لماذا يدعي السودانيون الشماليون أنهم عرباً اكثر من العرب أنفسهم؟

Quote: الى الاستاذ عادل امين: تحياتى واحترامى : محاولاتكم للتخلص من الجعليين والشايقية اخدت منكم الكتير: الجعليين والشايقية ما نوبا يا شاب: بل كوشيين . وهناك فرق كبير بين الكوشيين والنوبا. ملوك نبتا ومروى كتبوا فى الواحهم انهم كوشيين من تاسيتى وبامكانك مراجعة مجلدات الواح الكوة جزئين الاولاح والنصوص ل ماك ادمز... اما النوبا وتسمية نوبا ظهرت فى اللغة المروية بمعنى القبائل البدوية المعادية لمروى وكوش ونبتا وهاجموها من مراكز ثقلهم فى كردافان ودارفور ... راجع كلود ريللى وراجع شهادة بروف عبدالقادر محمود فى منتدى دال وتدشين كتاب د احمد جلال هاشم جزيرة صاى... راجع ايضا خريطة ارتوثينيس المؤرخ الاغريقي وشوف اين وضع قبائل النوبا... راجع توروك وتريقر عن النوباى والنوبادى ومناطقهم الاصل. راجع د سامية بشير دفع الله اصل النوبة فى مجلة كلية الاداب جامعه الخرطوم. راجع د اسامة عبدالرحمن النور اشكالية التسميات كوش نوبا وعدم مصداقية تسمة فترتى نبتا ومروى بحضار نوبية... تسمية النوبا والنوبا كشعب ظهروا مع جدهم سلكو مؤسس نوباتيا وهو حسب نقشه فى كلابشة راجع silko inscription فى قوقل قال انه ملك النوباد وميز نفسه وشعبه عن الكوشيين... النوبات حسب تريقر وتوروك ود سامية بشير قبائل بدوية اتى بهم الامبراطور الرومانى دقلديانوس وشجعهم لياتوا للنيل ويحولوابينهم وبين الكوشيين وقاتلو ا بجانب الرومان.... نجى لى موضوع اللغة النوبية بكل لهجاتها : هل هى لغة تهارقا ونبتا ومروى؟ لا بالطبع وبامكانك تطلع على اعمال العلماء ونترز وكلود ريلي وهنتزة وبيتر شينى وعبدالقادر محمود: او تتحرك تقرا اى نص مروى وتحاول تترجمه بالنوبية... اللغة المروية بعد اطلاعنا على الكلمات الفكوها العلماء وجدنا عدد من كلماتها ومفرداتها وتسمياتها وقواعدها ما زالت مستخدمة عند الجعلين الهم احفاد مباشرين للكوشيين والعنج والكاسو والبليمز والرحراح والميدد والشاقا وهى مجموعات شعب مروى.ودونك لقب مك موجود بنفس نطقه ودلالته عند الجعليين وقاعدة النسب بحرف الباء والجمع ايضا فى اسماء بطون الجعليين والشايقية... تحياتى يا استاذ. محاولة التخلص مننا وابعادناعن كوش وعن احقيتنا ما حتنجح من خلال تعملونا فلاتا او بقايا رقيق من البقط...بخصوص البقط : راجع نقد بروف احمد الياس جسين عن ما ورد عن هذه الاتفاقية المفبركة من قبل المدرسة العربية لتفادى اعترافهم بعجزهم عن الحسم العسكرى لاسلافنا... كيف لجيش منتصر ان يقبل بعبد واحد فى اليوم فى حين كان ممكن يشيل عشرة او الف عبد بعد حسم الجيش السودانى؟ كيف لجيش مسلم ان يبادل العبيد بالخمر والغذاء؟ كيف لجيش منتصر ان يقبل التوقيع على اتفاقية تلزمه بعدم دخول ارض هزم جيشها واول بنودها هى منعه من الاستقرار الا عابرا رجوعا لجزيرة العرب عبر ميناء عيزاب؟ توظيفك للبقط المفبرك عشان تطلعنا رقيق راجع واعين بيها واستلمناها وووضعنا الرد باتلفصيل... شوف طريقة تانية تبعدنا بيها عن احقيتنا فى كوش..اعلاه للاخ عادل امين. ادناه لقراء البوست: حكاية تلقوا جعليين يلاووكم فى عروبة وما عروبة دة موضوع انسوه: استعدوا لاجيال قادمة تمتلك المعرفة والحقائق وعندها اطلاع واسع على التاريخ : وواعين بى حقهم وهم منو. استعدوا لاحفاد ملوك النيل:

(عدل بواسطة عبد الله شم on 01-23-2016, 05:18 PM)