|
|
 السبت 17 نوفمبر الاستاذ حسين خوجلي والباحث والشاعر الشاب الرشيد ابراهيم (جلسه في حضرة الدوبيت)
|
تستضيف غرفة
new sudan for all
عبر برنامج البال توك يوم السبت الموافق 17 نوفمبر الساعه 6 بتوقيت غرنتش
الباحث والمهتم في مجال الشعر الشعبي الدوبيت والمسادير
حيث سيتناول القاء نشاة وتعريف شعر الدوبيت والمسادير واثره في حياة انسان السودان واهتمامه بكل جوانب الحياة
وستكون هنا قراءاة للنصوص مختلقه ومتنوعه مع اداء الدوبيت بطريقة النمه
وسيتداخل في الليله
الاعلامي المعروف وشاعر الدوبيت
الاستاذ حسين خوجلي
و
الشاعر يوسف البناء
واخرين
ولعشاق الدوبيت يرجي الحرص علي الحضور
|
|
 
|
|
|
|
|
|
|
|
Re: السبت 17 نوفمبر الاستاذ حسين خوجلي والباحث والشاعر الشاب الرشيد ابراهيم (جلسه في حضرة الدو (Re: abdelgadir mustafa)
|
سلام الاخ عاطف
تحية لك وللاخ الرشيد
ان شاء الله حنكون معاكم
الاخ عبد القادر مصطفى سلامات
لو نزلت الخطوات كلها وعملت الاسم الخاص بيك. ما صعب
امكن الشبكة مرات تعاكس لكن ما صعب يا عاطف ممكن جدا الاخ عبد القادر
لو اتبع الخطوات الآتية حيضر الدوبيت وغيره ان شاء الله
اولا لو عملت اسم خاص بيك فى البال
ارسله للاخ عاطف او لى فى المسنجر (اسمك فقط فى البالتولك)
واحتفظ بالباسوورد عشان تدخل بيه
حنعمل ليك اضافةبالاسم الخاص بيك
ويوم البرنامج ان شاء الله انت خليك متابع من هنا فى المنتدى
بنحاول نساعدك للدخول اون لاين
اى واحد يشوفك اون لاين عاطف ولا انا
يعمل ليك دعوة للروم الفيها الجلسة
بعد كده حايبقى ليك كل شىء واضح ان شاء الله
تحياتى ..
| |
|
|
|
|
|
|
|
|
|
Re: السبت 17 نوفمبر الاستاذ حسين خوجلي والباحث والشاعر الشاب الرشيد ابراهيم (جلسه في حضرة الدو (Re: abdelgadir mustafa)
|
حاضر من عيوني
اولا التنزيل من هنا
http://www.paltalk.com/ar/index.html
مجرد ما ينزل حتسجل وتعمل نيك نيم
زيو وزي الماسنجر حتدخل الاسم والباسويرد
بيفتح معاك
مجرد ما يفتح
حتلقي Browse Rooms
حتمل كلك
حيفتح ليك نافذه حتكتب في البحث بتاعها سودان حتطلع ليك كل الرومات السودانيهتختار الغرفه
او تدخل اسم القرفه مباشره
new sudan for all
اول ما تجيك تعمل عليها كللك بتلقا نفسك معانا
لكن للاسف دا في حالة انك تكون ما في السودان او الشرق الاوسط
لانو الخدمه بتاعت البالتوك عندكم ما مجانيه
ودي المشكله
وحسب معرفتي الناس الفي السودان
بدفعو اشتراك لي دخول الغرف
اما طريقةالاشتراك وكيفية الدفع
لو بقيت عليها راجع الماسنجر حتلقي
اسم اسكايبي تدخل عليهو هو حيساعدك
وحيشرح ليك بالتفصيل
ونحنا تحت الطلب
نتمني انك تكون معانا لانو في اليومين الجاين دايرين نفرد مساحه لي حكايه المجلس الوطني مع سودانيزاونلاين
| |
|
|
|
|
|
|
|
|
|
Re: السبت 17 نوفمبر الاستاذ حسين خوجلي والباحث والشاعر الشاب الرشيد ابراهيم (جلسه في حضرة الدو (Re: ateif abdoon)
|
..
عكير الدامر فى وصف الدنيا
سرورك ما بتم عاقباهو ديــــمة الفجعـــــــة
وظاهرك ليـــــنا سكر الا طعمك وجعـــــــة
كم طفشتي مرتــــــاح وقلبو مابي الهجعــــة
روحو تشابي وانت قطعت خـــط الرجعــــه
.....
تقابلك عروس تعشق معانــــي رقيصـــــــه
تملاك بالمحبة وتمشي نازله نقيصـــــــــــه
ما يغريك دلاله وتوب جمال بلقيســــــــــــه
عاين للقبور وبعدين سماحـــته بتقيســــــــه
...
بتقابلك جنينة تمتعك بي ثمــــــــــــــــاره
وترقد في امانا وتنهمك بعمـــــــــــــــارا
باكر تبقى ليك حنضل تشوفو دمــــــــارا
تسحب منك .... وتدق مسمـــــــــــــــاره
...
زولاً شاف رقاد العبروهو مشبــــــــــــر
والزول البرص فى الطوب ووشو مغبر
إتأكد دة بكرة مصير غير إتكبـــــــــــــر
إنسى الموت والمــــال والبنون إتبتــــــر
...
دى الغدارة دى الحقارة دى العقـــــــارة
كم قلبت زغاريد عرسه بي نقــــــــــارة
أعلِنا بالحرب قبال تشب الغـــــــــــــارة
وقبل الروح تغرغر وتبقى في الغرغارة
...
إتغشينا بي حبك لبسنــــــا عبايــــــــــــة
يا موية الرهـــــاب الما ملت كبايــــــــة
عجيب يا دنــــيا أمرك الا نحنا غبــــاية
عاشقين الجمــــال في لمعة الحربايـــــة
...
..
؟
| |
|
|
|
|
|
|
|
|
|
Re: السبت 17 نوفمبر الاستاذ حسين خوجلي والباحث والشاعر الشاب الرشيد ابراهيم (جلسه في حضرة الدو (Re: ateif abdoon)
|
.
ما هو الفافنوس ما هو الغليذ البوص
ود المك عريس خيلا بجن عركوس
أحى علي سيفه البحد الروس
دايراك يوم لقى بدميك تتوشح
الميت مسولب والعجاج يكتح
أحي علي سيفه البسوى التح
إن وردن بجيك في أول الواردات
مرنا مو نشيط إن قبلن شاردات
أسذ بيشه المكرمد غمزاته متطابقات
وبرضع في ضرايع العنز الفاردات
كوفيتك الخوده أم عصا بولاد
ودرعك في أم لهيب زي الشمس وقاد
وسيفك من سقايته إستعجب الحداد
وقارحك غير شكال ما بقربه الشداد
يا جرعة عقود السم
يا مقنع بنات جعل العزاز من جم
الخيل عركسن ما قال عدادهن كم
فرتاق حافلن ملاي سروجهن دم
...
..
.
| |
|
|
|
|
|
|
|
|
|
Re: السبت 17 نوفمبر الاستاذ حسين خوجلي والباحث والشاعر الشاب الرشيد ابراهيم (جلسه في حضرة الدو (Re: ateif abdoon)
|
عاطف يا جميل
البرنامج بصراحة كان فيه الرشيد ابراهيم الزول الجميل
والشاعر الفذ ود البناوبث
حسين خوجلى ده انت قلعت بيه من وين انا ما عارفه
اشك فى انك نوبى يا عاطف  
وكده حتشككنى فى وطنيتك زاتها 
كدى عيد لينا النظر فى الضيوف لو امكن
ولا انا حا اعيد النظر فيك انت زاتك ومع سبق الاصرار والرؤية الثاقبة
كتيره شوية حسين خوجلى دى ..مره واحده كدة صعبه على المتلقى والحضور
مع احترامى ليك ايها النوبى الاصيل
شكرا جرجار وتوب وطاقية
قصرت معاك ؟؟؟
تحياتى
اسماء الجنيد/ مسقط
| |
|
|
|
|
|
|
|
|
|
Re: السبت 17 نوفمبر الاستاذ حسين خوجلي والباحث والشاعر الشاب الرشيد ابراهيم (جلسه في حضرة الدو (Re: ateif abdoon)
|
الرسرس مفزر والحواجب نون
دغس عينيك شوفتك تفرح المحزون
فيك لهيجا حلاتو يمسخ المشنون
ازي و دواي انتي وكيف لماك يهون
الصفره السمحه ام جمالا صافي مو ملكون
فراقك نار علينا وكيف ديمه بيكون
صفرات لون وزرقات فم ولغب وعيون
ايضا ديسه عاتي وليهو حاجب ونون
دعجه وفيك شبه الريل خدود وعيون
يحفظك الكريم مولاي وليكي يصون
فيك خبر جمال تامات وصفرات لون
خاطرك فرهد يلمع ذاكي غير معجون
يا قلبي الكنت من الغرام ممكون
بقيت زي قيس معزب وبالجمال مفتون
الشذا القفيرو عليهو ما مامون
لازم ولازم والبيقربو كلو يخون
| |
|
|
|
|
|
|
|
|
|
Re: السبت 17 نوفمبر الاستاذ حسين خوجلي والباحث والشاعر الشاب الرشيد ابراهيم (جلسه في حضرة الدو (Re: ateif abdoon)
|
عكير الدامر
1)
درقة الرغوة كم دمرت ناس ومساكن
كم ذليتي بعد العزه شامخ وماكن
كم صبحت قلبا حي متلج وراكن
وكم صبحت عمران ذي مباني سواكن
(2)
الغني فيك يوسع ولي الزيادة يكابس
في اللين يخضر وقلبه طاري اليابس
بسراع تدي ضهرك ويبقي وجهك عابس
وحالا ينقلب عريان بعد مو لابس
(3)
خيرك ما يدوم يالبهرج الغشاشة
يا مطر المنية الديمه سايقة رشاشه
كم قصرا جميل انواره تضوي بشاشه
دمرتيه اصبح فاقد المقشاشه
(4)
عمارك لي خراب والفرحه فيك لي كربه
اسمك من الست الفانيه دار الغربه
اولك المعيشه جري وتعب في هربه
والثانيه الامل والثالثه دفن التربه
(5)
كم حطمت راجلا في مشيه مسلق
صبحتيه بي حبل النكر النكر متحلق
دربك لي البصاحبك بي عجل بيزلق
يا صقر القبور الفوقنا ديمه محلق
(6)
تعصري علي البريدك وتقربي تانسيه
يترك طاعة الخالق يكون ناسيه
بي توب سحرك البعمي القلب تكسيه
يصبح محتضر في تربته تمسيه
(7)
سرورك ما بتم تابعه ديمه الفجعه
ظاهرك لينا سكر الا طعمك وجعه
كم طفشت مرتاح قلبو مابي النجعه
روحه تشابي وانت قطعت خط الرجعه
(8 )
شمس حسنك مخنقه ما بيدوم اشراقه
يالفيه شليل عضم اب قبيح براقه
كم الليهو منزل في الجنان وراق
خنت اسياده هجو ولجو بالفراقه
(9)
فيك الحي يامل والفرح يبداله
ترقصي ليك يبشر يقتكر رايداله
للشبال يميل ترميه بالابداله
تتني رقبته بالخاربه وتكوسي بداله
(10)
اوصيك نفسي اوصيك الحيا وما فيها
شق ود الاحد بيت الشبر صافيها
لي متين تقيفي ونار الضلال تطفييها
تمسكي سكه الشافوها حاجه تقيها
(11)
اتغشينا في حبك لبسنا عبايه
يا مويه الرهاب الما ملت كبايه
عجيب امرك الانحن غبايه
عاشقين الجمال في لمعه الحربايه
(12)
تبقالك حنينه تمتعك بسماره
ترقد في امانها وتنهمك في عماره
باكر تبقي ليك حنظل تشوفو دماره
تسحب منك النعمه وتدق مسماره
(13)
دي الغشاشه دي الغداره دي العقاره
كم قلبت زغاريت عرس بي نقاره
اعلنها بي الحرب قبال تشن الغاره
وقبل الروح تقرقر تبقي في الغرقاره
(14)
يا سامع دبيب النمل جوف العاتمه
ياكاشف الخفايا الفي الضمائر كاتمه
بي جاه سيد الرسل الكرام ابو فاطمه
لطفك بي عكير يوم الدفن والخاتمه
| |
|
|
|
|
|
|
| |
ateif abdoon
Tragie Mustafa
خدر
فيس بوك
تويتر
انستقرام
يوتيوب
بنتيريست