|
Re: ما هو المعيار ؟ (Re: تيسير عووضة)
|
كتب أساسي:
Quote: يعني نعتبر كلامك دا ادانة متاخرة لكتابة محسن خالد وفي حال انه كتب رواية تانية عن ( رجل مثلي) كما كتب عن امراة سحاقية سيجد الادانة من قبلك وعدم قبول ذلك ؟ |
Quote: او كمان يا تيسير بالفهم ده إنت بتتسامحي مع البذاءة لو جات مرة واحدة لكن لو محسن خالد وإشراقة وروزمين كتبوا تاني مثلا إنت حتديهم على راسهم لكن لو ما كتبوا تاني إنتي متسامحة مع كتاباتهم؟ |
ورغم أنني ذكرت:
Quote: وبرضو يا أساسي المثلية شئنا أم أبينا فهي موجودة في الحياة وأفرادها يعيشون بين الناس، ما في شيء بيخليني أرفض عمل أدبي بيلقي الضوء على الشريحة دي من المجتمع بالعكس يتكتب عنهم والناس تعرفهم لكن ممكن يكون عندي موقف مختلف* لو عرفت إنو الكاتب قصد يروج للمثلية عبر الكتابة دي ولو فضل يكتب بشكل متكرر عن المثلية ويروج ليها في كل عمل وكل سانحة يبقى من حقي أنتقدو بل وأطالبو بممارسة نشاطو الترويجي دا برة البورد |
لا إدانة سابقة ولا إدانة حالية ورأيي في كتابة محسن خالد قلتو فوق ولو كتب رواية عن رجل مثلي لن أدينها بل سأتعامل معها على أساس أنها عمل أدبي يلقي الضوء على المثلية الذكورية كما حدث مع المثلية الأنثوية، بعد ذلك تكرار الكتابة حول المثلية والمثليين بشكل دائم ويأخذ طابع الإلحاح - وهو مالم يحدث حتى الآن - قد يلفت نظري ويجعلني أدين بكل ما أوتيت من قدرة .. بعدين يا أساسي رواية محسن العايزيني أدينها بالقوة دي ما كانت أول رواية ليهو وإنت سيد العارفين، الزول دا قريت ليهو أربعة ولا خمسة روايات بعضها يخلو من الإشارات الجنسية تماماً، فهل كتابتو لاحقاً لتيموليلت تخليني طوالي أقوم أنمطو وأنط ليهو في حلقو وأبدأ أدين وأشجب وأندد؟ وهل أنا أدنت كتابة منال من أول مرة ولا حتى عاشر مرة؟ ما بعد ما بقى كتير ومسيخ وما عندو معنى لأ وتجي تقول ليك بالفم المليان ما بقدر أكتب غير كدا ! د. إشراقة قريت ليها عشرات الكتابات والدراسات والأشعار القيمة هل دا بيخليني أول ما أقرا ليها نص جريء أقوم أدين؟ د. إشراقة أبرزت جانب من مكوناتها البشرية قد يختلف معها البعض ويتفق البعض الآخر، لكن هل دا بيخلينا نلغي كل مجهودها وإضافاتها الفكرية والمعرفية؟ بعدين ياخي أنا بصراحة مسألة مقارنة ناس أضافوا ولا زالوا يضيفوا لحياتنا الفكرية والثقافية وعندهم تنوع وثراء في الإنتاج الكتابي بما يترك ليك الخيار إنك تقرا شنو وتخلي شنو نجي نساويهم بل ونقارنهم بي زولة وهبت كل وقتها وجهدها لنمط معين وركيك من الكتابة أحادية المضمون دا شيء ما مطمئن نهائي والله لا في حق الكتابة ولا في حق الكتّاب ولا في حقنا نحن زاتنا كقراء ..
| |
|
|
|
|
|
|
Re: ما هو المعيار ؟ (Re: تيسير عووضة)
|
Quote: الاخت تيسير طبعا مافي حاجة تتقال علي كلامي الفوق داك وانا والله عافيك لصعوبة الرد |
صبراً آل أساسي لما كتبت كلامك دا أنا كنت بكتب في الرد
قاعد تديني ماهية إنتا؟ أكتب وكت ما ألقى طريقة يا أخانا النحرير
| |
|
|
|
|
|
|
Re: ما هو المعيار ؟ (Re: تيسير عووضة)
|
ما قلت ليك الرد عليهو صعب يا تيسير كلامك الفوق دا ما رد ولا حاجة يعني لو دايرة اعتبره ليك رد , لازم افهم من كلامك انه انت بترفضي مسألة التكرار فقط , يعني منال مرة مرة كدا ممكن تكتب كلامها داك وتشوفي ليها عادي مافيهو حاجة لكن لما تكرره بيكون مشكلة , دا معيارك صح؟
| |
|
|
|
|
|
|
Re: ما هو المعيار ؟ (Re: Mohamed E. Seliaman)
|
محمد إي سليمان: هل تمتلك الشجاعة الكافية لتوضيح ا فهمت من قول محسن هذا في ظل قراءاتك الأخرى من موقفنا من المثلية؟
Quote: وكتب محسن خالد في رده على بوست المعايير : ((((وصديقتي عُزاز غافلة عن الأمر، وحقيقي لم تحسب حساباً لما تقول، لا هي ولا صديقتي تيسير. وهذا سيناقضهما معاً، مع الحديث عن قضايا حريات وجندر كثيرة سلفت أو قادمة، لم تحسبانها جيداً)))) |
أم انت فوق قانون التصنيف بقراءة النيات؟ انت تعلم جيدا ما سيجره عليك ما تروج له و تأكد بأنك لن تنجو من مغبته وكذلك من يدعمونك في هذا الاتجاه سواء عن قصد أو (بحسن نية)!
| |
|
|
|
|
|
|
Re: ما هو المعيار ؟ (Re: عزاز شامي)
|
أعتذر لنفسي لعهد قطعته بعدم التداخل ..لكنها هي ذاتها الأمارة بشهوات دنيا أراها متمثلة بخوضي هنا .. ___________________ رغم تكرم الأستاذ محمد أي سليمان بمنحي صك براءة أو كما فهمت من قوله..
Quote: (((لم أجد صلة بين النصين !! نص روزمين أقرب إلى كثير من أعمال قباني!!! نص د. إشراقة له منحى مختلف تماما وهو نص مباشر وصريح حد العري ))) |
الا أن صك البراءة هذا لم يسعدني ...لم يضف الي ولم ينتقص
استنكاره كما أورد وكما فهمت كان من مداخلتي..
Quote: لا تكفين عن مناداته لأشعالك أذن لا نمتلك خاصية الأشتعال الذاتى وأن أشتعلنا فلن ننطفىء من أين لنا بالشعلة الأولى؟؟ |
وحقيقة حتى لو منحني صك غفران آخر فلن أتقبله ..لأن ما قلته لم يكن نصا وانما مخاطبة لأشراقة فى منبر حوار عام (حديثي عن مداخلتي لا نص أشراقة ) وأي خطاب مباشر بين الاعضاء كما تفعل السيدة منال وان كان بحسن نية فيحق للجميع تأويله وفهمه حسب ما يرتأون لذا تعلمت توخي الحذر فى المنابر التي تقضي حوارا مباشرا ,عكس اصدارك لمنتوج أدبي تلقي فيه ما عندك ثم يلقي النقاد والقراء ما عندهم من غير مساس بشخص المؤلف وسلوكه خارج حدود النص( الا فيما ندر) أنا الآن أتنصل من مسؤلية كتابتي لهذه المداخلة لأن رؤيتي وفهمي لها قد تغير (أو كما قال أخينا قيقراوي فى مكان آخر (قول نطيت) وكما فعل سيدي جبران خليل جبران بقوله لمي زيادة عند انتقادها كتابه دمعة وابتسامة..ما معناه..أنه لم يصبر وكان ثرثارا وكان حريا به أن يصمت حتى تجيئه الكلمة. ______________
أساتذتي على رأس لائحة المطلوبين لنبذ كتاباتهم ,والمتسببان وشخصي الضعيف فى محاكمة جماعية لكل من أثنى على كتابتهم يوما .. اشراقة ومحسن ...رغم أنكم أصدقائي ورغم وضعي معكم في لائحة واحدة...الا أن المقامات تظل محفوظة .. أحبكم جدا وأقدر كتاباتكم ومجهوداتكم .. وكذلك حمور وكل الشباب هنا وهناك الذين يتفتقون عن رحم الحياة الجدب نخلة عارمة العطاء تحياتي لكم وكل السودانين المعطائين الذين ينحتون الصخر لتقديم فكرة جديدة لود الزين, لعبد الغني ,لمأمون التلب , لتاج لكل الأصدقاء من ذكرت ومن لم أفعل .. أمنياتي الصادقة لكم بالتوفيق .. والتحية لكل المتداخلين والقراء..
___________
أرحب بأي كم من أرشيف مداخلاتي يتطلب وقفة مني.. وفيه ايذاء لجهة أو شخص ما...
| |
|
|
|
|
|
|
Re: ما هو المعيار ؟ (Re: Mohamed E. Seliaman)
|
Quote: لا ياوليد البوست كلو عن ليه دافعتو عن (محسن / حمور / روزمين / إشراقة ..) وأدنتوا (منال) كلو
مرتكز على النقطة دي ..والقالوا ما دافعنا ؟ قالوا ليهم طيب ليه ما أدنتوأ ؟
(والمطلوب الناس تجي وتدينهم وتتفق وتبقى في صف محمد أي سليمان وفي رواية من جماعتو حتن بالو يهدأ
ويكن ..) غير كدة لبكرة هم في نظرو غير متسقين دي الزبدة .. |
Quote: OK يا وليد انت شايفو كدة ..لكن انا شايفاهو بالطريقة العكسية كتابة منال كانت
مجرد ذريعة..وفي الأخر وجهات نظر مافي مشكلة .. |
سلامات يا داليا و مبروك تاني و نبارك ليك السمح دايما ..
قراتك سليمة تماما يا داليا، ولو ما عشمي في قراءة محايدة بعيدة عن الشخصنة زي قراءتك دي ما كنت كتبت حرف في البوست ده لمعرفتي بنوايا الكاتب الاصلية و الجوقة المصاحبة
تحديد المعايير انتهي في الصفحتين الثلاث الأوائل و الباقي لف و دوران لنصب مشنقة لاشخاص معينين و اصطياد في الموية العكرة و تصفية حسابات ما أكتر ...
ونحن لها... البال سلبة و الدلائل راقدة هبطرش ...
تسلمي،،،
| |
|
|
|
|
|
|
Re: ما هو المعيار ؟ (Re: وليد محمد المبارك)
|
Quote: ما لاذم تكون في ذريعة عشان الناس تفتح موضوع .. لولا تناقض امعايير الواضح من بعض الناس
ما كان انفتح البوست ولا كان انسال السوال
لكن المشكلة الكبيرة الظهرت من البوست ده اكبر من سؤال المعير
ظهرت واضحة من بعض الناس الماخدين كف في روحهم .. ناس ما كنت كتبت وعارفين نوايا وما ادركما والتقول الواحد فيهم لو ما كتب هنا البورد بقفلوه ؟؟
قندفه في الفارقة ساكت
ناس عرفيين نوايا درجة اولى التقول الواحد فيهم فكي .. ولا يكونوا برموا الودع يا الله ؟؟!!
في الصفحات الاولى قلت مشكلة البوست ده القندفة الفارغة، والغريبة من ناس (.........)_تماشيا مع المعايير _ من سبحانه الله ما عارفنو ونافخين روحهم هوا ..
شوفي الناس العندهم شي ، دخلوا ومرقوا اختلفوا واتشاكلوا كمان مافي واحد فيهم اتقندف ولا اتفرعن ، هينين كيف وما هبشوا نوايا الناس ( محسن ، كبر ، واخرين ) .. لكن ناس شهرت اون لاين زينا وجاي فاكنها في روحهم ..
والمشكلة الكبيرة في تصفية الحسابات غايتو جنس توهيم فوقنا ..
هو في تصفية حسبابت وحساده اكتر من الذي مورس تجاه (منال) من قبل البعض هنا والغريبة نفس الكلمات الكتبها بعضهم وكت كتبوها فيه سوها حردي وزعل
معيار مخروم .. عنجهية في الفاضة وناس مليانه هوا |
شكرا يا وليد
| |
|
|
|
|
|
|
Re: ما هو المعيار ؟ (Re: Hussein Mallasi)
|
ـــ
Quote: روزمين عثمان. أرحب بأي كم من أرشيف مداخلاتي يتطلب وقفة مني.. وفيه ايذاء لجهة أو شخص ما... |
شكراً لك فهكذا حينما يتوضأ القلب كوضؤ الأنبياء يشرق التسامح.
| |
|
|
|
|
|
|
Re: ما هو المعيار ؟ (Re: Mohamed E. Seliaman)
|
لب و موضوع البوست والخلاصة بعد ملاواة و مخاض عسير:
Quote: إلى الآن يا تيسير لم يتضح لي عدم أمانة الدكتورة رحاب أنت تجتهدين لإثبات دعواك بكل سبيل كما اجتهدت الأخت أماني من قبلك لإثبات دعواها بالباطل. كل دفوعاتك عن محسن خالد باطلة خاصة فيما يخص الجندر . أو يبدو أننا مختلفون حول تعريف الأمانة نفسها كما اختلفنا حول الأخلاق . هههه ما كتبته د. رحاب في مساءلة رسالة محسن السرية/العلنية جندريا سبقتها إليه أنا وتناقض خطاب الجندر عن محسن جلي وواضح ولن تستطيعي الدفاع عنه ( معركة الجكس النضيف والبيرة النضيف وحوار أميرة أحمد ، الخطاب إلى نجاة محمد علي والتطريز أو التريكو ما ني مذكر ، تعيير محمد عثماننا الذي بأستراليا بأنه صحفي في خدره من الحياء ) ههههههه بعد دا كله قلت لي خطاب جندر عند محسن خالد هههههههههه مشكلتكم أن محسن خالد عندكم لا يأتيه الباطل من بين يديه ولا من خلفه . إذن نحن بالأساس مختلفون حول مفهوم الأمانة مع محسن خالد وبالتالي مختلفون مع جمهور محسن خالد وقرائه الذين يسلمون بكل ما يخطه من باطل. --------------------------------------------------------------------- |
Re: ما هو المعيار ؟
| |
|
|
|
|
|
|
Re: ما هو المعيار ؟ (Re: عزاز شامي)
|
عزاز..
ياخي انت مش عندك امتحان؟
عليك الله.. و ما في أعظم منو أحلفك بيهو..
ما تجي راجعة هنا أكان ما خلصتي امتحانك..
غيبي و تعالي..بتلقينا نحن يا نا نحن..
وقتها أكتبي العايزاه..
بس عليك الله ما تجينا تاني أكان ما خلصت..
زول واحد فينا هنا فايدك بشيء ما في.. ياها قرايتك و مستقبلك..
عليييييييك الله يا عزاز..
.. خايفة أقول ليك الكلام دا برضو يا قيقراوي يقولوا باقية ليكم أبلة الناظرة..
قوموا على امتحاناتكم يهدينا ويهديكم الله.. و ربنا يوفقكم و ينجح مقاصدكم..
أنا قايمة على حلة ملاحي
| |
|
|
|
|
|
|
Re: ما هو المعيار ؟ (Re: Sana Khalid)
|
Quote: أنا الآن أتنصل من مسؤلية كتابتي لهذه المداخلة لأن رؤيتي وفهمي لها قد تغير (أو كما قال أخينا قيقراوي فى مكان آخر (قول نطيت) روزمين الصيَّاد |
يا النبي نوح، القاري اللوح! (المحفوظ طبعاً). طيّب ما تتمي جميلتك فت مرَّة وتسألي المولانات ديل من (المنيو) بتاع ما يفضلون من مداخلات لكل هذه الدورة والدورات القادمة!؟ مولانا ملاسي ذاتو، قال ليك (لابأس) شفتِ كيف الرضى بالملوة! وما ح يكون بالهينو الكبير، ويصفقوا ليك، إلا تتكوزني عديل.
| |
|
|
|
|
|
|
Re: ما هو المعيار ؟ (Re: محسن خالد)
|
Quote: مولانا ملاسي ذاتو، قال ليك (لابأس) شفتِ كيف الرضى بالملوة! محسن خالد |
ما قامت به روزمين - كخطوة أولى - فعلاً لا بأس به.
| |
|
|
|
|
|
|
Re: ما هو المعيار ؟ (Re: محسن خالد)
|
Quote: وألا كمان تنطي عديل يا عملات صاحبي قيقراوي؟ |
صاحبك قيقراوي تطير عيشتو
انا شكلي كدا ح اصاحب محمد الحسن عدييييييل بعد دا
الكوت الكوت الكوت
--------
يا روزمين انا ما نطيت او " تنصلت عن أي مسئولية لي ، بل العكس " . .
| |
|
|
|
|
|
|
Re: ما هو المعيار ؟ (Re: محسن خالد)
|
سلامات العزيز محسن.. أولا ما بالك ياخي تجر (كي بوردي) لمكان بصراحة ..لا ترتاح فيه نفسي ..دعنا نتمم النقاش ان كان له بقية فى بوستك أو أي موضع آخر.. __________________________ بالرجوع الى مداخلتك..Quote: طيّب ما تتمي جميلتك فت مرَّة وتسألي المولانات ديل من (المنيو) بتاع ما يفضلون من مداخلات لكل هذه الدورة والدورات القادمة!؟ مولانا ملاسي ذاتو، قال ليك (لابأس) شفتِ كيف الرضى بالملوة! وما ح يكون بالهينو الكبير، ويصفقوا ليك، إلا تتكوزني عديل. |
لا تحسبني يا محسن غير واعية للمشروع الجهادي المبطن .. ولا تحسبني غافلة عن الساحة الجهادية ولا لائحة الآبقين والزنادقة الذين يمكن من خلالهم كسب المزيد من الحسنات ولا تحسبني غافلة أيضا عن الفئة التي لا يحركها الا الخبث وسوء الطوية ..وربما الجهل والفراغ الى حد ما..
Quote: هذا الكلام لك يا روز، السمح جداً في رأيي "قمت شوية كدا بتعديل همزاته اللي شكلهن مكتوبات بماوس لا يمنح خيارات كتابة"، طيِّب، الكلام السمح دا مالو؟ لومه شنو البخليك تتنصلي عنو، وألا كمان تنطي عديل يا عملات صاحبي قيقراوي؟ هل عشان قالوا إنو دا كلام في مداخلة ساكت مش في نَص فَنِّي! دي نظرية شنو دي، وألا نظرية منو هي!؟ وفرقو شنو هسع الكلام دا بجماله دا، عن الكلام الأدبي، أو الفنّي!؟ أرجو أن تجيبي على هذا السؤال. |
يا سيدي محسن ..الأمر ناتج عن قناعة شخصية وعن تجارب شخصية مررت بها ومن خلال هذا البورد.. المنبر فى رأيي ليس بصالون أدبي خاص بفئة معينة بينهم لغة مشتركة ..يحسنون فهم وتأويل مقاصدك وتعليقاتك حيال نص ما .. ولا مجمع للأصدقاء لتبادل الخصوصيات والقفشات التي قد قد يكون من الطبيعي تبادلها فى موضع آخر.. لا خصوصية ...لا الفة ... لا أمان ..يمكن تشبيه بأنك فى العراء أو لنقل فى شارع عام يمر خلاله أمراء وسارقين وصعاليق وأئمة وعلماء وكل الأصناف التى قد تمر بخاطرك.
عني أفضل الحفاظ بمساحة خاصة ..وحدود تكفل لي والآخرين حد أرضاه من الأحترام .. أضف الى ذلك أنه ما فيني حيل ولا مساحة فى دواخلي للمشاكل والجدل الذى لا طائل منه وبصراحة أستكثر أن أبذل مشاعري وزمنى فى ترهات لا تضيف معرفة ما فى رأيي ..وقد تكون حوجة طبيعية لكائن اجتماعي طبيعي لا أحسبه أنا .. وبالتالي أخترت أن يكون تفاعلي خلال الشارع العام أو منبر الحوار العام هذا فى حدود رسمية ولأهداف معينة وهي مخاطبة الآخرين عبر ما أحسبني أحسن وهدفي الأكبر فى الحياة وهو الأدب ..أضف الى ذلك المشاركات الأنسانية العامة
أرجو أن أكون قد نجحت الى حد ما فى توصيل فكرتي ..
Quote: (ت) من نص الموت
هُنَاكَ في الأعْلَى شُرْطِيُّ النِّظَامِ الْعَامِّ يَِرتدي سِرْوالًا بَارعًا في احْتِباسِ الذُبَاب والتَكهُنات يُطَارِدُ الشُرطِي رِفَاقَهُ حَامِلًا كَنَائِنَ الْمَوْتِ يَرْميهِمْ وَاحِدًا تِلْوَ الآخَرْ ثُمَّ يَرْمي نَفْسَهُ بِآخِرِ سَهْمٍ في جَعْبَتِهْ... الْعَاشِقُونَ يَحْسَبُونَهُ " كَيوبيد " صَهْ... .. .. إنَّهُمْ مَاضُونَ في تَقْبيلِ حَبيبَاتِهِمْ
|
_______________- سلامات عماد الطيب.. مرحب ..يا تبارك الصياد اسم العائلة ..لا أدري كيف فكرت أنه قد يكون مشاتمة! قيقراوي أعذرني يا اخي قرأت بوست الزول زاتو وأعجبتني تعليقاتكم الطريفة ..الجملة التي أستشهدت بها كانت لاخينا قمر بوبا على ما أعتقد .. لكم التحية والتقدير
| |
|
|
|
|
|
|
Re: ما هو المعيار ؟ (Re: Mohamed E. Seliaman)
|
حاضر يا سناء، و نصيحة عزيزة وانت محقة، فهناك ما هو أهم و أبقى من مجاراة الهذيان... وسأعود أن مد الله في الآجال، وإلى ان اعود .. اترك هذه المقولة كتعويذة علّها تُفيق البعض من سكرة الكذب:
إذا كنا أكاذيب، فنحن أكاذيب من صنع انفسنا*
__________ *من موسم الهجرة إلى الشمال
| |
|
|
|
|
|
|
Re: ما هو المعيار ؟ (Re: عزاز شامي)
|
Quote: وفى مجهود تلحيقها لقيقراوى وروزمين "الصيّاد" (ما عارف دا اسم ولاّ لقب ولاّ مشاتمة من محسن خالد) عثمان |
سلام يا تبارك ممكن تتكرم و توضح انت طيب !؟
---------
بالمناسبة اعتقد انو " الصياد " اسم . . فاميلي نيم ؤ كدا
| |
|
|
|
|
|
|
Re: ما هو المعيار ؟ (Re: كمال عباس)
|
Quote: يا أخي ماتكون حرفي شديد كدة! في البلاغةبقولوا أطلق الكل وأراد الجزء ....! إحتمال الأستاذة تكون قاصدة الأغلبية ! وأنا شخصيا ملاحظ أن أغلبيةمن يختلف مع تيسير يختلف معها من باب كفالة حق التعبير لمنال أو المطالبة بأن يستخدم ذات المعيار الرافض لكتابة منال في الحكم علي كتابات أخري يرون أنها مشابهةلأسلوب منال ! ......... يعني الموضوع ليس دفاع عن مضمون كتابة منال ! |
اجتهاد كمال عباس في تفسير جل مشاركات تيسير في هذا البوست يجعلنا نتسأل عن سر تلك البلاغة التي اؤتيت لكمال وحبست عن تيسير !! استغرب لهذه الوصاية اللصيقة
| |
|
|
|
|
|
|
Re: ما هو المعيار ؟ (Re: كمال عباس)
|
تبارك ـ كتبت
Quote: افكار شنو الدافعت عنها؟ عندك 15 صفحة ... اتحدّاك جيب لى اقتباس من فكرة انت دافعت عنها ... |
ياتبارك دي مادائرة درس عصر ! أنت نفسك ياتبارك بتدافع عن فكرة-علي حسب فهمي- وهي حق التعبير وتوحيد المعيار- وتفكيك أو تخفيف الأحكام الاخلاقية علي الكتابة وتهشيم الحد الذي وضعه البعض بين الكتابةالادبية و الكلام الخطابي المباشر صاح واللا غلط ? فكرتي هي كفالةحق الاخر في الاختلاف مع كتابةمنال والتعبير عن هذا بإعتباره رأي أخر ! وحق من يسعي للإحتكام للوائح وحق من يري ضرورة حد أدني من الضوابط ووحق من يري هناك فارقا نوعيا النص الادبي والكلام الساي ومن يحاكم المكتوب وفق السياق الخ ...........
| |
|
|
|
|
|
|
Re: ما هو المعيار ؟ (Re: كمال عباس)
|
يا كمال ايوة سالتني اكتر من مرة واعترضت علي احتفائي باقلام اراها جميلة في هذا المنبر دون (ان ادخل مفسرا لكتاباتهم ) وكان اقلامهم عاجزة عن تفسير افكارها مثلما تفعل الان , ولكني لا اعترض علي سؤالك لي عن تنصيبي فلان ككاتب مفضل لي ولا اري في ذلك غضاضة , وعندما ارشح علان ككاتب مفضل في المنبر من وجهة نظري لا افعل ذلك مفسرا كتابتهم بل لا اجد نفسي وصيا علي تلك الاقلام بل معجبا بها وهذا ما لا تفعله انت فاذا كنت معجبا بقلم معين استغرب ان تفسر مداخلاته فانك تطعن في بلاغتهم وتنفي الاعجاب من حيث لا تدري
| |
|
|
|
|
|
|
Re: ما هو المعيار ؟ (Re: كمال عباس)
|
أرشيف الصفحات الماضية يقول أن محمدe سليمان قد قال
Quote: رأيي واضح جدا (( أنا أتفق مع الأخت تيسير والأخت أماني والأخت عزاز والأخ كمال عباس والأخ د. أمجد فريد في الرأي الرافض الكتابة المبتذلة والإيحاءات الغرائزية من حيث المبدأ . فهمت أن كتابة الأخت منال تندرج تحت هذا الصنف حسب أنساق ثقافية معينة سائدة .)))إذن موقفي من كتابة منال أو من الكتابة الإيحائية المثيرة للغرائز حسب الحقل الثقافي ليس محل تساؤل وليس محل خلاف . بل هو محل اتفاق تام. .... |
نفس التعميم ولكن بشكل أكثر صرامة -من شخص يدعي الدقة والإحتكام للمعايير ومع هذا لم يتصدي له تبارك أو غيره سألناه :
Quote: تقول أن موقفك من القضيةالمعنية ليس محل خلاف بل محل إتفاق تام ..إتفاق تام ممن ومع من ? وكيف عرفت أنه محل إتفاق تام ? وليس قضية خلافية ? ماهي وحدة القياس ? إستطلاع أم أستفتاء |
أها تجي تيسير بعد كلام محمد بعد صفحات لتقول
Quote: العبارة دي غير دقيقة، لأن الجميع وأكرر الجميع بما فيهم إنت زاتك إتفق على أن كتابة منال غير لائقة |
ويقوم الجماعة بمحاكمتها! ..........
| |
|
|
|
|
|
|
Re: ما هو المعيار ؟ (Re: كمال عباس)
|
أوعى تقولوا لي النقاش العربي دا كللللو في كلمة الجميع؟ مبالغة!
تبارك وكمال إنتو الإتنين حملتوا العبارة أكتر بكتير جداً مما تحتمل وأفرطتوا في تمطيط المعنى الصحيح والغلط معاً
براحة يا شباب!
| |
|
|
|
|
|
|
Re: ما هو المعيار ؟ (Re: تيسير عووضة)
|
اتبارك Quote: هو حدد الأشخاص الذين يعمهم الإتفاق التام بالإسم ...
لاكين لأنو إنت حرف الحرفى ظاطو ... |
... لا يتبارك محمد كتب
Quote: رأيي واضح جدا (( أنا أتفق مع في الرأي الرافض الكتابة المبتذلة والإيحاءات الغرائزية من حيث المبدأ |
. حدد الأشخاص الذين يعمهم الإتفاق التام بالإسم ... وخت نقطة وأنهي جملته وإتفاقه المخصص مع أسماء حددها ولكنه عاد بعد النقطة والوقفة ليقول : Quote: فهمت أن كتابة الأخت منال تندرج تحت هذا الصنف حسب أنساق ثقافية معينة سائدة .)))إذن موقفي من كتابة منال أو من الكتابة الإيحائية المثيرة للغرائز حسب الحقل الثقافي ليس محل تساؤل وليس محل خلاف . بل هو محل اتفاق تام. |
ودا كلام عام والاتفاق وعدم الأختلاف الذي زعمه عام ولا يقتصر علي أسماء بعينها والدليل أن الرجل يزعم أن كتابة منال إيحائية حسب الحقل الثقافي والانساق الثقافية لا بحسب رؤية الأخت تيسير والأخت أماني والأخت عزاز والأخ كمال عباس والأخ د. أمجد فريد فلا أنا شخصيا ولا المذكورين قالوا أن مرد رفضهم لكتابة منال هو الحقل ووالانساق الثقافية السائدة! تعرف ليه ? لأنو دا بدخلنا في ورطة وقع فيها محمدe سليمان نفسه والتوضيح تجده هنا:
Quote: هل النسق الثقافي السائد والحقل الثقافي السائد يصلح معيارا للحكم علي الكتابة والانماط التعبرية الاخري ? وماهي مكونات الانساق الثقافية التي تحدثت عنها ? وهل هي ثابتة أم متغيرة ? وهل السودان المتنوع الثقافات والمفاهييم والرؤي يحكمه نسق ثقافي واحد بحيث يصبح مرجعا ومعيارا للحكم علي كل مادة مكتوبة ? ......... |
| |
|
|
|
|
|
|
Re: ما هو المعيار ؟ (Re: كمال عباس)
|
يا قيقراوي ياخي أعفى لي، كان اتضررت. هذا من عمل روزمين وحدها، لا شريك لها، أنا اقتبست كلامها كما هو، والعُهدة عليها. يضحك نهارك
أهلين العزيزة روز، شنو يعني تكتبي، لا تحسبني يا محسن غافلة عن إيه وإيه وإيه وتنَزِّلي نَص "كمان" عن شرطي النظام العام.. وكلام عاطفي ساااكت، تلتينو موية وتلتو الأخير أظرط لأنَّه غير صادر عن رؤية معرفية وإنَّما هو {ناتج عن قناعة شخصية وعن تجارب شخصية مررت بها ومن خلال هذا البورد}، ونظرية كاملة في الفتوى عن كيفية مساءلة الكتابة والآراء "كمان"، بدون أدنى احتراز أو حذر، اقتبسها وأخشى كمان يكون أُعجب بها كمال عبّاس، لأنَّها تساند موقفه –الغلط كما أرى- من كتابة منال، في هذا البوست.. إلخ يا روز، أحسبك شنو يا أختي!؟ أنت الشخص الوحيد، الذي انصاع بالدليل العملي هنا، قدامنا، في البوست دا، لشرطيي الآراء والكتابة، وتنصَّلت عما كتبتِ. وما دام نفسك مابية البوست دا، وما دايره نقاش فيه، ماني عاصر عليك. لكن الكلام دا إن بقيت حي بلمو ليك، لامن نلقى ليهو البناسبك من مكان وزمان. كوني بألف خير
العزيز كمال أعيدُ عليك سؤالي، الذي وجّهتُه لك ببوست الكوشرثيا، مرّة ثانية: هل تُساند رؤية أن يأخذ المثليون حقوقهم كاملة في ممارسة الحياة التي تناسبهم في الدولة العلمانية أم لا!؟ كن بألف خير
-------------- ملاسي، إنت طبعاً الخاسر الثاني في هذا البوست، بعد صاحبك الحبشي، طبعاً ربحكما معاً هو "إشعال النيران" والتمكين لدولة قشرستان، وشغل الناس عن الكيزان، لأنو المعركة التي يهمك أن تنشب هنا لم تنشب "بعد". عند أهل الرواية، الفينشينغ مسألة مهمة جداً، الحبشي خذلكم جداً بالكذب، ودَمَّر الفينشينغ بلا أي داعٍ أو لازمة، لو صبر شويية، وترك دس الكذب على الجميع. وكذبه ذاته من نوع لا تستطيع حتى أنت نفسك دعمه فيه، زي كذبه عن نفي تهمة رحاب لي، وكذبه عن مساندتي لكيكي في قصة هويته تلك. بالرغم من إنَّك يا ملاسي عديم ذمة ديموقراطية ووطنية بدرجة لا تقل عن عدم ذمة الحبشي الشاملة، ولكن أنت محتاط لعدم ذمتك الديموقراطية والوطنية أكثر من الحبشي. تخريب الحبشي للفنيشينغ، صنع تحالف الديموقراطيين ضده، بدلاً عن نزاع الديموقراطيين فيما بينهم، الكان مرتقب ووشيك، بالذات لو أنا كنت قبلت عزيمة أساسي هنا، بطريقة أساسي وليس بطريقتي، فأنا رأيي قلتُه وفي هذا البوست موجود. لوول (وكان ح ألقى كبّر قدامي طبعاً، مع تطرف ليبرالي كما يمكن أخذ حديث كمال عبّاس، لوليين). وبإضافة كلامات حسبو في بوست الكوشرثيا عن الديموقراطيين التقاليديين، كان ممكن تتوقّع وجوده برضو، كطرف معانا. وعودة جبر الله للبوست كانت ح تكون شبه إجبارية. يااا راااجل، دا كان مولد بالنسبة ليك {خريف أبو السعن} المشتهيه إنت من زمن بوست عصام القديم داك، مع بعض التعديلات. أحب أطمئنك، إنّو لو استمرَّ كمال عبّاس في دعم أنواع كلام روزمين غير المؤسَّس دا، ربما ينشب هذا النزاع. أها دي البشارة التانية، بتديني كم!؟ عشان أعمل سيفينغ من بشارتك وبشارة الحبشي العمل منها ميّت ديك. تضحك؟ يضحك كثيراً، من يجد البشارة أخيراً.
| |
|
|
|
|
|
|
Re: ما هو المعيار ؟ (Re: محسن خالد)
|
Quote: إنتو الإتنين حملتوا العبارة أكتر بكتير جداً مما تحتمل وأفرطتوا في تمطيط المعنى الصحيح والغلط معاً |
هاى ترى تيسير ... انا شايف انو استخدام "الجميع" و"الغالبية" وهلم جرا من الكل أو الجزء من السلطة الإجتماعية ... ما بتستر فضيحة "موس" الخفاض الكتابى الشايلاتنها بنات موكب الجندر المبارى السلفيين دا ... (زى الطيرة المبارية السيرة كما ورد فى "الحبولّية" الفكرية)
الحبشى حدد الناس المتفقين معاهو بالإسم. وعمل نقطة على السطر. وجوا ناس زعيط - ومؤخراً معيط (كما يقول الرندوك) - دايرين يدسّوا عورة الشوفينية الذكورية المهيمنة على مراتع جهلهم كلها ... ورا نقطة على السطر ...
لا بالله ....
... المهم ...
| |
|
|
|
|
|
|
Re: ما هو المعيار ؟ (Re: تبارك شيخ الدين جبريل)
|
ياتبارك الحبشي أرجع رفضه لكتابةمنال للحقل والانساق الثقافية حيث ذكر بالحرف الواحد
Quote: إذن موقفي من كتابة منال أو من الكتابة الإيحائية المثيرة للغرائز حسب الحقل الثقافي ليس محل تساؤل وليس محل خلاف . بل هو محل اتفاق تام. |
أنا شخصيا لم أعترض علي الكتابة حسب الانساق والحقول الثقافية ! ولم يذكر أحد أنه يرفضها إنطلاق من الأنساق الثقافية !!!!!!!! أذا ماهو دليل الحبشي علي أن الرفض بحسب الأنساق الثقافية ليس محل تساؤل وليس محل خلاف بل هو محل اتفاق تام ? ......الحبشي وقع في حفرة عميقة حفرهالنفسها حيث حشي كلامه بعبارات علي شاكلة أنساق وحقل ثقافي ولم يستطيع الخروج منها راجع تهربه من الأجابة ومن المأزق:Quote: ماهوالمعني بالانساق الثقافية هل النسق الثقافي السائد والحقل الثقافي السائد يصلح معيارا للحكم علي الكتابة والانماط التعبرية الاخري ? وماهي مكونات الانساق الثقافية التي تحدثت عنها ? وهل هي ثابتة أم متغيرة ? وهل السودان المتنوع الثقافات والمفاهييم والرؤي يحكمه نسق ثقافي واحد بحيث يصبح مرجعا ومعيارا للحكم علي كل مادة مكتوبة ? |
......... ........
| |
|
|
|
|
|
|
Re: ما هو المعيار ؟ (Re: تبارك شيخ الدين جبريل)
|
Quote: ما قامت به روزمين - كخطوة أولى - فعلاً لا بأس به. ملاسي موجّهاً مداخلته لمقتبس من حديثي
|
هي لكن تكلمني أنا!؟ كلّم ستو، ياها ديك اسمها روزمين، ومختلللفة وسمييحة، ملامحها ما بتتلخبط معاي كلو كلو، تكلمني أنا ذنبي شنو!؟
---------------------------
* ارجعوا لبوست الأمثال السريّة، حينما جاءت رجاء العبّاسي بما يلمس فنون الموديلز كلها، بكلامها عن جسد المرأة بطريقة دينية "فتيشية"، وردّي عليها. وما هي فنون الموديلز بجميع أنواعها، والسينما ذاتها والمسرح والتلفزيون يا زول!؟ هي فنون فكرتها تقوم بجانب من أهم جوانبها، على الإيحاء والإغراء، إنتو قايلنو دا لعب، دي علوم وفنون. الما عارف يقول بطيخ. ولو بديتوا ترموا منها طوبة، ح تقع كلها لأنها نسق فكري وفني وحضاري متكامل، والمتدينون ديل من الجهة الأخرى برضهم نسق متكامل ومضاد. وهم أطمع من الشيطان نفسه، لذلك هو لا يشرح لهم الطمع ولا يغريهم به، وإنما يعينهم عليه بالخطط والمشاريع فقط، لأنه يعرف جيّداً أنهم أطمع منه. وزماان أنا كتبت عن الموضوع دا في سودان فور أوول، إنّو دا ياهو الشارع ذاتو النضموا بيهو الناس في فرقة {عرائس النيل}، فرقة بتقدم فنون بتاعة كوشرثيا، وحبوبة المشكلة دي، ياها المشكلة بتاعة "رقصة العجكو"، الزمااان ديك، وعملوها الكيزان ديل برضهم وذاتهم. وياهو الشارع ذاااتو، البرجعوكن بيهو عصر القوارير والسجن المنزلي وتحديد حريتكن الوجودية من خلال ولي أمر فكري وأخلاقي وجمالي (تقبل تقرأ الأمثال بتك وألا أختك وألا زوجتك، كما كان يسأل د. بشرى الفاضل الناس!)، ويكون ليكن نص بس في الميراث، تمرقن من بيوتكن كالغربان، مثل نساء يثرب قبل 16 قرن، صوتكن عورة، تعلّنوا شوية عشان تحتجن.. تتجلدن. ودا ياهو (الذوق العام، بتاع د. نزار) وتلحقن لامن تمرقن الشارع بلا خيام، تلاقيكن شرطة (النظام العام، بتاعة الطفلة سيلفا المسيحية) والجلد والكسر برضو (عام)، لا بيفرز مسيحي من مسلم، ولا كوشي من عربي، ولا يهمه لو كان ثقافتك الجن الأحمر، وألا القيامة الحمراء الرابطة. (دا نسق حضاري وفكري، أي طوبة منه تستدعي أختها تلقائياً). إنتو قايلين شنو؟ البوست بتاع المعايير دا، الأنتجتو ليكم عقلية سلفية وتدعمه نظيراتها من عقليات وبنشاط، إنتو قايلنو هظار وألا ما لكم!؟ عشان أي واحد وألا واحدة منكم، يجيب أكبر كمية من الإهمال يمتلكها، ويقعد يهضرب بيها هنا!
| |
|
|
|
|
|
|
Re: ما هو المعيار ؟ (Re: كمال عباس)
|
Quote: سا أتيك هناك في بوستك للحوار في هذه النقطة وتوضيح رأي...
|
يا كمال دا بوست المعايير، نتناقش فيها هنا، داك للحجا والأمثال والكوشرثيا، عندك حجا تعالي لي بهناك، عندك معايير أرجاني هنا، وجاوبني هنا. وأعتذر عن أسئلتي لك بهناك، وعن تعليقاتي كلها حول هذا البوست بهناك. كلام المثلية دا معايير، ويعني الحبشي جدا، فدا مكانه، وبعد استئذان الحبشي طبعاً، لو سمح لنا. المثليون والمثليات، ما تسألني أسئلة متخصصة عن حياتهم، ولا نحن ح نشتغل منظمين لحياتهم وحياتهن، أبداً، بس نديهم حقهم القانوني البيكفل ليهم كما قلت الحياة البتناسبهم، يعرسوا ما يعرسوا نحن شغلتنا فيهم شنو؟ كونهم قصة كبيييرة، نوليها الاهتمام بأكثر من أخذ حقوقهم القانونية، دي ذاتها إنت جبتها من وين؟ من التصور الأسطوري ليهم في الأديان!؟ الناس ديل ما ناس ساي، زيهم وزي غيرهم، إنت قايلهم شنو، لامن مسوي ليهم قومة وقعدة!؟ (الاغتصاب هو درجة الاعتداء أو (العدوان) لأي علاقة جنسية كانت، بين نوعين مختلفين، ذكر وأنثى أعني، أو مثلية، ودا ممنوع لأنو عدوان).
شنو الدخل القُصَّر وغيرهم!؟ دا (عدوان) دخله شنو بموضوعنا؟ ما تنظر لي في تفاصيل، وتقعد تفرز لي في أنواع المثليين، هذا لا يعنينا، والحقوق تشملهم كلهم، وبجميع أنواعهم. ولا أنا طالب منك كدا، التفاصيل يحددوها هم، هسع في زول قاعد يحدد للمذكر والمؤنث تفاصيل العلاقات!؟ المثلي الشايف روحو عيان يمشي الدكتور برقبتو، ما بتوديهو الشرطة، والداير يواصل في مشهادو يواصل، والداير ينقلب ينقلب، دا كلو كلام لا يعني الدولة العلمانية في شيء ولا يضرها. هي فقط تديهم حقوقهم القانونية، وتمنع من التحريض ضدهم والفتك بهم وتسمح لهم بالتعبير عن أنفسهم ووجودهم، وانتهى بالنسبة للدولة، تمشي تحلحل مشاكل الاقتصاد وغيرها مما يعني كل الناس.
| |
|
|
|
|
|
|
Re: ما هو المعيار ؟ (Re: وليد محمد المبارك)
|
لو دي الطلعت بيها من كلامي داك كلو وردي الما معتمد يبقى ما حاأغالطك في المقسومة ليك
كتب أساسي:
Quote: زمان يا تيسير لو رجعت في البوست دا الصفحات الاولي بتلقيني كتبت انه منال زاتها وصلت ليها انه كتابتها دي ما مقبولة عندي وبالمقابل زمان برضو فتحت بوست بعنوان ( تيموليت الما كويسة) او شي من هذا القبيل , ودا في وجهة نظري الاتساق البعرفو |
يبقى حقو تراجع مفهوم الإتساق عندك يا أساسي إذا كان إنت في البوست دا زاتو قلت إنك معجب بكتابات إشراقة مصطفى الإباحية يا قولك شنو البيخليك تعجب بكلام مباشر عن الجنس، وتعتبر إيحاءات ممكن تتفهم حسب المتلقي "على حد تعبيرك إنت" إنها غير مقبولة؟ مش حاجة غريبة؟
ما هو معيار الإعجاب والقبول وعدمه عندك؟
| |
|
|
|
|
|
|
Re: ما هو المعيار ؟ (Re: تيسير عووضة)
|
تبارك ..
كزول بتحب المغالطة لو كنت متفق برضو كنت حا تجي تقول لا لكن بيني وبينك التعميم مخل زي ما قال عزيزنا كمال و وكلامي كان فيهو تعميم بعتذر عنو بشدة وممكن تقروا العبارة بدل الجميع تبقى الجميع تقريباً
أها قصرت معاك ومع التعميم؟
ــــــــ طيرة دي لولا قرائتي لها على شرف وحضرة عشة بيردز "ست الإسم" كان سيكون لي معك شأن آخر
| |
|
|
|
|
|
|
Re: ما هو المعيار ؟ (Re: تيسير عووضة)
|
Quote: اجتهاد كمال عباس في تفسير جل مشاركات تيسير في هذا البوست يجعلنا نتسأل عن سر تلك البلاغة التي اؤتيت لكمال وحبست عن تيسير !! استغرب لهذه الوصاية اللصيقة أساسي |
عقب مداخلة أساسي أعلاه حاولت أن أحصي عدد المرات التي ورد فيها اسم تيسير في مداخلات كمال - في هذا البوست - إن حاف أو مسبوقاً بالأخت أو الأستاذة؛ ففلت مني العد بعد السبعمائة!!
| |
|
|
|
|
|
|
Re: ما هو المعيار ؟ (Re: وليد محمد المبارك)
|
Quote: عقب مداخلة أساسي أعلاه حاولت أن أحصي عدد المرات التي ورد فيها اسم تيسير في مداخلات كمال - في هذا البوست - إن حاف أو مسبوقاً بالأخت أو الأستاذة؛ ففلت مني العد بعد السبعمائة!! |
Quote: ففلت مني العد بعد السبعمائة |
كدى شوف لي اسمى انا ورد كم مرة عشان اشوف درجة الشهرة
| |
|
|
|
|
|
|
Re: ما هو المعيار ؟ (Re: كمال عباس)
|
Quote: وبفتكر أنو الثنائي عزاز وتيسير لم يكن أصلا في حاجة لدعم أو مساندة |
بالجد ؟؟؟
يعنى ماكانو محتاجين محامى مثقفاتى ؟؟؟؟
Quote: وهم الان في طور التمشيط وجمع الغنائم |
النبى لمن تجمعو الغنائم ما تنسونى ....
| |
|
|
|
|
|
|
Re: ما هو المعيار ؟ (Re: محسن خالد)
|
سلام محسن : ياQuote: كمال دا بوست المعايير، نتناقش فيها هنا، داك للحجا والأمثال والكوشرثيا، عندك حجا تعالي لي بهناك، عندك معايير أرجاني هنا، وجاوبني هنا. وأعتذر عن أسئلتي لك بهناك، وعن تعليقاتي كلها حول هذا البوست بهناك. كلام المثلية دا معايير، ويعني الحبشي جدا، فدا مكانه، وبعد استئذان الحبشي طبعاً، لو سمح لنا. المثليون والمثليات، ما تسألني أسئلة متخصصة عن حياتهم، ولا نحن ح نشتغل منظمين لحياتهم وحياتهن، أبداً، بس نديهم حقهم القانوني البيكفل ليهم كما قلت الحياة البتناسبهم، يعرسوا ما يعرسوا نحن شغلتنا فيهم شنو؟ |
يامحسن حقوقهم القانونية المقصودة دي شنو? يعني واحدإتنين تالتة? وهم عايزين شنو بالضبط ?ومتين قالوا أنو حقوقهم مسلوبة? ومتين طرحوا مطالب ? ..... الموضوع دا ليس من أولوياتي - وبخليك أنت تتولي الملف دا !
| |
|
|
|
|
|
|
Re: ما هو المعيار ؟ (Re: كمال عباس)
|
اساسي سلام
Quote: استشهادا بموقفك من كتابات منال سابقا وقبل المعيار وما بعد المعيار لذا طلبنا منك توضيحا |
أنتو منو يا أساسي لجنة تحكيم البوست ده ؟
تاني برد عليك بنفس الأجابة
Quote: مادايرة أثبت او أنفي تهمة عني (ماحاسة أني متهمة) في وقتها المداخلة الشفتها مناسبة كتبتها ليها ..، والحسيت انها ممكن تنسب لي بطريقة خطأ حسب قرايتي لمسيرة البوست إتراجعت عنها (حقي) وده زاتو ما موقف محتاجة اتجار بيهو بقدر ماهو (الشيء الحصل ).. |
ولابأس في مزيد من التوضيح..عندي حق واحداني (أتحاور) مع أي شخص في المنبر بطريقة لا تتجاوز الاحترام مالم يضطرني للرد علىه بطريقة التي يستحقها بعد تعديه علي وده وما حصل في حالتها ، أفسر كلاما كيفما شئت وارد عليها في الحدود البشوفا مناسبة (حقي)،تقبل او ترد بعدم القبول ( حقها) (دي الحدود ) .نقطة سطر جديد ده كلامي ليه محتاجة أعيدوأكتر من مرة بصيغة مختلفة ؟هل ده من أجل إيجاد ثغرة ؟وأستاذ كمال هل بالضرورة يكون متفق معاي عشان يقول حاجة كويسة في حقي ؟
وتاني بقول ليك أي كلمة كتبتها هنا مسؤولة منها ..ما متراجعة عنها وما اتغيرت بفعل الحملة التأديبية ..ولو في حاجة أستدركت عنها كانت في وقت سابق بكتيير (التاريخ)..وده وفق تقديراتي الشخصية وأختياراتي الخاصة أدخل في ياتو حوار وما أدخل في شنو .. وبعتبر نفسي راشدة بمايكفي لتقييم تصرفاتي وتحملا..
إحترامي
| |
|
|
|
|
|
|
Re: ما هو المعيار ؟ (Re: كمال عباس)
|
Quote: يامحسن حقوقهم القانونية المقصودة دي شنو? يعني واحدإتنين تالتة? وهم عايزين شنو بالضبط ? كمال عباس
|
لا الناس ديل، جايين من المتمة يلاقونا في وفاة العلمانية الحارة دي، دحين يشوفوا ليهم مركباً وسيعة يعدوا بيها لشندي. الخيل بخلوها مِغَاربة في المتمّة، ما ليكم بعلوقها، بعد يدّوا فاتحتهم بتكاملوها مغارب، أها آناس شوفوا ليهم الجهوزة، السادر نادوهوا، والمتمسي أفزعوهوا، البكا دا بكاياً ما هيّن تب، والله طوب المقابر ذاتو وَنَّى تحت الرجال، خليهم النساوين. لوول، والله ما بهظر يا كمال، تصدق؟ قلت الموضوع دا ما أولويتك!؟ ياخي ما دام إنت الحرية مقسمة لأولويات، أها دا كلام لا أنا لا الدولة العلمانية ما بنقدر عليه. دحين خلاص، انسَ الموضوع يا زول، لكن ما تنسَ إنّي وريتك رأيي من إنو الحقوق لا تتجزأ وما من أولوية فيها بتاتاً. خليني أنا، بس لكن الحبشي دا وريهو رأيك عديل، عشان ما يفضل مطاردك في الحتة دي وتقعد إنت تلولو! معاك في؟ كن بألف خير
| |
|
|
|
|
|
|
Re: ما هو المعيار ؟ (Re: كمال عباس)
|
تبارك ..
كلمة مبتذلة دي تحديداً أنا وصفت بيها الكتابة بتاعتا ودا رأيي مش من حقي أعبر عنو؟
منال لغاية الآن ما إتشتمت شتيمة مباشرة بتمس الأخلاق ولو دا حصل في بنات إتشتموا قدامها وبي سببها هي زاتا وبالدرب العديل شتائم بتمس أخلاقهم بشكل شخصي ومباشر فقط لأنهم إنتقدوا أسلوب كتابتها وبدون ما يتعرضوا ليها ما حركت ساكن ولا طالبت الزول الشتمهم دا بالإعتذار على الشتائم المقذعة دي وكان على قلبها زي العسل يبقى العايز يدين ويطالب بالإعتذار عن الأحكام البتمس الأخلاق في حق منال if any حقو يدين ويطالب بالإعتذار للبنات الإتشتموا أول عشان الإنصاف ياخد مجراهو ..
ولا شنو يا تبارك؟
| |
|
|
|
|
|
|
Re: ما هو المعيار ؟ (Re: كمال عباس)
|
أخي العزيز محسن سلامات
Quote: وياهو الشارع ذاااتو، البرجعوكن بيهو عصر القوارير والسجن المنزلي وتحديد حريتكن الوجودية من خلال ولي أمر فكري وأخلاقي وجمالي (تقبل تقرأ الأمثال بتك وألا أختك وألا زوجتك، كما كان يسأل د. بشرى الفاضل الناس!)، ويكون ليكن نص بس في الميراث، تمرقن من بيوتكن كالغربان، مثل نساء يثرب قبل 16 قرن، صوتكن عورة، تعلّنوا شوية عشان تحتجن.. تتجلدن. ودا ياهو (الذوق العام، بتاع د. نزار) وتلحقن لامن تمرقن الشارع بلا خيام، تلاقيكن شرطة (النظام العام، بتاعة الطفلة سيلفا المسيحية) والجلد والكسر برضو (عام)، لا بيفرز مسيحي من مسلم، ولا كوشي من عربي، ولا يهمه لو كان ثقافتك الجن الأحمر، وألا القيامة الحمراء الرابطة. (دا نسق حضاري وفكري، أي طوبة منه تستدعي أختها تلقائياً). |
والله لما قريت كلامك ده و اتذكرت حديثك عن الفيمينست البلبسوا البلوزات و بيصادروا دور النساء في معركتهن ذاك- غلبني الضحك أكضب عليك ؟ إذا كان ست الشأن-الأخت روزمين في معرض مطالبتك لها بالثبات- ولت عنه! و غيرها استنكرن ما قرأن لأخت لهن هنا- مع احترامي لوجهة نظر أي منهن (دون تطرف أو تغول) شنو البخلينا نحن نرتقي هذا المرتقى الصعب ؟ و نحن نعرف جيدا خصائص مجتمعنا.. كما أوتي البعض منا علما بخصائص غيره من المجتمعات. كيف لنا أن ننزل أو نتبنى تبديل تلك الخصائص بهذه الا إذا كنا حالمين و مجافين للواقع ؟
تحياتي
| |
|
|
|
|
|
|
Re: ما هو المعيار ؟ (Re: saadeldin abdelrahman)
|
Quote: بتذكّرنى لمن كنّا شفّع ... كان الدوا الوحيد البيدّوهو لى اغلب الأعراض والأمراض هو "السلفا" .. تبارك |
سيلفا منو؟ الطفلة السودانية الدقوها دي! بأم الذوق العام، كُر عليها، والله إنَّني من أمرها لفي كرب عظيم. مش دقوها عشان مافي دولة علمانية وألا ياتو سيلفا البتتونّس بيها في مواضيع جادة دي!؟
**
زمان كان عندي ترتار، وكنت لسع درفون، جينا أنا وخالتكم البتولا بت المُوفد ماشين بدرب السوق، في الحقيقة جات خالتكم البتولا ماشية براها وأنا ماسك في طرفها. الزول الببيع الترتارات، عندو سلكة طويييلة، مما شافني أغبببش، قال بس، دا شافع جنى فَرْنَاغة، وقطع شك يعوزه ترتار يَعْجُنُه مع الغبش، والمدروشين، بأكثر من عَجْنِه هذا. ترنغ ترنغ ترنغ، قعد ينقر بالسلكة على الترتار، أنا بغبشتي ديك، رفعت إضنيني زي جنى المرفعين، في الحقيقة زي الدحش من الغبشة. المرفعين داير ليهو لَيَّن وطين، يا زول المرفعين ذاتو كان بريتو بخبوبي داك برضِّعني. قشيت خشمي اللغبش بيدي الأغبش منو، ييممة، عاني الترتار، داك ترتار سمح. عاينتْ لي كدا، قالت لي هسع عليك الله بخلقتك دي، دايرني أمشي بيك وسط الناس ديل، بلا خجلة. حَمَّمتك متين أنا! هدومك دي غيرناها ليك متين؟ يعني حالتك دي سمحة تب، وكل الناقصها ترتار سمح! هسّع دا صوف بشر دا، وألا ضأن؟ شعرك دا ما غسلتو ليك قبال أقل من ساعة!؟ يمة، سيد الترتار دا تاني بفوت. بس حكاية الواعظ والذئب، الواعظ يشيل وينصح في الذئب بالزهد وترك الأغنام في حالها، والذئب مادّي عينو طويييلة، لغنم الناس هناااك، متراوحة على الزرائب. يا عمّنا الواعظ، ياخي خلّص موعظتك دي سريع سريع، المُراح داك بقوم يفوتنا. ييمة الترتار دا ما حق برميل بجرح، دا بتاع أستك، أنا عارفو سمح. هي امرأة حازمة، ولكنها كانت صديقتي بأي حال، بعد أن تبدأ تتخلّق تكنيكات الأطفال، شيء تلفِّت علي الترتار يقص الرقبة، بقت كارّاني كر، وشيء قش لمخاخيت وهمية من وحي ذلك الترتار، وشيء معط لسير السفنجة عمداً، عشان تقيف تلتّق في سيورها، فيما يشبه حركة الركوع، بينما تمد من بين كرعيك، ووراء وراء، عين ذئبٍ طويييلة للترتار، ولامن ترنغ ترنغ ترنغ، بتلك السلكة تشيِّد لها كنيسةَ ترتار بدواخلك عدييل. والفينشينغ، واععععع، تفقعها بكية، وتدردق ترتاراً من ابن آدم بطولك وعرضك، تترتر Chـت عليك. آه، والأم نفسها يفتتح بكاؤك ذلك في قلبها كنيسة حنان، حسب ما أذكر. وتحكي بكرة للأطفال بفرحٍ مباهٍ، أشحم بكثير من الكريشة المنفوخة، اشترينا الترتار السمح دا.. لا لا، دا ما ترتار برميل ياخ، دا بتاع أستك نيسان، ما بجرح، اشتريناه أنا وأمي، أمس. مالو؟ القرادة ما قالت، أنا والجمل أخوي جبنا العيش من القضارف!؟ وأصابتني لعنة الترتار، فووو، دافرو قدامي بسلكة دلالته تلك، التي أغوتني، سادر ومدلي، طالع ونازل، مقيل وألا بالليل. يا ولد تعال أكل، أجي الترتار في إيدي، أختو وأخت الصحن جوه دورانيته، آكل بيد، وباليد التانية أنقر بالسلكة، لأسمع صوت مشيه بينما أنا جالس. يا ولد تعال من النهار، يممه الترتار بره لكن. لتنادي فيني بنت جدي الكبيرة، القشران دا، أنا بجي بشيلو وبلتخ بيهو الحيطة دي كان ترتاح وتريحنا. تقول لها أمي، بيأس مبتسم، مافي راحة يا بتي، اليوم البننفك فيهو من عباطة مجلات ميكي وماجد يجينا الترتار. امش نوم يا ولد، أنجمع خلاص، بكره راجياك خلوة. لكن يمه خليني أجيب الترتار أحشرو تحت العنقريب. وأقطع أحلام نومي كلها وأنا مدردقاً ذلك الترتار، أعبر به فوق موج بحور فضيّة، وفوق سحب ماطرة ولامعة الأطراف بالبروق، أطير به فوق رؤوس الأشجار، وأحط في أعشاش من قلب السبيط. يجوا حتّاتين ولقّاطين ثمر كتاار في النوم، يحتّوا الشجر بمحاجين السلوك، يدوِّر الترتار فوق روسين الشجر من جديد، ويقع ليهم متدحرج، يلمع فضة منو وفضَّة من ضحكتي المتابعاهو. الترتار جاكم يا خالتو آمنة؟ تسأل عنّي بنت جدي الكبيرة، بت خال أمّي. برئ يا غالية بتي، الترتار ما جانا، شوفيهو يبقى عند ناس خالتو. أشق به الحصادات، وأقعد لأخرط عنه الطين والعوالق وبواقي القمح. إن سجد الناس للتراويح، أشق به صفوف المُصَلِّين، وحيناً أجلس لأخرط عنه ما لزق به مما ابتعد من سجداتهم عن مهوى جباههم، كل سجداتهم المطرّفة عن خشوعها حصاد ترتاري. أمّي البتولا أشرقت في بلاد أخرى، عليها السلام هناك، حيث أشرقت. وترتارها مضى معها، وأنا مضيت في أزمان وأطوار، والآن أنا أفقركم جميعاً لمن يشتري لي ترتاراً بالحنان مش بالقروش، ولا أم لي سوى هذه البلاد، وترتاري منها هو الدولة العلمانية كي لا تتمزق أمّي الثانية وتذهب أدراج الفقد، كتلك الأم التي مضت.
| |
|
|
|
|
|
|
Re: ما هو المعيار ؟ (Re: محسن خالد)
|
يا محسن، يا محسن...
والله أنا جاييك مخسوس وبي ضراع شادّيهو عاريّة من بعد ما دفعتو تَبْ بَسْ عشان أقول ليك القطعة دي (وأختها البهناك) ضحّكتني وبكّتني زييين!
أكان في شيء تاني أقولو فهو: انجمع خلاس، الترتار فَرْ والمعيار بي وراهو...
إنتو (إنتو دي تشمل أمحد الحسن خلّي بالك) أمهاتكم ديل رضّعنّكم كروريّات حكي أكان فرّيتوها للناس دي لأغنتهم عن كلّ هذا الشَكَل. عليك الله أخدلك فرّة في المنبر دا بحثاً عن قصّة عصاة أمحد الحسن القرضها الفار...الزول ضنين بَسْ وألاّ أكان مو فايق من اللولوة ما بعرفو!
مشكورين والله...وليعذر الضراع الممدود من غير سوء، من كلّ من لم يتسهّل لنا أمر مواجبته، ضراعنا المستلف هذا.
| |
|
|
|
|
|
|
Re: ما هو المعيار ؟ (Re: كمال عباس)
|
الحوار بين روزمين ومحسن خالد أضاف بعدا جديدا للنقاش حول المعايير. ----------------------- د. سناء عندك جملة أسئلة واستفها مات تستحق الإجابة . عزاز شامي في الآونة الأخيرة يصعب التمييز بين لغتك ولغة دينق . محسن خالد فقت كمال عباس في البؤس .
| |
|
|
|
|
|
|
Re: ما هو المعيار ؟ (Re: Mohamed E. Seliaman)
|
كتب محمدe سليمان عني :
Quote: كمال عباس شكلك يبدو أكثر بؤسا وتعاسة وأنت تختبئ خلف الهراء النسوي |
. والان عزيزي القارئ لو لم أذكرأن صاحب المقتبس أعلاه هو e سليمان وسألتك من تراه صاحب الكتابة والأسلوب أعلاه ? فماذا سيكون ردك ? لا تسارع بإجابة ولاتفتح فمك من الدهشة وهول الصدمة فلم تنتهي المسرحية بعد ! عاد محمدe سليمان اليوم ليكتب بنظام أسلوب البرقيات: Quote: عزاز شامي في الآونة الأخيرة يصعب التمييز بين لغتك ولغة دينق . محسن خالد فقت كمال عباس في البؤس . |
فماذا حدث لمحمدe سليمان وماذا يحدث في سودانيزأون لائن ? سبق أن أكدنا أن محمدe سليمان: - لايملك فكرةأو رؤيةأ ومنهج - وأنه يعتمد علي الغلاط والمماحكة والدوران حول الذات - وأنه يقتات علي تناقضات الاخر أو ما يتوهم أنه تناقض - وأنه يتخبئ وراء كتابة الاخريين ويتخذها سلاحا في صراعه مع الاخر- وأنه ضعيف الثقة بنفسه وقدراته ويفتقر للشجاعة والوضوح مماجعله يمتهن أسلوب الوقيعة -الفكرية- والفشينغ وتأجيج صراعات الأخريين ! ولكنه اليوم يغرق تماما في البؤس والتعاسة وتلاشي التفرد الشخصي ليتحول لظل باهت !وربما لمجرد موظف بريد يرسل برقيات بصورة تخلو من الإبداع ! أيهاالسادة كفو عن التذاكي والتزموا قواعد اللعبة وليقم كل بدوره حسب إمكاناته وقدراته !
| |
|
|
|
|
|
|
Re: ما هو المعيار ؟ (Re: Mohamed E. Seliaman)
|
Quote: عزاز شامي في الآونة الأخيرة يصعب التمييز بين لغتك ولغة دينق . |
"شوركن" اعتز جدا بهذا الاطراء ...
ما دام الحصة تشبيه، و الما لقى شبهو المولى قبحو فأنت (كاليجولا) البورض مع فرق جوهري انك امبراطور بلا امبراطورية!
| |
|
|
|
|
|
|
Re: ما هو المعيار ؟ (Re: عزاز شامي)
|
محمد e سليمان ملاسي
أنا ما عندي و قت لقراءة هذا البوست بس في ناس حاقرين الإمتحانات de جنس حقارة
بلا معايير معاكم!
وين التصاوير?
بوست عنكوليبة.... محسن خالد و كرفتة منصور خالد عزاز يا خردة.....أصبري!
Rose salam
khurda
| |
|
|
|
|
|
|
Re: ما هو المعيار ؟ (Re: Kostawi)
|
أبين لك وجه بؤسك يا كمال عباس : يا كمال أنت كتبت (((محمدe سليمان إتهم تيسير إتهامات (((خطيرة )))) سألتك ماهي هذه الاتهامات (((((الخطيرة )))))يا كمال عباس ؟ فجئت بثلاث تهم تزعم أني وجهتها لتيسير قلت لك عن الأولى أقول لك يا كمال : هل الدفاع عن محسن خالد فيما يخص الجندر تهمة خطيرة ؟ وقلت لك عن الثانية أقول لك يا كمال: هل الموقف ((((الشجاع جدا )))))) من رواية محسن الداعمة عديل للسحاق تهمة خطيرة ؟ أما الثالثة فأنت مطالب بأني قد وجهتها إلى تيسير عووضة أو الاعتذار عنها . لكنك لم تعتذر
| |
|
|
|
|
|
|
Re: ما هو المعيار ؟ (Re: Mohamed E. Seliaman)
|
كتب السيد محمدe سليمان :
Quote: أبين لك وجه بؤسك يا كمال عباس : يا كمال أنت كتبت (((محمدe سليمان إتهم تيسير إتهامات (((خطيرة )))) سألتك ماهي هذه الاتهامات (((((الخطيرة )))))يا كمال عباس ؟ فجئت بثلاث تهم تزعم أني وجهتها لتيسير قلت لك عن الأولى أقول لك يا كمال : هل الدفاع عن محسن خالد فيما يخص الجندر تهمة خطيرة ؟ وقلت لك عن الثانية أقول لك يا كمال: هل الموقف ((((الشجاع جدا )))))) من رواية محسن الداعمة عديل للسحاق تهمة خطيرة ؟ أما الثالثة فأنت مطالب بأني قد وجهتها إلى تيسير عووضة أو الاعتذار عنها . لكنك لم تعتذر |
ويبدو أن الزنقة والشلهتة وراء البوستات الكثيرة جعلتك تغفل بأني تطرقت لكلامك المكرور هذا من قبل حيث أقتبست عنك Quote: يا كمال أنت كتبت (((محمدe سليمان إتهم تيسير إتهامات (((خطيرة )))) سألتك ماهي هذه الاتهامات (((((الخطيرة )))))يا كمال عباس ؟ فجئت بثلاث تهم تزعم أني وجهتها لتيسير عن الأولى أقول لك يا كمال : هل الدفاع عن محسن خالد فيما يخص الجندر تهمة خطيرة ؟ عن الثانية أقول لك يا كمال: هل الموقف ((((الشجاع جدا )))))) من رواية محسن الداعمة عديل للسحاق همة خطيرة ؟ أما الثالثة فأنت مطالب بأني قد وجهتها إلى تيسير عووضة أو الاعتذار عنها . |
وأجبتك نعم خطيرة ! وخصوصا إذا نسبت لشخص موقف لم يقفه وربما يتنافي مع قناعته!متي دافعت تيسير عن خطاب محسن الجندري? الثاني" نعم ! إذا لم يكن الشخص المعني غيرمعني أصلا بهذا الكلام ولم يكن له موقف شجاع أو خجول من النص المعني ? تيسيرسآلت :
Quote: ما هو موقفنا/موقفي ((((الشجاع جدا )))))) من رواية محسن الداعمة عديل للسحاق؟ |
الثالثة
Quote: ليس غريبا أن يسعى محسن خالد إلى ((تبخيس))) الدرجة العلمية الرفيعة للقامة الأكاديمية الدكتورة رحاب . إنما الغريب حقا أن يجد دعما من أخريات !!!! |
.. ودا سؤال تيسير
Quote: أين دعمنا تبخيس محسن خالد لدرجة الدكتورة رحاب العلمية؟؟ أجب على ذلك بدليل مقروء وإلا فأنت مفتري |
إذا التهمةموجهة لك من تيسير لا شخصي وأقصي ما تفعله أنت هنا هو نفي توجيه الكلام لها أ و تضمينها ضمن الاخريات أما نقطة كمال فهي
Quote: : وأنا بدوري أسال من هن الاخريات الداعمات لتبخيس درجة الاخت رحاب العلمية..? |
أذكرأسماء الاخريات
فهيا كن شجاعا وقدم الاسماء مدعمة بأدلة ? أجب علي أسئلة تيسير وأسئلتي بصورة مباشر ة وسيب اللولوة والالتفاف فهل تتحلي بالشجاعة وتجيب بدلا من إعادة تدويرنفس الكلام وبدلا من هذا الأسلوب العقيم? .....يا أخي خليك قدر كلامك وتحمل تبعات ما تكتب ! وبالمرة جاوب علي هذا كتب السيدمحمدe سليمان هذا
Quote: لو أردت مثلا كتابة عبارة آرثر هونيقير التي تقول : I wish people who have trouble communicating would just shut up. .......... |
هل قال آرثر هونيقير هذه المقولة حقا? هات دليلك?
.....( أتمني أن تخرس (السنة) الناس الذين لهم مشكلة في التواصل "التعبير").. وأرثر هونيقير قال العبارة دي وين ? هل أنت متأكد أن ال Quotation أعلاه لا يخص Tom Lehrer ? وتوم ليهير فنان أمريكي وكاتب أغاني ورسام وبتاع رياضيات ....... أرجو أن تراجع هذه النقطة حرصا علي الأمانة العلميةوالدقة !) ......... هيا يا رجل تحلي بقليل من الشجاعةوأجب ! ...... هيا أجب ولاتنتظر أي مدد من القوات الصديقة فحظها بائس في حقول الفكر ! وأكتر ما يايأتيك منها في هذاالمضمار هو نيران صديقة?!!!! ) .........
| |
|
|
|
|
|
|
Re: ما هو المعيار ؟ (Re: khaleel)
|
كتب كمال عباس أنا أصلا لم أحملها أي معني وإنما أكتفيت بفتح إحتمال ( إحتمال الأستاذة تكون قاصدة الأغلبية ) يعني أستنتاج ! وكما قلت من قبل أي كتابة تظل مفتوحة للقراءات المتعددة والاستنتاجات من المتلقي وهذا حق مشروع للقاري.... وليس من الحق الكاتب نفسه التدخل هذا الخيار ولكن من حقه توضيح مقصده أو أعتبار أن المادة واضحة لا تحتاج لتفسير آو ترك فضاء القراءات والأستنتاجات مفتوحة....... انتهي الاقتباس ـــــــــــــ يا كيمو الكلام الكتبتو ده عليك الله ما شايفه بينسف موقف تيسير وبس ياخي ده بمسح بموقفها الأرض . لما إنت عارف إنو الكتابة تظل مفتوحة للقراءات المتعددة، مالكم مصرين تفرضوا قراءتكم إنتوا علي الأخرين، فكتبت تيسير الجميع متفقين وما عارف توصلت لهذا الإجماع بياتو معيار؟ جيت تدافع عن تيسير فإذا بك تمسح بموقفها الأرض مسحا. يا كمال انت بالله واعي للكتابة الانت بتكتبها وقاعد تراجعها ولا مشاركاتك بخلفية انك تريد ان تُري (البعض) من نفسك خيراً!؟
| |
|
|
|
|
|
|
Re: ما هو المعيار ؟ (Re: اساسي)
|
دعك يا أساسي من موقف تيسير الآن فما حدث قمت بإصلاحه أشكر الأستاذ كمال عباس على حسن الظن وأشكر الأستاذ تبارك على التنبيه ..
خلينا في كلامك داك وفسر لي تناقضك بالأعلى: كيف تكون معجباً بكتابات إشراقة المباشرة والإباحية "على حد تعبيرك" وتعتبر إيحاءات منال غير المباشرة غير مقبولة عندك؟ يعني كيف يعني؟
| |
|
|
|
|
|
|
Re: ما هو المعيار ؟ (Re: تيسير عووضة)
|
Quote: خلينا في كلامك داك وفسر لي تناقضك بالأعلى: كيف تكون معجباً بكتابات إشراقة المباشرة والإباحية "على حد تعبيرك" وتعتبر إيحاءات منال غير المباشرة غير مقبولة عندك؟ يعني كيف يعني؟ |
ليه اخلينا من تيسير وفاتحين البوست دا لشنو اصلا؟ ما عشان بقيتي تطردي في الخلق والعباد ؟
ـــــ
Quote: دعك يا أساسي من موقف تيسير الآن فما حدث قمت بإصلاحه |
بعدين قيامك باصلاح ما حدث هو الاعتذار للاخت منال عن طردها وعبارتك التي قلت فيها ( اي زول عنده حاجة جنسية يمشي يعملها برة ويجينا) او شي من هذا القبيل وردت في الصفحات الاولي وبعد داك تعترفي بتناقض موقفك و سنتجاوز لك التلميحات الغير كريمة في حقنا بخصوص دخولنا في هذا الحوار من اجل طلب رضاء منال وغيرها من التفلتات التي لم نقف عندها كثيرا . ـــــــ موقفي من الاخت اشراقة قبل هذه المعايير بسنوات اكبر من عمرك المنبري يا تيسير وهي من اوائل الكتاب الذين منحتهم اعجابي في الاعوام 2003 ونصبتها كملكة للكتابة الابداعية ايامئذ وحتي اليوم تعجبني كتابتها واشكرها علي ان خصتني ( مع قلة) باخر كتاباتها موقفي من كتابات منال انها غير مقبولة مني وهذا ما قلت اني اوصلته لها ولكني غير معني البتة باخراص صوتها وطردها من المنبر كما اني غير معني باخراص صوت اشراقة اذا لم يلائمني شيئا من كتاباتها , وهذا مثل ما افعل مع الاخ كمال عباس مثلا في اني لا استطيع (الصبر) علي اقصر مداخلاته لما تمنحني له من احساس السماجة * ولكني غير معني باقصائه من المنبر فكما يعجبني غير كمال فانا احتفيت مثلا بكتابة محمد سيمان وقلت انه كاتبي المفضل وفي ذات الوقت قلت لكمال انك تستحق نوط الملل عن ذات الربع . ــــــ
* تفسير الاخ الغائب شرير والبرتقالة لمعني السماجة؟؟ السماجة هي طعم نتذوقه شفت ملاح الويكة لمن يبيت خارج التلاجة ونقوم نختوا في كيس ونرمي به في الزبالة وهناك يقعد ليهو اكتر من عشرة يوم قبل ناس (القمامة) ما يجوا ويشيلوهوا تعال اعفص الكيس دا وجرب الاحساس دا او تذوقه
| |
|
|
|
|
|
|
Re: ما هو المعيار ؟ (Re: اساسي)
|
ركز يا أساسي ركز ..
الموضوع القلت ليك خلينا منو موضوع العبارة الوردت فيها كلمة "الجميع" وقمت بإصلاح الخطأ أنا ما بتكلم عن البوست كلو، البوست ما خلينا منو ولسة قاعدين إلى ما شاء الله ..
بالنسبة لموضوع إعتذاري لمنال ممكن تقرا ردي على تبارك أعلاه، وبالمناسبة أنا ما طردتها أنا طالبتها بتحسين مستوى الكتابة وأهي الحمد لله ماشة كويس وفي تحسن مستمر (عيني باردة عليها) إنتو بس قولوا خير ..
Quote: و سنتجاوز لك التلميحات الغير كريمة في حقنا بخصوص دخولنا في هذا الحوار من اجل طلب رضاء منال وغيرها من التفلتات التي لم نقف عندها كثيرا . |
سبقتك أنا بالتجاوز عن مبادرتك بالإساءة لي في معرض ردك بالنيابة عن منال وإعتذرت ليك في صفحة 3 عن ذلك ولوعلى التفلتات فخيرك سابق وبرضو ما وقفنا فيهو كتير وإعتبرناهو (دية) حوار ..
Quote: موقفي من الاخت اشراقة قبل هذه المعايير بسنوات اكبر من عمرك المنبري يا تيسير وهي من اوائل الكتاب الذين منحتهم اعجابي في الاعوام 2003 ونصبتها كملكة للكتابة الابداعية ايامئذ وحتي اليوم تعجبني كتابتها واشكرها علي ان خصتني ( مع قلة) باخر كتاباتها موقفي من كتابات منال انها غير مقبولة مني وهذا ما قلت اني اوصلته لها ولكني غير معني البتة باخراص صوتها وطردها من المنبر كما اني غير معني باخراص صوت اشراقة اذا لم يلائمني شيئا من كتاباتها |
وإشراقة تستحق الإحتفاء بكتاباتها الإبداعية وأكثر لكن إنت هنا في البوست دا إتكلمت تحديداً عن (الجنس الذي يظهر في شكل أدبي والجنس الفاضح) مستشهداً بكتابات د. إشراقة وذكرت أنك من المعجبين جداً بتلك الكتابات (أي لم تنوه أنها لا تلائمك) وفي نفس الوقت تعتبر الإيحاء غير مقبول (؟!!) أنا مثلاً ذكرت بوضوح أن كتابات إشراقة الجريئة لا تروقني لكنني قد أجد نفسي في كتابات أخرى لها وهذا لا يتناقض مع موقفي من كتابات منال التي لا تروقني أيضاً فمن هو المتناقض وغير المتسق يا أساسي؟
| |
|
|
|
|
|
|
Re: ما هو المعيار ؟ (Re: تيسير عووضة)
|
يا تيسير
Quote: لكن إنت هنا في البوست دا إتكلمت تحديداً عن (الجنس الذي يظهر في شكل أدبي والجنس الفاضح) مستشهداً بكتابات د. إشراقة وذكرت أنك من المعجبين جداً بتلك الكتابات (أي لم تنوه أنها لا تلائمك) وفي نفس الوقت تعتبر الإيحاء غير مقبول (؟!!) أنا مثلاً ذكرت بوضوح أن كتابات إشراقة الجريئة لا تروقني لكنني قد أجد نفسي في كتابات أخرى لها وهذا لا يتناقض مع موقفي من كتابات منال التي لا تروقني أيضاً فمن هو المتناقض وغير المتسق يا أساسي؟ |
وهذه الفقرة التي استشهدت بها ـــــ كتب اساسي سابقا وعطفا علي مداخلتي اعلاه حول الجنس الذي يظهر في شكل ادبي والجنس الفاضح ان مثلا الاخت المكرمة عزاز شامي عند نشر الاخت الكريمة اشراقة مصطفي ( وللعلم ) اني من المعجبين بكتاباتها جدا , نجد ان الاخت عزاز علقت علي كتابات الاخت اشراقة المنقولة في هذا البوست بواسطة محمد سليمان ان ( المرأة انسان ) بينما نجد كل الاستهجان بل والهجوم الصارخ علي منال لكتابتها في ذات الموضوع الذي تناولته الاخت اشراقة من الاخت عزاز نفسها التي ووضح ان المراة في حالة الاخت اشراقة انسان بينما في حالة الاخت منال انتهي الاقتباس فانا لم اقل مطلقا اني معجب بكتابات اشراقة الجنسية وانما حددت اني لست ضد كتابة اشراقة بصورة عامة بل ومعجب بكثير من كتاباتها واضفت لك اعلاه مدي اعجابي بكتابات اشراقة . ولكن السؤال هو لماذا عندما لا تروقك كتابة اشراقة الجريئة كما اسميتيها لا تتعاملي معها كتعاملك مع منال ؟؟ بالرغم من ردك اعلاه عن التكرار والذي افترعنا منه السوال هل اذا كانت منال تكتب (مرة مرة وبدون تكرار) مثل كتاباتها تلك لن تعترضي علي ذلك وتطلبي منها انه تمشي تعمل الحاجات ديك برة وترجع ؟ ولم نسمع لك اجابة حتي تاريخه !!
| |
|
|
|
|
|
|
Re: ما هو المعيار ؟ (Re: اساسي)
|
كتب السيدأساسي :
Quote: يا كيمو الكلام الكتبتو ده عليك الله ما شايفه بينسف موقف تيسير وبس ياخي ده بمسح بموقفها الأرض . لما إنت عارف إنو الكتابة تظل مفتوحة للقراءات المتعددة، مالكم مصرين تفرضوا قراءتكم إنتوا علي الأخرين، فكتبت تيسير الجميع متفقين وما عارف توصلت لهذا الإجماع بياتو معيار؟ جيت تدافع عن تيسير فإذا بك تمسح بموقفها الأرض مسحا. يا كمال انت بالله واعي للكتابة الانت بتكتبها وقاعد تراجعها ولا مشاركاتك بخلفية انك تريد ان تُري (البعض) من نفسك خيراً!؟ |
إذا لم تكن قد أستوعبت كلامي الواضح فهذا هو حظك ونصيبك من الفهم!! وإن كنت تسعي لتطويعه ليخدم أجندتك الخاصة فا أفعل ولكن بصورة ذكية! زعمك بأن كلامي يمسح بها الارض فهذا تهويم رغبوي وخلط للأماني بالواقع! فإن كان لك إختلاف فكري مع زميلةأو تصفية حسابات فمارسه بعيدا عني ولا تحلم بأن كتابتي ستكون أداة أو سلاح في يدك لتستخدمه في معارك سجالية خسرتها سلفا ! ثانياأنا لست بحاجة لمراجعة كتابتي لأني لا أكتبها إرضاءلأحد أوأفصلها لتتناسب مع مقاس أو مزاج شخص آخر ! كتبت:
Quote: مالكم مصرين تفرضوا قراءتكم إنتوا علي الأخرين، |
لماذا تخطابني بلغة الجمع ? ومن فرض قراءته علي الاخريين? وأسالك عني شخصيا متي فرضت رؤيتي أو قراءتي علي أحد? هات دليلا ? كتبت Quote: فكتبت تيسير الجميع متفقين وما عارف توصلت لهذا الإجماع بياتو معيار؟ |
وهذا السؤال يجب أن يوجه لصاحبة الشأن وهي وحدها من يملك الاجابةعليه أقول هذاوأكرر تحفظي علي التعميم وأعتبره مخلا...! وختاما : وبمثل يـكفل البعض لمنال حق التعبير فيبقي من حق الاخريين الاعتراض والاختلاف وتوجيه سياط النقد للكتابة .. هذه إبجديات وبديهيات الديموقراطية ! ........
| |
|
|
|
|
|
|
Re: ما هو المعيار ؟ (Re: اساسي)
|
كتب السيدأساسي : Quote: وهذا مثل ما افعل مع الاخ كمال عباس مثلا في اني لا استطيع (الصبر) علي اقصر مداخلاته لما تمنحني له من احساس السماجة * ولكني غير معني باقصائه من المنبر فكما يعجبني غير كمال فانا احتفيت مثلا بكتابة محمد سيمان وقلت انه كاتبي المفضل وفي ذات الوقت قلت لكمال انك تستحق نوط الملل عن ذات الربع . |
...... عدم إستساغتك وهضمك لأسلوب كتابة كمال - أصبح من المعلوم في المنبر بالضرورة وأصبح تكراره وإعادة تدويره مدعاة للملل والرتابة لإن الفكرة أصبحت مستهلكة وممجوجة من كثرة الطرق واللت والعجن وفوق دا ماجايبة حقها لأن نتائجها عكسية!!! ....... جددوأبتكر ولاتكرر نفسك ! ويجب أن تعي دور مشتت الكرة غيرلايق عليك لأنه يحتاج لقدرات تفتقدها ! وخليك في دورخير من يطلق نيران صديقة علي جماعته والمكحلاتي الذي يعمي بدلامن أن يكحل ! 00 .. حواري و محسن خالد دا تحليق عالي ماعندك ليهوأجنحة ! وأظنك محتاج لجهاز فك ش فرة وقواميس وسنوات ضوئية لتستوعب طبيعةالحوارات الفكرية دي....
| |
|
|
|
|
|
|
Re: ما هو المعيار ؟ (Re: كمال عباس)
|
Quote: . 00 .. حواري و محسن خالد دا تحليق عالي ماعندك ليهوأجنحة ! وأظنك محتاج لجهاز فك ش فرة وقواميس وسنوات ضوئية لتستوعب طبيعة الحوارات الفكرية دي.... |
خليني احفظ ليك اول مرة تضحكني فيها , ( يا BOSS ملاسي ) عن ازنك ياخي قلت ليك داير سنوات ضوئية عشان استوعب طقطقة محسن خالد ليك ومسحه ليك بالارض وتشتيت اشلاء بؤسك . يا عمك ولا تزعل انا بدون ثواني ضوئية شايف الحاصل عليك ياخي محسن شغال فيك باللفت وتبارك باليمين وحات الله يا كمال لو محلك اغيب من البورد دا ستة شهور ولا انزل صور ( ما كويسة) في البوست دا عشان بكري يحذفه لكن لو دا قعد ليك تاريخ سنة واحدة ما ضوئية ببشتن مستقبلك الفكري . ياخي اديتنا احساس انك ماخد الموضوع بتاع البوست دا شخصي جدا يا كيمو وحات الله حننتني
| |
|
|
|
|
|
|
Re: ما هو المعيار ؟ (Re: كمال عباس)
|
Quote: * تفسير الاخ الغائب شرير والبرتقالة لمعني السماجة؟؟ السماجة هي طعم نتذوقه شفت ملاح الويكة لمن يبيت خارج التلاجة ونقوم نختوا في كيس ونرمي به في الزبالة وهناك يقعد ليهو اكتر من عشرة يوم قبل ناس (القمامة) ما يجوا ويشيلوهوا تعال اعفص الكيس دا وجرب الاحساس دا او تذوقه |
إن كان ذلك تعريف معنى و إحساس السماجة .. فكاتبات كمال عباس – قطعاً - أسمج من السماجة!
| |
|
|
|
|
|
|
Re: ما هو المعيار ؟ (Re: كمال عباس)
|
Quote: سلام تبارك شيخ الدين; ............ أرجو أن تنتهج الموضوعية وتنأي عن هذا الاسلوب السخيف في الخطاب والانحدار لهذا الدرك من الأسفاف والتهاتر ! وأتمني ا تعي حقا ما يخطه قلمك وإن كنت لا أرغب في الانحدار لأسلوبك الفج الا أني أحذرك بأن هذا الاسلوب سيكون ثمنه باهظ وأرجوأن تقوم بتعديل المداخلة بما تقتضيه قواعد التخاطب ! |
أها يا كمال عباس ... المداخلة الغير لائقة وفيها "إسفاف" و "تهاتر" انا سحبتها طوعاً واختياراً عشان نحافظ على "الموضوعية" ...
ولأثبت لك بعدى عن الإسفاف والمهاترة فمنذ الآن:
1- أنا أتفق مع "تيسير عووضة" فى تصنيف كتابة منال على أنها "ابتذال" وغرائزية يجب ممارستها خارج المنبر ...
2- أنا اؤيد شتم العضوات بتبرير "أن الكثيرات شتمن من قبل" وفى نفس الوقت اعترض بشدّة على شتم العضوات (ما عدا منال .. والتبرير موجود)
3- أقر بصحة الكلام عن مجموعة من الذكور والإناث بصيغة جمع المذكر لأن فى ذلك تعظيم للنساء ... وأقر بعدم صحة استخدام جمع المؤنث لأن فى ذلك تحقـير للرجال ... ومن يفعل ذلك فهو يهاتر بإسفاف غير موضوعى ...
4- كل من تكتب مداخلة بدون أن تلبس الزى الرسمى لمؤسسة الشريعة الإسلامية ... لن أقرأ مداخلتها ...
أها .... كدا كيف معاك؟
... المهم ...
| |
|
|
|
|
|
|
Re: ما هو المعيار ؟ (Re: وليد محمد المبارك)
|
الوليد ...
امشى يا لبرالى يا إقصائى يا حداثى يا إباحى يا كوز يا علمانى يا مبتذل يا ظلامى ...
يكبشر عينك ...
كان داير تكبشر امشى كبشر "الخج" الراجيك داك ..
انا من "مدرسة الأخلاق الحميدة" (بى دليل الألفاظ ولامؤاخذة) ...
عجبك ولاّ غلبك؟
(معليش يا وليد، لاكين لو انا نبّذت أىّ زول تانى المداخلة بتتلحس ... اتحمّل معانا شوية)
.. المهم ...
| |
|
|
|
|
|
|
Re: ما هو المعيار ؟ (Re: تبارك شيخ الدين جبريل)
|
الشعيرية الهينة دي؟
يا وليد و تبارك ياخ امانة عليكم في زمتكم دي البوست ده ما تطيروهو، او تدو اي زول فرصة يطيرو
الله يعديك يا فترة الامتحانات
شي عجيب و غريب
ـــــــــ رحاب الدين، بت ام ابو من غير امانة
| |
|
|
|
|
|
|
Re: ما هو المعيار ؟ (Re: Mohamed E. Seliaman)
|
يا اساسي ماهو المعيار في الحته دي ؟ تاني ح نرجع من البداية كما قال الاخ محمد مع ذلك فهي تدور هاهاها
وان شاء الله يوم شكرك مايجي يا اساسي يبدو ان بعد انتهاء هذا البوست سوف نحتفل بمناسبات سعيدة لووووووووولز
تحياتي
زاتوووو
| |
|
|
|
|
|
|
Re: ما هو المعيار ؟ (Re: محمد عبد الماجد الصايم)
|
Quote: وان شاء الله يوم شكرك مايجي يا اساسي يبدو ان بعد انتهاء هذا البوست سوف نحتفل بمناسبات سعيدة لووووووووولز
تحياتي
زاتوووو |
اتمني ان نحتفل بالمناسبات السعيدة قبل ذلك بكثير فكما يبدو ان المعيار حيطول وياخد مدة وكما تعلم ان خير البر عاجله تحياتي يا زاتو
ــــــــ
Quote: هسي إنت هندي دي مدح أم ذم؟ |
دي لا مدح ولا زم يا كاروشة دا استتفسار جاء في السياق (كما يقول عرابو البوستات) مافيهو اي تلميحات
| |
|
|
|
|
|
|
|