|
|
|
 Re: الـمُـتـقـعـريـن بـيـن يـعـودون ووُلـوج الـجُـمّـل فـي قـد الـلِـبـرة ... (Re: معاوية المدير)
|
كان أبو علقمة من المتقعرين في اللغة وكان يستخدم في حديثه غريب الألفاظ
وفي أحد الأيام قال لخادمه :» أصقعت العتاريف ؟»
فأراد الخادم أن يلّقنه درسا ، فقال له كلمة ليس لها معنى وهي : «زقفيلم «
فتعجب أبو علقمة وقال لخادمه : «يا غلام ما زقفيلم هذه ؟»
فقال الخادم :» وأنت ، ما صقعت العتاريف هذه ؟»
فقال أبو علقمة :» معناها أصاحت الديكة ؟ «
فقال له خادمه : «وزقفيلم معناها : لم تصح «!
| |
 
|
|
|
|
|
|
|
 Re: الـمُـتـقـعـريـن بـيـن يـعـودون ووُلـوج الـجُـمّـل فـي قـد الـلِـبـرة ... (Re: معاوية المدير)
|
كتب أبو محلم إلى الحذاء في نعل عنده: دِنْها فإذا هَمّت تأتَدِن , فلاتخلها تَمرخِدُُُّ,وقبل أن تقفَعِلّ,فإذا
اتتَدَنَت فامسحها بخرقة غير وَكِبَة ولا جَشِبة,ثم إمعسها معسا رفيقا,ثم سُنّ شفرتك وأمْهِهَا,فإذا رأيت
عليها مثل الهَبوة فسُن رأس الأزميل,ثم سم بالله وصلِ على محمد صلى الله عليه وسلم,أنحِها وكوّفْ
جوانبها كَوْفًا رفيقًا,وأقبلها بقبالين أخنسين أفطسين غير خَلِطَين ولا أصمعين,ولْيكونا وثيقين من أديم
صافي البشرة ,غير نمَِش ولاحَلِم ولا كَدِش,واجعل في مقدمتها كمنقار النُغر.
فلما وصل الكتاب إلى الحذاء لم يفهم منه شيئا إلا كَدِش ,فقال: صيرني كداشًا والله لا حذوت له نعله.
| |
|
|
|
|
|
|
|
|
|
Re: الـمُـتـقـعـريـن بـيـن يـعـودون ووُلـوج الـجُـمّـل فـي قـد الـلِـبـرة ... (Re: معاوية المدير)
|
كتب صفي الدين الحلي الى بعض الفضلاء و قد بلغه أنه اطلع على ديوانه
و قال: لا عيب فيه سوى انه خال من الالفاظ الغريبة. فرد عليه الحلي
بقصيدة هذه بعض ابياتها:
انما الحيزبون و الدردبيس *** و الطخا و النفاخ و العلطبيس
و الفطاريس و الشقحطب و الصقب *** و الحربصيص و العيطموس
و الحراجيج و العنفقس و العقلق *** و الطرفان و العسطوس
لغة تنفر المسامع منها *** حين تروى و تشمئز النفوس
و قبيح أن يسلك النافر الوحشي *** منها و يترك المأنوس
ان خير الالفاظ ما طرب السامع *** منه و طاب فيه الجليس
ان هذا قول كثيب قديم *** و مقالي عقنقل قدموس
لم نجد شاديا يغني قفا نبك *** على العود اذ تدار الكؤوس
أتراني ان قلت للمحب يا علو *** درى أنه العزيز النفيس
أو تراه يدري اذا قلت خب *** العير ان قولي سار العيس
درست هذه اللغات و اضحى *** مذهب الناس ما يقول الرئيس
انما هذه القلوب حديد *** و لذيذ الالفاظ مغناطيس.
| |
|
|
|
|
|
|
|
|
 Re: الـمُـتـقـعـريـن بـيـن يـعـودون ووُلـوج الـجُـمّـل فـي قـد الـلِـبـرة ... (Re: معاوية المدير)
|
الفيروزآبادي صاحب القاموس المحيط سئل عن معنى قول علي بن أبي طالب رضي الله عنه لكاتبه:
(( ألصق روانفك بالجبوب، وخذ المِصْطَر بشناترك، واجعل حندورتيك إلى قَيْهَلي؛ حتى لا أنغي
نغية إلا أودعتها بحماطة جلجلانك)).
فقال: (( معناه: ألزق عضرطك بالصلة، وخذ المزبر بأباخسك، واجعل جحمتيك إلى أثعباني؛
حتى لا أنبس نبسة إلا وعيتها بلمظة رباطك)).
الدِفيق : هو الدِفيفِيق الدابو ني.
القمر بوبا عليك تقيل : يعني الفدايات. دي ما في زول يغالتني فيها، أها.
السفاية : الرملة الناااااااااعمة.
| |
|
|
|
|
|
|
|
|
 Re: الـمُـتـقـعـريـن بـيـن يـعـودون ووُلـوج الـجُـمّـل فـي قـد الـلِـبـرة ... (Re: نعمات عماد)
|
جاء رجل إلى أحد النحويين ، فقال له : ما تقول في رجل مات وترك أبيه وأخيه ؟
فقال له النحوي : ترك أباه وأخاه ، فقال : فما لأباه وأخاه ؟ فقال النحوي : فما لأبيه وأخيه .
فقال الرجل : إني أراك كلما طاوعتك خالفتني !!!!
أراد أبو زيد الأنصاري النحوي الخروج إلى البصرة مع ابن أخيه ،
فقال له : اشترِ لنا مركوباً ، فجعل ابن أخيه ينادي : أيها الملاحين ،
فقال له : ويحك ، ماذا تقول ؟ بل قل أيها الملاحون.
فقال: أنا مولع بالنصب!!!،
وأنا مولع بالتسهيل علي أهل هذا الحوش
المأزووووووووم بتاع الكميرا ...
| |
|
|
|
|
|
|
|
|
|
Re: الـمُـتـقـعـريـن بـيـن يـعـودون ووُلـوج الـجُـمّـل فـي قـد الـلِـبـرة ... (Re: معاوية المدير)
|
وقف نحوي على صاحب باذنجان ، فقال له : كيف تبيع ؟ قال : عشرين بدانق ، قال : ما عليك أن تقول عشرون بدانق !
فظن البائع أنه يستزيده ، فقال : ثلاثين بدانق ، فقال : وما عليك أن تقول ثلاثون ! فما زالا على ذلك حتى بلغ تسعين .
فقال النحوي : وما عليك أن تقول تسعون ؟!!
فقال : أراك تدور على "المائتون" وهذا صعب أن يكون !!!!
بعدين النسوان بيقولن، سجم خشمي !!!.
هل من مفسر لهذه العبارة ؟؟؟،
ونشكركم ...
| |
|
|
|
|
|
|
|
|
|
Re: الـمُـتـقـعـريـن بـيـن يـعـودون ووُلـوج الـجُـمّـل فـي قـد الـلِـبـرة ... (Re: نعمات عماد)
|
Quote: Mohamed Abdelrahman · يعمل لدى Energya Cables - SA and Jeddah Cables Company
وحصلت لأبي علقمة النحوي علة، فدخل عليه أعين الطبيب يعوده. فقال: ما تجد ؟ قال: أكلت من لحوم هذه الجوازل،
فطسئت طسأة، فأصابني وجع ما بين الوابلة إلى دأية العنق، فما زال يزيد وينمى حتى خالط الخلب والشراسف، فما ترى ؟
قال: خذ خربقاً وسلفقاً وشبرقاً فزهزقه وزقزقه واغسله بماء روث واشربه.
فقال: ما تقول ؟ فقال: وصفت لي من الداء ما لا أعرف، فوصلت لك من الدواء ما لا تعرف.
قال: ويحك فما أفهمتني. قال: لعن الله اقلنا إفهاماً لصاحبه. |
ههههههههههههههههههه،
هو بالله يا محمد طسئت دي بالسا ؟؟؟، عاد اكان كدي انا
دقست دقسة السيح والريح. والله صحي.
غايتو أنا اليوم طسئت طسأة حتي فاتتني صلآة الجمعة،
فما رأي الفقهاء في ذلك ؟؟؟.
السيح والريح دي زي سجم السجم،
والمعني حمدو في بطنو ...
| |
|
|
|
|
|
|
|
|
|
Re: الـمُـتـقـعـريـن بـيـن يـعـودون ووُلـوج الـجُـمّـل فـي قـد الـلِـبـرة ... (Re: معاوية المدير)
|
| Quote: الـمُـتـقـعـريـن بـيـن يـعـودون ووُلـوج الـجُـمّـل فـي قـد الـلِـبـرة |
المعني
Quote:
وقَعْرُ الفمِ: داخلُه.
وقَعَّر في كلامه وتَقَعَّرَ تَشَدَّقَ وتكلم بأَقصى قَعْر فمه، وقيل: تكلم بأَقصى حلقه.
ورجل قَيْعَرٌ وقَيْعار: مُتَقَعِّر في كلامه.
والتقعيرُ: التعميق.
والتَّقْعير في الكلام: التَّشَدُّق فيه. |
المصدر: لسان العرب لابن منظور
والمُتَشَدِّق هو:
| Quote: الذي يَلْوي شِدْقَه للتَّفَصُّح. |
(نفسه)
والتشدُق مثل:
قال الأسافي قال!
| |
|
|
|
|
|
|
|
|
 Re: الـمُـتـقـعـريـن بـيـن يـعـودون ووُلـوج الـجُـمّـل فـي قـد الـلِـبـرة ... (Re: عزام حسن فرح)
|
Quote: Nabeel Ali · الخرطوم التجارية
ود المدير يا نحوي هي ثالثة الاثافي وليس الاسافي _ بالمناسبة معناها شنو _
ممكن تعرف لينا الاولي والتانية _ التالتة عارفنها |
مشكور يا نبيل لأنك لفت نظر عزام، جاني طاير.
دي والله العظيم أنا ما قصدت أغلط فيها، إنما (غلت)
فيها بالجد، بالجد وكنت احسبها بالسا.
يا نبيل الموضوع كولو في التالتة اللتنين التانيات ما مهمات.
التقعِر : مشتق من قعر الكباية ...
| |
|
|
|
|
|
|
|
|
|
Re: الـمُـتـقـعـريـن بـيـن يـعـودون ووُلـوج الـجُـمّـل فـي قـد الـلِـبـرة ... (Re: معاوية المدير)
|
معاوية المدير
| Quote: قلنا البوست فرايحي |
تفرح بالتريقه علي؟!
ما عندي مانِع والله.. أنا زاتي مرات بتريق على رقبتي.. بس كمان كان تنجِض حاجاتك علشان ما يضحكو علينا الإتْنين.. بس أنا شايِف الضحك عليك بِكون أقرب لِلبُكا، لأنك جاي تتريق علي المُتقعرين وما [يعودون] بتقعُر هذا خطأ إملائي أو نحوي، التقعُر في [ الأسافي ] وفداحة الأمر عدم علمك بالصحيح
Quote: دي والله العظيم أنا ما قصدت أغلط فيها، إنما (غلت)
فيها بالجد، بالجد وكنت احسبها بالسا. |
وبرضو تجي تِترَيق.. يا لك مِن جرئ ههههه!
رزق عمودك ده مِن النت (تظليل/نسخ/لصق) وبعد ده جريت بنبرك ومسكت خرطوشك وقنبت ترشْرِش، وتسالِم على ده وتَونِس ده وتضاحِك ده.. طَيِب ما كان تمرُق [ يعودون ] مِن صِنقير الضِرار ده!
ــــــــــــــــــــــــــ
| Quote: مشكور يا نبيل لأنك لفت نظر عزام، جاني طاير. |
بقىتو تعرفو الغيب كمان.. ما شاءالله!
ــــــــــــــــــــــــــ
| Quote: عامل طاقيتك الزي مسمار النقالة دي |
الله لا تاجرك ياخ ودرتها تاااااااب
ـــــــــــــــــــــــــ
قُلنا حَرِر سوقو.. شايفو وقف على 500 وكام واحِد كِده
| |
|
|
|
|
|
|
|
|
|
Re: الـمُـتـقـعـريـن بـيـن يـعـودون ووُلـوج الـجُـمّـل فـي قـد الـلِـبـرة ... (Re: عزام حسن فرح)
|
معاوية المدير
Quote: الـمُـتـقـعـريـن بـيـن يـعـودون ووُلـوج الـجُـمّـل فـي قـد الـلِـبـرة ...
هسّع يا عزام شاعر البطانة اللوّل في عنواني دا
باقيلك الصحيح المتقعرين، واللآ المتقعرون ؟؟؟.
لو جاوبت صح بكت لك ممتاز. والله صحي .
لا تتقعروا فتتوعروا ... |
يا ود المُدير صاح شنو وغلط شنو يا زول.. إنت ماك عارِف إنو إنت بجهلك بقيت قاب قَوْسَين أو أدنى مِن الخُروج مِن الإسلام
<إِنَّ الَّذِينَ كَذَّبُواْ بِآيَاتِنَا وَاسْتَكْبَرُواْ عَنْهَا لاَ تُفَتَّحُ لَهُمْ أَبْوَابُ السَّمَاء وَلاَ يَدْخُلُونَ الْجَنَّةَ حَتَّى يَلِجَ الْجَمَلُ فِي سَمِّ الْخِيَاطِ وَكَذَلِكَ نَجْزِي الْمُجْرِمِينَ> 40 الأعراف
يعني <حَتَّى يَلِجَ الْجَمَلُ فِي سَمِّ الْخِيَاطِ> قُرآن وإنت كتبت
| Quote: الـمُـتـقـعـريـن بـيـن يـعـودون ووُلـوج الـجُـمّـل فـي قـد الـلِـبـرة |
أمشي يا خوي إغتسِل وأنطُق الشِهادتين وإسْتغفر، لأن اللِسان بهلِك
| |
|
|
|
|
|
|
|
|
|
Re: الـمُـتـقـعـريـن بـيـن يـعـودون ووُلـوج الـجُـمّـل فـي قـد الـلِـبـرة ... (Re: معاوية المدير)
|
ودالمدير ازيك
ابوطاقية عاملة زى القرقور دا مابفوت حاجة
عليه فالاسافى ماشة ومقبولة مادام البوست فرايحى
عمك زهير بن ابى سلمى قال فى معلقته
وَقَفْتُ بِهَا مِنْ بَعْدِ عِشْرِينَ حِجَّةً فَـلأيَاً عَرَفْتُ الدَّارَ بَعْدَ تَوَهُّـمِ
أَثَـافِيَ سُفْعاً فِي مُعَرَّسِ مِرْجَـلِ وَنُـؤْياً كَجِذْمِ الحَوْضِ لَمْ يَتَثَلَّـمِ
فَلَـمَّا عَرَفْتُ الدَّارَ قُلْتُ لِرَبْعِهَـا أَلاَ أَنْعِمْ صَبَاحاً أَيُّهَا الرَّبْعُ وَاسْلَـمِ
| |
|
|
|
|
|
|
|
|
Re: الـمُـتـقـعـريـن بـيـن يـعـودون ووُلـوج الـجُـمّـل فـي قـد الـلِـبـرة ... (Re: عزام حسن فرح)
|
معاوية المدير
إنت زعلت ولا شنو يا زول.. الظاهِر إنت نسيت إنو ده عمود فرايحي وكِده.. خلينا نضحِك الناس ياخ ما تكون كِده
| Quote: أمشي يا عزام اعرف تفسير الآية بعدين تعال كفرني |
وتفسير ىلآية الكريمة دخلو شنو؟
أنا كتبت عمود [لن يعودوا حَتَّى يَلِجَ الْجَمَلُ فِي سَمِّ الْخِيَاطِ] (الرابط) http://www.sudaneseonline.com/board/460/msg/1397831481.html وإنت جيت كتبت عمودك ده وكتبت في العِنوان ساخِرًا [الـمُـتـقـعـريـن بـيـن يـعـودون ووُلـوج الـجُـمّـل فـي قـد الـلِـبـرة]
وقُلت ليك
| Quote: إنت بجهلك بقيت قاب قَوْسَين أو أدنى مِن الخُروج مِن الإسلام |
لأني إسْتلفت مِن القُرآن [(...) حَتَّى يَلِجَ الْجَمَلُ فِي سَمِّ الْخِيَاطِ] بس إنت ماك خابِر وأنا بعذُرك والله، إذا كُنت إنت ما عارِف تكتِب [الأثافي] حتعرِف الآية القُرآنِية مِن وين عاد!
أها البخليني أمشي لتفسير ىلآية الكريمة شنووووووووووو؟!
ـــــــــــــــ
وشرحت ليك الفرق بين التقعُر الهو التشدق وبين الأنا كتبتو.. الكتبتو كان خطأ إملائي أو نحوي [يعودون/يعودوا] وأسافيك تقعُر، لأنو كان ممكِن وِكْتين إنت ما عارِف ليها كِتابة، كان ممكِن تكتِب الحُجار أو اللدايات، بس حبيت تتشدق وتعمِل مَسَغَف وقنبت تلَوْلِو لينا في خشمك نان تمرُق [ الأسافي ].. وهُنا يطِل الفرح بِرأسهِ والفرايحية تعم البكان وبكره أحلى
Quote: وقَعْرُ الفمِ: داخلُه.
وقَعَّر في كلامه وتَقَعَّرَ تَشَدَّقَ وتكلم بأَقصى قَعْر فمه، وقيل: تكلم بأَقصى حلقه.
ورجل قَيْعَرٌ وقَيْعار: مُتَقَعِّر في كلامه.
والتقعيرُ: التعميق.
والتَّقْعير في الكلام: التَّشَدُّق فيه.
والمُتَشَدِّق هو: الذي يَلْوي شِدْقَه للتَّفَصُّح. |
| |
|
|
|
|
|
|
|
|
|
Re: الـمُـتـقـعـريـن بـيـن يـعـودون ووُلـوج الـجُـمّـل فـي قـد الـلِـبـرة ... (Re: معاوية المدير)
|
Quote: وشرحت ليك الفرق بين التقعُر الهو التشدق وبين الأنا كتبتو..
الكتبتو كان خطأ إملائي أو نحوي [يعودون/يعودوا] وأسافيك تقعُر، لأنو كان
ممكِن وِكْتين إنت ما عارِف ليها كِتابة، كان ممكِن تكتِب الحُجار أو اللدايات، بس
حبيت تتشدق وتعمِل مَسَغَف وقنبت تلَوْلِو لينا في خشمك نان تمرُق [ الأسافي ]..
وهُنا يطِل الفرح بِرأسهِ والفرايحية تعم البكان وبكره أحلى
|
كدا بيضحكوا فيك يا عزام. والله صحي .
بعدين يا اخي تفادياً للخطأ الإملائي كان تكتب يجو عايدين،
أو تكتب يرجعوا، أو يجو التقعر العليك شنو ؟؟؟...
| |
|
|
|
|
|
|
|
|
|
Re: الـمُـتـقـعـريـن بـيـن يـعـودون ووُلـوج الـجُـمّـل فـي قـد الـلِـبـرة ... (Re: معاوية المدير)
|
معاوية المدير
| Quote: انا قايل الجاهل اخير من المتقعر... |
ده كلام ما صاح.. لأن ما تقعَر مُتقعِر عن جهل، بل عن علم، وجهل السامِع لقَول المُتقعِر اضطره للسخرِية منه.. مراقا يعني.. وكُلٍ بِما لديهِ فرِحٌ وسعيد.. يقول ليك نادي الجاهِل، يعني نادي الشافِع، وسموهو جاهِل لأنو ما عارِف الحبه دي!
ـــــــــــــــــــــــــــــــــــــــ
| Quote: حا افلي ليك ايّ كلآم تكتبوا هنا، |
حبابك والله.. أنا ما حصل إدعيت إني عليم بأسرار العربِية.. بس إنت إدعيت إنك كِده بِعمودك ده وجيت لينا -بِالصلاة على النبي- بِالأسافي ههههههه
ـــــــــــــــــــــــــــــــــــــــ
ههههه ده فليلك ههههه.. حليلك!
دقيقة في مُلاحظة بسيطة كَدي.. علامات الإسْتفهام السويتِن فوق ديل ليه زايدات (2)؟ واحدة بتقضي يا ود المدير.. الإتْنين بزار ساي وعندهِن معنى!
بِمُناسبة العربِية ولِصيقك البتسوي فوقو ده.. عارِف معنى إسمك شنو؟!
| |
|
|
|
|
|
|
|
|
|
Re: الـمُـتـقـعـريـن بـيـن يـعـودون ووُلـوج الـجُـمّـل فـي قـد الـلِـبـرة ... (Re: عزام حسن فرح)
|
معاوية المدير
Quote: الفرق بين "المُخْتَال" و "الفَخُور"
{ إنَّ اللهَ لا يُحِبُّ مَنْ كَانَ مُخْتَالاً فَخُوراً }
ما الفرق بين "المُخْتَال" و "الفَخُور"؟!
المختال: في هيئته
الفخور: في قوله... |
يا زول الآية الكريمة (إنَّ اللهَ لا يُحِبُّ مَنْ كَانَ مُخْتَالاً فَخُوراً) ما كَدي الله لا كسبك
ــــــــــــــــــــــــــ
| Quote: لأنك ماك عارف إنو في قرأة تانية ليها معنى آخر، |
شوف يا ود المدير تمشي مِن دربك ده تنادي ولي أمرك
| |
|
|
|
|
|
|
|
|
|
Re: الـمُـتـقـعـريـن بـيـن يـعـودون ووُلـوج الـجُـمّـل فـي قـد الـلِـبـرة ... (Re: معاوية المدير)
|
معاوية المدير
أنا كتبت:
| Quote: سوق المشاهدات رامي.. شُفت كيف! |
إنت كتبت:
Quote: علآمة إستفهام ما تعجب.
يعني كدا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟.
نقعد نصلح فيك لمتين ؟؟؟؟؟؟؟؟؟؟؟... |
تعجُب يا ود المدير [شفت كيف] ده تعجُب. ولو إعتبرت [سوق المشاهدات رامي] سؤال يبقى أنا زعلان منك خالِص
ــــــــــــــــــــــــــــ
| Quote: يكفي إنّك عزّام، علي وزن فعّال، من كثرة العوازيم |
الرسول.. النبي!
يا زول عزام من كثرة العوازيم.. لا حَول ولا قُوة إلا بِالله.. أخير الأسافي حرّم هههههه
| |
|
|
|
|
|
|
|
|
|
Re: الـمُـتـقـعـريـن بـيـن يـعـودون ووُلـوج الـجُـمّـل فـي قـد الـلِـبـرة ... (Re: معاوية المدير)
|
Quote:
أها يا ود المدير جيت عمودك الفاتحو إنت مِن أمبارِح، وكان مشاهداتو 560 هسِع وصل
بِالصلاة على النبي لـ700 مُشاهِد.. قصرت معاك.. يا زول فُتك بِالعافِية.. قضيت معاك وقت مُش بطال.. سلام
عدم الشغله تعلِم العضو المُجازفات هههههه |
يا زول إنت مالك بتحسب في الناس البيجو العمود ؟.
خلي بالك إنت عندك عقدة تفتح بوست وتقعد تحسب عدد الزوار،
وكلما ارتفع العدد كلما إزددت إنتفاخ. إنت معقد واللآ شنو ؟؟؟.
اوّعك تجي بجاي تاني،
وبطل تتقعر، وخليك فرايحي...
| |
|
|
|
|
|
|
|
|
|
Re: الـمُـتـقـعـريـن بـيـن يـعـودون ووُلـوج الـجُـمّـل فـي قـد الـلِـبـرة ... (Re: معاوية المدير)
|
Quote: Nabeel Ali · الخرطوم التجارية
وقرقر نبيل وصحبه حتي بانت نواجذهم _ بالحتة اللي فيها الحديدة يا عزام _ ود المدير _
عزام ما قاصد تاويل او معني الاية بل ما ادخلته انت في صيغة الاية ولا يصح السخرية او
الاستهزاء بايات القران والله اعلم _ خلوها فرايحية كما قيل _ كفانا بوستات الدغمسة والغث
والثمين (جيب لي تقعرهم يا ود المدير لو سمحت) لقد (صنعتم) يومي شكرا لكم |
بختك يا نبيل، تقرقر ساااااكت.
أها، هاك اللوريك تِقِعِر عزام.
عزام قال، إستلف من القرآن، وعنواني أنا ما قرآن.
زولك دا خلاني إغتسلت ساكت. والله صحي.
Quote:
يا ود المُدير صاح شنو وغلط شنو يا زول.. إنت ماك عارِف إنو إنت بجهلك بقيت قاب قَوْسَين أو أدنى مِن الخُروج مِن الإسلام
<إِنَّ الَّذِينَ كَذَّبُواْ بِآيَاتِنَا وَاسْتَكْبَرُواْ عَنْهَا لاَ تُفَتَّحُ لَهُمْ أَبْوَابُ السَّمَاء وَلاَ يَدْخُلُونَ الْجَنَّةَ حَتَّى يَلِجَ الْجَمَلُ فِي سَمِّ الْخِيَاطِ وَكَذَلِكَ نَجْزِي الْمُجْرِمِينَ> 40 الأعراف
يعني <حَتَّى يَلِجَ الْجَمَلُ فِي سَمِّ الْخِيَاطِ> قُرآن وإنت كتبت
Quote: الـمُـتـقـعـريـن بـيـن يـعـودون ووُلـوج الـجُـمّـل فـي قـد الـلِـبـرة
أمشي يا خوي إغتسِل وأنطُق الشِهادتين وإسْتغفر، لأن اللِسان بهلِك |
مُش خلاني إغتسلت وبس، كمان قال جهلي قرررررررب يمرقني من المِلّة.
هو خلي بالك عزام دا مُو جاهل، لكن ما عارف.
عليك الله اسعلوا لي، هو مكجِن التضعيف مالو ؟؟؟،
يعني الشدّة دي رفاقتا اخير مِنها بي شنو ؟؟؟.
معليش انا بصرف علآمات إستفهام كتيرة، ود تبذير
مني ساكت...
| |
|
|
|
|
|
|
|
|
 Re: الـمُـتـقـعـريـن بـيـن يـعـودون ووُلـوج الـجُـمّـل فـي قـد الـلِـبـرة ... (Re: معاوية المدير)
|
Quote: Galal E Omar · Scottsdale, Arizona
يا مدير سلام غير منقعر و لا متقعر ياخ ... لكن ما اوركت .. الدقة ...
و صلت و جلت فيها بالغيلم كما قال ابو مسيلمة الحمندلي و هو جالس
القرفصاء متحنشرا متفنشرا و ممسكا بالحطرمنش المحك المبك ..
الدقة ست الاسم شمار و حبة ملح لزوم زواده المسافر
يعني ما ركبتا قطر كريمة و اكلتا بيض مسلوق في شندي .. اها بياكلوهو بالدقة دي
اكتر حاجة كت بدور اعملا لمساعدة الحاجة في شغل التكل دق الشمار
اسافي و دقة !!!!! ؟؟؟؟؟
ياخي انتا داير الدق عديل كده |
ههههههههههههههههه،
يا جلال القرفصاء يعني شنو ؟؟.
دا مِيا قطر كريمِي
الملآن لخشمو دِيمِيِ
إن جا التمُر مكمُود كمد
والمنقة وِكتين تستوي
تلقاهو للوكاي درب
كترة كُلف قايل شنو
ابا لا يشيلنا ود مِنو.
أها، دايرين تتعونوا فوقي
إنت وحيدر الزين...
| |
|
|
|
|
|
|
|
|
|
Re: الـمُـتـقـعـريـن بـيـن يـعـودون ووُلـوج الـجُـمّـل فـي قـد الـلِـبـرة ... (Re: تبارك شيخ الدين جبريل)
|
| Quote: الجنا حتو ما مِتِل جناي وكِده.. |
ياها والله المحرية فيك يا عزام..
ودا عشمنا من اول ..من اللول انا عارفك اخو وود المدير جناك زي ما هو هيلنا ..
فشكراً ليك يا مكـ..
ود المديــر والله انت الماقصرت .. اسمع دي
حصلت لي قصة حقيقة والله في بورسودان مع عساكر الله لا تاجرهم اتذكرتها بمناسبة الجنا دي ...ادقيت فيها دق العيش :)
مشيت في اجازة واجب عزاء بورسودان ومعاي عمتنا ونحن راجعين بالقطر مشينا المحطة وفي رفع شنط ونزيل شنط اتناقرت مع عسكري لقيتو حقرني..
اها بي جاي بي جاي ضربتو بنية كب الدم من نخرتو ووقع..انا داير اتخارج لكن يعجبوك غوغاء المحطة ..قعدو يكوركو ضرب العسكري ... تراهودااك.. لابس لو فنيلة..
المهم اتلمو فوقي عساكر المحطة كيف تضرب عسكري..اتجرجرنا للقسم الجوة المحطة بس اتضاروا من الجمهور والغوغاء المتلمية قفلوا بابهم وعين حيدر ماتشوف الا النور..
ابوخديجة المحطة كلها شئ قاشات وشئ بنية غايتو لو مالقيت لي كرسي اتدرقتبو راسي كان اتكسر..ربك رب الخير يخش ضابط القسم...
طبعاص الضابط متفهم غيرة العساكر على اخوهم المضروب فما اشتغل الا بفتح بلاغ ضدي بتهمة الاعتداء على موظف رسمي..
المهم في القصة تقوم عمتي وهي شايفاني العساكر مجرجرني ويلكدو فوقي تشوف ليك واحد من حلتنا شغال في محطة بورسودان اسمه تاج السر ولقبه ود الجيـران انسان اجتماعي ونشيط وخدوم ودا سر اللقب ..
نادتو وعرفتو بالزول المجرور داك قالت لو الحقو..ود الجيران طلع بيعرف نص عساكر القسم بالاضافة للضابط فطوالي دخل سلم عليهم وهاك يا توسط وفكو الزول ومعليش والزول دا ولدنا..اسمع فيهو يقول للضابط :
يآخي الود جنانا ..مالو ؟ وانا اهوزز في رويسي ساي
الضابط يقولوا..ضارب عسكري ..وقبل يتملو القصة قاطعو
انا عارفو الجنا دا اخلاقو ضيقة وراسو دمك.. وتااااااااخ رشاني كف لم ترتعت..
ويقول لي .. أنا يا جنا ما قلت حسن اخلاقك.. امرق قدامي امرق.. معليش يا جنابو
وجراني واتخارجت.. والله لاني عارف احك جضمي والا احك ضهري من قاشات العساكر..
وهو ولا علي بالو .. بل يرسل تحاياهو لناس الحلة .. 
| |
|
|
|
|
|
|
|
|
|
Re: الـمُـتـقـعـريـن بـيـن يـعـودون ووُلـوج الـجُـمّـل فـي قـد الـلِـبـرة ... (Re: معاوية المدير)
|
ناس ود الفكي يقولولك دا حسادتو تولد البنات ..قلنا نشوف النوبي المتبطحن دا عملنا شنو جينا لقينا البوست دخل مرحلة الحمل والولادة :)
Quote: Galal E Omar · Scottsdale, Arizona
القرفصاء ... !!!؟؟؟؟
يجازي محنك يا ود المدير ,, اها دي يشرحوها ليك كيفن ... اهلنا بيقعدوها لم يخشو الحمام الما فيهو مقعد .. بيت الادب او المستراح ... بالمناسبة هذه القعدة مهمة جدا للمرة الحامل اذا مارستها طيلة ايام الحمل حيث تسهل كثيرا عملية الولادة ..
و اهلنا الكبار بيقعدوها الضحوية او ضل الصباح
و اجمل قعداتا لمن تكون راكز قفاك علي حيطة و مولع سجارة و جنبك فنجان قهوة و تفرا في الجريدة و فاتح الرادي و وردي بيعنى .. ما تخجلي ... و سمحات الفريق رايحات جايات في الدرب القدامك ذات ضحوية من يوم جمعة في زمنن سمح
اها فهمتا و للا نجيب السوط
رد · أعجبني · متابعة المنشور · تم التعديل · منذ 3 ساعات |
بعدين لاحظ لي مشهد صاحبنا جلال عمر..
راكز قفاهو في حيطة.. ومولع سيجارة .. وفنجان قهوة ..وبيقرأ في جريدة .. وفاتح رادي بيسمع وردي يحرش في البنية السمحة تبقي قاهــر..
عاين لهن ديل كم حاجة الزول دا بيسويهن في لحظة واحدة؟
عارف يا ود المدير يا صاحبي.. بعد تامل لقيت وضع مجابدة جلال عمر في تنفيذ حاجاته دي زي مجابدة الكلمة وقت يجي عزام يرصعها بالتشكيل... مرات لمن تسمع الكلمة تقنت وقت يشد لجماها بالشدة.. الله يخدر ضراعو.. قول آآمين :)
يا جلال لكن بتاعت الحمام ديك ما القرفصاء..القرفصاء معناها تتفرجخ عديل زي العاوز تقرأ مصفح.. بتاعت الحمام الاقعاء.. والسيجارة الذ شئ فيها بل الذ من وردي السمحة الخجلانة :)
| |
|
|
|
|
|
|
|
|
|
Re: الـمُـتـقـعـريـن بـيـن يـعـودون ووُلـوج الـجُـمّـل فـي قـد الـلِـبـرة ... (Re: HAIDER ALZAIN)
|
Quote: المستنير وهبة · الأكثر تعليقا · Khartoum, Sudan
يا ود المدير اختشي عامل لي راسك الحفيان دا :) |
عاجبك كدا يا عزام ؟؟؟.
جبتها لي في صلعتي لا إيدي لا كراعي.
الله لا تاجرك يا اخ.
يا مستنير عارفك لو عضة ناموسة بتريحك،
وكان تسالية بتطعّم لك خشمك، لكن وحات
الله دايرلك ما إنّ مفاتحه لتنوء بالعصبة عشان
ترسل لي تسكرة اجي إتغدى معاك، واجيب
معاي عزام كمان.
يا زول الشوق محيط،
وارقد عافية...
| |
|
|
|
|
|
|
|
|
|
Re: الـمُـتـقـعـريـن بـيـن يـعـودون ووُلـوج الـجُـمّـل فـي قـد الـلِـبـرة ... (Re: معاوية المدير)
|
Quote: Faisal Hamza · Dammam, Saudi Arabia
سلام يا ود المدير .. انت من يومك القعدت تسعل عن الخيال الواسع وقلنا انت كده كويس
عرفتك حا تقعد تبحت لمن تصل و اها فتهم بيغادى النبى فيك كان ما فتحت الشباك ده
و فكيت لينا المسجون شويه ... تحياتى الحارة يا عزام و ان شاء الله تكون بخير. |
سلآمات يا فيصل.
صاحبك حمد الحاسد ابا يوريني بيجيبوهوا من وين. يا فيصل
صدقني أنا حاسي إنوا الحاجة دي ممكن تعمل لي توازُن.
نيابة عن عزام،
بخير والحمد لله...
| |
|
|
|
|
|
|
| |
معاوية المدير
نعمات عماد
الامين موسى البشاري
عزام حسن فرح
HAIDER ALZAIN
تبارك شيخ الدين جبريل
عبدالعزيز عثمان
فيس بوك
تويتر
انستقرام
يوتيوب
بنتيريست