إصلاح الكتابة في المنبر

مرحبا Guest
اخر زيارك لك: 04-26-2024, 09:32 PM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مكتبة الاديب محسن خالد(محسن خالد)
نسخة قابلة للطباعة من الموضوع   ارسل الموضوع لصديق   اقرا المشاركات فى صورة مستقيمة « | »
اقرا احدث مداخلة فى هذا الموضوع »
12-01-2005, 07:50 AM

محسن خالد
<aمحسن خالد
تاريخ التسجيل: 01-06-2005
مجموع المشاركات: 4961

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: إصلاح الكتابة في المنبر (Re: Adil Al Badawi)

    ..



    عمر إدريس،..
    يا سيدي مخ السلام ونخاعو، وأصفى التحايا لك وأنقاها،..
    رجائي دائماً أن أنتبه أنا أولاً لأخطائي، والبقدر أصحيهو معاي ويصحيني معاهو، تكون البركة كلها بيناتنا،..
    وشكراً ليك كتير، على هذا الحب وجمال السريرة،..
    أما المصائب القلتها دي، فأنا ملاحظ إنو الناس بتكرّر أدوات ("دعوة الإكمال والاسترسال" وهي النقاط المتتابعة (...)، وأيضاً "التعجُّب والحَيْرَة" وهي العلامة المعروفة (!) و"الاستفهام والتساؤل" وهي (؟)، لمزيد من تأكيد هذه الدلالات على القارئ،...

    بالنسبة للنقاط المتتابعة (اتنين كفاية)، لأنو (واحدة) بتعني (الوقوف الكامل مش الاسترسال في الأمر وحدك،...
    التعجُّب والاستفهام بالطبع (علامة) واحدة بتكفي، أما شفوت الكتابة القاصعين فديل بصيغوا الجملة نفسها بحيث القارئ يستفهم ويستعجب غصباً عنه، بالنسبة للمدلولات الأدبية، ما لم تكن الكتابة مباشرة وتقصد السؤال عن شيء بعينه والاستفهام حوله، أو التعجُّب من أمر وإبداء الحَيْرة إزاءه،..
    وكما أسلفت لك، إن كان القارئ لا يشاطرك أرضية ما تقف عليه، فلن يفهم الدلالة، والتكرار الغليظ بأي حال ليس مهماً، فكما أسلفت لصديقنا محمد الأمين موسى، اللبيب –المتلقي هو الذي يفهم بدون إشارة، واللبيب –الكاتب، هو أيضاً من يُبَلِّغ بالحروف دونما حاجة لـ"رموز" إلا فيما هو ضروري،..
    وهذه النقطة ستكون من صميم ردّي على عادل البدوي، بخصوص "سورة يوسف" أو رواية يوسف القرآنية، التي أنجزها الفرقان بدون استخدام أي تقنية من تقنيات الحوار والقص والحكي، المستخدمة في أيامنا هذه،...
    وكن بخير، أبداً،..




    Adil Al Badawi،..
    وليك السلام، في الرحب
    هذا صحيح، جيّد أنك ما تزال تذكره، وإن كان لا يمنع ورود السنين كمفردة دالة على الزمن فحسب، كما أسلفت،..
    ولكن دعني أشاركك بهذه الأقصوصة، حول مفردتين أُخريين،..




    (إنسان) أم (بشري –آدمي)





    هناك اختلافات واضحة أيضاً وضعها القرآن بين المفردتين "الإنسان" و"بشري، آدمي" كمفردة واحدة، وهذا ما لم يلاحظه الكثيرون من المتدينين حين الحديث عن نظرية "دارون"، أنا طبعاً لستُ معجباً بنوعية "عبد المجيد الزنداني" و"مصطفى محمود"، فهما يحاولان تبرير الإعجاز بالعلوم، ولكنهما يشردان شردة بنات القنديل ليموتا بعطشهما في قلب الخلاء كما يُقال (عطش بنات القنديل) في أدبيات مجتمعنا الصغير، يحدث ركضهما عندما يتعكلت لهما العلم مع نصوص أخرى، شخصياً أفضّل طرائق بتوع السيميلوجيا، في التعامل مع النص بحياد كبير، وبالقراءة له فعلاً، وليس إنجاز الإسقاطات عليه، القرآن بشكل واااضح، وسااافر، ميّز بين (الإنسان)، وبالمناسبة القرآن لا يذكر هذه المفردة إلا ومتبوعة بالشر، فيما يُشير إلى الطور الأولي والمرحلي منه، ثم يتحدث عن "الآدمي أو البشري" بصورة أخرى، تشبه أن تكون صورة المُكَلَّف والراشد، صورة البشري الذي زاد جردل "دنقوسه وفاخورته" عن آخر في ماضٍ سحيق كان حجم (رأسه) أصغر، والدماغ الداخلي نفسه "كمادة سائلة ولزجة" كانت أقل أرطالاً بكثير عن (بشري) اليوم،..
    (للمزحة بقولوا ليك خليك إنساني، وعندك إنسانية، في حين أنَّ (الإنسان) القرآن مارقو كعب وبتاع دم وبدائي وطور أولي وبرايمري خالص، مفروض يقولوا خليك بشري وآدمي، الشوام بقولوا "زلمة آدمي"، ودي أجمل، من "زول إنساني")،..
    يعني واضح في القرآن إنو آدم كان ("مدماك" زيادة) اتولَّى أمرو ربنا بنفسه، والإنسان داك كان قاااعد وتافه ومشهور بالتفاهة والدم، والملائكة فتحت خشومن (قالوا: أتجعل فيها من يُفسد فيها ويسفكُ الدماء، ونحن نسبّح بحمدك ونقدّس لك)،..
    يعني هم عارفنّو وشايفنّو، مش موضوع جديد كليةً، كيف يكون (الإنسان) كان مقترح شاورن فيهو الله يادوووب، (إني جاعلٌ في الأرض خليفةً) وهم يكونوا ناقشنوا، أبداً، هم كانوا بتكلموا عن الإنسان، وما عارفين إنو ربنا نوى يطوروا ويعمل من (الفسيخ شربات)، والشربات ياهو آدم ذاتو،..
    بل الكلمة مميزة تمييز واضح في آية تانية: (وإذ قال ربك للملائكة إني خالقٌ بشراً من صلصالٍ من حمإٍ مسنون)،..
    وعشان ما يجي عبقري ويقول إذن (البشر) من طين (يعني شيء جديد) نسألوا من هسّع طيّب وداك من شنو؟
    (الذي أحسنَ كلَّ شيءٍ خلقه، وبدأ خلق الإنسان من طين)،..
    ولاحظ –كروائي- لطريقة السرد، ربنا هنا ما قال خلق البشري، وإنما الإنسان، لأنو النقطة صفر في تعداد آدم،..


    هو الله شنو؟ الله عقل ضخم، بوسعه ترتيب كل هذا الوجود والمجرّات بحيث تصبح المسألة من الضخامة أكبر من خلق الإنسان كما يقول القرآن: (لخلق السموات والأرض أكبرُ من خلق الناس ولكنَّ أكثر الناس لا يعلمون)،..
    قلنا آدم مدماك زيادة في بنيان الإنسان، والإنسان أقدم من آدم، وهسع نحن لو أخطأ أي شخص في حق الآخر يقوم صاحبو طوالي، يقوليهو: عادي، ما إنت أصلك وفصلك كَيْت وكَيْت، "اتطورت والله"،..
    وربنا يقر بهذا الإنسان القديم، وحينما يخطئ يذكّره بأصله وفصله: (هل أتى على الإنسان حينٌ من الدهر لم يكن شيئاً مذكورا)، طيّب يا جاحد ما نحن رفّعنّاك من خامل الذكر لشيء مذكور وكائن مفكّر، من روحنا، أي من عقلنا،..

    طيّب الملائكة غالطوا ربنا، قالوا (الإنسان) دا تب ما منو خير، أها ربّنا (قلنا زادو مدماك) وهو كان في التطور بلغ مرحلة الساقين، الاستقامة، يعني طلع من حارة القرود، ويادوب "صول إنسان" وما اترقى بعد "ملازم بشري"، ربنا قاليهم تعالوا يا ملائكة أنا العالم بكل شيء، وبما أفعل، ما إنتو، تعالوا أتفرجوا:

    (وعلَّم آدم الأسماءَ كُلَّها ثم عرضهم على الملائكة، فقال أنبئوني بأسماء
    هؤلاء إن كنتم صادقين (31) قالوا سبحانك لا علم لنا إلا ما علَّمتنا، إنَّك أنت العليم الحكيم (32) قال يا آدم أنبئهم بأسمائهم، قال ألم أقل لكم إني أعلمُ غيبَ السموات والأرض، وأعلمُ ما تُبدون وما كنتم تكتمون (33)

    هسّع القصة دي ما واضحة جداً جداً، بعدين دارون دا ما لعب، صاح هو سرّاق، والتطور والنشوء هو ما أسّسوا ولا ابتدعوا إنما شغل دكتور من جنوب إفريقيا، ما متذكرو هسّع، أنا بكتب من راسي فوراً، ودكاترة كتار بتاعين تخصصات مختلفة في إطار الزولجي، دراوين لمَّ الشغل دا لأنو حريف، وكاتب ملعون ومسّكوا الدرب، زي شغل ماركس مع ابن خلدون، ودي طبيعة العلوم كلها كدا، مدماك فوق مدماك، لامن نصل قصور الكمبيوتر، ماعدا عبقريات شرسة وشاذة زي (نيوتن) والزول دا بالمناسبة كان حاسد وغتيت وشرير عديل كدا، وحشّ لهالي رأسو حش بملعنتو، أو (إنشتاين)،..
    المهم هي النقطة نفسها التي وصلت منها الإنسانية إلى نظرية (الجيشتالت)، لأنو بتوع جنوب إفريقيا كانوا شَغَّالين في تجارب كثيرة وخطيرة، أهمها: هل القرد يستطيع أن يحسب؟ طبعاً مع تضمين جزئية، إذا كان الإنسان قد جاء منه!؟ وكان افتراضهم الأولي، نعم، وكانت الاختبارات كالآتي، يختوا "موز" جوه حُفرة ويخلوا القرود تشوفها، الكلام دا قديم طبعاً، أها ينزلوا راجل واحد جُوَّه الحُفرة، القرود ما بتجي للموز، الراجل يطلع من الحفُرة ويمشي بعيد، يختفي، القرود طوالي تجي مبرطعة للموز،..
    طيّب ينزلوا راجلين، يفرتك منهم واحد "بس" القرود ما بتجي، يفرتكوا الاتنين القرود تجي دافرة، قالوا خلاص (القرود دي بتعد لاحدي اتنين)،..
    تلاتة رجال، لامن يفوت التالت القرود تجي مبرطعة، خلاص القرود شاطرة وبتعد لاحدي الرقم تلاتة، والعلماء المتدسيين في الشجر يشيلوا ويصفقوا،..
    أها، أربعة رجال، هنا القرود "دقست"، بمجرّد تالت رجل طلع جات مندعرة، لقت الرجل الرابع جوه الحُفرة،..
    طيّب الاقتراح اللحظي الفطير إنو هي بتعرف تعد لاحدي تلاتة، ولساها كانت (نظرية الجيشتالت) مدّسية في الغيب، قاموا جوهم ليك ناس البصريات، والحجّة وقفت، إنو المسألة متعلّقة بالبصر "بنظرة كلية" مش بالدماغ، بالتالي قرد يعد واحد اتنين تلاتة، ما يفترض إمكان تعليمه -كطفل- العد إلى عشرة فما فوق،..
    يعني القرد بقدر يشوف الجسم الكلي لتلاتة أشخاص، ولو الجسم دا، (أي النظرة) نقص، القرد بقدر يعرف، لكن لو الحجم الكلي للـ(النظرة)، زاد من (سعة نظرة لتلاتة أشخاص) كدا القرد لن يستطيع التمييز، يعني شغلوا مبني علي الكتلة، لا بعرف يعد ولا يحزنون، والموضوع عندو علاقة بالتحليل البصري، مش التحليل الفرزي الحسابي، بتاع البشر، يعني شغل كاميرات مش جداول ضرب وطرح،..
    من هنا وُلدِت الجيشتالت، وتفرقت وتلونت في العلوم، التشكيليون جابوا لوحاتن وقعدوا يشخبطوا نظرة كلية وجزئية، مدى بصري كُلّي ومدى جزئي،..
    ناس التربية جابوا سبوراتن وقعدوا يشخبطوا نظرية تعليم كلية وتانية جزئية،..
    وعيييك، النظرية عارت، شوفتوا كيف شجر العلوم بقوم؟ دي الفكرة،..
    نرجع للإنسان والبشري، والما فاهم كلامي دا يراجع نظرية الجيشتالت، أو كمان تساءل مع روحك ونفسك،..

    (تساءل، على الدوام تساءل، ليس بالضرورة من أجل أن تحصل على إجابة، بل يكفي أن تفهم مدى وطبيعة سؤالك فحسب، يكفي، لأنَّ هناك من يركضون هنا وهناك بأسئلة لا يدرون عن تساؤليتها الحقيقية شيئاً)،..

    هنا دراما الإنسان كاملة، من سورة البقرة وفي ترتيبها الصحيح:

    ((هو الذي خلق لكم ما في الأرض جميعاً، ثم استوى إلى السماء فسواهنَّ سبعَ سمواتٍ، وهو بكل شيءٍ عليم (29) وإذ قال ربُّك للملائكة إني جاعلٌ في الأرض خليفةً، قالوا أتجعل فيها من يُفسد فيها ويسفكُ الدماء، ونحن نسبّح بحمدك ونقدّس لك، قال إنّي أعلم ما لا تعلمون (30) وعلَّم آدم الأسماءَ كُلَّها ثم عرضهم على الملائكة، فقال أنبئوني بأسماء هؤلاء إن كنتم صادقين (31) قالوا سبحانك لا علم لنا إلا ما علَّمتنا، إنَّك أنت العليم الحكيم (32) قال يا آدم أنبئهم بأسمائهم، قال ألم أقل لكم إني أعلمُ غيبَ السموات والأرض، وأعلمُ ما تُبدون وما كنتم تكتمون (33) وإذ قلنا للملائكة اسجدوا لآدم فسجدوا إلا إبليس أبى واستكبر وكان من الكافرين (34))،.. سورة البقرة،..

    وفي كتاب (التوراة، الإنجيل، القرآن، والعلم) يقف موريس بوكاي، وهو متحوّل للإسلام، مع سفر التكوين، لأنو دقس بطريقة لم يدقس معها القرآن، سفر التكوين طبعاً بتعامل مع أيام الخلق السبعة كأنها أيام فعلاً سبت أحد اتنين وكدا، بينما اللغة العربية بتسعف الواحد يقول (أيام العرب) والمقصود منها حروب دارت لعشرات السنين، اليوم في لغة العرب يعني المرحلة، وكدا القرآن ما دقس، لأنو التطور احتاج لملايين السنين، بس "سفر التكوين" دقس هنا بالإضافة لإنو بقول الله خلق البحار والنباتات وشنو وشنو وشنو، والناس ووو.. ومتأخخخر يجي للشمس والنجوم والمجرات، طبعاً الزرّة والحوشة هنا واضحة، لأنو الضوء كان في البداية عشان الشجر يقوم والناس ووووو..
    حسب ملاحظتي وتتبعاتي، في أي مكان –قرآني- ترد رواية الخلق، الشجرة لا تتقدم السماء أبداً، ودي اللعبة كلها ضوء فكلوروفيل، أعطك حياةً....
    شوف القرآن بداها صاح الصاح، ((هو الذي خلق لكم ما في الأرض جميعاً، ثم استوى إلى السماء فسواهنَّ سبعَ سمواتٍ، وهو بكل شيءٍ عليم (29)))،..
    الآية دي طبعاً ما ذكرت خلق الشموس والأقمار وو. مفردات السقف، لكن برضو مشت في الناحية دي، في آيات تانية بتتكلم بالتفصيل، وهسع ما عندي زمن أمشي أكوسها وألقطها كلها، البلقى آية مشاترة يجيبها ويجي،..
    يعني في قصة الخلق القرآن طوالي بمشي السماء محل بركبوا الكهارب والأساس مش الشكل، لبناء الكون ومن ثم الكينونة، ضوء فكلوروفيل، أعطك حياةً كما اختصرنا الموضوع....



    ما يمكن إضافته أيضاً هو أنني كنتُ أتساءل عن: لماذا قال الله (عرضهم) ولماذا كلمة (هؤلاء)، المعلّمتان، هل يعني (الإنسان) و(البشري) أم ماذا؟ يعني شوفوا آدم القديم، وكمان شوفوا آدم المنفوخة فيهو الروح والتفتيحة؟
    أم هل هو (الاسم) (الأسماء) مفردة مذكّرة ولذلك قال عرضهم وقال هؤلاء...
    الصحيح طبعاً هو المقترح الثاني، الاسم مفردة مذكّرة وانتهينا، كي تبدأ الدراما الحقيقية لـ"السي إبليس"، يعني ربنا ما كان غالبو يكسر رقبتو وانتهى الموضوع، ولا إبليس هو ذاتو ند لله عشان يخش معاهو رهان بتاع انتصار! يعني المسألة لامن ربنا يرويها زي ما تقول كدا، وبدون تشبيه أو تأويل، تمشي لصاحبك في البيت وهو من النوع البريد شفعو جداً داك، ياخي نشوف الأخبار، هاهها ضحكة لطيفة يطلقها مُوجِد الوليدات، بجمال بمحبّة وتفرّج على نمو أرواح موجوداته، يجيبك: والله الشفّع ديل رموا التلفزيون من الطربيزة العالية دي وهسّع عند الصلاح،..
    ويجيك شافع منهم ينقذ بمفاهيم احتجاج زي "أمل دنقل"، آي رماهو أحمد لطخ:
    المجد للشيطان معبود الرياح
    من قال "لا" في وجه من قالوا "نعم"
    من علَّم الإنسان تمزيق العدم
    من قال لا ولم يمت
    وظلّ روحاً أبدية الألم

    خليكم بخير كلكم،..
    إن بقيت حي تاني بجي أونسكم،..



    ...

    (عدل بواسطة محسن خالد on 12-01-2005, 09:20 AM)
    (عدل بواسطة محسن خالد on 12-02-2005, 06:54 AM)
                  

العنوان الكاتب Date
إصلاح الكتابة في المنبر محسن خالد01-11-05, 06:52 AM
  Re: إصلاح الكتابة في المنبر نصار01-11-05, 07:30 AM
    Re: إصلاح الكتابة في المنبر محسن خالد01-11-05, 08:13 AM
  الكتابة الصاح هشام المجمر01-12-05, 02:07 AM
    Re: الكتابة الصاح Mohamed E. Seliaman04-15-06, 02:12 AM
  Re: إصلاح الكتابة في المنبر محمد ابراهيم قرض01-12-05, 02:31 AM
  Re: إصلاح الكتابة في المنبر المعتمد01-12-05, 02:35 AM
    Re: إصلاح الكتابة في المنبر Alsadig Alraady01-12-05, 03:20 AM
  Re: إصلاح الكتابة في المنبر محمد الواثق01-12-05, 03:31 AM
    Re: إصلاح الكتابة في المنبر محسن خالد01-12-05, 06:36 AM
  Re: إصلاح الكتابة في المنبر محسن خالد01-12-05, 06:32 AM
    Re: إصلاح الكتابة في المنبر sympatico01-14-05, 03:52 AM
      Re: إصلاح الكتابة في المنبر عاطف عبدالله01-15-05, 07:39 AM
  Re: إصلاح الكتابة في المنبر sympatico01-18-05, 00:58 AM
  Re: إصلاح الكتابة في المنبر ود شاموق01-18-05, 01:17 AM
    Re: إصلاح الكتابة في المنبر محسن خالد01-18-05, 02:27 PM
      إصلاح الكتابة في المنبر محسن خالد01-20-05, 09:02 AM
        Re: إصلاح الكتابة في المنبر محسن خالد01-24-05, 05:15 AM
          Re: إصلاح الكتابة في المنبر محسن خالد01-29-05, 11:25 AM
      Re: إصلاح الكتابة في المنبر ود شاموق01-31-05, 11:17 PM
  Re: إصلاح الكتابة في المنبر عمر الفاروق شيخ الدين01-31-05, 11:34 PM
  Re: إصلاح الكتابة في المنبر محمد السر02-01-05, 00:16 AM
    Re: إصلاح الكتابة في المنبر محسن خالد02-01-05, 04:09 AM
      Re: إصلاح الكتابة في المنبر محسن خالد02-02-05, 11:53 PM
        Re: إصلاح الكتابة في المنبر محسن خالد02-05-05, 04:27 AM
  Re: إصلاح الكتابة في المنبر zola12302-05-05, 05:34 AM
    Re: إصلاح الكتابة في المنبر محسن خالد02-06-05, 00:21 AM
      Re: إصلاح الكتابة في المنبر shammashi02-06-05, 05:05 AM
        Re: إصلاح الكتابة في المنبر محسن خالد02-06-05, 10:59 PM
          Re: إصلاح الكتابة في المنبر محسن خالد02-11-05, 05:29 AM
            Re: إصلاح الكتابة في المنبر Shinteer02-11-05, 12:34 PM
  Re: إصلاح الكتابة في المنبر سمرية02-12-05, 04:20 AM
  Re: إصلاح الكتابة في المنبر محمود الدقم02-12-05, 07:48 AM
    Re: إصلاح الكتابة في المنبر محسن خالد02-13-05, 07:11 AM
      Re: إصلاح الكتابة في المنبر Shinteer02-14-05, 04:43 AM
        Re: إصلاح الكتابة في المنبر Rawia02-14-05, 04:45 AM
          Re: إصلاح الكتابة في المنبر Shinteer02-14-05, 05:04 AM
  Re: إصلاح الكتابة في المنبر صديق الموج02-14-05, 05:07 AM
    Re: إصلاح الكتابة في المنبر محسن خالد02-14-05, 05:22 AM
      Re: إصلاح الكتابة في المنبر Shinteer02-14-05, 06:14 AM
  Re: إصلاح الكتابة في المنبر قرشـــو02-14-05, 06:47 AM
    Re: إصلاح الكتابة في المنبر محسن خالد02-15-05, 01:57 AM
      Re: إصلاح الكتابة في المنبر مهيرة02-15-05, 03:55 AM
        Re: إصلاح الكتابة في المنبر محسن خالد02-15-05, 04:57 AM
  Re: إصلاح الكتابة في المنبر Elawad02-15-05, 05:46 AM
    Re: إصلاح الكتابة في المنبر مهيرة02-15-05, 06:49 AM
      Re: إصلاح الكتابة في المنبر محسن خالد02-15-05, 08:50 AM
  Re: إصلاح الكتابة في المنبر Elawad02-15-05, 09:21 AM
    Re: إصلاح الكتابة في المنبر هاشم نوريت02-15-05, 10:08 AM
      Re: إصلاح الكتابة في المنبر محسن خالد02-16-05, 04:17 AM
        Re: إصلاح الكتابة في المنبر هاشم نوريت02-16-05, 05:43 AM
  Re: إصلاح الكتابة في المنبر farda02-16-05, 07:54 AM
    Re: إصلاح الكتابة في المنبر محسن خالد02-16-05, 03:15 PM
      Re: إصلاح الكتابة في المنبر محسن خالد02-17-05, 02:03 AM
        Re: إصلاح الكتابة في المنبر محسن خالد02-18-05, 12:17 PM
          Re: إصلاح الكتابة في المنبر Shinteer02-19-05, 02:26 AM
            Re: إصلاح الكتابة في المنبر بدري الياس02-23-05, 11:25 PM
              Re: إصلاح الكتابة في المنبر بدري الياس02-27-05, 04:14 AM
                Re: إصلاح الكتابة في المنبر Shinteer02-27-05, 08:22 PM
                  Re: إصلاح الكتابة في المنبر محسن خالد03-04-05, 11:35 AM
                    Re: إصلاح الكتابة في المنبر Shinteer03-04-05, 01:43 PM
                      Re: إصلاح الكتابة في المنبر محسن خالد03-05-05, 01:18 PM
                        Re: إصلاح الكتابة في المنبر هاشم نوريت03-06-05, 09:16 PM
                          Re: إصلاح الكتابة في المنبر domdom03-07-05, 01:19 AM
                            Re: إصلاح الكتابة في المنبر محسن خالد03-07-05, 04:35 AM
                              Re: إصلاح الكتابة في المنبر Tumadir03-07-05, 04:42 AM
                                Re: إصلاح الكتابة في المنبر Shinteer03-07-05, 09:31 AM
                                  Re: إصلاح الكتابة في المنبر هاشم نوريت03-07-05, 10:12 AM
                                    Re: إصلاح الكتابة في المنبر محسن خالد03-12-05, 05:51 AM
  إصلاح الكتابة في المنبر، بين قوسين! farda03-12-05, 09:28 AM
    Re: إصلاح الكتابة في المنبر، بين قوسين! محسن خالد03-12-05, 09:50 AM
      Re: إصلاح الكتابة في المنبر، بين قوسين! هاشم نوريت03-12-05, 10:24 AM
      Re: إصلاح الكتابة في المنبر، بين قوسين! farda03-12-05, 10:37 AM
        Re: إصلاح الكتابة في المنبر، بين قوسين! Shinteer03-12-05, 11:53 AM
          Re: إصلاح الكتابة في المنبر، بين قوسين! محسن خالد03-15-05, 05:31 AM
            Re: إصلاح الكتابة في المنبر، بين قوسين! محسن خالد03-15-05, 05:35 AM
            Re: إصلاح الكتابة في المنبر، بين قوسين! ABUZEEGH07-14-05, 01:31 PM
            Re: إصلاح الكتابة في المنبر، بين قوسين! ABUZEEGH07-14-05, 01:32 PM
  Re: إصلاح الكتابة في المنبر عبدالله الشقليني03-15-05, 12:25 PM
    Re: إصلاح الكتابة في المنبر محسن خالد03-16-05, 03:01 AM
      Re: إصلاح الكتابة في المنبر هاشم نوريت03-16-05, 08:19 AM
        Re: إصلاح الكتابة في المنبر محسن خالد03-19-05, 00:49 AM
  Re: إصلاح الكتابة في المنبر خضر حسين خليل03-24-05, 03:35 AM
    Re: إصلاح الكتابة في المنبر محسن خالد03-26-05, 01:45 AM
      Re: إصلاح الكتابة في المنبر محسن خالد03-30-05, 04:30 AM
        Re: إصلاح الكتابة في المنبر Shinteer03-30-05, 12:28 PM
  Re: إصلاح الكتابة في المنبر Amjad ibrahim03-30-05, 04:16 PM
    Re: إصلاح الكتابة في المنبر محسن خالد03-31-05, 09:29 AM
      Re: إصلاح الكتابة في المنبر محسن خالد04-03-05, 02:57 AM
        Re: إصلاح الكتابة في المنبر محسن خالد04-06-05, 04:03 AM
          Re: إصلاح الكتابة في المنبر محسن خالد04-24-05, 05:28 AM
            Re: إصلاح الكتابة في المنبر Frankly04-30-05, 11:43 AM
              Re: إصلاح الكتابة في المنبر اشرف السر05-02-05, 02:00 AM
                Re: إصلاح الكتابة في المنبر محسن خالد05-08-05, 10:52 AM
                  Re: إصلاح الكتابة في المنبر هاشم نوريت05-08-05, 10:56 AM
                    Re: إصلاح الكتابة في المنبر محسن خالد05-09-05, 03:07 AM
                      Re: إصلاح الكتابة في المنبر banadieha05-09-05, 03:20 AM
  Re: إصلاح الكتابة في المنبر ودقاسم05-09-05, 03:24 AM
    Re: إصلاح الكتابة في المنبر محسن خالد05-09-05, 04:06 AM
      Re: إصلاح الكتابة في المنبر banadieha05-09-05, 08:06 AM


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
 اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين 		News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de