02:00 PM February, 15 2017 سودانيز اون لاين د.محمد حسن- مكتبتى رابط مختصراحيانا كثيرا ما اسال نفسي من يستحمر المؤتمر الوطني ؟ هل يستحمر قيادات الاحزاب ام يستحمرنا نحن معشر الشعب السوداني الفضل جاء في الاخبار ان التعديلات الدستورية ستعرض على علماء السودان لكي يصدرو فيها فتوى طيب علماء السودان الافاضل ديل مش كانو جزء من الحوار ومش شاركو في التوصيات والتي انبثقت منها التعديلات؟ طيب الافتاء لماذا؟ دي بديهية خلتني افكر مين الطفا النور عن هذا البلد الذي كان مليون ميل مربع فعاش في الظلام 27 عاما طيب يا محمد ما تفكر كتير كدي شغل مخك وادلف للنتايج بما انو احمد وحاج احمد واحد وبما انو علماء السودان من المؤتمر الوطني والمؤتمر الوطني هو وعاء علماء السودان نضع فرضية انو علماء السودان افتو بحرمة التعديلات اذن زي ماقال الرئيس تعديلاتكم دي موصووووووووها وبكده يكون الناس القاعدين في الكراسي منتظرين الصبحية احسن ليهم يمشو ويخلو صبية المؤتمر الوطني يلمو الكراسي ونبدا تاني مرحلة جديدة بتاعة معارضة فاشلة وتحالفات فاشلة وتصريحات كنق الدجاج العاقرصوت بلا بيض ونكتفي ببيوض النخيل
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
د.محمد حسن
فيس بوك
تويتر
انستقرام
يوتيوب
بنتيريست