح ود جبريل فيما قصر عنه الاخرون (عشان ما نقول فشل) لقد عكس ود جبريل صورة الافطار السوداني الرمضاني كما هي وزي ما قالت الخريطة، البرش في المكان الواسع الما مضاري حتى يراه كل المارين وابناء السبيل ولم يجعل افطاره من وراء حجاب في صالة فندق 5 نجوم او 7 نجوم رغم تقديرنا للجهد والاجتهاد. نجح ود جبريل في عكس صورتنا الثقافية وعاداتنا الرمضانية الى اكثر من شعب مسلم عبر ضيوفه المختلفين من عدة دول اسلامية (فيما نجح بولس في نقل اكلاته اللبنانية الى بورداب جدة ثم جمعهم صفاً واحداً للصلاة وهو الشئ الوحيد الذي لم نراه في جميع البوستات السابقة (طارق صلى ما صلي مافي زول يسألني لكن بيكون بيصور) فيا لك من سفير فوق العادة لعاداتنا السمحة وقيمنا النبيلة. التحية لك ولضيوفك الكرام ولبورداب المغرب ودمتم. اسمع ما عندك حبوب ضغط لود الصائم؟
| |
|
|
|
|
|
|
Re: ما اجمل بورداب المغرب...بهجة لا تنتهي (صور) (Re: محمد عمر الفكي)
|
Quote: الاخ العزيز / طارق جبريل اول حاجة خلي اقول ليك ربنا يحفظ ليك محمد واولادك من كل شر، اسمح لي ان اتقدم اليك بخالص التهنئة القلبية بنجاح افطار بورداب المغرب والذي حقيقة بلا جدال فاق كل ما شاهدته حتى الان من أفطارات اخري. لقد نجح ود جبريل فيما قصر عنه الاخرون (عشان ما نقول فشل) لقد عكس ود جبريل صورة الافطار السوداني الرمضاني كما هي وزي ما قالت الخريطة، البرش في المكان الواسع الما مضاري حتى يراه كل المارين وابناء السبيل ولم يجعل افطاره من وراء حجاب في صالة فندق 5 نجوم او 7 نجوم رغم تقديرنا للجهد والاجتهاد. نجح ود جبريل في عكس صورتنا الثقافية وعاداتنا الرمضانية الى اكثر من شعب مسلم عبر ضيوفه المختلفين من عدة دول اسلامية (فيما نجح بولس في نقل اكلاته اللبنانية الى بورداب جدة ثم جمعهم صفاً واحداً للصلاة وهو الشئ الوحيد الذي لم نراه في جميع البوستات السابقة (طارق صلى ما صلي مافي زول يسألني لكن بيكون بيصور) فيا لك من سفير فوق العادة لعاداتنا السمحة وقيمنا النبيلة. التحية لك ولضيوفك الكرام ولبورداب المغرب ودمتم. اسمع ما عندك حبوب ضغط لود الصائم؟ |
ود الفكي يا حبيب الله يجبر بي خاطرك يا عمك السودان دة حلو بالموروث الثقافي المتعدد دة تخيل الجنسيات دي كلها كانت بتشأل عن اصناف الاكل لمن تشرح ليهم كل اكلة ومنطقتها وين بتلقاهم مستغربين من هذا التنوع الذي هو مضدر قوة كنا بسيطين جدا جبنا اكلنا وختينا بروشنا وقلنا ليهم ((حبابكم عشرة)) الفكرة كانت ليه ما نقول للناس في سودان آخر جميل عكس سودان نشرات الاخبار و((طفنقي الشريكين)) المهم نقدر نقول اننا حاولنا بعدين ياخي ببساطة نحن صلينا علي دفعتين مالكم دايرين تطلعونا كفار ود عبيد الصام شايفه غتس مرة واحدة واخوك خايف علي قريبي عمران لا يغمر
محبتي التي تعرف يا حبيب
| |
|
|
|
|
|
|
Re: ما اجمل بورداب المغرب...بهجة لا تنتهي (صور) (Re: جعفر محي الدين)
|
Quote: والله يا طارق كلمة حق يجب أن تقال لقد كانت لفتة بارعة أن يكون إفطاركم لهذا العام مع طلابنا في المغرب الشقيق والأروع منها ضيوفهم من مختلف أصقاع العالم يا لها من رسالة عظيمة أستطتعم إرسالها إلى العالم عبر هؤلاء الضيوف ومن خلال إفطاركم البهي كصلعتكم
أمنياتي أن يتبوأ إفطاركم مقعده بين إفطارات البورداب مع الوضع في الاعتبار العدد القليل لكم كبورداب في المغرب |
جعفر يا حبيبنا ياخي كيفنك يا حبيب السودان دة فيهو خير كتيييييييير بس ساستنا ديل مكنكشين في القصر الجمهوري دة وما عايزين الخير دة يمرق هذا الشعب لديه الكثير الذي يمكن ان يقدمه للبشرية تسلم يا ملك
| |
|
|
|
|
|
|
Re: ما اجمل بورداب المغرب...بهجة لا تنتهي (صور) (Re: محمود بكر)
|
Quote: الاخ الفاضل ودجبريل
مية في المية
يحسب لك اجتهادك في ايجاد بورداب بالمغرب
واذا كان عددك ثلاثة فهم بهذا الانجاز يحسبوا تلاثمائة
ثمن لك عاليا دعوتك للجاليات لافطار سوداني يتعرفوا من خلاله
الى المائدة السودانية والاهم القيم السودانية في الافطار الجماعي
لك في هذه كاس خاص وشهر مبارك |
محمود كيفنك ابوي ياخي الله يجبر بي خاطرك تعرف الفكرة كانت انه في وجه مشرق جدا لهذا السودان ليه ما نعكسه
| |
|
|
|
|
|
|
Re: ما اجمل بورداب المغرب...بهجة لا تنتهي (صور) (Re: Ehab Eltayeb)
|
Quote: سلام يا ود جبريل (ابو صلعة الجديد) ونا س المغرب تميتها ليهم حنك ساي يا ود جبريل .. وكمان اميرة بتشجع وبتديكم نقاط علي كل حاجة.. التواطؤ بتاعها ظاهر
|
ايهاب الطيب كيفنك ياخي ما تخجل قول الحقيقة قول الفكرة عجبتك وخجلان تقولها
بعدين ياخي بت الشيخ دي بتشجع اللعبة الحلوة
| |
|
|
|
|
|
|
Re: ما اجمل بورداب المغرب...بهجة لا تنتهي (صور) (Re: محمد الأمين موسى)
|
Quote: يا سلام عليك يا ود جبريل نكتّ لينا الشخصية العظيمة دي من وين؟؟؟ طارق مختار الإنسان الجميل النبيل. ولكن في حاجة: فطوركم البلا حريرة ده أجره كان طار ما بحصل بوابة العرفان! لا صيام بلا حريرة. ولا حريرة بلا بغرير أو مسمّن. (أو كما لم يقل سيدي عبدالرحمن المجدوب) |
ابو اللمين يا حبيب ياخي طارق دة عشان تنكتو داير ليك جيش عديل بعدين يا حبيب والله الحريرة كانت للركب بس خفنا عليكم يجيكم هارت
| |
|
|
|
|
|
|
Re: ما اجمل بورداب المغرب...بهجة لا تنتهي (صور) (Re: حبيب نورة)
|
Quote: وقعدنا ضيوفنا في البروش زي اهلنا في السودان لا فنادق لا سحسحة |
هههههههههه ... تقصد منووو انت يا دوك ؟؟؟
رمضان كريم ياخي ولمتكم سودانية 100%
تحياتي لمحمد طارق جبريل .. ربنا يحفظه واخوانه
ويديمك ليهم .... ________________________________________________
وانا لمت الفنادق هنا فاتتني كان عندنا(عبده ضيوف)
تخريمة: والله ماشاء الله صلعة علماء ساااااي
| |
|
|
|
|
|
|
Re: ما اجمل بورداب المغرب...بهجة لا تنتهي (صور) (Re: Dr. Ahmed Amin)
|
Quote: هههههههههه ... تقصد منووو انت يا دوك ؟؟؟
رمضان كريم ياخي ولمتكم سودانية 100%
تحياتي لمحمد طارق جبريل .. ربنا يحفظه واخوانه
ويديمك ليهم .... ________________________________________________
وانا لمت الفنادق هنا فاتتني كان عندنا(عبده ضيوف)
تخريمة: والله ماشاء الله صلعة علماء ساااااي |
يا دكتور ناس الحنكشة عارفين راسهم ياخي ما عايز صلعة العلم انا ياخي داير صلعة القروش
| |
|
|
|
|
|
|
Re: ما اجمل بورداب المغرب...بهجة لا تنتهي (صور) (Re: حبيب نورة)
|
Quote: طارق جبريل .. يمين بالله مية مية ....
وفكرة مشاركة الطلاب الافطار تاخدو عليها عشرة على عشرة
مشاركة الجنسيات الاخرى واهل الحى الافطار فكرة مجنونة وعجبتنى
ياسلام عليكم ياطارق
ما قمتو به مجهود كبير ومقدر ويستحق الاشادة والتقدير |
والله ياطارق بس زي ما قالت اميرة الشيخ ..........
عن نفسي انتو الاوائل ..............................
| |
|
|
|
|
|
|
Re: ما اجمل بورداب المغرب...بهجة لا تنتهي (صور) (Re: حبيب نورة)
|
Quote: يعني بعد السعودية طلعت لينا المغرب بنين |
يا حبيبها ياخي كيفنك يعني نص الناس ديل واكثر معرسين مغربيات نجيبهم حا تقولوا لينا انتو كارهين لي ذاتكم انا غايتو برة الشغلانية وزارة الداخلية عندي رطانية محسية لكن صلاح الاحمر وعمر عبد السلام مغاربة صرررررررررر
| |
|
|
|
|
|
|
Re: ما اجمل بورداب المغرب...بهجة لا تنتهي (صور) (Re: Amira Elsheikh)
|
Quote: طارق جبريل .. يمين بالله مية مية ....
وفكرة مشاركة الطلاب الافطار تاخدو عليها عشرة على عشرة
مشاركة الجنسيات الاخرى واهل الحى الافطار فكرة مجنونة وعجبتنى
ياسلام عليكم ياطارق
ما قمتو به مجهود كبير ومقدر ويستحق الاشادة والتقدير
نشوف ناس معاوية وبقية الغاغا حيمشو وين ؟ |
بت الشيخ يا زيني تعرفي يمين بالله العملو الفطور دة وسط الجاليات المختلفة الخارجية ما عملتو ياخي يجيك كمروني يقول ليك اشرح لي اللقمة دي يجيك بنغالي بيدرس لغة عربية يقول ليك: انه طعام جميل يجيك سنغالي مبسوط من سلطة الدكوة يقول ليك بتشبه اكلة عندنا يا زولة مولد عديييييييييييييييييل الفكرة كانت بسيطة: ياخي ليه ما نعكس وجه مشرق لهذا السودان في ظل كوارث نشرات الاخبار عن السودان
| |
|
|
|
|
|
|
Re: ما اجمل بورداب المغرب...بهجة لا تنتهي (صور) (Re: فيصل محمد خليل)
|
ربنا مايقطع ليكم عادة ويلمكم غي السمح دايماً يارب تصوموا وتفطروا على خير
وحمدلله على سلامة ناصر بركة الوصل ليكم وتحياتنا للاستاذ طلحة شايفاهو مشرفكم وبالله تحية خاصة لطلبتنا الصغار ديل وقول ليهم كل سنة وإنتو طيبين
______________ نوماتر واط يظل فطوركم متميز بحميميتو وبساطتو وتظل إنت متميز بوسامتك
| |
|
|
|
|
|
|
Re: ما اجمل بورداب المغرب...بهجة لا تنتهي (صور) (Re: Rawia)
|
Quote: ضربوا القراريص والافوال زي الترتيب |
ودجبرين عنك طيب اها جماعتكم ديل مشيتو تبنتوهم ؟ لايكونو غمرانيين ... يسالنى الله يوم الحجه تسوى القراصه انا حردانه الاكل عديل علشان قع تلخبط على لكمين يوم كده ..بكون فيها بين اليقظه والاحلام ماشايفه عبدالواحد ياطارق لكن شفتو ابنو الله يرضى هليك اخبارو كيف وانشالله صحته تكون اتحسنت ...تصدق اتصلت عليهو مرة واحد وتانى غلبنى كلو كلو اتصل عليه ... اتمنى من الله انو يكون اتحسن .. ورمضان عليكم كريم عليكم ياناس المغرب ... تسلم يارب من كل شر ....
| |
|
|
|
|
|
|
Re: ما اجمل بورداب المغرب...بهجة لا تنتهي (صور) (Re: ماجدة عوض خوجلى)
|
Quote: ودجبرين عنك طيب اها جماعتكم ديل مشيتو تبنتوهم ؟ لايكونو غمرانيين ... يسالنى الله يوم الحجه تسوى القراصه انا حردانه الاكل عديل علشان قع تلخبط على لكمين يوم كده ..بكون فيها بين اليقظه والاحلام ماشايفه عبدالواحد ياطارق لكن شفتو ابنو الله يرضى هليك اخبارو كيف وانشالله صحته تكون اتحسنت ...تصدق اتصلت عليهو مرة واحد وتانى غلبنى كلو كلو اتصل عليه ... اتمنى من الله انو يكون اتحسن .. ورمضان عليكم كريم عليكم ياناس المغرب ... تسلم يارب من كل شر .... |
قريبتي ياخي كيفنك ورمضان كريم عليك وعلي اسرتك ياخي انا والله لو مكانك الحاجة دي ما افارقها شبر واحد ربنا يديها العافي ويطول في عمرها ما تخافي ضربولي الطلبة مبسوطين وبقوا يتخوججوا في الحي عبد الواحد بخير يا ماجدة ربنا يشافيه حالته مستقرة والحمد لله تسلمي يا ملكة
| |
|
|
|
|
|
|
Re: ما اجمل بورداب المغرب...بهجة لا تنتهي (صور) (Re: Rawia)
|
Quote: ربنا مايقطع ليكم عادة ويلمكم غي السمح دايماً يارب تصوموا وتفطروا على خير
وحمدلله على سلامة ناصر بركة الوصل ليكم وتحياتنا للاستاذ طلحة شايفاهو مشرفكم وبالله تحية خاصة لطلبتنا الصغار ديل وقول ليهم كل سنة وإنتو طيبين
|
اووووووه بت العباسي ياخي كيفنك ورمضان كريم تصومي وتفطري علي خير وتحياتك وصلت تب
Quote: وتظل إنت متميز بوسامتك |
آآآي بالله يا راوية قولي ليهم ياخي الوسامة دي ما شرط يكن فيها بريل كريم وجيل
| |
|
|
|
|
|
|
Re: ما اجمل بورداب المغرب...بهجة لا تنتهي (صور) (Re: فيصل محمد خليل)
|
غايتو الا يجينا بوردابى آخر من المغرب يؤكد الكلام ده .... بالمناسبه بعد وضع النقاط الآتيه : 1- العدديه 2- التنوع 3- سميره دنيا 4- حاتم E 5- الرجوع لجميع بوستات الافطارات الجماعيه
}}}}}}}}}}}}}}
المركز الاول بدون منافس هو لبورداب الامارات والمركز الطيش لبورداب المريخ بعطبره
و افطار ات دول البحر الابيض خارج المنافسه
| |
|
|
|
|
|
|
Re: ما اجمل بورداب المغرب...بهجة لا تنتهي (صور) (Re: طارق الكوتش)
|
Quote: غايتو الا يجينا بوردابى آخر من المغرب يؤكد الكلام ده .... بالمناسبه بعد وضع النقاط الآتيه : 1- العدديه 2- التنوع 3- سميره دنيا 4- حاتم E 5- الرجوع لجميع بوستات الافطارات الجماعيه
}}}}}}}}}}}}}}
المركز الاول بدون منافس هو لبورداب الامارات والمركز الطيش لبورداب المريخ بعطبره
و افطار ات دول البحر الابيض خارج المنافسه |
يا كوتش كيفنك يا زول ان شاء الله انا جايييك شحما ولحما انتو طبعا الطيش دي محمداكم
| |
|
|
|
|
|
|
|