|
العزيزة هوزي والعزيز زيكو....ألف مبروووووووك
|
بعد أن بوظت البنت العسولة وجن، مشروعنا الإستثماري أنا والأخ ودالجعلي وآخرين، لدق وتعبئة الشمار وتصديره إلى أركان الدنيا الأربعة فقررنا عرض كل المخزون بالمجان
وتعالو جميعا نتقدم بالتهنئة ونبارك
للغالية جدا هوازن صلاح "هوزي" والأخ الفاتح "زيكو"ه
فألف مبرووووووووووووووك وعقبال البكاري
|
|
|
|
|
|
|
|
Re: العزيزة هوزي والعزيز زيكو....ألف مبروووووووك (Re: nadus2000)
|
العزيز زيكوووووووووووووو
الف مبروك الخطوبة و عجبنا و سرّ بالنا
بس يا غتيت نحن كنا فرد فى الاجازة دى من بيت ودالدامر لبيت ودالشيخ (ابو بشرى ) لبيت هشام عباس و لحدى الريفيرا
و بعد ده كله ما تلمح لى ساى ؟؟؟ غايتو جنس غتاته
لكن عجبتنى ليك الخطوبة يا زيكو و تستاهل كل خير
هوزى
مبروك الخطوبة و فرحنا جدآ لهذا النبأ
بس يا دوب انا عرفت سر الدموع
نادوس و ود الجعلى
شماركم مات يا شمّات
| |
|
|
|
|
|
|
Re: العزيزة هوزي والعزيز زيكو....ألف مبروووووووك (Re: KOSTA)
|
هوزي السمحة حروفا والصديق المرتقب إذا ما سمح لي زيكو
نيلينكم والابنوس والشوق الجاري عليكم
أزرعوا البسمة فينا أكتبوا كل الفرح فينا لنيمم نحن امنياتنا الصادقات صوب فجركم القادك اكثر أشراقا
ألف الف الف الف الف الف مبروووووك
والريد نيلين
| |
|
|
|
|
|
|
Re: العزيزة هوزي والعزيز زيكو....ألف مبروووووووك (Re: MOHDY)
|
مبروووووووووووك يا ابو الزيك
يا حبيبي بركة يا زول
والله عفارم عليك ..
هـــوزي مبروك ياخ .. مبروك شديد .. والله بيت مال وعيال .. يا ابو الزيك الواحد كان نزل يعد شهر ..كيف ؟؟؟ في امكانية ؟؟
نادوس ..غايتو وجـــن بالغت صيعتك انته وود الجعلي .. انا عامل قطيم وكان عارفه بتفتو ..كان قبيل ..بعتكم ..لكن البت دي يعملوا ليها شنو بس حرقتنا روحنا ذاتو ..
تمبس
| |
|
|
|
|
|
|
زيكو وهوزي (Re: nadus2000)
|
زيكو وهوزي الفيييييين مبروك..جيت في غيابكم..لكن اتلاقينا في فرحه.. نادوس الله يبرد ليك بطنك كان بردت لي بطني,, الشمار كتلني.. توما
| |
|
|
|
|
|
|
Re: العزيزة هوزي والعزيز زيكو....ألف مبروووووووك (Re: nadus2000)
|
بسم الله الرحمن الرحيم
المحبوب نادوس 2000 سلاااااااااااااااام وفرحة
مبرووووووووووووووووووووووووووووك للأصدقاء هوزي وزيكو
العام الأول تجينا هوزي شايلة سمؤل العام التاني تجينا هوزي شايلة تهاني العام التالت تجينا هوزي شايلة خالد العام الرابع تجينا هوزي شايلة رافع العام الخامس تجينا هوزي شايلة فايز العام السادس تجينا هوزي شايلة فارس
هوي ها كفاية
| |
|
|
|
|
|
|
Re: العزيزة هوزي والعزيز زيكو....ألف مبروووووووك (Re: almohndis)
|
الأخوان والأخوات بورداب الدوحة
يلا تعالوا نحتفل بعرسان البورد العريس إيهاب وعروسته العريس زيكو وعروسته هوازن
والدعوة موصولة لجميع البورداب في أصقاع الدنيا وعلى أصحابنا في الأقاليم مراعاة فروق الوقت
وحفلتنا بحمزة سليمان عندك أي إعتراض يا حبيب
وفنانينا الكبار في الشتاتات البعيدة لو شاركتونا
تكتمل بهجتنا
| |
|
|
|
|
|
|
Re: العزيزة هوزي والعزيز زيكو....ألف مبروووووووك (Re: tasneem)
|
الاخوان الرائعون جدا nadus2000 الشكر الجزيل لك على البوست بصراحة كلك ذوق والاعزاء تماضر العزيزة كوستا زوربا صدوح بوش بامسيكا مودي تمبيس الموصلي سمبتيكو ودرملية حنينة زاريا مايا بيان توما امبدويات بدرالدين شنا بكري ابوبكر الجندرية بيان تاني مهاجر الشريف ودشاموق سمندلاوي ابوجهينة اسامة الخاتم شدو ودقاسم رجاء حمزة سليمان نادوس الرائع المهندس بن بن شيري ودعقاب زمراوي الفاتح عمدة أبي وليد 500 قرجة تسنيم لكم منا كل المودة والحب والشكر الجزيل تسلموا يارب تمنياتي لكم
| |
|
|
|
|
|
|
Re: العزيزة هوزي والعزيز زيكو....ألف مبروووووووك (Re: abuguta)
|
العزيز نادوس الاعزاء اهلي واحبائي سكان حوش بكري العامر غمرني دفء احساسكم وسعدت بمشاركتكم لنا الفرحة وتمنيت لو كلكم كنتم حضورا واعتزر بشدة لكل بورداب الداخل حيث ان الامر تم اخر ايام الاجازة ولم تكن هناك فرصة لنكمل معهم الافراح سعيد انا بكم وسعيد اكثر بها وسعيد بسعادتكم لاجلنا جعل الله كل ايامكم افراحا واسعدكم وكل الشكر لاخي الاكبر بكري ابو بكر
| |
|
|
|
|
|
|
Re: العزيزة هوزي والعزيز زيكو....ألف مبروووووووك (Re: Halema2)
|
هوزيـــــــــــــــــــــكو التهاني والامنيات الطيبات كلها ليكم براكم وبطالب بانشاء فندق ومازون وغنايات ومعازيم واحد متخصص في مسك الكشف وحافلتين للسيرة حتى لو العروس في الهند والعريس في كاليفورنيا يعني لازم من اللمة والزحمة وكترت شفع واحد حجاز صوتوا عالي زحوا يااولاد من محل البنات وعاوزين ام عروس على الطراز الخطر البحلف بايمان حج وعتق وديك يالشلوخ كراس رسم بس زيكــــــــــو شال شباله ختفت ريدوحمرة عين وريدة روح وايديا وعقبالك ياشمهروش ياولدي انشاء الله ليك بي سعد الشينة
| |
|
|
|
|
|
|
Re: العزيزة هوزي والعزيز زيكو....ألف مبروووووووك (Re: nadus2000)
|
هوزى يا بنية من وسط الفرح .. بهديك غنا وبهديك مرح .. وباقات ورود مفروشات طرح .. التهنئه ليك يا حنينه.. ندية ورقيقة كرقتك .. الف مبروووووك .. العريس الاخ زيكو يا ود مساحات البلد مفروش ارض ومعروش سحاب .. مبلول مطر رواى الجرف كاسر السراب .. معقود جواك اخضر رضاب .. بهديك تهانى من الارض فوق السحاب العرسان الحلوين التهنئه ليكم مجرتقه ..وعديلة وزين ان شاء الله ..
| |
|
|
|
|
|
|
Re: العزيزة هوزي والعزيز زيكو....ألف مبروووووووك (Re: Hozy)
|
هوزي وزيكو
معليش ، مشية السودان وكتاب المطالعة القديمة جعلت تهنئتي لكم متأخراً حتى هذا الوقت .
إن شاء الله بيت سعادة وهناء
وهاكم الزغرودة الحلفاوية دي ،،
ألى هير سلاتو عليك يا محمد عاشق النبي صلو عليه ،،، يلا واحدة من البنوت تكمل
تهانينا
| |
|
|
|
|
|
|
|