|
|
 Re: بوست الرغيفة الموحد .. حكاوي وطرائف السودا (Re: Arif Nashed)
|
اسعار العملة💵 مقابل الرغيف السوداني🍣
الدولار الأمريكي 28 رغيفة🍣
الريال القطري 7 رغيفات و نص🍣
الدرهم الاماراتي 7 رغيفات و نص🍣
الريال السعودي 7 رغيفات و لقمة🍣
الجنيه المصري قرمة.
.
.
2014 - خمسة عيشات بجنيه
2015 ـــ اربعة عيشات بجنيه
2016 ـــ تلاتة عيشات بجنيه
2017 ـــ عيشتين بجنيه
|
2018 ـــ العيشه_بجنيه
|
|
2019 ـــ تعاين ليها ساي بجنيه
.
.
الخواجة👴🏻 جاء السودان اول مانزل الخرطوم
مشى شارع الجامعة ومعاهو سوداني الخواجة بدا يسأل في السوداني من جامعة الخرطوم البناهو منو ؟؟؟
قاليهو بنوها الانجليز وكان اسمها كلية غردون🕵🏻
مشى شوية شاف السكة حديد وسال منها البناها منو
السوداني قاليهو بنوها الانجليز
وسال من كبري الحديد بحري
وبرضو الاجابة انه بنوهو الانجليز
مشى ام درمان وشاف مبنى المحلية وسال .
وكانت نفس الاجابه بنوهو الانجليز.
الخواجة سال السوداني👳🏿♀ انتوا طيب عملتوا شنو؟؟؟؟ السوداني قاليهو نحنا طردنا الانجليز😳
❃ ❃ ❃ ❃ ❃ ❃ ❃
.
.
يوم عرسي 💑👫اي زول 👌✊
يجي شايل عيشتو في يدو👏✋وريتكم من هسي
😂😂😂
.
.
*مغترب عائد الي السودان سأل ليهو مسطول في المطار عن الحال في السودان ؟
*المسطول قال ليهو والله السودان بقي زي غناء الشايقية*:👏👏👏👏👏👏👏👏👏👏👏👏👏👏
*نصفق وراجعين لي وراء.!!*
.
.
واحد من العزابة الصباح مشى الدكان و جا صحى البيت كله و تلى البيان التالي:
معجون الأسنان لقيتوا بي 30 جنيه
كيس العدس 12 جنيه
صابونة الغسيل 10 جنيه
ربع الزيت 5 جنيه
الرغيفه 1 جنيه
.
.
.
واحد كورك من تحت البطانية: " كم لبثنا في مرقدنا هذا ؟ "
.
.
*موظف متضايق من شغلو جاهو عقد عمل في السعودية.. بي دربو قام مشي للجماعة ودور فيهم نبز وشتايم تقيلة من المدير لغاية الغفير ماخلي ليهم شي.. وطوالي اتخارج علي السفارة يعمل التأشيرة اها علي حظو الجواز اترفض من السفارة واتضح انو العقد مضروب ..*
*اها صاحبنا استجمع شجاعتو وجرجر كريعاتو ومشي الشركة .. دخل للمدير وسلم عليهو عادي وقال ليهو : والله يا سعادتك انا قبل يومين سكرت لي سكرة شينة خلاس وخرمجت في الدنيا دي جنس خرمجة!!*
*ياخ تصدق طلقت الولية واتضاربت مع بتاع الدكان!!! بس ان شاء الله ما اكون جيتكم بي جاي ؟* 😅
.
.
عندنا في السودان اكتر حاجتين عرضه للامتهان هما صباع المعجون وحجر الريموت فحالما تكتشف انك نسيت تشتري معجون اسنان طوالي تتناول القديم وفاضي وتبدأ بممارسه أحدث واعنف وسائل التعذيب عليه .من عصر وكرفيس وطي حتي يقر ويعترف باخر اقواله.. وكذا الحال مع حجر صباع الريموت فلحظه تبديلك للقناة يعصلج تتذكر ان هذه الحاله عمرها سبعة عشرين يوم وأنت تنسي تشتري حجر ريموت جديد 2فتفتح مكان الحجر وتطلع القديم وتبدأ في العض. واغرب حاجه ان صباع المعجون وصباع حجر الريموت أصلا مابخذلنك فبعد كل هذا التعذيب بمشن ليك الحال ..
هكذا تفعل بنا الحكومة عام بعد عام... رفع اسعار... وعصر وكرفيس... للمواطن الغلبان.. وبرضو بمشي حالو 😜😜😜
.
.
💫الحزن النبيل
يوم ارتفاع الاسعار
ﺑﻘﻴﺖ ﺍﻏﻨﻲ ﻋﻠﻴﻚ ... ﻏﻨﺎﻭﻱ ﺍﻟﻜﺴﺮﺓ ..ﻓﻲ ﺍﻟﺼﺤﻦ ﺍﻟﺘﻘﻴﻞ
..ﻭﻋﺸﺎﻥ ﺃﺟﻴﺐ ﻟﻴﻚ ﺍﻟﻠﺤﻢ ... ﺭﺿﻴﺎﻥ ﻣﻦ ﺍﻟﺠﺰﺍﺭ ﺃﺷﻴﻞ ..
ﻭﻣﻌﺎﻙ ﻓﻲ ﺁﺧﺮ ﺍﻟﺸﻬﺮ ... ﻳﺎ ﻧﺎﻗﺼﺔ ﻣﺎﻫﻴﺘﻲ ﺍﻟﻘﺒﻴﻞ .
.ﺳﺒﺘﻴﻨﻲ ﻟﻲ ﺣﻀﻦ ﺍﻟﻐﻼ .. ﻭﺑﻌﺘﻴﻨﻲ ﻟﻲ ﺟﺰﺍﺭ ﻋﺪﻳﻞ ..
ﻋﺪﻳﺘﺎ ﻓﻴﻚ ﻛﻞ ﺍﻟﻘﺮﻭﺵ ﺍﻟﻤﻤﻜﻨﺔ ..ﻭﺑﻘﺪﺭ ﻋﻠﻴﻬﺎ ﻭﺑﺼﺮﻓﺎ ..
ﻋﺪﻳﺖ ﻭﻣﺎ ﻗﺼﺮﺕ ﻓﻲ .. ﻫﺠﺮﻙ ﻭﻻ ﺻﺮﻓﺔ ﻏﻴﺮﻙ ﻋﺎﺭﻓﺎ ..
ﻭﻗﺪﺭ ﺟﻔﺎﻙ ﻧﺴﺎﻧﻲ ﻟﻴﻚ ... ﻟﻤﻊ ﺟﻴﻮﺑﻨﺎ ﻭﻧﻀﻔﺎ ..
ﻭﻛﺘﻴﻦ ﺑﻘﻴﺘﻲ ﻣﻌﺎﻧﺎ ﻓﻲ .. ﺍﻋﻤﺎﻕ ﺑﻄﻮﻧﺎ ﺍﻟﻤﺮﻫﻔﺔ ..
ﻻ ﻣﻨﻚ ﺍﺑﺘﺪﺕ ﺍﻟﺼﺤﻮﻥ .. ﻻﺑﻴﻚ أﻧﺘﻬﺖ ﺍﻟﺼﻮﺍﻧﻲ ﺍﻟﻤﺘﺮﻓﺔ ..
ﺟﻴﻌﺎﻥ ﺃﻧﺎ ﺃﺑﺪﺍ" ﻭصابر ... ﻋﻤﺮﻱ ﻣﺎﺿﻘﺖ ﺍﻟﻠﺤﻢ ..ﻭﻻ ﻛﺮﺷﻲ ﻓﻲ ﻳﻮﻡ ﺍﺗﻤﻠﺖ ...
ﻋﺎﻳﺶ ﺩﻭﺍﻡ ﺃﻧﺎ ﻓﻲ جحيم ..ﻭﺃﻧﺎ ﻋﻨﺪﻱ ﻟﻴﻚ ﻛﺎﻥ ﺍﻟﺼﺤﻦ ﺑﺎﻟﻠﺤﻤﺔ ﻛﻢ ﻗﺎﻟﻮﺍ ﺍﺗﺮﺩﻡ ...
ﻭﺃﻧﺎ ﺧﻮﻓﻲ ﻣﻦ ﺁﺧﺮ ﺍﻟﺸﻬﺮ .. ﻳﺼﺒﺢ ﻭﻫﻢ !!!ّ
ﺃﻫﻮ ﻧﺤﻨﺎ ﻭﺍﻟﺮﺍﺗﺐ ﺳﻮﺍ ...
ﻃﺎﻳﺮﻳﻦ ﻫﻮﺍ ﻣﺎﺷﻴﻦ ﻋﻠﻲ ﺍﻟﺒﻮﺵ السجم...
😂😂😂😂😂😂
|
|
 
|
|
|
|
|
| العنوان |
الكاتب |
Date |
 بوست الرغيفة الموحد .. حكاوي وطرائف السودانيين مع الغلاء | عمر التاج | 01-09-18, 06:55 PM |
| Re: بوست الرغيفة الموحد .. حكاوي وطرائف السودا | جلالدونا | 01-09-18, 06:59 PM |
| Re: بوست الرغيفة الموحد .. حكاوي وطرائف السودا | عمر التاج | 01-09-18, 07:11 PM |
| Re: بوست الرغيفة الموحد .. حكاوي وطرائف السودا | Frankly | 01-09-18, 07:28 PM |
 Re: بوست الرغيفة الموحد .. حكاوي وطرائف السودا | Asim Ali | 01-09-18, 07:54 PM |
| Re: بوست الرغيفة الموحد .. حكاوي وطرائف السودا | حمد عبد الغفار عمر | 01-09-18, 08:16 PM |
| Re: بوست الرغيفة الموحد .. حكاوي وطرائف السودا | وضاحة | 01-09-18, 08:29 PM |
| Re: بوست الرغيفة الموحد .. حكاوي وطرائف السودا | عمر التاج | 01-09-18, 09:21 PM |
| Re: بوست الرغيفة الموحد .. حكاوي وطرائف السودا | عمر التاج | 01-10-18, 06:57 AM |
| Re: بوست الرغيفة الموحد .. حكاوي وطرائف السودا | عمر التاج | 01-10-18, 10:59 AM |
| Re: بوست الرغيفة الموحد .. حكاوي وطرائف السودا | عمر التاج | 01-10-18, 11:24 AM |
| Re: بوست الرغيفة الموحد .. حكاوي وطرائف السودا | عمر التاج | 01-10-18, 02:46 PM |
| Re: بوست الرغيفة الموحد .. حكاوي وطرائف السودا | Arif Nashed | 01-10-18, 05:35 PM |
| Re: بوست الرغيفة الموحد .. حكاوي وطرائف السودا | جلالدونا | 01-10-18, 05:44 PM |
| Re: بوست الرغيفة الموحد .. حكاوي وطرائف السودا | عمر التاج | 01-10-18, 06:10 PM |
| Re: بوست الرغيفة الموحد .. حكاوي وطرائف السودا | عمر التاج | 01-10-18, 06:35 PM |
| Re: بوست الرغيفة الموحد .. حكاوي وطرائف السودا | عمر التاج | 01-10-18, 07:09 PM |
| Re: بوست الرغيفة الموحد .. حكاوي وطرائف السودا | عمر التاج | 01-11-18, 11:15 AM |
| Re: بوست الرغيفة الموحد .. حكاوي وطرائف السودا | عمر التاج | 01-11-18, 01:28 PM |
| Re: بوست الرغيفة الموحد .. حكاوي وطرائف السودا | Arif Nashed | 01-11-18, 01:29 PM |
| Re: بوست الرغيفة الموحد .. حكاوي وطرائف السودا | عمر التاج | 01-11-18, 08:45 PM |
| Re: بوست الرغيفة الموحد .. حكاوي وطرائف السودا | Arif Nashed | 01-12-18, 04:53 PM |
| Re: بوست الرغيفة الموحد .. حكاوي وطرائف السودا | عمر التاج | 01-13-18, 07:12 AM |
| Re: بوست الرغيفة الموحد .. حكاوي وطرائف السودا | عمر التاج | 01-13-18, 09:48 AM |
| Re: بوست الرغيفة الموحد .. حكاوي وطرائف السودا | عمر التاج | 01-13-18, 08:16 PM |
| Re: بوست الرغيفة الموحد .. حكاوي وطرائف السودا | هشام المجمر | 01-14-18, 01:24 PM |
| Re: بوست الرغيفة الموحد .. حكاوي وطرائف السودا | عمر التاج | 01-14-18, 01:56 PM |
| Re: بوست الرغيفة الموحد .. حكاوي وطرائف السودا | عمر التاج | 01-14-18, 09:54 PM |
| Re: بوست الرغيفة الموحد .. حكاوي وطرائف السودا | امتثال عبدالله | 01-15-18, 01:03 AM |
| Re: بوست الرغيفة الموحد .. حكاوي وطرائف السودا | عمر التاج | 01-15-18, 07:51 PM |
| Re: بوست الرغيفة الموحد .. حكاوي وطرائف السودا | عمر التاج | 01-28-18, 08:51 PM |
|
| |
عمر التاج
فيس بوك
تويتر
انستقرام
يوتيوب
بنتيريست