خبايا مشروع أبولو وخدعة الوصول للقمر

Quote: صورة المركبة القمرية وغيرها (العربة القمرية) المنشورة في موقع ناسا دي نحنا عارفينها نموذج، لكن ناسا بتدعي إنها الأصلية لذلك بنبدأ معاها ملاحظاتنا من أرضية صلبة تقف عليها ناسا ذاتها: 1- يا ناسا (مركبتك القمرية) دي فيها خشبة، تقوم تقول دي ما خشبة ويجي واحد زيك يجيب تقرير عن التصميم بتاع المركبة الأصلية وبالتأكيد لا يتحدث عن خشب، يعني ناسا تتهم الناس ضمناً أنهم لا يعرفون الأشياء التي يرونها 2- يا ناسا (المركبة القمرية) بتاعتك نزلت على سطح القمر بدون ما تترك أثر على التراب القمري؟ تقوم تجيب حسابات وتتكلم عن طبيعة القمر، لأن الناس ما عندها خلفية تقارن بيها ومعظمهم ما عندهم خلفيات الميكانيك، (rocket science) 3- يا ناسا (مركبتك القمرية) مالها مليانة سولوتيب وفويل وفيها بلاستيك مبعج؟ تقوم ترد دا ما بلاستيك وما سولوتيب، ويجي واحد زيك يجيب المواصفات بتاعة الأصلية، طبعاً مافيها سولوتيب ولا بلاستيك، يعني ناسا بتشكك الناس في الشافتو عيونهم وعارفينو بالضرورة

أها الصورة الفوق دي بتاعة الخشب دا البيحترق دا، في الحقيقة هو ما خشب ولا حاجة


أنا هسع شايف القدامي دا خشب وما عندي شك في إنه خشب، مش كدا وبس، أنا أول مرة شفت النوع دا في بيتي لمن اشتريته افتكرته إنه خشب، يعني قدام عيني ومسافتي منه زي ربع متر ومفتكره خشب، وولعته وبرضه مفتكره خشب لحدي ما لمسته بيدي حتى اكتشف إنه ما خشب؟


طيب دايرني كيف اقتنع من مجرد صورة إنه القدامي دا خشب؟