|
|
 Re: الثلاثاء العاشرة مساء يصل جثمان الراحل مجدي الي مطار الخرطوم (Re: عمر صديق)
|
وين يا البري
دود كيده البفرج نار همومي وشري
عسفتبو العبوس فارس العجاجها بضري
سابل عرضو وافر وحاشا مو متعري
دفاع البداني التيه بقونو عشنق
فوق ضيفانو طرباناً بتيتل شنق
فارس الدنقلن ندل ضحيوه اتخنق
روا العطشانه في عصر التريا الزنق
رحل العندو لي كل ود فُراش تقدير
ماصع ديمه طول ليلو ونهارو هدير
يوم دبكي الخيول والمعركه ام قصدير
بطرى متبر القدم الحزامو قصير
رحل الجودو ما بتحاكا دربو زلالق
رحل الببسط الدعجه الوضيبها كلالق
رحل البدفر الوتر لجامو وشالق
رحل الكفو زي سيل المطور الدالق
وقول لي اردب
رحل الفي المحول بدي الضعاف بالاردب
رحل المن حمول الغير مكرك سردب
النيل الدغور اتراشا طربان بردب
بدفع ديمه ما بهم من غناهو وفقرو
عارف كل حيا بندمل في مقرو
الجزر السمان لي ضيفو والق عقرو
فارس زقرة اليوم البخوجل صقرو
فارسا منو لابسات المراتب قفن
ايا عقيد ركابين الضعاين اللفن
رحل الكفو زي سيل ام بروقا رفن
عليهو امات رشوم لبسن حدادن وحفن
يا مجدى
يا الفي البلد نواره
تبكيك العامه سارفا دموعا فاقدا حدارا
فقدنو العوادم في المحل دوارا
خت لهيجا بكري وناقتو نافره حوارا
رحل البي الخمام بمصع ويطبق الزيمه
رحل البفرج الكربه ويفش الضيمه
رحل العندو في كل المجالات قيمه
رحل الببسط الدعجا البيقود هضليما
رحل الجودو مو سخله وعتوت دغاي
رحل البدفع الدرشي البداني الناي
رحل الدارو لليتمى المساكين تاي
رحل الايدو سارية السما الدوداي
فرقك في الضمير فتق جروحو وخزن
بلدك كلو فاقدك مرخ وسمر وقوزن
ناس وادي الرسن والربدي برضو بعزن
لي فارس المغارات ام مدافعاً رزن
ابكوا على العزيز نسبو ومنسل حُر
قشاش دمعة الدعجة الوضيبها بجر
رقد فارس المغارات ام خيولاً غُر
بت الحسكنيت رزمت وابت ما تدُر
فاقداك القفارات ام عِبدتاً ضارعه
والوعر التقرقر في الاسود متصارعه
سكينك على عقر الردوف متسارعه
يا اب شنبا ملوى وعاليه قامتك وفارعه
دفاع البشابه قجة الشراك
خلاّص البضيق عند زقرة الكوراك
كل الحياه سارفا دموعا تبكي وراك
رحل الصيد روايم همل الشراك
اياك فارس الخودا البركز الصف
غير الطيبات بي شينه ما اتوصف
اصلو الدنيا متى ما تدور بتختف كف
كان ببقالي في كفنك معاك بنلف
راح سيف الصحابه الديمه جايب النصر
شروق وغروب صعيدا وبنفقد لمصر
يا بركة برا ويس وسورة العصر
تدخل الجنه لوج عالي وسكونك قصر
|
|
 
|
|
|
|
|
| العنوان |
الكاتب |
Date |
 الثلاثاء العاشرة مساء يصل جثمان الراحل مجدي الي مطار الخرطوم | العوض المسلمي | 02-13-12, 04:06 PM |
| Re: الثلاثاء العاشرة مساء يصل جثمان الراحل مجدي الي مطار الخرطوم | الشامي الحبر عبدالوهاب | 02-13-12, 04:17 PM |
| Re: الثلاثاء العاشرة مساء يصل جثمان الراحل مجدي الي مطار الخرطوم | Ahmed al Qurashi | 02-13-12, 04:46 PM |
| Re: الثلاثاء العاشرة مساء يصل جثمان الراحل مجدي الي مطار الخرطوم | محمد مكى محمد | 02-13-12, 05:02 PM |
| Re: الثلاثاء العاشرة مساء يصل جثمان الراحل مجدي الي مطار الخرطوم | عمر صديق | 02-13-12, 05:02 PM |
| Re: الثلاثاء العاشرة مساء يصل جثمان الراحل مجدي الي مطار الخرطوم | وضاحة | 02-13-12, 05:38 PM |
| Re: الثلاثاء العاشرة مساء يصل جثمان الراحل مجدي الي مطار الخرطوم | Hani Arabi Mohamed | 02-13-12, 05:58 PM |
| Re: الثلاثاء العاشرة مساء يصل جثمان الراحل مجدي الي مطار الخرطوم | العوض المسلمي | 02-13-12, 06:10 PM |
| Re: الثلاثاء العاشرة مساء يصل جثمان الراحل مجدي الي مطار الخرطوم | القلب النابض | 02-13-12, 06:03 PM |
| Re: الثلاثاء العاشرة مساء يصل جثمان الراحل مجدي الي مطار الخرطوم | الامين موسى البشاري | 02-13-12, 06:11 PM |
| Re: الثلاثاء العاشرة مساء يصل جثمان الراحل مجدي الي مطار الخرطوم | ذواليد سليمان مصطفى | 02-13-12, 06:05 PM |
| Re: الثلاثاء العاشرة مساء يصل جثمان الراحل مجدي الي مطار الخرطوم | معتصم محمد صالح | 02-13-12, 06:33 PM |
|
| |
وضاحة
فيس بوك
تويتر
انستقرام
يوتيوب
بنتيريست