|
|
|
 Re: مادة / موقف في البورد أعجبك .. أدهشك .. أفرحك .. أحزنك .... (Re: Shayma)
|
أعجبني
هذا البوست لـ (محسن خالد) لفائدته
بوست يستحق اعادة القراءة
إصلاح الكتابة في المنبر
Quote: لو حبّيت أكتب إحدى هذه الكلمات: الاعتراف ، الإكرام، الإسلام، استثمار، انتظار، إيمان،...
أو الأفعال (الثلاثية) اذهب، امضِ، ابكِ....
طيّب المشكلة شنو؟؟؟
المشكلة هي الهمزة الصغيرونة دي، كيف نكتبها؟؟ من فوق من تحت، هي نفسها في وألا مافي؟؟؟؟ وووو...
القاعدة:
ما عليك إلا أن تكتب الكلمة التي تودُّ كتابتها: الاستثمار مثلاً،... هل يجب كتابتها: الاستثمار،... بدون (الهميزة) من تحت، أم الإستثمار،.. مع (الهميزة) من تحت.
عليك فقط استخراج الفعل من الكلمة، وأقرب فعل يمكنك استخراجه،..
الاستثمار...... الفعل منها: استثمر. ثم تحسب عدد حروفه، طبعاً 6 أحرف.
الائتمان.... الفعل منها: ائتمن..... 5 أحرف.
الاتكال .... الفعل منها....... اتّكل ... يعني مع حساب الشدة (اتتكل)، 5 أحرف
والقاعدة هي، إيّاك وحذراك أن تكتب (الهميزة) (من تحت) في الكلمات التي يكون أقرب فعل مستخرج منها غير رباعي، يعني كان ما لقيت الفعل 4 أحرف تحرم الكلمة من الهميزة المزعجة،...
الاختصار ............ بدون هميزة من تحت، أقرب فعل منها هو: اختصر... خماسي
الاسترزاق.......... بدون هميزة من تحت، أقرب فعل منها هو: استرزق... سداسي
طيّب لو كان وجدنا الفعل 4 أحرف، هنا في إضافة صغيرونة، ماهي؟
مثال:
الإيمان... الفعل منها آمن. مع حساب المدّ (أأمن) 4 أحرف.
الإكرام... الفعل منها "أكرم" 4 أحرف.
الإسلام... الفعل منها "أسلم" 4 أحرف،.. |
| |
 
|
|
|
|
|
|
|
|
Re: مادة / موقف في البورد أعجبك .. أدهشك .. أفرحك .. أحزنك .... (Re: Mohamed E. Seliaman)
|
محمد سليمان
| Quote: السلام عليكم ورحمة الله |
وعليكم السلام ورحمة الله وبركاته
| Quote: هذا البوست به كثير من الباطل والتجني على القرآن الكريم |
البوست (في عضمه) زائد مداخلات كاتبه وضيوفه في صفحته الاولى
لم يمر علي فيهم شي من الباطل او التجني على القران
الا اللهم ان كان ذلك في الصفحات الاخرى
فهو متعدد الصفحات ولا ادّعي ابدا اني قرأت بالتفصيل كل ما ورد فيه من مداخلات. ولكن ان كان الامر مثلما ذكرت فانا لم اورد البوست والرابط الا للجانب اللغوي فيه.
الفكرة نفسها اعجبتني مع اعجابي بمحتواها، وأعني بذلك محاولة تصحيح اخطاء نمارسها يوميا في الكتابة ودعوة الكاتب للقراء لان يجودوا بما لديهم في ذات الفكرة ولا اظن ان احد ينكر ان كثير من الاخطاء التي نرتكبها في الكتابة تصححها لنا قواعد طالما مررنا عليها بالمدارس المتوسطة (ويمكن) الابتدائية فلا اظن ان هناك بأس من التذكير بها ما دمنا نسيناها او لا نلتزم بها.
Quote: بما يغني عن هذه الطريقة
العقيمة الموصفة في الافتباس أعلاه . |
ما رأيته عقيم ربما رآه البعض سهل ويسير ومفيد
هذا بجانب ان الفكرة لم تقتصر على هذه الافعال انما تعدتها لذكر اخطاء كثيرة شائعة
تقديري
| |
|
|
|
|
|
|
|
|
|
Re: مادة / موقف في البورد أعجبك .. أدهشك .. أفرحك .. أحزنك .... (Re: Dr. Ahmed Amin)
|
Quote: وكان آخر المتداخلين عبد الكريم، فدخلت معتقدة انه كاتب البوست عبد الكريم (ما برلومة وكدة )
فكتبت تعليقي وبمجرد انزاله اكتشفت انه كاتب البوست خليل واني مررت دون ادني تحية أو تعليق لصاحب البوست على موضوعه اللي هو مكتبته الجديدة. حسيت انه شكلي بااااايخ فحاولت اصلحها ولكن قلّما تتصلح الطبزات |
هلا وغلا يا شيماء
وما عليك يازولة
بوستاتنا انا وخليل دائما تاتي في اطار العمل المشترك(فولترون)
ومرات كثير الواحد بحس انو بوست خليل هو بوستيهو وبوستيهو هو بوست خليل
لدرجة انني مرة كتبت لخليل في احدي بوستاته (شكرا علي مرورك يا وريف)
...
في المنبر ده البعجني كثير ولكن البغضبني هو الاكثر
ومع تحياتي لطريقتك الملاسية التي اتمني ان تكون خالية من لغته الجائعة
| |
|
|
|
|
|
|
|
|
|
Re: مادة / موقف في البورد أعجبك .. أدهشك .. أفرحك .. أحزنك .... (Re: Shayma)
|
اعجبني بوست توثيقي لِـ متولي مالك
شخصيات امدرمانية في ذاكرتنا
منه
Quote: ونعرج علي حي العرضة والذي يبداء بجامع فيصل مرورا بشارع العرضة غرب الخور
واسم الحي اخذ من العرض العسكري ايام المهدية وفي عهد الخليفة عبدالله
وحي العرضة يضم ابرز معالم امدرمان المعهد العلمي وجامعة الاحفاد واستادي الهلال والمريخ وسينما العرضة احدي اشهر السينمات في السودان
ومن اشهر الشخصيات في هذا الحي مولانا الشيخ عبداللة السنوسي والد النعمان من اوائل السودانيين الذين درسوا التامين ونالوا فيه شهادات عليا من الجامعات الامريكية واشقائه توفيق ووديع وصالح
ومن ابرز سكان الحي الدكتور مكي الشيخ من اوائل اطباء العيون ويسكن ال عبد المجيد علي طه بابكر عبد المجيد علي طه وعمر عبد المجيد علي طه وعثمان عبد المجيد علي طه ومامون عبد المجيد
ويسكن هذا الحي ايضا المرحوم زين العابدين صالح السياسي المخضرم وابنائه الطيب وحسن كوقاديس واحمد وايضا يسكن الاخ كسباوي الضابط الطيار والقائد في حزب البعث العربي في العراق ويسكن ال شانشي
ومن سكان الحي الاوائل الترزي الشهير يوسف نعمان والاستاذ الكبير المرحوم ابراهيم ادريس ومن سكان الحي كان اللواء حمد النيل ضيف اللة ومن الشعراء المرحوم الشاعر عمر الطيب الدوش ومن التجار بشير الشيخ وعوض حسين ومن الرياضيين السفير علي قاقارين وشقيقه جعفر وحسن ابو العائلة والكابتن ديم الصغير ويسكن ال سيماوي
ويسكن عميد جامعة الاحفاد الدكتور قاسم بدري الذي يسير بها بخطي حثيثة نحو العالمية له منا كل التحية |
| |
|
|
|
|
|
|
|
|
|
Re: مادة / موقف في البورد أعجبك .. أدهشك .. أفرحك .. أحزنك .... (Re: Shayma)
|
أسعدني
بوست تبلدينا عن مشروع مستشفى سرطان الأطفال 99199
و أعجبني
بوست احمد موسى عن حكاية زوجته (صديقته)
و أحزنني
ما آل إليه بوست الطاهر ساتي عن عزل قيادة حركة حق ال.... من خلاف يحمل سمات الشخصنة بين بعض الإخوة
و أغضبني
الحكم الذي لا يناسب الجرم الذي إرتكبه مغتصب الطفلتين - في بوست نجلاء الماحي
وتزعجني
نرجسية عادل أمين بصفة عامة و خصوصا في قالوا القصار طالوا - أو نحو ذلك
و أخجلني
عدم ترحيبي بك من قبل
فمرحبا بك و احييك على إثارة (هكذا) مواضيع لطيفة
| |
|
|
|
|
|
|
|
|
|
Re: مادة / موقف في البورد أعجبك .. أدهشك .. أفرحك .. أحزنك .... (Re: محمد البشرى الخضر)
|
يعجبني
مثل هذا البوست الظليل ، حيث الوذ به من لهيب نهارات السياسة والصحافة
يزعجنى
نوع الحوار الذي يضج بالاحكام المسبقةالتى لاتنبت الا في العقول الجدباء
يفرحنى
أن يفتح احدكم بوستاانسانياسريعامايختفى من سطح المنبر بعدأن يحقق الغاية
يحرجنى
عدم المشاركة في بعض مناسبات الزملاء - افراحا واحزانا - لظرف يبعدنى عن المنبر
يحزننى
كل بوست اشتم فيه رائحةالعنصرية أوالجهوية النتنة
تضحكنى
ملاسنات ملاسي الساخرة .. أمثال جنى الشعبية .. فاولات بشاشا .. وبوستات ومداخلات سجيمان ومعاذ
وتفقع مرارتى
نصائح بعض زملائي لى بعدم التواجد هنا بمنطق (مابيشبهك)، وكأنهم أنبياء يقطنون في المدينة الفاضلة أو يكتبون لملائكة السماء فقط
ويدهشنى
محسن خالدعندمايروى .. دكين عندمايصف .. تماضر حين تحن للارض .. وآخرين حروفهم في الذاكرة
و شكرا ياعزيزة على اللحظة السعيدة
| |
|
|
|
|
|
|
|
|
|
Re: مادة / موقف في البورد أعجبك .. أدهشك .. أفرحك .. أحزنك .... (Re: Shayma)
|
Quote:
و أعجبني
بوست احمد موسى عن حكاية زوجته (صديقته)
|
أخي محمد البشري رمضان كريم لك والأسرة الكريمة حيثما كنت و...
أعجبني
معرفة أنك وآخرون ممن أحبهم من المتابعين لحكايتي
*حكاية حبيبتي {زوجتي} الصديقة
أدهشني و أفرحني
شعور العائلة الذي يتسلل إليك هادئاً ...كما النسيم ... تحبهم عند الإتفاق والإختلاف ... تجدهم عند الملمات ... أُسرة ... بحق وحقيقي
أحزنني جداُ*
غياب د. بيان عن هذا المكان ...
ـــــــــ
تخاريم :
* ترويج وكدا يا شيما
* كلمة{جداً} في احزنني جداً أعلاه إضافة من عندي أتمني قبولها إضافة حقيقية للبوست
| |
|
|
|
|
|
|
|
|
|
Re: مادة / موقف في البورد أعجبك .. أدهشك .. أفرحك .. أحزنك .... (Re: Shayma)
|
أضحكني
تعليق لأحمد الريح في بوست له
كان يتحاور مع شخص والشخص دة طرف في بوست آخر
دخل احد الاعضاء وكتب تعليق لهذا الشخص. التعليق المقصود به البوست الآخر ولكن صاحبه نزله بالخطأ في بوست احمد الريح، يعني التعليق جاء للشخص الصحيح لكن في المكان الخطأ
فكتب له احمد الريح
| Quote: عندك 24 ساعة تشيل تعليقك دة توديه محله ولا بندفعك أرضية |
| |
|
|
|
|
|
|
|
|
 Re: مادة / موقف في البورد أعجبك .. أدهشك .. أفرحك .. أحزنك .... (Re: Shayma)
|
تعجبني
شيماء البرلومة  
في حضورها الذكي وروحها المرحة
تثير إعجابي
أسرة أبو نسب (أسفيري )
طارق،، ناصر،، زرياب،، القلب النابض
أشعر بهم طيبين ولطيفين
أبكاني
بوست قديم للأخت الحبيبة منى خوجلي
عن أباها المرحوم الخليفة عوض خوجلي
كيف حزنت وكيف إحتضنت جلابيتة وسبحته
كيف أصرت على الذهاب للمقابر ولم تعبأ بأحد
أستمع
إلى حيدر قاسم،،
عاطف عمر،،
عادل عثمان،،
لا أدري لماذا أشعر أنهم موضوعيين وعقلاء
أخوان البنيات
كثر،، ولكن منهم تمبس ومعتصم دفع الله
لفت نظري
الأخ العزيز محمد نور
برلوم برضو واقع من السماء
حقيقة
تحزنني العنصرية ويألمني الخطاب الجهوي
الباقي
كثير أعود إليه مرة أخرى
ممكن؟
محبتي يا شيماء،، بلا حدود
غادة
| |
|
|
|
|
|
|
|
|
|
Re: مادة / موقف في البورد أعجبك .. أدهشك .. أفرحك .. أحزنك .... (Re: Shayma)
|
الغريب....
عضو فى المنبر ( male) فتح بوست عن فلم عجبو فى السنما ..... عدد الردود 0 وعدد الزوار 5
الاغرب من كدا ...
عضوه فى المنبر ( female ) فتحت بوست باسم نفس الفلم وبعد كم يوم بس من بوست صاحبنا اعلاه .. عدد الردود 150 وعدد الزوار 500
الشىء المحير ...
الاتنين نزلو نفس الفلم ونفس الكلام ونفس الصور وكتبو بنفس الخط .....
| |
|
|
|
|
|
|
|
|
|
Re: مادة / موقف في البورد أعجبك .. أدهشك .. أفرحك .. أحزنك .... (Re: Shayma)
|
Quote:
الغريب....
عضو فى المنبر ( male) فتح بوست عن فلم عجبو فى السنما ..... عدد الردود 0 وعدد الزوار 5
الاغرب من كدا ...
عضوه فى المنبر
فتحت بوست باسم نفس الفلم وبعد كم يوم بس من بوست صاحبنا اعلاه .. عدد الردود 150 وعدد الزوار 500
الشىء المحير ...
الاتنين نزلو نفس الفلم ونفس الكلام ونفس الصور وكتبو بنفس الخط .. |
والله يا {ولي} أنا لي زمن بفكر في الموضوع ده لكن أنا زي ما شايف برلوم وقلت يمكن الكلام في الموضع ده داير أقدمية معينة وعندي دراسة في المسألة عن البوستات المقروءة ... أسبابهاولقيت جد بوستات ال( female ) فيها إنبراشة وده ما بعني حاجة بقدرما بفتح سؤال حول المسألة ...
| |
|
|
|
|
|
|
|
|
|
Re: مادة / موقف في البورد أعجبك .. أدهشك .. أفرحك .. أحزنك .... (Re: Shayma)
|
| Quote: ولفت نظري لي حاجات غريبة في البروفايل ...... |
زي ما قلت ليك يا مايا
أدهشتني
تفاصيل البروفايل في المنبر دة:
الاكلات قبل الاسم الحقيقي
وبعدين هي الاكلات دي لي شنو يعني؟
الجامعة قبل المدارس
وبعدين هي المدارس دي لي شنو يعني؟
الابتدائي بعدين الثانوي حتى المتوسط
الحكمة شنو يعني؟
تاريخ الميلاد في حتة
ومحل الميلاد هنااااااك
الحالة الاجتماعية في حتة
وعدد الاطفال هناااااك
غايتو لكن بروفايل حكااااااية
لكن لغاية هنا كفااااااية
عشان خاطرالباصوورد بتاعي
| |
|
|
|
|
|
|
|
|
|
Re: مادة / موقف في البورد أعجبك .. أدهشك .. أفرحك .. أحزنك .... (Re: Shayma)
|
قبل ما (تقرضي) البوست على صورة كوستاوي
قلنا نلحقك و(ننبرش) ليك
بوست جد لطيف
وبيتناسب مع الحالة الرمضانية النحن فيها دي
ودي فكرة شيماء الاساسية منو
كنت سألتها عن كيف إنها تجرؤ
وتنزل بوستين خطرين كده في وكت واحد
ده
مادة / موقف في البورد أعجبك .. أدهشك .. أفرحك .. أحزنك ....
وده
علامة إستفهــــــــــــــــــــــام
وكانت فكرتها إنو واحد فيهم (ببرد) على أخوهو - وعلينا - بالتالي
أستاذه شيماء
يا بنت دفعتي التي لم ترها عيني
والله أعجبني شديد- وسر بالي وكبر راسي وأداره حتى لم يبق فيه ما يساعد على (أحزنني)-
قولك :
Quote: أعجبتني
بداية قوية لمعتز أحمد في المنبر
في حوار له مع د.بيان (الحقنا بالرابط يا معتز ما لاقية البوست)
ولكن
لا تعجبني
قلة مشاركاته بعدها رغم كثرة ما لديه |
أولاً : ده الرابط يا فردة :
بعد غيبة.... د.بيان تكتب وأنا أرد... بهدووووء لو سمحتم
ثانياً :
قلة مشاركاته (مواضيعه أو بوستاته)
ولا مشاركاته(في بوستات الآخرين)
أحمد الريح مكفيني هم الهلال
بس بجي بقرا كلاموا وأتخارج
وناس السياسة ديل أظنهم ما سمعوا برمضان
لا بفتروا ولا بملوا
أها, ديل مرة مرة بنجادعهم
عندي فكرة بوست عن عبد الوهاب الأفندي
لكن ما حسي
بعد العيد مناااسب
لأنو, صراحة رمضان دخل العضم من أول يوم
ولو جيتي ماشة في شوارع الخرطوم الأيام دي
بتلاقي الناس كلها مسهية ومقهية , راجية الفطور
| |
|
|
|
|
|
|
|
|
|
Re: مادة / موقف في البورد أعجبك .. أدهشك .. أفرحك .. أحزنك .... (Re: Motaz Ahmed)
|
معتز يا صديقي
Quote: قبل ما (تقرضي) البوست على صورة كوستاوي
قلنا نلحقك و(ننبرش) ليك |
دي ما حركات ساكت عشان نجيب الناس الما بتجي الا بالتهديد
لكن بالله يا معتز موضوع الانبراشة دة رايك فيه شنو؟!!
احمد موسى قال عنده فكرة يعمل بوست عن قراءة البوستات
غايتو كان كتب لينا بوست بعنوان (الانبراشة في بوستات البنات)
اظنه يكون حكااية كدة!!
| Quote: والله أعجبني شديد- وسر بالي وكبر راسي وأداره حتى لم يبق فيه ما يساعد على (أحزنني)- |
دة اقل من ظني فيك يا معتز
وتشكر على الرابط
| Quote: أحمد الريح مكفيني هم الهلال |
عارف يا معتز رغم اني ما بفهم في الكورة ابو النوم
الا اني دايما بدخل بوستات احمد الريح سلسلته بتاعة (..... x .....)
عاجباني طريقته السيستيماتيك وتحليله وتنظيمه للبوست وبس
غير كدة ما بفهم اي شي تاني
Quote: عندي فكرة بوست عن عبد الوهاب الأفندي
لكن ما حسي
بعد العيد مناااسب |
خلاص في انتظارك ... وبي طريقتك كدة انتا التزمتا
Quote: ولو جيتي ماشة في شوارع الخرطوم الأيام دي
بتلاقي الناس كلها مسهية ومقهية , راجية الفطور |
| |
|
|
|
|
|
|
| |
Shayma
Mohamed E. Seliaman
عبد المنعم سليمان
Ahmed Yousif Abu Harira
Amir Omer
اشرف السر
طارق جبريل
محمد الطيب حسن
tmbis
عبدالكريم الامين احمد
طلحة عبدالله
حيدر حسن ميرغني
محمد فرح
محمد البشرى الخضر
الطاهر ساتي
هند محمد
Ahmed musa
وليد محمد المبارك
د.محمد حسن
الطاهر عثمان
غادة عبدالعزيز خالد
Sayed Bekab
يوسف الولى
Walid Safwat
Kostawi
Motaz Ahmed
Deng
فيس بوك
تويتر
انستقرام
يوتيوب
بنتيريست