|
|
 Re: مقال لطيف مع (قناع) في شتم محسن خالد !!! (Re: عبد الله إبراهيم الطاهر)
|
...
خلونا نناقش أفكار حول قصة الشهرة دي وننتهي منها،..
طيّب يعني هَسَّع يا ود ياسين، إنت جيت تكتب مقالك دا عن كاتب في "العدم" وما بعرفوه غير 3 أشخاص، مش كدي؟ وكاتب عنو بدون اسم، وبعد داك منتظر الناس تعرفو! مش كدي؟ دي مسابقة فوازير يا ربي! وألا دا زول واااضح وعلم لدرجة يكفي معاه التعريض والتلميح؟
أقول ليك الواجعك إنت وواجع ناس تانين غيرك، حتى ناس عاملين فيها إنهم كويسين، يعني هم ما أحسن منك إلا بكبتهم لهذه الوجعة المشتركة،..
أولاً المعرفة والشهرة دي أنا ما ساكّيها، لأني ما بستفيد منها حاجة أولاً، ولأني عارف إنو الموضوع في أساسه العميق، وليس شكلانيته السطحية، إنو "كاريزما"، بصرفوها ليك يوم تتولد أو لن تنالها بشكل خالد وحاسم مهما أخضعت الآلة الإعلامية لخدمتك،...
وبرضو كتعمُّق مع الموضوع "محبّة الناس بشكل عام"، ومحبّة الجنس الآخر في حالة قسمة الموضوع إلى مذكّر ومؤنّث،..
في أولاد لو الواحد مرّ من جنب البنات ساي، يقومن هن في ختراتو لويس،..
وكمان بنات لو الواحدة قالت سلام ساي، يسالمنها مليون قلب ولد،...
الموضوع قديييم ومعروف من زماان يا صاحبي،..
صحيح حبوبتي "الحرم بت حاج طيفور" ما بتعرف تلوي خشمها بالإنجليزي وتقول "كارزما"، لكن بالدارجي الدراش وواضح داك بتقول: (فلان دا عندو مِلْحَة)، يعني الواحد في صمّة خشمو الناس تريدو،..
طيّب الفكرة شنو، الفكرة سبقني عليها أخونا (الصادق إسماعيل)، هناك أسماء "شابة" بعينها: (عاطف خيري، الصادق الرضي، أبَّكر آدم إسماعيل، بركة ساكن، محسن خالد)،..
دي أسماء ما عندها أي حظ في إعلام ولا صحف، لموقفها البَيِّن من النظام، ومع ذلك هي الروح الماثلة في الكتابة السودانية اليوم، وبكل صلف بقول ليك الكلام دا، لا قدر يمحوها تجاهل ولا قلّة أدب صحفيين ضعفاء ولا قمع ولا غيرو ولا غيرو، كانت الناس تركب المواصلات وتمشي تجيب الشعر من عاطف والصادق من يد ليد، وشعرك إنت تزيّط بيهو الصحافة كلها يومياً وزول واحد دايرو مافي،..
وفي أسماء "شابّة" ومش "شابة" تانية، أنت كشاعر مثلاً، أنا بوصفي –مثقفاً- رمراماً بلقّط زي عز الكوشة والدفاين، حتى أكياس النايلون بحاول آكلها، بالكاد بتذكر نص "اسمو: هذا الشعر طالق"، وألا صاحبك البوليس التاني "إسحاق" طشاش طشاش بتذكر ليهو "مجموعة قصصية" أخبرني بها هو حينما ذهبت لأخذ مخطوطة روايتي منه في بكان "برنامج ساحات الفداء"، بافتخار قال المجموعة بتاعتو اتطبعت وهو ناسيها ليهو زمن ما لاقي فرصة يمشي يجيبها، –شوف تقلة الدم والاستهتار بالآخر، الذي تُحرّم روايته بناء على قلّة الأدب هذه- أنا كتبت ذلك من قبل في بوست للصديق خالد عويس، وبعد زمن قابلتني المجموعة وأخذتها من صاحب المكتبة "أخ مسلم" لأقرأها في مكانها وأُعيدها –لعامل الفقر ولا أكثر، "فأنا كاتب حقيقي ولست عدوَّاً للكتاب من باب عداء صاحبه لي"،...
طيّب إنت وهو، نجاحكم شنو؟ في الحقيقة ما عندكم نجاح مطلقاً، واللستة بتاعة (عاطف خيري، الصادق الرضي، أبَّكر آدم إسماعيل، بركة ساكن، محسن خالد)، دي إنتو بتلدوها من أكبر واحد فينا، لاحدي الجارنكوك "محسن خالد" أصغر TOP GUNS في المجموعة دي،..
المجموعة دي هي آخذة بروح الكتابة، بحيث إنها بتشكل الكتاب البجو بعدها، زي ما هي اتشكلت بأسماء قليلة جداً سبقتها، يعني الفنّان مش المجيد، بل المؤثّر، ما يعتبر من أبنية الروح الفنية داخل ثقافته،..
طيّب هل يجوز إنو نقارن فشلكما بمجموعة بتاعة كُتّاب علمانيين، بالتالي بشوتوها جنس وكفر ويات ما يخطر ببالك كنظام محسّنات فنيّة، طبعاً دا بجوز لأنو ما في زول حماك تبقه علماني، ولكن الذي لا يجوز مقارنته هو أرواح هذه المجموعة المستعدة، والموهبة الخرافية لديها والأسطورية إن شئت، والثقافة والرمرمة المعرفية التي لن تتوفر لـ"بوَّاب" على باب الأدب، فكلاكما "ناطور" أدب،..
نجيك في حيكم، حيث تُسحقان بـ"روضة الحاج" و"خالد فتح الرحمن"، كفنانين من الحارة نفسها، يعني أنتما فاشلان في أي اتجاه، ومهزومان في أي وجهة، ووين ما تقبلوا، وتلك كانت منكما نقمة الحاسد إذا حسد،..
والذي يرى العبقريات تمر من بين أصابعه، بينما هو لا حظ له، فما الذي نتوقعه منه؟ سيذهب للعمل كجلاد لهذه العبقريات، كبوليس سري يتشفى في الظلام من أي كاتب وكتاب يمر به،..
للجميع، هذان الرجلان هما عدوّان للفكر وأيَّما أمّة إن شئت أن تعرف أدواءها فاسأل عن حال الفكر فيها،...
فياخي "الشهرة" البتقولها دي، أنا ما ساكّيها برضو لأني عارف إني ماخد من الكاريزما والمِلْحة القلناها ديك "بالهينو الكبير"، ولو ما مصدّق! خت عينيك في عينين الصورة المعلّقة قدامك دي، وشوف فيها كم كاريزماتيك سالّي سيفو وكم بطل ثوري وكم نبي وكم بنات غرقن وكم سماء متعلّقة بكواكب وغيوم، أو كما رأى العبقريان "بشرى الفاضل" و"أبو ذر بابكر"، هذان نبيان والأنبياء لا يُسألون،..
ونتمَّها لآخر "الصُرار"،...
لبن العُشَر إن ببقه لبن، نصرّر مرحات الطندب، ونفطم خشوم الفاس،...
..
|
|
 
|
|
|
|
|
| العنوان |
الكاتب |
Date |
| مقال لطيف مع (قناع) في شتم محسن خالد !!! | عبد الله إبراهيم الطاهر | 12-06-05, 07:56 AM |
| Re: مقال لطيف مع (قناع) في شتم محسن خالد !!! | محسن خالد | 12-06-05, 11:03 AM |
 Re: مقال لطيف مع (قناع) في شتم محسن خالد !!! | Eng. Mohammed al sayed | 12-06-05, 02:14 PM |
| Re: مقال لطيف مع (قناع) في شتم محسن خالد !!! | محمد عيد الله | 12-07-05, 00:01 AM |
| Re: مقال لطيف مع (قناع) في شتم محسن خالد !!! | عاطف عبدالله | 12-07-05, 00:17 AM |
| Re: مقال لطيف مع (قناع) في شتم محسن خالد !!! | عبد الله إبراهيم الطاهر | 12-07-05, 01:01 AM |
| Re: مقال لطيف مع (قناع) في شتم محسن خالد !!! | nadus2000 | 12-07-05, 02:04 AM |
| Re: مقال لطيف مع (قناع) في شتم محسن خالد !!! | عادل ابراهيم عبدالله | 12-07-05, 02:43 AM |
| Re: مقال لطيف مع (قناع) في شتم محسن خالد !!! | عبد الله إبراهيم الطاهر | 12-07-05, 02:09 AM |
| Re: مقال لطيف مع (قناع) في شتم محسن خالد !!! | خدر | 12-07-05, 04:46 AM |
| فليسهر القوم جراها!! | عبدالغني كرم الله بشير | 12-07-05, 05:06 AM |
| Re: مقال لطيف مع (قناع) في شتم محسن خالد !!! | esam gabralla | 12-07-05, 05:15 AM |
| Re: مقال لطيف مع (قناع) في شتم محسن خالد !!! | الصادق اسماعيل | 12-07-05, 06:43 AM |
| Re: مقال لطيف مع (قناع) في شتم محسن خالد !!! | بدري الياس | 12-07-05, 08:00 AM |
| Re: مقال لطيف مع (قناع) في شتم محسن خالد !!! | خدر | 12-08-05, 03:21 AM |
| Re: مقال لطيف مع (قناع) في شتم محسن خالد !!! | خدر | 12-08-05, 03:29 AM |
| Re: مقال لطيف مع (قناع) في شتم محسن خالد !!! | nashaat elemam | 12-08-05, 03:55 AM |
| Re: مقال لطيف مع (قناع) في شتم محسن خالد !!! | محسن خالد | 12-08-05, 05:21 AM |
| Re: مقال لطيف مع (قناع) في شتم محسن خالد !!! | محسن خالد | 12-08-05, 05:40 AM |
| Re: مقال لطيف مع (قناع) في شتم محسن خالد !!! | عبد الله إبراهيم الطاهر | 12-08-05, 05:29 AM |
| Re: مقال لطيف مع (قناع) في شتم محسن خالد !!! | خضر حسين خليل | 12-08-05, 06:19 AM |
| Re: مقال لطيف مع (قناع) في شتم محسن خالد !!! | عبد الله إبراهيم الطاهر | 12-08-05, 06:47 AM |
| Re: مقال لطيف مع (قناع) في شتم محسن خالد !!! | عبد الله إبراهيم الطاهر | 12-08-05, 06:32 AM |
| Re: مقال لطيف مع (قناع) في شتم محسن خالد !!! | محسن خالد | 12-08-05, 09:29 AM |
| Re: مقال لطيف مع (قناع) في شتم محسن خالد !!! | محسن خالد | 12-08-05, 10:00 AM |
| لم أغرق، في التفاصيل أعلاه، كثيرا.... | عبدالغني كرم الله بشير | 12-09-05, 02:17 AM |
| Re: مقال لطيف مع (قناع) في شتم محسن خالد !!! | عبد الله إبراهيم الطاهر | 12-10-05, 02:18 AM |
| محسن خالد الكاتب الغول: الكلمات هي حربنا ضد الحرب، وهل ينجح في التحدي حتى النهاية؟!!! | عبد الله إبراهيم الطاهر | 12-10-05, 03:04 AM |
| Re: محسن خالد الكاتب الغول: الكلمات هي حربنا ضد الحرب، وهل ينجح في التحدي حتى النهاية؟!!! | خالد عويس | 12-10-05, 09:08 AM |
| Re: مقال لطيف مع (قناع) في شتم محسن خالد !!! | عبد الله إبراهيم الطاهر | 12-11-05, 01:47 AM |
| أخوي عبد الله.. | عبدالغني كرم الله بشير | 12-11-05, 02:59 AM |
| Re: مقال لطيف مع (قناع) في شتم محسن خالد !!! | عبد الله إبراهيم الطاهر | 12-11-05, 04:21 AM |
| Re: مقال لطيف مع (قناع) في شتم محسن خالد !!! | محسن خالد | 12-11-05, 03:37 PM |
| Re: مقال لطيف مع (قناع) في شتم محسن خالد !!! | Tumadir | 12-12-05, 05:47 AM |
| Re: مقال لطيف مع (قناع) في شتم محسن خالد !!! | محسن خالد | 12-12-05, 08:10 AM |
| Re: مقال لطيف مع (قناع) في شتم محسن خالد !!! | محسن خالد | 12-12-05, 09:14 AM |
| Re: مقال لطيف مع (قناع) في شتم محسن خالد !!! | عبد الله إبراهيم الطاهر | 12-13-05, 03:30 AM |
| Re: مقال لطيف مع (قناع) في شتم محسن خالد !!! | عبد الله إبراهيم الطاهر | 12-13-05, 03:55 AM |
| Re: مقال لطيف مع (قناع) في شتم محسن خالد !!! | هميمة | 12-14-05, 01:30 AM |
| شنو السادية بتاعتكم دي... | عبدالغني كرم الله بشير | 12-14-05, 02:09 AM |
| Re: مقال لطيف مع (قناع) في شتم محسن خالد !!! | عبد الله إبراهيم الطاهر | 12-14-05, 02:59 AM |
| Re: مقال لطيف مع (قناع) في شتم محسن خالد !!! | عبد الله إبراهيم الطاهر | 12-15-05, 06:45 AM |
| Re: مقال لطيف مع (قناع) في شتم محسن خالد !!! | عبد الله إبراهيم الطاهر | 12-17-05, 01:54 AM |
|
| |
محسن خالد
فيس بوك
تويتر
انستقرام
يوتيوب
بنتيريست