|
Re: القبول بالخسارة (Re: عليش الريدة)
|
كيميا الروابط
كنا أنا ومجدي معزومين غدا عن بشير،وقبل ما أتقدم في الدار أقولو،بلفت نظركم إنو العبارة دي مادقيقة بالضبط بالضبط،العبارة المفروض أو على الأقل متوقع كتابتا كانت كالاتي:كنا وأنا وصديقي مجدي معزومين غدا عن صديقنا المشترك بشير..ولفت النظر دا طبعا مابيعني تلقائيا إنو نحن ماأصدقاء،لكن الحاصل إنو نحن ـــ بعد نقاشات كتيرة ـــ وصلنا لنتيجة إنو فهمنا مختلف عن ماهي الصداقة..لذلك مابنقدر نحدد إنو هل فعلا نحن أصدقاء وللا لا..وعشان كدا قررنا نحتفظ بعلاقتنا زي ماهي بدون مانحدد ماهيتا..دا السبب البنسف الدقة عن أي محاولة لتفسير الرابطة الجامعانا.. وتعبير بالضبط بالضبط انا استلفتو من مجدي وماناوي أرجعو ليهو تاني..مجدي شغال في سوق اسبيرات العربات.. بشير معلم ثانوي..وانا مازلت مغرم بتتبع التحولات المناخية وعلاقة جنيهنا مع الدولار.. وقبل ماأتقدم في الدار أقولو،خطر ببالي توا طرفة قديمة مابتذكر سمعتها وين ومن منو، وماعارفة هل حقيقية أم واحدة من الملاسنات الطفولية بين أهل المدن السودانية.. المهم،قالوا كانت في مباراة في الملاكمة بين بطل الخرطوم وبطل مدني،المباراة مقامة في مدني..بطل مدني نسيت اسمو لكن النفرض إنو اسمو كمال،يللا المباراة لمن بدت زول الخرطوم دا لما ليك في كمال تيفك تيفك من قولة تيت..جماهير مدني كانوا بشجعوا بحرارة:يللا ياكيمو أرفع راس مدني..دا كان تشجيعهم الوحيد وماعندهم غيرو،وكيمو طبعا متواجد في منتصف الحلبة ـــ وأحيانا نواحيها ـــ وقاعد يختبر في مأساة مهددة للوجود و مصنوعة في الخرطوم ـــ كحال المآسي جميعا ـــ والجمهور ضارباهو الطراوة وشغال : كيمو ياكيمو أرفع راس مدني..كمال بعد فقد المنطق قاليهم :ياخي أنا قادر أرفع راسي عشان أرفع راس مدني..انتهت الطرفة.. ناس بشة وقوش ومعتز بازلين مجهود وقعد يشجعوا في الجنيه بطريقة حضارية.. نرجع للروابط.. بعد مااتغدينا،جا حمودي جاري يضحك وقال لأبوهو:شفت يابابا،مازن في لعبة حرامي السيارات بعد ماسرق العربية وجرى بيها في الشارع وجو ناس الشرطة طاردوهوا ،قام وقف في الإستوب لما لقى العلامة مولعة أحمر.. حمودي تلميذ في الصف الثالث.. كسلان من القوقلة،عشان كدا المعلومات الجاية ماح تكون دقيقة بالضبط بالضبط (تعبير بالضبط بالضبط دا بارع جدا في المخارجة من التبعات) جين إير بعد مااكتشفت خداع مستر روشستر وإنو عندو زوجة على قيد الحياة،هربت من المنزل،القصة طبعا معروفة..الخط مفهوم،المغزى مابتنسي بسهولة..ومن ناحية عامة،بعد نهاية كل قصة تقراها بكون الدفع العام الخلقو الكاتب عالق بذهنك ومابتنسي بسهولة..لكن المحك دايما في التفاصيل،والتفاصيل دي طبعا هي الجمعية العمومية بتاعة القصة،يعني تفصيل ورا تفصيل لغاية ماالرواية تكمل النصاب..لكن في تفاصيل بتتساقط،بتتلاشى مع الزمن بتبقا عدمية خالص..كأنها مامرت عليك قبل كدا..وبالمقابل في تفاصيل مابتتنسي بسهولة لدرجة إنها ممكن تصبح هي المهيمنة على ذاكرتك قصاد القصة..تبقا الكود الخاص بالقصة..يعني لما يجيبوليك سيرة القصة الفلانية طوالي بتقفز في راسك التفاصيل دي..جين بعد ماكتشفت خداع الراجل دا،هربت من المنزل،وأثناء فترة هروبا اشتغلت معلمة في مدرسة...أنا مابتذكر التعابير المستخدمة من قبل شارلوت برونتي في الحتة دي..لكن بالمجمل كدا،جين صادفت في الريف البعيد داك،في المدرسة المهمشة ديك،تلميذات فطنات جدا..وفطنات هنا مش معناها شاطرات في القراية تحديدا،لا شارلوت كانت بتقصد حاجات تانية خالص... البطل المصارع بتاع رواية أشياء تتداعى،عندو ولد وبت..ماكان راضي من ولدو،لكن بتو كانت بالنسبة ليهو مصدر فخر كبير،قال عنها بالنص:إنها تفهم كل شئ على نحو صحيح.. ودي طبعا عبارة عبقرية من كاتب عبقري..لكن ماهو النحو الصحيح؟ الناس ح تختلف طبعا في تعريفا للنحو الصحيح.. طيب السؤال الأساسي هو،شنو البسمح بتواجد رابطة تجمع بين ناس مختلفين في مستوى التعليم والمهن والاهتمامات؟كيف يكون في ناس منعدمين بتاتا في الشراكة في أي حقل من الحقول الحياتية،وبعدّا تكون في رابطة بتجمع بينهم؟طبعا الروابط ذات الأسس المشتركة بتكون مفهومة وممكن تفسيرا.. أنا ـــ كماتعلمون ــ أتحدث عن رابطة الذوق..وماعارف بالضبط بالضبط الذوق دا تابع للعقل وللا للعاطفة..وبرغم احترامي التام للطريقة البفكر بيها الانسان واحترامي برضو للطريقة البتعاطف بيها مع الوجود،واعترافي الكامل بالدور الكبير للغريزتين ديل في تشكيل معظم حركتنا في الكون دا،لكني ماشايف نشاط بشري أخطر من كيف إنو الناس بتتذوق.
|
|
|
|
|
|
|
العنوان |
الكاتب |
Date |
المطّاط. | عليش الريدة | 07-05-18, 09:55 PM |
Re: القبول بالخسارة | عليش الريدة | 07-06-18, 01:45 PM |
Re: القبول بالخسارة | عليش الريدة | 07-09-18, 09:21 PM |
Re: القبول بالخسارة | عليش الريدة | 07-09-18, 10:46 PM |
Re: القبول بالخسارة | نيمو | 07-10-18, 03:09 AM |
Re: القبول بالخسارة | عليش الريدة | 07-10-18, 05:29 AM |
Re: القبول بالخسارة | عليش الريدة | 07-10-18, 01:06 PM |
Re: القبول بالخسارة | عليش الريدة | 07-12-18, 11:07 AM |
Re: القبول بالخسارة | عليش الريدة | 07-13-18, 03:33 PM |
Re: القبول بالخسارة | عليش الريدة | 07-18-18, 09:41 PM |
Re: القبول بالخسارة | عليش الريدة | 08-10-18, 08:57 PM |
Re: القبول بالخسارة | عليش الريدة | 09-19-18, 10:01 PM |
Re: القبول بالخسارة | عليش الريدة | 09-21-18, 02:55 PM |
Re: القبول بالخسارة | عليش الريدة | 11-02-18, 08:52 PM |
Re: القبول بالخسارة | عليش الريدة | 11-03-18, 08:32 AM |
Re: القبول بالخسارة | عليش الريدة | 11-03-18, 11:00 AM |
Re: القبول بالخسارة | ابو جلمبو | 11-03-18, 02:12 PM |
Re: القبول بالخسارة | عليش الريدة | 11-03-18, 05:37 PM |
Re: القبول بالخسارة | بركلاوى | 11-04-18, 06:33 AM |
Re: القبول بالخسارة | عليش الريدة | 11-04-18, 10:38 AM |
Re: القبول بالخسارة | ATeF OMER | 11-04-18, 12:09 PM |
Re: القبول بالخسارة | عليش الريدة | 11-04-18, 12:39 PM |
Re: القبول بالخسارة | عليش الريدة | 11-05-18, 12:40 PM |
Re: القبول بالخسارة | ابو جلمبو | 11-06-18, 02:47 PM |
Re: القبول بالخسارة | ابو جلمبو | 11-06-18, 05:26 PM |
Re: القبول بالخسارة | عليش الريدة | 11-06-18, 06:36 PM |
Re: القبول بالخسارة | ابو جلمبو | 11-08-18, 02:08 PM |
Re: القبول بالخسارة | عليش الريدة | 11-09-18, 06:52 PM |
Re: القبول بالخسارة | جلالدونا | 11-09-18, 07:27 PM |
Re: القبول بالخسارة | عليش الريدة | 11-09-18, 07:36 PM |
Re: القبول بالخسارة | أبو جلمبو | 11-10-18, 12:10 PM |
Re: القبول بالخسارة | عليش الريدة | 11-10-18, 01:53 PM |
Re: القبول بالخسارة | عليش الريدة | 11-13-18, 09:29 PM |
Re: القبول بالخسارة | عليش الريدة | 11-14-18, 04:08 PM |
Re: القبول بالخسارة | عليش الريدة | 11-14-18, 08:02 PM |
Re: القبول بالخسارة | عليش الريدة | 11-15-18, 02:41 AM |
Re: القبول بالخسارة | عليش الريدة | 11-25-18, 08:00 PM |
Re: القبول بالخسارة | تماضر الطاهر | 11-27-18, 08:39 AM |
Re: القبول بالخسارة | عليش الريدة | 11-27-18, 12:43 PM |
Re: القبول بالخسارة | تماضر الطاهر | 11-27-18, 06:10 PM |
Re: القبول بالخسارة | عليش الريدة | 11-27-18, 06:49 PM |
Re: القبول بالخسارة | تماضر الطاهر | 11-27-18, 09:09 PM |
Re: القبول بالخسارة | عليش الريدة | 11-29-18, 07:11 PM |
|
تعليقات قراء سودانيزاونلاين دوت كم على هذا الموضوع:
at FaceBook
|
|