|
|
|
 Re: (Re: Mohamed E. Seliaman)
|
| Quote: ما شعورك حينما يحذف لك بوست او يذهب بوستك الى الخور ؟؟؟ |
لا شئ اعمل ما حاسة
________________
تخريمة:
ناذر يا اخوي اعمل نائم
| |
 
|
|
|
|
|
|
|
|
Re: ما شعورك حينما يحذف لك بوست او يذهب بوستك الى الخور ؟؟؟ (Re: ناذر محمد الخليفة)
|
الحبشي .. سلام ..
Quote: معظم بوستاتي
ستذهب الى الارشيف
وهي في مرحلة الرضاعة |
صدقني أنت اكتر زول انا بشفق عليو في المنبر دا !!
عندك اكتر من عشرة بوستات حاليا في مرحلة الشرنقة وانا متاكد أنك عندك كلام كتير لسة ما كملتو وما حا تلحق تكملو في العشرة يوم الفضلو ديل قبل الأرشفة !!
صنفرة :
أتمنى ان تكتب ليك بوست ولا بوستين بس بعد الارشفة وتفضل (محاحيهم) لحدي ما تخلص منهم وبعد داك تفتح ليك اتنين تانين .. دي سياستي الأنا متبعا في البوستات الطويلة عشان ما أتزنق زيك وكمان عشان اقدر أركز في الردود 
| |
|
|
|
|
|
|
|
|
|
Re: ما شعورك حينما يحذف لك بوست او يذهب بوستك الى الخور ؟؟؟ (Re: ناذر محمد الخليفة)
|
والله يا ود الخليفة
في البداية كانت بتاكل معاي شديد وبحس بنوع من التهميش وأن الملأ يتأمرون على ليخرجوني بنفوذهم وسطوتهم وألاعيبهم من المنتدى ، وأنني محارب في الفكر وأحد شهداء النضال والجهاد والكلمة ، أقوم أدي البوست دفره أو أحاول ألقي واحد صديق شديد وما مفضوح أرسل ليهو في الماسنجر أو يميل لو بعرف إيمليو وأقلو ليهو الرسول يدرشك كان ما أديت البوست لكزه يقوم يدي البوست لكزه ولو بكلمة فوق أو up حتى لو ما كان مقتنع بفكرة البوست وأحفزه أكثر بأن أقول له Scratch my back I will scratch yours ، وأقوم أطنشه إن شاء الله يحك ضهرو بي حيطة جالوص ما لي في شغله أنا هنا board member ولا حكاك وليفة سلك لكين في النهاية كترة التكرار بقت تعلم أمثالي من الـ...... فبقي شعوري شعور أى مواطن عايش في السودان يكابد ويجابد من أجل حفنة دنانير تكفيه شر السؤال بعد أن هان على الناس كما هانت الزلابية ذات مرة حتى أكلها أبناء الإشلاق والأحياء المجاورة لهم ، بل أصبحت إطلالة بوستي وطفوه على سطح المنبر تمثل إزعاجاً بالنسبة لي وأتمنى أن يغتطس وما يقلع تاني لأن وجوده في صدر المنبر عادة ما يخلي الناس تتطلع عليه لأكثر من مرة لتكتشف مدي خواء الفكرة التي تبنيتها وأهدرت بها الكثير من بادوثات الأخ بكري أبوبكر كان يمكن لها أن تنفع في دعاية كريمات أو مرقة بعد الملايات الأمريكية ، وحتى لو كانت مسيخة تظل دعاية مدفوعة القيمة بينما تبقى مساخة وسطحية أفكاري دون عائد مادي على صاحب المنبر فعليه وعليك وعلى الجميع السلام.
| |
|
|
|
|
|
|
|
|
|
Re: ما شعورك حينما يحذف لك بوست او يذهب بوستك الى الخور ؟؟؟ (Re: almulaomar)
|
الملا عمر والله محنتني بي كلامك دا !!
يا راجل هو بوست مسحوب ولا فؤاد مسلوب !!
بعدين كلامك فيهو استعطاف و(أستكراد) شديد عشان ما يسحبو ليك بوستات مستقبلية .
الغريبة انت زول ما عندك مصايب زينا كدة وبوستاتك كلها لطيفة !!
صنفرة :
البسحب بوسطاطك دي انشالله يا الله تسحب ليهو الغاز من أسطوانة البوتوجاز بتاع بيتم عشان يموت من الجوع وبيض ساااكت يسلقو ما يلقاو !!!
| |
|
|
|
|
|
|
|
|
|
Re: ما شعورك حينما يحذف لك بوست او يذهب بوستك الى الخور ؟؟؟ (Re: ناذر محمد الخليفة)
|
العزيز ناذر
ازيك ياراجل
| Quote: البسحب بوسطاطك دي انشالله يا الله تسحب ليهو الغاز من أسطوانة البوتوجاز بتاع بيتم عشان يموت من الجوع وبيض ساااكت يسلقو ما يلقاو !!! |
عارف يا ناذر حلك واحد ومافى غيرو لانو قصة(انشالله يا الله) يسوى ليهو وما ادراك ما عارف شنو بصراحه ما جايبه همها ,, فعليك بناس عنان (الامم المتحدة هى الحل).
قايتو النمشى نفتش البوست الخور ونشوفك عايز تضامن ولا ....؟؟؟؟؟؟!!!!!!!
لحدى ما تمشى الخور ونجى
الريح كودى
| |
|
|
|
|
|
|
|
|
|
Re: ما شعورك حينما يحذف لك بوست او يذهب بوستك الى الخور ؟؟؟ (Re: ناذر محمد الخليفة)
|
الاخ بكري أسماعيل
تحياتي ..
Quote: أنواع البوستات البتمشي الخور بكون معروف سلفاً فلو عرفت إنو بوستك ماشي وبعد دة كتبتو يا تكون عامل عنتر يا أساساً تكون عندك رغبة في الولوج إلى الخور ..
وإن داير النصيحة أختى الشغلات البتجيب ليك الشفع يلعبو ويتنابزو عندك بعد داك ما بتجيك عوجة وبتكون ختيت الخور ،، |
والله أنا شخصيا لمن اكتب بوست بكون متاكد أنو الخور دا (مي هيلو) !! لكن زي ما قلت بيجوك ناس بيخرمجوا ليك البوست وأنا في الحالة دي بضطر أرد عليهم وشوية شوية بلقى البوست (عرج) على الخور وقدر ما (الاويهو) عشان يرجع للاول بلقى الشغلة فلتت من يدي وبيكون الوكت فات لانو ناس (المديدة حرقتني) وناس (عاجل للأخ بكري) بيكونوا دوروا شغلم !!
صنفرة :
أنا ما عندي شغلات بتجيب لي شفع وما شايف لي شفع.. لكن الشفع (أن وجد) ما يحلوا ليهم لعب السيجة و(صفرجت) الا في بوسطاطي ودا الكلام البيجيب لي الهوا زااااااتو !!!!
| |
|
|
|
|
|
|
|
|
|
Re: ما شعورك حينما يحذف لك بوست او يذهب بوستك الى الخور ؟؟؟ (Re: ناذر محمد الخليفة)
|
ابو رزقة صاحبي ...
قلت لي شنو ...
Quote: شوقته الكلبنة دي كلها من دافنشي..
الذي علمهم التواري خلف ربوت تكنولوجيا الـIP...
تحت ظلال المندكورو..
|
شفت يا ابو رزقة تاني من هنا ولي قدام .. لو حصل اقل هبشة لي بوستاتي أو مشت القيف ساكت ... طوالي حا احملك المسئولية عشان بتجيب لي فيها سيرة دافنشي دا !!
ياخ انا قلت ليك ما بحب النقاشين التجريديين !! أنت مالك بتجيب لي سيرتم يااخ !!!
| Quote: ولحس الكنجالات تحت دعاية بروبقندا أطفالنا إياها... |
أهااااااااااااااااااااااااااااااااااااااا !!!!!!
دا الكلام اللعوج زاااااااااتو الما بيحبوهو الجماعة وبيخلوهم يشوفوا البورد دا تسعة تسعة !!
صنفرة :
أسمعني كويس ياأبو رزقة .. شايف بوستي دا هسي ميل تجاه الخور ،، لو انا طلعت وجيت لقيتو مافي ما ترجاني بي هنا !!سمح !!
| |
|
|
|
|
|
|
| |
ناذر محمد الخليفة
Mohamed E. Seliaman
صباح احمد
almulaomar
A.Razek Althalib
فيصل نوبي
عبد الله عقيد
فيس بوك
تويتر
انستقرام
يوتيوب
بنتيريست