|
Re: بسال عن اللوترى لامريكا (Re: مصطفى توفيق)
|
Quote: هناك عضو اخر اسمه سيف اليزل اعتقد انه شخصا مباركا فتوسم مساعدته |
أخي توفيق
أوافق أخي الصغير أساسي في ترشيحه للزميل سيف البرعي
له صفحة في الفيس باسم
Wd Boston Saif Alburaey
مع أمنياتي بالتوفيق
| |
|
|
|
|
|
|
Re: بسال عن اللوترى لامريكا (Re: garjah)
|
Quote: يوجد شخص في هذا المنبر يسمى الخير .. هو الذي فرض امكانياته ونفسه للمساعدة في اللوتري بتاع امريكا .. الزول دا انا بنصح انك تبعد عن مساعدته ما امكن ..خلال سنوات توليه زمام مساعدة الاخوة الاعضاء في هذا المنبر للحصول علي اللوتري لم ينل احدا اللوتري حتي وان كان مؤهلا تأهيلا كاملا للحصول عليه ..الخير زول كج ضـيـع لينا ود الصايم فان كان ولابد من المساعدة هناك عضو اخر اسمه سيف اليزل اعتقد انه شخصا مباركا فتوسم مساعدته واختا الخير عشان ما تركب الماسورة
|
فعلا .. ابعد عن الخير وغنيله
| |
|
|
|
|
|
|
Re: بسال عن اللوترى لامريكا (Re: garjah)
|
حاجة ما عندها علاقة بالبوست ومتأسف لانو عندي مشكلة في البريد الخاص. هل انت مصطفى توفيق ( ود تلاتة ) وكنت ساكن قريب من ميدان العروبة ؟ واعتقد رحلتو نمة اتنين ولا الكلاكلة ما عارف؟؟؟؟
| |
|
|
|
|
|
|
Re: بسال عن اللوترى لامريكا (Re: مصطفى توفيق)
|
حقيقة استغرب هذا السلوك الغريب ...واحد بسال من الرابط بتاع اللوتري وخلاص ...لماذا اقحام الدعاية السيئة للخير ...الرجل الذي نبة الكثيرين لمواعيد واهمية اللوتري ...وفي كتير من النقاط هو الشرحها للناس بصبر وتآني ...في ناس سألتو اسئلة اوباما مايقدر عليها .. ######## كتير من زمنو ....انا شخصيا ماقدمت عن طريق الخير لانو شرح الخير بخجلك ومايحوجك تطلب من اي زول تقدم عن طريقو ... تخش وتقدم وخلاص ..اذا هو قدم لناس تانين ومافازوا هو ذنبو شنووووو....كل البعملو انو يقدم ليك ويرسلك الكونفيرميشن نمبر ...تاني انت وحظك ...الرجاء احترام المنبر واحترام الاعضاء جميعا .....
| |
|
|
|
|
|
|
Re: بسال عن اللوترى لامريكا (Re: Mohd Ibrahim)
|
Quote: منقول بتصرف-عن بوست قديم لأخونا الخير محمد عوض خبير اللوتري بالمنبر |
علي فكرة دي اشادة للاخ العزيز المحترم الخير عوض من سيف اليزل نفسو ...............
التحية للاخ العزيز الخير واتمني ان لايؤثر علية علي التصرف الغير حميد..
| |
|
|
|
|
|
|
Re: بسال عن اللوترى لامريكا (Re: Mohd Ibrahim)
|
يا اخ محمد ابراهيم الاستاذ الخير عوض ( وهو في الاصل معلم عمل في وزارة التربية قبل الهجرة خارج السودان ) انسان فاضل ومؤدب ولا يوذئ احد اعتقد انه لن يفعلها يوما وما بتأثر فيه حركات الشباب ديل . الدنيا دي ما فيها حاجة اسمها ( كج) كان للعاملين فيها متديينين ولا الما عندهم دين كل واحد منهم عندو ليها تفسير حسب الفي راسو . استاذنا الخير اعتقد انه سيعف عن الرد على من وصفه بالكج . ويا مصطفى لم تجب على سؤالي هل انت مصطفى توفيق بتاع الخرطوم تلاتة ولا لأ؟ اهلنا الحلفاويين ديل متعبين هلاس ( من انديكم انا برضو ).
| |
|
|
|
|
|
|
Re: بسال عن اللوترى لامريكا (Re: Osama Mohammed)
|
ابو الزفت زاتو
واضح جدا انه في ناس بتعتبر موضوع اللوتري مسألة حياة او موت بالنسبة ليها .. والمرور قريبا منه او المساس باي من معيناته او موارده كالمساس بمقدساتهم .. وواضح جدا انه في ناس بعتبروا اللوتري دا هو الخير (الماسورة الواحد دا) وانه مافي ملجأ او معبر للوتري الا بواسطة الخير اسع انا محتار جدا جدا اعتذر لي الخير ولا اعتذر ليكم كوني هبشت واحدة من اقدس مقدساتكم .. بصراحة انا ما بعتذر للخير لاني عارفو زول كج وماسورة ساكت وكفاية انه ضـيـع علينا اخونا ود الصايم وضرب باماله واحلامه عرض السراب لكن بعتذر ليكم انتو بالجد حننتني يا محمد ابراهيم ..ياخ ما حننتني ساي حننتني شديد يعلم الله .. ما كنت قايلك من الذين يرهنون احلامهم وأمآلهم لمزاج الخير وانفعالاته . ذكرتني زمان وموضوع اللوتري دا في اوجه عند شباب السودان ..واحد صاحبنا ساكن محطة عشرة في امتداد ناصر لما فيهو واحد برضو اخونا من امتداد ناصر كان زول طيب واخو اخوان بس صاحبنا الطيب دا رحل من امتداد ناصر واختفي مدة وظهر تاني ..بس المشكلة انه بقي انسان جديد ..نصاب من طراز رفيع استغل علاقته السابقة بالشباب ومعرفتهم لطيبته السابقة وبقي زي المنشار كل يوم ضارب واحد فيهم بوهمة شكل .. اها في خضم ونسة كدا صاحبنا بتاع حلم اللوتري سمع اسم الزول وانه بقي مستنكح ونصاب وكدا .. شوية كدا اعترف بانه الزول دا ضاربه قريب مية وخمسين الف جنيه الوقت داك كانت قروش كتيرة جدا والمشكلة انه ضربه علي دفعات كل مرة يجي يشيل منه خمسين الف بحجة جديدة وانه ورقه خلاص دخل السفارة ومرة ورقه قدام القنصل ومره ورقه اترسل للمراجعة في واشنطون .. وصاحبنا يدين ويبيع في عفش امه بالدس عشان يدفع ..دي ما المشكلة المشكلة انه عرفنا لاحقا انه بعد كلامنا دا لما فيهو تاني حنكو سبعين الف ..كيف حنكو تاني بعد ما عرف للان ما عرفنا ... انا غايتو لحدي ما طلعت من السودان خليتو منتظره . المهم الخير ما مستنكح حاشاهو ..بس ماسورة ...ماسورة ساااكت ..وما حتسمع يوم زول من ناس البورد قال جاهو لوتري بواسطة الخير
| |
|
|
|
|
|
|
|
Re: بسال عن اللوترى لامريكا (Re: MOHAMMED ELSHEIKH)
|
Quote: هل انت مصطفى توفيق ( ود تلاتة ) وكنت ساكن قريب من ميدان العروبة ؟ واعتقد رحلتو نمة اتنين ولا الكلاكلة ما عارف؟؟؟؟ |
غايتو لو رحلو الكلاكلة قطع شك بيكون هو ..لكن نمرة اتنين ويقدم لي اللوتري وشلهتة أمريكا فمااا أظنو ده زولك..
تخريمة : غايتو كلمة -ما عارف - دي أكدتها بي الربط بين الكلاكلة والخرطوم اتنين ..قدر ما حاولت أتخييل زول يكون بيفكر يرحل ومتردد بين إنو يمشي الكلاكلة ولا نمرة اتنين مااا لقيت ..
| |
|
|
|
|
|
|
Re: بسال عن اللوترى لامريكا (Re: عمر الفاروق)
|
والله يا عمر الفاروق مصطفى توفيق الحلفاوي الانا بعرفو رحلو فترة من نمرة تلاتة لي نمرة اتنين وبنو بيت في الكلاكلة ورحلو هناك. لكن هو زول بتاع شلهتة يعني عادي ممكن يقدم للوتري . وبعدين هو لي اسي ما اكد او نفى السؤال !!!!!
بالمناسبة في شارع كامل في نمرة تلاتة اسمو شارع هولندا ( معظم الشباب الفيهو هاجرو لي هولندا في فترة التسعينات ) زي شارع المحامين القريب من ناس ناذر الخليفة .
| |
|
|
|
|
|
|
Re: بسال عن اللوترى لامريكا (Re: Osama Mohammed)
|
Quote: كتب أساسي : يوجد شخص في هذا المنبر يسمى الخير .. هو الذي فرض امكانياته ونفسه للمساعدة في اللوتري بتاع امريكا .. الزول دا انا بنصح انك تبعد عن مساعدته ما امكن ..خلال سنوات توليه زمام مساعدة الاخوة الاعضاء في هذا المنبر للحصول علي اللوتري لم ينل احدا اللوتري حتي وان كان مؤهلا تأهيلا كاملا للحصول عليه ..الخير زول كج ضـيـع لينا ود الصايم فان كان ولابد من المساعدة هناك عضو اخر اسمه سيف اليزل اعتقد انه شخصا مباركا فتوسم مساعدته واختا الخير عشان ما تركب الماسورة |
.
الأخ أساسي لك التحية هذا الحديث غير صحيح وأنا أجزم ان الأخ الخير هو انزه وأفضل شخص مرَّ بي يمكن ان تعتمد عليه في التقديم لللوتري وتثق فيه ومثال لامانته ونزاهته أنه لحظة الإنتهاء من التقديم يبعث لك معلومات التقديم والكونفرميشن نمبر للمتابعة بنفسك وليس مثل اشخاص وجهات عديدة تحتفظ بهذه المعلومات لتظل تحت رحمتهم .. الاخ الخير رجل فاضل جداً وأنا شخصياً اتحدث عن تجربة شخصية في التعامل معه ولم يكن بيننا سابق معرفة شخصية مباشرة سوى هذا الموقع وتوجيهاته وارشاداته المفيدة والواضحة التي يقدمها وتكفله بالتقديم لمن أراد وهذه مهمة شاقة جداً، مهمة التقديم التي يستمر فيها لشهر كامل لا لشئ سوى مساندة ومساعدة من توسموا فيه الخير وانا أراه رجل خير مثل اسمه تماماً .. وأيضاً ليس صحيحاً قولك أنه : لم ينل احدا اللوتري حتي وان كان مؤهلا تأهيلا كاملا للحصول عليه .. بل هنالك من فازوا وبالطبع لم يأتوا ويدقوا الطبول هنا ويقولون انهم فازوا وكذلك لم يفعل الخير ذلك ويروج لنفسه بمن فازوا عن طريقه وياتي بالأسماء ولا اظنه يفعل .. لكني أعلم ذلك واجزم به ..
| |
|
|
|
|
|
|