|
|
 Re: نشرة فحيح الافاعي اعلان بداية الصراع داخل (Re: Basamat Alsheikh)
|
مع تمام العلم أن الشيوعيين السودانيين بشر عاديين
يأكلون الطعام ويمشون في الأسواق
وممكن أن يفسد بعضهم
إلا أن كثير مما ورد هنا يدعو للريبة
وأفصل
1/ بقرأ في أدب الشيوعيين منذ أمد بعيد، في شوية عبارات وكلمات هنا ما بتشبهم نهائيا
مثل:
"ان الشعب السوداني عندما استجاب لبرامج الحزب الشيوعي عبر تاريخه "
الشيوعيين رغم قناعتهم التامة أن في برنامجهم أو "برامجهم" خير للشعب السوداني
إلا انهم يوم واحد ما أصابتهم لعنة "تصديق كذبة" أن الشعب إستجاب ليهم
وما سمعتهم يوم واحد يقولوا كلام زي :
"مصمم علي اخلاق مغلقة أمام عاتيات الفساد والإفساد"
ما بقولوا مصمم "دي أول مرة أسمع شيوعي يقولها"
بيقولوا التربية الشيوعيية
وما بيجيبوا سيرة عاتيات الفساد والإفساد
ما في زول بيدخل ليه حزب معارض وشيوعي
بحثا عن الفساد
الفساد بيباري السلطة
والداير الفساد ديك السلطة ترحب بالمفسدين حتي ولو كانوا شيوعيين
في العالم دا في شيوعيين في السلطة (في الصين وكويا وكوريا الشمالية) ومفسدين
لكن في المعارضة ومفسدين ؟؟؟؟ كترتوا المحلبية
والزول الما بيعرف الفرق بين الحاجات دي
ما عنده علاقة ب"الحتة دي" نهائيا
عاين لجنس دا
"إلان تكشفت أوراق مراكز القوي داخل حزب الطبقة العاملة"
لحدي الآن المعارضين في الحزب الشيوعي
يقولون عن الآخرين "المسيطرين" ،
التيار التصفوي وأحيانا التيار اليميني التصوفي
مراكز قوي؟؟؟ دا برضو ما كلام شيوعيين
"اصبحت المحاصصة العرقية تضرب اركان الحداثة في الحزب"
أول مرة أسمع بحكاية محاصصة عرقية
وأول مرة الشيوعيين يجيبوا سيرة أركان حداثة وهم خايفيين عليها كمان !!!!!
شوف دي
"مع الاهتمام بالتراث الوطني"
العبارة الدارجة في (الحتة دي) هي:
التراث الشعبي السوداني
أو التراث الشعبي
وعن الفساد جاء
"تعود قصة الاستثمارات في اليونان الي ان الحزب الشيوعي أنشأ مطبعة حديثة بآلاف الدولارات واسندت إدارتها الي عضو اللجنة المركزية السيد فتحي فضل ،الذي قام ببيع أصول الاستثمار ووضع كل المبلغ في جيبه ،كونت لجنه قامت بفصل السيد فتحي فضل عن الحزب الشيوعي الا ان مراكز القوي اعادوه للحزب و هو في انتظار أن يسند له مشروع استثماري"
أول حاجة فتحي فضل ما مقيم في اليونان عشان يتسجل المشروع بإسمه ويبيعه كمان
ولا الشيوعيين الفي اليونان ساهلين وجاهلين بالبزنس لدرجة أن يوكلوا إدارته لفتحي فضل
(هم ذاتهم لمن كانوا في السودانيين كانوا ناس بزنس
وتعلم السودانيون كتير من البزنس من اليونانيين)
وعاني لجنس دا
"القضية فيها عماله لمخابرات دولة التشكيك"
الشيوعيين (وحتي ولو كانوا معارضة داخل الحزب)
أبدا من بيسموا تعاملهم مع الدول الإشتراكية "السابقة أو الحالية"
عمالة وكمان لمخابرات !!!!
وشوف دا
"قصة الفساد الأخيره فيها عبر فقد استثمر الحزب في العقارات وقام بشراء عدد من المنازل وسجلت باسم المرحوم خضر سعيد والد الدكتور الشفيع خضر سعيد وهو في سرير الموت"
خضر سعيد الله يرحمه مات منذ أكثر من أربعين عاما
(والعارف مات متين يصححني)
فكيف تكون دي قصة فساد أخيرة ؟؟؟؟؟
ما شايفين التلفيق باين وواضح ؟؟؟؟
وهل هذا هو كل فساد الشيوعيين وفي كل تاريخهم ؟؟؟؟
معقولة بس
"هذا هو واقع الحزب ، فساد يضرب كل اركانه"
زول عاقل وشغال سياسية يجيب ثلاثة أمثلة
ثم يستنتج أن الفساد يضرب كل أركانه ؟؟؟
لا كان كدا الشيوعيين ديل عفيفين ونزيهين خلاص
"فضح علاقة فرع الحزب الشيوعي بالأمن السعودي منذ* *بداية التسعينات عندما أصبح الزملاء في* *الحزب مرشدين لجهاز الأمن السعودي للتبليغ عن ألمقيمين السودانيين المتهمين بالانتماء للجبهه الإسلامية مما ادي لإنهاء عقود مئات السودانيين* *في ندالة وخسة* *ووضاعة لاتشبه اخلاق وقيم ود البلد الأصيل* *الذين قاموا بهذا* السلوك هم غير جديرين بالانتماء للحزب وقد اصبحوا غواصات معتمدة لدي الامن السعودي سلموهم"
معقولة بس ؟؟؟ الأمن السعودي يجيب معلوماته عن الأخوان المسلمين من الشيوعيين ؟؟؟
والأمن السعودي يتعامل مع الأخوان منذ ستينات القرن الماضي؟؟؟؟؟
ويوم واحد سمعت بالامن السعودي إعتقل أخوان مسلمين
أو أبعدهم عن المملكة ؟؟؟؟
ما لحدي هسع بيعتقلوا ويبعدوا في المعارضين من يساريين وغيرهم!!!
(بل بالعكس التبليغ عن الشوعيين السودانيين في السعودية كان قد إبتدره الاخوان المسلمين
في ستينات وسبعينات القرن الماضي وأبعد عدد من المعلمين بينهم المرحوم عبد المنعم سليمان)
ومعقولة بس في شيوعي في المملكة السعودية يقول لناس الأمن أنا شيوعي
ولا حتي يجي بجنبهم ؟؟؟؟؟؟
ممكن تقولوا الشيوعيين في إنجلترا مثلا
يبلغون عن الأخوان المسلمين
مبلوعة
ودي الفقرة البتوضح أن هناك تزويرا خطيرا يجري
"ﺳﻤﺢ ﺍﻟﺤﺰﺏ ﺍﻟﺸﻴﻮﻋﻲ ﺍﻟﺴﻮﺩﺍﻧﻲ ﻟﻜﻮﺍﺩﺭﻩ ﺑﻤﻤﺎﺭﺳﺔ ( ﺍﻟﻔﻬﻠﻮﺓ ) ﻟﺠﻤﻊ ﺍﻻﻣﻮﺍﻝ ﻣﻦ ﺍﻟﻤﻨﻈﻤﺎﺕ ﺍﻟﺪﻭﻟﻴﺔ ﻭﺍﻟﺼﻬﻴﻮﻧﻴﺔ ﺑﺪﻋﻮﻱ ﻣﻌﺎﺭﺿﺔ ﺍﻟﻨﻈﺎﻡ ﺩﻭﻥ ﺍﻟﻨﻈﺮ ﻷﻱ ﻗﻴﻢ ﺍﺧﻼﻗﻴﺔ ﺃﻭ ﺍﺟﺘﻤﺎﻋﻴﺔ ﻓﺎﻧﺸﺎﺕ ﺍﻟﻤﺮﺍﻛﺰ ﺍﻟﻤﺠﺘﻤﻌﻴﺔ ﺍﻟﺘﻲ ﺗﺤﻮﻟﺖ ﺑﻴﻦ ﻟﻴﻠﺔ ﻭ ﺿﺤﺎﻫﺎ ﺍﻟﻲ ﺷﺮﻛﺎﺕ ﻟﻠﺘﻜﺴﺐ ﻭ ﺳﺮﻗﺔ ﺍﻻﻣﻮﺍﻝ ﻣﻘﺎﺑﻞ ﺗﺰﻭﻳﺮ ﻟﻠﺘﻘﺎﺭﻳﺮ ﻭﺗﺪﺑﻴﺞ ﻭﻓﺒﺮﻛﺔ ﻟﻠﺪﺭﺍﺳﺎﺕ ﻋﻦ ﺍﻹﺭﻫﺎﺏ ﻭﺍﻟﻔﻘﺮ ﻭﺍﻟﺘﻌﺬﻳﺐ ﻭﺍﻟﺮﻕ ﺍﻟﺬﻱ ﻳﻤﺎﺭﺳﺔ ﻧﻈﺎﻡ ﺍﻟﺠﺒﻬﺔ ﺍﻻﺳﻼﻣﻴﺔ ﻓﻲ ﺍﻟﺴﻮﺩﺍﻥ ، ﻣﻊ ﻭﺟﻮﺩ ﺍﺗﻔﺎﻕ ﻟﻬﺬﻩ ﺍﻟﻮﺍﺟﻬﺎﺕ ﻣﻊ ﻗﻴﺎﺩﺓ ﺍﻟﺤﺰﺏ ﺍﻟﺸﻴﻮﻋﻲ ﺑﺄﻥ ﺗﻜﻮﻥ ﻟﻪ ﻧﺴﺒﺔ ﻓﻲ ﻋﺎﺋﺪ ﻫﺬﻩ ﺍﻟﻤﺮﺍﻛﺰ ﻣﻤﺎ ﺍﺩﻱ ﺍﻟﻲ ﺗﺤﻮﻝ ﻣﺪﺭﺍﺀ ﻫﺬﻩ ﺍﻟﻤﺮﺍﻛﺰ ﻟﻮﻛﻼﺀ ﻷﺟﻬﺰﺓ ﺍﻟﻤﺨﺎﺑﺮﺍﺕ ﺍﻟﻐﺮﺑﻴﺔ ﻭﺑﺎﻟﺘﺎﻟﻲ ﺍﺻﺒﺤﻮﺍ ﺃﺑﺎﻃﺮﺓ ﻳﻤﺘﻠﻜﻮﻥ ﺍﻟﻔﻠﻞ ﻭﺍﻟﻘﺼﻮﺭ ﺍﻟﻀﺨﻤﺔ ﻓﻲ ﺍﻟﺨﺮﻃﻮﻡ ﻭﺍﻟﻘﺎﻫﺮﺓ ﻭﻟﻨﺪﻥ ﻭﺗﻀﺨﻤﺖ ﺫﻭﺍﺗﻬﻢ ﻣﻤﺎ ﺍﺩﻱ ﺍﻟﻲ ﺍﺫﺩﻳﺎﺩ ﺗﺄﺛﻴﺮﻫﻢ ﻋﻠﻲ ﻗﺮﺍﺭﺍﺕ ﺍﻟﺤﺰﺏ "
الشيوعيين في تاريخهم ما قالوا أن هذه المنظمات "واجهات "
هذا بالضبط ما يقوله أعداءهم عنهم
الحزب الشيوعي بيقول أنها منظمات جماهيرية وينصح أعضاءه بالعمل فيها
(زي النقابات والهيئات والاندية وكدا)
ويحذرهم تماما ان تحول هذه المنظمات لواجهة حزبية
(ودي حاجات منصوص عليها فيه لائحة الحزب)
وطوالي دخلتوا فيها منظمات صهيونية كمان ؟؟؟
ولحدي الآن ناسوا الحكومة فقط هم من يقولون
أن منظمات حقوق الإنسان هم منظمات صهيونية
فأن يردد شيوعيين (حتي ولو كانوا معارضين لقيادتهم )
نفس الكلام ونفس الفرية
فدي حاجة غريبة جدا جدا
وكيف بالله أن تكون المقدمة
"ﺗﻔﺎﻕ ﻟﻬﺬﻩ ﺍﻟﻮﺍﺟﻬﺎﺕ ﻣﻊ ﻗﻴﺎﺩﺓ ﺍﻟﺤﺰﺏ ﺍﻟﺸﻴﻮﻋﻲ ﺑﺄﻥ ﺗﻜﻮﻥ ﻟﻪ ﻧﺴﺒﺔ ﻓﻲ ﻋﺎﺋﺪ ﻫﺬﻩ ﺍﻟﻤﺮﺍﻛﺰ "
وتكون النتيجة
"ﻣﻤﺎ ﺍﺩﻱ ﺍﻟﻲ ﺗﺤﻮﻝ ﻣﺪﺭﺍﺀ ﻫﺬﻩ ﺍﻟﻤﺮﺍﻛﺰ ﻟﻮﻛﻼﺀ ﻷﺟﻬﺰﺓ ﺍﻟﻤﺨﺎﺑﺮﺍﺕ ﺍﻟﻐﺮﺑﻴﺔ"
ديل لايقتوهم مع بعض كيف؟؟؟؟؟؟
وشوف دي
"ﻣﻊ ﺗﻐﻴﻴﺐ ﺍﻟﻘﻴﺎﺩﺍﺕ ﺍﻟﺸﻴﻮﻋﻴﺔ ﺫﺍﺕ ﺍﻟﻨﺨﻮﺓ ﺍﻟﻮﻃﻨﻴﺔ ﻣﻦ ﻫﺬﻩ ﺍﻟﻤﻠﻔﺎﺕ"
ما سمعنا الشيوعيين يتكلمون عن "نخوة وطنية"
بيتكلموا كتير "في الحتة" عن الوعي الطبقي "والوطني " ومعاداة الإمبريالية والإستعمار
لكن نخوة دي في كلامهم مافي
(يعني دا ما الروندوك بتاعهم)
فاهمني يا حبة؟؟؟
وعاين لدي
"ﺣﺬﺭﻧﺎ ﺍﻟﺰﻣﻼﺀ ﺑﻔﺮﻉ ﺍﻟﺮﺍﺷﺪ ( ﻓﺮﻉ ﺍﻟﺤﺰﺏ ﺍﻟﺸﻴﻮﻋﻲ ﺑﺒﻼﺩ ﺍﻟﺤﺮﻣﻴﻦ ﺍﻟﺸﺮﻳﻔﻴﻦ ) ﺑﺄﻥ ﻳﻮﻗﻔﻮﺍ ﺩﻓﻊ ﺍﻻﺷﺘﺮﺍﻛﺎﺕ ﺍﻟﺸﻬﺮﻳﺔ ﻭﺍﻻ ﺳﻨﻨﺸﺮ ﺃﺳﻤﺎﺀ ﺍﻟﻤﻠﺘﺰﻣﻴﻦ ﺑﺎﻟﺪﻓﻊ"
ينشروها عشان يعرفها منو؟؟؟؟
ناس الأمن ؟؟؟؟؟
ديل شيوعيين شنوا ديل الدايريين يبلغوا ناس الأمن بأسماء شيوعيين تانيين
حتي ولو إختلفوا معاهم إختلافا جذريا ؟؟؟؟؟؟
وشوف المحن دي
"ﺍﻟﻔﺴﺎﺩ ﺍﻟﻤﺎﻟﻲ ﻓﻲ ﺍﻟﻤﻨﻈﻤﺔ ﺍﻟﺴﻮﺩﺍﻧﻴﺔ ﻟﻤﻨﺎﻫﻀﺔ ﺍﻟﺘﻌﺬﻳﺐ .* * ﺍﻟﻤﻨﻈﻤﺔ ﻛﻤﺎ ﻫﻮ ﻣﻌﻠﻮﻡ ﻫﻲ ﻭﺍﺟﻬﺔ ﺗﻨﻈﻴﻤﻴﺔ ﻻﻧﺸﻄﺔ ﺍﻟﺤﺰﺏ ﺍﻟﺸﻴﻮﻋﻲ ﺍﻟﺴﻮﺩﺍﻧﻲ ﺍﻟﺴﻴﺎﺳﻴﺔ ﺍﺳﺘﻐﻠﺘﻬﺎ ﻣﻦ ﺃﺟﻞ ﺇﺳﻘﺎﻁ ﺣﻜﻮﻣﺔ ﺍﻟﺠﺒﻬﻪ ﺍﻻﺳﻼﻣﻴﺔ"
شيوعيين يقولون وبالواضح أن هذه المنظمة أو تلك هي واجهة وكمان تنظيمية
ممكن تكون واجهة سياسية، إجتماعية، أو حتي إقتصادية
لكن تكون واجهة تنظيمية ؟؟؟؟
ياتو شيوعيين (مهما بلغوا من الجهل والحقد علي حزبهم )
يقولوا أن المنظمة السودانية لمناهضة التعذيب هي واجهة تنظيمية للحزب !!!!!
في عمله التنظيمي بالذات يمارس الحزب الشيوعي أقصي درجات السرية
(وهذا بدهي لأنه دا عمل داخلي وفيه قدر من الأسرار)
ولكن كل الانشطة التانية والتي يكثر فيها الأحتكاك بالناس (الما شيوعيين)
فالسرية صعبة جدا
ولا أظنها مطلوبة شديد
وعاين لجنس دا
"ﻭﻓﻲ ﻧﻔﺲ ﺍﻟﻮﻗﺖ ﻭﺳﻴﻠﺔ ﻟﺨﺪﺍﻉ ﺍﻟﻤﻨﻈﻤﺎﺕ ﺍﻟﺤﻘﻮﻗﻴﺔ ﺍﻟﺪﻭﻟﻴﺔ ﻟﺠﻨﻲ ﺍﻻﻣﻮﺍﻝ ﻣﻨﻬﺎ"
ناس معارضين للسلطة
لموا فيهم ناس الأمن عذبوهم عذابا شديدا في بيوت الاشباح سيئة السمعة
طلعوا من السجن فكروا يعملوا منظمة عشان توقف التعذيب للمعتقلين السياسين
يلموا فيهم شيوعييين تانيين
(قطع شك بكونوا ما إتعذبوا، مع العلم بأنه ما في شيوعي ما إتعذب وصمد صمودا أسطوريا ...
رجالة ناس الحركة الإسلامية ما سمعوا بيها)
يقولوا عنهم أن منظمتكم هذه وسيلة لخداع المنظمات الحقوقية الدولية ؟؟؟؟
مش كان أسهل وأرحم يقولوا لناس الحكومة الديكتاتورية:
أها مش الشيوعية دي؟؟؟ خليناها أها حتدفعوا كم ؟؟؟؟
ومن ثم تفتح لهم الحزائن
(هو الحزائن فتحوها لناس البلال والدقير الحماهيرهم ما تملا ركشة خليك من الشيوعيين بعبع الديكتاتورية الإسلامية التاريخي)
"ﻓﻘﺎﺩﺓ ﻫﺬﻩ ﺍﻟﻤﻨﻈﻤﺔ ﺍﺻﺒﺤﻮﺍ ﻣﻦ ﺃﻏﻨﻴﺎﺀ ﻭﺍﺑﺎﻃﺮﺓ ﺍﻟﺤﺰﺏ ﺍﻟﺸﻴﻮﻋﻲ ﻳﺠﺮﻱ ﻋﻠﻲ ﺃﻳﺪﻳﻬﻢ ﺍﻟﻤﺎﻝ ﺍﻟﻤﻠﻮﺙ ﺑﺂﻻﻡ ﺍﻟﺠﻮﻋﻰ ﻭﻭﻳﻼﺕ ﺍﻟﻔﻘﺮ"
هسع الدخل الجوعي والفقرا هنا شنو؟؟؟
لا الأموال شايلنها من فقرا وجوعي
ولا ماشة لفقرا وجوعي
الدفع القروش عارفها ماشه لضحايا التعذيب
دي ما قروش إغاثة
ممكن يتقال الكلام دا عن الزكاة
التي تجمع من الأغنياء
وتوزع للفقراء والمساكين وأبناء السبيل والغارمين وفي الرقاب
وشوف ناس الحكومة فسدوا قدر كيف في أموال الزكاة
(والزكاة ركن من أركان الإسلام الذي بإسمه يحكمون ويفسدون )
وشوف الشيوعيين المعارضين لحزبهم دخلوا دارفور في خطابهم كيف ؟؟؟
"ﻭﺍﻥ ﻛﺎﻧﺖ ﻣﺨﻄﻮﻓﺔ ﻣﻦ ﺍﻓﻮﺍﻩ ﺍﻃﻔﺎﻝ ﺩﺍﺭﻓﻮﺭ ﺍﻟﺠﻮﻋﻲ ﺃﻭ ﻧﺘﺎﺝ ﺍﻟﺼﻤﺖ ﻋﻠﻲ ﺍﻟﺴﺮﻗﺎﺕ ﺍﻟﺘﻲ ﻳﻤﺎﺭﺳﻬﺎ ﺳﺎﺭﻗﻲ ﻗﻮﺕ ﺍﻃﻔﺎﻝ ﺩﺍﺭﻓﻮﺭ "
أشرحوا لينا كيف تكون قروش لمنظمة ضحايا التعذيب مخطوفة من أفواه أطفال دارفور ؟؟؟؟؟
عاين لدا
"ﻧﺴﺒﺔ %8 ﻣﻦ ﺍﻷﻣﻮﺍﻝ ﻟﺪﻋﻢ ﻣﺎﻟﻴﺔ ﺍﻟﺤﺰﺏ ﺍﻟﺸﻴﻮﻋﻲ ﻭﺍﻟﻤﺆﺳﻒ ﺍﻥ ﻫﺬﻩ ﺍﻟﻨﺴﺒﺔ ﻧﻔﺴﻬﺎ ﻻ ﺗﺬﻫﺐ ﻟﻤﺎﻟﻴﺔ ﺍﻟﺤﺰﺏ ﺍﺫ ﻳﺴﺘﻮﺭﺩ ﺑﻬﺎ ﻋﻀﻮ ﺍﻟﻠﺠﻨﺔ ﺍﻟﻤﺮﻛﺰﻳﺔ ( ﺱ ﺡ ) ﻛﻤﻴﺔ ﻣﻦ ﺍﻟﻮﺳﻜﻲ"
هل إستيراد الوسكي في السودان فتحوه ونحن ما عارفين ؟؟؟؟؟
مش قلنا ليكم يا ناس امن الديكتاتورية
إنكم بليدين في الكضب
(مش لأنكم ما بتعرفوا تكضبوا)
لكن لأنكم ما دايرين تجتهدوا
يدوكم القروش دي كلها
(ميزانية الأمن أكثر بعشرات المرات من ميزانية صحة تعليم وزراعة وبيطرة كل السودان)
ومع ذلك فهذا حصادكم
|
|
 
|
|
|
|
|
| العنوان |
الكاتب |
Date |
| نشرة فحيح الافاعي اعلان بداية الصراع داخل الحزب الشيوعي السوداني (1-100) | بدر الدين اسحاق احمد | 02-10-17, 09:24 PM |
| Re: نشرة فحيح الافاعي اعلان بداية الصراع داخل | بدر الدين اسحاق احمد | 02-10-17, 09:57 PM |
| Re: نشرة فحيح الافاعي اعلان بداية الصراع داخل | بدر الدين اسحاق احمد | 02-10-17, 10:22 PM |
| Re: نشرة فحيح الافاعي اعلان بداية الصراع داخل | بدر الدين اسحاق احمد | 02-10-17, 10:29 PM |
| Re: نشرة فحيح الافاعي اعلان بداية الصراع داخل | بهاء بكري | 02-11-17, 08:39 AM |
| Re: نشرة فحيح الافاعي اعلان بداية الصراع داخل | بهاء بكري | 02-11-17, 09:05 AM |
| Re: نشرة فحيح الافاعي اعلان بداية الصراع داخل | بدر الدين اسحاق احمد | 02-11-17, 12:33 PM |
| Re: نشرة فحيح الافاعي اعلان بداية الصراع داخل | Basamat Alsheikh | 02-11-17, 02:52 PM |
| Re: نشرة فحيح الافاعي اعلان بداية الصراع داخل | Nasr | 02-11-17, 08:15 PM |
| Re: نشرة فحيح الافاعي اعلان بداية الصراع داخل | بدر الدين اسحاق احمد | 02-11-17, 09:45 PM |
| Re: نشرة فحيح الافاعي اعلان بداية الصراع داخل | كمال عباس | 02-11-17, 11:38 PM |
| Re: نشرة فحيح الافاعي اعلان بداية الصراع داخل | علي دفع الله | 02-12-17, 06:19 AM |
| Re: نشرة فحيح الافاعي اعلان بداية الصراع داخل | علي دفع الله | 02-12-17, 07:51 PM |
| Re: نشرة فحيح الافاعي اعلان بداية الصراع داخل | بدر الدين اسحاق احمد | 02-12-17, 10:02 PM |
| Re: نشرة فحيح الافاعي اعلان بداية الصراع داخل | علي دفع الله | 02-13-17, 09:07 PM |
| Re: نشرة فحيح الافاعي اعلان بداية الصراع داخل | بدر الدين اسحاق احمد | 02-13-17, 09:52 PM |
| Re: نشرة فحيح الافاعي اعلان بداية الصراع داخل | علي دفع الله | 02-13-17, 09:59 PM |
| Re: نشرة فحيح الافاعي اعلان بداية الصراع داخل | Nasr | 02-15-17, 07:12 PM |
| Re: نشرة فحيح الافاعي اعلان بداية الصراع داخل | علي دفع الله | 02-15-17, 07:40 PM |
| Re: نشرة فحيح الافاعي اعلان بداية الصراع داخل | بدر الدين اسحاق احمد | 02-17-17, 09:51 PM |
| Re: نشرة فحيح الافاعي اعلان بداية الصراع داخل | بدر الدين اسحاق احمد | 02-17-17, 09:56 PM |
| Re: نشرة فحيح الافاعي اعلان بداية الصراع داخل | بدر الدين اسحاق احمد | 02-17-17, 10:00 PM |
| Re: نشرة فحيح الافاعي اعلان بداية الصراع داخل | Adil Isaac | 02-18-17, 05:05 PM |
| Re: نشرة فحيح الافاعي اعلان بداية الصراع داخل | Nasr | 02-18-17, 07:08 PM |
| Re: نشرة فحيح الافاعي اعلان بداية الصراع داخل | بدر الدين اسحاق احمد | 02-19-17, 10:20 PM |
| Re: نشرة فحيح الافاعي اعلان بداية الصراع داخل | Abd Alla Elhabib | 02-19-17, 11:43 PM |
| Re: نشرة فحيح الافاعي اعلان بداية الصراع داخل | بدر الدين اسحاق احمد | 02-21-17, 10:22 AM |
| Re: نشرة فحيح الافاعي اعلان بداية الصراع داخل | بدر الدين اسحاق احمد | 02-21-17, 10:24 AM |
| Re: نشرة فحيح الافاعي اعلان بداية الصراع داخل | عمر صديق | 02-22-17, 04:45 PM |
| Re: نشرة فحيح الافاعي اعلان بداية الصراع داخل | Osama Mohammed | 02-22-17, 05:36 PM |
| Re: نشرة فحيح الافاعي اعلان بداية الصراع داخل | Nasr | 02-22-17, 05:56 PM |
|
| |
Nasr
فيس بوك
تويتر
انستقرام
يوتيوب
بنتيريست