|
|
 شريط الكاسيت..
|
01:48 PM Feb, 19 2015
سودانيز أون لاين
عمر الفاروق -
مكتبتي في سودانيزاونلاين
في الغربة ومع عيشة الشقق نفتقد لي جزء مهم جداً من البيت إسمو " المخزن" ..زمان في البيوت السودانية بتلقى ليك غرفة صغيرة كده مركونة هناااك بيلمو فيها الحاجات بإفتراض إننا شعب أييييي حاجة ما بنرميها وبنصصصر إنو الحاجة دي مهمة وحنحتاج ليها ذات يوم .. المخزن ده كنت بتلقا فيو هدوم قديمة في كراتين ..حديد .. عدة قديمة .. خشب..قزايز..علب لبن فاضية ..عقارب..شوالات فاضية ..بمبر..كراع سرير..باقي كيس أسمنت نشف جبتوهو قبل تسعة سنين لمن صلحتو جزء من البيت..
المخزن ده في يوم جمعة في السنة بيحصل ليهو جرد ..بيكون في نفرة داخلية جوة البيت لنضافة المخزن ده ..الغريبة ماف حاجة من القديم بتتجدع بل بتزيد الحاجات الكرور ولكن فقط يتم ترتيبها بي نظام وشويتيين وتااني المخزن يجوط ..حاله حال ترتيب الدولاب ذات مزاج رايق ولحظات توقف مع قصاصات ورق قديمة تحمل ذكريات إما جكسوية وإما كراس مقرر رداسي أيام زمان ..وفي الخلفية صوت المسجل شغال ومزاجك رااايق..
وعلى طاري المسجل نعود للغربة وإفتقدانا للمخزن ..في الغربة مخزنك إما تحت السراير في غرفة النوم والضيوف وإما ضهرية العربية ( الشنطة يا قول المغتربين)..طبعاً المغتربين عندهم وهمة ثابتة ... في بداية حياتهم الزوجية بيقومو يأجرو شقة .. أها الشقة دي بتكون فيها تلاتة غرف ..وبما إنو الراجل بيكون يادااااب في بداية حياته فبيقوم يحنك المرا إنو نشتري أوضة النوم وعفش للصالة لإستقبال الضيوف وعدة ولي المطبخ ..أها في غرفة كده بتكون طوااالي قافلة ..الغرفة دي بتكون لااامة كرور البيت كللو ..النوع البتكون فاااضية وتخش تلقا فيها شنط مجدددعة وجزم وموكيت ملفوف وتراب ..الغرفة دي المرا بتكون متنننشنة شديد لمن يجو ضيوف زيارة ومعاهم شافع هباش..بتكون مركزة مع الشافع شديد إنو ما يمشي يتشوبر جهة الغرفة دي..وبما إنو في السعودية الرجال بيكونو في الجريف شرق والنسوان في الجريف غرب فأووول ما يجوهم ناس زيارة بتحاول أتوماتيكلي تقفل السايد البيمرر المرا لي جوة البيت وبتحاول تقول ليها إتفضلو هنا عااادي خلونا نتونس مع بعض لأنو لو الضيفة لحقت فتحت الأوضة اللي هي مفروض أوضة الحريم فحتشووف بلاوي ستظل محفورة في الذاكرة سنين عددا..
أما ضهرية العربية فحدث ولا حرج .. عربية الشافع جواها ..فرشات الحديقة جواها..كوور الأولاد جواها ..أكياس الأسواق جواها..السفنجات جواها ..عدة الميكانيكا جواها..هدوم الكورة جواها..وهنا جا طاري المسجل..من ضمن الكرور المردوم لقيت لي كيس كبيير مليان شرايط كاسيت ..عن نفسي كان ولايزال خير جليس لي في الزمان مسجل العربية ..المسجل تحديييداً وليس السي دي ولا الفلاش..المسجججل..زمان كنت بعد كل عمرة ومشية للحرم بجي أعدم الشرايط وأقول توبة توبة لا ريد لا غرام لا خطوبة عرس بس..شويتين وأرجع ألملم لي شرايط أكتر من الأولى الأعدمتها..قبل كم يوم لاحظت لي كيس كبييير مجدوووع ورا هناااك في الضهرية حقت العرية وسخااان وحالتو بي البلا..فتحت الكيس فإذا به مستتتف شرايط كاسيت شي ماكسويل وشي من غير ورقة وشي ماستر..عشوائياً إخترت لي خمسة شرايط كاسيت قلت أغيير بيها روتين السمع من الشرايط القاعدة جوة العرية ..ولعنصر المفاجئة إخترت الشرايط القديمة الما فيها أيي ورقة أو إسم يوحي الفنان البيغني فيو منو ..
دخلت العربية وانا مفعم بي حيوية ونشاط وفرح داخلي عجييب و انا ح اجرب الشرايط دي واسمع الفيها منو والغنا الطوولت ما سمعتو ..
وهنا كانت المفاجئة !!! وأييي مفاجئة كانت ..يااااه...
أووول شريط لونو أسود وشفاف بالجمبات ركبت الشريط وفي بالي حفلة لي محمود أو جلسة عود لي وردي ..شغلت المسجل..صوت الهوا بتاع الشريط شغال..صوت كركبة وكررب رررب..طق طق طق..زادت لهفتي وكبر سقف توقعاتي وانا منتظر صوت البنقز أو صوت كمنجة بتجهز لبداية أغنية ..تأخخخر صوت الموسيقى ..وتأخخخر صوت الفنان ..ولسة هوا المسجل طالع بدون ما أسمع شي..بديت أحب وقلت شكلو الشريط ده فاضي..قررت أطلع الشريط وأجرب البعدو ..اللحظة الأصبعي مشى تجاه المسجل جاني صوت ...ياااا الله ياااااااااخ..ياااا الله ..نحنحة ..ثم بسم الله الرحمن الرحيم ..ثم إزيييك يااااا إبني !!!
ياااا الله يااا الله يااا الله حالاً وبدون ساق إنزار أو تهيئة نزلت دمعة من عيني أو حقيقة ما عارف مصدرا ..دمعة لي كرسي العربية مباشرة لا مرت بالعين لا نزلت في الخد ..صوت جدي له الرحمة والمغفرة محمد أحمد الهادي ..ياااا إبني العزيز عمر ..إزيييك ..انا مشتااااق ليك شديييد ..كيف إنت مع الغربة ؟؟ ربنا يوفقك ..ربنا يعدل طريقك..ياااا عمر..وصيتني اديك الفاتحة ..وانا والله يااا إبني بصحا ليك نص الليل أدعي ليك وأقرا ليك الإخلاص حداااشر مرة ..
ططططق رأسي دوور وشريط الذكريات إشتغل بسرعة فاقت سرعة الضوء..
المكان : السودان..امدرمان..
الزمان : 2002 ..
المناسبة : أول شريط كاسيت يحمل سلام الأهل والأصدقاء..
شريط كاسيت !!!! ياااخ كم انا سعيد بأنني ممن لحقو وحصلو لمن الأهل بيرسلوا لي ولدهم شريط كاسيت وجوابات ..
ياااخ ده حاجة ممتعو بشااااكل..
أجمل ما في الشريط إنو بيتداعى ليهو القريب والبعيد ..أمك..أبوك..أخوانك..أخواتك..خالاتك..خيلانك..أعمامك..عماتك..جيرانك..أصحابك.. أصحاب جيرانك..
بتذكر تماااماً كيف لمن كنا صغار بيرسلونا نعزم ناس الحلة يجو يسجلو معانا شريط لي مغترب في بلاد ما في هذه الدنيا..
يا خالتي نعيمة أمي قالت ليكم الليلة عايزين نسجل شريط لي ياسر في أمريكا..تعالوا سلمو عليو في الشريط..
نفففس المشهد حصل معاي..الشريط جاتني فيو أصوات كل معارفي.. ناس بيتنا..جيرانا..سيد الدكان..سيدة الكانت بتجي تغسل الهدوم..
يا لسخرية القدر..وانا أسمع صوت جدي وهو بيسأل أخوي بالله الناس البيرسلو ليهم الشريط ديل لو بعد فترة شغلوا الشريط ولقو فيو زول من المسجلين ليهو الشريط مات بيكون حالو كيييف؟؟؟
الله يرحمك يا جدي للأسف لن أستطيع أن أوصف ولا أن أجاوبك على هذه السؤال..سمعت صوتك وتسجيلك وهااا انا ذا وبالصدفة أعيد سماع الشريط وإنت بين يدي ربك في جنات الخلد بإذنه تعالى...
سبحان الله وصية عجيبة وغريبة ولطييفة جداً وصاني ليها جدي في الشريط رغماً عن إنو كان رجل متدين بل والمسئول عن مسجد الحي الذي يسكن ..
عمر أعمل حسابك أوووعا تجي زي باقي الناس الجو من السعودية ..أووعك تبقا أنصار سنة متشدد وتغيير شكلك بي الدقن والجلابية القصيرة وتبقا متشدد..
جدودك أنصار..حبوباتك أنصار..أبوك وأمك أنصار..نحن أنصار الله وأنصار المهدي ..أووعك يا عمر تتشدد في الدين!!!
سبحان الله وصية من رجل حكيم لم يشهد ما يحدث الان من المتشددين ..وكأنك يا جدي تعلم عواقب التشدد ..
لك الرحمة يا جديوانت ترقد في قبرك بسلام..بس وصيتك التانية دي يا جدي صعبتها علي شوية .. :)
يتقطع التسجيل وجدي عليه الرحمة يقول :
أقفلو التسجيل ده انا ما قادر أتكلم ثم أسمع صوت البكاء ...
يعود التسجيل بصوت إبراهيم ..وإبراهيم وقتها كان طفل عمره أربع سنوات..إبراهيم ود جيرانا..ياخ ناس امدرمان ديل عجيبين خلاص ..وزي ما بتقول صديقتنا اللذيذة ياخ إنتو يا ناس امدرمان بتدفعو الشافع للزول..
نعم ابراهيم ود جيرانا لكن قاعد بي هدومو ودولابو معانا شلناهو من أمو عمره سنة والحيطة بالحيطة بس كبر علي يدي ..
أكيد إبراهيم اليوم في الجامعة فعمر هذا التسجيل قارب لل14 سنة..
صوت أختي وهي بتشاغل فيو أحكي ليو يا عربي الجزيرة فضحتنا اليوم داك قلت شنو لمن شوفت الصهريج ونحن جايين من العرس..؟؟
يرد بصوته الطفولي البرئ والجميييل ..قلت ليهم عاااينو البيّارة ...
يقطع الحوار صوت حبوبة حياة ..لها الرحمة .. هييي يا عمر ما أديناك الشمار!!! صحبتك فلانة ديك عرسوها ..والله يا عمر راجلا شيين شناة موبااالغة ..حبوبة حياة هي أطيب إمرأة على وجه هذه البسيطة..جارتنا..قمت لقيت بيتنا وبيتهم ماف بيناتهم حيطة..البيت فاتح في البيت..ولمن أقول فاتح في البيت أعني ما أقول..بيتنا وبيتهم ماف بيناتهم حواجز ...النفاج فاتح بدون باب..الحيطة مكسورة من يوم سكنا مجاورين بعض..
بتكتشف وإنت كبييير إنو الناس ديل ما بيبقو ليك خالاتك ولااا حبوباتك بصلة الرحم..لكن هم أكتر من كده بكتييير بحكم الجيرة والعشرة ..
أختي تمازحني.. مااا شوفت يا عمر إيمان مرت ميرغني اليوم داك..جات داخلة قالت لي هوووي إنتي لسة بايرة؟؟؟ الليلة وووب يا عمر إيمان بقت تحسبني مع البايرات ..ويبدو إنو لإيمان نظرة ثاقبة و بعد نظر ظهرت لاحقاً :) :) :)..
بت خالتي تقاطعهم ..بالمناسبة بكرة ماشين سماية بت خالتك الجديدة ..ويا عمر بختك أهو شرفت العائلة عروس وممكن نحجزا ليك... سبحان الله هي الان كبرت وبقت عروس فعلاً ..
دقيقة دقيقة أفندي بلاش جا داخل تعال كلّم..وأفندي بلاش لقب كنا بنشاغل بيهو أخوي الكبير بيحب الأناقة والهندام جداً وجنننو الهدوم المكوية :)..تعااال يا أفندي بلاش تعال وصي وصاياك من نوع جيب لي بنطلون وجيب لي ريحة..
ويااالسخرية القدر أتفاجأ بي إنو أخوي هو الطلع مشتري لي شبط وقميص جميييل ...تخيّلو ...
الجميع شارك..الجميع أرسل تحاياها.. الجميع كان مبتسم ..الجميع يضحك..اللمة واااضح إنها كانت جميييلة وعفوية ..المناسبة تسجيل شريط لي عمر في السعودية بعد مرور شهور معدودة علي غيابه ..
الشرايط دي لسة بتترسل للمغتربين؟؟؟
مااا أظن...
غايتو الما لحق رسلو ليهو شرايط ده مااا إغترب..
قاتل الله التكنلوجيا ياااخ..الواتس اب مسسسخ الحاجات..
الفيس بوك عووولق الاغتراب ..
مات فينا الإندهاش...
مسخت علينا الحاجات ..
بقو يرسلو ليك الاحداث أول بي أول بل ربما بقينا نعرف ونعايش حاجات الناس الهناك بيكونو لسسسة ما سمعوها..
يرسلو ليك العرس لااايف ...يصورو ليك المرحوم وهو داخل على المستشفى عااادي..
الحاجات بقت ما لذيذة ياخ ...
بقت ما ممتعة ..
القلب مات..
اللهفة قلّت..
صارت الأمور أكثر عاديّة ..
تخريمة :
كان زمان الناس موده وكان كلام الريد حنان
وكان حديث الحب مناجاه وكان لقا المحبوب امان
وكان حلم غنوا وحكاية وكان امل اخضر
وكان اهلنا بقولو كان الحب حلال ما كان حرام
|
|
  
|
|
|
|
|
| العنوان |
الكاتب |
Date |
| شريط الكاسيت.. | عمر الفاروق | 02-19-15, 02:48 PM |
| Re: شريط الكاسيت.. | أبوذر بابكر | 02-19-15, 03:33 PM |
| Re: شريط الكاسيت.. | عمر الفاروق | 02-19-15, 04:50 PM |
| Re: شريط الكاسيت.. | nadus2000 | 02-19-15, 05:19 PM |
| Re: شريط الكاسيت.. | walid taha | 02-24-15, 03:02 PM |
| Re: شريط الكاسيت.. | محمد حيدر المشرف | 02-19-15, 04:56 PM |
| Re: شريط الكاسيت.. | عمر الفاروق | 02-19-15, 05:04 PM |
 Re: شريط الكاسيت.. | حمد عبد الغفار عمر | 02-19-15, 05:25 PM |
| Re: شريط الكاسيت.. | الصادق اسماعيل | 02-19-15, 05:35 PM |
| Re: شريط الكاسيت.. | عاطف عمر | 02-19-15, 05:43 PM |
| Re: شريط الكاسيت.. | درديري كباشي | 02-19-15, 06:38 PM |
| Re: شريط الكاسيت.. | محمد محمود محمد | 02-19-15, 06:45 PM |
| Re: شريط الكاسيت.. | smart_ana2001 | 02-19-15, 07:20 PM |
| Re: شريط الكاسيت.. | محمد حيدر المشرف | 02-19-15, 07:29 PM |
| Re: شريط الكاسيت.. | عبدالحفيظ ابوسن | 02-19-15, 07:52 PM |
| Re: شريط الكاسيت.. | عبدالحفيظ ابوسن | 02-19-15, 07:53 PM |
| Re: شريط الكاسيت.. | عمر الفاروق | 02-19-15, 09:41 PM |
| Re: شريط الكاسيت.. | عمر الفاروق | 02-19-15, 09:44 PM |
| Re: شريط الكاسيت.. | عمر الفاروق | 02-19-15, 09:52 PM |
| Re: شريط الكاسيت.. | عمر الفاروق | 02-19-15, 09:59 PM |
| Re: شريط الكاسيت.. | عمر الفاروق | 02-19-15, 10:04 PM |
| Re: شريط الكاسيت.. | عمر الفاروق | 02-19-15, 10:09 PM |
| Re: شريط الكاسيت.. | عمر الفاروق | 02-19-15, 10:13 PM |
| Re: شريط الكاسيت.. | عمر الفاروق | 02-19-15, 10:18 PM |
| Re: شريط الكاسيت.. | عمر الفاروق | 02-19-15, 10:21 PM |
 Re: شريط الكاسيت.. | درديري كباشي | 02-19-15, 10:15 PM |
| Re: شريط الكاسيت.. | درديري كباشي | 02-20-15, 11:35 AM |
 Re: شريط الكاسيت.. | Hadeer Alzain | 02-20-15, 03:15 PM |
| Re: شريط الكاسيت.. | محمد عبدالرحمن | 02-20-15, 09:24 PM |
| Re: شريط الكاسيت.. | عمر الفاروق | 02-20-15, 09:39 PM |
| Re: شريط الكاسيت.. | عمر الفاروق | 02-20-15, 09:44 PM |
| Re: شريط الكاسيت.. | عمر الفاروق | 02-23-15, 06:24 AM |
| Re: شريط الكاسيت.. | اساسي | 02-23-15, 06:38 AM |
| Re: شريط الكاسيت.. | عمر الفاروق | 02-23-15, 06:55 AM |
| Re: شريط الكاسيت.. | عبيد الطيب | 02-23-15, 08:00 AM |
| Re: شريط الكاسيت.. | عمر الفاروق | 02-23-15, 12:50 PM |
| Re: شريط الكاسيت.. | خالد عبد الله محمود | 02-23-15, 03:42 PM |
| Re: شريط الكاسيت.. | نادر | 02-23-15, 10:58 PM |
| Re: شريط الكاسيت.. | عمر الفاروق | 02-24-15, 06:03 AM |
| Re: شريط الكاسيت.. | عمر الفاروق | 02-24-15, 06:08 AM |
| Re: شريط الكاسيت.. | عمر السلمة | 02-24-15, 08:30 AM |
| Re: شريط الكاسيت.. | عمر الفاروق | 02-24-15, 08:51 AM |
| Re: شريط الكاسيت.. | ismeil abbas | 02-24-15, 10:05 AM |
| Re: شريط الكاسيت.. | حمزه بابكر الكوبي | 02-24-15, 10:43 AM |
| Re: شريط الكاسيت.. | عمر الفاروق | 02-24-15, 12:31 PM |
| Re: شريط الكاسيت.. | عمر الفاروق | 02-24-15, 12:36 PM |
| Re: شريط الكاسيت.. | عمر الفاروق | 02-25-15, 05:43 AM |
| Re: شريط الكاسيت.. | مجاهد محمد الهادي | 02-25-15, 07:49 AM |
| Re: شريط الكاسيت.. | عمر الفاروق | 02-25-15, 01:34 PM |
| Re: الخادمة السودانية في المملكة العربية اصبحت امر واقع وشوف عين ... | احمد التجانى احمد | 02-26-15, 07:24 AM |
| Re: الخادمة السودانية في المملكة العربية اصبحت امر واقع وشوف عين ... | عمر الفاروق | 02-26-15, 07:34 AM |
| Re: الخادمة السودانية في المملكة العربية اصبحت امر واقع وشوف عين ... | درديري كباشي | 02-26-15, 07:54 AM |
| Re: الخادمة السودانية في المملكة العربية اصبحت امر واقع وشوف عين ... | عمر الفاروق | 02-26-15, 08:07 AM |
| Re: الخادمة السودانية في المملكة العربية اصبحت امر واقع وشوف عين ... | عبد اللطيف بكري أحمد | 02-26-15, 08:47 AM |
| Re: الخادمة السودانية في المملكة العربية اصبحت امر واقع وشوف عين ... | درديري كباشي | 02-26-15, 09:11 AM |
| Re: الخادمة السودانية في المملكة العربية اصبحت امر واقع وشوف عين ... | عمر الفاروق | 02-26-15, 09:16 AM |
| Re: الخادمة السودانية في المملكة العربية اصبحت امر واقع وشوف عين ... | عمر الفاروق | 02-26-15, 09:27 AM |
| Re: الخادمة السودانية في المملكة العربية اصبحت امر واقع وشوف عين ... | tabaldy | 02-26-15, 09:24 AM |
| Re: الخادمة السودانية في المملكة العربية اصبحت امر واقع وشوف عين ... | عمر الفاروق | 02-26-15, 09:31 AM |
 Re: شريط الكاسيت.. | munswor almophtah | 02-27-15, 05:57 AM |
| Re: شريط الكاسيت.. | محمد عبدالقادر ضرار | 02-26-15, 10:16 AM |
| Re: شريط الكاسيت.. | محمد عبدالقادر ضرار | 02-26-15, 10:32 AM |
| Re: شريط الكاسيت.. | عمر الفاروق | 02-26-15, 11:52 AM |
| Re: شريط الكاسيت.. | عمر الفاروق | 02-26-15, 12:12 PM |
| Re: شريط الكاسيت.. | الشاذلى خيرى عبد الله | 02-26-15, 02:19 PM |
| Re: شريط الكاسيت.. | عمر الفاروق | 02-26-15, 02:32 PM |
| Re: شريط الكاسيت.. | khaleel | 02-26-15, 02:39 PM |
| Re: شريط الكاسيت.. | الشاذلى خيرى عبد الله | 02-26-15, 03:25 PM |
| Re: شريط الكاسيت.. | عمر الفاروق | 02-26-15, 03:29 PM |
| Re: شريط الكاسيت.. | محمد جبره | 02-26-15, 05:07 PM |
| Re: شريط الكاسيت.. | درديري كباشي | 02-27-15, 05:27 AM |
| Re: شريط الكاسيت.. | عمر الفاروق | 03-01-15, 06:10 AM |
| Re: شريط الكاسيت.. | عمر الفاروق | 03-01-15, 06:13 AM |
| Re: شريط الكاسيت.. | عمر الفاروق | 03-01-15, 06:15 AM |
|
| |
عمر الفاروق
فيس بوك
تويتر
انستقرام
يوتيوب
بنتيريست