|
Re: لن اعود السودان لن اعود الى وطن لم احس به ي (Re: Dahab Telbo)
|
اها نجي تاني لمسألة الفرار والحاجات التانية الخلت السودان (تاني الطيش وبسير مع الناس الطيش دائما) وفي القصة ريحة الصومال والامر المحير ياخ اي زول تقول لي السوداني هبب البلوة الفلانية في تصنيف ما للدول يقول ليك بفرح (اها والصومال عملت شنو!) ما علينا
ياخ في حقيقة الناس بتتخبى منها وهي
الوطن القاعدين فيهو مما قمنا دا غير انو بنقرا لي نشيد العلم كل صباح ما عندنا لي الحبة
والموضوع مُش عشان الانقاذ وبس لا الموضوع اخطر من الاسلاميين بكتير لأنو ياخ الاحساس بالوطنية اصلا كان مدربك مما تركونا الجماعة الطيبيين ديلك (الله يطراهم بالخير) واعتمد الرعيل الاول من متعلمينا في دراسة تاريخ الوطن على احاجي العجايز والاساطير الشعبية فتوارثنا الغبينة ولكن بحصافة تحمد للذين اغتصبوا السودان قبل عصابة الانقاذ التي انبطق فيها حزر المثل الشعبي المنسوب لداهية سنار الشيخ فرح ود تكتوك
الفشة غبينتو خرب مدينتو
وقد صدق اصحاب الظعاين عندما ضربوا مثل بليغ تاني
المحرش بداوس ابو
فأنطبقت في السيد بشة العامل بمثل من فصيح بلاد النيل ايضا
البتبلبل بعوم
فعام في الدم وتاني جاتوا قصة اوكامبو فسلك درب مثل جديد من نجر بني سودان
جافلة ورفعوا ليها فروة
لكن المؤسف جدا انو ياخ الكائن السوداني البسيط لا يشعر مطلقا بالاسف إزاء ما يحدث لأخيه الكائن السوداني المنكوب فهل الموضوع دا نتيجة لخلل في التركيبة ام ان وراء الموضوع تغييب ديني ؟
عموما تغبيش الوعي ممنهج بطريقة دقيقة جدا في السودان والاسلاميين عموما مموعين مهرة للوعي لذلك كملوا فهم الامثال السودانية ذاتها فجادت ليهم بأخر ما في السحّارة من كَلِم
كان غلبك سدها وسع قدها
تلبو
|
|
|
|
|
|
|
العنوان |
الكاتب |
Date |
لن اعود السودان لن اعود الى وطن لم احس به يوماً | Dahab Telbo | 01-20-16, 03:25 AM |
Re: لن اعود السودان لن اعود الى وطن لم احس به ي | Dahab Telbo | 01-20-16, 03:51 AM |
Re: لن اعود السودان لن اعود الى وطن لم احس به ي | ملهم كردفان | 01-20-16, 04:20 AM |
Re: لن اعود السودان لن اعود الى وطن لم احس به ي | Dahab Telbo | 01-20-16, 04:23 AM |
Re: لن اعود السودان لن اعود الى وطن لم احس به ي | Dahab Telbo | 01-20-16, 04:39 AM |
Re: لن اعود السودان لن اعود الى وطن لم احس به ي | Dahab Telbo | 01-20-16, 05:13 AM |
Re: لن اعود السودان لن اعود الى وطن لم احس به ي | Dahab Telbo | 01-20-16, 05:19 AM |
قديمة قدم التاريخ نفسه .. | قصي محمد عبدالله | 01-20-16, 06:03 AM |
Re: قديمة قدم التاريخ نفسه .. | اسماعيل عبد الله محمد | 01-20-16, 08:23 AM |
Re: قديمة قدم التاريخ نفسه .. | عمر دهب | 01-20-16, 06:43 PM |
Re: قديمة قدم التاريخ نفسه .. | Dahab Telbo | 01-20-16, 09:56 PM |
Re: قديمة قدم التاريخ نفسه .. | Dahab Telbo | 01-20-16, 10:02 PM |
Re: قديمة قدم التاريخ نفسه .. | Dahab Telbo | 01-20-16, 10:14 PM |
|
|
|