الجنجويد ..دراسة لمنى خوجلي نشرتها الشرق القطرية .

Quote: في السودان المسلمون يتمسكون بعاداتهم وتقاليدهم السودانية القديمة ويجعلونها تتوافق مع التعاليم الاسلامية ولكن العرب يعتقدون ان ممارساتهم هي الصحيحة، مشكلة العرب هي انهم يعتزون بقوميتهم ولايعترفون بالآخرين حتى لو كانوا مسلمين مثلهم،

وأظنكـ فاهمني في النطقة دي بتاعت الثقافات الموغلة في المحلية والقدم إنو عفى عليها الزمان..
ولا تذكر لمجرد التنويه وإشعار الآخر بالنقص..
حتى أسأل مني نفسها عن أسباب مقتل الصحفي محمد طه محمد أحمد..
لقطتها وما ودت الإشارة لذلكـ إلا لتبيان بعض الأراجيف..

فتاريخ العرب في إقليم دار فور كلوا بيقول إنو مستقبلهم متشابكـ مع الآخرين كالحلق الداخل في بعضو..
أما مسائل فهلوتكـ بتاعت هذا القسم وأقصد قسم عمر البشير وإنو فيهو عرق ما عرق..
أيضاً سأرد لكـ هنا الصاع صاعين يا بشاشا..
فسهل عند عمر البشير أن يصفكـ بنتاج لحملات الدفتردار الإنتقامية (أي ود حرام)..
فالبشر وتاريخهم: (سومريون مروراً بالكنعانيون وآرميون والعرب)..

لم يستخدمو مصطلح العرق Race..
ففي هدربتكـ المرئية فوق دي تعرف شايفكـ إنكـ بتوصف لجماعة من البشر..
وقاعد تتبني روابطهم بين بعضهم البعض على عوامل العلاقات الوراثية..
يا بشاشا والله قعدت أضحكـ لامن بانت ضروسي.. طبعاً من جهلكـ..
تعرف الناس القالوا العرق مصطلح للعرق الإنجليزي والعرق الأفريقي والعرق الفرنسي بتعني الروابط الوراثية بين جماعة من البشر.. كالعرق اليهودي..
وعلى سبيل المثال تبدو للعيان صحيحة:
كيفن.. لأنو البيجمع بينهم الدين واللغة..
والوجود الجغرافي.. وده البيسموهو المواطنة في الدولة..
من أجل تطوير التشابهات الوراثية بين بعضنا البعض كبشر..
وقرض على كده..
لأنو الإختلافات الفسيولوجية في البيت الواحد موجودة..
بكل مؤثراتها البيئية والغذائية..
أما وإذا فضلت تكرس يا كمال بشاشا (أبو عريب) على الكلام ده..
أو نأسس ليهو أدبيات ونلبسو مصطلحات كسودان الهامش فالخلاف سيتأسس على أساس مختلف جداً..
وحتتفرتقو أيادي سبأ..

وبعدما تفصل الحواجز.. سنستمر لمئات الملايين من السنين في جهلنا هذا دون غلبة لجماعة دون أخرى..
وأظن ده الشيء الإنت قاعد بتعاني منو في مجتمع كرس كل حياتو في بناء الفصل العنصري
بين شعوب الأرض.. فأسس عرق منفصل وعانا ما عانا وعاد رجع مرة تانية عشان يبني دولة الوحدة..
أو كما حدث في جنوب أفريقيا لسياسة الأبارتيد..

يا بشاشا في قيم دينا الإسلامي السمحة كلنا أولاد آدم وحواء فقد هاجر أسلافنا من البشر عبر العالم وساحو لآلاف السنين، يبذرون بذورهم في في بيئاتهم الجديدة..
وما أعنيه هنا الإختلاط..
فلا نقاء لعرق ولا دم اليوم..

فمافي داعي تقعد تعمل لينا فيها كابوي على الفاضي ساكت..
وإنت كوعكـ من بوعكـ ما عارفو..
وبتهمز لبت السلطان نور تاور..
أو صديقكـ خالد كودي..
في مسائل معايرتكـ دي..
ففي الجراب زخيرة حية..
صحي زي ما قال صحبكـ كودي عننا حنكون أكياس الرمل..
ولكن.. نيرانها ساعتها ستحرق كل شبر من بلدنا السودان..


حاآآآآســــب..

(عدل بواسطة A.Razek Althalib on 02-18-2007, 01:10 PM)
(عدل بواسطة A.Razek Althalib on 02-21-2007, 12:17 PM)