|
|
|
 Re: لسانك حصانك... أمن سودانيزاونلاين.. ورميتي في الخـــور.. (Re: ismeil abbas)
|
سلامات
وعوافي
يانجوان بالغتي ..
بقيتي خوراوية كمان .. والله مابيشبهك ولا بتستاهلي تمشي هناك ..
لكن برضو تجربة عشان تعرفي الوجه الثاني للعملة المنبرية ..
شخصيا عضو بهذا المنبر لقرابة الخمسة سنوات لم ادر انا هناك خور الا قبل شهرين او اقل وعن طريق الصدفة حيث انني كنت اعتقد انه كود يستخدمه الزملاء ككناية عن قباحة البوست او المداخلة المعنية ..
المهم ياستي انا متاكد انو لن يطيب ليك المقام هناك ولا ينبغي ..
ثم يانجوان احمدي سيدك كونك مشيتي الخور عن طريق الخطأ لكن ما بالك اذا قيل عن كتابتك كلها بانها "مرسال" يعني في زول بيرسلك تكتبي بالنيابة عنه وبي اسمك اتخيلي كمية الاستخفاف والاهانة في الحتة دي موش ارحم منها يودوك الخور ..
ياستي عوافي عليك وانشاء الله ماتشوفي "شر الخيران" ...
معزاتي ..
بعدين انا كابس منك عايز افرطق يازولة ..البوست بتاع مهرجان دبي حفرنا لغة الجسد الافريقية وعلاقتها بالخليج العربي لكن ماهببتي لينا عشان كدا بقول بركة الودوك الخور هاهاهاهاهاها..
بعدين الخور دا شبه ناس كيكي لكن تقولي شنو غايتو استحملي ..
وتسلمي
| |
 
|
|
|
|
|
|
|
|
Re: لسانك حصانك... أمن سودانيزاونلاين.. ورميتي في الخـــور.. (Re: ودرملية)
|
سلام يا ود رملية..
مشكور على المؤازرة..
الله لا ورّا الخور لى حبيب... ولا عدو..
ولو في حاجة كويسة من الحصل.. انها خلّتك تجي مارق..
| Quote: بعدين انا كابس منك عايز افرطق يازولة ..البوست بتاع مهرجان دبي حفرنا لغة الجسد الافريقية وعلاقتها بالخليج العربي لكن ماهببتي لينا |
لااا إنت باين عليك ما بتراجع محل بتكتب..
مش هبّببتو ليك وبس... كمان من اليومداك منتظرة البحث القلت بتجيبوا وتجي..
وتاني ما شفناك...
عليك الله المفروض يكون زعلان منو؟
غايتو يا ناس الدوحة 
| |
|
|
|
|
|
|
|
|
|
Re: لسانك حصانك... أمن سودانيزاونلاين.. ورميتي في الخـــور.. (Re: ismeil abbas)
|
سلام إسماعيل عباس..
يسلمّك من كل شر..
شاكرة ليك كلماتك الطيبات..
وأنا الما بعزيني في دي ما بنساها ليهو..
لكن دقيقة..| Quote: والله مارضيناها ليك تذهب بوستاتك للخور |
هو بوست واحد.. ده الإعلام الأنا بقصده..
ما لايماك يا إسماعيل... لكن أكيد ده من الشالوا الكلام وجابوه ليك..
وزادوهو كتير..
_____
بقية السرب الجميل..
راجعة ليكم كان الله كتب لينا عمر في هذا مكان
| |
|
|
|
|
|
|
|
|
|
Re: لسانك حصانك... أمن سودانيزاونلاين.. ورميتي في الخـــور.. (Re: نجوان)
|
| Quote: بعتها كلها بالخسارة لي معتز القريش |
دوما حريف ووبتعرف تبيع الموية في حارة السقايين
احسن بيعة وانسبها يا ناذر يا خازن الخيران سابقا
......
يا نجوان
الواحد حقو يقترح(مع انو يقترح دي ممكن توديني انا ذاتي الخور)
يقترح يكون في خورين
خور ناذر وقريش ونجوان
وخور القضايا المصيرية والكبع الاسفيري الليهو ضل
وده مفروض يكون خور (deep) شديد وعريض المنكبين
| |
|
|
|
|
|
|
|
|
|
Re: لسانك حصانك... أمن سودانيزاونلاين.. ورميتي في الخـــور.. (Re: عبدالله شمس الدين مصطفى)
|
سلام عبدالله شمس الدين...
أتاريك انت الوديتنا وراء الشمس؟؟
أتفق معاك... ويا سيدي ولا يهمك..
عوامل كتيرة تضافرت وغتّست حجر البوست.. إبتداء من عنوانه..
وإلا إحتمال الأمن كان يمكن يدقس ولا ينتبه
Quote: لكنى أؤكد على دعوتك ، والتى هى والحمدلله ظاهرةٌ
تجتاح المنبر هذه الأيام داعيةً إلى ميثاق ، أو سمِّه
معاهدة تعود بنا إلى إحترام الذات و الاخر |
تعلّمت من تجربتي في الخور.. إضفاء بعض الدبلوماسية على مثل هذه الدعوة...
وموعودين بـ better times
I hope
ألف شكر على مداخلتك..
| |
|
|
|
|
|
|
|
|
|
Re: لسانك حصانك... أمن سودانيزاونلاين.. ورميتي في الخـــور.. (Re: ناذر محمد الخليفة)
|
نجوان
أهلا أهلا
حبابك عشرة بلا كشرة
جيتينا في محلنا
كويس برضو بقى عندنا كاتبات رائعات
في الحقيقة أنا سمعت بالخور مرة كدا
قمت اتشالقت ومشيت هناك
جيبت راجع مصدع من الريحة طبعا
أها لمن مشيت هناك لقيت البوستات كلها
مختومة بتوقيع العزيز ناذر
بعد السؤال عرفت إنو ناذر دا خازن الخيران
يعني اي بوست في الخور لازم يكون آخره ناذر
جيت فتحت بوست حذرت ناذر من الدخول في بوستاتي
وقلت ليه يا ناذر ريحتك بقت عفنة
أها ناذر واصل في خزانة الخور
جيت فتحت بوست طالبت فيه بفصل العضو ناذر لأسباب كتيرة
من ضمنها كثرة مشاويره للخور مما يتسبب في نقل الأمراض
المعدية من هناك لي هنا . دي فيها حاجة
لسة ما كملت كلامي لناذر بكري ما كضب جدع البوست في الخور
جيت فتحت بوست تاني (تحنيس لبكري) عشان يرجع لي البوست
وعشان ما يشمّت فيني خازن الخيران (ناذر)
خصوصا انو ناذر كان بغني في عرس صاحبو
يعني الدنيا خلا
وغنيت ليهو (بكرينا زينة وحالف ما يشمت فينا)
وجبت صورتو زي الزعماء العرب
شوية كدا وبكري يجدع البوست في الخور
أنا في الحقيقة شكيت انو ناذر دا عندو الباسوورد بتاع بكري
ولا عندو سفلي من كثرة دخولو للخور
لأنه بمجرد ذكر اسم ناذر في عنوان البوست
على طول بمشي الخور
استغفرت ربي ورجعت لبوستي الأول داك ـ بتاع التحذير
وكان ماشي كويس وصل ليهو زي 1850 زائر
فتحته وشفته واطمأنيت انو قاعد
رجعت الخور أشوف ناذر أسالوا عن القصة شنو
لقيت ليكي ناذر ميّت من الضحك والقرقراب
التقول في حدائق الكورنيش ما في الخور
ومبسوط من البوستات بتاعتي المجدعة هناك
وطبعا الضحك بشماتة مبالغة.
في الحقيقة أنا زعلت بلحيل وقلت ليه
ما مشكلة لسة عندي بوست قاعد بي هناك
وأثناء ما أنا بتكلم مع ناذر في الخور
أحس ليك بي شئ تقييييييل وقع في راسي
ُتـج ـ لمن راسي سخّن .
بس ارفعو كان ألقاهو دا بوستي حق تحذير ناذر ذاتو
بس دي كل الحكاية ـ لا في اسهم ولا غيره
والله والله لو ما ناذر كان معاي في الخور
كان صدقت قصة انو عندو باسوورد بكري دي
لكن مازلت اشك في موضوع سفلي الخور .
| |
|
|
|
|
|
|
|
|
|
Re: لسانك حصانك... أمن سودانيزاونلاين.. ورميتي في الخـــور.. (Re: بدر الدين الأمير)
|
سلام ود الأمير..
| Quote: بس يانجوان على يد مين من شيوخ الخور وشيخاته تتلمذتى |
دي إجاباتها عندك يا خوي.. بتعرفهم انت الشيوخ والأمراء ديل..
أكبر شيوخ الخور شغّال معاك...
وأكبر زوّاره من دوحتكم .. واحد كده قال الخور دة نادي درجة أولى وراقي..
(بالذمّة ده كلام؟)..
Quote: وعلية لقد التقيت لاجلك بالصديقة العزيزة
الدكتور موزة المالكى المعالجة النفسانية القطرية |
مافي مشكلة.. بس الفاتورة تروح.. ســـــيدا.. على أوكسينت..
| |
|
|
|
|
|
|
|
|
|
Re: لسانك حصانك... أمن سودانيزاونلاين.. ورميتي في الخـــور.. (Re: معتز القريش)
|
ما سبقك عليها زول يا معتز..
محلّكم عديل كده؟؟ إنت ومنو؟
| Quote: كويس برضو بقى عندنا كاتبات |
معليش بس ما تفرح... أنا موقّعة تعهد مع بكري..
شوفة الخور مرّة واحدة كفاية..
انت وناذر عندكم بيزنس هناك...
أي زول تاني حايم في الخور مسكين الله ساكت...
Quote: طالبت فيه بفصل العضو ناذر لأسباب كتيرة
من ضمنها كثرة مشاويره للخور مما يتسبب في نقل الأمراض
المعدية من هناك لي هنا |
| |
|
|
|
|
|
|
|
|
|
Re: لسانك حصانك... أمن سودانيزاونلاين.. ورميتي في الخـــور.. (Re: ismeil abbas)
|
ياخي اغرب مشية لي للخور كتبت بوست وفي واحد جا لافح كلمتين من البوست قال دي نبز ليهو وعمل لي مهرجان بتاع جرسة شوية بكري ما اتلفت نقل البوست الخور بعد شوية الزول قال لي معليش انا فهمتك غلط اها البوست انا كتبت فيهو علي الاقل كم وعشرين مداخلة وكان ماشي حلاوة وعاجبني قربت اغلفوا عديل اها لا بوستي ولا مداخلاتي ما لقيتها لا في الخور ولا في الخلا
لكن في ناس معانا في املنبر دا مفروض يدوهم اكسس يدخلوا وينزلوا بوستاتهم في الخور مباشرة اعتقد انه الواحد بيكتب البوست ويرسل رسالة لي بكري ينقلوا ليهو الخور
معتز القريش دا فتح ليهو محلات بارد في الخور وناذر الخليفة بقي سمسار قطع هناك
| |
|
|
|
|
|
|
|
|
|
Re: لسانك حصانك... أمن سودانيزاونلاين.. ورميتي في الخـــور.. (Re: اساسي)
|
الأخت الناجية من الخور نجوان ..
أعتقد بأنها المرة الأولى التى التقى فيها معك على ملاعب هذه الساحة الرحبة ..
وعلى الرغم من سرعة كراتها المتطايرة ، الا أننى أستطعت أن أجد فرصة للدخول
حتى ولو فى الهاف تايم ..
المهم قرأت لك .. وأعجبت بكتاباتك وأفكارك .. وهنذا أعلق تعليقا بسيطا ..
والحقيقة تقال .. ما أجمل الخيران فى بلدنا السودان ..
ولولا الخيران .. لما جنينا ثمار البستان ..
الخيران تروى العطشان .. ويكفى لو كانت بجانبه .. أختنا نجوان ..
ولا يهمك ..
وأخيرا لولا الخيران لما امتلأ نيلنا بالمياه ..
فمرحبا بالخيران .. ان لم تعجب القارىء كتابة الكاتب ..
أخوك العجوز
أرنست
| |
|
|
|
|
|
|
|
|
|
Re: لسانك حصانك... أمن سودانيزاونلاين.. ورميتي في الخـــور.. (Re: Sudany Agouz)
|
سلام يا ارنست..
سعيدة بمداخلتك..
وبالإيجابية والتفاؤل الفيها...
Quote: والحقيقة تقال .. ما أجمل الخيران فى بلدنا السودان ..
ولولا الخيران .. لما جنينا ثمار البستان ..
|
غايتو ثمار دي بتعتمد على ياتو خور المقصود..
الخور الشفتو بى عيني داك... ماأظن فيهو ثمار..
ولو فيهو... ما أظن في زول عاقل بيكون عايزها
بس ما بكضبك..
الخـــيران خشم بيوت... قطع شك..
| |
|
|
|
|
|
|
|
|
|
Re: لسانك حصانك... أمن سودانيزاونلاين.. ورميتي في الخـــور.. (Re: اساسي)
|
سلامات
وعوافي
نجوان ..
يازولة امانة اخوك عامل عيونو المدومسات ديل ما تعب تعب في البوست تلاتة ليالي اساكك في بوست مهرجان دبي وما لقيت فيهو رد لامن فترتا من البحتي خليتو قلت ياود اعمل نايم من غير كيكي ما يعرف عشان مايضحك علي ويقول ما هببو ليهو ..
غايتو طوااااالي مشمتي فيني الوهم دا ..
بعدين العتبة علي النظر العبد لله بيقرا كلمة اسد "يد" وبقرا "سلام شديد" كلام جليط" يعني الشغلا خربانة خراب شديد النبي اكان ما دعيتي لي معاك ربنا يفك لي حبل البصيرة والبصارة ..
اها فتك بي عافية "بعدين في داعي للزنقة بتاعت البحث دي ماكان تغمتيها كدي وتنسيها طوالي وما اكيد ما ح اكون لقيتو وفي الجالة دي اكرم ليك واكرم لي انو تعملي ياااع وكدا ..
ثم تخريمة:-
كيكي ما اشوفك بي جاي امش شوف خيرانك بي وين هسي الخور دا بعد ما نجوان بقت الاستار الجديدة عاوزين نعملو نيو لوك يعني انت وود القريش وناذر ح نعمل ليكم خور براكم ...
| |
|
|
|
|
|
|
|
|
|
Re: لسانك حصانك... أمن سودانيزاونلاين.. ورميتي في الخـــور.. (Re: نجوان)
|
والله يا نجوان رحلتك للخور موفقة وكما قيل للسفر عدة فوائد
فهاهو الخور يضخ الينا عدة مقولات خالدات..واستطاع ايضا تدشين عودة الفنان الاسفيري
المختفي من الانظار ودرملية فعاد مرتجفا كما العادة..
وعليه اقترح تنظيم رحلة نجوانية خاطفة الي الخور مرة اخري وياريت لو بقت رحلة شهرية
وقد يعد (معتز) قريش واخريين بتوفير التذاكر في درجة (الفرست كلاس)....
....وسيكون مثل هذا الجمع او اكثر في مطار الصفحة الاولي في انتظار (عودة نجوان)...
RETURN OF NAGWAN
| |
|
|
|
|
|
|
|
|
|
Re: لسانك حصانك... أمن سودانيزاونلاين.. ورميتي في الخـــور.. (Re: نجوان)
|
ألأخت/نجوان
من جهة عايزين نخفف عليك ونواسيك ومن جهة لابد من جرعات حقيقة عشان ما يكون فى نفاق..
أشكرك على إضافة مقولتى عن الخور من ضمن الTOP ودى شهادة غالية وعزيزة من واحدة لها بوست مشى الخور...
أمنياتى أن أجد شهادات أخرى من ناس لهم بوستات أكثر ......أعتز ببرلمتى وإن البرلوم وإن طال الزمان به لابد أن يصيرا عضوآ غير برلوما.....
لكى تحياتى يا نجوان .....................إسماعيل محمد أحمد عباس...........
| |
|
|
|
|
|
|
|
|
|
Re: لسانك حصانك... أمن سودانيزاونلاين.. ورميتي في الخـــور.. (Re: haider osman)
|
سلامات
وعوافي
يانجوان خلاص بقيتي زيهم برضك
| Quote: ود رملية... براءة ما بعدها براءة... أو قمة الإستهبال (لكم الحكم).. |
شوفي "لكم الحكم" غايتو جنس كعابة ..
اها قالوا ليك شنو .. البركة كيكي ماشافا عشان كان بيقول ليك الود دا مستهبل ...
شوفي يانجوان والله بعد فصاحتي دي الا يعلم الله الخور دي انا عرفتو عن طريق كيكي ولي اللحظة دا ما دخلتو الا مرة واحدة فقط ومن ديك وعيك ..اسمو دا بيعمل لي قشعريرة ..
يازول انا ممكن اشاكل اي زول لكن يستحيل يستحيل تماما انو اخلي شكلي معاهو يصل مرحلة الخور دا ولو وصلت علي طول لازم الواحد يتصالح مع الانسانية ويعلم نفسو المغفرة ويتخلق بصفات الخالق "وهو الغفور الرحيم" .. انا اي زول حتي لو كان مظلوم لو واصل في تخاصمو مع ظالموا "والظالم مستبد" بفتكر انو مفروض يراجع طبيب نفساني .. القلب دا لو دخلتو اي حاجة غير الحب بتشوهو وبتبوظو ..
والخور كل مصايبو سببا القلب .. القلب ما فيهو رحمة ومحبة ومغفرة ..
هسي الرسول "ص" قبل ان يتنزل عليه الوحي "مسكو قلبو في بير بد وغسلو منو النقطة السوداء" ليه قلبو ماكان يغسلو طايوقو او بصرو او..او..
فياستي دحين انتي هسي ممكن تساعدي بي وجودك في الخور "وش ميت من الضحك" ممكن تساعدي في تحسين لغتو واشكال الخلاف فيهو وتساهمي في تنوير الناس بكيفية تنقية قلوبم لتصلح وعاءا نظيفا للمحبة ..رايك شنو...
كيكي ياخي كرهتني البوست ..
| |
|
|
|
|
|
|
| |
نجوان
saif massad ali
عبدالكريم الامين احمد
ناذر محمد الخليفة
شهاب الفاتح عثمان
د.محمد حسن
هاشم أحمد خلف الله
ismeil abbas
ودرملية
عبدالله شمس الدين مصطفى
معتز القريش
Adil Osman
بدر الدين الأمير
تيسير عووضة
Emad Abdulla
bayan
اساسي
Sudany Agouz
فيس بوك
تويتر
انستقرام
يوتيوب
بنتيريست