|
Re: هنا نستقبل تهانيكم وتبريكاتكم بميلاد "جمــهورية الســـاحل الإســلامية" ... شمال ا (Re: Waeil Elsayid Awad)
|
الأخ الحبيب وائل
تحية وتقدير
Quote: لم تسمى مملكة او دولة بعينها بأسم السودان رغم وجود كثير من الممالك جنوب الصحراء |
هذا الكلام غير صحيح أو بالأحرى غير دقيق فكثير من دول إفريقيا تتسمى بالسودان فإثيوبيا تعني السودان والحبشة تعني السودان والنيجر تعني السودان وتيجيريا تعني السودان
فكما ترى القضية ليست في حرفية الاسم بل في معناه ومرماه
الحبشة متعارف عليها بأنّها إثيوبيا اليوم كما هو متعارف على أن فارس هي إيران اليوم فاختيار اسم متعارف عليه لا يفيد في شيء بل وقد يحدث نزاعات واضطرابات مع دولة إثيبوبيا بأحقية الاسم التاريخي وهو ما نحن في غنى عنه
اسم جمهورية الساحل أراه اسماً منطقياً خاصّة بعد إستئثار الجنوب باسم السودان وإن أضاف له الجديد فسيقال السودان في النهاية ونسبة السودان للإسلام تعود لغلبة المسلمين في شمال السودان بعد ذهاب الجنوب الوثني المسلم المسيحي فيكون رباط الوطن الإنتماء لهذا الدين السمح القويم بمنأى عن القبلية والجاهلية والنعرات العنصرية
تحياتي وتقديري كمال
| |
|
|
|
|
|
|
Re: هنا نستقبل تهانيكم وتبريكاتكم بميلاد "جمــهورية الســـاحل الإســلامية" ... شمال ا (Re: المسافر)
|
يا مسافر .. ربنا يكتب سلامتك انت قاصد (قِري) بكسر القاف وتشديد الراء ... ما ناس امن عام ونظام عام ومخابرات ما مقصرين معانا ..حسنه واللا قوه ورجاله .. نحن قارين ومعترفين بالسويناهو والما سويناهو
واللا انت قاصد (قَري) بتاعة حسني مبارك ؟ عشان نقول عاشت الوحده السودانيه المصريه بدل الكونفدراليه الانجلواميركان بالنكهه المصريه
عموما (قري) مع اني بحبها وبحب اهلها من عوض ابنعوف لي صاحبي بابكر الصادق علي وبالعكس ... بس ما راكبه عشان مصفاة الجيلي عامله في خلق الله هناك عمايل وبالفتح خشمو بركب الظلط
بعدين يا بلدينا ..حكايه (ساحل) دي اليومين ديل ما بتخارج عشان فيها نغزه. اثنين متريسين واحد معسكر وحالف طلاق ما بنزل والتاني مدسكر وناس الامم المتحده حالفين طلاق علا يركب
ونحن عندنا كنا كام واحد ورقهم قافل وجواكرهم مخاواه كده شوف لينا توليفه تانيه نبلع بيها الفركشه الحاصله علينا بدل ال suppository الامريكيه البريطانيه العامله لينا اسهال وضيق نفس وضيق خُلُق دي
انا زهجججججججججججججججججججججججججان انا قرففففففففففففففففففففففففففففففففففففففففففففففففففففففففففان انا داير اطق
| |
|
|
|
|
|
|
Re: هنا نستقبل تهانيكم وتبريكاتكم بميلاد "جمــهورية الســـاحل الإســلامية" ... شمال ا (Re: Frankly)
|
زوجة الترابي: لابد من تغيير اسم السودان عقب الانفصال وصال المهدى الخرطوم: دعت السيدة وصال المهدي، حرم حسن الترابي، القيادية بحزب المؤتمر الشعبي، إلى تغيير اسم السودان بعد الانفصال، مشيرة الى انها كانت تحتج على اسم السودان منذ وقت طويل.
ونقلت صحيفة "القدس العربي" اللندنية عن زوجة الترابي تأكيدها عدم ترحيبها بانفصال الجنوب، داعية لاغتنام سانحته للجلوس والتفكير في اسم جديد للسودان.
وأضافت: "إذا انفصل الجنوب فلا بد أن يكون لدينا اسم جديد غير السودان، فنحن عندنا ثقافة عربية إسلامية زنجية وبيننا قبائل أشد عُروبةً من تلك الموجودة في الجزيرة العربية ولا نريد أن يصبح اللون الأسود هوية لنا".
تاريخ التحديث :- توقيت جرينتش : الثلاثاء , 28 - 12 - 2010 الساعة : 10:12 صباحاً توقيت مكة المكرمة : الثلاثاء , 28 - 12 - 2010 الساعة : 1:12 مساءً
| |
|
|
|
|
|
|
Re: هنا نستقبل تهانيكم وتبريكاتكم بميلاد "جمــهورية الســـاحل الإســلامية" ... شمال ا (Re: طارق جبريل)
|
يا إمّا أنّك لا تعي ما تكتب أو متبلّد الإحساس
Quote: افهم من السؤال دة انك ما تقرر شكل الشمال دة حا يكون كيف بالنيابة عننا |
ومن أعطاك أنت الحق لتتكلّم "عننا" أهل الشمال وتسلب مني حقي في أن أعطي الشمال ما أشاء من الأسماء ورؤيتي لصورة ونظام الحكم فيه؟
وقع ليك ولا لا
أها النقول ليك بالدرب العديل لست أنت بأهل لتحدد لي كيف أقول رأيي
عندك خيارين يا أمّا تقتنع بكلامي ورأيي أو ترد عليه برأي أخر غير ذلك أنا أعتبره قلّة أدب وهرجلة
فتّك بعافية
| |
|
|
|
|
|
|
Re: هنا نستقبل تهانيكم وتبريكاتكم بميلاد "جمــهورية الســـاحل الإســلامية" ... شمال ا (Re: Frankly)
|
Quote: يا إمّا أنّك لا تعي ما تكتب أو متبلّد الإحساس
|
تعرف يا سيد فرنكلي انه اسهل شي في الدنيا دي الكلام الشين حسب مداخلتي الفوق دي ما اعتقد انه انا اسأت ليك في كلمة واحدة
Quote: ومن أعطاك أنت الحق لتتكلّم "عننا" أهل الشمال وتسلب مني حقي في أن أعطي الشمال ما أشاء من الأسماء ورؤيتي لصورة ونظام الحكم فيه؟
وقع ليك ولا لا
|
لا ما وقع لي يا حبيب عشان تنفذ رؤيتك دي على أرض الواقع أطرحها في بشكل ديمقراطي وخلي الشمال دة يختار موش تجي تتقبل التهاني وتفرض آراءك وقع ليك
Quote: أها النقول ليك بالدرب العديل لست أنت بأهل لتحدد لي كيف أقول رأيي |
بالله عليك الله تعال فند لي نوعية الاهلية دي الادتك انت الحق في انه تقول رأيك وحرمتني انا انه اقول ما أراه
Quote: عندك خيارين يا أمّا تقتنع بكلامي ورأيي أو ترد عليه برأي أخر غير ذلك أنا أعتبره قلّة أدب وهرجلة
|
لو لقيت كلامك فيه ما يقنع كان قلتها ليك عدييييييييل بس زول بيصف الناس بي قلة الأدب عشان بس اختلفوا معاهو دة زول مستوى تفكيره محدود شديد للاسف
برضو فتك بي عافية
| |
|
|
|
|
|
|
Re: هنا نستقبل تهانيكم وتبريكاتكم بميلاد "جمــهورية الســـاحل الإســلامية" ... شمال ا (Re: Frankly)
|
فرانكلي
Quote: عندك خيارين يا أمّا تقتنع بكلامي ورأيي أو ترد عليه برأي أخر غير ذلك أنا أعتبره قلّة أدب وهرجلة
فتّك بعافية |
أعتبره قلّةوهرجلة
والله الواحد غلطان زاتو يقرأ ليك حاجة إنت قايل نفسك منو يا إنسان إنت
لم يرى أحد رب العالمين بالعين ولكن عرفوهو بالعقل يعني الواحد لمن يشوف حسني مبارك وبتاع تونس ولا الليبي مفروض يتعظ ويعرف انو ربنا ممكن يلقبه ليك تحت راسك في اي لحظة
شفت اسم السودان لو اتغير إلا تقوم القيامة في السودان ساحل شنو و خــــ ر ة شنو يا فرانكلي
الصادق
| |
|
|
|
|
|
|
Re: هنا نستقبل تهانيكم وتبريكاتكم بميلاد "جمــهورية الســـاحل الإســلامية" ... شمال ا (Re: Zomrawi Alweli)
|
السيد المحترم زمراوي
Quote: ويقوموا يغنيوا بدل انا سوداني هاك من دار جعل ... ويبقى نشيد قومي لدويلة المتعوربين بني العباس الخانقين الناس من بيون حوش بانقا الى كدباس |
عليك الله ارحم نفسك ولا تدخل قبيلتنا قبيلة الجعليين مع هؤلاء وبكلامك هذا سوف تثير نعرة وحنق الجعليين كلهم عليك وعندما نشعر اننا اصبحنا مستهدفين (كقبيلة) سوف ندافع عن انفسنا وهذه هي الحرب الاهلية بعينها عشان كدا خلي الموضوع داخل المؤتمر ومغتصبي السلطة وسارقيها
ولا تقحم اعرق القبائل السودانية في هذا الامر
الصادق
| |
|
|
|
|
|
|
Re: هنا نستقبل تهانيكم وتبريكاتكم بميلاد "جمــهورية الســـاحل الإســلامية" ... شمال ا (Re: الصادق صديق سلمان)
|
Quote: ليك الله ارحم نفسك ولا تدخل قبيلتنا قبيلة الجعليين مع هؤلاء وبكلامك هذا سوف تثير نعرة وحنق الجعليين كلهم عليك وعندما نشعر اننا اصبحنا مستهدفين (كقبيلة) سوف ندافع عن انفسنا وهذه هي الحرب الاهلية بعينها عشان كدا خلي الموضوع داخل المؤتمر ومغتصبي السلطة وسارقيها
ولا تقحم اعرق القبائل السودانية في هذا الامر |
الاخ العزيز الصادق صديق سلمان لك التحية اينما حللت يا عزيزي
لم اك انوي ايراد هذه الجدلية الا عندما اعلن الرئيس البشير ان الشمال بعد انفصال الجنوب سيكون دولة اسلامية عربية .... ونحن من ذلك الوقت نمقت العروبيين السودانيين لاننا نوبيين بالفطرة تعلمنا اللغة العربية تحت سياط مدرس اللغة العربية واستاذ الطابور الذي كان يعاقب من اصبح كرت الرطانة معاه حتى صباح اليوم التالي
تخيل الاستاذ في الطابور يسأل ((( مين معاه كرتب الرطانة ))) فيخرج الطالب التعيس صاحب الكرت من وسط الصف حاملا الكرت فينبطح على الطرابيزة ويجلد الجلد المبرح ويخرج مكسور الخاطر وسط تندر بقية الطلاب والطالبات خاصة وكنا ندرس في مدرسة مختلطة
انا لا اريد لابنائي ان يمروا بتلك الفترة
وبالرغم من هذا افيدك بأن اغلب اصدقائي في العمل وهنا في هذا البوست من الجعليين وكلما ظهر بوست كهذا يتصلون بي الحق يا بربري يا قروي ...
لذا لا اعتقد ان مداخلتي هذا سيثير حفيظة الجعليين...
| |
|
|
|
|
|
|
|