محجوب شريف ...صاحب الخلق النبيل ..ونصير الضعفاء ..الوطنى الجسور ...توثيق

مرحبا Guest
اخر زيارك لك: 03-28-2024, 04:13 PM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مدخل أرشيف الربع الاول للعام 2014م
نسخة قابلة للطباعة من الموضوع   ارسل الموضوع لصديق   اقرا المشاركات فى صورة مستقيمة « | »
اقرا احدث مداخلة فى هذا الموضوع »
04-27-2014, 10:25 PM

الكيك
<aالكيك
تاريخ التسجيل: 11-26-2002
مجموع المشاركات: 21172

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: محجوب شريف ...صاحب الخلق النبيل ..ونصير الضعفاء ..الوطنى الجسور ...توثيق (Re: الكيك)

    عمار محمد ادم

    يرثي محجوب شريف


    هو اماني ماهو ولد ..حزنك يكفي بلد
    الناس تعزي بعض ..طلقوا الكواريك جد
    يبكوك يابا كتير ..اتنخجو فاتو الحد
    يبكوك دموع الدم ..يالصرحو ماتهدم
    وليها البلد قدم ..باكت ربيكا حرم
    كيفن دموعنا تقيف ..مركبنا كايسي القيف
    مااحلى زولا حي ..انساني ثوري شريف
    زولا كريم ونضيف ..رمزا بسيط وعفيف
    محجوبنا ياإنسان فقد الحضر والريف
    الزول دا دمو خفيف ..واماني ماهو ظريف
    روحا تملي لطيف ..ظلانا ظلو وريف
    محجوبنا زي نسمة ..ريحة دعاش وخريف
    يلقاك بالبسمة .. تهدي السلام ايدو
    بنريدو بنريدو ..حميدنا حميدو
    اشعارو للاوطان ..هي قلادة في جيدو
    مااعظم البشرى ..محجوبنا زول بكرة
    الرؤية والفكرة ..ولواعج الذكرى
    تبكيك بنات ام در ..ولدا شيوعي وحر
    ولدا مكرب وضو ..فارسا عيونو حمر
    ماهاب بيوت اشباح ..حارا قليبو جمر
    ماباع مع البايعين ..ماخاوى يوم الضر
    اواه اه اه ..احزان قلوبنا كتر
    احزانو في ام درمان ..حاديها اشجانا
    الناس تلف وتدور ..الامة محنانه
    الفقر في كدباس ..وديوم وسجانه
    الكل مقطوع راس ..عربان ورطانه
    حتى الشدر يبس ..ابنوسة او بانه
    لا دومن خدر شال ..لا نخلة رويانه
    شوفي العذارى بكن ..ست شاي وحنانه
    والنوبا في ام درمان ..ما اعذب الحانها
    غنو المناحة بكوا ..فنان وفنانة
    ووضعنا فوق قبرو ..زهرية ما دانة
    زهرية من شمبات ..مااروع الوانها
    وبكينا كيف محجوب ..وين حزنو ودانا
    مريم تقالد مي ..رحل الجميل ونبيل ..صاحب الضمير الحي
    ماهادن الطغيان ..ماقال كلاما ني
    تبكيك بنات الحي ..تبكيك ووب واحي
    والحزن في بلدي يكوي الملايين كي
    محجوب غنى التربال ..صوت النضال جلجال
    اجيال وراء اجيال ..الطلبة والعمال
    لابد يبزغ فجر ..ومحال دوام الحال
    بقصيدة ولا مقال ..بشرانا حسن الفال
    ماهز عصف الريح في الدنيا مره جبال
    البدر والانسام ..والنيل ده مويتو زلال
    ترقصلو كم نخلة وتدي البحر شبال
    محجوب ضمير الناس ..طبشيرتو والكراس
    وطني وعميق احساس ..سيد الجلد والراس
    محجوبنا حادي الركب ..ومسيرتو تضوي الدرب
    تتجلى كلماتو تدي الامل للشعب
    تحي السلام فينا توقف نزيف الحرب
    محجوبنا يا وطني ..فقد الشرق والغرب
    وشمالنا يبكيهو ..يبكي الصدق فيهو
    وجنوبنا ينعيهو ..يهدي السلام ليهو
    لابد نلقاهو نتلاقى في البرزخ
    لابارا راسمالي ..لايوم وقع في الفخ
    ضد اللي باع بلدو مسلول وسيفو سنين
    ونضالو ما أمبارح ..من بدري ليهو سنين
    ما طاطا يوم راسو ..ماهان كرامتو يمين
    محجوب غنى الكادحين ..محجوب مع المسكين
    محجوبنا وينك وين ..متخفي ولاسجين
    لا باع باسم الدين
    احبابو ناس طيبين ..يااهلنا كيف حلوين
    محزون وكلي انين ..محجوب رقيق وحنين
    لاباع وبيعو رخيص ..لا خاوى اي إنسان رخيص
    ده اماني ما دسيس ..
    ..ويدخل كلامنا الميس
    ماحام مع العملاء ..في لندن او باريس
    لا حاول السلطة ..الزول براهو رئيس
    محجوبنا في الجنة محجوب حلالي عريس
    محجوبنا مع الفقراء أبوذر معاهو جليس
    محجوبنا سوداني ..محجوبنا إنساني
    لا قال وحاتو الروب ..لاجر وراني
    لا خاف وقلنا العار ..لا ادوه بالدولار
    محجوبنا ثوري عديل ..ابنوس تبلدي نخيل
    والله وطني اصيل ..ساقياهو موية النيل
    محجوب رسالة ريد ..ثورة وهتاف نشيد
    الليلة ليلية ..والقعدة نيلية
    وجدان وحنية ..همس المراكبية
    انصار وختمية وافكار شيوعية
    البحر حوليه ..واللحظة صوفية
    الارض ديالكتيك ..ونظرية جدلية
    خلوها بالنية ..الثورة مهدية
    ما اجمل الدمعة ..في عين نوبية
    تهتف مع الزملاء حرية حرية
    هاتفتو ما رد ..قالولي في امبدة
    قالولي قاعد في ..ماقده لي جده
    محجوبنا في كفه ..وامجادنا في كفه
    من نمولي لي حلفا ..وكلاكلة اللفة
    ما انهد يوم مالان ..ابكيهو للسودان
    ما اعظم الاحزان ..ياخيبة الاوطان
    العندو للاخوان ..ما انت زول انسان
    ابكيك ياراقي ..من اعمق اعماقي
    من كل داء جاء ..قد كنت ترياقي
    بلغ سلامي نقد ..اخوان وبينا الود
    ادي الشفيع طله ..فاروق حمدنا الله
    ودينا لي قدام ..دكتور كدودة سلام
    سلم على حميد ..كرر سلامي وزيد
    وسلامي ليها سعاد ..فوق الملايين زاد
    ما اعظم الرفقاء ..لابد لينا لقاء

    -------------------------

    وصية محجوب شريف السادسة ..

    بقلم: حسين الزبير


    الأحد, 27 نيسان/أبريل 2014 07:55



    الثقة في قدرة الشعب وعظمته والإيمان بأحلام الغد
    كثيرا ما تسمع بعض الناس يصفون الشعب السوداني بالجبن و الخنوع ، ناسين ان التاريخ يقر بعظمة الشعب و قوته، فان طال امد الشمولية الحالية ، لا يعني ذلك ان الشعب استسلم للظلم و الفساد و الفوضي، و دونكم اكتوبر و ابريل و سبتمبر، و كذلك الثورة التي تتخلق في رحم الشعب الآن.
    من هو هذا الشعب الذي تلومونه؟ الشعب ، و بتصور بسيط، هو مجموع الناس الذين تجمعهم رقعة جغرافية تسمي الدولة، جموع الناس الذين يتقاسمون العيش في هذه الرقعة الجغرافية بثقافات متعددة و متبايبة، لكنها متجانسة تعيش في وئام. و قد يقول احدكم ان الشعب هو انا و انت و هو و هي. بالتأكيد! لكن عندما تتحدث عن الافراد كمكونين للشعب ، يجب ان نتحدث عن الافراد بصفاتهم الانسانية. ذكرت لكم في مقال سابق ان الانسان قد يكون انسانا انسانا او انسانا حيوانا. و لتبيان ذلك قلت في ذاك المقال : (.... فان فكرة الانسان الانسان، و الانسان الحيوان ليست شريحتين، بل هي نقطتين علي خط متصل (Continuum) ، في اقصي نقطة علي هذا الخط علي اليمين اعلي درجات الصفة الموجبة ، اي الانسان الانسان الكامل. و علي الجانب الآخر في اقصي درجات الصفة السالبة الانسان الحيوان الكامل.) و رغم التكاثر الاميبي للانسان الاقرب الي نقطة الانسان الحيوان في ربع القرن الماضي ، الا ان غالبية الشعب السوداني اقرب الي نقطة الانسان الانسان. و هؤلاء هم الشعب الذي يعنيه محجوب شريف عندما يخاطبه و يقول:
    يا شعبنا
    يا والداً أحبنا
    يا من وهبت قلبنا
    ثباتك الأصيلا

    و هذا الشعب الذي يقصده ، هو الشعب صاحب الذاكرة الجمعية ، و الوعي الجمعي ، و القدرة الجمعية التي تجعله في لحظة معينة من التاريخ يقول "اكتوبر ديناميتنا ساعة الصفر" و يتفجر غضبه و تتدافع جموعه في الشوارع كالسيل المنهمر، و يكون كل فرد في تلك اللحظة محجوب شريف، ويقولون لطائفة الانسان الحيوان:

    وحياه الشعب السوداني
    في وش المدفع تلقاني
    قدام السونكي حتلقاني
    وانا بهتف تحت السكين
    الثوره طريقي وايامي
    معدوده وتحيا الحريه
    و الايمان بهذا الشعب و قوته و قدرته ما يوصينا عليه محجوب شريف، يوصينا ان نحب هذا الشعب اولا ، نتعرف علي الطريقة التي بها نحب الشعب. يجب ان يكون حبنا لغالبية الشعب ، اي تلك الفئات التي يقع علي عاتقها تحمل مآلات الفقر و التضخم ، و لا تنسي سفاهة الانسان الحيوان و قلة عقله. يجب ان نحب الشعب و نضحي من اجله لان طريق الشعب هو طريق السلامة و الاخاء و النماء و الطمأنينة

    طريق الشعب اوسع من زحام الطين
    وقلب الشعب ارحب من رحاب الضو
    ونبض الشعب كلو حلم بداه بيتم
    وتطلع من شقوق الارض آلاف المدن قامات
    ويطلع حتى من قلب الحجر والصى
    شجر متشابك الهامات
    وجيل جاى حلو الشهد
    صبايا وفتية يمرحوا فى صباح الغد
    عيونهم برقهن لماح سؤالهم رد
    خفاف ولطاف وثابين أوان الجد
    دفاعا عن حياض السلم والافصاح

    و اذا آمنا بالشعب و بقدرته، و احببناه لان في حبه الخير لكل الناس : فصيلة الانسان الانسان و فصيلة الانسان الحيوان ، لان نشر ثقافة الايثار و حب الخير للجميع، بالتأكيد يغير من انتشار افراد الشعب علي خط الانسان (Continuum)و لا نجد الا قلة قليلة بالقرب من النقطة السالبة. و مثل هذا التصور هو الذي يجعل محجوب شريف ان يوصينا بان لا نفقد الثقة في الشعب و نحلم بالغد و جيل الغد الذي سيكتب تاريخا جديدا مضيئا.

    وطن الجدود وطن الجدود
    نفديك بالأرواح نذود
    من بعد ذلك يا جميل
    أحلم بما لك من حقوق
    كشك الجرايد في الصباح،
    كيس الفواكه والملابس والكراريس والحليب
    نكهة خبيز والدنيا عيد إنسان عزيز
    وطن سعيد والشعبِ حر
    وطن التعدد والتنوع والتقدم والسلام
    حيث الفضا الواسع حمام
    والموجه خلف الموجه والسكه الحديد
    حرية التعبير عبير
    تفتح شهيتك للكلام
    و بقدر ما يوصينا علي الامل في المستقبل و الايمان بقدرة شعبنا العظيم ، يحذر احفاد قابيل من الاستهانة بقوة الشعب و بذاكرته الجمعية ، و من الازدراء بابنائه ، و التعامل مع ثرواته و قوت عياله "بشغل التلاته ورقات"
    واليزدريك..
    يا ويلو من زحفك عليهو..
    ومن مشيك
    يا ويلو من أجَلُو الوشيك
    يوم ينكسر قيد الحديد
    السنكى..
    والزنزانه
    والسجن السميك
    وخطى الشهيد
    من حولو تهدر والنشيد
    وانت ايديك
    تطلع عليك
    من كل باب
    مليون سلام يا شعبنا
    ومليون حباب
    و لكن احفاد قابيل ، و كأنهم احفاد "الخرتيت" ايضا، بصرهم اليوم مركز علي قطعة الجبنة ، لا يرون غيرها و لا يسمعون النصيحة، و الا فما تفسيركم اعزائي في هذا الوقت من تاريخ الانقاذ، ان تسمع "بالاقطان قيت" و فرسانها من السلطة القضائية؟!!

    يا اللي بتسمع والما بتسمع
    لازم تفتح اضانك وتسمع
    صوت الشارع لمن يدوي
    كل قلاع الخونة بتهوي
    وكل جباه الكهنة بتركع
    وشمس الحق السرقو شعاعها
    بكرة بامر الشعب بتطلع

    شاعر الشعب يدعونا لحب هذا الشعب و الثقة به ، و يوصينا علي فداء الوطن بالمهج و الارواح ، و يصور لنا كيف ان حب الوطن يمكن ان يكون جريمة في عهود التيه و توحش الانسان الحيوان. عندها تجب التضحية و يجب فداء الشعب و الوطن
    مطارد ومستباحة دماي
    عساكر من دروب تايهات مداي
    قدامي خطاي ووراي
    وذنبي هواي ليك يا موطني ومناي
    وذنبي ولاي وإنك سيدي ومولاي
    تعيش يا ذنبي طول ما عشت معاي
    لا عنك بحيد لا جاي بفوت ولا جاي
    فديتك يا مديد القامة
    يا شعباً سديد الرأي
    وقلبي عليك يا حجراً حنين دفاي
    أقبل وين أفوتك وفى حماك حماي
    أسيب عزاي أسيبه وكيفن ألقى عزاي
    فى وحشتي وسلواي عيونه وبحة الغناي
    نخيلك ثمرة ضو صباي
    ونيلك فى جواي هامد هميم جرّاي
    وقبضة إيدي مسكة رمحك الرماي
    أطالع فى صحارى الليل
    مطالع صبحك الضواي
    فديتك لو بقيت منفاي
    فديتك لو بقيت مرساي

    يقيس بعض الناس عمر الشعوب بالعقود، تماما كما تقاس اعمار الافراد ، لكن اعمار الشعوب تقاس بالقرون, و لا شك انه من غير المعقول ان يضيع ربع عمر جيل كامل في الفساد و الافساد و هدم كل البني التحتية ، ليكون الواجب الاول عند استرداد الشعب لعافيته ، بناء الاساس الذي كسر و هدم مع سبق الاصرار و الترصد. لذا فايمانه بالامل في الغد و الامل في اطفال اليوم كبير ، و يوصينا ان نحلم بالغد الجميل من خلال اعداد جيل الغد

    باكر تعرف تقرا وتكتب
    وياما ترتب
    نحنا بنحلم وكم نتمني
    هل تحقق كل ما تحب
    تبني حياتا الند بالند
    اي مكانة وخانة تسد
    هدهدا هدهد كل الورد ينوم ويفرهد
    زي عصفورة تطير وترك
    تحبا وتمسك وتاني تفك
    سيبا تفكفك سيبا تلكلك عايزة تنطط
    بكرة حترسم وياما تخطط
    بكرة حا يبنوا مدائن ضو
    ما بيعكر صفو الجو صفارة حرب
    تشطب من قاموس الدنيا
    الضرب الشك الخوف
    ينعموا كم بالشم والشوف واغاني الحب
    افتح بابك آمن تب
    زي ما النهر بيلقي مصب
    اي حمامة بتلقي الحب
    تلقي الورده الندي في الكم
    تلقي حداها جناها الام
    يرضع صافي حليب الحب
    نقدل نحن الجد والعم
    تملا عيونا كهارب سد
    بابا جاب الهم والزم والصد ينسد
    نفرح لما ندمع جد
    مد البصر الامل يمتد
    العمل يشتد البنا ينتم الغنا يمتد
    هدهدا هدهد
    اكتبي اكتبي الف المد
    حمام وسلام وسعادة بجد
    اكتبي اكتبي ياء المد
    سرير وعصير وعبير ينشم
    اكتبي اكتبي واو المد
    حقول وعقول تقرا المجهول كتاب الغد
    اكتبي علم وسلم
    لا حد يئن لا تسمع بم
    لا ينزف دم
    لا يعجز رد
    لا يعجز طب
    لا دمعه في خد
    تبتبا تبتبا تبتبا تبتب

    عند بداية الالفية الثانية، تأمل معلمنا الحكيم حال بلادنا مقارنة ببلدان العالم، و لا شك انه ادرك البون الشاسع بيننا و بين بلدان العالم، فاكد امرا واحدا: حقنا في ان نحلم بكل ما وصلت اليه الامم في الالفية الثانية، و اعذروني فلا مجال لايراد جزء من هذه القصيدة الرائعة:

    تلفون العالم حوِّل
    إتنين وتلات أصفار
    البرق هناك مستني
    والشمس على استنفار
    فلنزحف نحو النور
    لو ننحت بالأظفار
    من حقنا نحلم بي عالم
    بي عالم يتسالم ضدَ التسليح
    الخبز .. الحريات المكننة والتلقيح
    لن نقبَل بالمعتاد
    العكننة والتبريح
    العدل بلا تمييز
    الحظر على البمبان
    العطر مهب الريح
    دوران الأرض مراجيح
    والشفع لؤلؤ منثور سادين السكَّة أناشيد
    ما دين الدنيا بساتين ورداً..قمصان وفساتين
    والنهر بيعمل زقزاق
    من خضرة وحفلة ياسمين
    ناساً جيناتم زيناتم
    جنياتم خِلقة وأخلاق
    شبت حبت من لسَّعَ في الخاطر شوق
    وحنين في عيون العُشاق...
    كم مُدُناً طيَّ الأشواق
    حاراتا حتملا الأسواق
    وشوارع تجري ملايين
    لِسَّع في سنَن الأقلام
    أنفاس الناس القِدام وخُطى الأقدام
    في القرن الواحد وعشرين
    من خير الأرض الممتد
    تنعم أفواه ومناقير
    والحبّه ظلال وعصافير
    والخطوة بتبقى جماهير
    والهمسة بتبقى هتافات
    تتفكك لعب أطفال وأسرّة وإسعافات
    آفات فتكت بالسلم جنازير
    وتقرب بينَّا مسافات
    كنا بنمشيها محاذير
    وتفرهد ياما ثقافات
    تتنفس حق التعبير
    لا رجعة لظلمٍ قد فات
    تلقوه هناكَ ملفات فى ركن القرن العشرين
    إلقاء القبض على الخوف
    الخلا النسمة أعاصير
    والشجر الأخضر أوتاد..
    من حَقنا إننا نحلم
    لن نقبل بالمعتاد
    نتماسك أيدي ونرتاد القرن الواحد وعشرين
    شُبَّاكاً جنب الشُباك آفاقاً ذاتَ مصابيح
    تلفون العالم حول ... لا شك االرقم صحيح

    حقا " وما أيسر سبيلك الي الحق والشعر والشعب يا محجوب!" كما يقول الدكتور عبد الله علي ابراهيم ، و ما اعظمك من انسان انسان كامل الخصال.
    اللهم انا نشهد بفضل محجوب شريف علي الشعب السوداني فاجزه عنا خير الجزاء و اجعل الفردوس داره و مقامه.
    و آخر دعوانا ان الحمد لله رب العالمين و الصلاة و السلام علي اشرف الخلق و المرسلين.
                  

العنوان الكاتب Date
محجوب شريف ...صاحب الخلق النبيل ..ونصير الضعفاء ..الوطنى الجسور ...توثيق الكيك04-03-14, 06:01 AM
  Re: محجوب شريف ...صاحب الخلق النبيل ..ونصير الضعفاء ..الوطنى الجسور ...توثيق الكيك04-03-14, 06:09 AM
    Re: محجوب شريف ...صاحب الخلق النبيل ..ونصير الضعفاء ..الوطنى الجسور ...توثيق الكيك04-03-14, 06:14 AM
      Re: محجوب شريف ...صاحب الخلق النبيل ..ونصير الضعفاء ..الوطنى الجسور ...توثيق الكيك04-03-14, 06:49 AM
        Re: محجوب شريف ...صاحب الخلق النبيل ..ونصير الضعفاء ..الوطنى الجسور ...توثيق الكيك04-03-14, 09:37 AM
          Re: محجوب شريف ...صاحب الخلق النبيل ..ونصير الضعفاء ..الوطنى الجسور ...توثيق مني عمسيب04-03-14, 09:48 AM
            Re: محجوب شريف ...صاحب الخلق النبيل ..ونصير الضعفاء ..الوطنى الجسور ...توثيق الكيك04-03-14, 10:17 AM
              Re: محجوب شريف ...صاحب الخلق النبيل ..ونصير الضعفاء ..الوطنى الجسور ...توثيق الكيك04-03-14, 11:08 AM
                Re: محجوب شريف ...صاحب الخلق النبيل ..ونصير الضعفاء ..الوطنى الجسور ...توثيق اسماعيل عبد الله محمد04-03-14, 11:17 AM
                  Re: محجوب شريف ...صاحب الخلق النبيل ..ونصير الضعفاء ..الوطنى الجسور ...توثيق الزنجي04-03-14, 11:22 AM
                    Re: محجوب شريف ...صاحب الخلق النبيل ..ونصير الضعفاء ..الوطنى الجسور ...توثيق عبدالله عثمان04-03-14, 12:21 PM
                      Re: محجوب شريف ...صاحب الخلق النبيل ..ونصير الضعفاء ..الوطنى الجسور ...توثيق الكيك04-03-14, 10:17 PM
                      Re: محجوب شريف ...صاحب الخلق النبيل ..ونصير الضعفاء ..الوطنى الجسور ...توثيق الكيك04-03-14, 10:37 PM
                        Re: محجوب شريف ...صاحب الخلق النبيل ..ونصير الضعفاء ..الوطنى الجسور ...توثيق محمد علي عثمان04-03-14, 10:39 PM
                          Re: محجوب شريف ...صاحب الخلق النبيل ..ونصير الضعفاء ..الوطنى الجسور ...توثيق Mohamed Adam04-04-14, 04:32 AM
                            Re: محجوب شريف ...صاحب الخلق النبيل ..ونصير الضعفاء ..الوطنى الجسور ...توثيق الكيك04-04-14, 10:05 AM
                              Re: محجوب شريف ...صاحب الخلق النبيل ..ونصير الضعفاء ..الوطنى الجسور ...توثيق الكيك04-04-14, 06:25 PM
                                Re: محجوب شريف ...صاحب الخلق النبيل ..ونصير الضعفاء ..الوطنى الجسور ...توثيق الكيك04-04-14, 10:48 PM
                                  Re: محجوب شريف ...صاحب الخلق النبيل ..ونصير الضعفاء ..الوطنى الجسور ...توثيق bashir kurdufan04-05-14, 01:22 AM
                                    Re: محجوب شريف ...صاحب الخلق النبيل ..ونصير الضعفاء ..الوطنى الجسور ...توثيق الكيك04-05-14, 09:29 AM
                                      Re: محجوب شريف ...صاحب الخلق النبيل ..ونصير الضعفاء ..الوطنى الجسور ...توثيق الكيك04-05-14, 10:23 AM
                                        Re: محجوب شريف ...صاحب الخلق النبيل ..ونصير الضعفاء ..الوطنى الجسور ...توثيق الكيك04-06-14, 06:50 AM
                                          Re: محجوب شريف ...صاحب الخلق النبيل ..ونصير الضعفاء ..الوطنى الجسور ...توثيق الكيك04-06-14, 09:52 AM
  Re: محجوب شريف ...صاحب الخلق النبيل ..ونصير الضعفاء ..الوطنى الجسور ...توثيق المكاشفي الخضر الطاهر04-06-14, 10:17 AM
    Re: محجوب شريف ...صاحب الخلق النبيل ..ونصير الضعفاء ..الوطنى الجسور ...توثيق الكيك04-06-14, 10:36 AM
      Re: محجوب شريف ...صاحب الخلق النبيل ..ونصير الضعفاء ..الوطنى الجسور ...توثيق الكيك04-06-14, 10:17 PM
        Re: محجوب شريف ...صاحب الخلق النبيل ..ونصير الضعفاء ..الوطنى الجسور ...توثيق الكيك04-07-14, 09:06 AM
          Re: محجوب شريف ...صاحب الخلق النبيل ..ونصير الضعفاء ..الوطنى الجسور ...توثيق الكيك04-07-14, 05:49 PM
            Re: محجوب شريف ...صاحب الخلق النبيل ..ونصير الضعفاء ..الوطنى الجسور ...توثيق الكيك04-08-14, 08:08 AM
              Re: محجوب شريف ...صاحب الخلق النبيل ..ونصير الضعفاء ..الوطنى الجسور ...توثيق مني عمسيب04-08-14, 08:13 AM
                Re: محجوب شريف ...صاحب الخلق النبيل ..ونصير الضعفاء ..الوطنى الجسور ...توثيق الكيك04-08-14, 10:09 PM
                  Re: محجوب شريف ...صاحب الخلق النبيل ..ونصير الضعفاء ..الوطنى الجسور ...توثيق الكيك04-09-14, 08:43 PM
                    Re: محجوب شريف ...صاحب الخلق النبيل ..ونصير الضعفاء ..الوطنى الجسور ...توثيق الكيك04-10-14, 11:24 PM
                      Re: محجوب شريف ...صاحب الخلق النبيل ..ونصير الضعفاء ..الوطنى الجسور ...توثيق الكيك04-10-14, 11:39 PM
                        Re: محجوب شريف ...صاحب الخلق النبيل ..ونصير الضعفاء ..الوطنى الجسور ...توثيق الكيك04-11-14, 03:09 PM
                          Re: محجوب شريف ...صاحب الخلق النبيل ..ونصير الضعفاء ..الوطنى الجسور ...توثيق الكيك04-12-14, 10:17 PM
                            Re: محجوب شريف ...صاحب الخلق النبيل ..ونصير الضعفاء ..الوطنى الجسور ...توثيق الكيك04-14-14, 08:48 AM
                              Re: محجوب شريف ...صاحب الخلق النبيل ..ونصير الضعفاء ..الوطنى الجسور ...توثيق الكيك04-14-14, 10:52 PM
                                Re: محجوب شريف ...صاحب الخلق النبيل ..ونصير الضعفاء ..الوطنى الجسور ...توثيق الكيك04-15-14, 10:39 AM
                                  Re: محجوب شريف ...صاحب الخلق النبيل ..ونصير الضعفاء ..الوطنى الجسور ...توثيق الكيك04-18-14, 05:56 PM
                                    Re: محجوب شريف ...صاحب الخلق النبيل ..ونصير الضعفاء ..الوطنى الجسور ...توثيق الكيك04-21-14, 10:10 AM
                                      Re: محجوب شريف ...صاحب الخلق النبيل ..ونصير الضعفاء ..الوطنى الجسور ...توثيق الكيك04-23-14, 11:16 AM
                                        Re: محجوب شريف ...صاحب الخلق النبيل ..ونصير الضعفاء ..الوطنى الجسور ...توثيق الكيك04-24-14, 10:55 PM
                                          Re: محجوب شريف ...صاحب الخلق النبيل ..ونصير الضعفاء ..الوطنى الجسور ...توثيق الكيك04-27-14, 10:25 PM
                                      Re: محجوب شريف ...صاحب الخلق النبيل ..ونصير الضعفاء ..الوطنى الجسور ...توثيق الكيك04-29-14, 06:37 AM
                                        Re: محجوب شريف ...صاحب الخلق النبيل ..ونصير الضعفاء ..الوطنى الجسور ...توثيق الكيك05-04-14, 06:47 PM
                                          Re: محجوب شريف ...صاحب الخلق النبيل ..ونصير الضعفاء ..الوطنى الجسور ...توثيق الكيك05-06-14, 10:58 PM
                                            Re: محجوب شريف ...صاحب الخلق النبيل ..ونصير الضعفاء ..الوطنى الجسور ...توثيق الكيك05-06-14, 11:11 PM
                                        Re: محجوب شريف ...صاحب الخلق النبيل ..ونصير الضعفاء ..الوطنى الجسور ...توثيق الكيك05-07-14, 11:47 PM


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de