|
Re: ما هو المعيار ؟ (Re: تبارك شيخ الدين جبريل)
|
يا تبارك نبز ياخ على راحتك نحن ما اولاد ثورات
وقيل في الثورات قديما
ما بين القوسين () للاخوان رجالة *
__________ * من يريد ان يعرف معنى ما بين القوسين () عليه بود الصايم في الخاص
| |
|
|
|
|
|
|
Re: ما هو المعيار ؟ (Re: كمال عباس)
|
Quote: ياللا ورينا محسن مسح بي الأرض وين ? ونحن زاتو مختلفين في شنو ? ومنطلقاتناالفكرية شنو? خلافي ومحسن خلافي فكري : أنا أستند علي رؤيةومدرسة ليبرالية يراها محسن مدجنة وبتراهن علي الواقع علي حساب الفكرة ومحسن يتبني رؤيةأري أنها ليبرالية متطرفةومفارقة للواقع ويعارضهاالمجري العام في الغرب نفسه ! يعني خلافناخلاف مناهج ونظريات ورؤي لاخلاف شخصي أوصراع عبقريات ذاتية ولاهو صراع بعقليةهلال مريخ ومنتصر ومهزوم ! لامحسن يشكك في قدرات كمال وإمكاناته ولا كمال يضع ثقافة وفكر محسن في ميزان إختبار ! ........ ليبراليةأساسي ذكر أساسي أنه ليبرالي وديموقراطي ..إنطلاقا من هذا نسأله - الي أي مدرسةليبرالية ينتمي ?وماهي المناهج والنظريات الليبرالية التي يتفق معها? ومن هم المنظرون الليبراليون الذين يتفق معهم? |
لا افرز يا ديجانقو مافي زول اشار لصراع شخصي وانما ( انت ماخذ الموضوع دا ومشاركاتك في البوست كلها بمنحي شخصي) دي حاجة تانية ما عندها علاقة بردم محسن خالد الفكري ليك , فكونه محسن خالد ردمك لمن قلت بس دي متاحة للجميع في شاشة العرض او ماذا تشاهد الليلة , فكونه كمال عباس اتردم دي الحاجة الشايفنها كلنا وما بنقدر نقول خلاف ذلك , بعدين تعال ياخي شنو شابك الراجل الغرب لسع ما حسم الموضوع دا وما ادراك ما حسمه , الزول بيسألك عن قناعاتك الشخصية تقول ليهو راجي امريكا تحسمه عشان بعد داك اكون وجهة نظر وفكرة عن الموضوع يا ابو منهج ليبرالي متزن ! فيا الغالي شوف ليك مراقة اطلع بيها من العصرة الانت فيها دي او اعترف لي محسن انك قاصر فكريا والكلام دا كبير علي او ياخي قول ليهو ( تصدق يا محسن لسع ما فكرت في الموضوع دا خليني افكر وادبر واحسم امري وبعد داك اقول ليك وجهة نظري شنو) بالنسبة لسؤالك عن مدرستي الفكرية اللبرالية انا داير اقول ليك : تعرف يا كيمو دي الحاجة المخليك ماشي في البورد دا عموما وفي البروست دا خصوصا بطريقة المربعات والشبيح والدردقة , ولانك زول جامد فكريا ومجرد مستتقي معلومات وليس لك فكرا خاصا بك وانما اذا قال هوبز هذا فانت متبعه علي عمي وان قال لوك ذاك فانت متبعه وانت مدلدل ايدينك ولو قالت المدرسة الكلاسيكية هذا فهو مقدس عندك يا عمك لا هوبز لا طه حسين لا فرج فودة لا فردرك باستيا يحددوا ليك طريقة تفكيرك وتقيمك للحاجات زي ما ربنا اداهم امخاخ اداك انت مخ وتختار البيناسبك وليس البيناسب اعمامك الشفوت الفوق ديل فكوني لبرالي يا كيمو ليبراليتي دي بطريقتي انا وقايمة علي مبدا واحد وهو انت حر في اي حاجة تعملها بس ما تهابشني في حاجاتي وكل شاة معلقة من عرقوبها دا بالنسبة للحرية الشخصية وبالنسبة للحرية الدينية كل نفس بما كسبت رهينة يعني كل زول مسئول من تصرفاته وعلاقته بي ربه لكم دينكم ولي دين , وبالنسبة للحرية المالية ياهو داك سوق الله اكبر مفتوح والحشاش يملا شبكته وفق الانظمة والقوانين المتفق ومتعارف عليها ونظام القشرات بي ناس فريدريش ومين ما تعرف دي تقشروها بيها في المنابر انتو وتعملوا بيها مستفين اوبس مثقفين وتفكوها في عباد الله لحدي ما يجي واحد زي محسن خالد دا يشطفك في نص الظلط بي قشرتك زاتها ــــ الاسماء الفوق دي يا كيمو قشرة مني وكدا لقيتها في قوقل
| |
|
|
|
|
|
|
Re: ما هو المعيار ؟ (Re: اساسي)
|
Quote: فانا لم اقل مطلقا اني معجب بكتابات اشراقة الجنسية وانما حددت اني لست ضد كتابة اشراقة بصورة عامة بل ومعجب بكثير من كتاباتها واضفت لك اعلاه مدي اعجابي بكتابات اشراقة . |
قلت كدا؟ بصورة عامة دي ما لاقتني في كلامك خصوصاً إنو النقاش كان داير تحديداً حول الكتابات الجنسية الجريئة وتم الإستشهاد بإقتباس واضح صريح لذلك من كتابات إشراقة نفسها تلا ذلك تعبيرك عن إعجابك بكتابتها لم تستثني منه الكتابات الجريئة موضوع الجدل لكن طالما جابت ليها (لم اقل مطلقا)يبقى خلاص عفيتك والله ..
Quote: ولكن السؤال هو لماذا عندما لا تروقك كتابة اشراقة الجريئة كما اسميتيها لا تتعاملي معها كتعاملك مع منال ؟؟ بالرغم من ردك اعلاه عن التكرار والذي افترعنا منه السوال هل اذا كانت منال تكتب (مرة مرة وبدون تكرار) مثل كتاباتها تلك لن تعترضي علي ذلك وتطلبي منها انه تمشي تعمل الحاجات ديك برة وترجع ؟ ولم نسمع لك اجابة حتي تاريخه !! |
تجد إجابتي على هذا السؤال بالتفصيل الممل في صفحة 15، بالنسبة لكتابة منال مسألة التكرار بإلحاح + الإيحاءات أحادية المضمون + مقارنة طريقة الردود على المتداخلين + الإلتفاف حول معاني كالبصل والكدايس وتميز رجال الشايقية مما يبتذل حتى المشاعر الإنسانية التي ترد بشكل عابر ويتم التعبير عنها، كل ذلك يصنع فرقاً شاسعاً عندي وهو الذي يجعل ردة الفعل مختلفة تماماً وبرضو يا أساسي لو كلامي دا ما واضح يبقى ما بغالطك في المقسومة ليك .. بعدين إنت خليني أسالك .. بياتو حق ولا أهلية بتحاسب فيني؟ أوعى تقول لي دفاعاً عن حرية التعبير وضد الإقصاء ؟ يا أساسي نظرة بسيطة لتاريخ مواقفي في هذا البورد وغير البورد من القضايا دي مقارنة بتاريخك الذي يسبقني في ذلك بيوضح ليك ياتو واحد فينا ما ممكن المزايدة على مواقفو وياتو واحد فينا بيساند أو على الأقل يسكت عن إنتهاك حرية التعبير و الممارسات الإقصائية الجد جد والبتمس أحياناً أرواح ناس عديل ودا تحديداً الخلاني أكرر ليك طيلة البوست دا إني ما قادرة أتعامل مع موقفك دا بالجدية المطلوبة، فرجاء يا أخانا أساسي ما تتعلم الديموقراطية والليبرالية الهطلت عليك فجأة دي على قفانا نحن ..
هذا مع إحترامي وتقديري لتكبدكم مشاق الدفاع عن القضايا آنفة الذكر والتي أتمنى إنك تقدر عليها دايماً لأنو دا درباً صعيب وقديماً قيل زي قرش الحصى ..
ـــــــ حكاية والله ()
| |
|
|
|
|
|
|
Re: ما هو المعيار ؟ (Re: تيسير عووضة)
|
الاخت تيسير
ما ملاحظة انك بتكرري في المقسومة ليك دي كتير وانا بتجاهل , كونك شايفة انه في فهمي قصور او خطل وكونك ارتضيتي الحوار معاي في البوست دا فواجب عليك تنزلي تحت في الارض لمستواي الانت شايفاني بيهو وما تحاولي تتذاكي وتمارسي الاستفذاذية المقيتة دي الامر بالنتزع منك مواقفك البتقولي عليها انتزاعا في تاريخك المنبري كونك شايفة روحك فايتة الاخرين بمراحل في الفهم والادراك وانك وصلتي لمستوي لا يستطيع فيه ( البسطاء ) من امثالي ادراك كتاباتك العالية فدا مدعاة لانك تراجعي ادوات توصيلك للاخرين ومدي قصورها وليس قلة فهمي وادراكي والتريقة السخيفة اعلاه . ومن جانب اخر مافي حاجة تستدعيني اكذب في حاجة كتبتها في نفس البوست دا والغريب في الامر انه عزاز حاورتني في الموضوع دا وجاء ردي عليها بما تستندي عليه من مفارقة ترينها وحيدة لم تفهمها عزاز الا كما اردت لها ولم تفهما الاخوات الاخريات ولا الاخوان الا مثلما كتبتها وعنيتها اللهم الا انت من خرج من هذا التعقيب بهذا الفهم الذي ما قصدته يعني بالعربي قصدت اثبت احترامي للاخت اشراقة مصطفي كونه استعنت ببعض كتاباتها في مثال قد تراه يضرب في ملكتها الادبية وقصدت انه لا توجد معركة بينني وبين اشراقة مصطفي في نصوصها وانما وجهت هذا الحديث او ضربت هذا المثال مستندا علي مواقف الاخت اشراقة من الحقوق النسوية والجندر وما شاكل من اهتمامات تجد نصيب الاسد من اهتمامات الاخوات المشاركات في الحوار والمتخذات موقف معادي لكتابة منال , اعتقد انه بعد التفسير دا كلامي واضح جدا ولست بحاجة لان انكر كتابة كتبتها وفسرتيها علي هواك وتشيعين الان انني انط منها او اتهرب منها بالنسبة لشرحك المكرور ادناه
Quote: بالنسبة لكتابة منال مسألة التكرار بإلحاح + الإيحاءات أحادية المضمون + مقارنة طريقة الردود على المتداخلين |
الا ترين انك اتخذت من نفسك قيما علي كتابة منال وعدتي وحملتي ( البسطونة) تصححين لها كتابتها متخذة من نفسك ( ست الناظرة ) ؟ ومن ذا الذي يقول ان ايحائتها احاديةة المضمون اليس فهمك الشخصي وادراكك انت والذي قد يكون ادراكا قاصرا او كما يتضح في فهمك لكتابتي عن اشراقة ؟ اوليس انت من شرحتي حديثها وحملتيه ما تريدين ان تحمليه من معاني ضنت منال بها وكتابتها صراحة ؟ ما الذي يجعل من البصل تلميحا جنسيا متتفق عليه احادي المضمون مثلا ؟ اليس تفسير الاخت تيسير لذلك ؟ انا اري انك تحاكمين فهمك للاشياء وادراكك لها في كتابات منال وبالمقابل كما اسلفت عن مواقفك الثابتة من الحريات و حرية التعبير وليبراليتك في هذا المنبر اراك تجافين الواقع وتلتفين حول نفسك فكتابة منال في بوستاتها وردودها لزوار بوستاتها وليست في بوستات تيسر المعروف مواقفها سلفا وخطها المنبري اليس في ذلك تعدي علي حريتها الشخصية في التعبير او كما ظللت تنادين ؟
| |
|
|
|
|
|
|
Re: ما هو المعيار ؟ (Re: عزاز شامي)
|
بروست شنو يا أساسي ياخ!! الظاهر عليكـ جيعان!!
وبعدين توضيح الأسماء إنها من قوقل دي حلوة والله!! معقول أساسي البعرفوا دا بعرف الناس دي كلها من وين؟ الفيسبوكـ زاتو ما بلمّكـ في العالم دي!
| |
|
|
|
|
|
|
Re: ما هو المعيار ؟ (Re: Mohamed E. Seliaman)
|
Quote: البوست حا يشهد انعطافة خطيره جدا تابعوا الصفحات الجاية
هاهاهاهاهاهاهاهاهاهاهاهاهاهاها هاهاهاهاههاهاهاهاهاهاهاهاهاها |
شايف "الـوطيس" جابوا ليهو موية حارة وصوانى ألمونيا عشان يحمّوهو ...
... المهم ....
| |
|
|
|
|
|
|
Re: ما هو المعيار ؟ (Re: تبارك شيخ الدين جبريل)
|
Quote: شايف "الـوطيس" جابوا ليهو موية حارة وصوانى ألمونيا عشان يحمّوهو ... |
موية حارة ساكت
ياخ البوست ده كشف انو جميع اهل المنبر ظلاميين .. زول كده فيه رقراق استنارة مافي .. وكت الزنقة بتزكروا الابتدائي ... هاهاهاهاهاهاهاها هاهاهاهاهاهاهاهاهاهاهاها
| |
|
|
|
|
|
|
Re: ما هو المعيار ؟ (Re: Mohamed E. Seliaman)
|
Quote: ومع اكتشاف جماعات الإسلام السياسي لمزايا الديموقراطية، صاروا يصرخون منادين بها، جنبًا إلى جنب مع شعاراتهم الأحادية والمهيمنة، والمخرسة لكل صوت، إلا صوت الذين نصبوا أنفسهم متحدثين باسم الإله. .
إنهم يطلقون هذه السحابة من الدخان الوردي، لتعمى بها العيون، وعلى المتضرر أو من لا يقبل بهذا الخداع، أن يثبت العكس، وأن يبح صوته مثلما نفعل، في فضح ما يحدث للجماهير وللصفوة من خداع، يتيح لهؤلاء الإنضمام للمنادين بالديموقراطية، ومنحهم شرعية شعبية ووطنية، في مواجهة الدولة التي تحاصرهم بالقدر الذي تستطيعه!!
الآن جاء الدور على الليبرالية، التي كانت تحرّض حسب خطابهم على الإنحلال والفسوق، فتفكيرهم المتمحور حول جسد المرأة، لا يستطيع أن يفهم من الحرية إلا جانبها الجنسي، هذا الجانب الذي يحتل مكانة أولى في خطابهم المهيمن، والذي يقر، بطلاء شفاف من الشرعية المدعاة، ما يستنكره ويندد به هؤلاء في الظاهر، بل ويستهجنه ويرفضه رفضًا قاطعًا أصحاب الليبرالية المفترى عليهم!!. .
الليبرالية الآن، وبعد إنهيار النظم الشمولية وأيديولوجياتها المعادية لحرية الفرد، والتي كانت تحاول سجن الإنسان داخل قوالبها، ليستحيل إلى مجرد ترس في آلة، ليكون فقط من واجبه أن يكدح، ومن حقه أن يأكل ويتناسل، دون أن يُسمح له بالتفكير أو حتى بالحلم بحياة تختلف عن تلك التي يحشرونه فيها كما لو زنزانة... بعد إنهيار كل الجدران التي كانت تحاول إعتقال الإنسان باسم الحقيقة المطلقة التي توصل إليها عباقرة الشمولية،.
سادت الليبرالية العالم والشعوب الحية، ليحقق كل فرد فيها ذاته، لتتحقق بالتالي ذوات الجميع، فينهض المجموع بنهضة الفرد، بعكس ما كان من محاولة قهر الفرد بحجة تحقيق صالح المجموع.
هكذا بدأنا نرى اليساريين يلحقون بتوصيفهم كلمة ليبرالية، سواء جاء انتحال الوصف معبرًا عن تحول حقيقي في الفكر، ينحو لفهم المبادئ الإشتراكية على أسس جديدة ليبرالية، أو جاء إنتحال كلمة الليبرالية كمحاولة مخادعة لتجميل وجه متجمد وقبيح!!
|
كمال غبريال [email protected] الحوار المتمدن - العدد: 3018 - 2010 / 5 / 29 المحور: العلمانية , الدين , الاسلام السياسي http://www.ahewar.org/debat/show.art.asp?aid=217200
| |
|
|
|
|
|
|
Re: ما هو المعيار ؟ (Re: عزاز شامي)
|
أساسي إنت زعلت؟
ياخ دا نقاش نقااااااش ما هو إنت شغال بتردم فيني من بداية البوست ومعي آخرون السألك منو؟ قارن بين كلامي ليك وكلامك عن كمال عباس وشوف ياتو واحد فعلاً سخيف ومستفز وبيستخف بالآخر ولا إنت ما قاعد تشوف حقك؟ عادي ياخي ما تخدش في بالك وبرد نفسك لسة مشوار البوست طويل
أحادية المضمون عنيت بها: الإيحاءات الواردة في بوستات منال مضمونها واحد يعني مضمون بوست البصل نفس مضمون بوست الكدايس نفس مضمون بوست الشايقي البخلي كتابتها ما مقبولة بحسب معظم المتلقين لكتابة منال .. ولا تعني هنا أن مضمون كتابة منال لا يمكن تفسيره إلا بإتجاه واحد كما فهمت أنت من كلامي لذا لزم تصحيح المفهوم إن وصلك بشكل خاطئ ..
| |
|
|
|
|
|
|
Re: ما هو المعيار ؟ (Re: وليد محمد المبارك)
|
كتب أساسي ولسان حاله يقول : حرم كان طارت غنماية!! Quote: فكونه محسن خالد ردمك لمن قلت بس دي متاحة للجميع في شاشة العرض او ماذا تشاهد الليلة , فكونه كمال عباس اتردم دي الحاجة الشايفنها كلنا وما بنقدر نقول خلاف ذلك , بعدين تعال ياخي شنو شابك الراجل الغرب لسع ما حسم الموضوع دا وما ادراك ما حسمه , الزول بيسألك عن قناعاتك الشخصية تقول ليهو راجي امريكا تحسمه عشان بعد داك اكون وجهة نظر وفكرة عن الموضوع يا ابو منهج ليبرالي متزن ! فيا الغالي شوف ليك مراقة اطلع بيها من العصرة الانت فيها دي او اعترف لي محسن انك قاصر فكريا والكلام دا كبير علي او ياخي قول ليهو ( تصدق يا محسن لسع ما فكرت في الموضوع دا خليني افكر وادبر واحسم امري وبعد داك اقول ليك وجهة نظري شنو) |
يازول ولايهمك غنماية غنماية ! أ هو نحن خسرانين حاجة!? ............
| |
|
|
|
|
|
|
Re: ما هو المعيار ؟ (Re: كمال عباس)
|
يعني يا تيسير وكمال يا نتفق معاكم ولا انحنا ما بنفهم ؟ طيب ياخ ما تفهمونا معاكم بلغة سهلة وبسيطة عشان ما نقول الغنماية طارت اوقسمتنا كانت حبة طيب خلونا انحنا ( اصحاب الحالات الادراكية الخاصة ) فهموا لينا ناس كبر ومحسن خالد ولا كمان ديل فهمن زينا واحد؟
| |
|
|
|
|
|
|
Re: ما هو المعيار ؟ (Re: تيسير عووضة)
|
بالمناسبة ما مقبولة القلتها انا عن بوستات منال ما اطلقتها كدا ساكت مفتوحة , وصلت لي منال انه لو كتابتها دي قاصدها بيها الشرح الناس شرحتوا هنا عن كتاباتها بالنسبة لي ما مقبول لانه مشاركتي ( اليتيمة) الاتلحتوني بيها في بوست منال عن الشايقي فهمت منها انه البوست كان funny وبتاع مزاح وجاءت مشاركتي علي نحو انه المتداول بين الشباب العرس شايقية ما ناسب لكن عرس ,والعرس جعلية ,,,الخ ودا كان قبل حملة تحميل الامر فوق ما يحتمل .
| |
|
|
|
|
|
|
Re: ما هو المعيار ؟ (Re: عزاز شامي)
|
اختنا عزاز
رجعتي للنجارة تاني وعدت الي حوار ولا لسع مستعصمة بموقفك ؟ كونه مشاركاتك الاخيرة بها ريحة العودة الي النجارة واعمال المنشار في الخشب وشيئ من حوار متمدن .
| |
|
|
|
|
|
|
Re: ما هو المعيار ؟ (Re: Tumadir)
|
Quote: ياخى ده بوست لذيذ لذاذة؟؟ ليه ما عزمتونى؟؟ |
والله ياتماضر لذيذ انو جابك بس نصحية اخوية ابعدي من المعيار وغنيلو
تقومي تخشي في متاهات يجيبو ليك مسلسلات من زمن وادي ام سدر ويقولوا ليك انتي قلتي اها ح تقومي كيف تقنعيهم انو الكلام ده كان في النص
خليك متفرجه وركزي على تبارك ههاهاها
تحياتي
زاتوووو
| |
|
|
|
|
|
|
Re: ما هو المعيار ؟ (Re: Mohamed E. Seliaman)
|
Quote: اختنا عزاز
رجعتي للنجارة تاني وعدت الي حوار ولا لسع مستعصمة بموقفك ؟ كونه مشاركاتك الاخيرة بها ريحة العودة الي النجارة واعمال المنشار في الخشب وشيئ من حوار متمدن . |
اخونا اساسي ... ما فهمت سؤالك... النجارة ولا الاستعصام؟ "عدتي" زي "رجعتي" ولا الشيء احابيل لغة ؟ عدة النجارة ام ريحة الفرشتها لي دي قاصد بيها شنو؟ حدد علشان ما نبقى في "الدرس انتهى" لووووول انا اتيت من عامن اول لحوار، انت بقيت علي شنو؟
| |
|
|
|
|
|
|
Re: ما هو المعيار ؟ (Re: عزاز شامي)
|
نصيحة غالية يا زاتو على العين والراس
لكن بينى وبينك الدنيا ما معروفة يمكن اتفعل واتهور وأدخل فى النقاش ... كدى انت شففنى: ماهو المعيار؟؟
| |
|
|
|
|
|
|
Re: ما هو المعيار ؟ (Re: Tumadir)
|
Quote: فلا محسن سيخرج من دائرة الليبرالية إن لم يقتنع بكلام كمال ولا كمال سيخرج من فردوس الديموقراطية لمجرد أنه رفض البغاء وتقنين الإنتحار وتعاطي المخدرات والاساءات العنصرية والشخصية والدينية بإسم حق التعبير! كمال عبَّاس
|
يا كمال أخوي، كلامك سمح، إنو إنت عندك فكرة معيّنة تقف على رأسها، وإنّي كذلك، دا ممتاز. بس ما تصنِّفني عليك الله، أنا لستُ ليبرالياً، وإنما أنا محسن خالد فحسب، فما تدخلني في قفطان ليبرالية من ترزي بتعرفو براك. ح تقول لي ما صنَّفتك، ح أقول ليك صنفتني، قلت {فلا محسن سيخرج من دائرة الليبرالية إن لم يقتنع بكلام كمال} أي أنني في دائرتهم، وما أنا في دائرتهم ولا دائرة غيرهم. عندي دورانياتي براي يا صديقي كمال. أشوف الناس بتفكّر في شنو، وأحسب بدماغي وحده لحدي آخرها. ثم أختار، وكمان أولّف وأضيف، زيي وزي غيري من الناس. ولو قاصد فكرة أخرى، بحكاية (دائرة) هذه، فاكتبها واضحة بحيث لا تترك لبساً، كما أتأمّل فيك أن تترك ذكر هؤلاء الناس كلما تعرضت لرؤيتي، لأنني أختلف معهم في قضايا هي بالنسبة لي من الجوهريات، ولم يعجبني منك حكاية أن تجعلنا في هذا البوست مثلما نسير {الحجل بالرجل} فياخي بلاش تسوقني معاهم بلييز. يعني بالمختصر، أنا مش ليبرالي، ولا أدري إن كان كبّر قد اعترف لك بأنّه ليبرالي أم أنّك قد صنفته كما تصنفني الآن، جزافاً ومن عند فرضياتك وحدها، ومن وحي تقاطع الأفكار لدى نقاط معينة!!
وكلامك دا:
Quote: كبر قال الزواج نفسه عبارة عن بغاء ودعارة وقال- وفي دي أتفق معاه محسن ( يحق التعري الكامل لشخص واعي أمام مكان عام مدرسة مثلا وأنو الانتحار حق ........ أوكي كلام الجماعة ديل بتقول بيهو جماعات ليبرالية قليلة في الغرب كمال عبَّاس |
أعرف أنّك لم تلخبطني مع كبّر في حكاية الزواج، جملتك واضحة، والشَّرْطَة بعد مفردة "قال" وضَّحتها أكثر. هذا إن كان كبّر قد قال إنَّ الزواج دعارة، لأنّك لم تستدل باقتباس من كلامه، وقد تكون هي قراءة لك، لا أعرف. ولكن عن نفسي، أنا من أنصار بناء الأسرة، والإيمان بها والالتزام تجاهها، وأرى في ذلك معالجات كثيرة لبعض المشاكل الوجودية، بالنسبة لعقليات وأنفس كثيرة وبعينها. راجع كلاماتي بتلقاها في بوست الأستاذ أسامة الخواض، لسن هن للسرير فقط. وهذا بالأصل لا يؤثر على مسألة الحريات والحقوق، من زمااان، هافلوك أليكس، وإلا اسمو إيه مش عارف، نَظَّرَ للزواج الانفصالي، ودا كلللو ما بضر الدولة بحاجة، وما بثير فتن بين ثقافات البلد. الداير يعرس فليعرس، والما داير يقنجر. يا كمال، الغرب خليهو، فيهو ناس ممكن يمشوا عرايا من باب الاحتجاجات وغيرها، لكن ما فيهو أبنية حضارية وثقافية لناس بمشوا عرايا، تأمل فيها هذه. ياهو الغرب، الهسع نحن فيه دا، وألا واحد تاني؟ ولا أعتقد أنَّ الغرب يمتلك عقوبة للعراء، الله أعلم، فما من جريمة هنا. لو العريان سألو البوليس.. يا بوليس هووي، أنا كنت بستحمى ونسيت، جيت جاري لاحق القطر عشان أحصل شغلي بدري! شفقة أرخميدس وكدا. ياخي العراء دا، أنا شفتو بعيني لمنظومات ثقافية بتمامها في السودان، شوف عين. في قرى سودانية كاااملة، ما بين مدينة التونج المجاورة لبحر "قَيل"، ومدينة رومبيك، في ولاية بحر الغزال. يعني بالمختصر، العراء ما تخليهو في ثقافتك السودانية وراك، وتجي تفتشو هنا في الغرب. بعدين، أنكلمك، العراء دا مفهوم دَرَجَي والنظرة التقويمية له، نظرة دينية بحتة، جاءت منذ انحطاط آدم الفردوسي إلى الأرض عارياً ومخطئاً، شايف، واخد بال حضرتك؟ فإنت ما وريتنا اللبس هو شنو! خليهو العراء لأنو معروف، هو {أم ميييطي} كما ولدتك أمك، وكما أكلتَ ثمراً حراماً فنُزعت عنك ثيابك نتيجةً لذنب وإثم ما، ديني مما عرف اصطلاحاً بالأديان السماوية، كنزا ربَّا، توراة، إنجيل، قرآن. ولكن ما هو اللبس؟ وغصباً عنك، بشارعك دا، اللهو بفط الموضوع فكرياً وشمولياً، ويدخل إليه من باب مسلّمات مسبّقة، حتى على بناء الدستور الذي يضبط الدولة، وح تلقى نفسك بالطريقة هذه مصطدماً غصباً عنك بمسبّقات الأستاذ محمّد الحسن سليمان والدكتور نزار. غصباً عنّك لأنَّهم معاك في هذه الدولة، وتسبيقك ليش أحسن من تسبيقهم، ما مبررات ذلك!؟ ولو إنت عايز ديموقراطية بهذا التسبيق الذي أنت تجوزه لروحك وتحرمه عليهم، فهم كمان عايزين شورى إسلامية بالتسبيق هذا ذاته؟ ليش إنت أحسن منهم في شنو!؟ وهم ح يجوك كمان بحجة قوية جداً ما دام الموضوع يتم استباقاً على الدستور، وهي أغلبية بتاعة مسلمين ومستعربين، تقدر تغالط وألا تفتح خشمك؟ فهم بخصوص العراء، ومع هذا التسبيق، سيتفقون معك حول ما هو "العراء الكامل"، ولكن سيختلفون معك حول الدَّرَج، أي حول اللبس الساتر. وتااني الجلد العام بجي راجع، وبجي ضرب الطفلة السودانية سيلفا، المتحدرة عن تلك الثقافة السودانية الكوشية الأم، التي أرضعت ثقافات هذا البلد، أكثر مما هو إسلامي وعربي، مما يقف على سُدَّتِهِ ومعاييره، ومعايير ذوقه، الحبشي ود. نزار. فبهناك، محل الذوق العام، قلت لدكتور نزار، ما معناه، تعال اضبط لينا الذوق العام بتاعك دا، مع ثقافات البلد، أي من خلال دستور!؟ شفت كيف؟ لأنَّ الدستور بتاع البلد بتعمل بناء على الثقافات، عشان كدا بقولوا فيه الاعتراف بتعدد الثقافات والأديان، حتى لو كانت الحلّة الواحدة عندها دين وثقافة براها، شفت كيف!؟ وهنا ما بنقدر نقول "المفرد" إذ لا بُدّ من مجموع أو حلةّ، قرية، ودا شغل في تعريفات الثقافة، يمكنك مراجعته. فكيف إنت يا كمال يكون عندك رأي مسبق في العراء، قبل أن تراجع ما معك من ثقافات هذا البلد!؟ الغرب منع العراء لأنّه لا يمتلك ثقافة ولا ديانة كهذه. وكيف سيكون رأيك يا كمال في ديانة من يعبدون (عضو المرأة التناسلي!؟)، أو عبدة الشيطان عدييل يا زول، مش ديانة؟ لا تنسَ أنَّ الدولة العلمانية تحارب وتطارد الأسطورة المضرة، لذلك كل جنس هذه الكلامات بتقعدها في علبها عبر إعطائها تصريحاً، يعني إنت قايل اليهودية والمسيحية والإسلام لدى نقاط كثيرة منهن، لهن منطق أكتر من الكلام دا!؟ ولو الناس شافوها غريبة خالص ممكن تضيفها ليهم لدليل السياحة وتطلع منها دولارات، زي ما عملوا الهنود بعَبَدَة {الشيء ذاتها، الهناي}. شفت كيف الدولة العلمانية بتقطع الفارغة للناس في إضنيها؟ وكيف يكون عندك رأي مسبّق يا كمال في حقوق الحياة الجنسية -التي لا تعني إلا أصحابها- من خلال الأورينتيشن الجنسي، قبل ما تراجع سراويل هذا البلد، لووول، معاك في!؟ وللختمان بالعراء، هاك، شوف الطعم بتاع الجاي تحت دا، وقارن مع {زيت عافية، للصحة والعافية}. روى الإمام أحمد، عن النبي محمّد حديثاً طويلاً منه {ونساءٌ "كاسيات عاريات"، مميلات مائلات، رؤوسهن كأسنمة البُّخْت* المائلة، لا يدخلن الجنّة ولا يجدن ريحها}. شوف التركيبتين ديل مع بعض، "الكساء" + "العراء"، نقيضان عدييل في كباية بلمين دينية واحدة، حِلْ دي أوّل حاجة مع الحبشي وتاني تعال تم ونستك عن "أم ميطي" معاي ومع كبّر.
----- * يعني الإبل، الخراسانية منها على وجه التحديد، يعني الإبل أو الجمال بتاعة خراسان. لفظة فارسية.
| |
|
|
|
|
|
|
Re: ما هو المعيار ؟ (Re: محسن خالد)
|
سلام محسن خالد - كتبت
Quote: أعرف أنّك لم تلخبطني مع كبّر في حكاية الزواج، جملتك واضحة، والشَّرْطَة بعد مفردة "قال" وضَّحتها أكثر. هذا إن كان كبّر قد قال إنَّ الزواج دعارة، لأنّك لم تستدل باقتباس من كلامه، وقد تكون هي قراءة لك، لا أعرف. ولكن عن نفسي، |
أوكي دا كلام كبر : ..
Quote: و الزواج هو بغاء و بيع و شراء في الجسد..و لو داير نثبت ليك الكلام ده ما عندنا مانع تب.. |
راجع الصفحة الرابعةمن هذا البوست........... تقول :
Quote: بس ما تصنِّفني عليك الله، أنا لستُ ليبرالياً، وإنما أنا محسن خالد فحسب، فما تدخلني في قفطان ليبرالية من ترزي بتعرفو براك. ح تقول لي ما صنَّفتك، ح أقول ليك صنفتني، قلت {فلا محسن سيخرج من دائرة الليبرالية إن لم يقتنع بكلام كمال} أي أنني في دائرتهم، وما أنا في دائرتهم ولا دائرة غيرهم. عندي دورانياتي براي يا صديقي كمال. أشوف الناس بتفكّر في شنو، وأحسب بدماغي وحده لحدي آخرها. ثم أختار، وكمان أولّف وأضيف، زيي وزي غيري من الناس. ولو قاصد فكرة أخرى، بحكاية (دائرة) هذه، فاكتبها واضحة بحيث لا تترك لبساً، كما أتأمّل فيك أن تترك ذكر هؤلاء الناس كلما تعرضت لرؤيتي، لأنني أختلف معهم في قضايا هي بالنسبة لي من الجوهريات، ولم يعجبني منك حكاية أن تجعلنا في هذا البوست مثلما نسير {الحجل بالرجل} فياخي بلاش تسوقني معاهم بلييز. |
عفوا أنا لم أصنفك إنطلاقا من أنتماء تنظيمي أوحزبي ليبرالي بل إنطلاقا من تطابق أفكارك في القضايا الخلافية مع مع رؤي اليسار الليبرالي ! قولك Quote: أدري إن كان كبّر قد اعترف لك بأنّه ليبرالي أم أنّك قد صنفته كما تصنفني الآن، جزافاً ومن عند فرضياتك وحدها، ومن وحي تقاطع الأفكار لدى نقاط معينة!! |
كبر ناقشني من منطلقات ديموقراطيةوليبراليةوأحالني لمرجعية ليبرالية هي جون لوك ! صاحب الحرية الطبيعية والسؤال يا محسن إن كنت ترفض الاحتكام للمدارس الليبرالية والديموقراطية فلا أدري ماهو الحد الادني والمرجعية التي يمكن التقي معك فيها! ذوقك ومزاجك الخاص وخلاصة تجربتـك في الحياة? إن كان الامر كذلك فهي غير ملزمةلي ولا أري فيها أي أساس نظري متماسك يمكن أن نحتكم اليه! .....أواصل
| |
|
|
|
|
|
|
Re: ما هو المعيار ؟ (Re: محسن خالد)
|
Quote: فلا محسن سيخرج من دائرة الليبرالية إن لم يقتنع بكلام كمال ولا كمال سيخرج من فردوس الديموقراطية لمجرد أنه رفض البغاء وتقنين الإنتحار وتعاطي المخدرات والاساءات العنصرية والشخصية والدينية بإسم حق التعبير! كمال عبَّاس |
تاني هام يا كمال عبَّاس، ودي خليتها لمداخلة براها. الكلام دا إنت كنت قاعد تقوله عن كبّر، الآن بقى عناصر اختلاف معاي أنا ذاتو!؟ مش وريتك في بوست الكوشرثيا بهناك رأيي في الإساءات العنصرية، بأي حق تكتبها هنا!؟ هل سألتني عن مخدرات وألا إساءات دينية أو شخصية!؟ أبداً. ولو أنت لا تقصد ذلك، وهي مجرّد صياغة للجملة، فبنبهك للمرة الثانية، كن دقيقاً في صياغة جملك، مع مواضيع كهذه. لأنو يا أخوي، جملتك دي معناها شنو؟ هي بالفعل تقود إلى إنو محسن يوافق على المذكورات كلهن، كعوامل اختلاف معك من قِبلي، وهن: 1- البغاء. 2- تقنين الانتحار. 3- تعاطي المخدرات. 4- الإساءات العنصرية. 5- الإساءات الشخصية. 6- الإساءات الدينية. ياهو وألا ما ياهو!؟ أنا محسن خالد دا: لا أدعم، كما قال الحبشي أنني أدعم السحاق، وهي تعني أنني أشجع وأدفع الناس نحو ذلك، وهذا غير صحيح. وهنالك فرق بين أن أشجع وأدعم، وبين أن أقر بحقوق دستورية لهذه الشرائح من الناس، و{أدافع} عن تموليلت كمان، وهذه هي المفردة التي استخدمتها، أي بمعنى أدافع عن حقوقها الدستورية هذه. معاك في!؟ لو سألتني من حكاية الدعم والتشجيع وحدها، فأنا لا أشجع ولا أدعم هذه ((السداسية أعلاه))، وكلها لا أشجعها. أمَّا مسألة حقوقهم التي يكفلها لهم الدستور، فأنا أقر الآتي: 1- البغاء. (أقر حقوق البغاء الدستورية). 2- تقنين الانتحار. (أقر حقوق الانتحار الدستورية). 3- تعاطي المخدرات. (أقر حقوق متعاطيي المخدرات الدستورية). 4- الإساءات العنصرية. (لا أقر، ولا أراها حقوقاً، وإنما هي عدوان). 5- الإساءات الشخصية. (لا أقر، ولا أراها حقوقاً، وإنما هي عدوان). 6- الإساءات الدينية. (لا أقر الإساءة من منطلق الإساءة والإذلال، ولكنني أقر حق النقد لأي ديانة كانت بوصفها ثقافة، ومهما كانت تلك الرؤى التي يشتمل عليها النقد فمسموح لمن يريد النقد والتعليق، حق إبداء الرأي ومناقشة أي قضية دينية ما دامت مناقشته هذه تقوم في إطار سلمي، لا يتبنى أية وسيلة من وسائل العنف، أو العدوان، فالنقد مسموح به من حيث المبدأ وإجمالاً، والفيصل القضاء إن كان هنالك من يراه عدواناً).
----------------- لعلمك يا كمال، مسألة أن تقود سيارة وأنت مخمور أو متناول مخدرات، هذه ليست حرية شخصية، فأنت تعرّض حياة الآخرين للخطر. لأنَّك ذكرتها في مداخلة، ذكرت الخمر فقط، وأنا أضفت لها المخدرات كي لا تأتي في حلقة جديدة وتسأل عنها. أنا لا أقر حتى التدخين في ملكية عامة، مثل السينما والمسرح والمواصلات، لأنَّك تعرّض حياة الآخرين للسرطان، الخطر، ولأنَّه عدوان، فما بالك بالقيادة مخموراً أو محقوناً بمخدارت! يا كمال يا أخوي، إنت بقيت تثير في الشبهات الجنس دي، وتلصّق فيها يا قول الكوشرثيا {من سيكا لميكا} مالك، والجابرك شنو؟ إنت رأيك الهسع واقف عليه دا، وفكرتك الحالية دي، خاتين ليك طبنجة تحت أضانك عشان تقيف عليها، لو لقيتها مجليّة وما ظابطة ما ترميها ياخي وتشوف غيرها، عيب يعني!؟
| |
|
|
|
|
|
|
Re: ما هو المعيار ؟ (Re: كمال عباس)
|
Quote: والسؤال يا محسن إن كنت ترفض الاحتكام للمدارس الليبرالية والديموقراطية فلا أدري ماهو الحد الادني والمرجعية التي يمكن التقي معك فيها! ذوقك ومزاجك الخاص وخلاصة تجربتـك في الحياة? إن كان الامر كذلك فهي غير ملزمة لي ولا أري فيها أي أساس نظري متماسك يمكن أن نحتكم اليه!
|
إنت قصدك أساس نظري، وألا شعر؟ مش براك قلت بتاع واقع!؟ وألا ما قلت!؟ طبعا أخوك لو ما رأى في واقعنا شيئاً ومعالجة مجرية لما اهتممت بالمسألة. قلتُ دائماً مشاكل الإنسان يجب أن تعالج عالمياً وشمولياً، أي فلسفياً وعلمياً وفنياً، فهذه الثلاثية تخدم بدون فرز. جون لوك دا ياخي بتكلّم وبحلحل في مشاكل أهلو شغلتك فيهو شنو إنت ما دام قلت بتاع واقع؟ ونحن قاعدين نتكلّم ونحلحل في مشاكل أهلنا. ما وقعت ليك حكاية قرى كااااملة من قرى أهلنا بتمشي عريانة، عَراء، وألا داير تفط الحكاية دي إنت بجون لوك دا!؟ بعدين إنت "أساس نظري" دي قايلها شنو يعني؟ ما ياهو زي كلامي وكلامك دا. جون لوك عندو منطق رياضي وألا تفكير إنساني في مشاكل إنسانية زي حقي وحقك دا؟ الخواجات ديل ما تسويلهم قُبَبَ ساكت، علي بالحلال، ود خالتك البتولا دا أنجض منهم، لكن ما بتدي حريف، لوول. لو بتدي حريف كان أكون إنجليزي، بمعنى تتسخّر لي آلة إعلامهم القدر الكتلة دي، والله يا كمال تشيل من مقولاتي وتطبع في جلابيتك ذاتها.. لوووول بهظر والله، لكن أقول ليك شنو؟ قعدت تتونّس نُص الحُوار، فالونسة بتجر الونسة. عليك الله دي ما ونسة منك، كلامي يعني تديهو شلوت سااكت كدا، ومنطقك إنو ما قاله جون لوك. طيب بتناقش فيني مالك ما تمشي تفتش جون لوك بتاعك دا وتناضمو، وما تنسَ توريهو حكاية قرانا أم ميطي دي! كن بألف خير
| |
|
|
|
|
|
|
Re: ما هو المعيار ؟ (Re: كمال عباس)
|
يقول محسن خالد
Quote: يعني بالمختصر، أنا مش ليبرالي، |
و
Quote: بس ما تصنِّفني عليك الله، أنا لستُ ليبرالياً، وإنما أنا محسن خالد فحسب، فما تدخلني في قفطان ليبرالية من ترزي بتعرفو براك. |
بالمناسبة لو تحرينا الدقة فستجدني أني نفسي أختلف مع الشق الاقتصادي لليبرالية جزئيا- وبعض جوانب الليبرالية الاجتماعية وقد فصلت في ذلك في تداخلاتي مع كبر - ولكني أثبت علي الشق السياسي أو مايعرف بالديموقراطية الليبرالية ... أذا أنت لست ليبراليا ولكنك علمانيا ! ولا أظنك تنكر هذه ! طيب ودا يامحسن سيخلق إشكالية جديدة لأن العلمانية ليست مفهوم مقطوع من شجرة وجنين منبت ! وأنما هي مولود شرعي لثورة عهد النهضة والتنوير وأحد المنجزات الانسانية وهي مرتبطة بمنظومة فكرية ومناخ متكامل لا يمكن أن تفصلها عنه فصلا مكانيكيا كأن تقول لن أخذ بالمبادئي الليبرالية والديموقراطية كالحريات العامة ونظام فصل السلطات/ والتعددية والتداول السلمي للسلطات /وحقوق المواطنة والحقوق الاساسية والانسانية مثل حق الاعتقاد والفكر وتبديل المعتقد والفكر ! لا فهذه المبادئي الليبرالية تتداخل تداخلا مباشرا مع العلمانية ولاتنفصل عنها ! من هنا يصبح قولك بأن ليس ليبراليا قول مشوش ويؤدي لسوء فهم وقد يفهم منه أنك لست ديموقراطيا أو أنك تسعي لتطبيق علمانية في ظل نظام فاشي !
| |
|
|
|
|
|
|
Re: ما هو المعيار ؟ (Re: كمال عباس)
|
Quote: وأنا معاك في الرهان علي الواقع وأستنباط الحلول من تفاصيله ولكن هذا لا يعني الجمود والإنغلاق و التعائش مع السلبي والمتكلس والذي يعيق مجري التاريخ ويناهض التقدم |
كمال يا أخوي وصديقي العزيز، تأمَّل في حديثي قليلاً، لا داعي لأن ترد علي فورياً. أنا لا أراهن على الواقع مطلقاً، وإنما على العلوم والفلسفة والفنون، (الواقع) دا حقك إنت برااك، وأنا جبتو ليك إنت، عشان أحاصرك بيهو، واقرأ كلامي مرةً ثانية.
Quote: مش براك قلت بتاع واقع!؟ وألا ما قلت!؟ طبعا أخوك لو ما رأى في واقعنا شيئاً ومعالجة مجرية لما اهتممت بالمسألة. قلتُ دائماً مشاكل الإنسان يجب أن تعالج عالمياً وشمولياً، أي فلسفياً وعلمياً وفنياً، فهذه الثلاثية تخدم بدون فرز. جون لوك دا ياخي بتكلّم وبحلحل في مشاكل أهلو شغلتك فيهو شنو إنت ما دام قلت بتاع واقع؟ |
| |
|
|
|
|
|
|
Re: ما هو المعيار ؟ (Re: محمد عادل)
|
Quote: نصيحة غالية يا زاتو على العين والراس
لكن بينى وبينك الدنيا ما معروفة يمكن اتفعل واتهور وأدخل فى النقاش ... كدى انت شففنى: ماهو المعيار؟؟ |
عليك الله انا لو بشفف بوست من 16 صحفة كنت قاعد هنا عشرة سنة بدون ما اترقى للفور اوول
الانفعال في بوست المعيار على مسئولية سواق البص
لا يغرنك ترحيب ملاسي ليس كل مايلمع ذهبا لوووووووووووولز
تحياتي
زاتوووو
| |
|
|
|
|
|
|
Re: ما هو المعيار ؟ (Re: كمال عباس)
|
Quote: جاء في بعض الروايات أن أم الحجاج كانت قبل أبيه مع ارجل آخر فطلقها بسبب أنه دخل عليها يوماً فوجدها تتخلل* بعد صلاة الصبح، فقال لها: إن كنت تتخللين من طعام البارحة إنك لقذرة، وإن كان من طعام اليوم إنك لنهمة، كنت فبنت(يعني أنت طالق )، قالت: والله ما فرحنا إذ كنا، ولا أسفنا إذ بنا، ولا هو شيء مما ظننت، ولكني استكت** فأردت أن أتخلل من السواك. ووقع الطلاق فتزوجها يوسف الثقفي فولدت له الحجاج بن يوسف أول من استحدث نظام حظر التجول حسب علمي. Mohamed E. Seliaman |
يا محمّد قوانين الدنيا هي ذاتها، للأسف! وتعمل بكفاءة متناظرة مهما اختلفت الجغرافيات والأزمان، يا تُرى متى مُنينا كسودانيين بقوانين حظر التجوُّل!؟ بالتأكيد حين الحكومات العسكرية، وخصوصاً في الأيام الأولى لانقلاباتها. فهمتُ أنَّك تتحدّث عن ثقافة الإسلام وحدها، وإلا لربما اختلفت إجابتي. أوَّلُ من أتى بـ(حظر التجوُّل) في ثقافة المسلمين، هو أوَّل من أتى (بالانقلابات) في عالمهم. الرجل الذي صنع أوَّل انقلابٍ، استبدل به الشورى (الإثنية) القرشية، بـ(المُلْك العضوض) القرشي، هل تعرفه!؟ إنَّه الجنرال معاوية بن أبي سفيان، وليس الملازم أوَّل الأمنجي الحجّاج بن يوسف.
Quote: تقبّل تحيات ود الصايم كتب ود الصائم (((هي الحربُ إذن!)))) ضربتك دي بعيدة جدا يا ود الصائم تستحق نوط التنشين لهذا الربع واختصرت ما يجري وأغنتنا عن اجترار الأرشيف Mohamed E. Seliaman |
{هي الحرب إذن}، عبارتي الشهيرة، لماذا حينما قالها لك ود الصايم، أجبت عليه "هنا" في هذا البوست: {ضربتك دي بعيدة جدا يا ود الصائم تستحق نوط التنشين لهذا الربع واختصرت ما يجري وأغنتنا عن اجترار الأرشيف}؟. أرغب في إجابة جدية منّك، سأفكّر في إجراء دراسة على موضوع ما. بالمناسبة هل تقبل أن أستخدم في كتابي -إذا كان- الصورة التي زرّاك بيها كيكي*!؟ السلام عليكم ورحمة الله
------------- * أرجو أن لا تحرجني كما أحرجك الأخ حمور زيادة. يا شاب، يا حمور، الكوتيشن الأخير دا، مهم جدا، ومحله البوست بتاعك بهناك، عشان تضيفه لرصيد الحبشي في تفكيكه للكتابة عبر نظرية "النيات" و"النوايا". بالله عليك تحوله لبوستك وتزرزره فيه، نشوفه ح يقول شنو، أنا بنتظر رده بجاي.
| |
|
|
|
|
|
|
Re: ما هو المعيار ؟ (Re: محسن خالد)
|
أروع ماكتب محسن خالد : Quote: الإساءات الدينية. (لا أقر الإساءة من منطلق الإساءة والإذلال، ولكنني أقر حق النقد لأي ديانة كانت بوصفها ثقافة، ومهما كانت تلك الرؤى التي يشتمل عليها النقد فمسموح لمن يريد النقد والتعليق، حق إبداء الرأي ومناقشة أي قضية دينية ما دامت مناقشته هذه تقوم في إطار سلمي، لا يتبنى أية وسيلة من وسائل العنف، أو العدوان، فالنقد مسموح به من حيث المبدأ وإجمالاً، والفيصل القضاء إن كان هنالك من يراه عدواناً). |
جوهرة ثمينة وعميقة حشرها وسط كلام كتير طغي وغطي عليها ! وأرجو أن تستفيد منها الاطراف التي تتناقش في بوستتات حول هشام أدم أو بوستتات عادل عبد العاطي وآخريين........
| |
|
|
|
|
|
|
Re: ما هو المعيار ؟ (Re: اساسي)
|
كتب كمال عباس
Quote: أروع ماكتب محسن خالد : |
اها يا كيمو محسن خالد القلت لي لبرالي ظهر انه طالع معاي من نفس الباب المافيهو لوك ولا هوبنز لكن الكلام لما يجيك من محسن خالد بيكون اروع ما يكون ولما يجيك من اساسي تقول ليهو ما بتفهم ؟ انت قايل دي شنو ما قصة المعايير زاتااااااا
| |
|
|
|
|
|
|
Re: ما هو المعيار ؟ (Re: Hussein Mallasi)
|
Quote: أرغب في إجابة جدية منّك، سأفكّر في إجراء دراسة على موضوع ما. بالمناسبة هل تقبل أن أستخدم في كتابي -إذا كان- الصورة التي زرّاك بيها كيكي*!؟ |
وأنا كذلك أتمنى أن أقرأ الإجابة..
مع تحفظي على (الزرزرة) ..
| |
|
|
|
|
|
|
Re: ما هو المعيار ؟ (Re: Hussein Mallasi)
|
تحياتي يا أساسي كمال عباس هذا أمره منته. المأزق الحقيقي الآن هو مأزق محسن خالد . محسن خالد يقبل الفطرة في مواضع ولا يقبلها في مواضع أخرى هذا ما فهمته من كلامه هنا : Re: إيه الأرف دة ما هو الضابط يا محسن خالد في حالي قبول الفطرة معيارا أو ردها ؟ ألا يمكن أن نقول عن الشذوذ إنه مخالف للفطرة ؟ ---------------------- يقارن بما كتبه الأخ كبر في هذا البوست :
Quote: الأخلاق و الحياء ( اول مداخلة في البوست).. هي امور مكتسبة..و نموها و سموها يرجع للتنشئة الإجتماعية..اقول بهذا.. لأني لاحظت أن البعض يقول بالفطرة و السجية و يجعل منهما مشروعية في مستوى مشروعية المرجعية الدينية.. و حتى لا ندخل في جدل بيزنطي.. نقول الإنسان يولد عاريا ( ماديا أو معنويا).. يعني عري بالباب العدييل..فلا يولد انسان و في جسده ما يستر عورته.. و كذا يولد بضمير و فكرة محايدة تجاه الكون..و لكن التنشئة و التربية و التعليم ( و هي امور مكتسبة) هي التي تملأ تلك الفرقات و الفراغات..و حسب المزاج الذي يحكمها.. فمن يرفض الإيحاء الجنسي مثلا.. أولى به أن يقول/تقول أن مسئوليتي الدينيه أو النفاقية (بحسب ما يكون) اوحت لي أن ارفض كذا و كذا و أن انادى بابعاد من يقول ما هو في خانة جرح مسئوليتي الديينة تلك..اما الركون لشرعية مسلمة الفطرة و السجية.. فهذا كلام لا يصمد كثيرا.. فلا سجية..ولا فطرة في موضوع الأخلاق ..و انما هناك اكتساب ناتج عن تجربة الإنسان/ة في الحياة و الإستفادة من خصلة التعلم المستمرة؟..
تلك النقطة نقول بها لأن من يعتمد عليها يحاول أن يمارس وصاية بدرجة ما و يفرض القيود..و لتقريب معنى الكلام هنا.. فلنأخذ مثلا الوصاية الديينة.. من يركن اليها ، يستبطن مشروعية تعتمد على مرجعية ماورائية..و يصعب مساءلتها و مفاهمتها.. و ليس في هذا خطر. .و لكن الخطر في كون أن يتم استغلال الموقف للمقايسة.. فمن يقول بمرجعية السجية و الفطرة.. هو/هي يستبطن (يدري أولا يدري) تلك المقايسة. .و لذلك يظن أن هذا معيار متفق عليه (ولا تجوز مساءلته) و بالتالي تصح به المحاكمة و القمع و الإقصاء..
وصفنا لموقف من يقول بالأخلاق كفطرة أو سجية.. هو ما دعاني ( في شق ضئيل للغاية) بأن أقول بمعيار النفاق.. فمن يقول بتلك الأسباب كمكون للأخلاق ، فهو بديهة يناقض حقيقة تكون المجتمعات البشرية.. و ان واقعة الإجتماع البشري في حد ذاتها هي المسئولة من تأسيس أليات الإكتساب التي يلون بها الفرد لوحة الحيادية التي ولد عليها..النفاق في هذه الجزئية يأتي في واقعة أن من يقول بالفطرة و السجية كأنما يصنفها في خانة الخصال البيولوجية المكونة للفرد..و في هذا مجافاة للمنطق و الواقع و التسبيب..
لا يوجد ما يسمى باخلاق الفطرة أو فطرة الأخلاق ..و كذا لا يوجد ما يسمى بأخلاق السجية أو سجية الأخلاق..و انما توجد تجربة اكتساب تشكل الإنسان و رؤيته تجاه الكون..
|
مع العلم بأني لا أتفق مع الأخ كبر وهو يعلم ذلك وليس هذا مقام بسط الجدل حول هذا الاختلاف .
| |
|
|
|
|
|
|
Re: ما هو المعيار ؟ (Re: Mohamed E. Seliaman)
|
Quote: الاخت عزاز كتبت
اخونا اساسي ... ما فهمت سؤالك... النجارة ولا الاستعصام؟ "عدتي" زي "رجعتي" ولا الشيء احابيل لغة ؟ عدة النجارة ام ريحة الفرشتها لي دي قاصد بيها شنو؟ حدد علشان ما نبقى في "الدرس انتهى" لووووول انا اتيت من عامن اول لحوار، انت بقيت علي شنو؟ ــــــــــ
كتبتي ردا علي مداخلتي التي فيها الرسالة من خارج المنبر الموجهة لك والاخت تيسير الرد التالي , والتي اعتبرته اعتذارا عن الرد علي الرسالة واضافتك لم نات لحوار مع شكل مداخلاتك وقتها كان مقنعا في انك لا تريدي مواصلة الحوار وعلي هذا كان سؤالي اعلاه |
صباحات الله بيضا يا اساسي، و شكرا على التوضيح المصور عجبني كلامي استعصامئذ، انا مرات دمي بيكون خفيف و لمّاحة من غير ما اقصد لوووولز ... والله يا اساسي، شعار الصفحة انتفى بعد ما قلبنا الصفحة، و إن عادوا عدنا لانو ساعتها القانون بيكون "على نفسها تشقلبت براقش" عموما ارمي ما بيمنك، كان حبل كانت خشب كان حوار، بس من محل ما وقفنا علشان ما نركض للخلف و نخش في آلة الزمن، نثبت وقفنا وين و نرمي لقدام، و حبابك و الحوار معاك مفيد و بيهمني جدا ...
يوم سعيد ...
| |
|
|
|
|
|
|
Re: ما هو المعيار ؟ (Re: تيسير عووضة)
|
كتبت الأخ روزمين مخاطبة محسن خالد:
Quote: المنبر فى رأيي ليس بصالون أدبي خاص بفئة معينة بينهم لغة مشتركة ..يحسنون فهم وتأويل مقاصدك وتعليقاتك حيال نص ما .. ولا مجمع للأصدقاء لتبادل الخصوصيات والقفشات التي قد قد يكون من الطبيعي تبادلها فى موضع آخر.. لا خصوصية ...لا الفة ... لا أمان .. يمكن تشبيه بأنك فى العراء أو لنقل فى شارع عام يمر خلاله أمراء وسارقين وصعاليق وأئمة وعلماء وكل الأصناف التى قد تمر بخاطرك. |
أنا لا أعرف من أين تستمدون الحق في تصنيف أنفسكم كأدباء !! وعلى أي أساس يقع التصنيف ووفقا لأي (((معيار)))) وهل التصنيف هذا مطاط ومزاجي ومتغير حسب الظروف والمناسبات ؟ نتساءل خاصة في ضوء ترحيب عبد الكريم الأمين أحمد بالسراويل وترحيب روزمين بالترحيب وربط كل ذلك بأحداث الثورة الشهيرة يقيادة عبد الكريم الأمين أحمد وآخرين -من بينهم روزمين- ضد بيان من وصفوا أنفسهم بالإبداع روزمين كانت مع الباقين وعبد الكريم يعلنون هزيمة الصوالين المغلقة ولم تكن مع المبدعين ثم الآن تتحدث عن صالون أدبي خاص هذا كله هين ولكن المدهش حقا هو أن دعوى التصنيف هذه قد سقطت في الاختبار فيما يخص روزمين تحديدا . وذلك أنه عندما كتب أحد أركاء البورداب مقالة منتحلة جاء فيها :
Quote: عندما قرأت نصك الأولي في مدونة الصديق هشام آدم (الغابة والصحراء) ظننتُ أنني أمام أنثى تقدّم نفسها قرباناً لما بعد الحداثوية، ولكنني الآن أرى أمامي شاعرة حداثوية تعرف تماماً ما تكتب لأنني وللصدق خشيتُ أن تكوني حبيسة قضيتك. هذا الأمر أسرّه إليك لأنه كان بيني وبين نفسي، ثم هاأنا ذا أقرأ لشاعرة تتجاوز الجغرافيا لتقول بأن الجسد ليس إيروتيكية للنص المغفل تماماً، ولكنه جسد رمزي لأمة لا تتجزأ جسد تماماً كما لو كان جسد أنثى مشتهاة من قبل رجال أغلاف!
|
وهذه المقالة السمجة وصلت إلى الأخت الكريمة في بريدها الخاص -والمفترض وجود لغة مشتركة بينها وبين الناقد الركيك - لكن الشاعرة لم تدرك أن كاتب المقالة هو أحد مجرمي الإنترنت فاحتفت بالمقالة أيما احتفاء بل اتخذتها هراوة غليظة هي وأسعد العباسي يهويان بها على قفا كل من يقول (بغم ) أو (البغلة في الإبريق ) في نقد شعر الشاعرة ولا أعرف كيف قبلت هذه الوصف ((( جسد أنثى مشتهاة من قبل رجال أغلاف! * ))) واحتفت به ثم نشر في كتاب . ثم وقف فرعون النخبوية المدعاة عاريا هنا هشام آدم ... كيف موقفها الآن من المقالة ؟ ولماذا فشلت نخبويتها في اكتشاف الأمر ؟ --------------------- * يعني شنو رجال أغلاف ؟ هل المقصود رجال غلف ؟ الزول دا ترك شنو لبريمة ؟
| |
|
|
|
|
|
|
Re: ما هو المعيار ؟ (Re: تيسير عووضة)
|
تحياتي للجميع..قراء و كتاب في هذا الخيط
_____________________
تيسير يا صامدة..سلام مربع.. بتسفي ويكة شكلك.. عشان تجاري المواهب الطبيعية الهنا دي؟ أذر وايس طولة الروح دي بتجيبيها من وين؟ الله يديني ربعها":))
يا عزنا..حمدلله على السلامة و إن شاء الله تكوني جضمتي الامتحان كويس.. جبت التمر...أقسمو؟ هههههه
تماضر.. بيتنا نور..
...
ليلى العثمان.. في مثير للجدل
| |
|
|
|
|
|
|
Re: ما هو المعيار ؟ (Re: محمد عبد الماجد الصايم)
|
Quote: ياخي العراء دا، أنا شفتو بعيني لمنظومات ثقافية بتمامها في السودان، شوف عين. في قرى سودانية كاااملة، ما بين مدينة التونج المجاورة لبحر "قَيل"، ومدينة رومبيك، في ولاية بحر الغزال. |
وانت ماشى بعيد ليه الكرمك والدمازين
| |
|
|
|
|
|
|
Re: ما هو المعيار ؟ (Re: محمد عادل)
|
Freedom of speech is a right that people take to a new level every day.X
" I think men are made to spread their seed. Women need to accept that. If you're going to be married to somebody, you need to know that men are not meant to be with one woman. I think you can totally love your spouse and still sleep with other women. That urge will always be there if you're a man. I believe you can love your wife 100 percent and still stray."XThe painted lady (Michelle McGee) dropped a bomb on what she may have learned while spending time with Jesse James.X " I don't hear that I'm hot from a lot of straight men. I think I'm capable of being cute, but I'm comfortable with the fact that I'm not a cover girl."XThe colorful entertainer (Pink) on her sex appeal across the fan base.X " I was also going to give a commencement speech in Arizona. But with my accent, I was worried that they would try to deport me back to Austria. So I cancelled that idea right away."XThe "Governator" (Arnold Schwarzenegger) on how a neighboring state's controversial issue might have hit a personal nerve.X When I first heard about the campaign to get me to host Saturday Night Live, I didn't know what Facebook was. And now that I do know what it is, I have to say it sounds like a huge waste of time.XAmerica's favorite golden girl (Betty White) on saying no to face time with Facebook.X http://specials.msn.com/A-List/May-quotables.aspx?cp-do...20quotes&FORM=MSNIIT وفي هجمة، مرتدّة(؟)، من هجمات حريّة التعبير؛ تدشين موقع "ملّة الفيسبوك":
أها، الحشّاش يملأ "شبكتو"...المافي شنو! أو كما رواه "المافي، هو ذاتو" (هنا، يعني) قيقا راوي.
| |
|
|
|
|
|
|
Re: ما هو المعيار ؟ (Re: Adil Al Badawi)
|
والله بى صراحة ...
منال .. بعد المعيار بتاعكم دا ... بقى ما عندها طعم ولا لون ولا نكهة ... تشجيع ما بتتشجّع ...
وانا زعلان فى الموضوع دا شديد ....
عشان ما تقولوا ما كلّمتكم ...
... المهم ....
| |
|
|
|
|
|
|
Re: ما هو المعيار ؟ (Re: محمد عادل)
|
مداخلة (3) والأخيرة ان شاء الكريم .. سلام لأهل المعيار جميعا وزواره .. شكرا يا محسن على الرد بكل ما فيه :) .. ليس لدي ما أضيف ولربما ان أعدت قراءة مداخلتي لفهمتني أكثر...نتلاقى لقدام شكرا كمال عباس لمداخلتك والتى القت الضوء على ما وددت ابرازه ولربما لم أفلح.. أهلا بيك كوستاوي.. _________ الأستاذ / محمد اي سليمان أكون كذابة لو ادعيت أني بقرأ وبستوعب مداخلاتك أو المداخلات الطويلة عموما ومن شاكلة قلنا وقالوا وليه ومتين الخ.., .. الأسباب ..عدم اهتمام واكتراث وربما قلة تركيز وهي صفة امتلكها حيال العديد من الأشياء وليس المداخلات فقط , عدم احساس باهميتها أو أنه يمكن الأستفادة من فحواها, حتى لو لمحت اسمي فيها...(تخيل الى أي درجة ؟؟) فأغفر لي عدم الرد ..وأغفر لي أيضا أن لم أسيئ اليك أو أخاطبك بغير احترام ان كان فى نيتك جري الى هذا وان لم يكن.. أما أهم الاسباب فهو احساس تجاه مداخلاتك أنها من زول جواه ما نضيف ... ربنا طبعا أعلم بالدواخل..لكن دا احساسي بصراحة وومن غير لف ودوران أو نفاق ودا ممكن يفسر كثير من تجاهلى لمداخلاتك ... فبقدر الأمكان بحاول تعاملي يكون مع ناس نفوسهم عامرة بالخير والجمال والمحبة .. ..لذا وجودنا معا فى هذا المنبر ليس مجبرا لي بأي شكل كان على التعامل معك أضف الى ذلك أن همك فى الحياة مختلف عن هموم ناس كثير وأنا منهم ..فاهتماماتك لا تخرج عن دائرة الأفراد والقيل والقال ربما كان لأسباب جهادية أو أسباب خاصة بك لا يهمني معرفتها .. .. فعذرا ان لم تجد مني سابقا أو لاحقا أي تجاوب..الا بمقدار ما تقتضيه الضرورة القصوى . ختاما ..أرجو أن تعفيني من مخاطبتك اياي بالأخوة لأنها لا تنم عن احساس صادق ولا تتعدى كونها نفاقا.
شكرا ..مع الأعتذار عن طول المداخلة ..
| |
|
|
|
|
|
|
Re: ما هو المعيار ؟ (Re: Mohamed E. Seliaman)
|
يا اخوانا ... حقو الفيلم الهندي ده ينتهي كلام منال مليان ايحائات و العاجبو الله معاهو العندو شيء ضد رأينا ردينا عليهو العندو شيء ضدنا برضو ردينا عليهو صفيتو غباينكم و ان شاء الله اتفشيتو الموضوع بقى برة منال و لغتها الايحائية حسي بقينا في موضوع الحريات و ده شعرا السودان و اهله ما ليهم ليهو رقبة ... لا بتستوعبوا خلافاتكم لا اختلافاتكم لا سجم رمادكم حسي الموضوع بقى شنو؟ حريات مثلين؟ الشيء شنو بالضبط علشان نعرف نقرأ و بالتالي نرد؟ حقو نتخطى خلافاتنا الشخصية و نحدد لينا معيار نتعامل بيهو مع بعض وفي حدود البورد ده الكلام الكبار كبار و ما بنطبقوا في بيوتنا حقو نراجع نفسنا فيهو لو غلبنا، نقيف فيهو و نشوف الخطأ وينّّّّ! نتعدى الشخصي و نحاول نستفيد من الخلافات و الحوارات الدارت هنا ... انا شخصيا استفدت و اتيقنت من كل ما اؤمن به و امارسه في يومي الحقيقي بعيدا عن الشاشة الغشاشة دي الفهم شنو؟ بهرجة منتديات ولا مكابدة حقيقية علشان نبقى بشر سويين؟ البوست الماشي 17 صفحة و كام و عشرين الف قراءة ده ما علمكم شيء؟
الكلام الظاهر و الباطن ده ماشي وين؟
| |
|
|
|
|
|
|
Re: ما هو المعيار ؟ (Re: كمال عباس)
|
يا كمال عباس كال القلته فوق ده قوله لي نفسك في الاول .. شن سويت انت عشان تمرق النظام ده ؟ فلاحتكم في منال دي تككموا فيها وتمنعوها حقها .. المدينوا وعجبين بيه ومشيدين بيه فرحانين بيه عند اخريات
| |
|
|
|
|
|
|
Re: ما هو المعيار ؟ (Re: Mohamed E. Seliaman)
|
Quote: حكاية حسن موسي قال وعزاز إختلفت مع محسن محمد حسبو سوي وروزمبن فعلت-ماب تأكل عيش وماب تصنع منك أديبا ومثقفا ولا ناقدا! فأمدد أقدامك علي قدر لحافك الفكري وشوف لينا احكاية كراهةالسبحة وضرورة هدم القباب !! |
نفسي يوم قبل ما اوارى الثرى اشوف محمد إي سليمان قال ليهو راي عديل من غير لولوة! انت ياخي قادر تعيش مع نفسك كيف خليك من الناس الحواليك؟ يعني ما معقولة تكون عايش على ما تجود به قريحة كي بوردات الآخرين! انت ما تكون نفسك و تبقى عديل علشان تبقى قدر المواجهة! انت بتستمرئ تصيد الآخرين لاخطائك و ثغرات ما تنسب لهم؟ انت فخور بنفسك كونك ظل لأكثر من شكل و رأي؟
يا اخي انا حزينة من أجلك، عليم الله حزينة من أجلك ولا أريد ان أكون مثلك، والله لا يكتب علي اعامل في الدنيا ام قدود دي زول زيك!
| |
|
|
|
|
|
|
Re: ما هو المعيار ؟ (Re: Mohamed E. Seliaman)
|
Quote: إذا فلتحي الكدايس حرة مستقلة والموت والدمار لجماهير الشعب ! |
لما قلنا نبعد من الشخصانية كنت بتحاشى الكلام ده يا كمال شعب يموت و ناس تنضرب و بنات في عمر الورد يخلو احلامهم وراهم و يموتوا اهالي قلبهم يتحرق و حشاها يتكوي و مدن بكاملها تتاخد مننا و معالم خريطتنا الجغرافية و الهوية تتبشتن و ناس (الحريات) الكدايسية تتفرج ...
لما نجي نقول كلام ايحائي و مليان ايحائات و الرد عليهو اسوء،، تنبت للنعام اجنحة و يطير!
قلنا (الادب) شيء و عدمو شيء تاني ... ماصو لينا الراي في موية الدميرة و اتشعلقوا في رقبتنا بكلامات لو شريتها في نهارات الحقيقة تدوب قبل الضحى!
النكلمكم، و اني لكم من الناصحين ... لو قبلنا على الارشيف ده تاني زي ما عملنا مع اخوكم محمد إي سليمان إلا تقوموا جارين ..!! اخير احنا الما قبلنا كلام العوج و دربو و انتو القابلين قتل الناس و سرقة البلد بليل! منال في رقبتها انا متحاشيه احاكمها كشخص ولو قبلت على الارشيف بجيب كلامها القالتو في مواضيع تنافي ما تنادي به الأصوات الجندرية (الموسمية) الحايمة في الجوار و عملت غمرانة في وقتها و جات حسي تفتي التقول مالك في المدينة! في بوست متعلق بتعدد الزوجات منال قالت ما عندها مانع عديل يعرس فوقها، اها؟ نقبل على الشخصانية بالجد و بتركزوا ليها ولا (بتزمزغوا) و تفتشوا الرواحات وتنادوا دكة الاحتياط؟!
قشرتو و اتقدلتو و ليقتو ليكم مسرح عرايس و ظل، و برضو ما مرقنا منكم لا باتساق لا شيء ونسة ضحاوي يا الله سترك و يا النبي نوح تنجدنا من قتل القتيل و المشي في جنازتو ...!!
بالعديل كده ... زول منكم بقبل كلام منال و دلالاتو الواضحة و (فاضحة) في بيتو مافي، ولو سأل نفسو ليه ما بيقبلوا احتمال يختصر الاجابة بـ (اجي! قلة الادب دي شنو كمان!) ارخونا بالله من كلام الحريات الما قادرو ده.. لو جينا للحريات الجد جد اللوم و الشنافة محمداكم من راسكم لساسكم ! اتسقوا انتو اول قبل ما تحاكموا الآخرين! و الطاقية دي عارفة ناسها ما دايرين لفحي بالله!ناس الشكل و الطعين دورهم في أيام أُخر! ما عندي ليهم زمن حسي!
موضوع الاتساق و الحريات و ليه فلان و ليه علان ده بقى مسيخ و ارحموا نفسكم و ارحمونا الموضوع فش غبينة و كل زول جا شايل بقجتو و رماها لينا .... محمد الحسن حارقو انو محسن خالد لا يأتيه الباطل من بين يديه! اجي؟ امشي اقرى قدر قرايتو ولا اتعلم قدر علمو! بالعدم كوّن ليك رأي تقدر تقولوا بشجاعة بدل ما تجي تقول رأيك كل مرة من خشم زول! ذنبا شنو احنا تجرجرنا في الاسقاطات النفسية دي؟
_________________
خلاصتو ... تاني علشان الافادة، كلام منال ايحائي و الردود عليها من ناس معينين كلو غرض و مرض و ما عاجبني انا شخصيا و قلت راي و باقولو تاني و قت ما احب و ووقت ما ادور و يطرى لي و العاجبو عاجبو و الما عاجبو يخم و يصر من بحر حرية الرأي و الرأي الآخر الجيتو حفرتو ليها هنا! تحسبوه لعب؟
الميدان يا حميدان، و البوست ده خير دليل، تكتبوا نكتب، تحاججوا نحاجج، تتلولو؟ هيييع هلا هلا! البيخاف منو؟ و المولد ده نفع كتيرين تب! اللمع روحو لمعها و العمل فيها شهيد الموقف استشهد، و الخلاصة قاااااعدة و الشمس ما ببتخبى بغربال !! بركة انو ود الموية الملولو ده سؤالو علشان تلقو فرصة! و نشكره على هذه السانحة انو عايشنا الكوميديا السوداء دي!
احترام الحريات ده ليه مراتب، و ليهو درجات، الداريو جد جد يكرب صبروا و ضميرو و يطبقوا في الحياة و في كل أوجهها ما محل خاطروا يقول ليهو ...
فترت من الكتابة و احتمال ارجع تاني
| |
|
|
|
|
|
|
Re: ما هو المعيار ؟ (Re: وليد محمد المبارك)
|
يا كمال عباس انا طبعاً من انصار المؤتمر الوطنى ومن مؤيدى المشروع الحضارى ... وانا ما "ود الباوقة" ولاّ "علاء الدين يوسف" ولاّ "ميادة كمال" عشان تعتبر حواراتك معاى كلها نضال من أجل متطلعات الشعب السودانى وأمانيه فى وطن حر ديموقراطى ...
فقبل ما استرسل داير اسألك ... انت الفورميولا النضالية وإخفاء إقصائيتك وظلاميتك خلف الخلاف مع المؤتمر الوطنى دى مقصود بيها انا؟
ولاّ قاصد ليك كوز فى الحوار دا ... لأنو انا ما لاحظت مشاركة كيزان فى حوار المعيار دا ... لو انا ما خاتّى بالى ... نبّهنى انو فى كيزان والكلام بقى سياسة .... ما فكر!
لو نضالك ضد الكيزان دا كمان مستهدف بيهو الناس الهاجموك فى مفاهيمك الآيديولوجية الليبرالية زى محسن خالد كمان كلّمنا ...
ولو داير تستدر عطف محمد إى سليمان بالإتفاق معه سياسياً ضد المؤتمر الوطنى كمان برضو خليك واضح ...
عموماً ... مبررك السياسى للظلامية والأحكام الإقصائية ضد الحريات دا ما مقنع ...
لو الحكاية زى ما بتقول "حقك فى الرأى المختلف مع منال" ... بالله قول لينا بى منتهى حرية الرأى:
انت مختلف مع كتابات منال فى شنو بالضبط؟
عشان لو جايى ناطى هنا بس عشان تثبت الحق دا لى "تيسير عووضة" تكون بالغت ...
.... المهم ....
| |
|
|
|
|
|
|
Re: ما هو المعيار ؟ (Re: تيسير عووضة)
|
بتضحكني محاولة البعض هنا إرتداء ثوب العدل والإنصاف والحقانية ومحاولة تجميل ما لا يجمّل، الناس عينها للغلط وعارفة زي عيونها إنو غلط وتجي تتكلم عن مفاهيم من شاكلة إتساق وحرية تعبير ومناهضة إقصاء، عايزين يتعلموها ويجربوها للمرة الأولى في موضوع منال دا تحديداً ! الله يقدركم على المفاهيم دي في المواقف البتتطلب دعمكم فعلاً والبتتعلق بأرواح ناس ضاعت ولا زالت تضيع بسبب السكوت عن نفس القضايا دي ..
| |
|
|
|
|
|
|
Re: ما هو المعيار ؟ (Re: تيسير عووضة)
|
كتب الصديق ول ابا محسن خالد يقول:
Quote: ولا أدري إن كان كبّر قد اعترف لك بأنّه ليبرالي أم أنّك قد صنفته كما تصنفني الآن، |
ما قاولت زول يوم واحد و قلت ليهو انا ليبرالي..و من الليلة الحاضر يكلم الغايب.. أقر أنا المواطن محمد النور كبر ، بكل وعي ارادتي المعتبرة شرعا و قانونا ، باني لست ليبراليا..و لم اكن ليبراليا في يوم ما ..و لن اكون ليبراليا..
و عشان تلقى ليك حاجة يا كمال عباس تتكلم بيها مع الناس.. فانا هلالابي يا زول..و عافي ليك في ايتها حتة تقول كبر الهلالابي فانت صادق.. لكن باقي الكلام.. فبالله عليك ما تقولبنا ساكت..
و بحسب منطق اخونا و صديقنا كمال عباس.. خليك من جون لوك.. بكرة لو جينا و قلنا ابوهاشم قال..ولا فاعل تارك.. نطلع في صمة خشمنا ختميين و اتحاديين ( مع كل الإحترام للإخوة الختمية و الإخوة الإتحاديين).. هذا قصور في فهم الأمور و حول في الإستشهاد ما انزل الله به من سلطان.. و هو دي حال الشعب السوداني.. تنميط في تنميط.. الى يوم الدين..
نغترف من الإرث البشري دون تقيد بانتماءات..و منها نكون وجهة نظرنا الخاصة بالأمور..و هذا لا يعني انتماءنا لخندق بعينه .. اللهم الإ خندق الإنسانية.. مساءل الحريات التي زرزرنابها اخونا كمال عباس.. كنا نتوسم فيه خيرا..و لكنه لا يريد أن يكونا خيرا لنفسه أو لغيره.. فكرة البغاء..فهل قولنا ان الزواج ممارسة تشبه البغاء يعني اقرارنا بتشجيعه و شيوعه؟..و هل اذا قلنا أن البغاء حرية شخصية لمن يرغب في ممارستها .. هل يعني ذلك اقرارنا له؟.. كنت يا كمال تكون اكثر شجاعة و تطالبنا بالتبرع الذي قلناه لك في اثبات ان ممارسة البغاء في نهايتها هي اشبه بممارسة الزواج..و تطالبنا بالإثبات.. و عشان تاني ما تحوم ساكت.. نقول ليك عناصر التشابه هنا..
البغاء هو عرض المرأة أو الرجل لجسده لممارسة الجنس لمقابل معلوم..و هذا المقابل الغالبية تعارفت على انه مال محدود..و اذا دفع هذا المال المتفق عليه.. فيحق لكل من الطرفين التمتع بالآخر تمتعا جنسيا..و ما هو الحاصل في الزواج ( و لنأخذ عقد الزواج في الإسلام مثلا)؟..
الزواج هو عقد بين رجل وامرأة على نية التأبيد ، يحل إستمتاع كل منهما بالآخر ، على الوجه المشروع .
تلك هي المادة (11) من قانون الأحوال الشخصية السوداني لسنة 1991.. فكرة التأبيد دي خليها.. لأنو ح تدخلك في حيص بيص مع فكرة زواج المتعة..و فيها تنظيرات في الفقه الإسلامي..و هي محلات خلاف و لم يحدث فيها اتفاق حتى الآن..يعني شرط التأبيد يقول به ناس السنة..و الشيعة لا ترى فيه ضرورة..و ديل ناسك ياكمال اخوي امشى اتكلم معاهم..!
فالأمر هو اتفاق (عقد).. بين رجل و امرأة.. من اجل ماذا؟..يحل استمتاع كل منهما بالآخر..يعني ممارسة الجنس كما يرضى عنها المجتمع.. اذا كان البغاء يقوم على ارادة الطرفين و رضاهما.. فان الزوج يقوم على ارادة الطرفين و رضاهما.. و اذا كان غاية البغاء تمتع كل طرف بالآخر.. فجوهريا الزوج يهدف الى توفير تمتع طرف بالآخر..اذن الظاهرتين متفقتين في ركنين..
من شروط صحة عقد الزواج.. تقول المادة (25) من نفس القانون..
يشترط لصحة عقد الزواج :
(أ ) إشهاد شاهدين ،
(ب) عدم إسقاط المهر ، (ج ) الولى بشروطه ، طبقاً لأحكام هذا القانون .
يعني اذا اسقط المهر ، فلن يكون عقد الزواج صحيحا..و لكن ما هو المهر؟..
في تعريف المهر .. تقول المادة (27)..
كل ما صح التزامه شرعاً صح أن يكون مهراً ، مالاً كان ، أو عملاً أو منفعة .
و هو بهذا الفهم المقابل الذي يقوم عليه عقد الزواج.. و عدد صور عديدة.. منها المال..و في هذا تجاوز البغاء .. لأنه يمكن ان يكون عملا أو منفعة اخرى غير المال..يعني ممكن واحدة تقبل ان يكون مهرها أن تعمل سكرتيرة أو موظفة في شركة الزوج مقابل أن يتزوجها و يستمتع بها و تستمتع به..و كل ذلك لا يهمنا.. ما يهمنا أن هناك مقابل..
في البغاء.. المبدأ يقول ( الدفع قبل الرفع)..بالسوداني يعني..فماذا يحدث في الزواج؟..
المهر والدخول .
30ـ (1) يجوز للزوجة إلامتناع عن الدخول ، حتى تقبض معجل مهرها .
(2) إذا رضيت الزوجة بالدخول قبل أن تقبض مهرها من الزوج ، فهو دين فى ذمته .
يعني لو ما دفع مافي أيتها استمتاع (دخول).. يمكن اذا قبل طرف أن يكون الموضوع بالدين..و الشرامة بتاعين السودان ممكن يأكدوا لينا أنو القصة دي في تجارة البغاء في السودان مرات قاعدة تحدث.. يعني الموضوع بالدين..لغاية ما ربنا يسهل عليك و تدفع لاحقا..
جوهريا هذه هي اركان التقاء الظاهرتين و تشابهما..و الإختلاف في نقطة واحدة:ظاهرة المجتمع بيقرها و بيقبل بيها..و ظاهرة تانية بيرفضها حسب قدرتو على النفاق..! في الزواج هناك حرية شخصية في قبول الظاهرة و التمتع بيها.. يعني الزواج حرية شخصية..و نفس الأمر بينطبق على البغاء فهو حرية شخصية..و السؤال المحك: ليه الناس بتقبل بنفس الظاهرة و بترفضها في شكل اخر (مش الجوهر هو الإستمتاع المتبادل)؟..
اللواط و السحاق هي حريات شخصية..و من يمارسها و يرتضيها لا يسلبه ذلك حقه في المواطنة و الوجود.. اشتركت في نقاش من قبل في جامعة ريجاينا..و موقف تجاه الظاهرتين هو اننا اؤمن بالأسرة كنواة اجتماعية..و ان من اهم اركان الأسرة وجود الأطفال.. و عقود الزواج لو تمت بين رجل و رجل أو امرأة و امرأة.. فأنها تهدم ركن الأطفال.. هذه الفكرة ادخلتني في نقاش مع شيخ كبير من شيوخ السينتولوجي..و كان فكرته أن ذلك الركن يمكن أن يتم التحقق منه عن طريق الإستنساخ البشري..و كان ردي أنني اؤمن بحق الحياة ان تكون طبيعية..و ليست معملمية.. نفس ما يقال عن الظاهرتين.. فانا لا اقتنع بجاجة اسمها ود الحرام أو بت الحرام.. فهم بشر مثلنا و مثل غيرنا فلماذا نقصيهم لأسباب لم يكونوا هم طرف فيها..و قلت من قبل في نقاش مع الصديق محسن طه.. أن مجتمع الريف فيه تسامح كبير تجاه ود الحرام أو بت الحرام..و يتعامل معهم كمواطنين عاديين.. عكمس البندر الذي يقصيهم دون مبرر..!! اها ود الحرام ده لو ربنا فتح عليهو و حفظ القرآن و تشرب بعلوم الدين.. ما بيحق ليهو انو يبقى امام أو يفتي و يعلم الناس امور دينها؟.. متأكد انو الله ح يقبلو.. لكن بعض ناس السودان ما ح تقبلوا..!
و من هنا كان قولنا بان المعيار هو النفاق..!
اهم حاجة في الكلام عن الثقافات السودانية وواقعها المعرفة بيها..و انت قايل يا كمال لي شنو محسن يجي يقول ليك رمبيك و بحر الغزال و بطيخ ذاتو؟..لأنو معظم المتكلمين و المتكلمات في دار ام سودان ناس بنادر ساكت..و بتكلموا عن واقع متخيل بالنسبة ليهم..و حقو الناس تنزل شوية من التعالي البتسوي فيهو ده..و تمشي تشوف واقع السودان هو شنو..و بعدين النقة هينة..!
ام فيما يخص التعري.. فاكاد ان اقول.. اخونا كمال عباس عمرو ماشاف السودان..ولا عارف السودان ذاتو..!!
نرجو زيارتنا هنا ، و من هسع نكلمكم بالواضح..معيار معيار ما معانا..
تخطــيط جانبي لوجهها ،
و نشوفكم..
كبر
| |
|
|
|
|
|
|
Re: ما هو المعيار ؟ (Re: وليد محمد المبارك)
|
وليد ما جاوبت على سؤالي ولا زلت تكرر الكلام غير الصحيح لو إعتمدت على إقتباسات محمد إي سليمان البيدلس فيها الحقيقة يبقى دا موضوع تاني والإقتباس البتتكلم عنو لو كلفت نفسك وتابعت الرابط كنت حتعرف عن ياتو كتابة وياتو رواية ..
Quote: يصفقون لكتابات روزمين ( القديمة ) واشراقة .. وينحرون منال نحرا |
دافع عن وجهة نظرك ومن حقك لكن ما من حقك إنك تدعي على الناس كتابة أو موقف ما عملوهو عن نفسي كلامك دا بيعتبر دا كذب صراح يا وليد اسمح لي .. وعن نفسي الإستنارة عمرها ما كانت بالنسبة لي إبتذال ولا يمكن تكون كذلك وإن تعارض ذلك مع مفهومك الخاطئ للإستنارة!
أسلوبك الأخد طابع الهجوم والإتهام بالحق وبالباطل دا بيخليني ما أعامل موقفك دا كموقف نزيه لأنك في سبيل إنك تثبت حق "من وجهة نظرك" قاعد تورد إدعاءات وكلام كتير ما عندو وجود إلا في راسك إنت عشان تدعم بيهو موقفك وما قدرت تثبتو ولو ما متابع القصة البادية ليها شهور دي من الأول يبقى ما تتكلم ساي عندك إتهام تعال بالإسم وقول يا فلان قلت كدا ليه لكن الخم والصر بتاعك دا ما بينفع ..
| |
|
|
|
|
|
|
Re: ما هو المعيار ؟ (Re: وليد محمد المبارك)
|
يا أختنا روزمين تحياتي بعيدا عن مزاعمك الباهت حول تطويلي . الكلام الذي تعتبرينه تدوير أقاويل هو كلام أنت كنت مبهورة به ومباهية به . المقال وردك في بريدك الخاص فجئت وفتحت به بوستا في المنبر العام . البوست قضى عليه الهاكر في إحدى هجماته ثم أعدت إنزال المقال لقمع شخص له رأي غير مرض لك في أعمالك ونصوصك . المقال وتداعياته واحتفاؤك به مع آخرين عناصر فضحت الكثير وجعلت فرعون الصفوية والنخبوية المزعومة يقف عاريا. هذا جزء من المقال :
Quote: عندما قرأت نصك الأولي في مدونة الصديق هشام آدم (الغابة والصحراء) ظننتُ أنني أمام أنثى تقدّم نفسها قرباناً لما بعد الحداثوية، ولكنني الآن أرى أمامي شاعرة حداثوية تعرف تماماً ما تكتب لأنني وللصدق خشيتُ أن تكوني حبيسة قضيتك. هذا الأمر أسرّه إليك لأنه كان بيني وبين نفسي، ثم هاأنا ذا أقرأ لشاعرة تتجاوز الجغرافيا لتقول بأن الجسد ليس إيروتيكية للنص المغفل تماماً، ولكنه جسد رمزي لأمة لا تتجزأ جسد تماماً كما لو كان جسد أنثى مشتهاة من قبل رجال أغلاف!
|
يعني شنو رجال أغلاف ؟ كلام مبتذل وغاية في السخف لكنكم يوم كنتم تحسبونه كلام ناقد وأديب كبير احتفيتم به حتى عبر بعض القنوات الفضائية ثم بعد أن اتضح لكم لاحقا أن المقال محض جريمة انتحال فاضح وسخيف جعلتم تتوارون منه خجلا وتستشيطون غضبا إن ذكرناكم به كما بدا واضحا في مداخلتك الأخيرة !!
| |
|
|
|
|
|
|
Re: ما هو المعيار ؟ (Re: وليد محمد المبارك)
|
يا حضرة النائب وليد تحياتي هل تشعر أني قد تعديت على أحد ؟ بالله عليك نبهني وضع يدي على موضع تجاوزي واعتدائي وانصحني وسأعتذر . يا أخانا وليد أنا أتعامل مع مشاركات ونصوص موثقة لأصحابها وبعضها في مكتبات مخصصة لهم ولأعمالهم ويطلبون من بكري كل أرشيف نقلها إلى مكتباتهم . هي أيضا آراء يا وليد أصحابها يدفعون بها إلينا ويدافعون عنها !! من أين اكتسبت القداسة وكيف امتنعنت عن النقد ؟ هل هي فعلا عورات ؟
| |
|
|
|
|
|
|
Re: ما هو المعيار ؟ (Re: Mohamed E. Seliaman)
|
Quote: ولاّ قاصد ليك كوز فى الحوار دا ... لأنو انا ما لاحظت مشاركة كيزان فى حوار المعيار دا ... لو انا ما خاتّى بالى ... نبّهنى انو فى كيزان والكلام بقى سياسة .... ما فكر! |
تبارك في حالة كونه ما شايف
الكوز إلا يقول انا كوز؟ الكوز ايدولوجية يا تبارك لو وسعت ماعون خيالك حبة وانت بتقرأ البوست حتلاقي نفسك بتقرا في منشيتات صحافة الحكومة و صحافة المعارضة!
| |
|
|
|
|
|
|
Re: ما هو المعيار ؟ (Re: عزاز شامي)
|
Quote: ولو ما متابع القصة البادية ليها شهور دي من الأول يبقى ما تتكلم ساي |
هل هذا هو المعيار ؟؟!! الحكاية ما تقييم لكتابة الحكاية بادية ليها شهور !!!
يعني الصة سدي ردي .. واعادة تدورير وانا اقول التكتل العنيد ده سببه شنو ..
| |
|
|
|
|
|
|
Re: ما هو المعيار ؟ (Re: عزاز شامي)
|
عزاز شامى ...
Quote: الكوز إلا يقول انا كوز؟ الكوز ايدولوجية يا تبارك لو وسعت ماعون خيالك حبة وانت بتقرأ البوست حتلاقي نفسك بتقرا في منشيتات صحافة الحكومة و صحافة المعارضة! |
لو المعيار بالآيديولوجيات والمانشيتات الصحافية ... كان قلت ليك إنو انتى أكوز من "سعاد الفاتح" .. وكمال عباس أكوز من "على الحاج" ...
السؤال البيعيد طرح نفسو ...
ما هو المعيار؟
(عشان المعاييرم قادّة "آيديولوجية" ديل ما يحوّلوا الحوار لى خصومة سياسية مع الكيزان)
... المهم ....
| |
|
|
|
|
|
|
Re: ما هو المعيار ؟ (Re: تبارك شيخ الدين جبريل)
|
أختنا الكريمة تماضر شيخ الدين السلام عليكم ورحمة الله شكرا للزيارة . آخر مرة كنا واقفين في موضوع الماعون اللين بخصوص صيام رمضان إن بقينا إلى رمضان المقبل فسأعيد فتح الموضوع وإن مت أنا فافتحيه أنت أقول هذا جوابك على سؤالك عن آخر خلافاتنا في خيطك هناك .
| |
|
|
|
|
|
|
Re: ما هو المعيار ؟ (Re: عزاز شامي)
|
المحاولة العبثية لتحوير وتجيير ما دار في هذا البوست من حوار وجدال وتصويره كانه سجال بين المؤتمر الوطني والمعارضة , تظهر الي اي مدى كانت ورقة التوت اليتيمة عاجزة عن ستر ما خلفها كما ان اقحام المؤتمر الوطني والمعارضة في هذا السجال ما هو الا استدرار عاطفي يلعب علي عصب ذهنية المنبر العامة المناوئة للحكومة
نايس تراي
| |
|
|
|
|
|
|
Re: ما هو المعيار ؟ (Re: اساسي)
|
Quote: المحاولة العبثية لتحوير وتجيير ما دار في هذا البوست من حوار وجدال وتصويره كانه سجال بين المؤتمر الوطني والمعارضة , تظهر الي اي مدى كانت ورقة التوت اليتيمة عاجزة عن ستر ما خلفها كما ان اقحام المؤتمر الوطني والمعارضة في هذا السجال ما هو الا استدرار عاطفي يلعب علي عصب ذهنية المنبر العامة المناوئة للحكومة
نايس تراي |
ياخ لقيتكم عفنين خلاس
انت شفت حاجة يا معلم لسع ما جابوا ليك اقتباسات ارخي يا معلم بعد شوية بجيبوا ليك تاريخك في الابتدائي ما تعصر عليهم شديد
| |
|
|
|
|
|
|
Re: ما هو المعيار ؟ (Re: وليد محمد المبارك)
|
Quote: ياخ لقيتكم عفنين خلاس
|
ياخي شفت عفانة محسن خالد وكبر مع اخونا كمال عباس , الود استشهد بي مواقفهم ونفسه مطمئنة الي ان ارائهم الاتنين في جيبه الخلفي , الا ان ماعون كبر ومحسن طلعوا اكبر من ان يستوعبهم جيب كمال الخلفي , كمال دا تاني لو حب يستشهد بمواقف نقد زاتو الا يرسل ليهو اميل يسأله انت شيوعي ولا ما شيوعي الز ما في الموضوع انه بعد محسن شطف كمال في الظلط كان براهن علي كبر الذي لم يتواني ويديهو دش بارد في ذات الظلط وعلي الملا ياخي دا التصالح مع الذات والافكار دون وضع اي اعتبار لمراهنات شخصية يا كمال ما فاضل ليك زول بيفهم في البوست دا الا محمد عادل حاول استجير بمواقفه اللبرالية
| |
|
|
|
|
|
|
Re: ما هو المعيار ؟ (Re: اساسي)
|
هاهاهاهاهاهاهاهاها
النصيحة يا اساسي كمال عباس بعيدا عن هذا البست زول عقلاني وحقاني جدا ... في البوست ده شكله مختلف شديد .. غايتو في البوست ده انا ما متفق معاه خالص ..
غايتو لو زول جديد في اون لاين فتح البوست ده
حا يقول الكوم بتاعكم ياهو اللبرالي وكوم ناس كمال وهبايين وقاعده
Quote: يا كمال ما فاضل ليك زول بيفهم في البوست دا الا محمد عادل حاول استجير بمواقفه اللبرالية |
معليش يا كمال لكن اساسي لابد ليك من قبيييييل واتسدا العويقة حقتو الفبييييييييييل ديك كده حبابيب
| |
|
|
|
|
|
|
Re: ما هو المعيار ؟ (Re: اساسي)
|
كتب الأخ أساسي :
Quote: ياخي شفت عفانة محسن خالد وكبر مع اخونا كمال عباس , الود استشهد بي مواقفهم ونفسه مطمئنة الي ان ارائهم الاتنين في جيبه الخلفي , الا ان ماعون كبر ومحسن طلعوا اكبر من ان يستوعبهم جيب كمال الخلفي , كمال دا تاني لو حب يستشهد بمواقف نقد زاتو الا يرسل ليهو اميل يسأله انت شيوعي ولا ما شيوعي الز ما في الموضوع انه بعد محسن شطف كمال في الظلط كان براهن علي كبر الذي لم يتواني ويديهو دش بارد في ذات الظلط وعلي الملا ياخي دا التصالح مع الذات والافكار دون وضع اي اعتبار لمراهنات شخصية يا كمال ما فاضل ليك زول بيفهم في البوست دا الا محمد عادل حاول استجير بمواقفه اللبرالية وأساسي دا أعلن وبشكل موثق أنو ليبرالي وديموقراطي ولكن ولو جا ركب |
موجة التنكر الحايمة دي وقال لي أنا لا ليبرالي ولاديموقراطي ولايحزنون ما حا أغالطو ولا حاأجيبليهو كلامو القديم!
| |
|
|
|
|
|
|
Re: ما هو المعيار ؟ (Re: كمال عباس)
|
يا كمال ياخي خاف الله في نفسك لو ما بتخاف الله فينا , فوق قلت لي ما بتفهم والان الواضح انه فهمك لحاجات الناس التانية بطريقتك انت والاتضح انه فهم قاصر وفاشل , انت زول محصور في اكاديميات ونظريات يعني زول حرفي جدا اكتر مما انت زاتك تتصور , محسن قال ليك هو شايف لوك ما احسن منه في حاجة وانا قلت ليك عن لبراليتي وديموقراطيتي انه ما شغال بي هوبنز ولا لوك وانه من حق اي زول يعمل الدايره بس ما يهابشني ولا يتعدى علي في اكتر لبرالية وديموقراطية من دي ؟ فكونك لازم تصنف كل زول تبع ياتو منظر او مدرسة فدي حاجة ما بتقدر تشوف الا من خلالها انت بعدين انا قلت اني اسلامي وديموقراطي وليبرالي بطريقتي الخاصة والكلام دا موثق في الصفحة الاولي ورد علي عادل عبد العاطي وسالني عندما جئت باسمه فيا كمال وسع مداركك ومواعينك وما تخليك حرفي ونمطي اكتر من الحرفية والنمطية زاتها يعني يا كمال انت بتحاكم الجميع حسب ما قريته انت في الكتب وليس حسب ما هو في اذهانهم ورؤسهم . طبعا عشان يسهل عليك الرد لازم تصنف الاخر يا بقيتو كوز يا بقيتو ليبرالي من مدرسة شنو ما تعرف يا بقيتي ما بفهم قرو اب يا مان
| |
|
|
|
|
|
|
Re: ما هو المعيار ؟ (Re: اساسي)
|
اساسى هووووووى ..
Quote: كما ان اقحام المؤتمر الوطني والمعارضة في هذا السجال ما هو الا استدرار عاطفي يلعب علي عصب ذهنية المنبر العامة المناوئة للحكومة |
نحن الما عندنا "ناقة" ولا "جمل" فى سجال المؤتمر الوطنى والمعارضة ... ذهنيتنا دى لا "مناوئة" للحكومة ولا حاجة ...
بقول الكلام دا وعارف انو ما بعبّر عن نفسى براى ... بعبّر عن اعضاء وقراء كتار لا كيزان لا معارضة لا مناوئين للحكومة ...
ما بتفق معاك فى التعميم ... لاكين بتفق معاك انو إفراغ الحوار من محتواهو ... محاولة جـبانة للزوغة (وعادة بيعملوها الكيزان والذهنيتم كيزانية)
استدرار تعاطف ... تغيير موضوع ... شخصنة ... سميها زى ما تسمّيها ...
... المهم انها زوغة كيزانية ظااااهرة ...
| |
|
|
|
|
|
|
Re: ما هو المعيار ؟ (Re: Mohamed E. Seliaman)
|
Quote: عزاز شامى ...
Quote: الكوز إلا يقول انا كوز؟ الكوز ايدولوجية يا تبارك لو وسعت ماعون خيالك حبة وانت بتقرأ البوست حتلاقي نفسك بتقرا في منشيتات صحافة الحكومة و صحافة المعارضة!
لو المعيار بالآيديولوجيات والمانشيتات الصحافية ... كان قلت ليك إنو انتى أكوز من "سعاد الفاتح" .. وكمال عباس أكوز من "على الحاج" ...
السؤال البيعيد طرح نفسو ...
ما هو المعيار؟
(عشان المعاييرم قادّة "آيديولوجية" ديل ما يحوّلوا الحوار لى خصومة سياسية مع الكيزان)
... المهم .... |
لوووولز .. يضحك نهارك يا تبارك ... يا تبارك، انا كتابة منال قلت رأي فيهاايحائية لا قلت اقتلوها ولا اجلدوها ولا علقوها من حلقها في باب المنبر رأي ياخ! احترام الحريات بتعاتكم دي مالها خلقها ضيق؟ لبانة ماهو المعيار الراح طعمها دي حقو تجاوبوا انتو عليها، انا شخصيا قلت ليك الأدب شيء و قلتو شيء تاني، و حقو تستفيد ست الاسم من المهرجان ده و تتعلم (الكتابة الادبية) علشان نلقى لينا شيء ننتقدوا علميا بدل الركاكة دي ... ولو جينا لما هو المعيار، حقو تسأل طاقم اركان الحرب من الحريات الحقيقية على أرض الواقع و حرية التعبير و موقفهم من تكميم الافواه و الحرق للصحفين (مثلا)
حسي دايرين تقنعوني انو التكالب ده مرده الحرص على الحريات؟ لوووووووووووولز لو انا قلت ليك صدقتكم، انت بتصدقني؟
| |
|
|
|
|
|
|
Re: ما هو المعيار ؟ (Re: عزاز شامي)
|
Quote: ما بتفق معاك فى التعميم ... لاكين بتفق معاك انو إفراغ الحوار من محتواهو ... محاولة جـبانة للزوغة (وعادة بيعملوها الكيزان والذهنيتم كيزانية) |
الهواء قلب
| |
|
|
|
|
|
|
|