الى عزيزنا الغالى شيقا بواسطة الغالى فيصل....سلامات ياخوى الرسالة وصلت متأخرة وبالمناسبة لية الهروب الكبير يا استيف ماكوين .... المهندس لما قال ليك انك كنت بتبيع ساعات فى شارع الجمهورية قمتة انتة رديت عليهو بأنك كنت بتبيع طلح ..فياخى بدل الرد دة كنتة تفتح ليك بوست وتسميهو (الطابق البوخة)....عمك كيمووو
03-13-2008, 10:40 PM
أبوبكر أبوالقاسم
أبوبكر أبوالقاسم
تاريخ التسجيل: 11-27-2007
مجموع المشاركات: 2805
تعرف شطرنج ؟ انا شفت بلولح ليك فيهم وبراوغ ليك فيهم لكن Check Sama7 عدييييييييل كده اصلها فرمالتهم لو وقعت ناسك تاني بطعنوا تراب عديييييييييل كده .
أفوووووو ... قايلنى جائى من البردانة؟؟!!! كيف ما بعرف شطرنج... وإنت يا أخوى أظنك ما بتعرف تكتيكات الشطرنج ....
عشان تفوز بالقيم لازم تغرى الخصم عشان يأكل الرخ ، الطابية وحتى المنستر ... وفى لحظة يكون هنضبوك بجيك قاتل ينهى القيم ...
دحين الجماعة ديل مفقدنك التركيز بـ "Minister " بتاعهم "بالسماء السابعة " .
ذكرتنى قصة ظريفة فى الشطرنج فى الحصاحيصا - فى داعى للتاريخ ؟ - ... والوقت داك كنا برالمة فى الجامعة وكنا بنقضِّى كل الإجازة فى نادى المريخ نلعب شطرنج وكان فى واحد " مقددها " وحريف فى الشطرنج هو أستاذ جعفر عطاالمنان ... كان بلم فينا يتخنا ليك واحد واحد والقيم ما بيأخد معاه (5) دقائق وبعد داك يقوم يسيرنا يسأل نفسه ويجاوبها بتهكم شديد: جائى من وين ؟ جائى من الجامعة . عشان تعمل شنو؟ ألعب شطرنج . مع منو؟ مع جعفر عطاالمنان ...... هههههههههههههه. هههههههههه ، هههههههههه
المهم فى إسبوع نقشنا ليك كل خططوا الكان بجيبها من " روز اليوسف " وبقينا- كل واحد فينا - نصقعوا ليك فى خمسة دقائق وكلنا بصوت واحد..
جائى من وين..... هههههههه لنهاية الإجازة الكبيرة............
كلامى دا وقع ليك ولا أتمه بالتلفون ولا بالمسنجر حتى؟
03-14-2008, 11:08 AM
الطيب شيقوق
الطيب شيقوق
تاريخ التسجيل: 01-31-2005
مجموع المشاركات: 28804
Quote: باقى لى إنت ما خابر دبوس الكرافتة من الديباجة؟؟؟؟
كيفن عاد يا أبوبكر ما خبرو كان ما لبستو أبو زوجتي عندو دبوس كرافتا الديباجا دي لا يمكن للمتداخلين من الشرق الأوسط رؤيتها لأنها تقع في ظل القمر وهو بين كوكب الأرض والشمس .... لكن ممكن لو أستخدمت مرآة محدبة أن ترى الديباجا في يد البدلة اليسرى تحت الساعة السيكو المقدمة يوم من التاريخ الشهري لان شيقوق ما حسب أن هذه السنة كبيسة وفبراير كان 29 يوم وحول الساعة يوم 28 / فبراير
أقطع لي الديباجة دي يا أبوبكر وأخد فوق الأجر
03-14-2008, 07:52 PM
خالد علي محجوب المنسي
خالد علي محجوب المنسي
تاريخ التسجيل: 04-10-2006
مجموع المشاركات: 15968
Quote: اكان لود المنسي عرفوا نقطة ضعفو وسلطوا عليه البنية سموحي دى جاء واقع من فوق كااااااااااااااااااااع .
ود شيقوق أستحلفك بالله العلي العظيم لآمن تجي سماح ولابسا القلوب عاجات ما بتحس بالدم يتدفق في غرق قلبك الأربعة بطينين وآذينين ( شيقوق قول الحق ولو مرة )
أنا غايتو بطير من الفرح وبحس ذاك الأحساس تف تف تف الدم وتزيد ضربات قلبي الإعتراف بالحق فضيلة مش كدا
عليك الله وريني شعورك عندما ترى مداخلة من سماح قمر سبعتين
مرة واحدة قولا وكان خايف من أبوبكر الرطاني اكتبها لي في ماسنجر
تحياتي
03-14-2008, 09:56 PM
خالد علي محجوب المنسي
خالد علي محجوب المنسي
تاريخ التسجيل: 04-10-2006
مجموع المشاركات: 15968
Quote: دبوس كرافتا الديباجا دي لا يمكن للمتداخلين من الشرق الأوسط رؤيتها لأنها تقع في ظل القمر وهو بين كوكب الأرض والشمس .... لكن ممكن لو أستخدمت مرآة محدبة أن ترى الديباجا في يد البدلة اليسرى تحت الساعة السيكو المقدمة يوم من التاريخ الشهري لان شيقوق ما حسب أن هذه السنة كبيسة وفبراير كان 29 يوم وحول الساعة يوم 28 / فبراير
03-15-2008, 09:01 AM
abubakr
abubakr
تاريخ التسجيل: 04-22-2002
مجموع المشاركات: 16044
ود حبوبا قام وجمع الأنصار في الكتفيا ديك كم شبعن صقّار سيفك اللي الفقر قلام
عبدالقادر ود حبوبة علم من الأعلام القوميين في بلادي صال وجال مستنكر لوجود سالب ومستعمر لبلاده وحريته وحرية قومه... وكانت ثورته التي جابه فيها المستعمر بكل ما أوتيا من قوة فكان يناوشهم وحرم عيونهم من جمال الغمدة ليل نهار .....
هذه المساحة لكل السودانيين عامة ولأهل الحلاوين خاصة وبالذات الأخ الحبيب الحلاوي عضو البورد.. كان أجي ينجم مع جده هنا في شديراتنا ديل ويطرب لسيرته....
Quote: الى عزيزنا الغالى شيقا بواسطة الغالى فيصل....سلامات ياخوى الرسالة وصلت متأخرة وبالمناسبة لية الهروب الكبير يا استيف ماكوين .... المهندس لما قال ليك انك كنت بتبيع ساعات فى شارع الجمهورية قمتة انتة رديت عليهو بأنك كنت بتبيع طلح ..فياخى بدل الرد دة كنتة تفتح ليك بوست وتسميهو (الطابق البوخة)....عمك كيمووو
Quote: والله كان عارف منسى دا شغال ليك وساطات كيف.. تشيلو فوق راسك .. غايتو يا منسى الله يديك العافية لكن كان........ينفع
خير من ود المنسي ما راجيهو طاااااااااااااااب لكن وصّفك لى بالمسنغر الداخلي والنوم غلبني عديييييييييييل كده . قال عندها PHD قلت ليهو تكون عجزت قال لي لا دخلت المدرسة عمرها4 سنوات . المنسي ده مكتوب عديل كده .
دحين ارجى اتصال؟
03-15-2008, 12:04 PM
خالد علي محجوب المنسي
خالد علي محجوب المنسي
تاريخ التسجيل: 04-10-2006
مجموع المشاركات: 15968
لو البوست بتاعي اكان اديتك كرت احمر طوالي لانك قربت تنبهل وتخت الكلمتين او على الاقل الايماء للاخرين بما توحي اليه هذه النقاط من حديث فيه ما فيه من معاني الالتزام بقواعد ولوائح المنبر العام لأ؟
كدي يا بكري اخوى ارسل لى الكلمتين بالمسنغر الداخلي عشان يخوك يغني ويقول :
سموحا لآمن جات لابسا القلوب عاجات دي البضوي في الساحات فايتا البنات درجات في الهيبا والنورا
هيييييييييييع
03-15-2008, 02:02 PM
abubakr
abubakr
تاريخ التسجيل: 04-22-2002
مجموع المشاركات: 16044
ياشيقا ياشقى الحال ..الرسالةالفوق من عمك كمال لسموحى مدخلنى مالك ان ماقالت ليك لاقدرك ولا لحم سدرك وبعدين الراجل جاهز عشان يدك الكورس ..عشان تبقةProfessional
03-15-2008, 07:08 PM
الطيب شيقوق
الطيب شيقوق
تاريخ التسجيل: 01-31-2005
مجموع المشاركات: 28804
Quote: مدخلنى مالك ان ماقالت ليك لاقدرك ولا لحم سدرك وبعدين الراجل جاهز عشان يدك الكورس ..عشان تبقةProfessional
وات يا فيصل اخوى بشيلوك القفة ساااااااااااااااااااااى ما بتحاسب انا والله عمو كمال جاهز اديهو ليك جرعات في ال professionalism بتاعة ال .................
عزيزى ود المنسى ..بواسطة الغالى فيصل..سلامات ياخوى الحق صاحبك رجعنا تانى لحكاية كمال وفيصل.... الليلة ياخوى تعال نشوف ابداعاتجماعتى فى الشعر والتى عبر عنها الشاعر الراحل المقبم خليل فرح بصورة لايستطيع ان يجارية فيها اى شاعر عرررررريب..عمك كمال
الشاعر خليل فرح
عزة في هواك عزة نحن الجبال وللبخوض صفاك عزة نحن النبال عزة ما بنوم الليل محال وبحسب النجوم فوق الرحال خلقه الزاد كمل وأنا حالي حال متين أعود أشوف ظبياتنا الكحال عزة ما سليت وطن الجمال ولا ابتغيت بديل غير الكمال
* * * وقلبي لي سواك ما شفتو مال خذيني باليمين وأنا راقد شمال عزة ما نسيت جنة بلال وملعب الشباب تحت الظلال ونحن كالزهور فوق التلال نتشابي للنجوم وأنا ضافر الهلال عزة جسمي صار زي الخلال وحظي في الركاب صابه الكلال وقلبي لسه ما عرف الملال أظنه ود قبيل وكريم الخلال عزة ما اشتهيت نوم الحجال ولا السوار بكي في يمينا جال وعزة في الفريق لي ضيق مجال قبيلة بت قبيل ملأ الكون رجال
* * * عزة شفت كيف نهض العيال جددوا القديم تركوا الخيال روحك أم سماح سري كالسيال شجو الفؤاد حيوا محسور الليال عزة في الفؤاد سحرك حلال ونار هواك شفا وتيهك دلال ودمعي في هواك حلو كالزلال تزيدي كل يوم عظمة ازداد جلال عزة في حدا الخرطوم قبال وعزة من جنان شمبات حبال وعزة لي ربوع أم در جبال وعزة في الفؤاد دوا يشفى الوبال
03-15-2008, 08:57 PM
الطيب شيقوق
الطيب شيقوق
تاريخ التسجيل: 01-31-2005
مجموع المشاركات: 28804
عزة في هواك عزة نحن الجبال وللبخوض صفاك عزة نحن النبال عزة ما بنوم الليل محال وبحسب النجوم فوق الرحال خلقه الزاد كمل وأنا حالي حال متين أعود أشوف ظبياتنا الكحال عزة ما سليت وطن الجمال ولا ابتغيت بديل غير الكمال
* * * وقلبي لي سواك ما شفتو مال خذيني باليمين وأنا راقد شمال عزة ما نسيت جنة بلال وملعب الشباب تحت الظلال ونحن كالزهور فوق التلال نتشابي للنجوم وأنا ضافر الهلال عزة جسمي صار زي الخلال وحظي في الركاب صابه الكلال وقلبي لسه ما عرف الملال أظنه ود قبيل وكريم الخلال عزة ما اشتهيت نوم الحجال ولا السوار بكي في يمينا جال وعزة في الفريق لي ضيق مجال قبيلة بت قبيل ملأ الكون رجال
* * * عزة شفت كيف نهض العيال جددوا القديم تركوا الخيال روحك أم سماح سري كالسيال شجو الفؤاد حيوا محسور الليال عزة في الفؤاد سحرك حلال ونار هواك شفا وتيهك دلال ودمعي في هواك حلو كالزلال تزيدي كل يوم عظمة ازداد جلال عزة في حدا الخرطوم قبال وعزة من جنان شمبات حبال وعزة لي ربوع أم در جبال وعزة في الفؤاد دوا يشفى الوبال
ات قائل خليل ده شالو شنطة مشى بيها الخليج ولا كان كمان متلبابهو امو تقبلو في خديهو صباح ومساء - ابدا خليل كان رجلا قاصع وزولا صنديد بيعرف عن وسط السودان اكثر من شماله وعن الجنوب اكثر من وسطو وعن الغرب اكثر من جنوبو .
خليل بيعرف النال وبيعرف الخزام والشيح والبراح الرتانة الهسع ناس قريعتي راحت ديل غير الرجلة والبامية ما عندهم هم .
03-16-2008, 08:54 AM
أبي بكر سيد احمد
أبي بكر سيد احمد
تاريخ التسجيل: 11-27-2007
مجموع المشاركات: 339
Quote: ياشيقا ياشقى الحال ..الرسالةالفوق من عمك كمال لسموحى مدخلنى مالك ان ماقالت ليك لاقدرك ولا لحم سدرك وبعدين الراجل جاهز عشان يدك الكورس ..عشان تبقةProfessional
فيسل هليل كيفنك يا حبيب زولك راسو دايش نص الليل بقول ودوني الضل سماح خلتو لافي زي ديك العذابة ساكينو دايرين يزبطوا بي الحلة
03-16-2008, 11:51 AM
sama7
sama7
تاريخ التسجيل: 02-05-2002
مجموع المشاركات: 1342
Quote: عزيزى ود المنسى ..بواسطة الغالى فيصل..سلامات ياخوى الحق صاحبك رجعنا تانى لحكاية كمال وفيصل.... الليلة ياخوى تعال نشوف ابداعاتجماعتى فى الشعر والتى عبر عنها الشاعر الراحل المقبم خليل فرح بصورة لايستطيع ان يجارية فيها اى شاعر عرررررريب..عمك كمال
عم كمال عافية وتحية طيبة يا جميل الخليل شاعر حمل السودان كله بين ضلوعه الخليل مبدع الخليل لسان السودان الخليل الجمال في رائعته في الضواحي
قوموا خلوا الضيق في الجناين
فكانت دعوة صريحة منه لأاهل المدن وهم ينزهون في الجناين ( رحلات ) من جمعة لي جمعة والجناين كان يراه الطائر المحب للحرية هي ضيق.
شوفو عز الصيد في العساين
وكانت الدعوة للتمتع بجمال طبيعة البادية حتى يروا حسن وجمال الصيد في العوالي
يلا ننظر نطرب نعاين النهار من حر الكمائن
وحر الكمائن هنا اي حر المدن الذي يضاهي في حرارته حرارة كمائن الطوب
كلبي يا جمجموم أصلو خاين وقد قيل أن جمجوم هو اسم كلب لصيد .. وقد قيل انه أسم صديقه في الرحلة
شوفوا كيف يبرا الملاين هبا شالا وكشح المراح
هنا يصف حال الكلب كيف كان يطارد الغزلان ( الملاين : هو القطيع من الغزلان ) كان يجري بمحاذاة القطيع ثم فجاءة يحدد هدفه وكف ينط عاكفا راقد بها أرضا وكما قال البروف ود الريح كف ينط فيها بس تقول سبت دودو وحينما يظفر بصيده ترى باقي القطيع تفرق بين الوديان
03-16-2008, 11:55 AM
sama7
sama7
تاريخ التسجيل: 02-05-2002
مجموع المشاركات: 1342
Quote: عم كمال عافية وتحية طيبة يا جميل الخليل شاعر حمل السودان كله بين ضلوعه الخليل مبدع الخليل لسان السودان الخليل الجمال في رائعته في الضواحي
قوموا خلوا الضيق في الجناين
فكانت دعوة صريحة منه لأاهل المدن وهم ينزهون في الجناين ( رحلات ) من جمعة لي جمعة والجناين كان يراه الطائر المحب للحرية هي ضيق.
شوفو عز الصيد في العساين
وكانت الدعوة للتمتع بجمال طبيعة البادية حتى يروا حسن وجمال الصيد في العوالي
يلا ننظر نطرب نعاين النهار من حر الكمائن
وحر الكمائن هنا اي حر المدن الذي يضاهي في حرارته حرارة كمائن الطوب
كلبي يا جمجموم أصلو خاين وقد قيل أن جمجوم هو اسم كلب لصيد .. وقد قيل انه أسم صديقه في الرحلة
شوفوا كيف يبرا الملاين هبا شالا وكشح المراح
هنا يصف حال الكلب كيف كان يطارد الغزلان ( الملاين : هو القطيع من الغزلان ) كان يجري بمحاذاة القطيع ثم فجاءة يحدد هدفه وكف ينط عاكفا راقد بها أرضا وكما قال البروف ود الريح كف ينط فيها بس تقول سبت دودو وحينما يظفر بصيده ترى باقي القطيع تفرق بين الوديان
المنسي ده مقوّم نفسو كده عارفين ليش؟
دى طبعا كلها استراتيجيات خبيثة قاصد يقول ليك يا عمو كمال او يا سموحي انا في شخصك احترم اشخاص شفت كيف التلصق فيكم عشان بس يضمن استدامة نعيمو مع سموحي من خلال ضمان دعمكم له لتنفيذ خططه العاطفية .
ابقوا رجال والهامل ادوهو العين الحارة واطردوهو طوالي هنا خلوهو يحزم شنطوا ويتراوح اهله
03-16-2008, 12:44 PM
الطيب شيقوق
الطيب شيقوق
تاريخ التسجيل: 01-31-2005
مجموع المشاركات: 28804
كتر خيرك نبذتني لكن نعم دى كفرت سيئاتك - انا عفيتك بس اوع تغير نعم بلا وات عارف حسن قول نعم من بعد لا وقبيح قول لا بعد نعم واذا قلت نعم فاصبر لها فان نجاح القول في كلمة نعم
03-16-2008, 03:24 PM
abubakr
abubakr
تاريخ التسجيل: 04-22-2002
مجموع المشاركات: 16044
Quote: ياجماعة العرريب له تاريخ طويل في السقوط في الانتخابات ...."متعودة"
ذكرتني يا الرطاني هتافات العرب عندما ترشحت انا لانتخابات البرلمان السوداني كممثل لدائرة شرق الدندر .
طبعا كنت مطمئن جدا اني افوز فوز كاسح لان المنافس صحيح تاجر مليان فلوس ومطاميرو ومخازنو مليانة عيش والناخبين كانوا متعوجين شديد بسبب الجفاف وارتفاع اسعار الذرة .
اخوك طبعا كان نقيب محامي شرق النيل الازرق ( كلهم 6 محامين) من السوكي للقضارف .
يا ابوى الحملة الانتخابية بدت مسخنة شديد . اجمل ما في الموضوع انو حملتي انا كانت مدعومة من قبل تاجر قريبي ومن اثرياء المنطقة ووضع جميع عرباته تحت تصرفنا نحن . اما الخصم الاخر العربات عرباتو ملك واسمه ود الزاكي .
بعد ود الزاكي شعر باستحالة الفوز شفت عمل شنو ؟ فتح ليك مطامير العيش والصوت بشوال عيش وشوف القيامة كسرت منى ومشت لمحل العيش وطوالي غيروا الهتاف من ( بلدنا النامي جاب لو محامي ) الى (ود الزاكي حديد ملاكي وود شيقوق حديد مشحود) ( والفحامي ولا المحامي )
وود الزاكي حديد ملاكي بيقصدوا انو ود شيقوق شاحد عربات الحملة وود الزاكي عربياتو ملك عدييييييييل .
03-16-2008, 05:44 PM
خالد علي محجوب المنسي
خالد علي محجوب المنسي
تاريخ التسجيل: 04-10-2006
مجموع المشاركات: 15968
Quote: الحبيب خالد سلام والله الشوق مطر "الشدر الكبار فيهو الصمغ" انت ناسي خلاص بقيت من المجموعة دي لك ودي واحترامي يس
أولاً في التبادي مرحب وأهلاً بيك دكتور ياسين والله أشواقنا لك لا توصف اي بالحيل الشدر الكبار فوقو الصمغ لكن الهبشا ماهي زينة الشايب لما يكون هباش دا بس تطير الأبرا وتقد ودعينو
وأن نسيت ما نسيت يوم لقيت الصيد زاهي في خِدرو وفي جمالو فريد وكم أضاع صبري يا ياسين
03-16-2008, 06:24 PM
فيصل محمد خليل
فيصل محمد خليل
تاريخ التسجيل: 12-15-2005
مجموع المشاركات: 26041
الى عزيزنا شيقا..ود شيقوق ....الشقى ..بواسطة مديرى الغربى فيفو ..سلامات امبارح اتذكرتة قصة واحد اخونا ومافى داعى نجيب اسمو كان ساكى ليهو واحدة سك شديد.... ما مخلى بوست.. اقصد ما مخلى حفلة ولارحلة ولا الشارع لغاية فى النهاية ما حنت عليهو واتزوجتو بس المشكلة انو بعد الزواج اختفى تماما قام واحد من شلتو قابل امو وقال ليها ولدك دة مما اتزوج خلانا كلو كلو الظاهر البت دى ركبت سرجا قامت امو قالت ليهو ياولدى هو السرج براهو دى عملت ليهو مع السرج لجام وضناب وكمان .............وتد دحين ياخوى اعمل حسابك عمك كمال
03-17-2008, 08:54 AM
خالد علي محجوب المنسي
خالد علي محجوب المنسي
تاريخ التسجيل: 04-10-2006
مجموع المشاركات: 15968
وتنزليها فى اليوتيوب ويكون عنوانة(شيقا ..بعد التعديل) وبعد تنتهى ماتنسى تدينى رنة
عمو كيمو والله انت حنييييييييين شديد
لكن أكيد .......
Quote: هيييييييع عمو كمال ابو دم خفيف برضك مسهوك زي سهكة ود شيقوق - البت دى ات عارف حتكون سبب لاعمال لوائح المنبر العام ضدكم كلكم وهي ذاتها معاكم وبعد شوية تجدوا بكري رافيكم برة كلكم.
انا غايتو ضامنة كان طبقوا القوانين اول زول برا... لكن ما بطلع إلا يشوتو معاى ناس كتييير انتو ما مشكلة shiga excluded عشان بنشوف لينا طريقة to communicate أحسن .. قلتو ايه
Quote: ود المنسي الليلة خشم حبوبتك اتملأ طين جاك زولا حداث كلامو يمشي في البنية نمل نمل مش زى كلامك الزي الزول المدور بنمرة 3 . ده كلام سلس زولا بيرمي تعاشيق هييييييييييييع لا هزّة ولا رزّة ولا رجعة خلف - كلام سايرين ومرات معاهو كوز بنغمات عسل .
هيييييييييييييع
Quote: انا غايتو ممكن أديك صوتي مقابل ما يعادل تمن شوال عيش ( على وزن ود الزاكي )
غير كده ...صراحه ظروفي ما بتسمح لي ...
يعنى ابى بكر موضوعه ما اتحسم... وفضل ابوبكر ابوالقاسم
جاياكم بشوق .. كيفنكم ان شاء الله عافية و طيبين ..
و يا جماعة هدوا اللعب شويه و بصراحة انا حنيت على ود شيقوق عشان كده انا معاه قلباً و قالباُ (إذا هو بيقبل) خفوا على الرجل شويه و خلوه يدينا من درره المدسوسة...
مودتي ...
03-17-2008, 11:55 AM
أبي بكر سيد احمد
أبي بكر سيد احمد
تاريخ التسجيل: 11-27-2007
مجموع المشاركات: 339
الحسم الأجرائي ده ...آخر مرحله يلجأ لها الأطراف المتنازعه
وبعدين ( مَحَركَة) السودانيين دايرين تخلوها لي منو ؟؟؟
لا بد ( نِتمَحَرك ) ونضيِّع لينا 4 -5 أيام في حسم الموضوع دا ...(ده كان ما بقت 40 - 50 يوم )
اولاً بالتبادي ..لابد من سواقة كل الأطراف للمبررات الموضعيه الداعمه لفكره (نعم...أو ...لا)
وبعدها يكون في حوالي 20 يوم لدراسة المبررات على يد لجنه خاصة (اقترح ان أكون رئيس هذه اللجنه ...عشان أجي بعد ال 20 يوم و أقول : ان النظر في الأمر لم يكتمل ...وأطالب ب 3 شهور اخرى حتى ترفع اللجنه توصياتها ... وإحتمال ال 3 شهور لو ما كفت ..اللجنه تطالب ب 14 سنه)
يعني بإختصار كده ..يا شيقا .انا ما عندي مانع إنك تلاقي سموحي - عبر الهاتف - بعد 15 سنه - 35 سنه )
اما كونك تشوفه عديييل ...فدي 180 سنه ما أظنها بتحلك...
طلبك على العين والرأس كان داير تنجم بنجيب ليك قهوتك حااااااارة وبودعها كمان (بسيرة الودع دى ما يجونى ناس ........ ناطين)
وليك علينا جدو دا نرخى معاه شوية
Quote: وسماح دى نمشى نشتكيها لى بانكى مون لأن البتعمل فيهو دا ممكن نحسبة عدم إنسانية ياسماح أرخى وهدى اللعب وراعى عامل السن انا خلاص جاي هنا أنجم وسك العرريب خليتو وكان هو ما خلانى برضو ما مشكلة .
عدم الانسانية بكون لما الواحد ما يراعى سنه... أ،ا يا ربى عملت شنو
أها يا شيخ أيمن بتدورها بهبهان ولا من غير (دوا)
03-17-2008, 01:29 PM
أيمن الطيب
أيمن الطيب
تاريخ التسجيل: 09-19-2003
مجموع المشاركات: 5845
يا سماح قولى واحد وتانى ما تعملى كده لأنه فى الحالة دى حا يكون المصدر شيجا!!!! المرة دى سماح المرة الجاية نسوى ليك سيرة سغيروونة لكن بما إنك أخت وعزيزة ومن طرف ناس ود المنسى وشيقوق وابوبكر وخليل والحلوين ديل كان أديناك(أبنسات) ولو خفيفة عشان تانى ما تنقطيا
Quote: أها يا شيخ أيمن بتدورها بهبهان ولا من غير (دوا)
وقهوتك والله ما بناباها تب وزى ما تسويها بنشربا,,, بس كفاية إنك سويتيها,, بدوا بدكوة بدليخ ما عندك مشكلة
وأشكرك لحسن تفهمك لحالة حاج الطيب البدت تتأخر دى
راجعى المسنجر!!!!!بكون عمل(full)
03-17-2008, 12:14 PM
sama7
sama7
تاريخ التسجيل: 02-05-2002
مجموع المشاركات: 1342
سر السين دايما فى الفريق المضاد لشيقا تسلمى انت بيناتنا ودار ودالمنسى نورت يا ستى بس أبقى عشرة على روحك هنا فى استعمال اسلحة غير مشروعة
Quote: و يا جماعة هدوا اللعب شويه و بصراحة انا حنيت على ود شيقوق عشان كده انا معاه قلباً و قالباُ (إذا هو بيقبل) خفوا على الرجل شويه و خلوه يدينا من درره المدسوسة...
شترتيها عديييييييييل كدا بعد كلامك الحلو الاول غايتو من حسة بقول ليك بيعتك خسرانة وكان غيرك أشطر ما شفت اميرة الشيخ مرقت بجلدها
أقول يا شيقا دررك بتطلعها وين؟؟؟؟؟؟؟ ولا آآآآآآآآآآآ اتذكرت أنا أديتك الامان
03-17-2008, 12:36 PM
الطيب شيقوق
الطيب شيقوق
تاريخ التسجيل: 01-31-2005
مجموع المشاركات: 28804
Quote: و يا جماعة هدوا اللعب شويه و بصراحة انا حنيت على ود شيقوق عشان كده انا معاه قلباً و قالباُ (إذا هو بيقبل) خفوا على الرجل شويه و خلوه يدينا من درره المدسوسة...
بسروال وعراقي جايينا وكاتب علي العراقي فريق "ساوباولو" وقال حارس مرمي وكت شطنا كورة الشراب بدل ما يمسك الكورة شال عكاز وجري ورانا ..زغنا منو اتفنجل وقع ..خليكي معاهو لمو الكور وختوها قلبا وقالبا ....
03-17-2008, 12:43 PM
الطيب شيقوق
الطيب شيقوق
تاريخ التسجيل: 01-31-2005
مجموع المشاركات: 28804
Quote: و يا جماعة هدوا اللعب شويه و بصراحة انا حنيت على ود شيقوق عشان كده انا معاه قلباً و قالباُ (إذا هو بيقبل) خفوا على الرجل شويه و خلوه يدينا من درره المدسوسة...
سير سير يا تيسير ونحن معاك يا تيسير قلوبنا معاك يا تيسير
ونكاية بالرطانى كمان اقول :
سير سير يا البشيييييييييييييييييييييييييييييييييير
هييييييييييييييييع
03-17-2008, 01:02 PM
أيمن الطيب
أيمن الطيب
تاريخ التسجيل: 09-19-2003
مجموع المشاركات: 5845
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة