|
|
 Re: في عزاء فجراوي ... ابوامنه (Re: خدر)
|
ود العجمى
زى ما اختفى ضو القمره من امبده بعد ما جات الكهارب,توارى هذا الملحوس ....حبا له, وخجلا منكم, وخوفا عليه من عاديات الزمان
الاسم غتاية ماعون
حكمه ملفقه عثر عليها الراوى فى تجواله..
فى الحجير المشوى بالفقر, ومطعم بالزكريات, وغنا ء الطمباره عاشت اسماء ..لو قلت تعاين ليها من اى زاويه وتتامل في جمالها
تحرد اسمك...!
ادريس ود عامر اعلنها داويه..كما كنا نسمع فى غابر الزمان , أنه قال لأهل كافوته( الجن يسوطها بى بنوتها) فى معاركهم الممتده حول الحق وتقسيماته....الناس مابيرثوا الواطه هى البترثهم.....قيل انه اعتنق الفكر الجمهورى وهو فى مكانه النائى ذاك
ده حصل كيف؟؟يا ود العجمى
يشدنى حنين غريب لمعرفة المزيد عنه , وكيف كان مصيره. المدهش انه ترك أثرا مكتوبا...اين هو؟؟مزارع كان احتوته بلا شك تفاصيل الشقاء اليومى-والمعافره من اجل البقاء...البقاء فقط....كيف تأمل هذه الدنيا,ومن اى الزوايا نظر اليها؟؟,اى عفاريت تلك التى قادته..ليصبح ذلك الاسم المهيب؟
الخدر ود الفنجرى أسم أخر اكن له حبا عظيما,فقد كان عميقا كالبحر....ومختلفا عن الناس, والاشياء....كان عين الشمس فى الحجير....علمنا العوم..وكان يحتقر التماسيح ويعطف على صغارها....ويبتسم عندما يرى(وررا).....اقسم أنه اضاف شيئا ضخما لهذا العالم...يا اولادى البياكل تمر الهبوب بتعلم على الساهله, وفى أخر ايامه
ابوى الخدر.....مرض شديد.....جيت أشوفه عرفنى من بين جميع الحضور...وقال لى....فجراوىىىىىىى؟اتحنضل كل الحنضل فى اعماقى لما قال....خلاص مشت تكمل.....المرض الخرابه ده كان فى الجتى اسع أظنه وصل الراس....وكان ما كان
مرغنى ود فرع الشام.....مشيت الحجير اطهر واحد فى اخوانى الصغار..عزمناه للمناسبه.....صادف لدغت عقرب والدنا فى نفس اليوم....أتى مرغنى...فارعا تضحك عيناه من السخريه على كل شى
وينو جنى البندر؟ الطهاره مبروكه.؟؟....لحمكم نعل مو للليلى نى؟ اى عقرب شنو الملمومين فوقها دى.؟؟....وفكاهه لاتنتهى بقصيده فى الصمت
صديق ود الدون......ما اتعلم حرف لكنه عالم بحق وحقيقه....اسمه يسبقه فى المحافل... والضحكه تجلجل اصفى من الصفى فى الارواح.. الأليفه.....انت أأأأ صديق اصلك مالك؟؟مالى انا والله شيتكم المبهدله دى؟ مالها الدنيا؟؟ تجيها بى هنى تفوت منك بى هنوك.....تمسك قرونها تديك قفاها.....تضحكلها... والله تكلكلها الحال فى حالو.....يضحك من جوه قلبه ويقول خربانه ام بنايا قش
التويمى بت حمدوكيى
فارسه تقطع البحر عوم...وتطلع التمر....وتخلف فوق الحماره.... وتبشر فوق البنات فى العرس...ودايما عندها ماتديه الشفع...تشرك لى الطير.....باخلاق عاليه وعفه.....تشهيك مبارزات الشعراء فى القرون السابقه
لو قلت التويمى
الكلام كمل وانتهى
يا ود العجمى...ياخدر
عليكم
باحلامى
وهى بلون الليل
ف
|
|
 
|
|
|
|
|
| العنوان |
الكاتب |
Date |
| في عزاء فجراوي ... ابوامنه | خدر | 05-06-05, 01:06 AM |
| Re: في عزاء فجراوي ... ابوامنه | خدر | 05-06-05, 01:17 AM |
| Re: في عزاء فجراوي ... ابوامنه | خدر | 05-06-05, 01:20 AM |
| Re: في عزاء فجراوي ... ابوامنه | خدر | 05-06-05, 01:23 AM |
| Re: في عزاء فجراوي ... ابوامنه | خدر | 05-06-05, 02:34 AM |
| Re: في عزاء فجراوي ... ابوامنه | خضر حسين خليل | 05-06-05, 02:34 AM |
| Re: في عزاء فجراوي ... ابوامنه | خدر | 05-06-05, 02:38 AM |
| Re: في عزاء فجراوي ... ابوامنه | خدر | 05-06-05, 02:39 AM |
| Re: في عزاء فجراوي ... ابوامنه | خضر حسين خليل | 05-06-05, 02:44 AM |
| Re: في عزاء فجراوي ... ابوامنه | خدر | 05-06-05, 02:49 AM |
| Re: في عزاء فجراوي ... ابوامنه | خدر | 05-06-05, 03:29 AM |
| Re: في عزاء فجراوي ... ابوامنه | صديق الموج | 05-06-05, 07:09 AM |
| Re: في عزاء فجراوي ... ابوامنه | خدر | 05-07-05, 00:51 AM |
| Re: في عزاء فجراوي ... ابوامنه | عمر ادريس محمد | 05-06-05, 11:00 AM |
| Re: في عزاء فجراوي ... ابوامنه | Gafar Bashir | 05-07-05, 00:58 AM |
| Re: في عزاء فجراوي ... ابوامنه | خدر | 05-07-05, 01:33 AM |
| Re: في عزاء فجراوي ... ابوامنه | Gafar Bashir | 05-07-05, 02:53 AM |
| Re: في عزاء فجراوي ... ابوامنه | Gafar Bashir | 05-07-05, 04:03 AM |
| Re: في عزاء فجراوي ... ابوامنه | عمر ادريس محمد | 05-07-05, 08:04 PM |
| Re: في عزاء فجراوي ... ابوامنه | Kostawi | 05-07-05, 10:14 PM |
| Re: في عزاء فجراوي ... ابوامنه | خدر | 05-09-05, 01:37 AM |
| Re: في عزاء فجراوي ... ابوامنه | خدر | 05-09-05, 02:13 AM |
| Re: في عزاء فجراوي ... ابوامنه | خدر | 05-10-05, 00:07 AM |
| Re: في عزاء فجراوي ... ابوامنه | خدر | 05-10-05, 00:15 AM |
| Re: في عزاء فجراوي ... ابوامنه | عمر ادريس محمد | 05-10-05, 12:52 PM |
| Re: في عزاء فجراوي ... ابوامنه | خدر | 05-11-05, 02:59 AM |
| Re: في عزاء فجراوي ... ابوامنه | خدر | 05-11-05, 03:02 AM |
| Re: في عزاء فجراوي ... ابوامنه | ود العجمى | 05-11-05, 04:47 AM |
| Re: في عزاء فجراوي ... ابوامنه | عمر ادريس محمد | 05-11-05, 07:40 PM |
| Re: في عزاء فجراوي ... ابوامنه | خدر | 05-12-05, 00:45 AM |
|
| |
عمر ادريس محمد
فيس بوك
تويتر
انستقرام
يوتيوب
بنتيريست