المردوم يا صديقي بقى لينا زي تطبيقات التلفونات الذكية ، كل ثانية مارق بنظرية جديدة ، وسوف اكتب عن المردوم وتطوره..!
البقارة يا صديقي ، واحدة من اندر شعوب امسودان خاصة ، والعالم عامة ، قدرة على التواكب..يعني أي ظاهرة جديدة طوالي بتواكبوا معاها وبينزلوها في ثقافتهم..!!..العالم ديل يا أبوي أي حاجة ما بتقلع منهم البقرة طوالي بيتعبروها حاجة ايجابية وممكن يقلدوها ويسوها حقتهم عديل..!!
النموذج الذي ارفقته ، هؤلاء طلاب وطالبات جامعة غرب كردفان (يعني افندية ساكت)..!
المحنة يا تبلدي حكاية (زي الرصاص) ..!
فالحرب اثرت كثيرا على اهلنا في بواديهم البعيدة (بادية واحدة حسب فهم ول ابا بريمة)..!
هناك نموذج للمردوم القائم على ريتم الرصاص (صوت الكلاش في حالة ضرب منفرد: طلقة بعد طلقة..!!) وسوف ارفقه هنا لاحقا..!
اما النموذج الذي ارفقته هنا ، فهو من دار اهلك المسيرية ، في ركن قصي للغاية (منطقة الدبكر)..!
في بيئة هؤلاء الناس ، انهم قريبون جدا من خط السكة حديد..!!
صوت الريتم بتاع المردوم عندهم اشبه بصوت عجلات القطر..!
في هجيع الليل ، يمر القطر (ركاب او بضاعة)..وصوت حركة عجلاته على القضبان حاجة متميزة وحنينة..يعني ممكن يتشارك سماعها الحبيب (القاعد مع السعية في سقط لقط) والحبيبة القامت اتشطفت واتمسحت وقعدت تضفر ليها طرقاية في ضو القمرة ، وألإتنين بيسمعوا صوت هزيم عجلات القطرفي نفس اللحظة..والله صحي..!!
البنيات لمن يضفرن طرقات البروش ، بيكونن بيعملن بروفة للأغاني..ولمن يلاقن الشبان في ساحة المردوم..الجميع بيكون عارف يعمل شنو..!
والمردوم يا صديقي ، رقصة تقوم على مستويات من الريتم..
ثم ياتي دور الشبان ، الريتم بتاعهم الضرب بالأرجل على الأرض..
صوت الكرير (صوت قادم من الصدر) الذي يصدره الشبان ، صحيح هو قد يتبادر للناس كجزء من منظومة الريتم العامة للمردوم ، ولكن في حقيقته هو حيلة ذكية من الشبان لحفظ عملية التنفس..!!!!!!!!!!!!!!!!
اها البنيات بيحفظن وبينظمن التنفس كيف؟؟..
ياخي دي عملية عبقرية للغاية..!!
معليش الفيديو التصوير فيهو غير واضح..ولكن الصوت واضح للغاية..وهذا هو نموذج المردوم الذي عرضته يا تبلدي ولكن في صورته الطبيعية..وبيظهر الفوكال النسائي(الليد)ثم الصفقة النسائية..وهي الأهم في فكرة المردوم ..!
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Kabar
فيس بوك
تويتر
انستقرام
يوتيوب
بنتيريست