|
Re: شوربات من أرض القاش (Re: درديري كباشي)
|
عادات رمضانية أول عهدي بالغربة في أواخر التسعينات كان تقريبا قبل شهر رمضان بفترة وجيزة .. دخل شهر رمضان .. سعودي صديق أخونا الأكبر دعانا للإفطار .. ترددت في الأول لكن في النهاية مشيت ..أحضرت مائدة الإفطار كانت غريبة جدا بالنسبة لي بلح بالقشطة وبلح بالطحينة وعصير توت ولبن روب والمثلثات ديك سمبوكسة سمبوسة .و و و بس . كلها مواد بالنسبة لنا صادمة مع جوع الصيام أكلناها حتى اتملينا .. ذهبنا لصلاة المغرب وتفاجأنا بأن المضيف حولنا لغرفة تانية لتناول الدعوة الأصلية التي لم نكن نعلم بوجودها أصلا هو سماها العشاء .. يا عمنا نحن ما أكلنا ( وش أكلتوا هادا إفطار .) الحين العشا .. دخلنا جوة سفرة مختلفة الأكل الجد جد لحوم وشوربات ومشاوي . عرفنا أننا لبسنا مقلب إختلاف العادات .. نحن عندنا متعودين أنه صينية الأفطار كلها أمامك .. والغنم خلفك زي طارق بن زياد هههههههههه .. يا تاكلها كلها فورا قبل الصلاة يا تبيت القوى ..إفطار االشوارع .. بتنا ننظر اليها بحسرة وندم .. القشطة والطحينة قفلوا كل المنافذ .. تعلمت من هذه التجربة وسريتها في نفسي .. أول ما اشتغلت مع أول رمضان بعد العمل دعانا صاحب العمل ومعي عدد من الزملاء السودانيين الجدد .. نفس الترتيب احضرت العجوة والقشطة والطحينة والسبوكسة .. والمضيف شابكنا ليك ( سموا يا جماعة سموا .. ابو محمد سمي ) أنا اتغاتت على الزملاء ما وريتهم شئ عن المستخبي .. فقط أعتذر واكرر اعتذراي كل ما قال لي المضيف سمي ... ( لا الحمد لله يا شيخ جزاك الله خيرا ) وأصحابي مغيوظين مني ( يا أبو الدر ياخ ما تاكل أحرجتنا مع الراجل ياخ ) ههههههههه لا لا لا لا أكلوا أنتوا يا أولادي .. هم اتملوا بالقشطة والطحينة والبلح وقفوا لمبة .. رحنا الصلاة ثم عدنا للأكل الجد الما خمج . يلا يا جماعة تعالوا للعشا . هم قالوا ( عشا ؟؟ ) وبدو يتلفتوا لبعض .. آآآي عشا ما سمعتوها ولا شنو ؟؟ يلا تعال شوف واقفين يعاينوا للحوم بغيظ وحسرة وأنا وحدي الهط كل ما رفعت رأسي أراهم ينظرون إلي بغيظ يكاد يقتلهم .. وأنا أكاد انفجر بالضحك . ما قلت ما عندك نفس ؟؟.. متين قاولتكم . خلاص النفس جاتني المشكلة شنو ..؟؟ ياخ أنت غتيت غتاتة ما كان تورينا .. يلا ماعندكم نصيب ..أنا المقلب دا شربته زمان فلازم تشربوه .. بالهنا هههههههههههههههه
|
|
|
|
|
|
|
العنوان |
الكاتب |
Date |
شوربات من أرض القاش | درديري كباشي | 05-04-17, 09:38 AM |
Re: شوربات من أرض القاش | درديري كباشي | 05-04-17, 09:40 AM |
Re: شوربات من أرض القاش | درديري كباشي | 05-04-17, 09:41 AM |
Re: شوربات من أرض القاش | علي محمد الفكي | 05-04-17, 10:54 AM |
Re: شوربات من أرض القاش | Saifelyazal Elmaki | 05-04-17, 11:37 AM |
Re: شوربات من أرض القاش | ادريس خليفة علم الهدي | 05-04-17, 11:56 AM |
Re: شوربات من أرض القاش | حسن محمد عمر | 05-04-17, 02:29 PM |
Re: شوربات من أرض القاش | درديري كباشي | 05-04-17, 02:50 PM |
Re: شوربات من أرض القاش | درديري كباشي | 05-04-17, 03:32 PM |
Re: شوربات من أرض القاش | درديري كباشي | 05-07-17, 09:13 AM |
Re: شوربات من أرض القاش | درديري كباشي | 05-09-17, 06:27 AM |
|
|
|