خبايا مشروع أبولو وخدعة الوصول للقمر

Quote: واحد جارك محترم عنده عربية فولكسواغن بيتل قديمة وانت ما عندك خبرة في الميكانيكا الجار قال ليك أنا مسافر بورتسودان بعربيتي الفولكسواغن وبجي بعد أسبوع إنت ما عندك فكرة عن بورتسودان ولا كيف الوصول إليها جارك مشى بعربيته القديمة سوبا، ورجع المساء بدون علمك اعتكف في بيته أو بيت قريبه لكن في الخرطوم تحديدا بعد أسبوع، رجع سوبا بدون علمك وساق العربية من هناك وجاء في الوقت المحدد لعودته دق ليك الباب وقال ليك أنا رجعت من بورتسودان وجاب ليك هدية صَدفة بحر ومرجان كان مشتريها من السوق الأفرنجي بتاع الخرطوم بعد شهر، صاحبك الميكانيكي شافك مبسوط وبتقول إنو جارك سافر وجاب ليك هدية من بورتسودان صاحبك الميكانيكي أوضح ليك - جارك دا عربيته ما بتسافر برة الخرطوم لأنها قديمة وما بتتحمل السفر - بعدين كل الكباري في الطريق السيول شالتها وما في طريقة تسافر أبعد من مدني - جارك دا عندو بواسير وما بيقدر يتحمل السواقة أكتر من نص ساعة - صدف البحر دا ممكن تمشي تشتريهو من الفراشين في سوق أم درمان تاني يوم مشيت انت عاينت للعربية لقيت العداد بتاع الفولكسواغن زايد خمسين كيلو بس

... المهم ....