|
بنات الجلابـــــــــــــــــــــــــــــــــــــــــــة فى عهد الأنقاذ
|
واحدة من الأشياء التى دلق فيها كتاب المنبر مداداً كثيراً هى الكتابة عن الجلابة .. ومؤسسة الجلابة .. ومن هو الجلابى ..
لكن لم يكتب إنسان عن بنات الجلابة .. ؟ فى هذا البوست سوف نكتب عن بنات الجلابة:
حينما دخلت الجامعة برلوم جديد لنج؛ جاى من غرب السودان، أستقبلنى خالى والذى هو فى سنى، وقال لى غداً سوف نطوفك بك فى السوق الأفرنجى عشان تشوف بنات الجلابة ! قلت لخالى شفت الجلابة وبناتهم فى مدينة كاقلى (اليوم كادقلى ليس بها ولا حتى جلابى واحد، كلهم هربوا)، وفى مدينة الدلنج وفى مدينة الأبيض ..
قال لى خالى، الجلابة خشوم بيوت .. هنا تشوف الجلابة أسياد الأسم ..
ذهبنا ..
طلبنا عصير برتقال، ثم وقفنا على حافة محلات العصير، لزوم القندفة، ثم تعال شوف كسرنا ركبة ساعتين!
منذ ذلك اليوم حسمت أمرى فى شأن بنات الجلابة .. أنهن لا يشبهننى لا خلقة لا أخلاق ولا ثقافة أو تراث .. وعزمت أن الذى بينى وبينهن لا أكثر ولا أقل من رد التحية بأحسن منها ..
وفى الحقيقة فى ذلك الوقت، فى النصف الأول من الثمانينات، بنات الجلابة كن كما المرأة الأمريكية أو الأوروبية البيضاء .. نادراً ما تفتح قلبها لشيئ أكثر من السلام .. وينطبق عليهن المثل الطيور على أشكالها تقع .. فأنا طير عجمى ليس من ملتهن .. ولا يشبه ريشى ريشهن ولا منقارى مناقيرهن .. والحمد الله أنا قانع بما قسم الله لى ..
كان ذلك أمرهن أو النظرة إليهن حتى أتت الأنقاذ ..
أنتهى ..
بريمة
|
|
|
|
|
|
|
|
Re: بنات الجلابـــــــــــــــــــــــــــــــــــــــــــة فى عهد الأ (Re: محمد النيل)
|
Quote: واحدة من الأشياء التى دلق فيها كتاب المنبر مداداً كثيراً هى الكتابة عن الجلابة .. ومؤسسة الجلابة .. ومن هو الجلابى ..
لكن لم يكتب إنسان عن بنات الجلابة .. ؟ فى هذا البوست سوف نكتب عن بنات الجلابة:
حينما دخلت الجامعة برلوم جديد لنج؛ جاى من غرب السودان، أستقبلنى خالى والذى هو فى سنى، وقال لى غداً سوف نطوفك بك فى السوق الأفرنجى عشان تشوف بنات الجلابة ! قلت لخالى شفت الجلابة وبناتهم فى مدينة كاقلى (اليوم كادقلى ليس بها ولا حتى جلابى واحد، كلهم هربوا)، وفى مدينة الدلنج وفى مدينة الأبيض ..
قال لى خالى، الجلابة خشوم بيوت .. هنا تشوف الجلابة أسياد الأسم ..
ذهبنا ..
طلبنا عصير برتقال، ثم وقفنا على حافة محلات العصير، لزوم القندفة، ثم تعال شوف كسرنا ركبة ساعتين!
منذ ذلك اليوم حسمت أمرى فى شأن بنات الجلابة .. أنهن لا يشبهننى لا خلقة لا أخلاق ولا ثقافة أو تراث .. وعزمت أن الذى بينى وبينهن لا أكثر ولا أقل من رد التحية بأحسن منها ..
وفى الحقيقة فى ذلك الوقت، فى النصف الأول من الثمانينات، بنات الجلابة كن كما المرأة الأمريكية أو الأوروبية البيضاء .. نادراً ما تفتح قلبها لشيئ أكثر من السلام .. وينطبق عليهن المثل الطيور على أشكالها تقع .. فأنا طير عجمى ليس من ملتهن .. ولا يشبه ريشى ريشهن ولا منقارى مناقيرهن .. والحمد الله أنا قانع بما قسم الله لى ..
كان ذلك أمرهن أو النظرة إليهن حتى أتت الأنقاذ ..
أنتهى ..
بريمة |
| |
|
|
|
|
|
|
Re: بنات الجلابـــــــــــــــــــــــــــــــــــــــــــة فى عهد الأ (Re: بريمة محمد)
|
ربما قد تختلفون معى .. أن من حسنات الأنقاذ أن جعلت الناس فى السودان طبقة أقتصادية واحدة لكل الشعب السودانى مع أستثناء شعب الأنقاذ .. تلك الطبقة الواحدة التى أنهكها الفقر والعوز تتعايش مكوناتها ويتفاعلون فيما بينهم تفاعلاً حتمته ظروفهم الأقتصادية المتشابهة .. وأصبح التنافس فى نيل رضا بنات الجلابة لا تحتمه طبقية المال السابقة أو الوضع الأجتماعى بل تحتمه الظروف الأقتصادية الأنية ..
أو على أقل تقدير فإن الغبن المشترك ضد الأنقاذ جعل منهم كتلة موحدة؛ بمثل ما أهملت الأنقاذ فقراء السودان فقد أغتصبت أموال الأغنياء من غير نفيرها ..
مظاهر إنتفاء الطبقة تظهر جلياً فى المجموعات المهاجرة إلى الغرب، وفى بقية الماهجر، فى الغربة جمعتنا بهم ظروف الهجرة التى حتمت عليهم أن يكونوا مع بقية أبناء الشعب السودانى فى جالياتهم وأماكن عملهم ومساكنهم.
لقد أختلط الحابل بالنابل ..
بريمة
| |
|
|
|
|
|
|
Re: بنات الجلابـــــــــــــــــــــــــــــــــــــــــــة فى عهد الأ (Re: بريمة محمد)
|
الجلابة يعرفون الدولار كما يعرفون أبناءهم .. وأبناءهم وبناتهم يولدون على فطرة معرفة الدولار وحبه .. ومن لا يقدس الدولار منهم ليس جلابى وحتى أن تظاهر ..
فالجلابة يترصدون أصحاب الدولار ترصد الأسد لفريسته ..
أحد أصدقائى زار السودان قريباً .. وقال لى .. لو عايز تعرف حب الجلابة للدولار شيل ليك حزمة دولارات (قيمة دولار واحد .. حتى يظهر العدد ربطة كبيرة)، ثم أكثر من عدها أمام ناظرى الجلابة .. ثم أرى ماذا يفعلون !
يركضون نحوك ركضاً كما تركض ورد الحمام إذا أجد حمامها ..
أنتهى مرة أخرى.
بريمة
| |
|
|
|
|
|
|
Re: بنات الجلابـــــــــــــــــــــــــــــــــــــــــــة فى عهد الأ (Re: أسامة الفضل)
|
الأخ أسامة سلامات .. ليس هناك دونية .. بل قل هناك كبرياء .. أعد قراءة النص ..
Quote: منذ ذلك اليوم حسمت أمرى فى شأن بنات الجلابة .. أنهن لا يشبهننى لا خلقة لا أخلاق ولا ثقافة أو تراث .. وعزمت أن الذى بينى وبينهن لا أكثر ولا أقل من رد التحية بأحسن منها ..
وفى الحقيقة فى ذلك الوقت، فى النصف الأول من الثمانينات، بنات الجلابة كن كما المرأة الأمريكية أو الأوروبية البيضاء .. نادراً ما تفتح قلبها لشيئ أكثر من السلام .. وينطبق عليهن المثل الطيور على أشكالها تقع .. فأنا طير عجمى ليس من ملتهن .. ولا يشبه ريشى ريشهن ولا منقارى مناقيرهن .. والحمد الله أنا قانع بما قسم الله لى ..
|
حفاظاً على كينونتى الثقافية والأخلاقية والتراثية .. فضلت أن الذى بينى وبينهن التحية ..
ما ممكن تقرأ النص على غير هذا ..
بريمة
| |
|
|
|
|
|
|
Re: بنات الجلابـــــــــــــــــــــــــــــــــــــــــــة فى عهد الأ (Re: بريمة محمد)
|
Quote: الجلابة يعرفون الدولار كما يعرفون أبناءهم .. وأبناءهم وبناتهم يولدون على فطرة معرفة الدولار وحبه .. ومن لا يقدس الدولار منهم ليس جلابى وحتى أن تظاهر ..
فالجلابة يترصدون أصحاب الدولار ترصد الأسد لفريسته ..
أحد أصدقائى زار السودان قريباً .. وقال لى .. لو عايز تعرف حب الجلابة للدولار شيل ليك حزمة دولارات (قيمة دولار واحد .. حتى يظهر العدد ربطة كبيرة)، ثم أكثر من عدها أمام ناظرى الجلابة .. ثم أرى ماذا يفعلون !
يركضون نحوك ركضاً كما تركض ورد الحمام إذا أجد حمامها ..
أنتهى مرة أخرى.
بريمة |
| |
|
|
|
|
|
|
Re: بنات الجلابـــــــــــــــــــــــــــــــــــــــــــة فى عهد الأ (Re: بريمة محمد)
|
..وفى الحقيقة فى ذلك الوقت، فى النصف الأول من الثمانينات، بنات الجلابة كن كما المرأة الأمريكية أو الأوروبية البيضاء .. نادراً ما تفتح قلبها لشيئ أكثر من السلام .. وينطبق عليهن المثل الطيور على أشكالها تقع .. فأنا طير عجمى ليس من ملتهن .. ولا يشبه ريشى ريشهن ولا منقارى مناقيرهن .. والحمد الله أنا قانع بما قسم الله لى ..
يا عمك كونك قليل فهم ده مفهوم في إطار إنه الفهم قسمة و نصيب لكن أن تفشل في إيصال فكرة بهذه الطريقة فهذه لا يمكن قبوله . أي قارئ لعبارتك الواردة أعلاه بيفهم المقاربة بين ما اسميته بنات الجلابة ة الأمريكية البيضاء و أنا و أنت نعيش في أمريكا و نفهم هذه المقاربة . و وصفك لنفسك بأنك طير و عجمي كمان و أنك راض بما قسم الله لك يدل على أنه حالتك صعبة .
إنت مصاب بالدونية و في مرحلة يصعب علاجها . شفاك الله . كما أنك ساذج لدرجة لا يمكن إصلاحها
| |
|
|
|
|
|
|
Re: بنات الجلابـــــــــــــــــــــــــــــــــــــــــــة فى عهد الأ (Re: أسامة الفضل)
|
الإخوة السودانين ديل لمن يهاجروا للغرب ( مش دار غرب بتاعتك يا بريمة) و خاصة أمريكا بيقدروا كيف يعيشوا في كبسولة خاصة و يظلوا بنفس التخلف الجو بيه من قراهم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
الناس تبحث عن البديل الديمقراطي و دولة المساواة و الحقوق و أخونا قانع من الأنقاذ بأنها ذلت من كان عصيا عليه و جعلت بنات الجلابة هدفا يمكن للطير العجمي الوصول إليه
عرفتوا لشنو نحن في 2011 في ما نحن عليه الآن؟؟؟؟؟؟؟؟؟؟؟؟؟
| |
|
|
|
|
|
|
Re: بنات الجلابـــــــــــــــــــــــــــــــــــــــــــة فى عهد الأ (Re: أسامة الفضل)
|
Quote: فأنا طير عجمى ليس من ملتهن .. ولا يشبه ريشى ريشهن ولا منقارى مناقيرهن |
طالما القصة جابت ليها طيور وريش ومناقير ما عارف تكون سمعت بقصة المثل ده ام لا ( حمام البرمة مابيمشي مع حمام الصفيحة)
على فكرة ده مثل جلابي بحت وعندو مناسبتو كمان...
حمام البرمة يابريمة تغذيتو جيدة لانوا البرمة باااااارده ومرطبة واهلوا مهتمين بيهو عشان كده ما بطير من البرمة سريع... ولمن يطلع بيكون حمام زي الحمام،،،، ورجلينوا مليااانه ريش وقليل البيشبهو.....اما بالنسبة لحمام الصفيحة ...بيكون تعبان وتغذيتو تعباااانه لانو الصفيحة مسخنة شديد و بتخليهو يستعجل المرقة منها والطيران كمان، وتلقي رجلينو معصباااات وناااااشفاااات وعدمانه الريشة...
Quote: وأصبحن نهباً لكل من هب ودب .. |
في دي بقول ليك كل فولة وليها كيالا ...
| |
|
|
|
|
|
|
Re: بنات الجلابـــــــــــــــــــــــــــــــــــــــــــة فى عهد الأ (Re: خـالد سـوميت)
|
Quote: أحد أصدقائى زار السودان قريباً .. وقال لى .. لو عايز تعرف حب الجلابة للدولار شيل ليك حزمة دولارات (قيمة دولار واحد .. حتى يظهر العدد ربطة كبيرة)، ثم أكثر من عدها أمام ناظرى الجلابة .. ثم أرى ماذا يفعلون !
يركضون نحوك ركضاً كما تركض ورد الحمام إذا أجد حمامها ..
|
تحت أي تأثير يكتب الاخ بريمة؟ انا متبرع عليك بأقامة اسبوع بمنتجع أم ضوبان السياحي يا جنك دا مرق يا منو العوض وعلية العوض
| |
|
|
|
|
|
|
Re: بنات الجلابـــــــــــــــــــــــــــــــــــــــــــة فى عهد الأ (Re: أسامة الفضل)
|
الأخ أسامة هدئ من روعك يا زول .. أنت لا تستطيع أن تكتب أو تتحمل ما يكتب خارج إطار راحتك النفسية .. Comfort zone وبالتالى يصعب عليك تفهم ما أكتب هنا ..
Quote: يا عمك كونك قليل فهم ده مفهوم في إطار إنه الفهم قسمة و نصيب لكن أن تفشل في إيصال فكرة بهذه الطريقة فهذه لا يمكن قبوله . أي قارئ لعبارتك الواردة أعلاه بيفهم المقاربة بين ما اسميته بنات الجلابة ة الأمريكية البيضاء و أنا و أنت نعيش في أمريكا و نفهم هذه المقاربة . و وصفك لنفسك بأنك طير و عجمي كمان و أنك راض بما قسم الله لك يدل على أنه حالتك صعبة . |
حاجتين فى مداخلتك أعلاه: حينما كتب شاعر البطانه، بادى، أن صحت ذاكرتى قصيدته الحلمنتيشية : يا أصحاب البرج العاجى سلام .. هل كان يقصد بها دونية لنفسه؟؟ .. لا .. كان يقرر حالة قائمة، هناك أصحاب برج عاجى. وهنا علينا أن نفند هل هناك أصحاب برج عاجى أم هو كذاب .. كذلك هنا حينما أقارب وصف بنات الجلابة قبل الأنقاذ بالأمريكية أو الأوروبية البيضاء .. تقرير حالة .. وعليك أن تصارع هذه المقاربة فى صحتها أو عدمها.
نأتى إلى مضوع الدونية .. وأنا مولع جداً فى بحث موضوع الدونية، وشهد المنبر دواس عنيف حينما كتبت بوست: الدونية فى فكر منسوبى السودان الجديد .. ففكرة السودان الجديد تنبنى على وجود أن هناك من هو أعلى كعباً وأرفع شأنا وقدراً ويجب مقارعته وهزيمته حتى يأخذ أصحاب الحقوق المهضومة حقوقهم .. تلك دونية فكرية.
كونك تستدل أيضاً بكونى طير أعجمى بين بنات الجلابة وأيضا أستدلالك بكلمة الحمد الله .. على كونها دونية تقصير فى فهمك .. ثلاثة مواضع فى حياتى وصفت فيهن نفسى بالطير الأعجمى .. حينما سافرت أوروبا فى التسعينات وكنت الطالب الوحيد ذو البشرة السمراء وسط طلاب من 18 دولة فى القسم .. وذهبوا بنا فى أول يوم لحضورى فى رحلة علمية وكان الجليد فوق الركب .. فجلست القرفصاء فى البص ورفضت النزول نهائياً .. حتى أمر الأستاذ الطلاب بأنتشالى نشلاً من البص ومرقونى فى الجليد حتى تعفرت ملابسى .. غير طير أعجمى تقول عنى شنو؟ .. حصل لى نفس الشيئ حينما حضرت للولايات المتحدة، لم أتصل بأنسان وكنت أريد أن أستكشف الأشياء بنفسى .. فتهت أيام .. القصة طويلة ..
كلمة الحمد الله .. أخرجها السودانيون نتيجة ظروفهم المعيشية الصعبة إلى حيز أخر بدل الشكر إلى القناعة بالكفاف .. يعنى صار الأنسان الذى يقول الحمد الله فقير .. أو ######## القدر .. وهذا خلط عجيب ..
ولو تأملت مرة أخرى مجمّل النقطة التى تحاول قراءتها تجد أننى أرى أن الذى أشاهده فى تلك اللحظات شيئ لا يعجبنى ولا يمثلنى .. رغم إننى أقر أنه شيئ قائم بذاته وله خصائصه .. ووجود أشياء مختلفه، ثقافتى وثقافة الجلابة، لا يقرر أن إحد الشيئين أفضل من الأخر إلا فى نظر أصحابه وكنت أرى أفضلية ثقافتى .. ودا موضوع قائم بذاته.
بريمة
| |
|
|
|
|
|
|
Re: بنات الجلابـــــــــــــــــــــــــــــــــــــــــــة فى عهد الأ (Re: بريمة محمد)
|
الأخ نوفل سلامات ..
Quote: سلامات بريمه لم تتضح لي فكرة البوست حتي الان.. رغم اني اعرف اسلوبك المتزن في تناول الاشياء ننتظر حتي أكتمال البوست او الفكره .. ثم نعود للمداخلات |
فكرة البوست هى أن بنات الجلابة قبل الأنقاذ وبعد الأنقاذ تبدل حالهن من حال إلى حال .. وحصل نفس الشيئ بالنسبة لكل شرائح المجتمع السودانى، هل من يناقض هذه الحقيقة.
فإذا عرفنا تبدل حال الشعب السودانى بأكلمة، إذن ما هو التبدل الذى طرأ لحال شريحة بنات الجلابة؟ .. وأظن كشف النواحى الأجتماعية فى سلوك شريحة بنات الجلابة يؤكد إلى أى مدى أختل تماسك طبقات المجتمع، مع أنى أقر أن أنتهاء عهد الطبقية الأجتماعية فى حد ذاته بادرة طيبة تقود إلى إعادة تشكيل هذا المجتمع السودانى بصورة ليس فيها عدم تجانس طبقى أجتماعى بل هناك تجانس طبقى أقتصادى أشبه بما يقول به الماركسيون، ومعالجة الأوضاع الأقتصادية أسهل من معالجة سلوكيات المجتمع.
بريمة
| |
|
|
|
|
|
|
Re: بنات الجلابـــــــــــــــــــــــــــــــــــــــــــة فى عهد الأ (Re: بريمة محمد)
|
ول أبا أحمد عالم ليك وحشة ..
Quote: ول ابا بـريمة
سـلامات،،
هـسي دي شـماتة ولا نحسبها كيف :) |
أنزال الأنقاذ لبنات الجلابة من برجهن العاجى تقرير حالة .. لم يعدن كما كن فى السابق، وبالتالى يمكننا التعسف على حالهن كالتعسف على حال أى سودانى أخر فيما بعد الأنقاذ.
لكن هذه الحالة تهمنى وأعتبرها بصورة أو أخرى واحدة من الحسنات الخفية للأنقاذ بأنها هدت الطبقية الأجتماعية وأفرخت مناخ الطبقة الأقتصادية.
تحياتى
بريمة
| |
|
|
|
|
|
|
Re: بنات الجلابـــــــــــــــــــــــــــــــــــــــــــة فى عهد الأ (Re: بريمة محمد)
|
والله يا بريمة إنت ألذ زول هنا ياخي والله كتلتني بالضحك والناس علشان عارفنك أشتر ما زعلوا منك تعرف عندي أخوي الصغير إتعلم دورب سودانيز أون لاين وأصبح من قرائها، تعرف قال لي شنو؟ قال لي عندو كاتبين مفضلين في سودانيز أون لاين بريمة محمد آدم وهشام هباني، هسا أنا يادوب عرفت أخوي معجب بكتابتك ليه هاهاهاها
Quote: طلبنا عصير برتقال، ثم وقفنا على حافة محلات العصير، لزوم القندفة، ثم تعال شوف كسرنا ركبة ساعتين!
|
يا بريمة طبعاً قلتوا لي بتاع العصير: أدينا عصير برتكان بالمكنة صاح؟! هاها لانو أولاد الغبش لمن يدخلوا الجامعة بقولوا للخلاطة مكنة والكلمة دي كانت بتكتلني بالضحك
واصل ونحن متابعين باستمتاع، وبعدين يا بريمة إذا كان الأمريكيات البيضاويات بشخطوا ليك دا ما معناهو كلهن كذلك فهذا التعميم مخل، والله الأمريكيات سوداوات وبيضاوات كلهن واحد وتختهم على جرح السكري يطيب.
تحياتي
| |
|
|
|
|
|
|
Re: بنات الجلابـــــــــــــــــــــــــــــــــــــــــــة فى عهد الأ (Re: أسامة الفضل)
|
توضيح بسيط لأخينا في الوطن بريمة و للقراء الكرام : تداخلي في هذا البوست لم أقصد به الدفاع عن الجلابة و بناتهم ولم أقصد به أيضا تسفيه " آراء" أخينا في الوطن بريمة إن كان هذا الطرح يسمى رأيا . فأنا لا أعتبر نفسي جلابيا بكل المفاهيم التي يمكن أن يفسر تحت إطارها هذا المصطلح .كما أنني سبق أن دافعت عن بريمة ليقيني أنه تعرض لما يمكن تسميته تعدي لفظي عنصري و هذا مربط الفرس . أنا ضد العنصرية و لا أعتبر أن أحدا أحسن من أحد - في هذه الدنيا الفانية - أو أقل منه إلا بمقياس خلقه و إنسانيته . و العنصرية لها وجوه عديدة منها التعالي و منها الدونية التي يمارسها أخونا في الوطن بريمة . و الدونيون عنصريون حتى النخاع و هم الأسوأ بلا شك لأنهم لا يتورعون عن الإنتقام ممن يحسون بأنه يمارس عليهم هذه العنصرية . تدخلي في هذا البوست يأتي لأن أخونا بريمة و بعد أكثر من 30 سنة في أوروبا و أمريكا لا يعرف ممارسة ما يعرف ب political correctness و هو ما يعرف في أدب خلق الله العادية بالحساسية في استخدام اللغة عند الحديث عن مجموعات ثقافية - دينية = إثنية ....... أخري . يعني لا يمكن لشخص حصيف عاقل يتحدث عن أن بنات القبيلة أو المجموعة الإثنية الفلانية أصبحن نهبا لكل من هب و دب و يكون بيفهم في أي شيئ في الدنيا دي و خاصة عندما يأتي هذا الحديث في وقت يتحدث فيه الناس عن التغيير و عن ثورة الهامش ... ماذا يريد بريمة من هكذا حديث غير أن يؤجج عدم الثقة بين المجموعات الإثنية . بالله كيف يمكن لي انا البسيط ده ان أطالب لنفسي و لبريمة بنظام يكفل لنا سويا حقوقا و واجبات متساوية و أنا أعرف أن كل هم بريمة هو أن ينتقم لنفسه من أيام الحرمان التي كانت فيها بنات الجلابة لا يقبلن منه إلا السلام . هذا الكلام يا بريمة إن قلته ساذجا فأنت تهرف بما لا تعرف يا أخينا في الوطن و إن كنت تعرف فإنك به تخدم أجندة تعزز الفرقة و الشتات و تزيد أوجاع وطن مبتلي ببنيه. __________________
أبو حريرة كيفك يا أخي .
| |
|
|
|
|
|
|
Re: بنات الجلابـــــــــــــــــــــــــــــــــــــــــــة فى عهد الأ (Re: Deng)
|
العبار بريمة بلل.
ما حدث لك في الخرطوم أعتقد بأنها تجربة طبيعية وعادية جدا لأبناء الأقاليم الذين ينتقلون الى العيش في العاصمة لغرض الدراسة أو العمل. وذلك لأن طروف الحياة في العاصمة تختلف كثيرا عن ظروف الحياة في الأقاليم، خصوصا لو كان ذلك الشخص الأقليمي متمرد مثلك ولا يرغب أن يتماشى مع أسلوب الحياة في العاصمة. لذلك أتوقعك أن تحكي لنا عن تجارب صعبة حدثت لك في الخرطوم. وواضح جدا بأنك قد تعرضت لعدة شواكيش من بنات الخرطوم. لذلك أنت تفتح هذا البوست بمثل هذا العنوان العجيب. حدثنا عن تجربتك في العاصمة ولا تركز على موضوع "بنات الجلابة" ده . أكيد الناس ممكن تتفهم قصدك. أنا غايتوا شمتان فيك لأن بنات الخرطوم أدبوك أدب المدايح.
سؤال غير برئ:
هل كانت لك صداقاات مع الجنس الأخر؟
| |
|
|
|
|
|
|
Re: بنات الجلابـــــــــــــــــــــــــــــــــــــــــــة فى عهد الأ (Re: أحمد ابن عوف)
|
Quote: الجلابة يعرفون الدولار كما يعرفون أبناءهم .. وأبناءهم وبناتهم يولدون على فطرة معرفة الدولار وحبه .. ومن لا يقدس الدولار منهم ليس جلابى وحتى أن تظاهر ..
فالجلابة يترصدون أصحاب الدولار ترصد الأسد لفريسته ..
أحد أصدقائى زار السودان قريباً .. وقال لى .. لو عايز تعرف حب الجلابة للدولار شيل ليك حزمة دولارات (قيمة دولار واحد .. حتى يظهر العدد ربطة كبيرة)، ثم أكثر من عدها أمام ناظرى الجلابة .. ثم أرى ماذا يفعلون !
يركضون نحوك ركضاً كما تركض ورد الحمام إذا أجد حمامها .. |
غايتو يا بريمه يا اخوي في القروية جملتك دي متساوية للشبق بتاعة منعم ديك و مترادف لها في الاتجاه
| |
|
|
|
|
|
|
Re: بنات الجلابـــــــــــــــــــــــــــــــــــــــــــة فى عهد الأ (Re: تولوس)
|
الأخ تولوس سلامات ..
Quote: مداخلة خبيثة لا علاقة لها بموضوع البوست تنم عند غل وحقد وعنصرية ... وجنس الكلام ده هو الكتل المرحوم محمد طه |
لقد أصبت كبد الحقيقة، الأخ محجوب أخرج كلامى من صياغه بصورة غريبة .. يبدو أن الأمر أمانى تراوده أن أخوض فى أعراض الناس.
حقيقة الأمر هنا أن بنات الجلابة كعزيز قوم زل فى عهد الأنقاذ ..
بريمة
| |
|
|
|
|
|
|
Re: بنات الجلابـــــــــــــــــــــــــــــــــــــــــــة فى عهد الأ (Re: أسامة الفضل)
|
الأخ أسامة والله يا ليتك لم تكتب هذا الدش الخالى (الوفاض) من أى منحى يخص البوست ..
كتب شخصى من قبل عن: بنات البقارة، وعن الجنوبية كزوجة، وعن الجنوبيات والحرية درت .. بعد قدوم القائد جون قرنق إلى الخرطوم .. وكتبت عن الفور عرب .. وعن المساليت عرب .. وعن الدواليب عرب. أيضاً كتبت عن الأنجيرة، ملاح الكول وعن التركينج .. وكلها كتابات تبحث فى نسيج وثقافة وتراث المجتمع السودانى .. وأظن لا حرج أن كتبت عن بنات الجلابة ..
مشكلتك أنك لا تستوعب منطلقات تفكيرى .. وفى هذه الحالة من الأفضل لك أن تخرج شخصى (شخص الكاتب) وتبحث فى حيثيات الموضوع المكتوب .. غير كده الله يعلم أنت لا تفقه بريمة يقول فى شنو ورامى وين إلى أن يغيض الله لك قبس من عنده.
بجيكم راجع أنا مزنوق فى دوام ..
بريمة
| |
|
|
|
|
|
|
Re: بنات الجلابـــــــــــــــــــــــــــــــــــــــــــة فى عهد الأ (Re: أسامة الفضل)
|
يابريمة
كلمة جلابة أصبحت لها عدة تعريفات كلها لاتستند على العلم والواقع..
فياخى عشان تكتب عن الجلابة وبناتهم المفروض أول حاجة تعرف كلمة جلابة وترسم الحدود التى تؤطر هذه الطبقة..
ناس السودان الجديد كلمة جلابة عندهم بتعنى قبائل بعينها تنتمى للشمال والوسط..
وهناك من يرى أن الجلابة لفظ ذا مدلول اقتصادى بحت..
وهناك من يرى أنها طبقة إجتصادية غير ثابتة تتغير بتغير ظرفها ودخلها المالى..
فالجلابة إن أريد بها الطبقة الإجتصادية العليا فى السودان فهى متغيرة حسب الحظ من السلطة والثروة,
وبالتالى يكون لكل عهد جلابته وبنات جلابته..
أما الإنحلال الأخلاقى ليس صنوا لحالة التدحرج من طبقة الجلابة وإنما هو صنو للتطلعات العالية التى لاتسندها مقومات إقتصادية..
أتمنى ألا تكون بتكتب متأثرا بفلم سواق الهانم!!!
| |
|
|
|
|
|
|
Re: بنات الجلابـــــــــــــــــــــــــــــــــــــــــــة فى عهد الأ (Re: بريمة محمد)
|
نقطة نظام لو سمحتو:
اتمني الناس ما تشطح او تسرح بيها الظنون بعيد.
بريمة ما عندو اي افكار احتقار او كراهية او ايا من هذا للجلابة او الجلابيات، واي زول افتكر كده، بي بساطة فهم خطأ تماما.
الرجل باختصار كمجولب منبهر علي العكس بي شخصية الجلابي مش محتقر!
كلامو عن وضع الجلابية زمان او هسا بي فهمو، ليس فيه قدح اطلاقا او مساس، وانما بالعكس كالمعتاد او متوقع، انبهار.
ارجوكم ما تبهتو الراجل، او يامحجوب عبدالله عيب محاولات توريطك لي بريمة، بي كلامك الغير مسؤول عن الشبق وما شابه.
بريمة عارفك حتنكر كلامي عن الانبهار، فخليها تعدي او واصل كالمعتاد.
| |
|
|
|
|
|
|
Re: بنات الجلابـــــــــــــــــــــــــــــــــــــــــــة فى عهد الأ (Re: أسامة الفضل)
|
ههـــا... نعمل شنو مع ناس المعلبات ديل؟ يا اخي اقرأ كلامي ده تاني و لو استعصي عليك الفهم حأشرحو ليك. و لا اقول ليك بالمرة خليني اشرحو ان كان فيه التباس لاخرين. الاخ بريمه بيصف مجموعة معينة بأنهم في سبيل الدولار ممكن يعملو اي شئ ... اي انهن رخيصات بمعني الكلمة. و لك ان تتصور ماذا يعني هذا الكلام و هل يختلف عن المرجعية التي ذكرتها اعلاه. اليس هذا الكلام سئ؟ و هذا هو وجه الشبه الذي اردته في المقارنة.
| |
|
|
|
|
|
|
Re: بنات الجلابـــــــــــــــــــــــــــــــــــــــــــة فى عهد الأ (Re: Bashasha)
|
ينسجم البوست لو تعدل العنوان الى: (الحنكوشات...........)، بدلاً من الجلابة تجربة بريمة مر بيها شاعرنا ود بادي:
مصايب الجامعة اكبر من كتير الشفتو ولا عرفتو فى ايامى الخوالى قعاد الكرسى كان شفتيهو ورم ساقى ذى سيد الزلالى اقلب فى الدفاتر من صباحا بدرى لامن تمسى مابنسى انشغالى واسوق الليل تحت ضو الكهارب ديمه هارب وهادو حالى وده كلو عشان اجيب نمرا انافس بيها واستر بيها حالى سلاطين العلم يايمه ينسوا العشرة فى فد يوم يدفروك بره ذى دفر الطبالى
واخير افتح اضانك قبل ما تلقينى فوق اضنى ملويات حبالى خايف ينكسر سرجى وتنبهل قربى الملانه وكمان تطفش جمالى وكان حصل القدر يايمه ما تلومونى .. ذنبى على البنادر خيرا اقوى على احتمالى
بناتن فيها رويانات جسومن بالدهون تلصف بلا جلود السحالى شعورن ديمه بالحزم الكبار مردمه فوق قفاهن وا حلالى عيونن واسعه تبلع ميه ذى ولدك ... تشرك للموحدى والضلالى عدادن ما بخبرو وعلا وين ما بمشى بلقاهن قبالى دريبن نقره نقره وما بخلن من اتر واطيات على المشطوف وعالى رقيصن ينهزنو بلا الفلو اللوماتو غابن منو فى عز الضهارى يجمع فى قفاهو وينطرح يتلطش مفاصلو الفاق جبارى عشوقن فى الرقيص يتلوى ذى سيد المقص ساعة تبقى فى حالة طوارى
قراءة سليمة من دينق:
Quote: ما حدث لك في الخرطوم أعتقد بأنها تجربة طبيعية وعادية جدا لأبناء الأقاليم الذين ينتقلون الى العيش في العاصمة لغرض الدراسة أو العمل. وذلك لأن طروف الحياة في العاصمة تختلف كثيرا عن ظروف الحياة في الأقاليم، خصوصا لو كان ذلك الشخص الأقليمي متمرد مثلك ولا يرغب أن يتماشى مع أسلوب الحياة في العاصمة. لذلك أتوقعك أن تحكي لنا عن تجارب صعبة حدثت لك في الخرطوم. وواضح جدا بأنك قد تعرضت لعدة شواكيش من بنات الخرطوم. لذلك أنت تفتح هذا البوست بمثل هذا العنوان العجيب. حدثنا عن تجربتك في العاصمة ولا تركز على موضوع "بنات الجلابة" ده . أكيد الناس ممكن تتفهم قصدك. أنا غايتوا شمتان فيك لأن بنات الخرطوم أدبوك أدب المدايح. |
| |
|
|
|
|
|
|
Re: بنات الجلابـــــــــــــــــــــــــــــــــــــــــــة فى عهد الأ (Re: mohmed khalail)
|
يا اخوانا الزول دا ادقس، بنات الجلابة (ناس البرج العالي) ما بمشو ولا بقيفوا في حتة بريمة القادم الجديد بكون بشرب فيها عصير في برنده ولو كانت في السوق الافرنجي لوووول
كدي اوصف لينا الشفتهن ديل يا بريمة عشان نصنفهم ليك صاح
يا بريمة، بنات الجلابة (ناس البرج العالي) لمن الواحدة دايره تمشي مشوار زيارة ومضطرة تركب تاكسي برسلوا معاها (......) قول لي لييه؟؟ لييه؟؟ سالتني، طيب النجاوب ليك، عشان (......) ينزل ويدق باب الناس الماشه ليهم، الغرض موش عشان بس يدق الباب الفكرة انو لو الباب فتحو (......) الناس الماشة ليهم وفي معظم الاحوال دا البحصل ، وطلع الناس ديل مافي وكده ما ياخد ويدي معاها في الكلام ولو جو نقول انتي منو .. وللا عندك وصية ليهم، لا لا لا، عشان ما تاخد وتدي مع (......) الناس، هنا بتجي مهمة (....) المشى معاها، هو اللي ياخد ويدي مع (.....) التاني وهي قاااعدة في تكسيها
قلت لي برندة في السوق الافرنجي
| |
|
|
|
|
|
|
Re: بنات الجلابـــــــــــــــــــــــــــــــــــــــــــة فى عهد الأ (Re: أحمد ابن عوف)
|
يا بريمة، بنات الجلابة (ناس البرج العالي) لمن الواحدة دايره تمشي مشوار زيارة ومضطرة تركب تاكسي برسلوا معاها (......) قول لي لييه؟؟ لييه؟؟ سالتني، طيب النجاوب ليك، عشان (......) ينزل ويدق باب الناس الماشه ليهم، الغرض موش عشان بس يدق الباب الفكرة انو لو الباب فتحو (......) الناس الماشة ليهم وفي معظم الاحوال دا البحصل ، وطلع الناس ديل مافي وكده ما ياخد ويدي معاها في الكلام ولو جو نقول انتي منو .. وللا عندك وصية ليهم، لا لا لا، عشان ما تاخد وتدي مع (......) الناس، هنا بتجي مهمة (....) المشى معاها، هو اللي ياخد ويدي مع (.....) التاني وهي قاااعدة في تكسيها
الكلام ده غير مقبول إطلاقا يا أحمد و لا يختلف في عنصريته عن كلام بريمة
| |
|
|
|
|
|
|
Re: بنات الجلابـــــــــــــــــــــــــــــــــــــــــــة فى عهد الأ (Re: أسامة الفضل)
|
Quote: يا بريمة، بنات الجلابة (ناس البرج العالي) لمن الواحدة دايره تمشي مشوار زيارة ومضطرة تركب تاكسي برسلوا معاها (......) قول لي لييه؟؟ لييه؟؟ سالتني، طيب النجاوب ليك، عشان (......) ينزل ويدق باب الناس الماشه ليهم، الغرض موش عشان بس يدق الباب الفكرة انو لو الباب فتحو (......) الناس الماشة ليهم وفي معظم الاحوال دا البحصل ، وطلع الناس ديل مافي وكده ما ياخد ويدي معاها في الكلام ولو جو نقول انتي منو .. وللا عندك وصية ليهم، لا لا لا، عشان ما تاخد وتدي مع (......) الناس، هنا بتجي مهمة (....) المشى معاها، هو اللي ياخد ويدي مع (.....) التاني وهي قاااعدة في تكسيها
|
أحمد بن عوف سلام..
دقيت الدلجة شديد ياخ..
أتفق مع الاخ اسامة بان هذا الكلام غير مقبول تماما..
| |
|
|
|
|
|
|
Re: بنات الجلابـــــــــــــــــــــــــــــــــــــــــــة فى عهد الأ (Re: أسامة الفضل)
|
الاخ اسامة
Quote: الكلام ده غير مقبول إطلاقا يا أحمد و لا يختلف في عنصريته عن كلام بريمة |
هذه بضاعته ردت اليه
هو ساكت كده بريمة داير يفك ليه كلام ويقعد يلفلف ويدور وانا ما قصدت الفهمتو ، انتو فاهمين غلط بريمة انا بفهمو صاح، ينضم في الجلابة زي ما داير، وانا زاتو ممكن ازيده كيل بعير في الجلابة ناس ملاعين و و وو ، الا قصة البنات دي بتجيب حتات مافي ليها داعي ودا مقصد بريمة الاساسي عشان كده قلنا نوريهو يعنو شنو بنات الجلابة ناس البرج العالي
وبختها ليهو عديييل كده، والله موش يبقى مليان دولارات، يكون شايل معاهو مفاتيح خزائن قارون زاتو لا بنكسرن ليهو ولا بسكوهو
| |
|
|
|
|
|
|
Re: بنات الجلابـــــــــــــــــــــــــــــــــــــــــــة فى عهد الأ (Re: بريمة محمد)
|
يا جماعة ما تعصروا على اخونا بريمة شديد, بريمة قصد ان يتحدث عن التحولات الاجتماعية و الاقتصادية فى عهد الانقاذ و اثارها على الطبقات فى الخرطوم, من و جهة نظر سشيوكنوميك بحتة و استعان بريمة بشريحة معينة لاجراء دراسته, صحيح هو لم يتبع اى منهج علمى ليصل الى نتائج علمية, و لكن فى كل الاحوال تصبح هى دراسة ظاهرة, لا تتاثر باختلاف منهج و اسلوب الباحث. كلنا ندرك مدى الهزة الاجتماعية العنيفة التى احدثتها الهجرة من الريف الى الحضر حتى من قبل مجيئ الانقاذ, سنوات الجفاف و التصحر و ظهور الاحياء الكرتونية التى تحيط بالعاصمة, الوضع الاقتصادى الضاغط فى الكنتونات الجديدة اضطر حرائر القبائل العربية التى هاجرت الى الخرطوم النزول الى السوق و المكابسة مع خلق الله من اجل العيش الكريم بالطبع نجم عن هذا الوضع افرازات بعضها سلبية و بعضها ايجابية, مما دعى الكاتب الطيب صالح ان يتسائل " امازلن الحرائر يتسولن فى سوق ليبيا؟ " و اردف قائلا "من اين اتى هؤلاء"؟؟ نفس الشيئ يقال عن الطبقات الاقتصادية الاخرى و التى قطعا يعنيها بريمة فى مقاله. قبل الانقاذ معروف ان اقتصاد الخرطوم كان تتحكم فيه طبقات راسمالية مختلفة انا ما عايز اسميها لكن هى قطع شك غير كيزانية , و ربما تجربة بريمة بدات مع هذه الطبقات, تعمدت الانقاذ القضاء على هذه الطبقات الغنية حتى يتثنى لها السيطرة على الوضع الاقتصادى, فاتبعت سياسات التمكين و محاربة الغلاء و الدولار..الخ السياسات التى مكنتها من تحقيق اغراضها, و اردفت على ذلك سياسات التحرير الاقتصادى التى ابتدرها عبد الرحيم حمدى فحصل الابدال و الاحلال, نتج عن ذلك خلخلة التركيبة الاقتصادية لسكان الخرطوم فمعظم الطبقات الغنية السابقة ان لم تكن هاجرت خارج البلاد, عاشت اوضاع اقتصادية متساوية مع بقية طبقات المجتمع, بل انقسم المجتمع الى طبقتين طبقة الكيزان و الطبقة الاخرى, صدف ذلك انتشار الجامعات و سهولة الاتصال و المواصلات كلها عوامل زادت من و تيرة التحول الاجتماعى و الاقتصادى على حد سواء, يضاف الى ذلك ضغوطات الوضع المعيشى و هذا ما رمز اليه بريمة فى مقاله بالدولار, المسالة ما فقط حب دولار, الجميع يتساوى فى حب الدولار و لكن المسالة لها علاقة بالوضع الاقتصادى يا بريمة! من نتائج ذلك ايضا اندماج المجموعات غير الكيزانية لمجابهة التحديات , فحصلت الهزة و بالطبع ان لهذه الخلخلة افرازات و نتائج على نحو ما ابنا سابقا كشان اى وضع اجتماعى جديد و بالتالى لا نستطيع ان ننفى حدوث اى سيناريو كافراز لهذا التحول, المتابع للصحف الاجتماعية و ردهات المحاكم القضائية يستطيع ان يتبين نتائج ذلك, بالاضافة الى شهادات الدكتور عبد الهادى و افاداته بانه اجرى حوالى ال 10000 الف عملية انزال و اجهاض فى الخرطوم و عندما سئل عن ايهما اكبر نسبة بنات الاقاليم ام بنات الخرطوم ذكر بان بنات الاقاليم عادة يتقيدن بعادات و تقاليد تفضى الى الزواج المبكر و بالتالى النسبة الاكبر هى نسبة الطالبات الجامعيات من الخرطوم و زوجات المغتربيين. فارجو ان نبتعد عن اعمال العاطفة ان اردنا ان نتحدث عن اى ظاهرة لان الاعتراف بوجود الشيئ هو اولى خطوات علاجه . بريمة لم ياتى بشيئ من عنده لان هذا هو الواقع . وجود المايقوما ايضا يعد من العلامات البارزة لهذا التحول. مشكلة بريمة انه يتحدث دوما عن المسكوت عنه.
| |
|
|
|
|
|
|
Re: بنات الجلابـــــــــــــــــــــــــــــــــــــــــــة فى عهد الأ (Re: الصادق الزين)
|
Quote: كلامك مقبول يا بشاشا في موضوع الإنبهار و لكن يا عزيزي الإنبهار و الكراهية ليسا على طرفي نقيض فالمنبهر يمكن أن يكره من هو منبهر به. |
اسامة تحياتي،
مافاهم كيف الانبهار والكراهية يجتمعو في قلب ذات الانسان؟
مستحيل طبعا.
الانبهار فوق للمحبة درجة، والمحبة والكراهية ما ممكن يصدرو في ذات اللحظة من ذات الشخص.
حتي ما تسميه انت كراهية لما تصدر من انسان مضطهد، فليست هي بكراهية او "عنصرية" مضادة كما صورت الامر، وانما مجرد ردفعل او بالتالي دفاع عن النفس او مش عنصرية كما صورتا.
بل اكتر من كده، المهمش البكره كرد فعل، هو في مرحلة وعي متقدمة، من المكتفي بالانبهار، في حالة بريمة، الاصلا طيب بطبعو لانو قروي "زي حالنا"!
معليش زكينا روحنا ولكن دي حقيقة!
القروي كقاعدة زول طيب!
| |
|
|
|
|
|
|
Re: بنات الجلابـــــــــــــــــــــــــــــــــــــــــــة فى عهد الأ (Re: Bashasha)
|
تحياتي بشاشا
عندما يعجز المنبهر عن الوصول لمكانة من هو منبهر به - علميا .. ماليا .. إجتماعيـا ...... فقد يتحول الإنبهار لحسد و غيرة ثم إلي كراهية . لاحظ معي أن سبب الإنبهار هنا موضوع إثني لا يمكن تغييره فالناس يولدون و هم ينتمون لعرق و لا يمكنهم تغيير ذلك فلا أمل في أن يتساوى المنبهر بالمنبهر به عليه الكراهية نهاية منطقية و إن ظلت مغلفة بالإنبهار.
| |
|
|
|
|
|
|
Re: بنات الجلابـــــــــــــــــــــــــــــــــــــــــــة فى عهد الأ (Re: أسامة الفضل)
|
البوست دا يا أخوانا فيهو ضربة قاضية .. Knock out كتب بشاشا:Quote: اسامة تحياتي،
مافاهم كيف الانبهار والكراهية يجتمعو في قلب ذات الانسان؟
مستحيل طبعا.
|
ثم كتب أسامة الفضل:Quote: تحياتي بشاشا
عندما يعجز المنبهر عن الوصول لمكانة من هو منبهر به - علميا .. ماليا .. إجتماعيـا ...... فقد يتحول الإنبهار لحسد و غيرة ثم إلي كراهية . لاحظ معي أن سبب الإنبهار هنا موضوع إثني لا يمكن تغييره فالناس يولدون و هم ينتمون لعرق و لا يمكنهم تغيير ذلك فلا أمل في أن يتساوى المنبهر بالمنبهر به عليه الكراهية نهاية منطقية و إن ظلت مغلفة بالإنبهار. |
بشاشا knocked him out
مبروك بشاشا .. قطّعت نفس الراجل وما لاقى أوكسجين ..
بريمة
| |
|
|
|
|
|
|
Re: بنات الجلابـــــــــــــــــــــــــــــــــــــــــــة فى عهد الأ (Re: بريمة محمد)
|
أخونا بريمة سلامات يا اخي الحكاية دي جوطها جوطة شديدة ولعبت فيها مردوم غباره يلحم العيون. أعتقد انك تتحدث عن المجموعات الخرطومية المتغربنة. وبالمناسبة الخرطوم دي بنوها غير السودانيين. يعني اختاروها وبنوها وجعلوها عاصمة يسيروا منها شئونهم الاستعمارية وجلبوا اليها مجموعات بشرية متعددة من مصريين واتراك وارمن واوربيين ويهود وسودانيين منبتين عن اصولهم القبلية بسبب استرقاق او الخدمة العسكرية وهذه المجموعات امتزجت في الخرطوم بينها وبين المجموعات السودانية المحلية الاخري وكونت نسيج اجتماعي مخالف للنسيج ذي الطابع القبلي خارج هذا الاطار. الدولة الاستعمارية تحتاج الي اداريين وتنفيذين ليس لادارة دولاب الدولة فحسب بل القطاع الاقتصادي من شركات استيراد وتصدير وبنوك وشركات تأمين وقطاع هندسي وقانوني وخلافه من الاحتياجات. الجماعة ديل جو وكونو مجتمع قائم بذاته وهي مجموعات اجتماعة ذات توجهات ثقافية واجتماعة غير قبلية وتستهلك انتاج ثقافي مختلف ولديها مظهر مختلف عن السواد الاعظم ولهم صلاتهم بالعالم الخارجي ثقافيا بقدر مماثل للصلات الاقتصادية. لهم انديتهم الخاصة وطريقة لبس خاصة بهم هي كلها اقرب الي الاروبي منه الي القبلي السوداني. أثناء تواجدي باليونان لفترة زمنية لا حظت وجود سودانيين وهم كميونتي بحاله كلهم من اصول اغريقية من ناحية الاب وام سودانية او اثيوبية وفي كثير من الحالات كلا الوالدين اغاريق ولك الكلام سوداني بلهجة المجموعات الخرطومية هذه. وطبعا يمكن الجزم بان الشي نفسه يتكرر في بعض الدول الاخري. أعتقد ان هذه هي التكوينات التي سميتها خطأ بالجلابة. وأرجو ان تأخذ مأخذ الجد افتراح اخوانا الشفيع وراق في مداخلته بان تستبدل جلابة بحناكيش. مصطلح جلابي قديم كان يعني اهل شمال السودان العاملين في مجال جلب البضائع والتجارة في انحاء السودان الاخري. والتجارة كانت المدخل وتعقدت الي اعمال صناعة وتجارة جملة وصناعات محلية ومشاريع زراعية ثم اصبحت كل هذه هي الانشطة من المكونات الرئيسة التي يستندعليها الاقتصاد الوطني. وطبعا كثير من تجار اختطلت اعمالهم وشئونهم الاجتماعية بالخرطوميين من المجموعات حديثة التكوين التي تحدثنا عنها. وبانتشار التعليم خاصة وسط القبائل الشمالية الثلاثة وبفعل دخول دولة مابعد الاستقلال كعامل رئيسي بدأت الدولة تأخذ طابع هذه المجموعات الجديدة. وطبعا التغيير كان في في شكل تدريجي وصل اعلي مستوياته تحت دولة الانقاذ وبدأت هذه المجموعات وعمادها القبائل الشمالية الثلاثة تبسط هيمنتها علي الدولة والنشاط الاقتصادي ككل وبدأت هذه المجموعات في ازاحة الخرطوميين وتم طرد الاخيرين من القطاع البنكي ومن النشاط التأمني وشركات الوارد والصادر والفندقة وبدلا من فندق فكتوريا واكسلسيور وقراند هوتيك الان نجد فندق قباء والمدينة ومكة. ولا اسماء الشركات واصحابها. فالدولة بطابعها الجديد هذا اطلق عليها جون قرنق دولة الجلابة واصدر في شأن ذلك من التوصيفات ما يكفي ومن هنا راج استخدام المصطلح. خطورة استخدام المصطلح في اختلاطة بالاستخدام التقليدي غير الميسيس والذي يشير الي الجلابة بانهم اهل القبائل الشمالية الثلاثة. كثير من المستخدمين للمصلح يتفادي استخدامه في الجانب الاجتماعي ويكثر في استخدامة في التوصيف السياسي وهذا من باب الحصافة وريما لانه ليس هناك مجتمع في السودان يمكن ان نسميه مجتمع جلابي ولانه من الناحية الثقافية لا يزال كثير من اهل القبائل الثلاثة الشمالية ممن حصلوا علي امتيازات اقتصادية خاصة في ظل دولة الانقاذ لا يزالون يردحون تحت ثقافتهم القبلية اكثر من من تبنيهم للثقافات الخرطومية المتغربنة بانديتها الراقية وموسيقاها الغربية وولعهابالانتاج الغربي الثقافي. فيا اخونا بريمة انت اشرت في معرض بوستك انك كنت طالب جامعي ولا ادري اي التخصصات درست ولكن عليك تفاديا للربكة وغبار المردوم او المردوع والجوطة ان تكون اكثر دقة في استخدامك للمصطلح وكذلك كما ذكر بعض المتداخلين الحساسية في اللغة وان تدرب نفسك بعض الشي في لغة الصواب السياسي لانها تعكس درجة ثقافة الشخص وثقافة هنا نقصد بها الرهفة في استخدام اللغة والانتباه لدلالات المصطلح. انت تحتاج لان تكثف من الجرعات القراءة والاستماع مما هو متاح حولك بالغرب اكثر من كونك مساهم بكتابتك هذه في البورت. وبعدين اللغة من نوع ’دلق المداد’ ما بتزيد الطينة الا بلة. لك التحية وبالمناسبة نحن من نفس المنطقة واعتقد اننا مولودين في نقطتين لا تفصلهما الا كيلومترات تعد علي اصابع اليد وربما شربنا من نفس الخيران واكلنا من نفس الجباريك والمزارع واشترت امهاتنا الزيت والملح والعراريق من السوق البرة والعيش من نفس الزريبة. عشان ما تجي تقول الكلام دا انا كترته فيشان انا جلابي. الفرق انك راكب معاهم سرج واحد سرج العروبة الاخير منه ام حدبو دا وانا في افريقيتي ومريستي.
| |
|
|
|
|
|
|
Re: بنات الجلابـــــــــــــــــــــــــــــــــــــــــــة فى عهد الأ (Re: عمار محمد ادريس)
|
غايتو بنات الجلابة تطير عيشتم مع أولاد الغرب
واحد طلعن ما عندهن هم سوي الجري وراء الفحول لإشباع شبقهن
والتاني طلعن ماديات لاهملهن وأهلن سوي المادةو يسهل شرائهن بالدولار
حقيقة موضوع لا يستحق النقاش مهما حاول صاحبه بتغليفه بحكاية قبل وبعد الإنقاذ لتحييد المعارضين رغم إنو هو ذات نفسه لا يعارضها
أرجو ألا تصل بنا الخلافات الجهوية والعنصرية لأعراض الناس وشرفهموالعيب أن يصدر مثل هذا الكلام ممن يفترض فيهم الوعي والعلم
يا بريمة بنات الجلابة هن بنات سودانيات لا يزدن أو ينقصن عن بنات السودان الأخريات في شئ وسبهن سيفتح الباب لمن يأتي ويسب بنات قبيلتك واهلك فأرجو قفل هذا الباب
| |
|
|
|
|
|
|
Re: بنات الجلابـــــــــــــــــــــــــــــــــــــــــــة فى عهد الأ (Re: AMNA MUKHTAR)
|
الحبوب النذير حجازى سلام ..
Quote: والله يا بريمة إنت ألذ زول هنا ياخي والله كتلتني بالضحك والناس علشان عارفنك أشتر ما زعلوا منك تعرف عندي أخوي الصغير إتعلم دورب سودانيز أون لاين وأصبح من قرائها، تعرف قال لي شنو؟ قال لي عندو كاتبين مفضلين في سودانيز أون لاين بريمة محمد آدم وهشام هباني، هسا أنا يادوب عرفت أخوي معجب بكتابتك ليه هاهاهاها |
تحية لقارئيئ شقيق الأخ النذير .. أقول ليه أحبس عليك أنفاسك .. أشياء ممتعة جاية فى القريب العاجل ..
والله يا النذير بخصوص ضحكتك العجبنى دا .. سوف أزيدك من الشعر بيت ..
عندنا أهلنا فى بادية كردفان يقولون للخياط .. المكّانى!
لأنه يخيط الملابس بواسطة مكنة الخياط .. وحينما كنت طفل فى الفصل الثانى وكنت فى الداخلية، ذهبت للأستاذ المسئول ويسمى أستاذ التهامى وقلت له ماشى المكّانى .. قال لى المكّانى دا شنو؟ .. فذكرت له أسم الخياط وأعرف أنه يعرفه .. أسمه حماد الحسب (يلقب ب حماد الجريميس)، فضحك الأستاذ ثم نادى أستاذ أخر من أبناء السلامات فى كادقلى .. قال له شوف طالبك دا ماشى واين؟ سألنى قلت له كما قلت للأول .. فسألنى أيضاً ماذا تعنى المكّانى فرددت عليه .. وأستمر الأمر هكذا حتى كل ميز الأساتذه عرف كلمة المكّانى .. ومنذ ذلك اليوم صرت أحمل أسم المكّانى بيهم لفترة طويلة حتى غادرت المدرسة ..
المكنات عندنا كتيرة .. مكنة العصير، مكنة الحلاقة، مكنة الموية (طلمبة الموية) وهكذا ..
بريمة
| |
|
|
|
|
|
|
Re: بنات الجلابـــــــــــــــــــــــــــــــــــــــــــة فى عهد الأ (Re: Deng)
|
بريمة بالجد قدر ما حاولت ازوغ من الرد عليك ما قدرت شكلك زمان ماخد ليك شاكوشين واحد شفهي والتاني تحريري !! ما تسألني من منو ! زميلنا ابو ساندرا قدر ما حاول يأكد: انو بنات الديم بقدمو اولاد العمارات بعد انصاص الليالي والانصاص التانية ... قلنا ليه اسكت يا يا جلابي يا حاقد !! دايرين ديامي محايد يأكد لينا الاشاعة دي بس ما تكلمو جنابو عمر عثمان !!
عايز اهديك اغنية ممكن؟
| |
|
|
|
|
|
|
Re: بنات الجلابـــــــــــــــــــــــــــــــــــــــــــة فى عهد الأ (Re: خالد العبيد)
|
ونحن صغار سمعت الابريت ده وكنت مبسوط ليه هسه لقيناه غارق في العنصرية لكن انت بتستحقو بالله صرو حلمة في اضنيك واسمعو في اليوم تلاتة مرات
لاااا لا لا لا ياقروية لاااا لا لا لا ياقروية
انت ياقروية يا السمنتك بلدية منو الغيرك يمسك الطورية وبين بنات الناس انت بس حوريّة
يا الله متين اشوف الخرطوم
وقالوا في الخرطوم البت بتمشي للكوفير و برضو كمان تعمل المنكير يا الله متين اشوف الكوفير
لااااا لا لا لا ياقروية
انت ياقروية ما تغرك المدنية إنت ما منسية والله انت غنية بزراعتك المطرية وبهايمك المسقية
أحييييي متين أشوف الخرطوم يا ربي متين أشوف الخرطوم
قالوا لى في الخرطوم جنينة البلدية وقالوا لي في الخرطوم الفُسحة بالعربية
يا ربي متين اشوف الخرطوم
قالو لى فى الخرطوم البت بتختار عريسه وكمان كان دارت الدبله تمشى تقيسه و قالوا في الهرطوم البت سووها رئيسة
لاااااا لا لا لا ياقروية
_________________________________ لا يا بريمة !
| |
|
|
|
|
|
|
Re: بنات الجلابـــــــــــــــــــــــــــــــــــــــــــة فى عهد الأ (Re: ABDALLAH ABDALLAH)
|
زمان ما قلت ليك انت بقاري وانتسابك للعروبة ليس الا لاحساسك بالدونية ومحاولة لدفن ريشك ومنقارك في الرمال. ياخي انت مثال حي للعروبيين السودانين. عروبتك لا حبا في الاسلام ولا حتي الرسول. عروبتك محاولة للهروب من الذات ويا له من مستحيل. اقبل ذاتك واعتز به ولن يكون لك حاجة للتعالي او الشعور بالدونية ضد الاخرين, وهذا هو حال لسانك. نصيحة مني ليك اقرا كلام اسامة فضل واستشير بشاشا وشوف ليك اقرب اخصائي نفسي يعالج حالتك دي بالميديتاتشن. ول ابا. عاين لحالتك وحن علي وارحم نفسك. كلامك والله لا فيه اعتزاز بالنفس ولا حتي السخرية علي الاخرين بل هو كشف لحالتك التي ظللت تحاول مواراته, اسمع دوي سقوطك فانه لامر جلل. ولكن الاهم هو هل ستنهض ام ستظل تتمرغ في التراب كما تفعل الان بمحاولات يائسة لتبرير سقوطك. ول ابا. الله جميل يحب الجمال وكل ما خلقه الله جميل. فقط تامل ذلك وحس به. مع كل الاحترام والتقدير لك ولكل زوارك.
| |
|
|
|
|
|
|
Re: بنات الجلابـــــــــــــــــــــــــــــــــــــــــــة فى عهد الأ (Re: Bashasha)
|
بريمه بي بساطه شديده يعاني عقده مركبه ومستعصه زادت من وطاتها نشاته علي انه حفيد جهينه. وتحرك هذا الوهم في عقله الباطن والواعي شكل لاحقا ازمته المستعصيه في الراهن. فمن المعلوم ان بنات الجلابه كما اسماهم بريمه يرين انفسهن عروبيات وحين قدوم بريمه من غرب السودان تم التعامل معه كزنجي دون ان تشفع له عروبته التي كان يعتد بها ويمارسها استعلاءً علي القبائل الافريقيه في كردفان,مورس عليه ذات الاستعلاء من بنات الجلابه,واللائي يعانين من نفس الدونيه حين يذهبن الي دوله عربيه اخري ويعاملن كافريقيات وفي الحقيقه ان بريمه وبنات الجلابه الاثنان معا مصنفات في الذاكره العروبيه للعرب المعروفين من مناطقهم وملامحمهم وعاداتهم وسلوكهم مصنفين كافارقه او غير عرب,ولكن مما زاد من ازمة بريمه انه حين ذهب الي بلاد العم سام وهو يضع في تصوراته السازجه انه من ال جهينه فوجئ بانه مصنف كزنجي وهذا ليس عيبا ولكنها الحقيقه التي تلاحق بريمه كظله ولكنها تشكل ازمه اضافيه لبريمه الذي ذاق الاضهاد مرتين مره من بنات الجلابه المستعربات او مدعيات العروبه ومره من الامريكان الذين صنفوه كزنجي وهو مازال يمارس انكاره ############.
| |
|
|
|
|
|
|
Re: بنات الجلابـــــــــــــــــــــــــــــــــــــــــــة فى عهد الأ (Re: فاروق عثمان)
|
لغاية الآن لم نتعرف على حقيقة بنات الجلابة،،
هل هن بنات الخرطوم، بما فيهن الغرابيات المولودات هناك؟؟ ةهل هن البنات ذوات البشرة البضاء؟؟
هل هذا اللفظ يشمل البنات ذوات البشرة البضاء في اطراف العاصمة؟؟
ولا كمان قاصد بنات الشايقية والجعلية والدناقلة والمحس والحلفاويات دون سواهن؟؟
ياخ الموضوع دا احسن نقفلوا موضوع الجلابة دا لانو بقى بايخ وانحنا ذاتنا ماعارفين المقصود بيهو منو؟؟
كان الحكاية لون وفلوس فاليهوديات برضو جلابيات ولا التيرم حصري ع السودان،،
انا بصراحة زهجت منك لاول مرة يابريمة،،
ياخي الليلة ارتحل استيف جوبز ، لم أحزن على موت أحد مؤخراً مثل حزني على رحيله لأنه أفاد البشرية وتربع على قلوبنا دون أن نعرف أصله وفصله بل لم يدع لنا مجالاً من كثرة جمائله علينا أن نفكر في أي شيء غير الإعجاب والاستفادة بما قدم،،
جلابة شنو عبيد شنو وبشاشا شنو المضيعين فيها همرنا ونحن بهذا السخف تذيلنا قائمة أحط أنواع البشر،،
دينق حيكون بالمفاهيم دي جلابة الجنوب الجدد،،،. هههههههه
شيل شيلتك ياجورج،، ح نطلع فيكم التسمية دي،،، انتو داير ثروة بدون مناقص؟؟؟
بريمة بليس، نو هارد فيلنق،،
| |
|
|
|
|
|
|
Re: بنات الجلابـــــــــــــــــــــــــــــــــــــــــــة فى عهد الأ (Re: bakri abdalla)
|
ازيك يا بريمة تعريفك خلو
Quote: أوعدك كما طلب دكتور بله .. أن أكتب تعريف موجز لمن أقصد بالجلابة حتى يزول اللبس .. |
انا دايرك توصف لي البنات الشفتهن، عشان خالك ما يكون دقسك ساكت
والله يا بريمة (معليش على الخشونة الفوق دي) لكن والله سئمنا النقاشات الما بتودي للمخارجة من الورطة التاريخية الاحنا فيها دي
حسع الجلابيات بدن بتظاهرن في الخرطوم، نتكلم عن نضالن وللا عن فلسهن في زمن اهلك الكيزان؟؟ نتكلم عن كيف نحميهن من الحصل لصفية ما يتكرر تاني ولا عن حبهن للقروش ولو كانت بيد غرابي؟؟ نتكلم عن برجهن العالي وللا نتكلم عن بناتكم في جنوب كردفان البتلفتن يمين وشمال وكمان فوق خوف الانتنوف؟؟
| |
|
|
|
|
|
|
Re: بنات الجلابـــــــــــــــــــــــــــــــــــــــــــة فى عهد الأ (Re: أحمد ابن عوف)
|
بريمه ياخ انت الكلام حرقك ولا شنو انا خليني مصنف شنو لاني ما مهجس زيك بي اني جدي العباس ولا غيرو انا ياسيد مصنف روحي سوداني ومتصالح مع الشئ ده لي درجه بعيده وبحمل فكري ده من كنت في المتوسطه,ومقتنع بي انو في قبيله عربيه واحده يمكن ان تصنف وفق تصنيفاتي انها عربيه وهي قبيلة الرشايده ما عدا ذلك لا توجد قبيله يمكن ان نطلق عليها عربيه بيور.وفي اعتقادي ان ما يقربنا للافارقه كسودانين مورفولوجيا وثقافيا اكثر مما يجمعنا بالعرب فنحن يا بريمه اصحاب حضاره لها 7 الف سنه ولم تكن عربيه. وحين كانت هناك حضاره وممالك ومؤسسات للحكم في السودان كانت الجزيره العربيه في داحس والغبراء والبسوس,لذا اعتز وافتخر بسودانيتي وما عداها لا يؤرقني ولست مهجسا به البته. دي قناعتي انا الفوق دي انت محنتك بي بساطه شديده كالاتي يا بريمه طارح نفسك عربي وبتتعامل بالفهم ده مع القبائل الزنجيه في كردفان وبتمارس عليهم استعلاء وده واضح وصريح في كتاباتك جيت لي وسط السودان عاملوك كزنجي وخصوصا من بنات الجلابه,المساله دي احدثت شرخ وانفصام في شخصتك لسه ما قادر تتخارج منو مع انو قلت الكلام ده حصل في التمنينات وبتهاتي بيه لي اسي بي دليل فتحك للبوست ده. مشيت امريكا قايل روحك من بني قحطان بلعتو ناشف لما مليت استمارتك كزنجي,يعني بقية وهم العروبه البدنو ليك بنات الجلابه تمو ليك الامريكان,بقيت لافي سيرو وراجي بوصله وبقت عندك ازمة هويه وماعارف روحك شنو ولا قادر تصنفها ,لما عزام امارس عليك عنصرتو تتواطأ مصلحيا مع افارقة الغرب وتجدهم يدافعون عنك,وحين يذهب عزام تمارس عنصريتك علي ذات المدافعين عنك,شفت انت عايش ازمه كيف.
| |
|
|
|
|
|
|
Re: بنات الجلابـــــــــــــــــــــــــــــــــــــــــــة فى عهد الأ (Re: أحمد ابن عوف)
|
Quote: والله يا بريمة (معليش على الخشونة الفوق دي) لكن والله سئمنا النقاشات الما بتودي للمخارجة من الورطة التاريخية الاحنا فيها دي
حسع الجلابيات بدن بتظاهرن في الخرطوم، نتكلم عن نضالن وللا عن فلسهن في زمن اهلك الكيزان؟؟ نتكلم عن كيف نحميهن من الحصل لصفية ما يتكرر تاني ولا عن حبهن للقروش ولو كانت بيد غرابي؟؟ نتكلم عن برجهن العالي وللا نتكلم عن بناتكم في جنوب كردفان البتلفتن يمين وشمال وكمان فوق خوف الانتنوف؟؟ |
أحمد أبنعوف،
يا ريت لو كلامك ده كان كتبتو في محل كلامك "الأشتر" و"الخشن" والما جميل ابداً الكتبتو فوق داك.. ليه واحد زيّك يخليهو الزعل أو الفهم الغلط يمشي تووووووش على الكلام الشين، البنسف كل شي جميل الواحد صنعو في فترات طوييلة سابقة؟ والا ده تأكيد لي كلام "بشاشا" الدائم عن حقيقة الجلابي، وإنو ما يبطنو بظهر في أقرب لفة في أول امتحان؟ ، بريمة وكل المتداخلين سلام.. ، ،
| |
|
|
|
|
|
1
|
صفحة 1 „‰ 4: << 1 2 3 4 >>
|
|
|
|
|