|
تكتيكات أوتومسفيرية للكتابة في المنبر (أمثلة حية وتطبيقات) !!!
|
حاولت منذ مجيئي لهذا البورد قبل حوالي عشرة أشهر أن أحصر وأحلل التكتيكات والحيل التي يتبعها كتاب هذا المنبر في إيصال الفكرة والمفهوم للقارئ ولمن يتعاملون معه في النقاش والحوار من أعضاء المنبر الذين قد يتداخلون مع بعضهم بغرض المحاورة أو المجادلة وأحيانا المناكفة والمجاملة ، وطبعا لكل شخص عضو في هذا المنبر تكتيك خاص به يستخدمه حينما يريد الكتابة أو التعبير ، قد يختلف مع التكتيكات الأخرى المستخدمة أو قد يتفق معها جذئيا ، ويعتمد ذلك على حسب طبيعة وإهتمامات الكاتب سواء أكانت فنية أو رياضية أو سياسية أو إجتماعية ..
والسبب الذي جعلني أتاخر كل هذا الوقت في حصر هذه التكتيكات هو أنني بدات عقب كل أزمة أو موضوع نقاش أكتشف أنواعا جديدة من التكتيكات غير المعروفة لي قبلا وقد تندهشون أنني فقط في المعمعة الأخيرة (وأعني بها أزمة إهدار دمي في المنبر على غرار إهدار دم سلمان رشدي ) !! قد تكشفت لي أكثر من حوالي خمسة عشر نوعا من التكتيكات التي كانت خافية عني قبلا ولم أحصرها فيما مضى !!! ، ليكون إجمالي التكتيكات المسجلة لدي أكثر من أربعين تكتيكا وإسلوب كتابة !! كلها تستخدم في هذا المنبر من قبل الكتاب أو التكتلات المختلفة الاغراض والاهداف سياسية او إجتماعية كانت !!
وإنني إذ أعلن الان ضربة البداية لهذا البوست والذي أجزم منذ الأن انه سيكون طويلا جدا بسبب كثرة التكتيكات المستخدمة وربما بما سيضيفه القراء من تكتيكات اخرى قد تكون ضلت طريقها إلى مفكرتي ، لا أبغي من خلف ذلك إلا مزيدا من الشفافية والصراحة في تعاملنا مع بعضنا البعض وحتى يفهم أينا الاخر جيدا حتى لا تختلط علينا الامور أثناء مداولاتنا لمختلف الموضوعات ...
وربما قد يصيب الرشاش بعضا من الاعضاء هنا من جراء تناولي لأمثلة وإقتباسات حية من صميم هذا المنبر وإرشيفه وقد لا أعمد أحيانا إلى ذكر إسم الكاتب صراحة وقد يغضب البعض مني ممن يعتقدون ان تكتيكاتهم وإستراتيجيتهم كانت خافية ويضعون في أذهانهم انني من أوضحتها للناس ولكني على كل حال مستعد لكل الإحتمالات وردود الفعل المختلفة ، وذلك لن يمنعني منذ الان من الإعتذار مقدما لكل من سيغضب مني وكل رجائي أن يقدر ويتفهم الفائدة المرجوة التي ستعم الجميع في نهاية البوست ولهم العتبى حتى يرضوا (على اعتبار ما سيكون) ..
أما الإسلوب الذي سأتبعه لحصر تلك التكتيكات فهو سيعتمد على شرح التكتيك وإسمه (بعض التكتيكات لم أستطع إستنباط أسماء لها حتى الأن) !! أما الأمثلة والتطبيق فستكون في شكل صنفرات وافية الجوانب والشرح سأكتبها أحيانا باللهجة الدارجة حسب طبيعة التكتيك وظروفه مدعما بالأمثلة والإقتباسات واللنك المباشر (إن وجد) مع ملا حظة أن هناك تكتيكات سأذكرها بصورة عارضة وقد لا توجد لها أمثلة مباشرة أو ربما ان الجميع يعلم تلك التكتيكات ولا داعي للأمثلة والتطبيق !!!
ورغم انني واثق تماما أن الطريق سيكون وعر جدا والإبحار فيه سيكون ضربا من المغامرة غير المأمون عواقبها ، إلا انني كما أسلفت جاهز تماما ومستعد لكل الإحتمالات ولكن ....!!!
هل انتم جاهزون ومستعدون للمجازفة مهما أتت من نتائج عكسية عليكم ؟؟!! أجبتم بالإيجاب ؟؟؟!! حسنا سنختبر ذلك عبر هذا البوست ...
والأن إلى أولى التكتيكات واسهلها وهي كثيرة الإستعمال في المنبر ، وقد يكون التكتيك المشترك الوحيد الذي يشترك فيه جميع اعضاء البورد بمختلف إتجاهاتهم والإسم الشائع له هو (كسير التلج) !!
وكسير التلج هذا يتم في أربعة حالات هي كالأتي :
1/ إما رغبة 2/ إما رهبة 3/ متحيز إلى فئة 4/ غامض الهدف والغرض ..
وسأتحدث أولا عن النوع الاول مع الشرح !!!
صنفرة :
هذا البحث المصغر هو موضوع رسالة الدكتوراة التي سأتقدم لنيلها و التي تحدث عنها أب قوتة في بوست سابق
|
|
|
|
|
|
|
|
Re: تكتيكات أوتومسفيرية للكتابة في المنبر (أمثلة حية وتطبيقات) !!! (Re: ناذر محمد الخليفة)
|
كتب ناذر الخليفه:
Quote: (وأعني بها أزمة إهدار دمي في المنبر على غرار إهدار دم سلمان رشدي ) !! |
يقارن ناذر الخليفه بكل بساطه نفسه بسلمان رشدى!!!
أى : ولان ناذر الخليفه مبدع بحجم سلمان رشدى كان حظه فى المنبر كما حظ سلمان رشدى فى العالم الاسلامى، فكلاهما، رشدى والخليفة انتجا أدبا مثيرا للجدل استحقوا لأجله اصدار الفتاوى باهدار الدم من قبل منغلقى الأذهان أعداء حرية الابداع والرأى....
كتب سلمان رشدى من ضمن ماكتب:
Salman Rushdie's Published works 1975: Grimus 1980: Midnight's Children 1983: Shame 1985: The Painter and the Pest (documentary film) 1987: The Jaguar Smile: A Nicaraguan Journey 1987: The Riddle of Midnight (documentary film) - amazon.com 1989: The Satanic Verses 1990: Haroun and the Sea of Stories 1991: Imaginary homelands: essays and criticism, 1981-1991 1992: The Wizard of Oz 1994: East, West 1995: The Moor's Last Sigh 1997: The Vintage Book of Indian Writing (1947 - 1997) (anthology, edited jointly with Elizabeth West) 1999: The Ground Beneath her Feet 2001: Fury 2002: Step Across this Line
http://www.subir.com/rushdie.html#publ[/B]
وفى انتظار قائمة كتابات المبدع الكبير "الزى سلمان رشدى وكده"، فى انتظار مؤلفات ناذر الخليفه التى أدت الى اهدار دمه "الكونى" من ""coon" وليس "universal"
Coon أو Sambo/ سامبو أ و كوون أو ناذر الخليفه !]
| |
|
|
|
|
|
|
Re: تكتيكات أوتومسفيرية للكتابة في المنبر (أمثلة حية وتطبيقات) !!! (Re: ناذر محمد الخليفة)
|
Quote: لان ناذر الخليفه مبدع بحجم سلمان رشدى كان حظه فى المنبر كما حظ سلمان رشدى فى العالم الاسلامى، |
Mr Kodi
Eid mubarak. I thought Mr. Rushdi was a lousy author While certainly he is a staunch liberal/secular and a stardom individual, gratitude be to Khomeni,x many have been very critical of his writings from the artistic perespective. For sure a large number of publications does not earn him much, even Larry Flint has that massive list of publications of his pschyco fanatasies. I would love to read your opinion on the above Thank you
| |
|
|
|
|
|
|
Re: تكتيكات أوتومسفيرية للكتابة في المنبر (أمثلة حية وتطبيقات) !!! (Re: zoul"ibn"zoul)
|
تعرف يازول ابن زول انا اليومين دى عندى مشروع رجوع الى التعابير البصيريه، يعنى زى ما انته عارف انو شخصى الضعيف يدعى انه فنان بصرى وكده، فأعمل حسابك ما اقوم ارد عليك بصريا....يعنى اقوم ببعض التراكيب البصريه بين شخصك وموضوعات المبدع "لارى فلنت" خاصه فى مطبوعته الشهيره والتى لابد وانك تتابعها بانتظام مادام انك اتيت به الى هذا النقاش... "هسلر"...
اين لارى فلنت رغم معاركه الناجحه والفاشله ضد الحكومه الأمريكيه لضمانات الحق فى التعبير من سلمان رشدى؟
لابد وأنك لاتعرف عن كلاهما شيئا... ماقلنا ليك خليك قراءة الخرائط "الاتوفضائيه"...
| |
|
|
|
|
|
|
Re: تكتيكات أوتومسفيرية للكتابة في المنبر (أمثلة حية وتطبيقات) !!! (Re: ناذر محمد الخليفة)
|
الله الله الكلام دة كيف يا شيخنا لارى فلنت انت ما بتعرفو و لا شنو - شوف بالله حرية التعبير دى انا عندى بى الدنيا لى و لى سواى حتى لارى ذاتو من حقو يقول العاوزو
و انت يا ظريف قديم من زمان حفرو البحر مطبوعات و شنو ما عارف - ازمن دة يا زول القصة كلها اون لاين - باين عليك لسة بتجيك بى البريد
انا طبعا كلام الفنانين الكبار دة ما بفهمو - تعابير بصرية و تعابير ضوئية - انا زول قريعتى راحت ساكت و الفهم قسم ذى ما انت عارف - لكن باقى لى كدة انو انت قاصد حا ترسمنى ذى المهدى - غايتو لو قررت تعمل كدة بالله خت حوالينى بنات حلوات يعنى كدة زى الكانو فى الجامعة على اقل تقدير الواحد يملى البطارية شوية - بس بالله ما تبشتنى ارسمنى ولد قيافة لزوم الدعاية و كدة
لكن بعد دة كلو ما قلت لى سلمان رشدى قالوا من ناحية كاتب يعنى مش و لا بد اها رأيك شنو
| |
|
|
|
|
|
|
Re: تكتيكات أوتومسفيرية للكتابة في المنبر (أمثلة حية وتطبيقات) !!! (Re: ناذر محمد الخليفة)
|
الحمد لى الله طلعت ما بترسم من طرف - انا كنت خاتى اِيدى فى قلبى مش من الرسم بس أقوم أطلع قبيح و سنيح و الصورة تكون منيلة - معليش يا ظريف شلت الكتير من وقتك بس المرة الجاية لو لقيت وقت ممكن تشرح لى الشنو ما عارف البصرى دة حاكم أنا جد جد مسطح و ما بنفع الآ فى خرايط و كدة - بعدين النصيحة انا ما شايف روحى اقل من الزول الرسمتو انت بل شايف رقبتى فوووووق و القرد عند امو غزال
| |
|
|
|
|
|
|
Re: تكتيكات أوتومسفيرية للكتابة في المنبر (أمثلة حية وتطبيقات) !!! (Re: ناذر محمد الخليفة)
|
والأن لنتحدث في أولى انواع تكتيك كسير التلج وهو .. تكسير التلج عن رغبة ..
قد يكون هذا النوع من كسير التلج هو الأوسع إنتشارا في هذا المنبر وهو نوع لا يحتاج لأي مهارات خاصة في الكتابة إذ بمكن التعبير عنه بإستعمال عبارة أو عبارتين فقط في الردود مثل عبارة (كتابة جميلة) أو (بوست جميل) وهناك بعضهم يستعمل الإيقونان المختلفة أيضا في كسير التلج خاصة إذا كان البوست يتعلق بمسألة عاطفية أو يناقش قضية إجتماعية مميزة وما أكثر أيقونات القلوب الحمراء والوجوه الضاحكة المبتهجة في هذا الفضاء الأسفيري التي تصلح لهذا النوع من كسير التلج مثل هذه وهذه وكثيرات غيرها..
، ففي هذه الحالة يريد( كاسر التلج ) عن رغبة منه في مجاملة صاحب البوست أن يوصل له رسالة مضمونها (أنا متابع) أو (أنا أقرأ لك) وفي هذه الحالة فأن وضع رمز بسيط أو حتى عبارة ( فوق) ومرادفها الإنجليزي في البوست دون أي تعليق أكثر من كاف ليدرك صاحب البوست ان المتداخل ذلك في الجوار وأنه يتابع بوسته بإهتمام ...
وأحيانا يكون لأحد الأعضاء بوست معين فيأتيه عضو أخر لم يسبق له ان تداخل معه ويضع تعليقا يعجب صاحب البوست فيرى أن من الواجب رد المجاملة في بوست المتداخل ذاك فيذهب لصفحات المنبر للبحث عن بوست بحمل إسم ذاك الشخص وعندما يجده يمر عليه مرورا سريعا ويأتي لأخر البوست ويضع ردا مجاملا صغيرا يتعلق( وأحيانا لا يتعلق) بموضوع البوست وذلك لأن الغرض أساسا لم يكن المداخلة بل رد التلج لصاحبه أبرد مما كان ..
وهناك كثيرين قد يعتقدوا أن رد التلج لصاحبه في بوسته ضرورة أوتمومسفيرية إقتضاها الظرف وهو من باب المجاملة.. مع انهم يعتقدون ذاك واجبا ثقيلا لكن لا بد من أداؤه.... وقد ينصدمون أحيانا ان بوست رد التلج لا يناسب موضوعاتهم وإهتماماتهم فيكتفون فقط بالعنوان ويذهبون لأخر البوست للرد وذلك يكون واضحا وجليا من خلال العبارات التي نجدها في البوستات والتي تكون على شاكلة (جئت لإلقاء التحية على صاحب البوست) أو (سأعود للتعليق) أو (بوست مثير للإنتباه) أو (بوسن محفز للخيال) .. وأنا شخصيا اخذ حذري من امثال تلك العبارات التي حينما أجدها في بوستاتي اعلم يقينا ان كاتبها ربما لم يقرا إلا عنوان البوست فقط ...
وفي هذه الحالة فقد ينتظر صاحب البوست أياما واسابيع طويلة لمن وضع امثال تلك العبارات كي يعود للتعليق ويكون إنتظاره كمن ينتظر الري !!
صنفرة :
أمثلة هذا النوع من كسير التلج (عن رغبة) تمتلئ بها صفحات ومداخلات المنبر عن أخرها وخاصة التجمعات المنبرية المعروفة للمتداخلين مثل مجموعة (تمبس ـ معتصم دفع الله ـ عمر الفاروق ـ وليد 399 ـ حميدة) مثلا ومجموعة (ناجي الملك ـ ضياء خليل ـ الجريفاوي ـ إيزابيلا ـ سفيان نابري ـ طلال عفيفي) ومجموعة (سجيمان ـ صديق الموج ـ ود قاسم) ومجموعة (ناذر ـ ناصر البطل ـ ود عكر ـ فيصل نوبي ـ القلب النابض) ومجموعة (تراجي ـ بقال ـ محمدين ـ محمد سليمان) والكثير غيرهم من المجموعات المنبرية وفي هذه الحالة إذا ما أراد المرء أن يتداخل في بوستات هذه المجموعات عليه أن يرتدي معطفا واقيا من البرد والصقيع وربما الزوابع الرعدية مع التوقع الاكيد بوجود الكثير من جبال الثلج داخل البوست حتى وإن كان الطقس صيفا زمهريرا !!!
مراجع :
القلب النابض " اعلان هزيمتي "
المحبة هي ايدلوجيتي الوحيدة
رسائل الى ضياء
| |
|
|
|
|
|
|
Re: تكتيكات أوتومسفيرية للكتابة في المنبر (أمثلة حية وتطبيقات) !!! (Re: محمد عيد الله)
|
الأخ محمد عبد الله ...
كل عام وأنت بخير
لا حظ إنو أنا لحدي هسي يادوب إتناولت جزئية صغيرة من أنواع كسير التلج اللي هي منبثقة من أنواع التكتيكات الرئيسة في المنبر دا ..
أنا ما قلت ليك إنو البحث دا حا أخد بيهو لقب دكتور ومن هسي ممكن تناديني دكتور ناذر
صنفرة :
أأي بالله خلي عيونك مبحلقة في البوسد دا ومنها حا تعرف التكتيكات الخبيثة وغيرها البيتبعوها الجماعة في البورد دا ، عشان ما تخش في حتة وتتراوش زي إبراهيم بقال دا ويقوموا يلحقوك أمات طه
| |
|
|
|
|
|
|
كسير التلج عن رهبة !! (Re: ناذر محمد الخليفة)
|
أها يا جماعة الخير نمشي لي قدام ونشوف النوع التاني من كسير التلج اللي هو شنو !!!!! عن رهبة !! ذكرنا كيف يكون كسير التلج في حالة النوع الأول وهو عن رغبة أو عن مجاملة ، أما في هذا النوع الثاني فهو لا يكون عن مجاملة أو رد التلك لكاسره في بوسته بقدر ما هو يكون رهبة من صاحب البوست المراد تكسير التلج له إذا السؤال الملح هنا .. كيف يكون كسير التلج عن رهبة ؟؟؟؟ فأقول أن كاسر التلك يكون إما منبهر بشخصية صاحب البوست ويعتبره من الشخصيات المهابة والتي يعمل لها ألف حساب من بقية البورداب لقوة في شخصيته أو كتابته ومواقفه ... ولذلك فإن كاسر التلج ذاك يبتغي من ذلك الكسير إما مصادقة صاحب البوست أو على الأقل أن يكون له علاقة أوتومسفيرية طيبة معه حتى يعرف الناس والمتداخلون جدية كاسر التلج ذاك بأنه يتداخل في بوست جيد وكاتبه هو الاخر يمتاز بالموضوعية حتى لا يتهم كاسر التلج مستقبلا بشئ في كتابته أو قدح في مصداقيته ..
والشي الأخر أن كاسر التلج يخشى صاحب البوست (عدييل كدة) !! ويريد أن (يختاه ويختى شره) ولذلك يحاول في أثناء كسيره للتلج أن يحيد نفسه عن أي صراع أو نقاش جدلي قد يحدث في المنبر ولكن فات على هؤلاء أن كسيرهم للتلج قد يأتي بنتيجة عكسية عليهم أحيانا !!
الشي الذي يختلف عن النوع الأول من كسير التلج هو ان من يكسر التلج عن رهبة من صاحب البوست يخيب أمله كثيرا في أن يرد صاحب البوست التلج له في بوسته ، وربما أن كاسر التلج نفسه وفي كثير من الأحيان لا يتوقع أن يأتيه ثلجه مرة أخرى.. وهو نفسه قد لا يرغب في أن يعود له تلجه كي لا يضطر لفتح قنوات حوار مع من يرهبه... وهو لا يريد ذلك لأن غرضه أساسا كان شي أشبه بالدهنسة أو التقرب من صاحب البوست ولم يكن لفتح قنوات حوار وإن كنت لا أعني مقولة (بوس يد الراجل وأدعي ليها بالكسر) !!!
صنفرة :
إكتشفت هذا النوع من كسير التلج عند مراقبتي وتعاملي مع السيد بشاشا وأيضا صديقي الأديب عثمان محمد صالح ... إذ أن بشاشا وبحدته المعروفة في النقاش وعباراته المكررة التي يلوكها صار مصدر توتر لكل من يفتح يوستا عن الهوية أو العروبة ورأيت أن الجميع يحاول أن يتجنبه ويتحاشاه بمن فيهم كاتب هذا البوست والذي لم يتخل عن كتاباته عن حزب البعث إلا بسبب بشاشا .. وبشاشا نفسه يستعمل تكتيكا متفرد سأتطرق إليه في حينه !!
أما الأستاذ عثمان محمد صالح فقد كانت له صولات وجولات في المنبر أيام ما أسميه بـ (يوم القيامة) !! إذ كان كل همه هو إرسال أعضاء المنبر إلى التوابيت التي يعدها ويفصل مقاسها بنفسه.. وفي تلك الأيامات ومع متابعتي اللصيقة ومعاركي اللفظية معه ، وجدت أن الكثير من أعضاء المنبر يتوددون له في بوستاته بسبب أو بغيره ولكن كانت الرهبة هي العامل الرئيس في التودد حتى لا يرسلهم عثمان إلى التوابيت (رغم انها توابيت أوتومسفيرية ولا وجود لها على أرض الواقع) !! ولكن كانت لهجة عثمان الصارمة تقذف الرعب في قلوب هؤلاء لأن عثمان كان يتوعد بكل جدية ، وربما تشاءم البعض وتيقنوا بأن تابوتا لا محالة أمامهم لذلك كانوا يرهبون عثمان جدا ويحاولون في أثناء تلك الأزمة كسير المذيد والمذيد من التلج في بوستات عثمان خوفا من توابيته الأوتومسفيرية وبعضهم تجرأ وفتح بوستاتا للحديث وكسير التلج لعثمان ولكن كان مصير أغلب هؤلاء هو إرسالهم لتوابيت مكفنين ببوستاتهم التي جلبوها مثل الأديب متوكل توم الذي فتح بوستا سيء التوقيت وغامض الهدف جلب معه الكثير من التلج من أجل عثمان ولكنه نسى أن عثمان صالح لا يحتاج لمثل هذا الثلج وأن أعماقه تمتاز بجمود أبرد من صقيع موسكو وجليد ياماكوف !!! ومن يومها لم أر متوكل توم يكسر تلجا لأحد مرة أخرى ولسان حاله يردد (بلا تلج بلا بطيخ) !!
التحية مجددا للثلاثي عثمان صالح وبشاشا ومتوكل التوم ...
مراجع :
قصيدة أوتوميسفيرية (مهداء لـ عثمان محمد صالح) !!!!!
ناذر .......رجل باخلاق فرسان العصور التي خلت!!!!!!!!!
ناذر .......رجل باخلاق فرسان العصور التي خلت!!!!!!!!!
ده شنو ده يا هشام مدني ؟؟؟؟؟؟؟؟؟؟؟؟؟؟؟؟؟؟؟؟؟ !!!!!!!!!!!!!!!!!!
| |
|
|
|
|
|
|
Re: كسير التلج عن رهبة !! (Re: saadeldin abdelrahman)
|
ناذر ، سلامات وكل سنه وإنت طيب والذي منو .. أما بعد ذلك ..
فقد إطلعت على كتابتك في الـ " بوست " هنا .. هي طبعا ممكن تكون كتابه دمها خفيف تحت عنوان كبير .. لكن بس فيها كالعاده ( عادة هذا المنبر ) الإستسهال ، وعدم الإهتمام ، نهائي ، بالموضوعيه .. ومشكلتك المعتاده والمكرره والممله وهي إنك تجعل من الناس مادتك ..
أنا طبعاً وبشكل شخصي جدا بستغرب من وضعي في قائمة من قوائمك العجيبه لكساري الثلج .. وهذا نابع من إحساس بأني لن أكسر تلجا لأحد ما حييت ، ولو جاء الخفس ..
دي نقره يا بن أمي .. الثانيه ، إدغامي في المجموعة التي أشرت لها ، وهي المكونه من ( شذى ، الملك ، ضياء ، قرمبوز ، ونابري ) ، فطبعاً ده من الحاجات التي يسميها أهلنا العرب : خبط عشواء ، وهو ما يفسره العامه بــ " خارم بارم " .. والعجيب أنك لم تجتهد حتى في البحث بالمحرك الخاص بالمنبر ، إذ كنت ستجد إني لم أشارك الملك ولا نابري في أي كتابه .. أما ضياء وإبراهيم فعندك كتاباتهم الأخيره ، أرجع ليها .. وكذلك أبو الشوش : شذى ..
ومما لا يحتاج اللبيب أن أشير إليه ، هو محبتي الشديده للمذكورين أعلاه ، وغيرهم من كتاب هذا المكان ، الأمر الذي لا يعني بالضروره أني أفعل معهم ما قلته : فقلمي ليس سائلا !!
لكن تعال يا أخي .. لم تقل لي ، ماذا رأيت في تجوالك الميداني من أمر مكاتباتك مع الاستاذه ناديه عثمان ؟؟؟ أراك عفيت نفسك وإياها من أي فحص .. مع إنك من أنشط النشطاء في بوستاتها ( وهذا أمر محمود ) ..
أرقد عافيه كما يقول المشاء .. والسلام عليكم ورحمة الله تعالى وبركاته ، وعيد سعيد ..
... طلال
| |
|
|
|
|
|
|
Re: كسير التلج عن رهبة !! (Re: طلال عفيفي)
|
الأخ سعد الدين ..
Quote: ناذر
قدامك عالي يا حبيب |
يا راجل أول حاجة حمدا لله على السلامة !! إنت كنت وين ولييه وحصل متين الكلام دا وفي ياتو حتة وياتو يوست والسبب شنو
الناس دي ما دايرا تفهم إنو الشكيل لغير الله مذلة ولا شنو
الأخ طلال عفيفي
Quote: أنا طبعاً وبشكل شخصي جدا بستغرب من وضعي في قائمة من قوائمك العجيبه لكساري الثلج .. وهذا نابع من إحساس بأني لن أكسر تلجا لأحد ما حييت ، ولو جاء الخفس ..
دي نقره يا بن أمي .. الثانيه ، إدغامي في المجموعة التي أشرت لها ، وهي المكونه من ( شذى ، الملك ، ضياء ، قرمبوز ، ونابري ) ، فطبعاً ده من الحاجات التي يسميها أهلنا العرب : خبط عشواء ، وهو ما يفسره العامه بــ " خارم بارم " ..
|
ربما قد أكون رأيتك مرة او مرتيت في بوستات أحد الذين عنيتهم هنا وقد أكون مخطئا وهذا هو ما أرجحه بكل تأكيد .. فلك العتبى حتى ترضى ..
صنفرة :
أما نادية عثمان فقد خفت أن أظلمها يضمها لأي من المجموعات هنا لأنها تتداخل مع الجميع وفي كل البوستات والمواضيع فلم أشاء أن أجعلها حكرا لأي مجموعة !!
شكرا لك أحي طلال على الملاحظة والمتابعة ..
| |
|
|
|
|
|
|
Re: كسير التلج عن رهبة !! (Re: ناذر محمد الخليفة)
|
خالص التحايا ناذر بوستك موضوعو جيد وهو اشبه بى بوست خالد كودى فى تحليل نمط الشخصيات من خلال الرسم او الكتابه او خلافو.. فقط كان تحفظى على بوست خالد ان بوست مشخصن وحتى الذين دخلو عليها ركزو على عداوتهم لناذر ومن وقف مع .. حتى خالد اصبح كما ذكرت وكما هو باين من خلال حملو للينك ووضعه فى كل بوست تشارك فيهو .. شخصى فكر فى دراسة مماثله لماكتبه فقط يختلف الاسلوب .. ومادام انت فتحت البوست اذا كُتب لى الاستمرار ساواصل معك فى هذا البوست.. ان التحليل للشخصيات بالاضافه الى قراءت الواقع هم اول طريق للوصول للحل الصحيح دون انطباعية او خلافو.. هو فى احد الطرق فى سبيل معالجة القضايا فقد عمد الباحثون المعاصرين فى العلوم السلوكيه بانشاء هذا الاسلوب ليكون هناك تحليل واسام حقيقى لنمط كل مجتمع حياتى.. مثلا هناك طرق للقبض المجرمين اومعرفة نوايهم من خلال كتابتهم دون التحدث اليهم او حتى مقابلتهم اى من خلال خطاباتهم فقط... كقرائه بسيط نجد وجود الفاعيله(سلبى او ايجابى )- الكفاءه-التناسب –المرونه-الافاده من الخبره وعدمها-فاعلية التفاعل الاجتماعى وعدما فاعليتها- الشعور بالاطمئنان مع النفس وعدمه ايضا.. كتير من التفسيرات البيلوجيه يتم طرحها هنا من خلال الكتابه فى اشاره واضحه لوجود زياده فى مادة الادريالين فى الدم وlactate وهما يرتبطان بتولد القلق .. وكلو ناجم عن خلفيات غير مرتبه داخل النفس ازداد بفعل الغربه والضغوط.. لذا تجد النقاش يسوده العنف .. وحتى الامراض النفس جسميه تلقى بظلالها هنا
*يقول (كاجتشيازى) ان كثير من الحقائق ان كثير من الحقائق التى تدور حول بناء الشخصية فى مجتمعاتنا فى العالم الثالث يلائمها مفهوم الفرديه والجماعية اكثر مما يناسبها ما ماقدمه علماء (العالمين الاول والثانى).. ايضا دارسة نمو الطفل النفسى خلال السنوان الثلاث الاولى وعملية حقائق الارتقاء النفسى الاجتماعى .. فقد نجد من خلال التجربه ان الطفل يقضى عامه الثانى فى نمو متسارع على محورى الفرديه والاجتماعية معا.. وبتالى يدخل ازمةنمو فى السنه الثالثه.. ونتيجة لهذا النمو المركب تتركب المفاهيم الخاطئه.. كذلك بعض التجارب التى اُجريت فى يوغندا سنة 1976 حول الصراع او التلاقى بين الهُويه القبلية والهُويه القوميه... ملخص هذا فى تناول الموضوع اشياء كثيره اهمها ان طبيعة الواقع وماتمتناوله من تجارب يتعذر تناولهما فى دول العالم الاول والثانى..
| |
|
|
|
|
|
|
Re: كسير التلج عن رهبة !! (Re: معتز تروتسكى)
|
شكرا لك تروتسكي على المداخلة القيمة والتي قرأتها أكثر من مرة لعمقها وملامستها لما أنا بصدده ..
وحقيقة هذا البوست قد يكون مقاربا لكثير من النقاط التي ذكرتها إذ أنه ليس بمشخصنا للأعضاء هنا على الرغم من الأسماء التب أخذتها كمثال وذلك لأنني أعتقد أن أي عضو هنا هو شخصية عامة طالما يقرا كتابته أكثر من 2 مليون قارئ شهريا كما تقول الإحصاءات وبلا شك أن هذا العدد الضخم من القراء يجعل الكاتب هنا شخصية عامة ..
من هذا المنطلق أنا لدي قناعة أنني شخصية عامة وأتقبل جميع أنواع النقد التي تصلني من القراء إن كانوا كتايا بهذا المنبر أو من خارجه والذين درجوا على الإتصال بي تلفونيا أو عبر رسائل الإيميل للتعقيب والتعليق ..
صنفرة :
ما قام ويقوم به خالد كودي هو إسلوب يعود عليه وحده وأنا أتفهم دوافعه لذلك وما تولدت قناعتي بأنني شخصية عامة إلا بعد بوست كودي الأخير ..
إنه ذات الأسلوب الذي أتبعه أحدهم يوما حينما حاول شق رابطة أبناء جنوب دارفور بواشنطن التي كانت أغراضها إجتماعية وأراد تحويلها إلى أغراض سياسية تقوم على التعصب لفكرة العنصر والجهوية ..
كما أن هذا الأسلوب ليس بمستبعد أيضا من شخص ساهم في تكوين كيان أسماه بالمهمشين وأعضاؤه فقط من العناصر الزنجية الغير عربية !!!
المعادلات مقلوبة في هذا المنبر يا تروتسكي وتصحيحها يتطلب الكثير من الجهد والعمل ..
تحياتي ولنواصل الأن الجزء الثالث من تكسير التلج ..
| |
|
|
|
|
|
|
Re: كسير التلج عن رهبة !! (Re: ناذر محمد الخليفة)
|
Quote: من هذا المنطلق أنا لدي قناعة أنني شخصية عامة وأتقبل جميع أنواع النقد التي تصلني من القراء إن كانوا كتايا بهذا المنبر أو من خارجه والذين درجوا على الإتصال بي تلفونيا أو عبر رسائل الإيميل للتعقيب والتعليق .. |
ولد دا ـ يا ناذر واصل في الموضوع دا والله دمه خفيف وفكرته جميلة... وانت قايل الدكتوراه دي كتيرة عليه? ـ انت اسلوبك سهل وعفوي وخفيف الظل ـ وكمان بمراجعك ـ لو قدرت تستمر في بحثك دا بنفس الحرفنة دي تستاهل الدكترة ـــــ
سنفرة : بالمناسبة عبارة كسير تلج دي ظهرت متين ??! ـ
| |
|
|
|
|
|
|
Re: تكتيكات أوتومسفيرية للكتابة في المنبر (أمثلة حية وتطبيقات) !!! (Re: ناذر محمد الخليفة)
|
Quote: والأن لنتحدث في أولى انواع تكتيك كسير التلج وهو .. تكسير التلج عن رغبة ..
قد يكون هذا النوع من كسير التلج هو الأوسع إنتشارا في هذا المنبر وهو نوع لا يحتاج لأي مهارات خاصة في الكتابة إذ بمكن التعبير عنه بإستعمال عبارة أو عبارتين فقط في الردود مثل عبارة (كتابة جميلة) أو (بوست جميل) وهناك بعضهم يستعمل الإيقونان المختلفة أيضا في كسير التلج خاصة إذا كان البوست يتعلق بمسألة عاطفية أو يناقش قضية إجتماعية مميزة وما أكثر أيقونات القلوب الحمراء والوجوه الضاحكة المبتهجة في هذا الفضاء الأسفيري التي تصلح لهذا النوع من كسير التلج مثل هذه وهذه وكثيرات غيرها..
، ففي هذه الحالة يريد( كاسر التلج ) عن رغبة منه في مجاملة صاحب البوست أن يوصل له رسالة مضمونها (أنا متابع) أو (أنا أقرأ لك) وفي هذه الحالة فأن وضع رمز بسيط أو حتى عبارة ( فوق) ومرادفها الإنجليزي في البوست دون أي تعليق أكثر من كاف ليدرك صاحب البوست ان المتداخل ذلك في الجوار وأنه يتابع بوسته بإهتمام ...
وأحيانا يكون لأحد الأعضاء بوست معين فيأتيه عضو أخر لم يسبق له ان تداخل معه ويضع تعليقا يعجب صاحب البوست فيرى أن من الواجب رد المجاملة في بوست المتداخل ذاك فيذهب لصفحات المنبر للبحث عن بوست بحمل إسم ذاك الشخص وعندما يجده يمر عليه مرورا سريعا ويأتي لأخر البوست ويضع ردا مجاملا صغيرا يتعلق( وأحيانا لا يتعلق) بموضوع البوست وذلك لأن الغرض أساسا لم يكن المداخلة بل رد التلج لصاحبه أبرد مما كان ..
وهناك كثيرين قد يعتقدوا أن رد التلج لصاحبه في بوسته ضرورة أوتمومسفيرية إقتضاها الظرف وهو من باب المجاملة.. مع انهم يعتقدون ذاك واجبا ثقيلا لكن لا بد من أداؤه.... وقد ينصدمون أحيانا ان بوست رد التلج لا يناسب موضوعاتهم وإهتماماتهم فيكتفون فقط بالعنوان ويذهبون لأخر البوست للرد وذلك يكون واضحا وجليا من خلال العبارات التي نجدها في البوستات والتي تكون على شاكلة (جئت لإلقاء التحية على صاحب البوست) أو (سأعود للتعليق) أو (بوست مثير للإنتباه) أو (بوسن محفز للخيال) .. وأنا شخصيا اخذ حذري من امثال تلك العبارات التي حينما أجدها في بوستاتي اعلم يقينا ان كاتبها ربما لم يقرا إلا عنوان البوست فقط ...
وفي هذه الحالة فقد ينتظر صاحب البوست أياما واسابيع طويلة لمن وضع امثال تلك العبارات كي يعود للتعليق ويكون إنتظاره كمن ينتظر الري !!
|
.... ....
.... ....
Quote: أمثلة هذا النوع من كسير التلج (عن رغبة) تمتلئ بها صفحات ومداخلات المنبر عن أخرها وخاصة التجمعات المنبرية المعروفة للمتداخلين مثل مجموعة (تمبس ـ معتصم دفع الله ـ عمر الفاروق ـ وليد 399 ـ حميدة) مثلا ومجموعة (ناجي الملك ـ ضياء خليل ـ الجريفاوي ـ إيزابيلا ـ سفيان نابري ـ طلال عفيفي) ومجموعة (سجيمان ـ صديق الموج ـ ود قاسم) ومجموعة (ناذر ـ ناصر البطل ـ ود عكر ـ فيصل نوبي ـ القلب النابض) ومجموعة (تراجي ـ بقال ـ محمدين ـ محمد سليمان) والكثير غيرهم من المجموعات المنبرية وفي هذه الحالة إذا ما أراد المرء أن يتداخل في بوستات هذه المجموعات عليه أن يرتدي معطفا واقيا من البرد والصقيع وربما الزوابع الرعدية مع التوقع الاكيد بوجود الكثير من جبال الثلج داخل البوست حتى وإن كان الطقس صيفا زمهريرا !!! |
.... .... رسائل الى ضياء
.... السيد ناذر محمد الخليفة
.... .... عفوا
لم أجد أى وجود لكتابتك الأولى اى بمعنى أن كتابتك توضح باننى أدخل او اتداخل مع أناس محددين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟واكسر تلج ...بمعنى ارجع الى مداخلتى مع أصدقائ (ان وجدت)
والمجموعة التى ادرجتنى فيها هم أعز أصدقائ وبحكم الاعمار والدراسة والاصدقاء وفيروز واشياء أخرى قد لا تفهمها ...نادرا ما ادخلالى بوستاتهم اللهم اننى مدوام على قراءتها ودى ما أظنها جريمة ....(يعنى لو عملت ليك بوست لى فيروز واللا جبت ليك صورة واللا كتبت كتابة جميلة بدون اى مشكلة كالعادة وكالعادة دى مقصود بيها البورد.... كنت دخلت ليك ) لكن سؤال
هل أفهم اننى ممنوع من الدخول الى أعز اصدقائ فى ما يكتبون حتى ولو كانت كتابتهم جميلة ....بعيداً عن كل شئ.....أحترمك جداً ولكن بما أنك قد بدأت الحديث فإنك أخطأت
أولاً فى عدم تقييمك للامور على النحو المطلوب فانا عندما كتبت بوست
رسائل الى ضياء
كان بغرض أطلاع ضياء الدين خليل بحكم عمله تلك الايام فى الجنوب وصعوبة إرسال ايميل يومى اليه .... .... انا قبل كده ما عامل بوست لى معتز تورتسكى من لحظته الدخول للسودان لما رجع (الله يجيبوا بالسلامة)
وانت ذات نفسك أكتر زول أتحشر فى البوست ده
معزرة اتحشر دى عشان ( معنى كلامى ما تبقى انت بتكسر فى تلج) احسن أتحشر
منتدى الأحباب (وقعوا معنا)
ــــــــــــــــــــــ
اخيراً
ناذر انا لو ما دخلت ليك بوست ورفعتوا ليك ....او اداخلت وقلت انو كلام سمح ...او او او او
فده معناه انى 1 - ما فهمت ما كتبت 2 - بوستك لم يعجبنى 3 - خارج نطاق ثقافتى واهتماماتى
يعنى ما تقول مشخط ليك وبدخل فى بوستات اصحابى وبس (انا بدون جهاز منزلى الايام دى )فبدخل برد على الناس البتدخل لى وبشوف بيوت العزاء وصيوانات الفرح(اجتماعيات )وبمرق ــــــــــــــــــــــ
نصيحة أخيرة ............................................................................ سلام
| |
|
|
|
|
|
|
Re: تكتيكات أوتومسفيرية للكتابة في المنبر (أمثلة حية وتطبيقات) !!! (Re: ناذر محمد الخليفة)
|
الناس دي ما لا إتشنجت كدي !!
يا اخوانا ما تصعبوا الأمور عليكم الله أنا ما قصدي غير أشياء محددة ومن الأول إتوقعت إنو تحصل تنشنات زي دي خلال السرد عشان كدة كتبت :
Quote: وربما قد يصيب الرشاش بعضا من الاعضاء هنا من جراء تناولي لأمثلة وإقتباسات حية من صميم هذا المنبر وإرشيفه وقد لا أعمد أحيانا إلى ذكر إسم الكاتب صراحة وقد يغضب البعض مني ممن يعتقدون ان تكتيكاتهم وإستراتيجيتهم كانت خافية ويضعون في أذهانهم انني من أوضحتها للناس ولكني على كل حال مستعد لكل الإحتمالات وردود الفعل المختلفة ، وذلك لن يمنعني منذ الان من الإعتذار مقدما لكل من سيغضب مني وكل رجائي أن يقدر ويتفهم الفائدة المرجوة التي ستعم الجميع في نهاية البوست ولهم العتبى حتى يرضوا (على اعتبار ما سيكون) .. |
ما تحملوا الأمور أكتر من طاقتها ...
الأخ منير ..
Quote: سنفرة : بالمناسبة عبارة كسير تلج دي ظهرت متين ??! ـ
|
تصدق وتأمن بالله أنا الكلمة دي ما قابلتي إلا في المنبر دا !!! كننا زمان قاعدين نستعمل مع الفرد عبارة (رشاهو بوهية) أو (أداو ورنيش)
ناجي الملك إنت بالذات متشنج... كدي النوضح ليك
Quote: والمجموعة التى ادرجتنى فيها هم أعز أصدقائ وبحكم الاعمار والدراسة والاصدقاء وفيروز واشياء أخرى قد لا تفهمها ...نادرا ما ادخلالى بوستاتهم اللهم اننى مدوام على قراءتها ودى ما أظنها جريمة ....(يعنى لو عملت ليك بوست لى فيروز واللا جبت ليك صورة واللا كتبت كتابة جميلة بدون اى مشكلة كالعادة وكالعادة دى مقصود بيها البورد.... كنت دخلت ليك )
|
يا راجل ما في زول جاب سيرة الجرائم هنا مالك داير تجيب لينا الهوا
وبوستي دا كلو ما عبارة عن إنتقاد زي ما إنت فاهم .. البوست عبارة عن توضيحات وأي زول متابع الحاجات دي لكن ما حصل إنكتبت ..
وأي زول حر في البوستات البيخش فيها ودا ما عيب .. يعني أنا هسي ممكن أذكر ليك أكتر من 50 عضو معانا في المنبر دا وبيساهمو يوميا لكن إنتا ما بتكون ملاحظم لأنهم بيجوا في بوستات معينة زي بوست تواصل خريجي الجامعات الهندية وبوست خريجي جامعات المغرب وفي ناس هناك عندهم عضويات ليها أكتر من سنتين لكن ولا مرة ما حصل إتداخلوا في البوستات التانية ودي إصلو ما مشكلة لإنو أي زول بي إهتماماتو !!
غايتو حا أقول ليك زي ما قلت لي بقال : كدي أمشي أشرب ليك كباية ليمون باااردة وتعال واخد الأور إيزي
الأخ الأمين ..
Quote: مع انك قلت لي انا والباشمهندس خلوكم في الجوار يعني ابعدوا ورغم عدم معرفتي بي معظم الناس الكتب عنهم ديل لكن تحليلك وطريقة سردك عجبتني وحلفت الا اخد لي نقزه وعرضه فوق البوست بتاعك دا شاعرنا الكبير ود بادي قال الولد كان يبقى قوي يبقى صاروخ ارضي جوي
عاااااااااافي منك واصل وبدون تحامل على احد |
يا راجل والله شككتني في عربيني دا
أنا قصدي خليكم في الجوار يعني خليكم قريبين عشان تتابعوا معاي وأخد ليك عرضو ونقذة وصقرية ومعاها شبال كمان ولا يهمك لكن والله الباش مهندس داك خليهو في الجوار بي فهمك إنت
الأخ حبيب نورة :
Quote: !!!
العفو والعافية ...................! |
ياخ والله إنت راجل رائع جدا (دا ياتو نوع من الكسير !!! ) وأنا سعيد بي زيارتك هنا الليلة ، سمعت عنك كتير وقريت ليك كتير وإتمنى نتداخل في بوستات قادمة .. العفو والعافية ... لله والرسول ..
صنفرة :
شنو يا جماعة !!! ما نواصل ولا شنو ؟ لسة قدامنا نوعين تانيين من كسير التلج دا غير الأنواع بتاع التكتيكات التانية
| |
|
|
|
|
|
|
Re: تكتيكات أوتومسفيرية للكتابة في المنبر (أمثلة حية وتطبيقات) !!! (Re: bob)
|
العزيز ناذر
Quote: ومجموعة (ناذر ـ ناصر البطل ـ ود عكر ـ فيصل نوبي ـ القلب النابض) |
اولا احيي حلف النيتو الفوق دا. وهو فار معمل ,
حقيقي فكرة البوست رائعة جداً والتحليل والنقد مهم جدا جداً, خاصة عندما يأتي من قلم رشيق وعبارة غير متكلَفة, وتلقائية وبساطة.
أولا : قدم ناذر الاطار النظري لرؤيته التحليلية والنقدية. طيب خواطر الجميع بأنها مجرد دراسة شيه اكاديمية لنيل درجة الدال بالبورد. وبعد النهاية ناقشوا واحكموا على منهجه في الدراسة ودرجة الموضوعية , والفائدة المرجوة من الدراسة. اضافة الى الاسئلة التي تناولتها الدراسة هل أجابت عليها أم لا. ويكون هنالك ممتحنين من داخل البورد وآخرين من خارج البورد لتقييم الدراسة. شد حيلك , وابرا قلمك.
ثانيا: اتخذ ناذر دراسة بعض الحالات للتدليل على صحة افتراضاته.
وفي انتظار نتائج الدراسة.
راودتني قبل ذلك فكرة دراسة الموضوعات المطروحة في البورد وعلاقتها بالهم العام السوداني. ودراسة حول العلاقة بين عدد زوار البوست ودرجة الجدية والنقاش في الطرح؟ وتجاوزت الفكرة لضيق الوقت. من يقدر على ذلك فليفعل
وحسنا فعل ناذر باختياره موضوعا اعتقد اصعب من الموضوعين السابقين.
والله ما كسسسسسير تلج لكن بالجد الموضوع راق لي.
وعندي ملاحظة تانية غالب البنات بالبورد يتحاشو الموضوعات الخلافية والصراعات لان المنحى في البورد اصبح يتعرض لحياة الشخص الخاصة وتجريح اسرته ظلماًواتهامه بما ليس فيه ,,,الخ وغالبا يلجأن لتطيب الخواطر (هن رحمة لنا).
كما انه احياناكثيرة تتهم بتهمة ليست فيك وتطالب بالدليل لنفيها!
| |
|
|
|
|
|
|
Re: تكتيكات أوتومسفيرية للكتابة في المنبر (أمثلة حية وتطبيقات) !!! (Re: عبد الله عقيد)
|
Quote: أولا : قدم ناذر الاطار النظري لرؤيته التحليلية والنقدية. طيب خواطر الجميع بأنها مجرد دراسة شيه اكاديمية لنيل درجة الدال بالبورد. وبعد النهاية ناقشوا واحكموا على منهجه في الدراسة ودرجة الموضوعية , والفائدة المرجوة من الدراسة. اضافة الى الاسئلة التي تناولتها الدراسة هل أجابت عليها أم لا. ويكون هنالك ممتحنين من داخل البورد وآخرين من خارج البورد لتقييم الدراسة. شد حيلك , وابرا قلمك. |
كمان ما تقول في اساتذة كتيرين في المنبر ده محمد عبد الله
| |
|
|
|
|
|
|
Re: تكتيكات أوتومسفيرية للكتابة في المنبر (أمثلة حية وتطبيقات) !!! (Re: ناذر محمد الخليفة)
|
شرفتوا يا شباب وكدي النواصل ....
العزيزة القلب النايض
كل عام وأنتي بخير
أعجبني جدا تفهمك لموضوع هذا البوست بكل يساطة وذلك لأن الكثيرين ربما راودتهم الشكوك تجاه ما أفعل وأشكرك جدا للتفسير الإضافي الذي أوضحتيه لمن عسر عليه الفهم ..
أما درجة الدكتوراة الأوتومسفيرية فأنا واثق تماما أنها ستكون قبل إسمي عما قريب
مرحب بيك يا عبد الله عقيد ..
حبابك ألف وأنا متابع بوستك بتاع كبوشية !!!
مع إنو يشاشا ردمك فيهو ردم شديد
الأخ محمد عبد الله ...
خليك قريب وخليك حريف
صنفرة :
شكرا للجميع ونواصل النوع الثالث من كسير التلج ..
| |
|
|
|
|
|
|
متحيز إلى فئة !!!! (Re: ناذر محمد الخليفة)
|
أها يا جماعة بعد ما تفهمنا النظرية بتاعت البوست دا أرح سوا نشوف النوع التالت من كسير التلج وهو أذكى أنواع التكتيكات المستخدمة في المنبر وهو ما يسمى بـ (كسير التلج متحيز إلى فئة) !!
وأنا حقيقة أشهد لمن يستخدم هذا النوع من الكسير بالذكاء الحاد لأنه يصيب خصومه بالأرباك الشديد لعدم وضوح مقصده ، وعندما يفهمون الغرض من كسير تلجه ذاك يكون الوقت قد فات ويكون كاسر التلج قد ضرب ضربته ولم يعد من المجدي ملاحقته أو محاسبته على ما إقترفه !!!
عارفكم هسي كلكم راسكم ضرب وبتقولو ( أبو النيز دا رمضان فرق معاهو ولا شنو !! ) لإنو كلامي دا هسي زي الدراب دراب.. لكن كدي النروق المنقة ونبدا الشرح !!!
من يستخدمون (كسير التلج متحيز إلى فئة ) أناس في غاية الذكاء وهم قارئون جيدون لساحة المنبر وعلى علم بالمجموعات المنبرية المختلفة خاصة السياسية منها.. وأنه يعلم تماما أنه أن هاجم أحد أعضاء المجموعة المنبرية تلك فسيكون الأمر أشبه بالإنتحار ، وستكون المعركة في غير صالحه إذ سيتكتل ضده في الحال بقية المجموعة (ويهبروهو هبر شديد) !! لمن ما يلقى الطريقة التخارجو منهم !!! لكن هو في نفس الوكت خاتي في نفسو إنو لا زم يهاجم زولوا العايزو وما (يخليو يرقد على جنبة) لإنو لا بيهضمو ولا الزول داك بيهضموا برضو .. مع إنو بيكون ما عندو مشاكل مع باقي المجموعة أها بيقوم يحتار في التصرف !!!
طبعا أول حاجة يفكر فيها إنو يحاول يسكت المجموعة أو الشلة بتاعت الزول دا أو على الأقل يختها في الحياد أها بيلجأ للتكتيك الذكي دا !!!
بتبدأ الشغلة قبل إسبوع أ و أكتر من موعد الهجوم المفترض على الزول العايزو .. بقوم خلال الإسبوع دا يخش لي مجموعتو (مجموعة الزول المستهدفو) في بوستاتم ويبدأ يكسر ليهم في تلج كتيييييييير وبااااااااارد بي مناسبة وبدون مناسبة ومرات كدا يفتح ليهم بوستات مخصوووص (هو فتح البوستات بي قروش !!) وعارف إنو فتح البوست دا حا يجيب المجموعة بتاعت زولو داك أها ويستمر كسير التلج بالطريقة دي كم يوم كد ا ومرات بيكون معاها إضافة الجماعة ديل للماسنجر بتاعو .. والبوست بيكون جاري وطوالي في الصفحة الأولى لحدي ما كاسر التلج دا يطمن إنو (الحلة سبكت) !!!
أها في الظروف دي بتجي ساعة الصفر اللي هي كاسر التلج راجيها يقوم كدا والبوست الفاتحو للجماعة فوووق في الصفحة الأولى( قريب الإعلانات بتاعت بكري ديك) !! يقوم صاحبنا بعد ما يكون إطمن إنو حيد الجماعة وإنو الوضع في الميدان مهيأ.... يقوم كدا يشن هجوم خاطف على زولوا داك .. هجوم عبارة عن ضربة مفاجئة أو غارة عشوائية إما في بوست منفصل أو في واحدة من البوستات البيتداخل فيها الزول المستهدف .. طبعا الضربة لازم تكون مؤثرة وقوية لإنو ليهو أكتر من إسبوع بيخطط ليها ...
وبعد ما تنتهي الضربة المفاجئة دي يقوم صاحبنا يرجع مباشرة لي بوستو الأول بتاع كسير التلج لي جماعة الزول المابيهضموا ..... وطوالي يواصل في كسيرو للتلج ليهم زي الما حاصل حاجة ويتصنع البراءة وفوق راسو مدورة العصافير البنشوفا في أفلام الكرتون ديك!!!
طبعا بيحصل إرتباك شديد لي جماعة الزول الأول لإنهم في الحالة دي بيكونوا مربوطين بي بوست كسير التلج الإتعمل ليهم أو بوستاتم الخاصة التي كان يتداخل فيها كاسر التلج داك بكل حسن نية مع ملاحظة إنو كاسر التلج بعد ما ضرب ضربتو وقبليها برضو .. حافظ على كل بوستات كسير التلج المعنية في الصفحة الأولى .. أها جماعة الراجل داك بيكونوا محرجين شديد لو جو ودافعوا عن زولم ضد كاسر التلج داك وبيحاولوا يبردوا الجو ويسعوا بس بين الإثنين للصلح لكن بدون ما يدافعوا عن زولم بصورة مباشرة لإنو كاسر التلج الخبيث نجح إنو يخدرهم بي الحنك الكباهو في بوستو وبوستاتم !!!
الملاحظ بعد إنتهاء الأزمة ونجاح الغارة التي شنها كاسر التلج إنو بعد داك بوستات التلج ديك كلها بتتراجع نحو القاع تراجع مخيف وسريع دون أن يكلف أحدهم نفسه برفعها ولو حتى بكلمة فوق .. ليس هذا فحسب ولكني أخشى ان يصيب ال( بلوك) الماسنجرات الخاصة بينه وبين المجموعة !!!
صنفرة :
هذا النوع المدهش من كسير التلج يبرر تماما لماذا لا تتقدم المجموعات المنبرية المعروفة للدفاع عن أحد أعضائها إذا ما تعرض لهجوم أوا نتقاد عنيف من شخص ما والراسخون في العلم هم وحدهم من يدركون أن باقي المجموعة مشغولة تماما ببوست أخر يتذوقون فيه التلج المصنوع بعناية فائقة حسب مقاسهم من قبل كاسر الثلج والذي يكون في ذلك الوقت يضحك بكل سخرية بعد أن حقق أهدافه كاملة ..
مراجع :
تجدون أنواعا من هذا النوع في البوستات أدناه ..
مرحبا عثمان صالح أسامة الخواض ناذر خليفة ملاسي ياسر ال...ية عثمان وأخرين ....
الي خريجي الهند: هل تعرفون هذا الرجل?
ناذر .......رجل باخلاق فرسان العصور التي خلت!!!!!!!!!
| |
|
|
|
|
|
|
Re: تكتيكات أوتومسفيرية للكتابة في المنبر (أمثلة حية وتطبيقات) !!! (Re: Ibrahim Algrefwi)
|
كل عام وإنت بخير يا إبراهيم ..
يا راجل ما تاخد الموضوع أكبر مما يستاهل ..
كسير التلج دي عبارة زي ما أنا أوضحتا اول مرة أسمعا هنا لكن بدون شك ما عندها علاقة بالكلمات الإنت قلتها دي لأني شخصيا بمارس كسير التلج في بوستات كتيرة وهي شي أقرب للمجاملة أو زي ما قال ناجي الملك هي عبارة عن صداقة شديدة بين مجموعة إتلموا في مرحلة معينة وبيلقوا راحة في بوستات بعضم البعض لأنهم أساسا فاهمين بعض من زمان ..
دى كل الموضوع يا قرمبووووز ما تتشنج
صنفرة :
وأظنني سأتجنب ما أمكن ذكر أسماء مرة أخرى !!!
| |
|
|
|
|
|
|
Re: تكتيكات أوتومسفيرية للكتابة في المنبر (أمثلة حية وتطبيقات) !!! (Re: ناذر محمد الخليفة)
|
الاخ/ ناذر...
تحية طيبة ...
وبعد
لا اعرف هل انت بكتابكتك هذا تقرر حالة واقع محدد ومسلم به ام ماذا.
ناذر... اذا اعملت محرك البحث هنا فى سودانيز ستجد انى (( لم انداخل مطلقاً مع مع الاخ طلال عفيفى او مع الاخ / ضياء ام الاخ / الملك فانا ازكر انى تداخلت معه فى موضوعين محددين ولمرة واحدة فى المرتين ، اما الاخ / الجريفاوى فانا ادخله لا سباب موضوعية على ما اعتقد وامامك محرك البحث لتتاكد ، اما الاخت/ ايزبيلا فانا داخلتها وعبر السنة الماضية كلها ثلاثة مرات لا غير !!! فمن اين احامك هذه ؟؟؟!!! اعتقد ياناذر انك حكمته علينا نحن من خلال تواجدنا فى افطار رمضان فى ذلك اليوم!!! ناذر ضربك لمثل هذه الامثلة غريب جداً
ولك الود دون ان ينقص شى
| |
|
|
|
|
|
|
Re: تكتيكات أوتومسفيرية للكتابة في المنبر (أمثلة حية وتطبيقات) !!! (Re: سفيان بشير نابرى)
|
القلب النايض
تحياتي ...
Quote: لكن ياناذرالدكتوراه الاتموسفيرية دي ما بتأكل عيش عارف إلا يكون العلم لاجل العلم والفن لاجل الفن. على اية حال طالما انها طايرة في هواء الله دا, استمر ولو داير اية مساعدة منهجية نحن على استعداد. |
تعرفي يا قلب كلامك صاخ إنو الدكتوراة الأوتومسفيرية ما بتأكل عيش أعي لقب والسلام وأنا زي ما قلتي عاملا لأجل العلم فقط (وأمكن لزوم فشخرة عشان الناس تناديني دكتور ناذر)
بعدين مناقشة شنو الإنتي منتظراها !! ما أنحنا هسي في مرحلة السنمار والممتحنيين الداخليين والخارجيين بيسألوا وبيناقشوا وبيستفسروا
العزيز سفيان نابري ..
Quote: لا اعرف هل انت بكتابكتك هذا تقرر حالة واقع محدد ومسلم به ام ماذا. |
إنت برضو إتشنجت يا راجل !! أنا والله لمن قلت إنو طريق البوست دا مليان مجازفات وصعوبات كنت حاسي بالحايحصل دا
طبعا ما واقع محدد وإنما أنا بضرب في أمثلة من صلب المنبر دا ومرات أمكن المثل يكون ما صحيح .. الحاجة التانية أنا متحير من إنو أفراد المجموعة المذكورة دي هم الوحيدين الإحتجوا زي الأمر فيهو إساءة ولا حاجة
يا سيدي الموضوع بسيط وترفيهي لا أكتر ولا أقل ولك العتبى حتى ترضى
صنفرة :
سأتوقف عن ذكر الأسماء كأمثلة وسأعتمد على ذكاء القارئ في هذا !!!
| |
|
|
|
|
|
|
Re: تكتيكات أوتومسفيرية للكتابة في المنبر (أمثلة حية وتطبيقات) !!! (Re: bob)
|
أها يا شباب نجي للنوع الرابع والأخير من كسير التلج المقدم في هذه الرسالة لنيل الدكتوراة والذي زي ما قلنا هي عن التكتيكات الأوتومسفيرية المستعملة للكتابة في المنبر .... طبعا إنتهينا لحدي هسي من النكسير عن رغبة.. والتكسير عن رهبة... ومتحيز إلى فئة.. وفاضل لينا ...
كسير التلج غامض الغرض والهدف !!!!
ودا النوع الأمكن ما متداول بكثرة في المنبر ، وإن حدث فإن ذلك يكون في إطار ضيق جدا وربما لمرة أو مرتين فقط هذا إذا ما إستثنينا الكساريين (اللواييق) !! الذين يصرون على كسير التلج في أي زمان ومكان لمن يرغبون في الكسير لهم وأحيانا دون حتى مراعا لطبيعة البوست الذي يكسرون فيه !! ، إذ يحملون تلجهم ذاك ويطوفون على المنبر ومتى ما وجدوا شخصهم المقصود (يردمونه) بشوالات التلج التي يحملونها مما يجعل المتابعين للبوست يشعرون بحيرة شديدة !!! بل وحتى الشخص المكسر له التلج (راسو بيضرب) ويفقد القدرة على إستيعاب سبب تكسير التلج دونما مناسبة !!!
وبما ان هناك فرق بين أنواع كسير التلج وأغراض كسير التلج فقد حاولت في هذه الأطروحة محاولة إيجاد أي نوع من الغرض كي يعينني على مواصلة هذا المبحث وإستعنت بمحرك البحث خاصة المنبر ونقبت في بوستات كساري التلج البيكسرو (لله في الله كدي) !! وأيضا فشلت في تحديد غرض معين أو هدف معين من كسير التلج ذاك لذا أطلقت عليه (غامض الغرض والهدف) !!
الملاحظ في هذا النوع من كسير التلج أنه تنعدم فيه فضيلة رد التلج لبوست صاحبه نهائيا إلا فيما ندر وذلك لأن المكسر له التلج لا يدري الغرض من كسير التلج له وفي أحيان كثيرة يعتقد أن تلك قد تكون خطة لجره لبوست الكاسر لأغراض خفية ، ولذلك فهو هنا يخشى أن يرد التلج لصاحبه لأنه يخشى أن يكون بذلك قد أشبع مخطط صاحب التلج إذا كان غرضه هو فعلا جر المكسر له لبوسته ..
وبإمتناع المكسر له التلج عن رد التلج فبذا يكون الكاسر (دقس) وفشل فيما يرمي إليه من أغراض وأهداف غامضة وبذا يكون تلجه راح (شمار في مرقة) !!
صنفرة :
إكتشفت من خلال مراقبتي لكسارين التلج المشهورين الذين يمتازوا بغموض الغرض والهدف أنهم لا يكررون كسير تلجهم مرة أخرى رغم فشل الكسر الأول في أهدافه .. وربما لا يكررون المحاولة حتى لا يلاحظها عامة المتداخلين والقارئين وأنهم حتى إذا ما كرروها مرة أخرى فإن ذلك يكون بعد وقت طويل وفي بوستات مختلفة بعد ان يتم حشو ما بين الكسرين بمتداخلات مع المستهدف بكسرهم تكون غاية في الرزانة والجدية حتى يبعدوا عنهم عيون المتطفلين ، لكنهم نسوا أن ليس كل الناس في هذا المنبر (فارات) !!
مراجع
تجدون شوالات من هذا النوع هنا ...
سجادة حمراء من المطار للشعبية وورود وشتلات نيم يابورداب...ا جاياكم استعدوا !!!
ابراهيم بقـــــــــــال يمتنع عن الكتابه في البورد..
| |
|
|
|
|
|
|
الجغمسة أو المغرسة !! (Re: ناذر محمد الخليفة)
|
نأتي الان للحديث عن النوع الثاني من التكتيكات المستخدمة ألا وهو(الجغمسة) !! وقد يطلق عليها في بعض الأوساط (المغرسة) ويقال لمن يستعمل هذا التكتيك (بتاع مغارس) أو( بتاع جغمسة) !! ولكن ماذا تعني هذه الجملة بالنسبة لنا !!!!
الجغمسة هو ترصد شخص بأخر أو مجموعة بأخرى في البورد بغرض تصفية حسابات أوتومسفيرية ناتجة عن بعض الخلافات في التوجه أو الرؤى ، سواء أكانت سياسية أو إجتماعية أو حتى (كجينة لله في الله كدي) !! وبهذا فهي تكون عكس كسير التلج تماما وربما جاز لنا أن نسميها (كسير شوك) !! وذلك لأن المتجغمز أو بتاع المغارز يتحين الفرص الكثيرة التي تتاح له كي يعطل من يترصده ويضع العقبات والأشواك في طريقه حتى يعكنن مزاجه ويجعل البوست ينحرف عن موضوعه نتيجة لإستجابة (المغروز له) للإستفزاز وينجرف وراء المتجغمز حتى يحيد البوست عن موضوعه الأساسي ...
وبحسب متابعتي لهذا البورد عن كثب وجدت أن أنواع الجغاميز لا حصر لها وتتوزع أساليبها من شخص لأخر من ناحية الإستعمال ونتيجة للـ (مهارات الفردية) في إبتداع أنواع عديدة من الجغاميز والمغارز ومن ثم ظهور عدة مدارس خاصة منسوبة لأعضاء بعينهم في البورد .... إلا أنني وبعد عناء شديد أستطعت حصر غالبية هذه المدارس المتفردة في خمسة أنواع رئيسية :
1- الشوت ضفاري !! 2- المابريدك يحدر ليك في أي بوست!! 3- طالعني في بوست تاني !! 4- طالعني الماسنجر!! 5- طالع للريبة والتلاف !!!
ونسبة لأهية هذا التكتيك بأنواعه الخمس سوف نتعرض بالشرح لكل نوع على حدة حتى تعم الفائدة الجميع ونبدأ بالنوع الأول ..
صنفرة :
الجغمسة أو الجغمزة سيان مثلها مثل المغرسة أو المغرزة !!
| |
|
|
|
|
|
|
Re: تكتيكات أوتومسفيرية للكتابة في المنبر (أمثلة حية وتطبيقات) !!! (Re: ناذر محمد الخليفة)
|
العزيز جعفر هاشم
Quote: الدكتور اللذيذ ناذر كيف عامل عليك الله كمان حاول أوجد مقاربات ((زي مقاربات أسامة الخواض وفردة في موضوع الكاتب التقليدي والكاتب الاسفيري داك)) .. لأنو (يتخيل لي ) هناك حياة واقعية ياها دي التقليدية وحياة تانية موازية (يخيل لي برضو) انها دي الاسفيرية.. يعني مثلاً يا ناذر هناك كلمات تستعمل بكثافة في المنبر دا وبرة ما موجودة في الشارع.. أنا عن نفسي - وقد أكون متخلف شوية أو كتير ما عارف - المهم ما لاقاني مصطلح ((كسير تلج)) دا قبل كدا.. وكمان هناك عبارة ((لوووووول)) برضو ما لاقتني خاااالص.. يعني الناس بيستعملوا كلمات تانية..(يعني تقليدية) وقد أكون ما مواكب لكن برضو الأخت إيمان صالح استغربت في عبارة ((كسير تلج)) عندما ذكرها لها (روميو) في بوسته الذي تموت منه الحيتان:
|
تحياتي
طبعا موضوع المقاربات جذء مهم جدا في هذه الرسالة وسأتعرض له في حينه من جيث مقاربة التكتيكات مع تناقض الشخصيات والإنتماءات والعلاقة بين التكتيكات المشتركة لأعضاء بعينهم في المنبر وإنتماءهم الحزبي أو التنظيمي !!!
صنفرة :
كلو جاييك إنت بس لا تتشنج
| |
|
|
|
|
|
|
Re: تكتيكات أوتومسفيرية للكتابة في المنبر (أمثلة حية وتطبيقات) !!! (Re: فيصل نوبي)
|
الأخ فيصل
سعيد بأن ألتقيك هنا في بوست الأستاذ ناذر
أرجو ألا يكون سؤالك خبيثا لإتهامي بالتشنج قد اكون منفعلا أو مندفعا ولكني لست متشنجا بأي حال من الأحوال وقد أوضحت اك موقفي في بوست ناصر البطل
ولكن يبدو انك تكرهني لشئ في نفسك وقد لاحظت ذلك من خلال ردك الجاف عندما سألتك في بوست أخر عن أحد أصدقائي
عموما أتمنى أن أكون مخطئا في احساسي وإن كنت لا تزال غاضب مني أرجوك أمسحا لي في وشي عشان أنا ما برضى زول يكون زعلان مني
صافية يا لبن !!
| |
|
|
|
|
|
|
Re: تكتيكات أوتومسفيرية للكتابة في المنبر (أمثلة حية وتطبيقات) !!! (Re: ناذر محمد الخليفة)
|
أخي ناذر أهديك تحية عميقة ثوابا على هذا البوست الذي يبشر بروح بحثية ثاقبة. أرجو أن تستقطع جزءا من وقتك وتدلني على التكتيك الذي استخدمته حتى الآن من خلال مشاركاتي، على الرغم من حداثة انتسابي لهذا المنبر المستنير، وبالرغم من قلة مشاركاتي. ألا تعتقد معي أنك في حاجة إلى التسلح بعلم النفس - وأظنك مدجج بهذا السلاح الفتاك! ولا تنسى أن العديد من الأفراد يستخدم مجموعة من التكتيكات من باب لكل مقال مقال: واحد تجاه الأصدقاء من الجنس الآخر، وواحد تجاه الأعداء من الجنسين.. وربما آخر تجاه من يشكلون خطر من خارج المنبر - من باب التقية.. والله أعلم. أشكرك وأتمنى أن تتحفنا بالمزيد حتى نعوض ما ضاع من وقتنا في تتبع الزبد السارابي الذي يغمر - أحيانا - فضاءات المنبر العام.
| |
|
|
|
|
|
|
Re: تكتيكات أوتومسفيرية للكتابة في المنبر (أمثلة حية وتطبيقات) !!! (Re: ناذر محمد الخليفة)
|
!!!!!!!!!!!!!!!
Quote: أرجو أن تستقطع جزءا من وقتك وتدلني على التكتيك الذي استخدمته حتى الآن من خلال مشاركاتي، على الرغم من حداثة انتسابي لهذا المنبر المستنير، وبالرغم من قلة مشاركاتي. ألا تعتقد معي أنك في حاجة إلى التسلح بعلم النفس - وأظنك مدجج بهذا السلاح الفتاك!
|
صدقني أخي أننى قد درست علم النفس ذاك ...
أما التكتيك الذي تستخدمه فإني أقول لك أنني هنا أخذ الحالات العامة فقط ..ولكن إن وجدت إحدى مداخلاتك من خلال أدلة هذا البحث كمثال فلا تلمني please
| |
|
|
|
|
|
|
Re: تكتيكات أوتومسفيرية للكتابة في المنبر (أمثلة حية وتطبيقات) !!! (Re: محمد عيد الله)
|
محمد عبد الله إنت الظاهر عليك مهتم شديد بي البوست دا
Quote: إلا أنني وبعد عناء شديد أستطعت حصر غالبية هذه المدارس المتفردة في خمسة أنواع رئيسية :
1- الشوت ضفاري !! |
وعلى كل حال البوست الظاهر عليو حا يقلب الصفحة التانية مع إن يا دوب إنتهينا من النوع الأول بتاع التكتيكات ودا معناتو صفحة كاملة لكل بوست وأنا عندي أكتر من تمنية وتلاتين تكتيك
صنفرة :
بعد شوية بكري حا يقول لي (ما تجي تشيل السيرفر معاك لي بيتكم!!)
| |
|
|
|
|
|
|
Re: تكتيكات أوتومسفيرية للكتابة في المنبر (أمثلة حية وتطبيقات) !!! (Re: ناذر محمد الخليفة)
|
البوست دا في واحد مطاو ولا شنو !!!!
أمبارح كان صفحتين هسي لقيتو إتكرفس
ما علينا يا شباب أها نجي للنوع الأول ..
(الشوت ضفاري)
لغة :
شوت الكورة بي طرف الأصابع (بوز) !!
إصطلاحا :
هو شن هجوم من غير إحم ولا دستور من قبل عضو أو مجموعة أعضاء في المنبر على عضو أخر او مجموعة أعضاء أخرى بذات المنبر !!
قد لا يمكننا الجزم بصحة تسمية هذا النوع من الجغمسة بالتكتيك .. لأنه أصلا لا تكتيخ ولا بطيخ في الأمر !! إذ أن بإستطاعة أي شخص (أروش) أو (ما عندو موضوع) أن يقوم به في أي لحظة( تهف ليو) فيها دون سابق إنذار ومن غير أي مقدمات معروفة أو مفهومة ..
نلاحظ دائما ان بوستات الشوت ضفاري دائما ما تكون غنية ومشبعة بالزوار والردود.. ولعل ذلك هو ما يشجع الشائت ضفاري على اللجوء لهذا النوع من المغارس حتى يجد بوسته الزخم المطلوب ويحقق أهدافه التي فتح البوست من أجلها ..
إذا السؤال هنا كيف نفرق بين الشوت الضفاري وأنواع الشوتات الأخرى !!
أقول أن التفريق بينهما في غاية السهولة للمتابع وقد يمكن التفريق بين هذه الأنواع من خلال العنوان فقط والذي دائما ما يحمل عبارات حادة مصاحبة بإسم (المشيوت مضفورا) .. وإذا ما دلفت إلى داخل البوست ستجد على الفور ومن المداخلة الأولى إن الهجوم والالفاظ المستخدمة في غاية الحدة والفظاظة وقد تشوبها لكنة التهديد أحيانا وتشتم منها أن الغرض من البوست ليس الشخص المستهدف فحسب بل قد يحمل اليوست عبارات إستفزازية كي يأتي أخرين وتتسع دائرة البوست والشوت ، فيجد صاحب البوست مجالا أكبر لتوجيه خبطاته وضرباته ..
ومن الملاحيظ أيضا (كما يقول العساكر) أن الشوت ضفاري يفشل دائما في تحقيق أهدافه وذلك لأن موضوع البوست يتفرق لمواضيع فرعية كثيرة بفعل كثرة المتداخلين مما يميع موضوع البوست الرئيس وغالبا ما تنبثق من بوست الشوت ضفاري بوستات أخرى كثيرة (وهو التكتيك الذي بعنوان طالعني في بوست تاني) جميعها تحمل طابع الحدة والإستهداف ... وفي هذه الحالة فإن صاحب البوست يضطر ليشوت ضفاريا في جميع هذه البوستات مما يشتت جهوده في التركيز لدرجة أنه قد ينسى من هو هدفه الأساسي .. ومع كثرة البوستات وتوالدها وإنشغال المتداخلين بغيره يفلت المستهدف من الهجوم وينسل منها زي الشعرة من العجين ..
صنفرة :
نلاحظ أيضا أن غالبية من يستخدمون هذا النوع من أصحاب الإنتماءات السياسية غير الملتزمين كثيرا بموجهات الحزب رغم ان الجميع يعلمون إتجاه الشايت الفكري أو السياسي وذلك ما يسبب حرجا بالغا لبقية أعضاء حزبه الذي ينتمي إليه والذين قد يحاسبهم أخرون على ما إقترفه زميلهم دون مبرر وفي هذه الحالة تحدث توجيهات عديدة خارج سور البورد من خلال أسلاك الهاتف أو الماسنجر أو الإيميل لحل هذه الازمة ولكن حتى بعد حل الأزمة سلميا وهبوط البوست لإرشيف المنبر فإن المرارات تظل قائمة في النفوس وقابلة للإنفجار مجددا في أول مناسبة من خلال جلب اللنكات ووضعها في البوستات الجديدة !!
وهناك أيضا يعضا من الذين يشوتون ضفاريا دون أي سبب سوى (إبتغاء الشهرة) أو لخطأ في حساباتهم التي بنو عليها البوست أساسا ولكن تبقى الحقيقة أن الذي يشوت ضفاري يخرج في نهاية البوست بكسر في ظفره مهما كان مكسبه الذي جناه ... والمعلوم أن الظفر المكسور للصباع الكبير لا ينمو مرة اخرى بسهولة بالذات لمن بلغوا من الكبر الفكري عتيا !!!!
مراجع
حوار هادئ مع تروتسكي وصباح علي الجميع الابتعاد
هجوم (قذر) على سودانيز اون لاين.. من ود الشيخ وأذياله
بنت الأحفاد ... أنت رأس الفتنة وأس البلاء .. كفاك ذرفا لدموع التماسيح !!!
ما رأي إكزورسيست وآخرين في اعتقال إبراهيم بقال في السودان؟؟
دولة الزغاوة الكبري اكذوبة يروج لها النظام ومن تبعهم من... امثال صلاح عبدالله
| |
|
|
|
|
|
|
Re: تكتيكات أوتومسفيرية للكتابة في المنبر (أمثلة حية وتطبيقات) !!! (Re: ناذر محمد الخليفة)
|
!!!!!!!!!!
Quote: ياريت لو الإرشيف فقط (ذكرتني واحد شات ضفاري سحبوا منوا البوست فتح ليهوا مناحة في بوست تاني)
|
إنت لو صبرت لي شوية أنا جاييك !!
لإنو كلامك دا برضو نوع من أنواع الجغمسة الأنا ذكرت عناوينا هنا لكن إنتا طوالي متشنج ومستعجل
المرة الفاتت برضو إستعجلت وجبت لي سيرة التقمص من قولة تت وكلامك كان صاح لكن في ترتيب معين انا متبعو في ذكر التكتيكات الأوتومسفيرية ..
صنفرة :
وبمناسبة التقمص في بوست حا أكتبو الليلة أو بكرة عن التقمص (أحجز نسختك منذ الأن) لإنو هو برضو تبع الدراسة والبحث ..
إنت بس نووووووووووم قفا وما تستعجل أنا قاااعد وما ماشي حتة !!
| |
|
|
|
|
|
|
Re: تكتيكات أوتومسفيرية للكتابة في المنبر (أمثلة حية وتطبيقات) !!! (Re: ناذر محمد الخليفة)
|
عزيزي محمد سعيد ..
Quote: الشتاء جاء عندنا أها حارسين بالبطانية |
يا حليلك ويا ويلك!!!!!!!
إنتا من زمن الناس بتتدفأ بالبطانية !!!
عييييييييييييييييييييييييييييييييييييكككككك !!!
أصحا يا راجل .. نحن في القرن الكم وعشرين كدا !!
أووووووووووووووووووووووووووو عزيزتي شايننق ستار ..
والله بقيت أرتاح لمن ألقاك متفسحة على سرج دابتك في بوستاتي
قلتي لي شنو !!!!!
Quote: المهمشين وين في الهلمه دي؟ |
يا شايننق إنتو ما عندكم صير يبل الحلو مر ولا شنو
يا أخوانا دي رسالة بتاعت نيل دكتوراة .. يعني ما بوست عادي .. أها أنا ما حا أقدر أكتب التكتيكات كلها مع بعض !!!!
والله يا شايننق المهمشين في الهلمة دي قاعدبن .. لكن أنا ما ذكرتهم في الأول عشان هم مهمشين وكدة يعني حا يجي ذكرهم في ذيل التكتيكات .. يعني بعد الصفحة الكم وطاشرين كدة
إنتي برضو إتشنجتي زي سعادة المهندس ولا شنو
القلب النابض بالحب والحنان ..
أول حاجة أحييك على إهتمامك بهذه الرسالة ... دي حاجة ..
الحاجة التانية !!
Quote: وكمان في ظاهرة التقوقع؟ يعني تلقى زول متقوقع في بوست او اثنين! وما شغال بالدنيا والفيها!
|
دا برضو تكتيك جا يي ليهو وبي أمثلة ضاحضة جنس ضحض
يا أخوانا ويا أخواتنا أصبروا لي شوية
المصريين بيقولوا (كل شي بأوان)
الأديب الرائع متوكل توم ..
قيل قليل كنت في سياحة أوتومسفيرية في الأرشيف ومريت على عدة بوستات ومنها ردودك في بوستي الذي بعنوان قصيدة أوتومسفيرية مهداة لعثمان محمد صالح .. وأيضا بوستك الذي بعنوان الغربة وبوح لعثمان محمد صالح أو ما معناه .. وصدقني ضحكت أشد الضحك لردودك في البوستين .. وأحمد الله كثيرا أنك لم تغضب علي إذ إستخدمت إسمك للدلالة على إحدى أنواع تكتيكات تكسير الثلج كما فعل أخرون وصلهم طرف العكاز
Quote: رغم كدة أوكد انك لم تهبش كل التكتيكات .. مثلاً سياسة أكون موجود في كل البوستات . فيصل نوبي نموزجاً ( أها الراجل صاحبك وأنا جيتو هنا في بوست الشلة) دة برضو تكتيك انت ما هبشتو .
|
برضك إتشنجت وما صبرت لي يا عزيزي
التكتيكات كثيرة جدا وأنا لا زلت في البداية وأنتم هنا مناقشون أساسيون في رسالتي لنيل الدكتوراة وما ذكرته من تكتيك موجود ومألوف في المنبر من عدة تكتلات وأعتقد أنني ذكرت أن فيصل نوبي من ضمن مجموعتي في تكتيك كسير التلج الأول (التكسير عن رغبة) ولكن يبدو أنك في أثناء فطفيطك للأسطر قد فطيت هذه النقطة
صنفرة :
لا أدري كيف اشكركم علي حضوركم لهذا السنمار !!!
| |
|
|
|
|
|
|
Re: تكتيكات أوتومسفيرية للكتابة في المنبر (أمثلة حية وتطبيقات) !!! (Re: القلب النابض)
|
الاخ ناذر . مقاطعة المتحدث اثناء نقاش رسالته ، علمياً، حرام قمعاً. زي مقاطعة الامام اثناء خطبة الجمعة . الخبرة في البورد لها اثر كبير . بعد ممارسة فعل الاتموسفيرية تتساقط عنك اشياء ، وتكتسب أخرى . بوست بوح للاستاذ عثمان فيه عصير الخبرة . طول النفس وعرض الصبر الفيهو وأرتفاع المثالية والردود الباردة فيهو كانت تكنيك ولم تكن كما ظن المتصفح السايق سداري أنها ثأثير صدمة . ولذلك background . وهو تواتر توتر العلاقة بيننا ، كنت في حوجة ان أكسب وان يخسر لنخلق balance في الصراع الدئري . سمعت بتكتيك النسوان؟؟ . ان تدعي الضعف وانت قوي. وان تدعي الظلم وانت ظالم .. عنونة هذا التكنيك بعلم النسونولوجي لا يضعف من شأنه بقدر ما يعظمه.. .. تحرضني لأشياء أليفة . وانا شادي عضلات الكي بورد راجي قطاعين البوستات . عموماً . لسة يافطتي ترفرف . من اراد ان يركله حظة فليتبعني خلف هذي الرغبة . دمت
| |
|
|
|
|
|
|
Re: تكتيكات أوتومسفيرية للكتابة في المنبر (أمثلة حية وتطبيقات) !!! (Re: ناذر محمد الخليفة)
|
والله يا شباب فاتتكم النعيمية
الوالدة الله يديها العافية ما بخلت عليها بي كل البهارات بعدين كان معاها بصل أبيض وشطة بالدكوة حاجة ما تخلص
غايتو لهطت لهط إصلو ما حصل لي
عشان كدة أنا هسي بالي رايق وتفكيري نعيمي نعيمي
Quote: لانه انا برضو المشرف بتاعي مزرزرني زرزرة العدو. |
تعرفي يا قلب أنا جني وجن زرزرة المشرفين دي .. ولحدي هسي إنتو ماشين معاي كويس .. لكن اليوم الزول فيكم يحاول يزرزرني في حاجة إلا أقد بيهو المنبر دا وأخلي الدكتوراة زاتا
الأديب الرائع متوكل توم ..
Quote: الاخ ناذر . مقاطعة المتحدث اثناء نقاش رسالته ، علمياً، حرام قمعاً. زي مقاطعة الامام اثناء خطبة الجمعة . الخبرة في البورد لها اثر كبير . بعد ممارسة فعل الاتموسفيرية تتساقط عنك اشياء ، وتكتسب أخرى . بوست بوح للاستاذ عثمان فيه عصير الخبرة . طول النفس وعرض الصبر الفيهو وأرتفاع المثالية والردود الباردة فيهو كانت تكنيك ولم تكن كما ظن المتصفح السايق سداري أنها ثأثير صدمة . ولذلك background . وهو تواتر توتر العلاقة بيننا ، كنت في حوجة ان أكسب وان يخسر لنخلق balance في الصراع الدئري . سمعت بتكتيك النسوان؟؟ . ان تدعي الضعف وانت قوي. وان تدعي الظلم وانت ظالم .. عنونة هذا التكنيك بعلم النسونولوجي لا يضعف من شأنه بقدر ما يعظمه.. .. تحرضني لأشياء أليفة . وانا شادي عضلات الكي بورد راجي قطاعين البوستات . عموماً . لسة يافطتي ترفرف . من اراد ان يركله حظة فليتبعني خلف هذي الرغبة .
|
وانا أعلم تماما أن خبرتك في التعامل مع أستاذنا عثمان هي التي جعلتك تجتاز ذلك الموقف ولو كان هنالك شخص أخر مكانك (كان مصيرو في أقرب صينية مرور في السوق العربي أو الأفرنجي) ولكن هذا لا يمنع انك خرجت في الختام سليما من دون خدش إلا من اثار جانبية بسيطة ..
تكتيك النسوان أنا من المعجبين به بالرغم من عدم إستخدامي له
عزيزي هاشم نوريت (الشرق أتى) ..
Quote: ناذر الخليفة دبايوا صدقنى فى ناس هنا تكتيكات شنو ضرب فى النخرة ...
يعنى زى الكرة السودانية واما التكتيكات دى خليها لناس فن كرة وهندسة. |
لا تنس أنك كنت ضحية في إحدى الأيام حيث قام أستاذنا (بدردقتك) وتظاهره بالعفو عنك وأنت صدقته بنية سليمة ولكن كان مصيرك أقرب تابوت أنت ومعك محمد حامد وصباح أحمد
ولكن من الجيد أنك إستفدت من التجربة
الأخ محمد عبد الله ..
Quote: المرجو من حضرات السادة الاساتذة والمناقشون اخذ الحيطة والحذر .. وفي اتظار باقي تكتيكات ومفردات الشوت الضاري اقصد الضفاري |
جبد فعلت بهذا التحذير .. فما ذلنا في البداية
وعما قريب ستتطاير العبارات وأشياء أخرى كثيرة
الرائع إسماعيل حميم
Quote: يا د. نـاذر إنت ملاح ام نعيمية بيعتبر طبيخ؟؟
وما هي الفروقات بين المُلاحات والطبايخ .. وأقترح يكون دا موضوع رسالة الدكتوراه التالية وليس الاخيرة. |
تعرف يا حبيب أنا أي حاجة يبطبخوها في النار بقول ليها طبيخ .. يعني عادي ممكن اسلق لي بيض في النار واقول طبيخ بيض
صنفرة :
لكن يا شباب والله فاتتكم النعيمية
| |
|
|
|
|
|
|
Re: تكتيكات أوتومسفيرية للكتابة في المنبر (أمثلة حية وتطبيقات) !!! (Re: ناذر محمد الخليفة)
|
أنا جيت يا شباب أدوني فرصة إتكلم الدكتوراة دي إنتو شغلكم فيها إنو تناقشوني ما تتناقشوا براكم
أها النبدا ..
كيفك يا باش مهندس ..
Quote: عند مناقشة رسالة الدكتوراة لأحدهم ,إجتهد كثيرا في ذكر أسماء مدعين النبوة ,وكان أن ذكر إسم لافي السماء لا في الأرض (...),فإستعجله البروف بي سؤال أها و(...) دا مالوا دا رد صاحب الرسالة :دا من كراماته أنه كلم البقرة . فرد عليه البروف طب ليه ماتكون من كرامات البقرة إن هي اللي كلمتوا؟...! |
يا خي والله قطعت مصاريني بالضحك
أصلو ما قايلك بتاع نكات مع إنك صاحب الرجل الظريف الأمين صديق
محمد عبد الله يا اخوي ...
Quote: بالتأكيد لانك غطسان فيها بوشك !!! محمد عبد الله |
دي نعيمية وكفى يعني لا كفتة بتحلك منها لا بطيخ وأنا زاتي لو ما الدنيا هنا صقط كنت حا أقلع هدومي وأختها في ا########## وأطلع راس البيت وأجي ناطي فيها راس
أساسي الأساسي ..
Quote: طبعا انا البهمني في الموضوع دا انك تحفظ لي حقي الادبي في اللفظ الشائع (كسير تلج) ملكية فكرية وادبية وكدا |
والله يا ريت تدينا إثبات على الملكية الفكرية للعبارة دي !!
لإنو مرة وليد 400 - 1 قال إنو هو المبتكرا عشان كدة دايرين دليل ..
وبالمرة لحدي ما تلقى إثبات ورينا الجملة دي نجرتها كيف ومتين وفي منو
كيفك يا روميو ...
Quote: أقبض
!!!!!!!!!!!!!!!!!!!!!!
محمد ال سليمان الحبشي يقول نكتة |
يا راجل قل هو الله أحد ما تنجه لينا الباشا ...
بعدين الغريبة في كدة شنو !! ما قبل كم يوم سعادة الأديب عثمان محمد صالح في مداخلة قال ليهو كلمة على سبيل المزاح وأنا لحدي الليلة ما مصدق إنو بيعرف يمزح لدرجة إني ناسخ المداخلة دي وخاتيها في الديسك توب كل مرة ألف وأجي أقرا فيها وإستغفر مالك روحي
صنفرة :
أها يا أساتذة .. نمشي للجزء البعديو في السنمار ولا الراي شنو
| |
|
|
|
|
|
|
Re: تكتيكات أوتومسفيرية للكتابة في المنبر (أمثلة حية وتطبيقات) !!! (Re: ناذر محمد الخليفة)
|
ياخي وليد شنو يا ناذر اسع قايلك حتجيب لي زول شليق تقوم تجيب لي وليد تزعتين ؟ وليد طبعا ما بيقدر يقول انه الملكية الفكرية راجعة لي غيري طبعا عشان ما يقعدوا يتغالطوا كتير شوف الرابط دا وتاريخه لو واحد جاب دليل لاستخدامه قبل التاريخ دا ما عندي مشلكة اتنازل ليهو Re: Darfur in UN اما نجرة الجملة دي كانت في الماسنجر بتاع الام اس ان كنت بتكلم مع ود عمي عضو المنبر طبعا ما بوريك بيكتب باسم منه حسادة مني كدا بس اها كنت بتكلم معاهو قام قال لي ما بتدخل بوستاتي مالك قلت ليهو يازول انا ما بدخل الا بوستات الكسر طبعا قصدي معني الكسر القديم الشائع اي الضرب وواصلت وانت زول بتاع بوستات كلها مكيفات وعصاير وتلج . قام قال لي ادخل كسر المكيفات والكبابي والتلج دا ان شاء الله اها من ديك وعيك بقيت لمن ادخل ليهو برسل ليهو رسالة اقول ليهو كسرت ليك تلج
| |
|
|
|
|
|
|
|