خبايا مشروع أبولو وخدعة الوصول للقمر

Quote: سلامات يا حاتم. 100 نفر ممكن يحفظوا سر لاكتر من عشرين سنة؟ و لا واحد فيهم يطمع في تأليف كتاب يكسب منه الملايين؟ من غير الدخول في تفاصيل صور و رسومات هندسية للمشروع، موضوع 100 شخص يحافظوا علي سر دي ما منطقية. و منافية لأي شيء بنعرفه عن البشر في الدنيا دي. حتي لو سلمنا بافتراضك ان 100 بس اللي عارفين الخدعة!!! النقطة الأخري بتاعة انه ما في عالم فلك (محترم او ########) حاول- حتى -يلمح بانه المشروع خدعة، (انا اظن) كافية تخلي اي بني آدم منطقي يصدق انه المشروع حقيقي. طوال بحثك عن الموضوع ده يا حاتم، معقول ما فكرتا ليه علماء الفلك في كل الدنيا(أكرر، كل الدنيا) مصدقين انه المشروع ده حقيقي؟؟؟ انت شكلك متحمس جداً لفكرة دي و صرفتا فيها مجهود و زمن كبير، و كعادة البشر، أشك انك ممكن تتراجع. لكن انا محيرة في اي زول جاء ماري من هنا و صدق قصة ان الهبوط كان خدعة!!!! ============ 1-كل التفاصيل made sense.... 2-ناسا من الزمن داك و لحدى الان ما فى زول قبضهم بالثابتة (يعنى وثايق وكده) انهم كذابين. 3-ما فى زول عندو علم و لو قليل جدا فى علم الفلك كذب ناسا. الحجات دى ما بالترتيب. لكن الحجات دى بتخلينى اصدق فى الاول. لاحظ كمان انى ما عندى علم باخر تطورات التكنلوجيا وتفاصيل انها بتشتغل كيف. و انى ما متخصص فى علم الفلك. يعنى انا و انت و كل الهواة اللى فى الدنيا -اى واحد مننا-ما عنده ربع العلم اللى عند زول درس فلك لمدة 4 سنوات فى الجامعة و 6 سنوات اخرى لدراسات عليا. اذا انا وانت بنفهم فى الفلك اكتر منهم تكون دى عوجة!!!!