|
Re: حوار الأرزاق (Re: درديري كباشي)
|
حوار الأرزاق 56 بعد أن أنفض العمال موزعين ناحية أعمالهم .. تتبعهم حواراتهم الهامسة .. الممتعضة والمدافعة عن قرار صاحب الورشة بترويس الفاتح عليهم وهو لم يكمل اسبوعا واحدا حتى الآن . ( زول جانا أمس يبقى مدير علينا كيف ؟ .. ما قال ليك ولد خاله يا عطوة .. ولد خاله بتاع شنو دا علينا نحن .. هو ولد خاله كان وين زمان؟ .. ما كان في الجامعة .. حتى لو كان في الجامعة ما شفناه أيام كان طالب ولا حتى جده دا ما جا زارنا ليه ؟ .. يمكن كان يقرا بر السودان .. بعدين الراجل حر مش ورشته خليه يعين اليعينه ..أنت شريكه ؟.. كيف نحن الورشة دي أسسناها معاه .. ياخ من عمرنا عشرة سنوات .. هسع ما بقينا زي الشركاء ؟ .. أنت براك قلتها بنفسك أنت من عمرك عشرة سنوات يعني ما قريت أي حاجة من تالتة ابتدائي حايم في الصناعية عايز تقارن نفسك بمهندس جامعي ؟.. في النهاية المهندس بعد قرايته دي كلها مش حا يشتغل نفش الشغل النحن شغالين فيه ؟ .. ياخ سنة واحدة في الجامعة تعادل خمسة سنوات من حوامتك في الصناعية دي .. يلا ضربها شوف الزول دا فايتك بكم سنة .. وأنت جبت الأرقام دي من وين؟ .. ياخي سمعت بها اعتبرها ثقافة ساي .. وبعدين بطل الحسد والغل دا .. أنت لو ما عاجبك الورش كتيرة كلها ممكن تشغلك . ياخ ما ننق أصل الواحد ما يفش غله معاكم ؟.. تجر واطي مالك ما كان تواصل في نقتك ..) وفي مكتب عم الزين . - تعال يا الفاتح ولدي معليش أنا ما أديتك فرصة أو خيار أنت قلت عاوز فترة تفكر .. لكن زي ما عارف أنا حالتي الصحية ما مستقرة أخاف أرقد رقدة طويلة والشغل يفلت مننا ما أكون ضغطت عليك بحكاية إدارة الورشة دي؟ . - ما عليك يا عم الزين بس انشاء الله أكون قدر الثقة دي وأنت ربنا يديك الصحة وترجع زي أول . - طيب خلاص أنا حا أقضي معاك اليوم في الورشة أشرح كل الملفات بتاعة الرخص وكشف مرتبات العاملين وحقوقهم . ونظام إجازاتهم السنوية .. والعمل الأضافي الأوفر تايم يتحسب كيف ومنو اليستحق . ومتين ندفع للميكنيكي نصف مصنعية العربية إذا صلح عربية ميئوس منها مثلا زي حالتك الأولى بتاعة البستن .. وكل شئ عايز تسأل منه اسألني .. وقف الفاتح يتامل في الملفات ولاحظ في الدرج وجود اسطوانات ( سي ديهات ) - السي ديهات دي بتاعة شنو يا عم الزين .؟ - السي ديهات دي هداها لي واحد ميكانيكي شاطر كان شغال معاي أغترب في السعودية واشتغل في وكالة التيوتا .. وقال لي فيها قطع غيار وفيديوهات تشغيل موديلات التيوتا المختلفة .. كل موديل يجيبوه تجي معه فيديوهات تشرح التركيب والتشغيل بتاع الموديل والتصميم . - ياخ دي حاجة جميلة خلاص ومهمة شديد . - خذها لو لازماك لكن أنا أصلا ما حصل فتحتها ولا شفت الفيها .. ما فضيت لها . أخذ الفاتح الاسطوانات بفرح طفولي وهو يتأمل في أغلفتها بإعجاب . يقطع الحوار أحد الميكانيكية .. - يا عم الزين اللاندكروزر بعد ما وضبناه وقفلناه ( عصلج ) أبى يدور .. فحصناه أكثر من مرة وحسين قال ننادي ليه خالد سجارة . رفع عم الزين رأسه ينظر للفاتح بتساؤل بين .. هو يعرف أن رأيه سيكون مختلف تماما بعد أن يعرف الموضوع ومن هو خالد سجارة هذا . رد لصبي الميكانيكي قائلا : خليها ما تعملوا أي حاجة أنا بجيكم بعد شوية . - خالد سجارة دا منو يا عم الزين ؟ - دا ميكانيكي شاطر جدا وحر ما منتسب لأي ورشة .. لكن أي عربية تعصلج ما عرفوا يشغلوها يعني .. ناس الورش يتصلوا عليه يجي يحل المشكلة ويأخد عادة نص المصنعية .. عندو موتر ولافي الصناعية . يتصلوا عليه تلفون يحدد موعد إذا فاضي بيجي فورا ..إذا مشغول يحدد لك موعد يمكن يكون يوم أو يومين . - دا كلام شنو يا عم الزين ومال الميكنيكة دي خبرتهم بعشرات السنين اليخليهم شنو ما يعرفوا يشغلوا عربية بعد ما يوضبوها . - هي حالات نادره ما بتحصل كثير لكن كمان لامن تحصل ما عندها حل غير خالد سجارة دا . - وينجح فعلا . - الحق يقال نحن جبناه خلال سنتين زي خمسة مرات ما حصل عصلجت معاه عربية كلهن شغلن ما شاء الله عليه . - وليه مسمنه خالد سجارة ؟ . - والله بصراحة هو بتاع مخدرات ( بنقو ) يلف سجارته دي عادي في الصناعية وبعد داك يقوم على العربية . نظر الفاتح ناحية عم الزين باندهاش أخرس لسانه تماما دون أن ينطق . - أها رأيك شنو يا الفاتح نخليهم ينادوه ؟. - لا ينادوه شنو يا عم الزين دا كلام فارغ ساي . بعدين ما في حاجة تخلي العربية ما تشتغل الا اذا كان في قطعة حساسة ناقصة أو خربانة .. ودي واحدة من مصائب البلد دي يربطوا الابداع بالمخدرات والمصيبة يؤمنوا بيها .. معقولة ؟ الابداع عايز عقل صاحي ومفتح يستحيل شخص ينسطل وتكون السطلة هي سبب إبداعه .. حتى دا كلام ضد المنطق . - أنا عارف أنه حيكون عندك رأي مختلف طيب الحل شنو العربية مفروض نسلمها بعد يومين نقول لصاحبها ما قدرنا نشغلها ؟.. يمكن يتهمنا أننا سرقنا منها قطع أو خربناها زيادة هذا شئ متوقع .. - ما في سبب يخليها ما تشتغل . - طيب الحل شنو .؟ - الحل يا هو دا عندنا ؟ - وين ؟ - الحل في السي ديهات دي . - كيف ؟ - حا نشغل سي دي اللاندكروز ونطابق القطع كلها مع العربية العندنا ونشوف شي ناقص أو لا بعدها نقفلها من جديد .. وغالبا يكون السباب واحد من الحساسات الصغيرة .. حساس الهواء أو حساس السخانة أو حساس الزيت مثلا لو كان تالف أو ناقص العربية ما حا تشتغل لأنه حجمه صغير ما في حد يلاحظ لعدم وجوده . - ما شاء الله عليك يلا أرح على الجماعة ديل نقنعهم . - لا مش نقنعهم ... نأمرهم . - نأمرهم بشنو كمان ؟. - نأمرهم يفكوا مكنة العربية من جديد قطعه قطعة . أنا أمشي افتح السي دي وأطبع مخطط الماكينية وأبدأ أعمل تصحيح ومراجعة للقطع والقطع الحساسة نقيس كفاءتها . - يلا أرح عليهم . ويروح عم الزين بصحبة الفاتح نحو السيارة المعنية .. ويجد قربها يجلس الميكنيكي عطوة المفتري والذين أصلا أكثر من أمتعض من ترويس الفاتح . - شوفوا يا عطوة وجماعتك بخصوص اللاندكروزر الفاتح عنده ليكم تعليمات .. ما في حاجة لخالد سجارة ..وأنشاء الله ما يدخل عندي في الورشة دي تاني . نظرة غيظ تتقد شررا توجهت من عطوه وتيمه ناحية الفاتح ليسمعوا تعليماته . - فكوا الماكينة من جديد .. وفكوا الرأس السرندل والبلوفة كلها رصوها قدامي في شكل قطع هنا . - أنا ما بفك أي حاجة والعربية قدامكم . - أنت بتعصي الأوامر يا عطوة ؟. - أفهمها زي ما تفهمها . - عطوة أنا قلت لك الفاتح دا هو المدير وهو المسؤول من الورشة دي لو ما عاوز تشتغل بأوامره ما عندك شغل معاي . الفاتح يستدرك الموضوع سريعا لا يريد أن كل ما يمر صباح يكون سببا في فصل عامل آخر . - لا معليش يا عم الزين الحكاية ما للدرجة دي .. كل ما في الحكاية أنت استسلمت وقلت العربية دي ما بيشغلها الا خالد سجارة ونحن عايزين نثبت العكس عندك مشكلة في الكلام دا ؟ - ما عندي مشكلة لكن أنا ما بفكها . - أنت ما عندك أي علاقة بالعربية دي تاني لا أنت ولا التيم الكان شغال معاك . تعال يا عم حسين أنت وتلامذتك فكوا لينا العربية دي لو سمحتوا . أنت يا عطوة روح أشتغل على اللاندروبر القديم . يشعور متباين بين الرضا والامتعاض تحرك عطوة وتيمه ناحية اللاندروبر وبدأ عم حسين و تلامذته في فك السيارة المعنية وعاد الفاتح وعم الزين ناحية المكتب .. أدخل الفاتح السي دي في الكمبيوتر بدأ يطبع في المخططات الهندسية للسيارة . يتبع
|
|
|
|
|
|
|
العنوان |
الكاتب |
Date |
حوار الأرزاق | درديري كباشي | 05-04-16, 04:51 PM |
Re: حوار الأرزاق | عبدالعزيز الفاضلابى | 05-04-16, 05:37 PM |
Re: حوار الأرزاق | درديري كباشي | 05-05-16, 06:26 AM |
Re: حوار الأرزاق | عبدالحفيظ ابوسن | 05-05-16, 07:52 AM |
Re: حوار الأرزاق | درديري كباشي | 05-05-16, 09:11 AM |
Re: حوار الأرزاق | درديري كباشي | 05-05-16, 09:12 AM |
Re: حوار الأرزاق | معاوية المدير | 05-05-16, 09:24 AM |
Re: حوار الأرزاق | حيدر حسن ميرغني | 05-05-16, 09:43 AM |
Re: حوار الأرزاق | درديري كباشي | 05-05-16, 10:04 AM |
Re: حوار الأرزاق | درديري كباشي | 05-05-16, 09:59 AM |
Re: حوار الأرزاق | درديري كباشي | 05-10-16, 06:05 AM |
Re: حوار الأرزاق | sadig mirghani | 05-05-16, 09:43 AM |
Re: حوار الأرزاق | عبدالحفيظ ابوسن | 05-05-16, 09:48 AM |
Re: حوار الأرزاق | درديري كباشي | 05-05-16, 10:10 AM |
Re: حوار الأرزاق | ابو جهينة | 05-05-16, 09:49 AM |
Re: حوار الأرزاق | درديري كباشي | 05-05-16, 10:12 AM |
Re: حوار الأرزاق | درديري كباشي | 05-05-16, 10:08 AM |
Re: حوار الأرزاق | درديري كباشي | 05-05-16, 10:55 AM |
Re: حوار الأرزاق | ادريس خليفة علم الهدي | 05-05-16, 11:53 AM |
Re: حوار الأرزاق | Yousuf Taha | 05-05-16, 02:06 PM |
Re: حوار الأرزاق | درديري كباشي | 05-05-16, 04:18 PM |
Re: حوار الأرزاق | درديري كباشي | 05-05-16, 04:04 PM |
Re: حوار الأرزاق | درديري كباشي | 05-05-16, 05:31 PM |
Re: حوار الأرزاق | درديري كباشي | 05-07-16, 05:52 AM |
Re: حوار الأرزاق | درديري كباشي | 05-07-16, 09:04 AM |
Re: حوار الأرزاق | درديري كباشي | 05-07-16, 04:51 PM |
Re: حوار الأرزاق | درديري كباشي | 05-07-16, 05:56 PM |
Re: حوار الأرزاق | درديري كباشي | 05-08-16, 06:09 AM |
Re: حوار الأرزاق | درديري كباشي | 05-08-16, 10:06 AM |
Re: حوار الأرزاق | درديري كباشي | 05-09-16, 09:32 AM |
Re: حوار الأرزاق | درديري كباشي | 05-09-16, 05:04 PM |
Re: حوار الأرزاق | AL-Qassim | 05-09-16, 07:07 PM |
Re: حوار الأرزاق | نادر الفضلى | 05-10-16, 02:35 AM |
Re: حوار الأرزاق | درديري كباشي | 05-10-16, 06:09 AM |
Re: حوار الأرزاق | عوض جاه الرسول | 05-10-16, 06:51 AM |
Re: حوار الأرزاق | درديري كباشي | 05-10-16, 09:59 AM |
Re: حوار الأرزاق | درديري كباشي | 05-10-16, 06:08 AM |
Re: حوار الأرزاق | درديري كباشي | 05-10-16, 06:43 AM |
Re: حوار الأرزاق | AL-Qassim | 05-11-16, 01:15 PM |
Re: حوار الأرزاق | عمر أبوعاقلة | 05-10-16, 08:08 AM |
Re: حوار الأرزاق | درديري كباشي | 05-10-16, 10:01 AM |
Re: حوار الأرزاق | درديري كباشي | 05-10-16, 10:05 AM |
Re: حوار الأرزاق | درديري كباشي | 05-10-16, 05:54 PM |
Re: حوار الأرزاق | درديري كباشي | 05-11-16, 08:52 AM |
Re: حوار الأرزاق | ادريس خليفة علم الهدي | 05-12-16, 11:48 AM |
Re: حوار الأرزاق | درديري كباشي | 05-12-16, 05:45 PM |
Re: حوار الأرزاق | درديري كباشي | 05-14-16, 06:23 AM |
Re: حوار الأرزاق | ادريس خليفة علم الهدي | 05-16-16, 06:57 AM |
Re: حوار الأرزاق | عمر أبوعاقلة | 05-16-16, 08:01 AM |
Re: حوار الأرزاق | درديري كباشي | 05-16-16, 10:27 AM |
Re: حوار الأرزاق | درديري كباشي | 05-16-16, 05:17 PM |
Re: حوار الأرزاق | عمر أبوعاقلة | 05-16-16, 06:20 PM |
Re: حوار الأرزاق | درديري كباشي | 05-17-16, 10:09 AM |
Re: حوار الأرزاق | Yousuf Taha | 05-17-16, 10:31 AM |
Re: حوار الأرزاق | درديري كباشي | 05-17-16, 03:42 PM |
Re: حوار الأرزاق | ناصر حسين محمد | 05-17-16, 05:10 PM |
Re: حوار الأرزاق | درديري كباشي | 05-17-16, 05:47 PM |
Re: حوار الأرزاق | mohamed osman bakry | 05-17-16, 06:01 PM |
Re: حوار الأرزاق | درديري كباشي | 05-18-16, 06:13 AM |
Re: حوار الأرزاق | درديري كباشي | 05-18-16, 10:13 AM |
Re: حوار الأرزاق | ناصر حسين محمد | 05-18-16, 05:13 PM |
Re: حوار الأرزاق | درديري كباشي | 05-18-16, 05:33 PM |
Re: حوار الأرزاق | درديري كباشي | 05-18-16, 05:57 PM |
Re: حوار الأرزاق | ادريس خليفة علم الهدي | 05-19-16, 07:10 AM |
Re: حوار الأرزاق | وضاح عبدالرحمن جابر | 05-19-16, 09:10 AM |
Re: حوار الأرزاق | درديري كباشي | 05-19-16, 09:41 AM |
Re: حوار الأرزاق | عمر أبوعاقلة | 05-19-16, 09:41 AM |
Re: حوار الأرزاق | درديري كباشي | 05-19-16, 10:37 AM |
Re: حوار الأرزاق | Muhamed Hassan Abdalla | 05-20-16, 06:16 PM |
Re: حوار الأرزاق | ادريس خليفة علم الهدي | 05-21-16, 08:42 AM |
Re: حوار الأرزاق | عمر أبوعاقلة | 05-21-16, 10:04 AM |
Re: حوار الأرزاق | درديري كباشي | 05-21-16, 05:40 PM |
Re: حوار الأرزاق | ادريس خليفة علم الهدي | 05-22-16, 11:51 AM |
Re: حوار الأرزاق | درديري كباشي | 05-22-16, 05:55 PM |
Re: حوار الأرزاق | ادريس خليفة علم الهدي | 05-23-16, 08:45 AM |
Re: حوار الأرزاق | درديري كباشي | 05-23-16, 03:53 PM |
Re: حوار الأرزاق | عمر أبوعاقلة | 05-23-16, 04:47 PM |
Re: حوار الأرزاق | درديري كباشي | 05-23-16, 04:53 PM |
Re: حوار الأرزاق | عمر أبوعاقلة | 05-23-16, 05:35 PM |
Re: حوار الأرزاق | درديري كباشي | 05-23-16, 06:08 PM |
Re: حوار الأرزاق | Muhamed Hassan Abdalla | 05-23-16, 07:13 PM |
Re: حوار الأرزاق | حمد عبد الغفار عمر | 05-23-16, 07:40 PM |
Re: حوار الأرزاق | درديري كباشي | 05-24-16, 09:46 AM |
Re: حوار الأرزاق | درديري كباشي | 05-24-16, 09:36 AM |
Re: حوار الأرزاق | عمر أبوعاقلة | 05-24-16, 07:02 AM |
Re: حوار الأرزاق | ادريس خليفة علم الهدي | 05-24-16, 09:21 AM |
Re: حوار الأرزاق | درديري كباشي | 05-24-16, 09:40 AM |
Re: حوار الأرزاق | ناصر حسين محمد | 05-24-16, 04:07 PM |
Re: حوار الأرزاق | درديري كباشي | 05-24-16, 04:16 PM |
Re: حوار الأرزاق | درديري كباشي | 05-25-16, 07:13 AM |
Re: حوار الأرزاق | ادريس خليفة علم الهدي | 05-25-16, 01:51 PM |
Re: حوار الأرزاق | درديري كباشي | 05-25-16, 05:39 PM |
Re: حوار الأرزاق | عمر أبوعاقلة | 05-25-16, 06:03 PM |
Re: حوار الأرزاق | درديري كباشي | 05-26-16, 07:01 AM |
Re: حوار الأرزاق | ادريس خليفة علم الهدي | 05-26-16, 08:04 AM |
Re: حوار الأرزاق | درديري كباشي | 05-26-16, 08:44 AM |
Re: حوار الأرزاق | درديري كباشي | 05-27-16, 09:05 AM |
Re: حوار الأرزاق | ادريس خليفة علم الهدي | 05-28-16, 07:24 AM |
Re: حوار الأرزاق | عمر أبوعاقلة | 05-28-16, 09:04 AM |
Re: حوار الأرزاق | درديري كباشي | 05-28-16, 10:04 AM |
Re: حوار الأرزاق | درديري كباشي | 05-28-16, 02:38 PM |
|
|
|