نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
Re: ما اجمل بورداب المغرب...بهجة لا تنتهي (صور) (Re: طارق جبريل)
|
الصفوة ود جبرين ,,,,
افطاركم رائع بزاف ,,,بزاف ,,,
الفكرة جميله بالافطار في السكن الجامعي مع طلابنا الحلوين ,,
البوست مرتب والصورة تحكي عن افطار منسق ومحضور من كل بلاد الله ,,,
تحياتي يا حبيب ,,,
| |
|
|
|
|
|
|
Re: ما اجمل بورداب المغرب...بهجة لا تنتهي (صور) (Re: صلاح عثمان)
|
اهم شيئ في هذا ترتيب المكان ترتيب ذاتي يعني ما في اثر لفندق زي ناس جدة
إقتراح لجنة لتقييم إفطارات بورداب سودانيزاون لاين حول العالم 1431هـ معايير التقييم 1_تنظيم المكان وترتيبه 10 نقاط 2_ وجود الأكلات والمشروبات السودانية 5 نقاط 3_ وجود الزي السوداني 5 نقاط 4_ البرنامج المصاحب ومدى حمله لمضامين التراث السوداني 5 نقاط 5_ تغطية الصور لجميع الموجودين 5 نقطة ' 6 _ .......... 7_ ......................
| |
|
|
|
|
|
|
Re: ما اجمل بورداب المغرب...بهجة لا تنتهي (صور) (Re: عوض عيد)
|
Quote: الصفوة ود جبرين ,,,,
افطاركم رائع بزاف ,,,بزاف ,,,
الفكرة جميله بالافطار في السكن الجامعي مع طلابنا الحلوين ,,
البوست مرتب والصورة تحكي عن افطار منسق ومحضور من كل بلاد الله ,,,
تحياتي يا حبيب ,,, |
عوض يا حبيب الله يجبر بي خاطرك والله دة مجهود ناس بعدد اصابع اليد يديهم الصحة ياخي تسلك كتيييييير
| |
|
|
|
|
|
|
Re: ما اجمل بورداب المغرب...بهجة لا تنتهي (صور) (Re: طارق جبريل)
|
عزيزى طارق لك كل الود و التحية مبروك لبورداب المغرب التفوق جهد رائع و عمل عظيم
بحكم الجغرافيا { بوردابى بماكو مالى } و حاجات تانية شوف لينا معاكم عضوية كان انتساب و للا اعارة
........................................................
مبرمج فى المولد النبوى القادم ان شاء الله زيارة المغرب خاصة فاس تطوان مراكش
| |
|
|
|
|
|
|
Re: ما اجمل بورداب المغرب...بهجة لا تنتهي (صور) (Re: احمد حامد صالح)
|
يا ود جبريل شايف ود الصائم ظهر ولاح بعد غيبوبة استمرت منذ فتح هذا البوست الذي فاق الكبار والقدرو، سالت عنو قالوا لي دربات الجلكوز يادوب لقت ليها سرسار تخش بيهو جسمه، بعيد عنك وعنه المصدوم دا بيكون زي زول الصرعة ربنا يشفى كل مريض بختوا ليهو ملعقة في خشمو بيتنيها زي اللبانة اعصابه كلها مشدودة. عمران قال لي جاي العمرة لكن بعد دا الله اعلم، كان خايف يضرب لي يقول لي يا اخوي انا شتت من الرياض. بعيداً من النص وليس بعيداً من عمران، انا من حزب تيسير عووضة وامين محمد سليمان شايفو قام يفتش في الزبائن وعمران لصق ليهو صورة قال دا انا، هي تقريباً صورتي ما عدا الشعر ما عارف لقطو من وين. يا عمران انا ما عندي صلعة، انا عندي "جلحات" مالك داير توقف سوقي . امانة ما لقيت لك فينا زلة يا ود الصائم.
| |
|
|
|
|
|
|
Re: ما اجمل بورداب المغرب...بهجة لا تنتهي (صور) (Re: احمد حامد صالح)
|
ود جبرين:
يعني صديقي الورطة ماقصر ياهو جاب موية سيدي علي ،وكمان نسيبو تحايتنا للعم عبدالوهاب، وعصام قطر،وعمر عبدالسلام،والاحمر،وكل ناس الرباط الحلوين،والشبل محمد وشكلوا العسل قام بدوره. فكره جهنمية،والظاهرة من امهات افكارك،التي خرجت بعد فراقنا للمغرب بعد السويسي الثاني دي،سنيني بالمغرب كلها دخلت مرتين،وشكلكم عاملين الدرب ساكاك مودتي لكل اهل الرباط الرائع باهلها.
| |
|
|
|
|
|
|
Re: ما اجمل بورداب المغرب...بهجة لا تنتهي (صور) (Re: نصر الدين عثمان)
|
Quote: يا سلام عليكم يا بورداب المغرب .. نعم الإفطار هو إفطاركم.. إفطار سوداني مائة بالمائة .. بالهناء والشفاء وربنا يجعلنا وإياكم من عتقائه .. سنين طويلة حرمنا من تلك الجلسة الحميمية .. قاتل الله الغربة والاغتراب .... التحية لبورداب المغرب.. وتحية خاصة لأميرال وأولاد جبرين |
نصر الدين كيفنك والله كلنا نفتقد هذه الاجواء الغربة قاتلة لكن الله غالب محبتي الاكيدة
| |
|
|
|
|
|
|
Re: ما اجمل بورداب المغرب...بهجة لا تنتهي (صور) (Re: طارق جبريل)
|
جبرين رمضان كريم
انت عارف انو السنه كل الناس اجتهدت شدييييييد فى انجاح الافطار وللامانه الناس كلها حازت على الدرجه الكامله من دون استثناء ياخى كفايه انو الناس تتلم وتجتمع لتمارس بعض الطقوس السودانيه فى اراضى الشتات . ياخى انحنا فى كوالالمبور تقريبا كنا اول ناس نعمل افطار ،، وكنا فرحانين بالموضوع دا خالص ،، ومفتكريين انو انحنا ما بنتلحق فى القصه دى ،، لكن جيتو انتو فتو الكبار والقدركم
من وجهه نظرى ان توجيه الدعوه للطلبه هى ضربه معلم . وقصه افتراش الارض دى ما تستهون بيها ،، هى العززت موقفكم
تحياتى ياخى
خالد عبد الحليم
| |
|
|
|
|
|
|
Re: ما اجمل بورداب المغرب...بهجة لا تنتهي (صور) (Re: خالد عبد الحليم سعيد)
|
الرجل الفنان الجميل / طارق جبريل بكل الحسابات والمعاير والمقايس فطور كم يعتبر القمة حتى الان فطور رمضانى على الطريقة السودانية الاصلية وجبات سودانية ماخمج - مشروبات رهيبة - جلسة ولافى الاحلام - شباب بذل مجهود مقدر فى التنظيم والترتيب نساء صنعنا كل هذا الجمال بلمسات فنية سودانية عالية والاجمل من ذلك صورة طارق التى كانت فى الخيال متعددة الاشكال والمواهب
فالتحية لشباب المغرب واللفتة البارعة الجميلة
| |
|
|
|
|
|
|
Re: ما اجمل بورداب المغرب...بهجة لا تنتهي (صور) (Re: نزار عثمان السمندل)
|
Quote: أما الذي أدخل السرور ، بشكل مضاعف، الى قلبي، فهو رؤية ابن الخال العزيز سعيد الشريف بينكم.. هذه من أجمل هدايا هذا الشهر الفضيل بالنسبة لي . متعكم الله بالصحة جميعاً ،
|
نزار يا حبيبنا ياخي كيفنك ورمضان كريم عليك ياخي خالك رحمة الله عليه ما كان راجل هين عشان كدة ابسط شي اسرته تكون حاضرة بيننا والله الفطور كان مفتقدكم يا خريجي المغرب
| |
|
|
|
|
|
|
Re: ما اجمل بورداب المغرب...بهجة لا تنتهي (صور) (Re: Yasier Elsayed)
|
Quote: الرجل الفنان الجميل / طارق جبريل بكل الحسابات والمعاير والمقايس فطور كم يعتبر القمة حتى الان فطور رمضانى على الطريقة السودانية الاصلية وجبات سودانية ماخمج - مشروبات رهيبة - جلسة ولافى الاحلام - شباب بذل مجهود مقدر فى التنظيم والترتيب نساء صنعنا كل هذا الجمال بلمسات فنية سودانية عالية والاجمل من ذلك صورة طارق التى كانت فى الخيال متعددة الاشكال والمواهب
فالتحية لشباب المغرب واللفتة البارعة الجميلة
|
حبيبنا ياسر ياخي الله يجبر بي خاطرك رمضان كريم وكل سنة وانت طيب وربنا يجمعنا في ساعة خير
| |
|
|
|
|
|
|
Re: ما اجمل بورداب المغرب...بهجة لا تنتهي (صور) (Re: خالد عبد الحليم سعيد)
|
Quote: جبرين رمضان كريم
انت عارف انو السنه كل الناس اجتهدت شدييييييد فى انجاح الافطار وللامانه الناس كلها حازت على الدرجه الكامله من دون استثناء ياخى كفايه انو الناس تتلم وتجتمع لتمارس بعض الطقوس السودانيه فى اراضى الشتات . ياخى انحنا فى كوالالمبور تقريبا كنا اول ناس نعمل افطار ،، وكنا فرحانين بالموضوع دا خالص ،، ومفتكريين انو انحنا ما بنتلحق فى القصه دى ،، لكن جيتو انتو فتو الكبار والقدركم
من وجهه نظرى ان توجيه الدعوه للطلبه هى ضربه معلم . وقصه افتراش الارض دى ما تستهون بيها ،، هى العززت موقفكم
تحياتى ياخى
خالد عبد الحليم
|
خالد كيفنك ابوي ورمضان كريم عارف الفيلم دة كله اهم شي فيهو اللمة دي ياخي اللمة دي بتخلي الزول فرحان شهرين كدة ياخي انا درست في مصر وممكن احس احساس الطلبة ديل عشان كدة الفكرة كانت ليه ما نعكس وجه آخر للسودان ياخي السودان دة حلو بس ساستنا ديل ما عارفين ليه يا سيدي ربنا يجمع الناس في ساعة خير وكل سنة وبورداب ماليزيا بخير
تليشة: ياخي عايز اجي اجازة ماليزيا دي مع الاولاد محتاج لي معلومات عن الفنادق والذي منه
| |
|
|
|
|
|
|
Re: ما اجمل بورداب المغرب...بهجة لا تنتهي (صور) (Re: انعام حيمورة)
|
العزيز طارق جبريل كيفنك يا أخوي وكل سنة وإنت طيب ورمضان كريم عليك وعلى مرتك واولادك وعلى كل ناس المغرب الحلوين
لي زمن منك والله الواحد مشتاق ليك شديد قلت أخش أشوف الصور والناس والله لو ما الشوارع النضيفة والعمارات الراقية حولكم دي الواحد يقول قاعدين في امتداد الدرجة الثالثة عدييييييييييل عينا باردة على شغلكم النضيف تحياتي لك وللاسرة
| |
|
|
|
|
|
|
Re: ما اجمل بورداب المغرب...بهجة لا تنتهي (صور) (Re: كمال الشادي)
|
Quote: العزيز طارق جبريل كيفنك يا أخوي وكل سنة وإنت طيب ورمضان كريم عليك وعلى مرتك واولادك وعلى كل ناس المغرب الحلوين
لي زمن منك والله الواحد مشتاق ليك شديد قلت أخش أشوف الصور والناس والله لو ما الشوارع النضيفة والعمارات الراقية حولكم دي الواحد يقول قاعدين في امتداد الدرجة الثالثة عدييييييييييل عينا باردة على شغلكم النضيف تحياتي لك وللاسرة
|
عييييييييييييك يا خرابة انت حي رمضان كريم تصوم وتفطر علي خير يعلم الله مشتهي ونستك
| |
|
|
|
|
|
|
Re: ما اجمل بورداب المغرب...بهجة لا تنتهي (صور) (Re: معاوية الزبير)
|
Quote: ماشين كويس يا طارق، كم رمضان كدا وتقدروا تنافسوا بورداب الدوحة
يا حبيب شغلكم مية في المية والله
أسعدتني جدا شوفة الابن حافظ كمبال، طمنا بالله على صحة أستاذنا عبد الواحد
التحيات لجميع سودانيي الأطلسي
|
ود الزبير كيفنك عبد الواحد بخير والحمد لله طبعا فطورنا فوق المنافسة بس انتو كيف تعترفوا
| |
|
|
|
|
|
|
Re: ما اجمل بورداب المغرب...بهجة لا تنتهي (صور) (Re: معاوية عبيد الصائم)
|
طارقنا ... تسلم يابا,
مبروووك هذا النجاح الكبير, فأظنكم عملتم حاجة مختلفة وجميلة في آن. من الضيوف الأجانب إلى بقية أبناء الجالية السودانية, إلى برنامج الأمسية, إلى البروش { رغم عدم إستطاعتي الآن أن أتفرشخ } إلى الطعام السوداني المغربي, إلى الجمع بين الترانيم الدينية والتطريبات الدنيوية, إلى ذلكم الفرح المبذول في جنبات الساحة... فهنيئا.
بس ما شايف لي قراصة وإنت الشايقي الهمام, ولا صحن لقمة بي نعيمية أو ملاح روب... وبعدين بصراحة كنت وصديقي عمر عبدالسلام خاتيكم في خانة الناس القيافة, لكن ما كنت متخيل أنكما وسيمين لهذه الدرجة... فشان كده المغربيات إتكسرن فيكم ... هيييييع.
ياخ خليتنا نحب المغرب, بلدا وصلاة وإتجاها... ومن الآن الترانسيت بتاعي ما حا إكون أوربا ... فالمغرب أحضن.
... مع ودي الذي تعلم
| |
|
|
|
|
|
|
Re: ما اجمل بورداب المغرب...بهجة لا تنتهي (صور) (Re: omer abdelsalam)
|
Quote: يا حبيب نرسله ليك لحدي عندك بس شوف ليك مغربي جايي اجازة |
بارك الله فيك اخوي طارق ود جبرين. وصلت مشاعرك النبيلة الطيّبة الصادقة، ولك مني عظيم الشكر عليها. ويا قول أُمي عليها رحمة الله: يا بركة رب العالمين، اللآبيحدسو لآبيعرفوا، يا طارق جبرين نتلآقى في البلد، ونقعد فوق حرف الجدول، ونمسك الصبيطة بإيدينا، ونعزّل التميرات من الشخاليب وناكُلِن وسط الأهل بحضورهن سالمين وتآمين، يا بركة من جعل محمد نبي...
| |
|
|
|
|
|
|
Re: ما اجمل بورداب المغرب...بهجة لا تنتهي (صور) (Re: معاوية المدير)
|
Quote: بارك الله فيك اخوي طارق ود جبرين. وصلت مشاعرك النبيلة الطيّبة الصادقة، ولك مني عظيم الشكر عليها. ويا قول أُمي عليها رحمة الله: يا بركة رب العالمين، اللآبيحدسو لآبيعرفوا، يا طارق جبرين نتلآقى في البلد، ونقعد فوق حرف الجدول، ونمسك الصبيطة بإيدينا، ونعزّل التميرات من الشخاليب وناكُلِن وسط الأهل بحضورهن سالمين وتآمين، يا بركة من جعل محمد نبي...
|
خلاص يا ود المدير النبي فيك ما تجي عيد الضحية فشان نتقابل
| |
|
|
|
|
|
|
Re: ما اجمل بورداب المغرب...بهجة لا تنتهي (صور) (Re: HAYDER GASIM)
|
Quote: طارقنا ... تسلم يابا,
مبروووك هذا النجاح الكبير, فأظنكم عملتم حاجة مختلفة وجميلة في آن. من الضيوف الأجانب إلى بقية أبناء الجالية السودانية, إلى برنامج الأمسية, إلى البروش { رغم عدم إستطاعتي الآن أن أتفرشخ } إلى الطعام السوداني المغربي, إلى الجمع بين الترانيم الدينية والتطريبات الدنيوية, إلى ذلكم الفرح المبذول في جنبات الساحة... فهنيئا.
بس ما شايف لي قراصة وإنت الشايقي الهمام, ولا صحن لقمة بي نعيمية أو ملاح روب... وبعدين بصراحة كنت وصديقي عمر عبدالسلام خاتيكم في خانة الناس القيافة, لكن ما كنت متخيل أنكما وسيمين لهذه الدرجة... فشان كده المغربيات إتكسرن فيكم ... هيييييع.
ياخ خليتنا نحب المغرب, بلدا وصلاة وإتجاها... ومن الآن الترانسيت بتاعي ما حا إكون أوربا ... فالمغرب أحضن.
... مع ودي الذي تعلم
|
حيدر هول ناس قاسم ياخي كيفنك ورمضان كريم تصوم وتفطر علي خير والله يا حبيب القراريص كانن ما يدنك الدرب بس خفنا علي الناس توقع فشان كد ما صورناهن
يا حبيب يا ريت تتطل علينا دة يوم المنى ياخي
| |
|
|
|
|
|
|
Re: ما اجمل بورداب المغرب...بهجة لا تنتهي (صور) (Re: خالد عبد الحليم سعيد)
|
Quote: ياخ حبابك الف ،،، بس انت انوى ،،، لانك حتفرح جنوب شرق اسيا كلها بى طلتك بالرغم من انو اخوك ما ناقش الحبه، لكن ماليزيا دى يمكن تكون ارخص حته محترمه ممكن تقضى فيها يومين حلوين . لكن ممكن تسأل الزملاء هنا خالد فهمى الطيب العامرى اوعثمان سيد هم بدوك الزبده ابقى عافيه
|
تسلم يا حبيب لمن انوي ان شاء الله بديكم خبر
| |
|
|
|
|
|
|
Re: ما اجمل بورداب المغرب...بهجة لا تنتهي (صور) (Re: الشاذلى خيرى عبد الله)
|
شيخ الطُلِب .... كيفنّك .. (الطُّلب، مش الطَّلَبة .. عشان ما تفرح).
نحن لا نبخس الناس أشيائهم.
فطوركم مرتّب .. فيهو شغل أكيد .. فكرة مشاركة الطلبة جميلة.
هو فطور رمضاني ............ نعم.
لكن سوداني؟ ............... لا.
فطور بورداب؟ .............. قول إنت.
يا خوي نقول عليهو سوداني كيف، وإنت جايب لي (بسطيلة وبريوات وكروفيت وسمك ميرنا وزيتون بالشطة وسفوفة)، ياخ دي حاجات أساميها كدي ماااااااا شكل حاجة بتملا المعدة. يعني أصناف غير سودانية وأكلوها غير سودانيين.
بعدين حكاية فطور بورداب دي ... إنتو تلاتة بورداب، والبقية أصحابكم والطلبة.
وتاني كمان الأكاليم السمحة دي سميتوها بروش؟ ... قادر الله.
سبب تاني يمنعكم من المنافسة منعاً باتّاً. وهو ياخ لما يأذن مغربكم ده وتفطروا، بنكون نحن هنا التراويح عندنا خلصت .... يعني صيامكم ذاتو فيهو إنّ.
| |
|
|
|
|
|
|
Re: ما اجمل بورداب المغرب...بهجة لا تنتهي (صور) (Re: محمد أبوالعزائم أبوالريش)
|
Quote: شيخ الطُلِب .... كيفنّك .. (الطُّلب، مش الطَّلَبة .. عشان ما تفرح).
نحن لا نبخس الناس أشيائهم.
فطوركم مرتّب .. فيهو شغل أكيد .. فكرة مشاركة الطلبة جميلة.
هو فطور رمضاني ............ نعم.
لكن سوداني؟ ............... لا.
فطور بورداب؟ .............. قول إنت.
يا خوي نقول عليهو سوداني كيف، وإنت جايب لي (بسطيلة وبريوات وكروفيت وسمك ميرنا وزيتون بالشطة وسفوفة)، ياخ دي حاجات أساميها كدي ماااااااا شكل حاجة بتملا المعدة. يعني أصناف غير سودانية وأكلوها غير سودانيين.
بعدين حكاية فطور بورداب دي ... إنتو تلاتة بورداب، والبقية أصحابكم والطلبة.
وتاني كمان الأكاليم السمحة دي سميتوها بروش؟ ... قادر الله.
سبب تاني يمنعكم من المنافسة منعاً باتّاً. وهو ياخ لما يأذن مغربكم ده وتفطروا، بنكون نحن هنا التراويح عندنا خلصت .... يعني صيامكم ذاتو فيهو إنّ.
|
عا########ي الصينية القطعت ضهرك وشايله بهناك ديك
حبيبنا ود ابو العزائم كيفنك ابوي تصوم وتفطر علي خير
| |
|
|
|
|
|
|
|