|
HOZY ضيفتنا اليوم 27/5/2003 الاخت
|
الاخوه والاخوات الاعزاء السلام عليكم جميعاً لكي تسود الموده والتعارف بين شخصيات المنبر احببت ان اطرح هذا الموضوع الا وهو لقاء اليوم حيث اقوم باستضافة احدا شخصيات البورد ونطرح عليه بعض الاسئله على ان يقوم الضيف مشكوراً بالرد عليها بحيث ان لا تكون هناك تجاريح ولا اسئله استفزازيه والهدف منها فقط التعرف لكي يسود روح الاخوه والصداقه بين رواد هذا المنبر
HOZY وضيفتنا اليوم الاخت
الاسم ؟ الحالة الاجتماعية ؟ مكان الاقامة الحالى ؟ مكان الاقامة فى السودان ؟ القبيلة ؟ اللون السياسى ؟ سياسي سوداني اعجبك ؟ ولماذا ؟ فنان سوداني اعجبك ؟ ولماذا ؟ شاعر سوداني اعجبك ؟ ولماذا ؟ بيت شعر اعجبك ؟ رايك فى اعضاء البورد ؟
ونترك الساحه ليكم يا شباب
|
|
|
|
|
|
|
|
Re: HOZY ضيفتنا اليوم 27/5/2003 الاخت (Re: Hozy)
|
العزيزة هوزى
لك الشكر والتحية
لعلنى اصنفك من فصيلة الحناكيش وهذا ليس منى والله ولكنه كلام ناس السودان اى بت مغترب حنكوشة يعنى اولادى مصنفين حناكيش برضو عشان ما تزعلى .. ما فينا من زعل ابدا هنا فكلنا اهل واخوة .. خلاص اتفقنا؟؟
بما انك حنكوشة ماهى اكتر حاجة بتضايقك فى السودان او من تصرفات السودانيين ؟؟
لك احترامى وتحياتى
| |
|
|
|
|
|
|
Re: HOZY ضيفتنا اليوم 27/5/2003 الاخت (Re: قرشـــو)
|
عزيزي قرشو ما عندك مشكلة حنكوشة حنكوشة بس ماجاهلة طيب ، عشان شايفاك عاوز تباري كلام الناس
ياسيدي انا في اشياء كتيرة بتضايقني في السودان
البوست ده مابيكفي قبل كده اوردت لك في بوست بتاع الاغنياء والفقراء بداية كلام من النوع ده في اشياء باحزن ليها واشياء بتضايق منها ذي انه البلد وسخانة شديد يعني معليش ياجماعة بس الناس بتقضي حاجتها عادي في الشارع من غير ردع وبتضايق من الفوضى والافتخار بكسر القوانيين خصوصا المرور والناس البتمشي في الاشارة الحمراء بافتخار وبتضايق من السب والشتم في الشارع بسمعو من بتاع الحافلة لبتاع التاكسي والناس اخلاقها ضيقة شديد وبتضايق من ممارسات النظام العام وشرطة شنو ماعارفة كده من كتر الاسماء من اذلال للسودانيين وللسودان نفسه في كل مكان تمشيه
بتضايق من الكسب الغير مشروع للحكومة لما تقفل شارع وتقول تدفع اجباري عشان نصلح الشارع ويقعد سنين ما يتصلح ولما تقفل الباب في مستشفى وتعمل الزيارة بتذاكر وتاخذ مبالغ من غير حق وياريت لو بتساعد المريض اللي مفترض يجيب اي شي حتى الشاش والقطن
حتى سكن الطالبات في الجامعة بقه بقروش والمطار بقروش
اسمع ياقرشو بمناسبة قروش ( مايكون ده سبب اسمك) عشان زمن القروش ده انت السودان بقة حديقة حيوان ولاشنو
محل ما تمشي في تذاكر بقروش ولا بقه فيلم هندي ؟؟؟؟؟؟؟؟؟؟؟ ؟؟؟؟؟؟؟؟؟؟؟؟
ازيدك ولا اسكت
| |
|
|
|
|
|
|
Re: HOZY ضيفتنا اليوم 27/5/2003 الاخت (Re: HOPELESS)
|
السؤال الاول: ياهوبليس جوابه: انا اتخرجت من جامعة الخرطوم كلية العلوم الرياضية ( اسكول) اتخصصت حاسب الى
الاجابة الثانية : اخر مرة زرت السودان كان السنة الفاتت ، طبعا لانه انا درست الجامعة في السودان اصلا ،وماشه قريب السودان، وانطباعاتي كثيرة بحس انه احنا ماشين لوراء على قدر مافي عمار وفي ناس بتعمر لنفسها على قدر مافي محتاجين كتير والبلد مليان اكتر شحادين والشوارع شكلها مخيف من هؤلاء ياريت الحكومة تاخد بالها من المحتاجين ديل وما يتشطروا على الباقين وياريت برضو الناس تساعد يعني بشوف انه احنا لسه تعبانيين ومحتاجين كتير وبشوف المواطن السوداني مقهور ومظلوم والبلد غالية والاسعار في ارتفاع وكل البيوت العادية ما بتقدر على كل ده يعني اللي دخلهم محدود لازم يشوف طريقة عشان يقدر يمشي حاله خصوصا اذا كان ذي مابيقولو محمول مش جوال ( عنده مسئوليات واطفال كتير وكده ) المهم ياسيدي الموضوع طويل مش؟
لو سمحت السؤال الثالث ياهوبليس مش واضح تحياتي لك
| |
|
|
|
|
|
|
Re: HOZY ضيفتنا اليوم 27/5/2003 الاخت (Re: Hozy)
|
توضيح للسؤال الثالث
لمن توجهين كتاباتك الحزيييينه لنفسك ..للعموم..ام لشئ بعينه ولك الحق في عدم الاجابه
السؤال الرابع هل تنتابك لحظات سعيده..؟ وان كان الجواب نعم أين ماكتبتيه فيها..؟
واسف علي كثره الاسئله
| |
|
|
|
|
|
|
Re: HOZY ضيفتنا اليوم 27/5/2003 الاخت (Re: HOPELESS)
|
العزيز هوبليس سؤالك ده ذاته تاني بيثير اشجاني والله شوفت كيف
عارف الحزن في كتاباتي بوجهه لنفسي اولا وللغربة ثانياً يعني بصراحة يمكن احساس الوحدة شديد لا املك أصدقاء هنا في هذه البلد ولكن لدي الكثيرين من ايام الجامعة في السودان ولسه متواصلين ومتشوقة بيتين ارجع عشان اهيص معاهم قريب طبعا ماشه السودان بس فشلت هنا اكون صداقات والله اذا سألتني برضو الشرح كتير ماعارفة هل انتم قصدي الناس اللي في الغربة بيشوفو ذي انه السودانيين في الخارج بتغيروا وصعب إحتضانهم لا ادري؟؟
المهم ده سبب كبير
اما بالنسبة للسؤال الرابع: اكيد تنتابني لحظات سعيدة ولكنها غير كافية لاكتب عنها ويمكن ماعاوزة اضيع اللحظات في الكتابة عاوزة اكسب اكبر وقت في السعادة
بس عارف الشجن دايما بيحرك اكتر من الفرح لا ادري هذه الطبيعة
بالعكس شكرا للاسئلة ممكن بعدها نجزم انه احنا بنعرف بعضنا
| |
|
|
|
|
|
|
Re: HOZY ضيفتنا اليوم 27/5/2003 الاخت (Re: Hozy)
|
الاخت هــوازن انا المحيرنى دموعك دى ،لورجعتي السودان تلقاني حايم حول ابوروف .مناديل مناديل مناديل مناديل مناديل،
جاءت إليه و نار الجوف تستعرُ *** و دمعة العين لا تنفكّ تنهمرُ جاءت إليه تجرّ الهمّ مخبتةً *** كأنها أشعث أضنى به السفرُ فراشها السهد ، و الأحزان كسوتها *** و البؤس يعصر قلبا كاد ينفطرُ جاءت إليه و موج الغمّ ملتطمٌ *** والنفس لهفى ، وحبل السعد منبترُ
| |
|
|
|
|
|
|
Re: HOZY ضيفتنا اليوم 27/5/2003 الاخت (Re: Adrob wad Elkhatib)
|
الاخ العزيز ادروب
احنا في السودان ساكنين في مدينة النيل او حي جديد جنب مدينة النيل لو حبيت تزورنا بعدين ياسيدي اطمئن انا في السودان ببطل بكاء وشجن بعيش وقتي كويس جدا وببقى شخص تاني وبطلع وش الحديد بتاعي بس برضو حالة البلد ما بتخلي سعادتي تكتمل تسلم
| |
|
|
|
|
|
|
Re: HOZY ضيفتنا اليوم 27/5/2003 الاخت (Re: ودقاسم)
|
الاخ ود قاسم صدقني مش حكاية رفض بس انا ما كنت فاهمة انه مفروض اعرف الشي ده كنت فاهمة انه كوني سودانية دي كفاية ما كنت فاكره انه في السودان حاتزرزر انه لا من وين بالظبط؟ والمأساة انه ما كنت عارفة في الاول يعني ما سألت عن الاشياء دي في الاول بس اول ما دخلت الجامعة الاسئلة بدت وبعدين كل قبيلة شغالة في التانية احنا على طول الخط الناس تشتغل في الشايقية وهم يشتغلو الدناقلة والجعليين وهلمجرا
المهم ياسيدي اعتقد انه قبل كده ابوي قال لي جده الكبير كان في مدني وفي واحد من جدودي كان عنده تجارة في الابيض واتزوج من واحدة هناك اما جدي التاني في ابي روف قاعد وكمان جد امي في نفس البيت لانه الوالد والوالدة قرايب وكده بيت جدي هناك اسمه : شيخ صالح الكنزي وعنده خلوة اظن وماخد مشيخة وكده اها كيف كده ما طلعنا حاجة؟؟ تحياتي
| |
|
|
|
|
|
|
Re: HOZY ضيفتنا اليوم 27/5/2003 الاخت (Re: ابو فاطمه)
|
هوزي
أي مغترب بقول ليك مشتاق للسودان وللناس وللأهل لكن لما يبقى الكلام عن العودة النهائية بتبدا الزوغة والله الله ما هوّن ... لسة بدري شوية ... الظروف السياسية ما مساعدة
كلنا بنتمنى الحال ينصلح وكل سوداني يقدر يرجع بلدو ويعيش أحسن زول لا زول يضايقك ولا تحس إنك مواطن درجة تانية
بلا غربة بلا هم
السؤال: 15 سنة غربة ما بسيطة ... متين العودة تاني؟
| |
|
|
|
|
|
|
Re: HOZY ضيفتنا اليوم 27/5/2003 الاخت (Re: Mohd Mubarak)
|
النبي يا سيد هوازن صلوات للكون توازن
أها يا هوازن ما دمتي على الصفيح الساخن نضع كوب ماء س - ما هي أهم أمنياتك؟ س - كيف تقضين وقت الفراغ؟ س - موقف يجعلك تتفاؤلين خير والعكس أيضاً؟ س - ما رأيك في الشاب المغترب ؟ أنا أنتمي للطريقة الأحمدية يا شباب س - إنطباعاتك عن المرأة الخليجية؟
وشكراً
| |
|
|
|
|
|
|
Re: HOZY ضيفتنا اليوم 27/5/2003 الاخت (Re: Mohd Mubarak)
|
الاخ العزيز محمد مبارك ذي ما قلت انت حالة العيشة كمواطن درجة تانية او رابعة في بلدك شي صعب شديد واحساس كبير بالمهانة على العموم لما تحس انك مواطن درجة تانية في بلد غريب شي طبيعي ومعقول بس في بلدك صعب انا والله لا امانع ابدا بالرجوع لبلدي انا ما اخترت اطلع ، اهلي هم من اختارو الوالد طبعا وعنده اسبابه خصوصا انه كان في الجيش وكده بس عارف انه انا زيارتي دي للسودان يمكن تكون طويلة اكتر في ناس وعدوني بعروض شغل جميلة انشاء الله اذا لقيت شي بيستاهل احسن لي بدل الحبسة دي تحياتي وشكرا ليك
| |
|
|
|
|
|
|
Re: HOZY ضيفتنا اليوم 27/5/2003 الاخت (Re: ابو فاطمه)
|
شكراً استاذة هوازن..أو هوزي كما يحلو للبعض نشكرك كتير...أنا دائماً يعجبني أن اشوف بنات بلدي مرفوعات الرأس... ونبينا صلي الله عليه وسلم قال( ما أكرم النساء إلا كريم وما أهانهن إلا لئيم)... وقال( رفقاً بالقوارير) وقال( حبب إلى من دنياكم ثلات...النساء والطيب وجعلت قرة عيني فى الصلاة) صدق رسول الله صلي الله عليه وسلم... وبعدين إبريم..كنوز.. والدر ما يشوفوا زمهرير في زفة الوزير
| |
|
|
|
|
|
|
Re: HOZY ضيفتنا اليوم 27/5/2003 الاخت (Re: ابو فاطمه)
|
لك التحية استاذة هوزي انا حاكتفي بان اتشرف بمعرفتك
لكن عندي سؤال عن بني جنسك في السودان في الوقت الحالي سؤالي هو كيف تقيمي الطالبة الجامعية السودانية من جميع الاتجاهات؟ وانا اعتزر اذا خرجت عن الموضوع ولكم الشكر
| |
|
|
|
|
|
|
Re: HOZY ضيفتنا اليوم 27/5/2003 الاخت (Re: 3omda4)
|
الاخ العزيز عمدة شكرا ليك على الطلة والله
وسؤالك مش بره الموضوع بس صعب عشان الطالبة الجامعية السودانية هي ذي البلد كل واحدة عبارة عن بيئة ومدينة واقليم ومنطقة وبلد صعب اصنفها صعب افندهم كلهم فيهم الصالحة والطالحة وفيهم المظلومة وتعبانة وبتجاهد عشان تدرس وبتعاني وبتستحمل كتير وفي كمان اللي ماخده الموضوع ضياع وقت ولبس وظهور ده طبعا الساعد على كده ظهور الكليات الكتيرة ومسيخة والجامعات اللي ما ليها طعم ولا لون في اي زاوية وركن وفي بنات فعلا بيدرسو وبيستفيدو وكل شي بس برضو بيستبيحو اشياء كتيرة يعني مقسمين وقتهم بين الخير والشر العلم و.......... حاجات تانية في مكافحات صمدو امام المغريات اللي مش قادرين عليها وامام الضغوط الكتيرة عليهم واعتكفوا للعلم وفي الضعفوا وما قدرو يقاومو والجامعة غيرت فيهم كتير شافوا ناس كتيرة كيف عايشة وعالم جديد غريب عليهم وفي ناس اتصدمت بالاختلاط في الجامعة ديل طشوا عدييل وعيونهم زغللت عشان كده في كتير بس برضو الله يهدي الجميع وياريت يكون الخير اعم عليهم
بس برضو بحس بالرأفة حتى للنوعية السيئة من الطالبات وأعجب بالنوعية المكافحة
تحياتي لك
أتمنى فعلا انه اكون قدرت ارد كويس
والله ياجماعة حسيت انا ما خليت ليكم حاجة عني ماقلتها وما بخلت عليكم باي حاجة وكنت صادقة شديد معاكم تسلمو جميعا
| |
|
|
|
|
|
|
Re: HOZY ضيفتنا اليوم 27/5/2003 الاخت (Re: ابو فاطمه)
|
as a school grad.. what is your contribution towards the faculty and the uni in whole .. i'm saying this after all the loud complains from UoK staff that thier students are not greatfull.
You do listen to Rap? why is that? what do you find in it and who is your favourit rapper hehehe (i don't find it wired for a female to listen to rap though)
till then ...thanks
| |
|
|
|
|
|
|
Re: HOZY ضيفتنا اليوم 27/5/2003 الاخت (Re: ابو فاطمه)
|
nice wording from you .. I did not study in UoK myself but i have big number of my ex-classmates went throught it... but from your words i can see that you hold nothing but regrest for the 4 years u spent there ... i have no comments about how those doctors present thier lectures but at least they did teach you to depend on yourself ..and that's something cant easily be achieved ...
about Rap .. i do listen to rap myself but they never fail to embarrass me with thier explict clips,but tell me, i never fail to see weed's smoke, gals and gangsters in thier clips, let alone gals ...gals ..gals ..like what Jay Z put it.
p/s: i use to see those posts about the Guest of the day and so on .. and today i wanted to know what's inside actually ...and your bad luck turned you to my 1st victim .. but hay gal .. i like your replies ..
| |
|
|
|
|
|
|
Re: HOZY ضيفتنا اليوم 27/5/2003 الاخت (Re: ابو فاطمه)
|
الاخت هوزي يا صاحبة الدمعة الحزينه اشكركي على تقبلكي دعوتي هذه واشكركي على الصراحه التى اسرتها في موجز ردودك واشكر الاخوه الاعزاء والاخوات على هذه المداخلات الطيبة وسؤالي ليك هل اثرت فيك الغربه بعد 15 سنه خارج ارض الوطن تحياتي اخوك ابوفاطمه
| |
|
|
|
|
|
|
Re: HOZY ضيفتنا اليوم 27/5/2003 الاخت (Re: HAMZA SULIMAN)
|
اختنا هوزي اخرج بيك من جو الروتين واسالك وانت مقيمة بالدوحة السؤال الاول ماهو المكان في الدوحة التي تحسي به مشابه تماما للمكان في السودان السؤال الثاني رايك في المجتمع السوداني في الدوحة السؤال الثالث اجمل الأوقات في الدوحة بترى انها مشابهة لجو السودان السؤال الرابع رايك في مدينة الدوحة بصراحة السؤال الخامس والاخير اجمل المناطق السكنية في الدوحة
| |
|
|
|
|
|
|
Re: HOZY ضيفتنا اليوم 27/5/2003 الاخت (Re: keiga2000)
|
الاخت هوزى
تحياتى
ما قصرت فى الردود واسف انا جيت متاخر لكن عندى ليك فكرة ما دام انت خريجة كومبيوتر وبيتكم جنب مدينة النيل وافتحى ليك معهد باسم البورداب وكلنا نساهم فيه لانى شايف فيك الحس الوطن وعشان ما تحزنى تانى واليك هذا الاهداء
كومبيوتر
اى حاجة كومبيوتر الساعة كومبيوتر والنضارة كومبيوتر والجزمة كومبيوتر ياحليل زمن النقر كانت الدنيا طايرة راكة مرة كفر ومرة وتر بس الليلة كلامن كل بقى كومبيوتر الزواج بالكومبيوتر والطلاق بالكومبيوتر والحب بالكومبيوتر والموت بالكومبيوتر انا مالى والكوبيوتر انا مالى وعيشة الضر كنت عايش مرتاح وفى السوق عامل سيوبر ديك بضاعة رابحة وديك خاسرة مرة تركيا ومرة مصر بس ابوى اصر وقال لازم ادرس كومبيوتر عشان بيتنا فيه كومبيوتر وامى صاجة بكومبيوتر وعندها حلة perjure حتى حواشتنا فيها كومبيوتر الزراعة بكومبيوتر والسقاية بكومبيوتر والحصاد بالكومبيوتر عشان مافى حاجة فى بيتنا تخسر انا لازم ادرس كومبيوتر جيت لقيت (ناغبيور) ظريفة ما فيها عيون حاملة شر لكن القلوب عليمها الله هى تراها دافنة سر بس لما جيت اتصعد العواجيز صارت تنظر مرة قالو عنى كوز ومرة قالو شيوعى حر ومرة قالو وقالو قالو انى بسكر ودا كله عشان انى قاعد بدرس كومبيوتر مافى ناس عاملين فيه ادميشن من سنة حفرو البحر لا دايرين امشو ابوظبى ولا دايرين يسافرو قطر بس قاعدين لشغل التنظر انا ذاتى حاقعد انظر النشوف مين الفينا يخسر ما اى حاجة كرهت احمد حتى حركات الprinter ولما اكتب برامج The output equal error حتى اللونا منى زهجت وفى النهاية عملت موتر وعلقت ليه شعار سودانير بس الموتر بمشى خطوة خطوة واللستك جديد قاعد يبنشر ولو الواحد عايز يحب برضو هنالك من ينظر ولو دخلت معاههم معاينة بطلعونى واحد صَغير بس هى قالت لى عشان تبقى قيس وابقى ليلى وتبقى روميو وابقى جولييت وابقى عبلة وتبقى عنتر انا لازم تدخل معسكر انا مالى والمعسكر ومال وبلدى وحكومة عسكر عشان كلامك كومبيوتر وانت ذاتك cpu وانت ذاتك كومبيوتر فى مشيك لاكى رايحة ولاكى جاية ولاكى ماشة ولا كى راجعة متل حركات الprinter عشان عيونك يامزرزر انا اتعلمت الكومبيوتر كومبيوتر كومبيوتر كومبيوتر
| |
|
|
|
|
|
|
Re: HOZY ضيفتنا اليوم 27/5/2003 الاخت (Re: ابو فاطمه)
|
والله اشكرك ياابو فاطمة كتير على لقاءك الطيب وبتمنى انه يكون قربني فعلا من الناس والناس حبوني على طبيعتي ، بتمنى كمان اكون وفقت في الرد لناس كتير وانا يشرفني هذه المعرفة ويشرفني تعرفو عني الكتير وشكرا للمشاركين والمهتمين لكم كل الحب والاحترام والتقدير
سؤالك عن ال15 سنة غربة ما عارفة والله هوازن من جوة ما اتغيرت الا اذا حد تاني شايف غير كده وما اعتقد انه الاقي الحد ده فما اعتقد اتغيرت من جوه بس من بره يمكن واكتسبت كتير برضو بحكم السن وبحكم البلد اللي عايشة فيه مع الاجانب هنا اتعلمت اكتر شي انه ما اخلي حقي ابدا يضيع بالذات مع الاجانب بس مع ابناء البلد متسامحة والله
طبعا انا بصراحة ما بعتبر نفسي بعدت من السودان كتير والله يعني كفاية انه درست الجامعة هناك ودايما بنمشي كل سنة بكون مخزنة كل طاقاتي للسودان فعشت حياتي بحالة توازن والحمد لله بس
| |
|
|
|
|
|
|
Re: HOZY ضيفتنا اليوم 27/5/2003 الاخت (Re: Hozy)
|
الاخ العزيز keiga2000 تحياتي لك تسأل عن انطباعاتي عن الدوحة انت من ناس الدوحة ولا كيف على العموم انا حاعرف
Quote: السؤال الأول ما هو المكان في الدوحة التي تحسي به مشابه تماما للمكان في السودان |
والله ماعارفة بيقولو الريان في مناطق بتشبه السودان عارف لما يقولو كده معناها مناطق شعبية خالص معليش ياجماعة نعمل شنو لكن
Quote: السؤال الثاني رأيك في المجتمع السوداني في الدوحة |
والله للأسف المجتمع السوداني هنا صعب شديد ومخيف ، والناس اغلبها يمكن مش كلها متغيرة كله حسد وغيرة ، وكل واحد لابس ليه وش وانا مالقيت لي وش قدري عشان كده ما قدرت ادخل فيه بس حاولت صراحة شفت كيف
Quote: السؤال الثالث اجمل الأوقات في الدوحة بترى انها مشابهة لجو السودان |
في العيد اكتر شي الحمد لله الواحد بقه في بلد عربي لانه العيد ليه طعمه مع انه في السودان اصلا بطل يكون ليه طعم كبير ذي زمان في فترة كنا ساكنين جنب سودانيين كتير مع الاطفال طالعين وداخلين وكده بتحس كانه في السودان والله
Quote: السؤال الرابع رأيك في مدينة الدوحة بصراحة |
الدوحة حالياً حاقول بقت جميلة والله كل يوم بتتحسن اكتر بزينو في الشوارع دايما وبيحسنو في الشي ده والمباني والمولات فاختلفت كتير عن زمان ولسه بس الدوحة جميلة وهادئة جدا فيها سلام شديد
Quote: السؤال الخامس والاخير اجمل المناطق السكنية في الدوحة |
والله يعني في كتير يعني في الدوحة في مثلا منطقة الهلال الجديد عمرانه جميل والمطار الجديد برضو يعني في اماكن متفرقة جميلة مثلا المرخية والدفنة برضو يعني
انت اذا من ناس الدوحة شكلك جاي قريب تحياتي وتسلم على كل الاسئلة دي
| |
|
|
|
|
|
|
Re: HOZY ضيفتنا اليوم 27/5/2003 الاخت (Re: Hozy)
|
الاخ العزيز ابوقوتة تحياتي لك اخي لوووووووووووووول @ قصيدة الكمبيوتر بالغت عدييل فيها والله شرفتنا بالطلة شديد المهم ياسيدي انه انا فعلا مفكرة اعمل لي مشروع في السودان يعني فكرت في مدرسة علمية لطلبة الصغار وووووووو ما بوريكم فكرتي بس ماعندي مانع في مركز كمبيوتر لان هده كان شغلتي هنا عندي خبرة كويسة في كله يلا ايدكم معانا وتسلم تحياتي
| |
|
|
|
|
|
|
Re: HOZY ضيفتنا اليوم 27/5/2003 الاخت (Re: Hozy)
|
الاخت هوزي اكيد طبعا من الدوخة واشكرك على الاجابات بخصوص موضوع الموصلي انا معاكم من هسع وطبعا انا صديق شخصي للاخ مدني النخلي الذي يسكن بالقرب منا وطبعا من منطقة واحدة شندي وساكنين في حي واحد في مدني وربنا يوفقكم في موضوع الموصلي دا وايدينا معاكم الاميل طبعا هو كيقة 2000 في الهوت ميل اخبرينا عن الخطوات بخصوص هذا الموضوع
| |
|
|
|
|
|
|
Re: HOZY ضيفتنا اليوم 27/5/2003 الاخت (Re: ود عقاب)
|
اخي ودعقاب كيفك كده؟ وينك انت؟ ياسيدي البيت ده عاجبني شديد كاتباه فاديا فهد بس انا من اول ماقريت القصيدة كاملة رسخ في ذهني بعض من كلمات القصيدة وحفظتها طوالي ، اختك حفيظة وكده ولكن لا اذكر من الباقي شي تسلم ياسيدي تحياتي
| |
|
|
|
|
|
|
Re: HOZY ضيفتنا اليوم 27/5/2003 الاخت (Re: ابو فاطمه)
|
هوزي العزيزة سلام،، في أسئلة يمكن الباقين يستغربوها لكني استطيع ان أعرف الشخص من خلالها مثل: ما هي الألوان السائدة في ملابسك؟ الشئ الذي تركزين عليه وأنت تتحدثين مع شخص آخر أمامك؟ هل تشاهدين الأفلام السينمائية للتسلية فقط أم انك تشاهدينها بعين ناقدة؟ دمتي
| |
|
|
|
|
|
|
Re: HOZY ضيفتنا اليوم 27/5/2003 الاخت (Re: Raja)
|
العزيزة رجاء تسلمي ياستي طيب ياستي
Quote: ما هي الألوان السائدة في ملابسك؟ |
والله انا لما اشتري ما بفكر في اللون المحبب اكتر شي لا بفكر في انه ابتعد عن الالوان المكررة عندي بس بحب اللون الاصفر ( ما تقولي لي دايرة تظهر ) بس برضو ما عندي كتير شديد عندي برضو اخضر كتير ودرجات الازرق والكحلي يلا ورينا انشاء الله ما اكون صعبتها عليك؟
Quote: الشئ الذي تركزين عليه وأنت تتحدثين مع شخص آخر أمامك؟ |
لما اتكلم مع اشخاص لاول مرة او بالكاد بعرفهم نظري بيكون بعيد بس من غير تركيز في شي او بكون بلعب في شي بيدي اما الاصحاب بكون مركزة في الوش ، الوجه
Quote: هل تشاهدين الأفلام السينمائية للتسلية فقط أم انك تشاهدينها بعين ناقدة؟ |
زمان دايما ما بقعد في التلفزيون كتير الا اشوف دعاية لفيلم رهيب بعدها بهتم انه اشوفوه لانه اكتر شي بشوف قنوات الاغاني بس حاليا الايام دي تحديدا عندي فراغ كبير فجأة بقيت اشوفوه كتير بس بمزاج برضو لما اشوف شي بايخ بيكون بامتعاض عشان كده حاسه بالملل والقرف الله لا وراكم
| |
|
|
|
|
|
|
Re: HOZY ضيفتنا اليوم 27/5/2003 الاخت (Re: ابو فاطمه)
|
العزيزة هوزي صدقيني خايف اعتاد عليك بي دمعتك وملامحك الحزينةالتي عبرت عنها كتاباتك ايضا وخايف الاقيك القاك ما إنت يعني القاك زي ما قال هلاوي القاك وما القاك زولي البعرفو صحيح بس سؤال واخد لانو الاخوان قالوا كل العايز اقولوا متي اراك مبتسمة وينتهي كل هذا الحزن رغم انه يضفي عليك القا خاصا
| |
|
|
|
|
|
|
Re: HOZY ضيفتنا اليوم 27/5/2003 الاخت (Re: ابو فاطمه)
|
بالمناسبه ممكن أعلق على أسمك؟ أسمك حلو شديد ما شاء الله..ممكن تسلفينى ليهو
خلاص نبدأ الأسئله..حضرى ورقه وقلم..مستعده؟ مستعده طبعايا حبيبتى يا بت الأحفاد, يلا بطلى عواره وأدخلى فى الموضوع مباشره
ok
سؤالى هو..بما أنكى عشت فتره طويله خارج الوطن..ما هى المميذات والمساؤى التى أكتسبتيها نتيجه لبقاءك خارج الوطن كل هذا الوقت؟
هل تأقلمتى بسرعه مع العيشه فى السودان بعض طول أغتراب..هل أحسست بأختلاف فى التفكير..الخ
هل تمانعين من العيش فى السودان بصوره دائمه؟ وماهى أكثر الأشياء التى تشدك للعيش فى السودان وأكثر الأشياء التى تجعللك متتردده عن الذهاب بصوره دائمه
لكى خالص ودى
وفى أمان الله
لا اله الا الله
| |
|
|
|
|
|
|
Re: HOZY ضيفتنا اليوم 27/5/2003 الاخت (Re: bint_alahfad)
|
الاخت العزيزة بت الاحفاد كيفك يا غالية؟ ضحكتيني والله مبالغة تسلمي ياستي على الاسم اتفضليوه طوالي ما يغلى عليك يلا انا ذاتي اخش ليك في الجد على قولك
Quote: بما أنكى عشت فتره طويله خارج الوطن..ما هى المميذات والمساؤى التى أكتسبتيها نتيجه لبقاءك خارج الوطن كل هذا الوقت؟ |
طبعا الغربة دي بتأثر مافي شك بس عارفة انا ماغبت عن السودان شديد خالص كده لانه درست كتير في السودان ودرست الجامعة كمان في السودان وقبلها كنا بنمشي السودان كل سنة فاعتقد انه ما ااكتسبته انه الواحد كان شوية اصغر وفي حاجات بحكم انه الواحد كبر في السن بس عارفة قلت قبل كده الواحد حاسس انه شخصيته اقوى بس بقى شوية شرس يعني ما بستحمل اخلي حقي لاي زول خصوصا هنا والغربة دي خلتنا نزفنا كتير والله
Quote: هل تأقلمتى بسرعه مع العيشه فى السودان بعض طول أغتراب..هل أحسست بأختلاف فى التفكير..الخ
|
طبعا قلت ليك انه ما بعدت عن السودان كتير بالذات مرحلة الجامعة مع انه انا ما صحراوية شديد فلاقيت صعوبات بس كنت مستمتعة شديد اتعلمنا مسئوليات وحاجات كتيرة والمعاناة دي ذاتها بتعلم الصبر مش كده
Quote: هل تمانعين من العيش فى السودان بصوره دائمه؟ وماهى أكثر الأشياء التى تشدك للعيش فى السودان وأكثر الأشياء التى تجعللك متتردده عن الذهاب بصوره دائمه |
والله لا امانع ان اعيش في بلدي وان جارت علي عزيزة في السودان بحس باني متحررة من كتير من الحبسة مع انه ما محبوسة شديد وبحس انه البلد مافيها اقنعة هنا ذي الناس في الغربة دي بحس بنفس هناك باني سعيدة مبسوطة على الاقل سعادة حقيقية كل الاشياء هناك عندها طعم خاص كل شي له معنى بخاف من ممارسات الحثالة الحاكمة هناك بخاف اصطدم بيهم مش قلت ليك ما بخلي حقي بالذات مع ناس تقصد تحقرك وتضطهدك ما بستحمل والله الناس المستفزة دي وما بتعرف تطلع الطيبة ابدا ابدا ابدا !!!!!!!!!!!!!!1 بتستفز كل الاهل هناك والناس كلها مظلومة في حاجات كتيرة بتخوف بتحسي انك محتاجة قروش كتيرررررررررررررررة عشان تعيشي كويس كل شي غالي ومكلف اووو البلد نار والله بقت غايتو الله يعينا تسلمي ياستي تحياتي
| |
|
|
|
|
|
|
Re: HOZY ضيفتنا اليوم 27/5/2003 الاخت (Re: Hozy)
|
الاخت هوزى شكرا كتير على الدعوه، بالمناسبه انا ساكن قريب منكم،ده لو بيتنا لسع ماشلعوه انالى 14 سنه ماشفته . شايف الناس اسئلتهم ساهلة انا عندى ليك سوال صعب
رايك شنو فى الزواج من ادروب ؟؟
| |
|
|
|
|
|
|
Re: HOZY ضيفتنا اليوم 27/5/2003 الاخت (Re: Adrob wad Elkhatib)
|
عارف ضحكت ودخلت قلت حاجاوب ليك على السريع واوريك انه سؤالك ما صعب ولا حاجة بس بصراحة لقيت نفسي مسحت الاجابة 5 مرات يمكن في الاخر اظن صحي صعب بس انت ياادروب عاوز تتزوج كده بس بطيخة مقفولة وكمان ماشايفها ولا اللقاء ده شايفه كفاية على العموم انا أكدت انه كلامي ده كان كله بصراحة بس برضو ياخي يمكن يكون فيني عيب تاني خلقي مثلا ولا مشلولة ولا اي مصيبة زمان حمانا وحماكم الله لووووووووووووول والله انت ماطبيعي جن عديييل هسه ده سؤال ده!!!!
| |
|
|
|
|
|
|
Re: HOZY ضيفتنا اليوم 27/5/2003 الاخت (Re: ابو فاطمه)
|
العزيزه هوزي هل الغربه الطويله تجعل الانسان اكثر حساسيه فيما اذا اتهم في وطنيته؟ او حبه لبلده؟ لاشك ان للغربه فوائدها الكثيره كما لها مثالبها لكن اكيد اكتسبت خبرات كثيره في التعامل مع الاخر ومعرفة قيمة الوطن ما هي تجربتك؟ روحك عاليه جدا في تقبل الاخرين كما حساسيتك في الانتقاص من ولائك او من رفض الاخرين لك احيي فيك جملة خصال استنجتها من كتاباتك وتعليقاتك واتمني ان تسود بين ابناء جليك وفقك الله كان الحوار ممتع وجميل استطعنا ان نغوص في شخصيتك ونتعرف عليك لك الشكر علي هذه الاريحيه
| |
|
|
|
|
|
|
Re: HOZY ضيفتنا اليوم 27/5/2003 الاخت (Re: hasan_6)
|
سلام هوزى طبعا طلعنا دفعة.وعجبتنى ردودك الواضحةوالجرئية. خصوصا لما اتكلمت عن جامعةالخرطوم والتحدى لبيعملوا للطلاب فى الاكاديميات.(قربوا يطلعوا لينا صامولةمن راسنا دا لوماطلعت صحى واحنا ماعارفين). طبعا هوزى اكثر حاجة كانت ملفته فيها اناقتهاياجماعة.ويبدولى انك انك اكثر هدوءا من ردودك الان ولا انا غلطانة. انا سعيدة انو البورد جمعنا بعد ان تفرقنافى بقاع الارض لك التحاياالعطرات.
| |
|
|
|
|
|
|
Re: HOZY ضيفتنا اليوم 27/5/2003 الاخت (Re: hasan_6)
|
الاخ العزيز حسن شكرا لطلتك علينا من زمان ما شفناك في البورد كيفك كده بالله؟ بخصوص سؤالك
Quote: هل الغربه الطويله تجعل الانسان اكثر حساسيه فيما اذا اتهم في وطنيته؟ او حبه لبلده؟
|
حساسية بس قول ليك اي مرض مزمن كده في الحالة الحرجة بتكون ما مستحمل ولا في وطنك ولا نفسك ولا اهلك ولا عشيرتك بيكون التيرمومتر بتاعك عالي شديد اوووووووووك
Quote: اكيد اكتسبت خبرات كثيره في التعامل مع الاخر ومعرفة قيمة الوطن ما هي تجربتك؟
|
حسب فهمي لسؤالك الخبرات طبعا اكيد بالذات لما تدخل معترك العمل وكده وفي غربة بتكون حاسس انك في غابة عدييل عشان الاجانب في بعض عادة ما بتكون في تنازلات كل واحد عاوز يطلع على حساب التاني في تجاوزات كمية مش ذي بلدك ، بتلقى المساعدة والناس بتقيف مع بعض كتير وبتدي وبتاخد من بعض هنا لا بيخافو يدوك وما ياخدوا منك ، اصلا بيخافوا يدوك تقوم تسبقهم وتنال درجة اعلى منهم يعني كان طلعوا اصيلين وما سعوا لتطفيشك اقصى شي ممكن يعملوه انه يكونو مسالمين معاك ودي القمة طبعا
قيمة الوطن انت كفاية تطلع من الوطن عشان تحس بقيمته فعلا عشان تحس بلدك ده مهما كان مافي احسن منه ليك او عليك ولانه بسبب الغربة حسيت قيمته عندي عالية فلما ارجع كنت حتى حساسة وانا هناك تجاه ما يمسه من شر واعمال مغرضة انا بصراحة ما عندي اي لون سياسي محدد بس رغم كده كان عندي مواقف ، بس لاني ما كنت بخاف ما تقول لي ليه، يمكن قنعانة من روحي لوووول
تسلم على باقي كلماتك الطيبة في حقي والله انا اسعد بوجودي معكم بعد ان صرتم ملاذي الوحيد الف تحية لك حسن شكرا
| |
|
|
|
|
|
|
Re: HOZY ضيفتنا اليوم 27/5/2003 الاخت (Re: Hozy)
|
العزيزة روعة والله انا اكتر وتسلمي ياطيبة على الدفاق والكلام الطيب في حقي قولي لي انت روعة كمال؟؟؟؟؟؟؟؟؟؟؟؟؟؟؟؟؟؟؟؟ من اسكول ولا؟؟؟؟؟؟ وريني سريع بالله فتحت البروفايل بتاعك لقيتك في اليابان؟؟!!! وريني تسلمي تحياتي
| |
|
|
|
|
|
|
Re: HOZY ضيفتنا اليوم 27/5/2003 الاخت (Re: ابو فاطمه)
|
اختى هوزى....وغالبا سنيري من الجامعة.. سؤالي بسيط........ متى تبتسم هوزى لا شعوريا...... وهل اتكسرتى في ودجيرانكم او زميل.... ................................. انحنا الشباب كلنا حبينا بنت الجيران...حب من بعيد...
| |
|
|
|
|
|
|
Re: HOZY ضيفتنا اليوم 27/5/2003 الاخت (Re: omdurmani)
|
الأخ ... أبوفاطمة ....
شكرا لك على هذه اللفتة البارعه ... وشكرا لي أختنا هوزي الأمدرمانية ... ما لازم تكوني من أمدرمان الحضارة والعراقة
.. أبوفاطمة أوعا المرة الجاية تقول لي ضيفنا .. أبوالكنفد أنا خايفك تقول أختي شيري الله يديها العافية
أها فتك عافية
| |
|
|
|
|
|
|
Re: HOZY ضيفتنا اليوم 27/5/2003 الاخت (Re: omdurmani)
|
1- موضوع الموصلي
المطلوب التأكد من وصول طلب الموصلي بخصوص الإشتراك في المهرجان إلى إدارة المهرجان {المنسق العام محمد المرزوقيفي المجلس الوطني للثقافة } وإذا لم يكن هناك طلب نتقدم بطلب جديد ،إضافة لمعرفة الإجابة لكل أسئلة الموصلي ،مثلآ السؤال عن الأوركسترا وعددها و...الخ
الإتصال ببورداب الدوحة ، بإعتبار أن النداء كان موجه لهم ،وأترك لك مهمة مراجعة البوست لتحديد بورداب الدوحة ،وتوجيه دعوة لهم للتفاكر المباشر ،أو ان يكشفوا عن عناوينهم لأغراض الإتصال والتنسيق
ألإتصال بالمهتمين في الدوحة من غير البورداب ،والدوحة تعج بعدد كبير منهم ،صقلتهم تجربتهم مع الراحل مصطفى سيداحمد ،وهذه تكون مهمة لجنة بورداب الدوحة
2- المقابلة
ممكن أشارك؟
انا ما عندي سؤال ،، ممكن أجاوب؟
| |
|
|
|
|
|
|
Re: HOZY ضيفتنا اليوم 27/5/2003 الاخت (Re: omdurmani)
|
الاخ العزيز ام درماني من وين في ام درمان بالله؟؟؟ انا ذكرت انه جدودي من ودنوباوي وابي روف وانت من وين؟ شنو الاسئلة الصعبة دي اولاد ام درمان ما اتكسرت فيهم كنت بخليهم هم اتكسروا لووول بس في الجامعة اعتقد شي طبيعي شفت الدبلوماسية دي كيف؟؟!! لووول
وشكرا ياخي على اسئلتك الصعبة
| |
|
|
|
|
|
|
Re: HOZY ضيفتنا اليوم 27/5/2003 الاخت (Re: alsngaq)
|
تسلم يا السنجك الاسم طبعا لقبيلة عربية وكده ممكن تشوف بوست سولارا عن الاسماء المهم ياسيدي جميل انه يكون ليك اسم مميز وده شي بيبسطني انه اسمي نادر وكده كل المشكلة في اسمي انه اي مكان امشي اسمك مين: ؟ اقول هوازن نبدا في ::: نعم معناه شنو؟ يعني انا اذا يوميا بلاقي ناس يوميا بتسأل في معنى اسمي وطريقة نطقه يعني في ناس بيقولو حاجات غريبة شديد في ناس بيقولو لي : هوزان مثلا او هوادن ، او خوازم ، هوازم ، عواطف وحاجات كتيرة هسه عليك الله الدخل عواطف هنا شنو المهم بس برضو ما بطال مش كده تسلم ياسيدي تحياتي لك
| |
|
|
|
|
|
|
Re: HOZY ضيفتنا اليوم 27/5/2003 الاخت (Re: ابو فاطمه)
|
عزيزتى هوزى
كتبتى( بس هتت يادروب عاوز تتزوج كده و بس بطيخه مقفوله وكمان ماشايفها) اهلنا عرب الجزيره بيقولو شوف العين ما برمى غزال ……… وفى نفس الكلام ما قاله المتنبى في سرقته من المثل اعلاه واطراق طرف العين ليس بنافع******اذا كان طرف القلب ليس بمطرق و البلدي بتاعنا الذي سرقناه من المتنبى أنتى ياهوزى ما عجوة بس **الاعمى و البيشوف بعرف انك سكر بس وكتبتى(والله انت ما طبيعى جن عديل) وكنت متوقع
وما كنت ممن يدخل الحب قلبه ***** ولكن من يبصر جنونك يعشق
وختام الحديث خلاص كلمت اهلي وقريبا بجو ناطين ليكم فى الدوحه..........عشان يكلمو عم صلاح و يقولو ليه ادروب مقتول فى حوش صلاح ابراهيم.........
| |
|
|
|
|
|
|
Re: HOZY ضيفتنا اليوم 27/5/2003 الاخت (Re: Adrob wad Elkhatib)
|
العزيزه الصديقه هوزي كيفك مع هذا الكرسي المولع حبيت اعقب على بعض الكلام لو سمحتي لي اولا اؤيد الاخت روعه في اناقتك و اضيف عليها ملحوظه برضو تعقيبا على كلام امدرماني وهو انك صاحبه ابتسامه جميله جدا كذلك ماشاء الله و فوق دا كلو انك زوله جدعة شديد وكمان hard worker وكمان ما حنكوشه رغم انو من يقرا كلامك قد يظن ذلك كان هذا مجرد تعقيب ولسه ما لقيت السوال العايز اسالو ليك ربنا يحفظك و يوفقك و يزيدك قولي امين
| |
|
|
|
|
|
|
Re: HOZY ضيفتنا اليوم 27/5/2003 الاخت (Re: ابو فاطمه)
|
الاخ العزيز ابو فاطمة ما تقول فعلا الاسئلة ماشة صعبة شديد
والله فعلا بشكرك على هذا الحوار الجميل استمتعت جدا بالحوار مع الاخوان وانشاء الله بفايدة ما اتبرو مني واهو انت شايف في محاسن تانية بالنسبة لسؤالك الصعب ماهو كل الناس بتلعب كورة في زول مابيلعب لكن كلنا الدنيا لاعبة بينا الكورة والله وغايتو بس انت قصدك ياتو كورة حدد؟؟ الحكاية اتعكست
ولا شنو ؟ لوووول
| |
|
|
|
|
|
|
Re: HOZY ضيفتنا اليوم 27/5/2003 الاخت (Re: Hozy)
|
أدروب حقو ندي بكري الحلاوة وكمان ابو فاطمة ما شي ساهل الواحد يطلع بعريس من البورد ده يعني فاتورة النت جابت اخدت حقها لووول يعني يعني ياادروب قلنا ليك يمكن عندي عاهة ما اقتنعت برضو مصر وما خايف تتمقلب لكن هسة أنا بقيت خايفة اتمقلب والله لوول
| |
|
|
|
|
|
|
Re: HOZY ضيفتنا اليوم 27/5/2003 الاخت (Re: Adrob wad Elkhatib)
|
هاي/ نيلينك والابنوسة
اسمك نور خيام البدو الرحل بعد طول الضلمة جديد لنج مالحقت الكرسي وهو مولع لكن القمراية الرامية علي ( أم درمان باليل )... ناوشتني الجنترة وكان حاصل الحاصل والبتحصل : زميلة الحنكشة عند ناس البورد : هترشة ما قبل الاول شربت الشاي في السوق العربي بين الهجير وريحة الشمس التفتح ريد النيل بالعافية ؟ كمبيوتر في دي ما زملان حضرتك سنير . أحني حروفي أحتراما سمعتي بالنبقة الهاجرت لسابع أرض تفتش في ضي الحبيب ولامن تاهت طلعت لقتو مستنيها في صفقة شجرة أسمها السودان ؟ امنياتي بأطلالة صفقتك بسررررررررررررررعة هترشة مابعد الاول : باب الألفة الفيك بفتح من وين ؟ هترشة ماقبل المنتهي : بوبات الدخول لي وطن اجمل بيكم بتبدا من هنا وفتك نيلين
| |
|
|
|
|
|
|
Re: HOZY ضيفتنا اليوم 27/5/2003 الاخت (Re: زوربا)
|
اهلا بزوربا واهلا بالحنكشة ذاتو والله سعدنا بطلتك معنا ومرحب بيك تاني كمان والله ولا حنكوش ولا حاجة هسه ده كلام حناكيش انا الحنكوشة ياسيدي اعترف واقر لانه في كلامك في شي ما وقع لي لووول ذي وقعت النبقة في الصفقة !!!!!!!!!!!!!!
الهترشة لكن ما عندك تسلم لطلتك اللطيفة علينا احنا نشرف بيك اكتر والله كل التحية وكل الاحترام
| |
|
|
|
|
|
|
Re: HOZY ضيفتنا اليوم 27/5/2003 الاخت (Re: ابو فاطمه)
|
الحبيبه هوزى
كيفك يا غاليه, تمام التمام؟ أها خلاص نقول مبروك ونطلق الذغروده وله لسه شويه؟ يابت شايفاكى أخر أرتباك ما تخافى كلنا لها أنا غايتو من أول المعزوميين شئيت أم أبيتى
بجد أستمتعنا كثير باللقاء معاكى وبمعرفتك وشكرا لأجابتك الصريحه, وجذاء الله الأخ أبو فاطمه كل خير أن أتاح لنا الفرصه للتعرف عليك
وللك حبى
وفى أمان الله
لا اله الا الله
| |
|
|
|
|
|
|
Re: HOZY ضيفتنا اليوم 27/5/2003 الاخت (Re: PLAYER)
|
الاخ العزيز بلير كيفك كده؟ بركة الوصول بالسلامة لووول مشيت كتير بالنسبة ل ..... لووول بالغت والله انت لسه من زمن كده فعلا شكلك ليك سنين طويلة من السودان مع مواكب الاحداث والتسميات الجديدة
ياسيدي سألتني سؤال كنت اتوقع اسئل له بس انا بقول ليك ممكن يكون في سؤال ما كنت متوقعة انه اسأل ليه معليش في بس العكس مااعتقد لانه الاخوة الكرام سالو كتير هو اكيد لسه في اشياء كتيرة بس امكن ما بيهم الناس في شي عشان ابراهم واعمل ليهم صداع بالحاجات دي
اذا على بالك اي سؤال انا جاهزة للاجابة بس انت اسأل
ممكن اقول لي ناس البورد بتمنى انه جزء من هوزي يكون وصل ليكم وبتمنى انه تحسوه صاح ودمتم اعزاء لي وسلامتك تاني بس تحياتي لك
| |
|
|
|
|
|
|
Re: HOZY ضيفتنا اليوم 27/5/2003 الاخت (Re: ابو فاطمه)
|
العزيزة هوزي سلامات وتحيات حارات أولا أعتذر عن التأخر في الرد لا لشئ إلا لأنني كنت مشغولة كتييييير في أمر بيتي بحت جعلني أتغيب حتى من الشغل.. ثانيا: نبدأ التحليل مع الاعتذار لفرويد وأصحابه من العلماء.. اللون الأصفر يعكس شمس ساطعة بداخلك، لا يعني حب الظهور مثلما اعتدنا على ذلك، ولكن حيوية وطاقة مصدرها الشمس التي تجذبك أشعتها، بقية الألوان تشير إلى حبك للطبيعة حقيقي، فلون البحر والسماء والزرع هي ألوانك السائدة ثالثا: بالرغم من الثقة بالنفس التي تبدين عليها إلا انك عزيزتي تحاولين باظهارها إخفاء خجلك ، قد يكون من حولك يمتدح شخصيتك باستمرار "وهذا أمر يدعو للثقة وربما الغرور لا سمح الله"، لكنك في داخلك تتمنين لو يعاملك الآخرون وكأنك صغيرة وضعيفة وتحتاجين للحماية وليس العكس (فاهمني) يعني الناس راجية فيك الكتير، ويمك ان تكوني قدر ذلك الكتير، ولكنك تشتاقين لهوازن الصيغيرونية في النهاية يا هوزي انت بحاجة لتغيير في حياتك، لأن الملل والقرف اللذان اشرتي لهما لا ينطبقان فقط على الأفلام.. لا استطيع ان اقدم لك النصيحة في نوع التغيير ولكنك بلا شك ستستطيعين إحداثه لك حبي
| |
|
|
|
|
|
|
Re: HOZY ضيفتنا اليوم 27/5/2003 الاخت (Re: Raja)
|
الاخت العزيزة رجاء والله حيرتيني عدييييييييييييييييييل كده جبتي ده كله من وين وانا حاساك انكي متأكدة انه صح مش كده؟ 99% بالجد صحيح اسمعي اوع يكون بتشوفي الطالع كمان اديني بس عنوانك وتليفونك عشان اتفاهم معاك والله في كتير صاح يعني انا فعلا نشيطة جدا بحب الشغل وبكره عدم الشغلة عشان كده الملل حاصل وبعدين انا فعلا مرات كتيرة بحاول اكون شخصيتي قوية بس لما زول يقول لي كده ما بتبسط بحب اعامل غير كده المهم في شربكة كده تجي تفكيها معاي؟؟؟ تحياتي لك
اسمعوا ياجماعة حقوا نعمل ليها بوست مخصوص
| |
|
|
|
|
|
|
Re: HOZY ضيفتنا اليوم 27/5/2003 الاخت (Re: haneena)
|
كيفك ياحنينــــة انتي تمام انشاء الله تسلمي كلك ذوق والله ولطافة وحنية كمان شفتي كيف احب الفصول الشتاء بحب البرد وبكره الصيف جدا وحتى في الشتاء مثلا اللي فات عمري ماقفلت المكيف ولا في العربية ولا البيت بيقولو لي انتي ماطبيعية يمكن تحياتي لك
| |
|
|
|
|
|
|
Re: HOZY ضيفتنا اليوم 27/5/2003 الاخت (Re: Hozy)
|
سلامات يا هوزي
شكرآ للاطراء عزيزتي و لحسن ظنك بي
أنا بقي عكسك طوالي
أكره الشتاء في هذه البلد التي تموت من البرد حيتانها
والله الايام دي أنا مبسوطه شديد عشان الصيف وصل
اذدهرت الحدائق بعد ان كانت الاشجار عيدانا قاحله تبعث علي الكآبه الناس مبسوطه بعد دبرسة الشتاء القارس بليله الطويل الذي لاينتهي
معليش إنفتحت فيك والناس مضيفينك عذرآ أ حبتي
حنينه
| |
|
|
|
|
|
|
Re: HOZY ضيفتنا اليوم 27/5/2003 الاخت (Re: haneena)
|
تسلمي يا حنينة وانتي تشرفي والله بالعكس انا سعدت بكلامك يمكن انتي في بلد درجة البرودة عالية بس احنا المشكلة الدرجة مابتنزل عن 23 والناس بردانة برضو وعاوزين يموتو ما عارفة في شنو؟ تسلمي ياستيتحياتي لك
| |
|
|
|
|
|
|
Re: HOZY ضيفتنا اليوم 27/5/2003 الاخت (Re: ابو فاطمه)
|
أدرب صورة هوزي دي ما ظهرت عندي وده موضوع سؤال زاتو هوزي سؤالي الأول هو صورتك لييه ما ظهرت عندي؟ يعني بالواضح أدروب عمل ليها شنو؟
هوزي سفير واناوزمراوي بت قضيم.. ماذا قدمت هوزي من خلال هذا المقعد عنا لنا ولهم عن السودان؟ هوزي في الغربة مثلي ومثل عبد العاطي وشيري والموصلي وتماضر وبالمناسبة هي وين والسؤال ده ما ليك.. لكن سؤالي كلنا بنقول في الغربة السودانيين اتغيروا الكل بقول نفس السؤال طيب الاتغير منو؟ وهوزي عملت شنو ولو علي نطاق الحوالينا؟ إذا عادت بها الأيام للماضي ..ماذا تغير هوزي في واقعها الحالي؟ لقوا في واحدة من المعابد المصرية القديمة_نقلاً عن ميكي جيب_ واحدة بتشكي بالفرعوني عن سوء الحال وتغيير الحاضر والحنين للماضي _ أيام الديناصورات_يعني برضو قبل الفين سنة بنشكوا البشر من حاضرنا . هوزي بتشكو من شنو في الحاضر ده مقارنة بي ماضيها؟ هالة قوتة بتحلم بالتغيير عن طريق هالة وهوزي وبت الأحفاد , تغيير الواقع ومرارتو..يدكم معانا ويا هوزي مدي حجر لو ما دايرة تجدعي وورينا ممكن هوزي تقدم مع بنات جنسها شنو؟ سؤال اخير أدروب خطب هوزي فكرك يرضى بي عديل إذا كان لهوزي أخت أخرى ؟ ولا خليني أعيد صياغة السؤال كالآتي ممكن يتوفر الصدق عبر الانترنيت يا ناس ؟ في رايي ممكن لكن في راي البت الدايرا لا لوووووووووول كدة بورت روحي؟ لا هي ذاتا عفنة قصدي عرست يللا في انتظارك
تبلدي ولا ابنوسي البعجبك
| |
|
|
|
|
|
|
Re: HOZY ضيفتنا اليوم 27/5/2003 الاخت (Re: Hozy)
|
الاخت العزيزه هوزى شكرا جزيلا على سعة البال و الظرافه، ونشكر الناسالباركو لينا لينا والحسدونا والحلاوة والتمر سوف نوزعها على ناس البورد حتى تعم الفرحه...حتى ولو لى لحظه ، بما اننا شعب لا نعرف الفرح فليبقى فى الخيال. وكان هذا القصد وانا اسف اذا كان بسبى مساك حرج.
| |
|
|
|
|
|
|
Re: HOZY ضيفتنا اليوم 27/5/2003 الاخت (Re: ود الشيخ)
|
الاخ العزيز ود الشيخ هلا بيك وبي طلتك وتسلم عزيزي على هذه الاريحية ويشرفنا ان تقرأ عنا القليل
والله فعلا ابو فاطمة عاوز لقاء مطول معاه وداير ليه اعداد
حنخليه هو ينزله باسمه كمان
لقاء اليوم مع ابوفاطمة والبوست لابو فاطمة شفت كيف حركة لوول تحياتي واحترامي لك اخي تسلم
| |
|
|
|
|
|
|
Re: HOZY ضيفتنا اليوم 27/5/2003 الاخت (Re: ابو فاطمه)
|
الاخ العزيز زوربا
قلنا نجيب الكلام تحت شوية عشان باب الإلفة يفتح على حوش البورد ، لانه هو مش باب هو حوش عدييل
يعني بس تدخل الحوش تكون دخلت من بابنا المفتوح
السؤال الأؤل ليك ، مش قلت ليك انا حنكوشة
سلمت ياسيدي على الطلة ولطيف الكلام
تحياتي وتقديري
| |
|
|
|
|
|
|
|