كنا بنعتبر مارفن صاحبنا والله زى كانه من شلتنا يركب معانا العجلات ونمش نتعشى فول
ده من شدة ولعنا وريدتنا ل بوب و الويلرز وباقى الفرقة كلها يستحيل تمر لحظة من اليوم و ما يكون فيها سمع او كلام او نقاش لموسيقى بوب و الريقى عموما
يا ريت لو سالته يا فاتح ليه اجمل حفلات بوب و اعظمها على الإطلاق يمكن مع حفلة سانتا برباره، و هى الحفلة الاخدت اسم "بابيلون باى بص" ليه ما تم تصويرها ب الفيديو او سينمائيا؟
حسب راى انا الشخصى، بابيلون باى بص مثلت ذروة و قمة مزيكا و غناء بوب و شغل الفرقة كلها
والله بختك ياخ
تلاقى فى الناس السمحين ساى
هههه
سلام يا اباذر ورمضان كريم زمن كان سمح شديد، وأظن أي زول سمع بوب والويلرز كان يباوده نفس احساسك ده: إنو الناس ديل قريبين منو! وأنا ببصم معاك بالعشرة إنو بابيلون باى بص واحد من اجمل الحفلات، وبالمناسبة ده كان رأيّ في " بوست بوب مارلي مشوار غناوي وحكاوي"، واصحابنا مصطفى مدثر ومحمدين محمد اسحق كان عندهم رأي إنو حفل " سانتا باربرا" هو الأجمل. لكن بيني وبينك حفلات بوب كلها رهيبة ، وحفل نيوزيلاندة ممكن ينافس مع بابيلون باى بص وسانتا باربرا. سؤالك في السلك، وأسئلة كتيرة كان من الممكن طرحها على جونيور، لكن بسبب ضيق الوقت لم نتمكن من اجراء حوار بالمعني المتعارف عليه، بسبب ارتباطهم بعدد من الحفلات في هاواى! ويمكن سؤال "Waiting in Vain" طرحته على جونيور لأنو كان بيهمني في بوست "So Much Things to Say" ولأنو انا بحب الناس ديل زيك قلت جونيور ده جدير ببوست منفصل وما ممكن أحشرو في سياق بوست آخر! " Irie" وسعدت بمرورك محبتي
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة