يوم أمس يوم إجتماع البورداب بدار إتحاد طلاب جامعة الخرطوم كان يوما فريدا تحدث عنه الأخوة في بوستات كثيرة إلا انني هنا اريد التحدث عن المواقف الطريفة التي حدثت جراء مقابلة بعض البورداب لبعضهم البعض لأول مرة ...
طبعا كان كل شخص يضع ديباجة في صدره بها النيك نيم الذي يدخل به المنبر .. فترى عند السلام كل شخص يحدق في جيب الاخر (زي النشال) وبعد أن يتعرف عليك قد تتغير إنفعالاته سلبا او إيجابا على حسب طبيعة الشخص وموقفه منه في البورد ..
أنا شخصيا كانت لي عدة مواقف سأسردها هنا ... والبقية ممن حدثت لهم مواقف مماثل عليهم ان يسردو ..
بدون خجل بالله لإنو امبارح كان في إحراجات بالكوم الناس تحاول تحكي بأريحية وتتقبل الحصل إتفقنا ؟؟؟؟؟؟؟!!!! أرح نبدا ..
07-22-2005, 10:45 AM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
جيت داخل الدار متأخر شوية طوالي قابلني ود عقاب لصق فيني الديباجة دي .. جيت داخل شوية لقيت تلاتة تنفار قاعدين .. واحد منهم دس الديباجة حقتو عشان ما أعرفو وسلم علي بي إسمي وأبى يوريني هو منو وقال لي إنو زعلان مني شديد !!!!
يا شيخ إنتا منو ؟؟ أبى يوريني .. يا أبو الشباب خلاص أمسحا علي في وشي دا بس إنتا منو ؟؟؟ برضو أبى .. في النهاية إتضايقتا منو وقلت ليهو ... (عرفتك .. إنتا بت الأحفاد مش كدا؟) !!!
الجماعة قعدوا يضحكوا وهو زاتو فصل وفي النهاية لقيتو دا عادل فضل المولى . ,وكانت دي أول مرة أقابلو
07-22-2005, 10:55 AM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
ناذر عليك الله كتر من القفشات دي .. طبعا ده بيذكرني أول لقاء لينا بورداب الرياض مع بعض الزمن داك الناس كلها كانت عامله هيروشيما .. يعني مسالة الصور دي مافيشة وتلفونات مع بعض ... ( تك ) بس الانطباع البتديك ليهو الحروف ..يعني انت ومخيلتك في ناس كنا خاتين ليهم اعمار غير اعمارهم واشكال غير اشكالهم .. طلعت كل التخمينات دي بعديه كل البعد عن الواقع واستمرت العلاقة بيناتنا... سمعت انو امس ( فتونا فت ) شديدكان عندك خبر كبو هنا كلو وشوف لي معاك الناس الكانو عاملين كاتم صوت ديل
07-22-2005, 11:30 AM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
عليك يمبن الله الزول دا قعد زي البيستهجى فيها لمن أنا زاتي خفتا وعاينتا لي بطاقتي .. خفتا اكون طلعتا ليهو حاجة تانية صاخبك بعد شوية إنقلب خمسمية درجة عديل وقعد يحمر لي !!!! أنا لمن خفتا وقربت اكورك لي حسين ملاسي يجي يحجزنا بعد الحميرة ديك صحبك قال لي بي مغصة ..
هسي الواحد يقوم يطعنك ... مالك مع بت الاحفاد ؟!!
وقبل ما أرد عليهو .. صخبك إتخارج مشى وبعد داك إصلو ما لميت فيهو .. إتمنى إنو يجي هنا عشان اعرفو وإتسدى فيهو حميرو داك
07-22-2005, 11:35 AM
Osman M Salih Osman M Salih
تاريخ التسجيل: 02-18-2004
مجموع المشاركات: 13081
حيرني مسلك قلمك حيرة دفعت بك طائعاً و مختاراً هذه المرة للتابوت من الواضح وهذا الأمر يراه الأعمى قبل المبصر أنك ماقدمت إلى هذا الموقع إلا بحثاً عن عبث طفولة لم تعشها كما يجب
07-22-2005, 11:34 AM
ShiningStar ShiningStar
تاريخ التسجيل: 04-26-2002
مجموع المشاركات: 468
شايننق إستار إنتي متين طلعتي من التابوت !!!!!!!!!!! أمبارح والله العظيم جبنا سيرتك .. في واحدة من البوردابيات سألتني قالت لي لسة ما لقيت العروس ؟؟ زعلتا منها قلتا ليها إنتي ما جيتي البوست عشان تديني رأيك ما لك ؟؟ قالت لي خلينا شايننق تتكلم بالنيابة عننا ..
قلتا ليها شايننقق !!!!!
يا خي دي لمن جات جابت معاها تمنة لبن كشحتا فيني .. دا عرس ولا ملاح نعيمية
07-22-2005, 11:44 AM
ShiningStar ShiningStar
تاريخ التسجيل: 04-26-2002
مجموع المشاركات: 468
تعرف يا عثمان بتذكرني بي شنو ..!!!! طبعا إنتا عادتك بتقعد في راس المنبر كدة زي الزول الطالع في راس البيت عشان يكشف لي شمار في بيت جيرانم .. والمحيرني إنك كان دخلت لي جوة المنبر دا شوية وختيت الرحمن في قلبك بتلقى مواضيع حلوة لكن بس إنتا قاعد في حلق المنبر دا .. أي بوست يجيك طالع فوق تللللبت بتخش فيهو وتعيث فيهو الكلمتين ديك أها دي بتذكرني بالنور الوحيد في الاوضة لمن يتلما فيهو ال
ولا اقول ليك كدي النقيف هنا احسن لإنك زول حريف وبتكون فاهم انا قاصد شنو
07-22-2005, 12:10 PM
Hussein Mallasi Hussein Mallasi
تاريخ التسجيل: 09-28-2003
مجموع المشاركات: 26230
كلامك صح... التانيه كانت لمن قريت كلام محمد حامد جمعه
Quote: من على البعد وقبل دخول المياه الاقليمية للحفل رايت حسين ملاسى ...شاب دائم الابتسام وبه بياض لافت واناقة اجمل ما فيها انها (sport) وخفيفة تجمع ما بين الحداثة والوقار ...
كالعاده... عباره خاليه من الغزل و المجامله...
===================== =====================
07-23-2005, 03:05 AM
Osman M Salih Osman M Salih
تاريخ التسجيل: 02-18-2004
مجموع المشاركات: 13081
البوليس دا ما بيحلك من اخينا دا البيحلك حاجة واحدة بس هي الحلت بلة
والمشكلة انا ذاتي ما عارف الحلة بلة شنو ولا في حل تالت ..
تقولي الكلمة الما معناها الزبادي لمن يبقوهو مر ولا أقرب ليك .. الحليب لمن يخجوهو شدييييييد بالقربة ... أها بيبقى شنوو !!!!!!!!!!!! إذا عرفتيها تكتبيها هنا بخط أخضر كبير فونت 45 ومعاها أيقونة فيها دمعتين كابات كدي أها دي لو عملتيها بتتحلي .. ولو ما عملتيها دواك الصبر وأنا راجيك ......
07-22-2005, 12:15 PM
Osman M Salih Osman M Salih
تاريخ التسجيل: 02-18-2004
مجموع المشاركات: 13081
الاخوة البورداب المحتفلين تحية طيبة بوست ظريف...ان تتجلى هذه القبيلة الالكترونية عيانا بيانا..حيث مقرها الذي نشئت منه فى بدياتهامن قبل خريجين جامعة الخرطوم و فى دار اتحاد جامعة الخرطوم... يا جماعة الخير...عمر اومو لسع في البركس ام رحل مع الطيور الما بتعرف ليها خارطة او فى ايدا جواز سفر... ********** ملاحظة تانية...شنو الحول اخى الحبيب عثمان محمد صالح من اديب الى حفار قبور؟؟؟
07-23-2005, 03:04 AM
Osman M Salih Osman M Salih
تاريخ التسجيل: 02-18-2004
مجموع المشاركات: 13081
الأستاذ عادل أمين تحية طيبة هي بضعة توابيت أكل الدهر عليها وشرب اشفقت على أصحابها وقررت بعث الحياة في أوصالهم اليابسة لكنهم تمسكوا بسكنى الجبّانة وهذا خيارهم الأخير لك الود و التقدير عثمان
07-23-2005, 04:03 AM
عادل فضل المولى عادل فضل المولى
تاريخ التسجيل: 11-28-2004
مجموع المشاركات: 2165
يا ناذر تحية بوردابية دا كلام شنو دا البتقول فيهو.. الموقف كشف عدم (تجميعك) ..زول معاك بالتلفون كم مرة تقوم تنسى صوتو وتاني اتفقت معاه انو تجي غاشيه وتمشوا سوا للقاء وبرضوا تنسى صوتو وثالث الاشياء يقول ليك لسه ما لقيت العروس تقول ليهو اتوفرت تسعة شروط من 10 ولكن برضوا ما مقتنع وبرضو ما تعرفو.. وكمان تقوم تتهمو بأنو الزول الكتب ليك عن (....) ياخى انت كنت بتقعد في المقعد الأخير في الفصل ولى شنو..؟ جنس خروج من الشبكة.. وكمان جاي متأخر ساعتين..! اما ما تبقى من بوستك فلك العذر فيه لانك .... يا عثمان تابوت مصفح لهذا الرعديد
07-26-2005, 00:50 AM
adil amin adil amin
تاريخ التسجيل: 08-01-2002
مجموع المشاركات: 36971
الاخ العزيز والاديب المرهف عثمان محمد صالح تحية طيبة ليس عليك ان تضع الناس فى التوابيت...اكسر مرآة ذاتهم المقعرة..ليروا انفسهم فى مرايا مستوية..ويعرفون حجمهم الطبيعي هل تعرف سر المريا...وخداعها المستمر ..للسودانيين.... ولك ودي وانت تشييع (جنازة الامة العظيمة)*
أها يا جماعة انا جيت ... أهو الواحد قدر ما يلقى زوغة من الحانوتي داك بيطلع ممن التابوت عشان يتنفس بي موقف او موقفين الضيافة بتاعت الحفل كانت جميلة لكن فيها شئ علق عليهو صديقي اللئيم عادل إبراهيم عضو البورد والذي كانت تلك اول مرة نتقابل فيها سويا ..
قاعدين سوا الجماعة جابو الضيافة .. طبعا الصحانة كبار ما شاء الله ذي طبق الجرتق ومغلفة بي ورق السلوفان داك .. قبلت لي عادل مع بداية التوزيعة وقلت ليهو الظاهر ناس بكري والمهندس ديل حجزوا عشاء من المريديان عدييل كدة .. باقيلك الصحانة المدنكلة دي بيكون فيهت شنو ؟؟!!
طبعا الشمار كاتلنا ودايرين نعرف قبل ما الدور يجينا .. أنا عاينتا لي الصحن المك داك وقلت ليهو بيكون فيهو نص فرخة محمرة وجوزين حمام وبيضتين وجبنة وفي إحتمال الضلع برضو + مشهيات جبس وخدارات كدة وتفاحتين وباسطة لذوم التحلية
أنا كنت جادي في كلامي عشان حجم الصحن .. المهم الدور جانا وإستلمنا التموين أول ما فتحت ورق السلوفان دا فتحت عيوني قدر كدي
دا شنو يا عادل !!!!!!!!!!!!!!!! الصحن تراهو كان مليان فيشار لو باعتو ست قهوة كانت ربحت فيهو وملان فول حاجات مقشر أظن لوعبوهو في أكياس وطحتوهو بيعمل كم صحن سلطة كدة وفيهو بلح ما عارفو تمودة ولا بركاوي لكن كان لزوم التحلية
إتلفت لي عادل وقلت ليهو : شوف دا عشا المهندس وبكري !!!!
عادل زعل قال لي .. جايبين لينا فول حاجات !!!! أنحنا وين في القصر الجمهوري ولا الساحة الخضراء
أنا ضيافة الحكومة دي ما بتنفع معاي !! أكلها لابراك إنشاللة تنفعك
عامل فيها حردان لكن بعد شوية لقيت الصحن بتاعو فاضي
07-23-2005, 05:53 AM
Osman M Salih Osman M Salih
تاريخ التسجيل: 02-18-2004
مجموع المشاركات: 13081
بالمناسبة في مرحلة من مراحل الحفلة كنت بوزع في الحاجة الباردة جيت ماشي على نفرين قاعدين شبهتك بإنك واحد فيهم .. وأنا جاي عليهم قاعد أربرب من بعيد (وين إنتا يا سجمان ؟ ما جيت من بدري مالك؟) جيت للزول مديت ليهو الحاجة الباردة اول وقلت ليهو كيف يا شمهروش .. الراجل إستلم القزازة وعاين لي بي إستغراب وقال (يا أبو الشباب إنتا الظاهر عليك مشبهني!) عاينتا لقيتو ما إنتا .. إعتزرتا ليهو لكن من الزعل قربت أقلع منو الحاجة الباردة بس إتذكرتا إنو انا ما دافع الشيرنق
07-24-2005, 08:36 AM
Osman M Salih Osman M Salih
تاريخ التسجيل: 02-18-2004
مجموع المشاركات: 13081
الأحباب بورداب الخرطوم وبورداب المنافي الأخرى سلام وألف احترام الحبيب ناذر تحية وشوق جعلتنا نعيش معكم تلك اللحظات الجميلة والمقالب الساخرة جعل الله كل أيامكم افراحاً وسروراً
*تخريمة الاخ عثمان سلام واحترام منذ مدة وأنا اتابع ما يخطه يراعك من مداخلات ليس جديرة بك لا بحسك الشاعري المميز ولا بمكانتك الأدبية ما هذا الذي تقوم به هل هو إغراق لبوستات الآخرين بكلمات ومصطلحات خاصتك انت هل هو تعكير لمذاج الآخرين ما هذا الهراء ياسيدي الفاضل انت رجل اديب ومثقف ومدرك لاهمية الكتابة دع الآخرين يكتبون ما يشأون فانت هنا لست وصياً على أحد ولا وصياً على اللغة العربية دعهم يكتبون ما يحلو لهم فلهم قراء برغم ما تراه انت من غثاء ووو دع الآخرين في حالهم واشغل نفسك بكتاباتك ولا تشغل نفسك بالآخرين وظف قدراتك اللغوية في ما يفيد الآخرين وينفعهم وليس ما ينقص من قدرك ومكانتك لك العتبي حتى ترضى ولكن لابد من هذا لاني منذ إن دخلت اليوم وجدت عدة بوستات يوجد فيها اسمك وبكثرة وبكلمات مكررة لا معنى لها من وجهة نظري الخاصة جداً
07-24-2005, 09:18 AM
Osman M Salih Osman M Salih
تاريخ التسجيل: 02-18-2004
مجموع المشاركات: 13081
الأخ المفضال ود عقاب تحية وإحتراماً وبعد لست وصياً لا على ما يكتب هنا ولكنني اصارع نفراً من البورد يسعون بكل السبل لذهابي البورد مكشوف وأنت لست غريباً على المكان
Quote: تابعت عدة بوستات ووجدت الاستاذ عثمان محمد صالح
يذكر هذة العبارات .. هل هو كود بينكم تفهمونة .. ؟؟
نوع من السخرية المتعمدة من عثمان ..؟؟
بالجد لا اجد تفسير للمعنى خصوصا وانه العبارات ماجميلة
يا علاء أنا بحب نوع أسئلتك الواضحة دي ..
أول حاجة العبارات البيقولا الراجل دا لا كود بيناتنا ولا يحزنون ... والمشكلة إنها ولا حتى كود بينو وبين نفسو لإنو هو زاتو مافاهم معنى الخرمجة البيلوص فيها دي .. كل البيحصل إنو بيكون في لحظة سريالية مع نفسو بصحبة الذي غده امر فيقوم يكتب لي كلمة كدة أو كلمتين في بوست واحد من البورداب بعد داك يقوم يلصقا في سنة الماوس بتاعو ويحوم بيها على البوستات التانية دي كل القصة ...
الحاجة التانية العبارات سمحة سماحة جبل الطين يعني من برة هلا هلا ومن جوه يعلم الله .. كلام لو جا حمار وية ما بيقدر يفسرو زي في ناس الأيامات دي عاملين فيها شعراء وبيحاولوا يقلدوا أسلوب أزهري محمد علي في الشعر .. يردمو ليك كدة قصيدة مليانة كلمات هلامية وما يقدروا يفسروها ليك ..
دي كل القصة يا علا وتسلم للمرور
07-25-2005, 09:19 AM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
تعرفي أنا شفتك لكن لمن جيت ماشي عليك مادي يدي وخاتي لي يسمة في خشيمي زي مضيفة سودان طير ويز فجاة لقيت المهندس قدامي وخت في يدي صندوق الحاجة الباردة عشان اوزعو للضيوف وقفلني قفلة سيرباك وتاني إصلو ما لقيت طريقة ألم فيك مع الزحمة ..
يا زولا نتقابل إنشاالله في الرحلة النيلية وأنا من هسي ما حا اوزع البيبسي هناك
يا ناذر أزيك نعلك طيب ... ده كل هين ... صاحبك عادل إبراهيم عبد الله بقى لي في رقبتي وقال إسمي زي إسمه عمري ما سمعته لي تشابه أسماء بالقلبة .... حسين ملاسي طبعاً كنت مفتكر وشو شوية رقيق لكن لقيتو ما شاء الله !!! الفاتح وديدي جا لابس لبس كورة حتى الكدارة ... أفتكرته في الأول سودانيز أون لاين عايزة تعلن تكوين فريق كرة قدم ... وكالعادة أنزوى البعض بعيداً يتهامسون ... كلام صغار صغار ... أو بلغة آخرين دقاق دقاق .... رانيا بابكر ... يا سلام يا ناذر كانت ... وكان المكاشفي خضر الطاهر غير الذي كنا نظنه ... أتصل بي قبل فترة ومن صوته جهزت صورة ذهنية تجلببه وتعمعمه وتضع دقنأً وشالاً أخضراً وحجماً ممتلئاً.... لقد صدمتني هيئته ... غير التي رسمت ... يا جماعة بجيكم راجع ...
07-28-2005, 07:05 AM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
يا زول خليك من قريبك دا إنتا امبارح زغتا وين !!!!!
تروتسكي جا ومشيت اناديك عشان تسلم عليهو لقيتك إتجارختا ّّ!!!!
ما تقول ماشي ولا حاجة !!!
اولا شكلكم زى ماقال تمبس كنتو شايلين حال الناس شيل وانا لى اسه ماسالتك لكن اليوم قريت البوست بى مزاج والبوستات بتاعت اول لقاء .. لكن اكيد كنتو شالين حالى ..
انا اللقاء ده ماحضرتو معاكم .. تعرف ممكن كنت احصلو لكن تعمدت ذلك مابحب الدوشه عشان كده كنت احب اللقيكم على انفراد او فى مجموعات صغيره وبقدر ما استطعت وصلت الكثيرين فى اماكنهم .. ودى البوستات الاولى لظهورى وكمان شيلتو فيها حالى بصوره.. تانى القو ليكم زول يصحيكم من الصباح.. ياخ ناس تنوم للساعه 9 و10 دى بشريه يرفعوا ليها علم.. عاجل .. تروتسكي يصل الخرطوم ويقتحم حفل بورداب عكس الريح !!! منتدى الأحباب (وقعوا معنا)
انا ياطير انا ياطير بشوفك انا ياطير محل ماتطير بشوفك.. وفرحان ..وبتغنى وحبيبك معاك وحبيى غاب عنى انا ياطير حبيبى لى الالم تركنى ادلل على ولى الالم تركنى وزعلان منى صده وبى رايو استبده اتناسهو واعتاد التجنى انا يطير موله محزونا لانى وحيد وحبيبى غايب واه ياطير وتانى علي مصايب من ادهى الغرايب لى اقرب حبيايب صدرو وراحو منى وياريــت كنت زيك او يجدى التمنى حبيبى يكون معاى وفى الاشجار نقيل وبى الاغصان نميل بى خفة جناحك وحرية صراحك وفى الافنان نغنى انا ياطير انا ياطير بشوفك انا ياطير محل ماتطير بشوفك..
الشريط ده هدتو لى زوله عزيزه علي جدا وصديقه.. كل ما اسمعو اتذكر اشياء جميله واماكن والبيت (لولا ومهند تروتسكى وماما وبابا) لمن نكون فى العربيه بتاعتك ناذر..
12-03-2005, 11:52 AM
الفاتح وديدي الفاتح وديدي
تاريخ التسجيل: 04-11-2005
مجموع المشاركات: 614
كنت معاي مرة في العربية لمن جايين من نادي الضباط وأبيت تسمع كلامي القلتو ليك
أها النبدا ليكم نحكي عن طرائف رحلة أمبارح ..
والله كانت جميلة جدا جدا ... أنا جيت حوالي الساعة حداشر قدام المعدية اقين في نفرين سلموا علي سلام عرفة وأنا ما عرفتهم غايتو بع شوية إكتشفت إنو واحد منهم صديقي الوغد عادل فضل المولى وأنا حقيقة إندهشت جدا !!! الراجل إختلف تماما مما قابلتو أخر مرة حتى صوتو إختلف مع إنو راجل متزوج بي أولادو وفات المرحلة العمرية البلوغية البيحصل فيها تغيير بايولوجي لي صوت الزول غايتو كان موقف غريب جدا إنو تقابل زول صحبك وإنت قابلتو قبل كدة وما تعرفو !!
صنفرة :
الغريبة لمن سألتو أول مرة وقلت ليهو إنت منو ؟ قال لي أنا إبراهيم بقال
12-03-2005, 05:56 AM
فيصل نوبي فيصل نوبي
تاريخ التسجيل: 09-16-2005
مجموع المشاركات: 14194
أمبارح صحبك بقال عمل عملية غريبة خلاص .. جا الرحلة وقعد كدة وبعد شوية رقد نام في نص المفارش (حلاااااااااتو تعبان من النضال الكتير ومساككة الأمن) المهم الوكت دا كان في غنية مدورة وصحبك سجيمان بيغني فيها شخصيا دا كلو وبقال نائم في نص الدايرة بعد شوية إبراهيم صحى مخلوع وإتلفت على الناس الحواليهو لقى روحو لسة في السودان (الظاهر صحبك كان بيحلم إنو وصل محل ناس خالتو هناك) ألذ ما في الموضوع سجيمان قطع الغنية و قال لي بقال بقال .. ما نكون أزعجناك ولا حاجة)
أنا شخصيا ضحكت ضحك ما عادي على سؤال سجيمان لمن قربت إستفرغ
12-03-2005, 07:06 AM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
الحاجة التانية إنو بقال خيب امل سجيمان وما جا بالبدلة والكرفتة .. لكن جا بي شنطة دبلوماسية كدة (أمال إيه) أنا الشمار كتلني قدر ما حاولت أعرف الفيها شنو ما عرفتا مع إني شايف بقال بيفتحا مرة مرة وبيطلع منها سجارة قلت يكون جواها طبلية !! ما ظنيت !! بعد شوية وبي إجتهادات فردية عرفت إنو فيها أربعة باكتات بتاعت بيانات طابعم بقال وداير يسلما لي بكري عشان ينزلا ليو في المنبر
12-03-2005, 07:12 AM
فيصل نوبي فيصل نوبي
تاريخ التسجيل: 09-16-2005
مجموع المشاركات: 14194
Quote: الحاجة التانية إنو بقال خيب امل سجيمان وما جا بالبدلة والكرفتة .. لكن جا بي شنطة دبلوماسية كدة (أمال إيه) أنا الشمار كتلني قدر ما حاولت أعرف الفيها شنو ما عرفتا مع إني شايف بقال بيفتحا مرة مرة وبيطلع منها سجارة قلت يكون جواها طبلية !! ما ظنيت !! بعد شوية وبي إجتهادات فردية عرفت إنو فيها أربعة باكتات بتاعت بيانات طابعم بقال وداير يسلما لي بكري عشان ينزلا ليو في المنبر
ما جاب العاجبة معاو !!!
12-03-2005, 07:35 AM
gamal elsadig gamal elsadig
تاريخ التسجيل: 07-07-2005
مجموع المشاركات: 3076
طوال اليوم وجدت صعوبة بالغة في مناداة (سجيمان وانتهازي ) بهذه الاسماء خوفا من زعلهم او يجي واحد من المارين يسمع الاسماء دي ويفتكري بنبذ فيهم ... فناديتهم
باسمائهم الحقيقية ....
لم نعرف العمر الحقيقي لسجيمان بقال قال ليهو عمرك تقريبا 52 سنة فاحتج بشدة و قال نقص يازول واصبحت مزايدة ويفتح الله ويستر الله الى ان وصلت الى 30 سنة فقال ليهو زيد شوية...فضاعت الحقيقه لكن معتصم اكد ان سجيمان من (زمن حفرو الكسرة ) واقدم من البحر
12-03-2005, 07:42 AM
عادل فضل المولى عادل فضل المولى
تاريخ التسجيل: 11-28-2004
مجموع المشاركات: 2165
الحبيب ناذر كيفك والرهق الجميل بتاع الرحلة لكن فضحت روحك دايما خارج الشبكة البلد فيها شركات جديدة أحسن تغيّر ياخ وعلى الحبيب البطل ركّز ياخ ... اها طبعاً التغييرات القلت عليها بعضها حصل والثاني مؤقت من الحاصل.. صحيح انو اخوك وزنو نقص (كم كيلو) لكن ليست للدرجة التي يكمن ان (تغباني) فيها ..ومن آخر يوم وزنت فيه (الجتة) ما لبست جلابية لي مشاوير الا رحلة البورداب .. تغيير الصوت كان بفعل الحفلة الصاخبة التي احييتها في فندق (حياة ريجنسي) أمس بمدينة السنط الواقعة جهة الفتيحاب ناصية المقرن الجهة الجنوبية للكبري القديم ..استغفرك ربي وأتوب اليك مما يجرني اليه ناذر. اها شن قولك يا لماح...؟ اقتراح أرجو فصل البوست وانشاء رابط جديد حتى لا يختلط الأمر على المتداخلين فقد مضت على تلك الامسية أكثر من (4) أشهر
12-03-2005, 07:25 AM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
Quote: أمبارح صحبك بقال عمل عملية غريبة خلاص .. جا الرحلة وقعد كدة وبعد شوية رقد نام في نص المفارش (حلاااااااااتو تعبان من النضال الكتير ومساككة الأمن) المهم الوكت دا كان في غنية مدورة وصحبك سجيمان بيغني فيها شخصيا دا كلو وبقال نائم في نص الدايرة بعد شوية إبراهيم صحى مخلوع وإتلفت على الناس الحواليهو لقى روحو لسة في السودان (الظاهر صحبك كان بيحلم إنو وصل محل ناس خالتو هناك) ألذ ما في الموضوع سجيمان قطع الغنية و قال لي بقال بقال .. ما نكون أزعجناك ولا حاجة)
قطعت مصارينا ياخ
12-03-2005, 12:50 PM
ابراهيم بقال سراج ابراهيم بقال سراج
تاريخ التسجيل: 10-12-2005
مجموع المشاركات: 10842
Quote: أمبارح صحبك بقال عمل عملية غريبة خلاص .. جا الرحلة وقعد كدة وبعد شوية رقد نام في نص المفارش (حلاااااااااتو تعبان من النضال الكتير ومساككة الأمن) المهم الوكت دا كان في غنية مدورة وصحبك سجيمان بيغني فيها شخصيا دا كلو وبقال نائم في نص الدايرة بعد شوية إبراهيم صحى مخلوع وإتلفت على الناس الحواليهو لقى روحو لسة في السودان (الظاهر صحبك كان بيحلم إنو وصل محل ناس خالتو هناك) ألذ ما في الموضوع سجيمان قطع الغنية و قال لي بقال بقال .. ما نكون أزعجناك ولا حاجة)
12-03-2005, 10:53 PM
Dia eldin khalil Dia eldin khalil
تاريخ التسجيل: 04-01-2004
مجموع المشاركات: 409
التحية لكم جميعا وأنا هسي في قمة الإستعجال وما حا أقدر أرد عليكم واحد واحد
في فترة من الفترات تعبت جدا في تعلم كيفية إنزال صور الفيديو وملفات الصوت بالمنبر وكنت أستعين في ذلك بالأخ تمبس أوتومسفيريا لكن في حاجات ما فهمتها وكنت أتمنى أقدر أقابلو عشان أفهما على الطبيعة .
أها في الرحلة تعرفت على أخت وأنا لسة سرحان في موضوع مقابلة تمبس لمن عرفت إنها أخت تمبس راسي ضرب وداير أقول ليها (ملفات الفيديو عملتي لي فيها شنو) بإعتبار أني قريب لي تمبس طالما قابلت أختو لكن في أخر لحظة هبرني عكاز (ركز .. ياخ!!) وبلعت كلامي
12-05-2005, 07:07 AM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
من الطرائف المحيرة أنني حاولت وبكل السبل أن أقنع إيزابيلا وبقال بأخذ صورة لهما سويا إلا أنني فشلت في ذلك فشلا زريعا فقد تمسك الإثنان بالرفض رغم محاولات الإقناع الماراثونية التي قمت بها لإقناعهم وقد حاولت أن ألجأ للحيلة لأخذ صورة لهما على حين غفلة إلا أنني فشلت في ذلك أيضا
أما وسبب رفضهما يعود إلى انهما لا يريدان تكرار الأحداث المأسوية التي حدثت في أخر لقاء عندما تصورا سويا
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
ناذر محمد الخليفة
وبعد أن يتعرف عليك قد تتغير إنفعالاته سلبا او إيجابا على حسب طبيعة الشخص وموقفه منه في البورد ..
tmbis
Osman M Salih
Hussein Mallasi
adil amin
عادل فضل المولى
شمهروش
هاشم نوريت
ebrahim_ali
ala elfaki
أيزابيلا
Samer Osman
عبد الله إبراهيم الطاهر
محمد الامين احمد
معتز تروتسكى
الفاتح وديدي
.
.
فيصل نوبي
gamal elsadig
ابراهيم بقال سراج
Dia eldin khalil
فيس بوك
تويتر
انستقرام
يوتيوب
بنتيريست