|
|
 Re: قاموس سودانيزأونلاين للأخطـاء الإملائيـة .. حدث و لا حرج (Re: Elmuez)
|
تحياتي للجميع
بوست له صلة بالموضوع:
أخطاء في لهجتنا العامية
وكمان نكتة ذات صلة:
واحد مشى يزور صاحبه في بيتهم. فتح ليهو أخو صاحبو، وكان من النوع الرباهو عمّك (السرّاج) .. يعني ضليع في اللغة العربية. الراجل خاف يغلط في اللغة، فبسرعة قال: (أخوك .. أخاك .. أخيك موجود؟)، فرد عليهو الرجل وقال: (لا .. لو .. لي غير موجود)
عموماً أنا من مؤيدي الرأي البيقول إنو الكتابة بالعامية بتكون أحلى لما تتكتب زي ما بتتنطق، بس كمان البيكتب بالعربية* مفروض يلتزم باللغة ويبعد عن الأخطاء ما أمكن.
_____
* طبعاً (بالعربية) دي الناس عادةً بيكتبوها (بالعربي)
تحية لمعز ورواد بوسته
| |
 
|
|
|
|
|
|
|
|
Re: قاموس سودانيزأونلاين للأخطـاء الإملائيـة .. حدث و لا حرج (Re: محمد أبوالعزائم أبوالريش)
|
خوفا من الجلد
حاكتب بالغة المحكية ,,,
غلطات الكتابه حاجه معروف من زمان .. بقول ليها غلطات النساخ ..
وتندرج تحت
غلط في رسم الحروف
غلط في نطق الحروف
ومن نكاتهم
كتب احدهم (وضربنا عليهم بسنور له ناب ) قاصد كتابة الاية الكريمة فصبح المعني بكديسه لها ناب
يَوْمَ يَقُولُ الْمُنَافِقُونَ وَالْمُنَافِقَاتُ لِلَّذِينَ آمَنُوا انظُرُونَا نَقْتَبِسْ مِن نُّورِكُمْ قِيلَ ارْجِعُوا وَرَاءكُمْ فَالْتَمِسُوا نُورًا فَضُرِبَ بَيْنَهُم بِسُورٍ لَّهُ بَابٌ بَاطِنُهُ فِيهِ الرَّحْمَةُ وَظَاهِرُهُ مِن قِبَلِهِ الْعَذَابُ )
اما عنا غلطات المنبر
فاغلبها ناتج من كيفية التعامل مع لوحة المفاتيح فمثلا حرف التاء والها المربوطتين فالتاء المربوطه تمتاز بسهولة التعامل معها لانها تضغط بالسبابه ام الهاء المربوطه فتكتب بالوسطى ...
اما (ذ) و (ز) فالبرغم من بعد حرف (ذ) في لوحة المفاتيح الا ان اغلب غلطاتها من اللغة المحكيه...
___________
انا ما مردف يا استازززززززز
| |
|
|
|
|
|
|
|
|
|
Re: قاموس سودانيزأونلاين للأخطـاء الإملائيـة .. حدث و لا حرج (Re: محمد أبوالعزائم أبوالريش)
|
قوانين المنبر العام ولوائحه
المنبر العام بسودانيزاولاين دوت كم هو منبر حر للنقاش بالشبكة الدولية مفتوح لجميع السودانيين دون تمييز بسبب الانتماء السياسي أو العقائدي أو الفكري، وجميع الآراء والأفكار والمواد المنشورة فيه تعبر عن وجهة نظر كاتبيها ولا تعبر بالضرورة عن رأي إدارة الموقع وذلك دون إخلال بقوانين وضوابط النشر المعمول بها دوليا وهذه هي قوانين المنبر ولوائحه، والتي سوف يبدأ العمل بها ابتداء من يوم 28 ديسمبر 2005
ا- يمنع منعاً باتاً التدخل في شؤون إدارة المنتدى. ولإدارة المنتدي كامل الصلاحية في حذف , تعديل , نقل أو إغلاق أي موضوع/مداخلة أو إيقاف عضوية أي مشترك دون ذكر الأسباب.
2- على جميع الأعضاء الالتزام بأدب الحوار والاختلاف واحترام الرأي الآخر. ولا يجوز لأي عضو أن يسب أو يشتم أي عضو آخر أو يكفره بسبب رأيه أو معتقده.....
3- لا يجوز سبّ الأديان وكريم المعتقدات، أو إساءة الأنبياء والرسل، وذلك دون الإخلال بحرية الاعتقاد والرأي ودون مصادرة لحرية البحث العلمي وحق الاجتهاد......
4- يمنع إعادة نشر مواضيع محذوفة سابقا أو مخالفة قوانين المنتدى أو مواضيع تم قفلها من قبل الإدارة .....
5- يمنع الدعاية لمواقع تخل بإحدى بنود قوانين المنتدى .....
6-يجب الإشارة إلى حقوق المؤلف والٍملكية الفكرية عند النقل أو الاقتباس وذلك بوضع اسم المؤلف إذا كان معروفا أو وضع نقاط بين قوسين (....) إذا كان المؤلف غير معروف......
7- لا يجوز استخدام نظام الرسائل الخاصة (الماسنجر) في أي فعل مخالف لأحكام هذه اللائحة او استخدامه فى الدعاية لمواقع اخرى .....
8- على العضو توجيه ملاحظاته إلى أمين الموقع عند وجود تجاوز من قبل الأعضاء عبر البريد الإلكتروني، ويمنع منعا باتا توجيهها في المنتديات الأخرى
9- يمنع الدعاية التجارية دون أذن مسبق أو الاتفاق مع إعلانات سودانيزاونلاين .....
10- عدم نقل مواضيع/مداخلة/أيميل/....الخ من شخص غير عضو بالمنبر أو من منبر آخر تشوه/تصور/تدين/....عضوا بالمنبر
11- عدم السماح لشخص غير عضو/ة بالمنبر بأن ينشر/يشارك مستخدما حساب عضو/ة بالمنبر بدون علمه
12- لا يسمح لأي عضو الإعلان عن استقالته بطريقة فيها تشهير بالمنبر أو إدراته أو أعضائه، ويجوز للإدارة سحب العضوية من ذلك الشخص فورا وطلب/موضوع الاستقالة من المنبر فورا. ولكن يجوز لأي شخص أن يعلن بأسلوب هادئ بعيد عن الإثارة عن توقفه أو غيبته لأي سبب من الأسباب ..
13- تمكين أي شخص يتعرض للإساءة من أحد الأعضاء من عنوان هذا الشخص لمقاضاته حيثما كان... تسلم هذه المعلومات فقط للجهة القضائية بخطاب رسمى عند طلبه على أن يكون بالبريد العادى المسجل وليس الكترونيا.. كما يحق للإدارة تجميد/سحب العضوية من العضو/ة فى حالة رفض إعطاء الاسم الكامل والعنوان للجهة القضائية بالنسبة للأعضاء القدامى أو من لا تتوفر معلومات لدى الإدارة عنه.
14- لا يجوز لأي عضو أن يسجل في المنبر الحر بأكثر من اسم أو لقب واحد وتسحب العضوية فورا من كل عضو يثبت اشتراكه أو تسجيله بأكثر من اسم أو لقب.
15-على كل عضو مسجل باسم مستعار أن يزود الإدارة باسمه الحقيقي وعنوانه الصحيح إذا طلب منه وأي عضو يمتنع عن ذلك أو يتبين أنه أدلي باسم وعنوان غير صحيحين تسحب منه العضوية فورا
16- يكفل المنبر الحر لكافة الأعضاء حرية التعبير والرأي والبحث العلمي والاجتهاد ومناقشة جميع الأفكار والمواضيع الدينية والفلسفية والسياسية والاجتماعية والاقتصادية والفنية وسائر ضروب العلم والمعرفة، مع ضرورة التزام الأعضاء بالحوار الموضوعي واحترام حق الآخرين في الاختلاف معهم/ن.
-17 الفصل الفوري لكل من يهدد بالـقـتـل أو يدعو إلى قـتـل أو اغـتـيـال أي شخص أو نـشـر مادة تدعو إلى، أو تؤيد، ذلك. ولا يجوز منح ذلك الشخص العضوية مرة أخرى تحت أي مسوِّغ.
-18 لا يسمح اغراق المنبر/السيرفا بصورة متعمدة برفع مواضيع لعضو/ ة معين او بمواضيع معينة الى الصفحة الاولى او بشكل لا نهائي أو بفتح عدد لا نهائي من البوستات في وقت واحد….أو فتح بوستات مختلفة من نفس العضو لنفس الموضوع
19- سوف يتم سحب عضوية كل من يستخدم الماسنجر فى رسائل تامرية ضد الموقع او اعضائه
20-لن تسمح الإدارة بـتحديث المكتبة الارشيفية لأى عضو/ة اذا ثبت اخلاله/ا باللوائح اكثر من مرة إذا أعتقدت الإدارة أو كان لديها ما يحملها على الأعتقاد بأنَّ ذلك الشخص يسعى لتدمير الموقع أو الإضرار به.
21- لن تخصص مكتبة ارشيفية لأي عضو/ة اذا تأكد انتهاكه /ا للوائح و قوانين المنبر اكثر من مرة
ترسل كل الشكاوي والتظلمات والطلبات والقرارات الإدارية من والى العنوان : [email protected] ولا تنظر الإدارة في الرسائل والمكاتبات التي ترد عبر الماسنجر أو التلفون أو خلافه.
....
تدعو إدارة سودانيزاونلاين جميع الوطنيين/ت والشرفاء/ت إلى مساعدتها وذلك بتنبيهها فى حالة تجاوز أى عضو/ة للائحة عبر البريد أعلاه وذلك لعدم تواجدنا بصورة مستمرة ويومية،
سوف تسرى هذه القوانيين على كل المواضيع والمداخلات التى كتبت ابتداء من يوم 27 ديسمبر 2005.
brothers
let us start from home
don't you think there is a language erros, in the above mentioned rules.
your correction is desperately needed
thanks
keep on rolling
| |
|
|
|
|
|
|
|
|
|
Re: قاموس سودانيزأونلاين للأخطـاء الإملائيـة .. حدث و لا حرج (Re: Elmuez)
|
و لك أطيب التمنيات و الإحترام يا "ذو النون" .. بمناسبة الخرطوم الأميرية و كده , إن لم أكن مخطئا , و تلك قصة أخرى !..
مداخلة تشوقنا إلي مزيد من الحديث الممتع حول أخطاءنا مع لغة الضاد
تمنيت أيها المنصور لو أن تفرد لنا خيطا قائما بذاته عن الأخطاء اللغوية بذات المعنى مما تناولته في مداخلتك أعلاها
البوست الدفار ده مخصص للأخطاء الإملائية اللتي تكيل هذا المكان على مدار الساعة ..و حدث و لا حرج!
تقديري و تحياتي,
| |
|
|
|
|
|
|
|
|
|
Re: قاموس سودانيزأونلاين للأخطـاء الإملائيـة .. حدث و لا حرج (Re: Elmuez)
|
بارك الله في الأرشفه الخلتنا نشوف البوست
"اللزيز "دا
يااخي انا مشكلتي في الدنيا ام بناياً قش
الذال والزين "مش كدا ولا انا برضو "غلتان" وش ميت من الخجل"
اكتر زول في الدنيا مستعجل وما بيراجع قبل ضغط "الزر"
اخوك الدايش "ابوالشوش"
في الآخر الواحد عايز يعبر عن دواخلو"دواخلو دي دايرا ليها الف مد أظنو"
_________________________________
اقول ليك كلام شيل ليك سوط وحوم في مشاركاتي
بتنبسط تب
"خسوساً" استاذ الإبتدائي داك مرقنا منو بعيد
"أنا محسي بس ما بغلط في التاء "بفرق بين المذكر والمؤنث " تفادياً من "ّّذ و ز "
بقول "المضكر"
مش حريف "بالله "
| |
|
|
|
|
|
|
|
|
|
Re: قاموس سودانيزأونلاين للأخطـاء الإملائيـة .. حدث و لا حرج (Re: Elmuez)
|
زمراوي إنت أظنك ما تابعت البوست ده إلا بمذاكرة على الطائر لأنه
حكاية "كلنا خطائين" دي لبدوا لي ليها و كاوشوني في أقرب ملف .. بيني بينك "كلنا خطاؤون" دي كانت حا تكون تقيلة
و مشاترة مع طريقة الدارجي الأنا ساسقت بيها البوست ..
.
أبو الزهور بعد ده ما عندك حل غير تنضم لمجتمع الكورة و إلا ستظل تجد نفسك مستوحشة في وحدتها على الدوام
زي ما حصل معاك في زربة العيد الأخير!
يا ربي محمد عادل مر على البوست ده !! 
.
ياخي تحياتي ليكم كلكم و لعبد الحفيظ ولا تنقصنا سوى عدم رؤياكم الغالية 
| |
|
|
|
|
|
|
|
|
|
Re: قاموس سودانيزأونلاين للأخطـاء الإملائيـة .. حدث و لا حرج (Re: Elmuez)
|
.
.
المعز ياحبيب
في حاجات ما بحبها الكورة والحفلات والقرع والبامبي والكمونية وأكيد طبعاً الويكاب 
ونرفع البوست ده لأهميته وكمان علشان محمد عادل وهشام أمين خاصة إنهم الأيام دي مدورين في المنبر.
ومحمد عادل بالذات مبهدل العربي بهدلة السنين بس كي أدي المنبر في صفحته الأولى نظرة عابرة وشوف كمية الألم المسببها محمد عادل لهذه اللغة الجميلة.
بعدين يامعز ياخي عندي طلب لو ممكن :
من فترة وعدت الأخ هشام أمين إني ما أشارك في مداخلاته في المنبر ، لكن ياخي والله قلبي بوجعني لما أشوفه كاتب إسم الجلالة (الله) كدا (اللة)
الليلة عنده بوست كاتب إسم الجلالة غلط .
ياخي في زول بغلط في إسم رب العالمين؟ وياما نبهته لكن لا حياة لمن تنادي فرأسه (صلعته) يابسة يباس حصحاصة ومصر يغلط ذات الغلطة الشنيعة.
عليك الله لو في طريقة تكلموه قولوا ليه حرااااااام والله حرررررررام .
تحياتي وتقديري .
.
| |
|
|
|
|
|
|
|
|
|
Re: قاموس سودانيزأونلاين للأخطـاء الإملائيـة .. حدث و لا حرج (Re: Elmuez)
|
.
.
المعز ياحبيب
ياخي ماعارف الناس بتاكل الكمونية دي كيف!! ياخي ريحتها بس تطمم البطن ، حتى لو كان منضفنها بي كلوركوس وكابين فيها طن بهارات برضو ماسمحة .
القرع في قصة سيدنا يونس ما موسى ماتشرط عينا مع الناس :) " وأنبتنا عليه شجرة من يقطين"
محمد عادل قبل يومين كاتب موضوع لاحظت إنه الأخطاء الإملائية فيه قليلة ، لكن يافرحة ماتمت طلع ناقل الموضوع بي ضبانته (عنوانه) .
هشام أمين كمان مستواه إتحسن لكن لحدي هسع قاعد يغلط في إسم الجلالة وبكتبه بالتاء المربوطة .
تحياتي وتقديري وخلي بوستك في الصفحة الأولى
.
.
| |
|
|
|
|
|
|
|
|
 Re: قاموس سودانيزأونلاين للأخطـاء الإملائيـة .. حدث و لا حرج (Re: ALazhary2)
|
.
.
عمار
Quote: كتب احدهم (وضربنا عليهم بسنور له ناب ) قاصد كتابة الاية الكريمة فصبح المعني بكديسه لها ناب
يَوْمَ يَقُولُ الْمُنَافِقُونَ وَالْمُنَافِقَاتُ لِلَّذِينَ آمَنُوا انظُرُونَا نَقْتَبِسْ مِن نُّورِكُمْ قِيلَ ارْجِعُوا وَرَاءكُمْ فَالْتَمِسُوا نُورًا فَضُرِبَ بَيْنَهُم بِسُورٍ لَّهُ بَابٌ بَاطِنُهُ فِيهِ الرَّحْمَةُ وَظَاهِرُهُ مِن قِبَلِهِ الْعَذَابُ )
|
ده إسمو التصحيف :) وسببه جهل القارئ إضافة إلى الأخطاء التي كانت في الكتب قديماً بسبب نسخها يدوياً وكذلك فإن الكثير منها كان يكتب بدون تنقيط للحروف .
فيه قصص تموت بالضحك
زي واحد سمع زول بيقرأ حديث قدسي فقال : عن الله عن رجل !! فقام قال ليه من هذا الرجل الذي كان شيخاً لرب العالمين؟
طبعاً الكلمة الأصلية طلعت : عن الله عز وجل .
ومرة كمان قريت قصة مضحكة في واحد سمع زول بيقرأ (ولقد خلقنا السموات والارض ومابينهما في ستة أشهر)
فقال ليه يازول ستة أشهر كيف إنما هي ستة أيام !
فقام قال ليه والله لقد كنت أتذكرها كذلك لكنني إستقللتها (يعني شفتها شوية)
:)
وجدت هذه النوادر عن التصحيف أهديها لك وللقراء الكرام :
قال رجل لابنه وهو في الكُتاب: في أي سورة أنت؟ قال: في" أقسم بهذا البلد ووالدي بلا ولد" فقال أبوه: لعمري من كنت ابنه فهو بلا ولد.
- وروى بن الرومي : خرج رجل إلى قرية فأضافه خطيبها فأقام عنده أياماً، فقال له الخطيب : أنا منذ مدة أصلي بهؤلاء القوم وقد أشكل علي في القرآن بعض مواضع، فقال: سلني عنها، قال: منها في " سورة الفاتحة " ، " إياك نعبد وإياك .... أي شيء( تسعين أو سبعين)؟" أشكلت علي هذه فأنا أقولها تسعين، أخذاً بالاحتياط.
- وروى يحيى بن بكير: جاء رجل إلى البشير بن سعد فقال: كيف حدثك نافع عن النبي صلى الله عليه وسلم: في "الذي نشرت في أبيه القصة" فقال الليث: ويحك إنما هو في" الذي يشرب في آنية الفضة".
- دخل عالم إلى مسجد في قرية ليصلي صلاة الجمعة فرأى أن أهل القرية يدخلون المسجد و كل واحد منهم يحمل قفة فيها مغرفة و خشبة و سكين و فأر ميت , فسأل إمام المسجد عن الأمر , فقال الإمام : أنا الذي أمرتهم بذلك , لأنني قرأت في كتاب عندي اسمه ( التيه ) حديثاً يقول : ( حدثنا بختي بن تحتي عن شعبان النوري أن النبي قال : لا تصح جمعة أحدكم إلا بقفة و مغرفة وخشبة وسكينة وفار ).
فقال العالم : أرني الكتاب .
فإذا هو كتاب ( التنبيه ) وإذا الحديث : حدثنا يحيى بن يحيى عن سفيان الثوري عن النبي صلى الله عليه و سلم أنه قال : لا تصح جمعة أحدكم إلا بعفة و سَكينة و خشية و معرفة ووقار .
- وروي أن بن شاهين المحدث في جامع المنصور قال في الحديث:" نهى النبي صلى الله عليه وسلم عن تشقيق الحطب"، فقال قوم من بعض الفلاحين كيف نعمل والحاجة ماسة إلى الحطب؟وإنما نهى النبي عليه الصلاة والسلام عن تشقيق الخطب أي أنه كره للخطيب أن يتكلف .
-وروي أن أحدهم قرأ حديثا للنبي صلى الله عليه وآله وسلم " كان النبي يكره النوم إلا في القدر " و الصحيح " الثوم " و قرأ أخر أن النبي يحب العسل يوم الجمعة و الصواب هو الغسل و ليس العسل.
.
.
| |
|
|
|
|
|
|
|
|
|
Re: قاموس سودانيزأونلاين للأخطـاء الإملائيـة .. حدث و لا حرج (Re: ALazhary2)
|
بالله يا ابو الزهور انتو لابدين في البوست الجميل ده ؟
بمناسبة التصحيف (انت حكيت اغلب القصص البتعجبني خصوصا الرجل الذي نشرت في أبيه القصة ) في تصحيف لطيف حصل لواحد من الشيوخ .. المستملي بتاعو* كان بيقرا عليو فقال ليو : حدثتكم أمكم عن فلان ..
الشيخ قال ليو سبحان الله ( لأنو ما راوي عن امو و لا شي ) لما راجع اكتاب لقى الاسم : أُمَي ( تخفيف أمية )
دي حصلت تقربا لواحد قريبي اسمو " أٌبي " و ابوهو اسمو البدري
دخل الكلية الحربية فبيندهو عليو في الطابور فالزول البيقرا الاسماء بينادي : أبو البدري الريح .. و قريبي وااااقف منتظر يسمع اسمو
القارئ افتكر الاسم مخفوض بالخطأ زي الناس البتسمي " أبا ذر " منصوبة كده ساي فقام عدلو بمزاجو
ـــــــــــــ
* المستملي ده كان الطالب البيقرا كتاب الحديث بتاع الشيخ على بقية الطلبة عشان يسمعوهو منو
| |
|
|
|
|
|
|
|
|
|
Re: قاموس سودانيزأونلاين للأخطـاء الإملائيـة .. حدث و لا حرج (Re: حمور زيادة)
|
.
.
حمور زيادة
منور البوست ياحبيب
ياخي البوست ده مهم جداً لكن المعز بطول الغيبات ، ونقوم نضطر نفتش البوست ونجيبه تاني في الصفحة الأولى .(نظام نشر الوعي اللغوي وكدا )
تعرف قصة قريبك دي بتحصل كتير خاصة لمن يكون المنادي عسكري عينك ماتشوف إلا النور خرمجة لغوية عجيبة التقول العساكر ديل أستاذهم في العربي زميلنا محمد عادل .
ذكرتني نكتة قال ليك في إتنين صعايدة قبلوهم في الجيش وأثناء ماهم واقفين في الطابور مر بيهم القائد فقام سأل الأول قال ليهم إسمك أيه : قال ليهم (آسم) على طريقة المصريين في تحويل القاف لألف ، زعل القائد وقال ليه مافيش حاجة إسمها (آسم) إسمك (قاسم) بالقاف يامجند . المهم مر على زميله التاني الكان بسمع في الكلام، قال ليه إسمك أيه ؟ قال ليه (قحمد) .
:)
يقال والعهدة على الراوي إنه عبود كان كاتب على باب القيادة العامة (أحكموا علينا بأعمالنا) ، فشافها شيخ السراج فقال : حقاً الجاهل عدو نفسه.
لأنه العبارة المكتوبة تطالب الناس أن يدينوا الحكومة (أحكموا علينا) والمفروض تكتب (أحكموا لنا)
خليك قريب ياحمور وجودك مهم، ورسلت ليك قصة تصحيف في المسنجر مابتتكتب هنا :) .
تحياتي وتقديري.
.
.
| |
|
|
|
|
|
|
|
|
|
Re: قاموس سودانيزأونلاين للأخطـاء الإملائيـة .. حدث و لا حرج (Re: Elmuez)
|
.
.
المعز ياحبيب والله أنا مافي زول فاقع مرارتي في المنبر ده بسبب الأخطاء الإملائية غير جوز الحمام الإنت عارفهم وأنا عارفهم والناس عارفاهم :)
بعدين تعال النحدثك : ما تاخدوا في الأزهري ده مقلب كبير ، أنا والله لا أستاذ عربي ولا ضليع في علوم اللغة العربية ،وغلطاتي في الإملاء شنيعة لكن الزول بحاول بس يكتب بطريقة صحيحة .
المهم أهديك هذه النوادر من طرائف أهل اللغة دلني عليها العلامة قوقل لاحرمنا الله علمه وفضله :
وقف بعض الفقراء على باب نحوي(أستاذ لغة عربية) فطرق الباب فقال النحوي : من بالباب ؟. فقال : سائل . فقال : ينصرف . فقال : اسمي أحمد (يعني ممنوع من الصرف ). فقال النحوي لغلامه : أعط سيبويه كسرة .
وقع نحوي في حفرة فجاء كناس ليخرجه ونادى عليه ليعلم أهو حي أم لا ؟ فقال النحوي : اطلب لي حبلاً دقيقاً وشدني شداً وثيقاً واجذبني جذباً رفيقاً . فقال الكناس ثكلتني أمي إن أخرجتك منه .
دخل أبو علقمة النحوي على الطبيب فقال : إني أكلت من لحوم الجوازي وطسئت طسأة فأصابني وجع بين الوابلة إلى دأية العنق فلم يزل يربو وينمو حتى خالط الشراسيف فهل عندك دواء ؟ قال الطبيب : نعم . خذ خونقاً وسربقاً ورقرقاً فاغسله واشربه بماء فقال أبو علقمة : لا أدري ما تقول . فقال الطبيب : لعن الله أقلنا إفهاماً لصاحبه .
زار بعضهم نحوياً مريضاً ، فقال : ما الذي تشكوه . قال : حمى جاسية نارها حامية منها الأعضاء واهية والعظام بالية . فقال له : لا شفاك الله بعافية وياليتها كانت القاضية .
كان لبعضهم ولد نحوي يتقعر في كلامه(يعني يستعمل غريب اللغة ومتفلسف ومتفلهم باللغة العربية زيادة عن اللزوم) فمرض أبوه مرضاً شديداً أشرف فيه على الموت فاجتمع عليه أولاده وقالوا له : ندعو لك أخانا فلاناً النحوي ؟ قال : لا إن جاءني قتلني ، فقالوا : نوصيه أن لا يتكلم فلما دخل عليه قال : يا أبت والله ما أشغلني عنك إلا فلان فإنه دعاني بالأمس فأهرس وأعدس واستبزج وسكبج وطهبج وأفرج ودجج وأبصل وأمضر واوذج وافلوزج . فصاح أبوه : غمضوني فقد سبق الشقي ملك الموت إلى قبض روحي .
.
.
| |
|
|
|
|
|
|
|
|
|
Re: قاموس سودانيزأونلاين للأخطـاء الإملائيـة .. حدث و لا حرج (Re: Elmuez)
|
.
.
المعز ياحبيب
عربيك الفصيح دراب دراب :)
لكن يعني محاولة مابطالة تعفيك من الجلد وتستحق عليها مكافأة ، ياغلام إعطه ثلاثة دراهم :)
أما الأحبة جوز الحمام الذين تعرفهم وأنا أعرفهم والقراء يعرفونهم، فهما علامة فارقة في تأريخ الأخطاء الإملائية .
يامعز ياخي في زول بغلط في إسم رب العالمين ؟
المهم
الظاهر ناس سودانيز اون لاين ديل كلامهم كمل في موضوع الأخطاء الإملائية(وإن كنت أشك في ذلك، فجوز الحمام مصدر حديث لاينتهي عن الأخطاء الإملائية وهما يكشفان كل يوم عن أخطاء لم يسبقهما إليها أحد من العالمين ).
أحكي ليك طرفة جميلة وردت عن الرسول الأعظم صلى الله عليه وآله وسلم :
في ليلة من الليالي المباركة في زمان تعطرت نسائمه بأنفاس الحبيب المصطفى الأكرم ، جلس النبي يتناول العشاء المكون من التمر مع الإمام علي بن أبي طالب ،وكان صلى الله عليه وآله وسلم يأكل التمرة ثم يضع نواتها في صحن (علي) دون أن يلاحظ (علي) ذلك ، وفجأة قال النبي للإمام (علي) إنك لأكول يا(علي)أنظر إلى كل هذا النوى ، فنظر الإمام علي إلى صحن النبي فلم يجد عليه نواة تمر واحدة فقال : ياسيدي يا أبا القاسم الأكول والله من يأكل التمر بنواته فضحك الرسول الكريم صلى الله عليه وآله وسلم :)
.
.
| |
|
|
|
|
|
|
|
|
|
Re: قاموس سودانيزأونلاين للأخطـاء الإملائيـة .. حدث و لا حرج (Re: ALazhary2)
|
.
تعرف يامعز في مصيبة تانية إسمها (اللحَن) بالتحريك وهو خطأ يطرأ على اللفظ فيخل بعرف القراءة ومبنى الكلمة سواء أخل بالمعنى أم لم يخل ، ودي أخير منها أخطاء الإملاء :)
وممن إشتهر (باللحَن) الخليفة الأموي الوليد بن عبد الملك ، ويقال أن السبب في ذلك عدم إرساله للبادية ليتعلم أصول اللغة ونطقها الصحيح ، وكان أبوه عبد الملك يقول : حبنا للوليد أضره إذ لم نرسله للبادية .
روي روح بن زنباع فقال : دخلت يوما على عبد الملك وهو مهموم فقال : فكّرت في من أولّيه العرب فلم أجده ! فقلت : وأين أنت من ريحانة قريش وسيّدها الوليد ! فقال لي يا بن زنباع إنّه لا يلي العرب إلاّ مَن تكلّم بكلامهم، قال : فسمعها الوليد فقام من ساعته وجمع أصحاب النحو وجلس معهم في بيت وطيّن عليه ستة أشهر (يعني خلوة عديل كده مافيها طلوع ولا دخول) ثمّ خرج وهو أجهل ممّا كان. فقال عبد الملك أما إنّه قد أعذر :) يعني ماقصر وماعليه لوم وبذل وسعه .
هسع تتوقع جوز الحمام عندهم مشكلة (لحَن) ولا نطقهم صحيح ومشكلتهم مع الإملاء بس؟
:)
.
.
| |
|
|
|
|
|
|
|
|
|
Re: قاموس سودانيزأونلاين للأخطـاء الإملائيـة .. حدث و لا حرج (Re: ALazhary2)
|
.
.
ورد في العقد الفريد" ، لابن عبد ربه الأندلسي ، قصة نسبها إلى الأصمعي :
قال: ورأيت أعرابيا ومعه بنيّ له صغير ممسك بفم قربة ، وقد خاف أن تغلبه القربة ، فصاح : يا أبتِ ، أدرك فاها غلبني فوها لا طاقة لي بفيها . أ.هـ
وهناك رواية في " لباب الأباب " لأسامة بن منقذ عن الأصمعي قال: اجتزت ببعض أحياء العرب، فرأيت صبية معها قربةٌ فيها ماءٌ وقد انحلّ وكاء فمها. فقالت: يا عمّ، أدرك فاها، غلبني فوها، لا طاقة لي بفيها. فأعنتها، وقلت: يا جارية، ما أفصحك ! فقالت يا عمّ، وهل ترك القرآن لأحدٍ فصاحةً ! وفيه آيةٌ فيها خبران وأمران ونهيان وبشارتان ! قلت: وما هي ؟ قالت: قوله تبارك وتعالى:"وأوحينا إلى أم موسى أن أرضعيه فإذا خفت عليه فألقيه في اليمّ ولا تخافي ولا تحزني، إنّا رادّوه إليك وجاعلوه من المرسلين" قال: فرجعت بفائدةٍ، وكأنّ تلك الآية ما مرّت بمسامعي ! !أ.هـ
من ناس ديل وا أسفاي وا حزني
.
.
| |
|
|
|
|
|
|
|
|
|
Re: قاموس سودانيزأونلاين للأخطـاء الإملائيـة .. حدث و لا حرج (Re: ALazhary2)
|
المعز والمتداخلون ...سلامات ..
بوست قيم وجميل .. بس يااخوانا نحن ناس الشرق ديل اعفونا وما تضغطوا علينا في الاملاء واللغه .. نحن حرف الزاى والذال والضاد كلها عندنا دال ..والصاد سين ... يعني لغات خاصة ..
Quote: خطأ إستعجال أو بسبب قلة التركيز الناجم عن سرعة إيقاع الحياة.
أو
عدم قلة المعرفة باللغة |
اخونا إسماعيل عدم معرفة ولا قلة معرفه ؟ حدد ..
| |
|
|
|
|
|
|
|
|
|
Re: قاموس سودانيزأونلاين للأخطـاء الإملائيـة .. حدث و لا حرج (Re: ALazhary2)
|
المعز واللزهري
سلام
اليومين ديل بقرا لى فى كتاب بالعربي ... ومرت بي جملة لخبطتنى شوية
.. يعني .. عندنا حزب سياسي والحزب دا عنده مبادئ .. وعندنا زول ينتمى
للحزب دا .. وبعدين في التزام بالمبادئ دي .. اها نكتب
.
.
فلان ملتزم لمبادئ الحزب الفلاني .. او
فلان ملتزم بمبادئ الحزب الفلانى
.
.
شايفكم مركزين على الاخطاء الاملائية في الكتابة العربية .. اها الناس البتكتب بالانجليزى ما معانا ولاكيف
غايتو قبل فترة قريت بوست عنوانه مكتوب بالانجليزي .. صاحب البوست
صاط الانجليزي لمن انا اتكيفت
(Bader Eldin Ishag Ahmed I was ignored you in facebook
| |
|
|
|
|
|
|
|
|
|
Re: قاموس سودانيزأونلاين للأخطـاء الإملائيـة .. حدث و لا حرج (Re: unixo)
|
.
.
أخي الكريم unixo
الصواب (بمبادئ الحزب)
الباء للإلصاق .
التزم بها وليس لها .
التزم للمبادئ تعني تعهد لها بشئ .
أما إلتزم بها فتعني تقيد بها وأنضبط بضوابطها .
وكلامي أعلاه صواب يحتمل الخطاء :) ويمكن أن يفيدنا أهل الإختصاص بعلوم اللغة العربية .
أما اللغة الإنجليزية فمعرفتي بها تكاد تماثل معرفة فلاديمير بوتين بمعلقة طرفة بن العبد :)
تحياتي وتقديري
.
.
| |
|
|
|
|
|
|
|
|
|
Re: قاموس سودانيزأونلاين للأخطـاء الإملائيـة .. حدث و لا حرج (Re: ALazhary2)
|
سلامين أبو الزهور و unixo
بوست الغاضب محمد عادل ده أنا شفتو زمااااااان يا حبوب و عملت نائم لأنه الجماعة دشروا الراجل دشر و قلت لو
دخلنا أنا و ابو الزهور مع بعض حا ننكشف و فردة الحمام تكتشف البوست ده و أزهري حا ياخد تخشيبة !!
بعدين يا ابو الـunx نحن حاليا مركزين على اللغة العربية كلغة ثانية لذلك الحديث عن الإنقليزي حاليا بيصبح ترف !!!
| |
|
|
|
|
|
|
|
|
|
Re: قاموس سودانيزأونلاين للأخطـاء الإملائيـة .. حدث و لا حرج (Re: Elmuez)
|
.
.
الشكية لي الله يامعز .
بعدين تعال :
عنوان "رئيس" وليس "رئيسي"
وكمان عجبتني (يا أبا الزهور) .
بالمناسبة يامعز الأيام دي في عنكبة مدورة في المنبر عن (جسمان) و (جثمان) قاعد أكشّف ليها من بعيد بعيد.
وذكرني طرفة واحد سأل فقيه أو جحا ما متذكر كويس ، قال ليه: أمشي قدام الجنازة ولا وراها؟ قال ليه : لا تكن فوق النعش وأمش حيث شئت .
ربنا يرحم الطيب صالح ويجعله في جنات ونهر في مقعد صدق عند مليك مقتدر بحق شهادة لا إله إلا الله محمد رسول الله.
.
.
| |
|
|
|
|
|
|
|
|
|
Re: قاموس سودانيزأونلاين للأخطـاء الإملائيـة .. حدث و لا حرج (Re: ALazhary2)
|
الأحباب الاعزاء
لكم التحية والتجلة
مثل هكذابوست يندر وجوده حقا
كم تغيظنى هكذا التى اصبحت تحشر حشرا فى اول الكلام ويقينى انها من بنات افكار اخوتنا الشوام الذين لم يعترفوا بنا كعرب بعد ولكنى هنا اخذ حق كل السودانيين فى الهجوم المضاد عليهم مع عدم يقينى هل هى صحيحة ام لا ولكنها غير مستساغة على كل حال ...
هذا البوست عاد بى لسنوات خلت كانت تبرز مثل هذه البوستات لتكون مدرسة حقيقية لتعلم العربية ومعرفة الاخطاء الشائعة بعيدا عن تجريح الاخرين وترصد اخطاءهم وليته يبقى عاليا دوما ليستفيد منه الجميع ...
الشكر لك يا الأزهرى على الافادة الطيبة وعلى الجرعات اللطيفة جدا ...
مع مودتى للكل ....
| |
|
|
|
|
|
|
|
|
|
Re: قاموس سودانيزأونلاين للأخطـاء الإملائيـة .. حدث و لا حرج (Re: قرشـــو)
|
و الله يا قرشو ما بتلحقني مع عزابات "هكذا" دي مع إنها بتأدي دور مريح للكاتب و بتعفيه من عدد من الكلمات اللازمة
لتوضيح ما يود قوله و أهلنا السودانيين ديل طبعا كسالى لغويا و اتكاليين شديد !
.
أبو الزهور غايتو أظنك ما اتعذبت مع مرازاة بوست مثل ما يحدث ليك مع البوست ده !
غايتو كل ما أغيب و أجي ألقى لي طرفة بمزمز بيها سريع سريع بعدين لاحظت كثرة الأخطاء الإملائية و العناوين المهببة
طوال الأسابيع الماضية لكن للأسف علاقتي بالكمبيوتر بقت محصورة بمواد الشغل مع طلات متقطعة هنا و هناك !
شايف علاء الدين حيمورة ربما ورط نفسه مع Almansour Jafar هناك فوق حول كلمة عزيزي "القاريئ"/"القارئ" !
تحياتي لك و لقرشو و لعلاء حيمورة لغاية ما أجي راجع !!
| |
|
|
|
|
|
|
| |
محمد أبوالعزائم أبوالريش
وليد محمد المبارك
عمار عبدالله عبدالرحمن
ذواليد سليمان مصطفى
فايزودالقاضي
El hadi A.bashir
علاء الدين حيموره
ALazhary2
طارق جبريل
showgi idriss
Zomrawi Alweli
حمور زيادة
rosemen osman
قرشـــو
فيس بوك
تويتر
انستقرام
يوتيوب
بنتيريست