صلاة التراويح .. بدعة !! بقلم د. عمر القراي

Quote: قال "بلة الغايب": ((جاءني الصحفي كمال حسن بخيت، وقال لي: الرئيس رسلني ليك وقال عايزك. ومشينا سوا القصر، ولما قابلته قال لي: يا شيخ بلة، انا سمعت انك ممكن تنزل مائدة من خيرات السماء والارض . فقلت له انا ما بنزل عشان ما اكبر كومي ساكت. واذا حاجة فيها وزر وحساب انا ما بعملها. الا اذا حاجة انا بعملها للاصلاح وما فيها ذنب. انا ما عندي حيران ولكن عندي مريدين)) ثم واصل بلة الرواية المتقطعة : ((قلت ليه: انت سوف تحكم ثلاثة وعشرين سنة وخمسة وعشرين يوم، و يضاعف الله لمن يشاء)). اضاف الغايب:(( قال لي: يا شيخ بلة، كل الكلام القلته لينا قبل كدة، كان انقلاب كان غيره كان صحيح، نحن يا شيخ بلة عايزنك تكرمنا وتنزل لينا مائدة. قلت ليه انت بتحب شنو؟! قال لي بحب العسل، ولكن محروم منه. قلت ليه: خش جوة وجيب لي اكبر ماعون عندك. مشى جاب حلة كبيرة، نزلتها منه في الواطة وبديت اسبح، الحلة دي امتلأت عسل لغاية ما دفق، بدأ الرئيس يأكل ويأكل و انا بعاين ليه بام عيني. قال لي والله والله والله، انا عندي حساسية ضد العسل، ويمكن لو اكلته يوديني الاخرة، لكن عسل زي دة عمري لا شفته ولا ضقت مذاقه)).