|
|
 Re: محجوب شريف ...صاحب الخلق النبيل ..ونصير الضعفاء ..الوطنى الجسور ...توثيق (Re: المكاشفي الخضر الطاهر)
|
محجوب شريف
عاطف عبد الله
هذه المادة جمعها ووثق لها الزميل عاطف عبد الله له جزيل الشكر على هذا العمل الكبير
أقول دون رهبة .. أقول دون زيف.. أموت لا أخاف .. أين أو متى وكيف .. بغتة مستمتعا بأنجم السماء .. ليل صيف .. رصاصة في القلب .. طعنة من سيف .. أموت لا أخاف .. أين أو متى وكيف .. أموت لا أخاف .. قدرما أخاف
أن يموت لحظة ضميري
فهرس
لقاء مع شاعر الشعب محجوب شريف - 5 -
البرنامج الانتخابي لمحجوب شريف - 22 -
ديوان الاطفال والعساكر الشاعر ضمير عصره - 26 -
قدر الثبات.. ضد السكات - 55 -
رسالة الى مريم محمود - 59 -
أغنية حب للخرطوم 64
بطاقة شخصية 66
الحب والثورة 68
الهمبريب - 70 -
محبة البينا ولا صداقة 72
مع السلامة 75
يمة شفتك فى المنام 77
عَشّه كلّمينا ميرى ذكرينا 79
وطنا.. 82
أحـبك 85
يا شعباً تسامى 87
يا شعباً لهبك ثوريتك 89
حنبنيــهو 91
مشتاق ليك كتير والله 93
أنا عارفه اسمك مين 95
محبة البينا ولا صداقة ؟ 97
مساجينك 99
أكتوبر هدير الحق 101
الغويشاية .. 103
تلفون العالم حوِّل 109
السنبلايه 113
السودان الوطن الواحد 118
الطاؤوس 123
يا اللي بتسمع .. والما بتسمع .. 126
مريم محمود 135
يا شعبنا 141
واحلالي 144
جميلة ومستحيلة 147
يابا مع السلامة 151
ود باب السنط 156
وتر مشدود 167
الشهيد 170
أغنية حب لعبد الخالق 175
ملينا الدفتر الأول 178
هكذا أستشهد البطل 180
وا حلالي 182
قاسم أمين 184
مريم ومي بنياتي 186
تبتبا 195
طريق الشعب 198
الحرامي 202
عما قريب 204
ونطلع للحياة أنـــداد 206
هم هم غم غم آخرتها دمدم 209
فديتك 211
الغائب 213
قزازة دم 216
ليلة الميلاد 219
مازلت بتذكر 221
أهلاً... أهلاً بالاعياد 223
بلا وانجلى 225
يا بهلوي 228
أو فانتظر! 231
أرفع راسك 236
يا مختفين في الناس.. 239
صفِّــقوا وغــنُّوا .. دقوا الترمبيتة 243
لحفيدي حميد قاسم أمين .. ولكل الأطفال ... 246
سرقتو وطن 248
أوعَك تخاف 251
and#65165;and#65247;and#65240;َand#65166;and#65211;ِand#65266; and#65259;and#65256;and#65166;and#65241; and#65261;and#65165;لدand#65165;and#65255;and#65266; 257
فكرهتموه 260
أقول دون رهبة 271
لقاء مع شاعر الشعب محجوب شريف
محجوب شريف :ـ
أسالوا عساكر السجون وضابط جهاز الأمن كم قصيدة أدخلتني المعتقلات ؟
لم .. ولن .. أتقاضى مليماً واحدا في كل أغنياتي العاطفية .
كتبت (مساجينك) داخل المعتقل وكانت إحساسا بالمد الثوري الذي حققته الانتفاضة .
أصدرت ديواني (الأطفال والعساكر) من داخل المعتقلات رغم الحصار والجبروت وباسمي كاملاً .
• هل الذين يقولون إنها انتفاضة 15 رجب هم نفس الذين يقولون 6 أبريل ؟
إيمانا مني بأهمية التوثيق أعيد نشر هذا اللقاء الهام مع شاعر الشعب محجوب شريف والذي نشر في نشرة (الهمبريب) التي كان الشاعر يصدرها خلال حملته الانتخابية عام 1986م، وذلك لان الموضوع يكتسب أهمية قصوى ويجيب على عدة تساؤلات عن مواقف هذا الشاعر الذي لا يعير الأضواء والشهرة أي اهتمام .
كما انبه إلى أهمية برنامجه الانتخابي الذي تجدونه في نهاية هذا الحوار ، وأستطيع أن أقول جازما بان هذا البرنامج يصلح ليكون أساسا متينا لأي لجنة دستورية يناط بها وضع دستور دائم يحكم السودان
كتبت عشرات القصائد ـ داخل المعتقلات وخارجها ـ تتغنى بحب الوطن، وتدعوه للثورة على واقعه المرير، هل كانت لظروف الاعتقال السياسي الشاق دورا في عدم اهتمامك بكتابة قصائد عاطفية ؟ وكيف توفرت لك إمكانية امتلاك ناصية البيان بهذا القدر المتقدم ؟
ـ بالطبع الشعر عندي ليس وقفا على القصائد الوطنية وحدها، كما انه ليست هنالك حواجز من الإسمنت المسلح بين كل شعر وآخر ـ بمعنى انك تشم نكهة الأغنية العاطفية في ضجة العيد، كما انك ترى ملامح الوطن في الأغنية العاطفية ذلك لان الوطن هو منبت الفكر والجمال . المهم في كل الأحوال الصدق والالتزام بشرف الكلمة والتمسك بدور الشعر الإيجابي في الحياة، وقضايا الشعوب وأحلامها في التقدم والسلم والرفاهية .
وإذا أردت الإجابة مباشرة أقول لك إنني مثلما كتبت ( وطنا ، ويا شعبا تسامى، ومساجينك) فقد كتبت (جميلة ومستحيلة) و( أنا مجنونك) و(ووردة صبية) و( وردة صبية) واخيرا ـ السنبلاية .
أما عن امتلاك ناصية البيان فذلك ليس من حقي أن أتحدث عنه ، أن هذا من حق النقد، والمتلقي وكافة الناس ـ ولكن اعتقد إنني صادق فيما اكتب ـ ولا علاقة للمنفعة ـ ماديا كان أم أدبيا ـ أي أنني اكتب تعبيرا عن وجداني وضميري، وبما احسه في الفترة المعينة أو اللحظة المحددة .
الإبداع المشترك بين الشاعر محجوب شريف والفنان محمد وردي والذي تجسد في أعمال فنية وثورية ذاعت بين الناس أحبوها ورددوها هل كان هذا اللقاء مصادفة ؟
ما بيني وبين وردي لم يكن صدفة وهو أيضا ليس قدرا . فأنا منذ طفولتي وصباي الباكر وحتى الآن احب الاستماع لمحمد وردي ، بالإضافة إلى النظرة المتحدة لدور الفن وفهمنا المشترك لمعنى الالتزام .
كثيرا من الناس يعبرون عن دهشة وتساؤل لانك كتبت قصيدة ( حارسنا وفارسنا ) بعد انقلاب 25 مايو بعضهم من مواقع الدهشة وبعضهم ـ وبخاصة السدنة ـ من مواقع التشكيك عل يمكن أن تحدثنا عن الظروف التي كتبت فيها هذه القصيدة ؟
كما أن هنالك رأيا يقول أن قصائدك التي نبعت قبل واثناء وبعد الانتفاضة لم تكن في قوة القصائد الاكتوبرية ؟
كثيرا من الناس وبخاصة بعض السدنة ..الخ ... لا يهمني ماذا يقول السدنة، يهمني فقط ( كثير من الناس ) ولهؤلاء أقول وبكل احترام وبأدب جم ـ كتبت يا حارسنا وفارسنا في أيام مايو الأولى وقد استقبلتها جماهير عريضة وواسعة بحماس كبير ، لم أكن يوم ذاك منتميا لأي جهة سياسية ، وكنت دون العشرين من عمري وتلك بين الدهشة والانفعال ، خاصة وان ضجة الترحيب بمايو كانت عالية ، رأيت شعبا سعيدا فسعدت ، فاستجبت صادقا فكتبت لم يكن في ذهني شخصا بعينه، لا السفاح المخلوع ولا الشهيد هاشم العطا . كنت خارجا لتوي من معهد السنتين بعد المدرسة الوسطى قادما من قرية ساكنة اسمها المدينة عرب لم يكن لدي أي رصيد من التجربة والنهج السياسي كان فقط حماس ينكره الآن الكثيرون . كما إنني أقول وبشجاعة تامة أن الذين وقفوا ضد مايو في أيامها الأولى لم يكن صوتهم عاليا بالقدر الذي يجتذبني إليهم وكثيرون منهم اصبحوا دعاة في ما بعد ( للاتحاد الاشتراكي)، والمجالس الشعبية وجهاز الأمن ، بل قامت على أك########م كل مؤسسات مايو الشائهه ولو أن مايو لم تنادي ( بالاشتراكية ) ولو إنها أكدت تمسكها بطريق التنمية الرأسمالية ، لما وقفوا ضدها بل لكانوا هم كتبة ( حارسنا وفارسنا) .... وهذا لا يعني أن الكثيرين أيضا وبوعي متقدم ـ لم يتوفر لي آنذاك ـ وقفوا ضد مايو دفاعا عن الديمقراطية والسيادة الوطنية .. ولكني أدين ( لحارسنا وفارسنا) بأنها وضعت قدمي على عتبة المسئولية .. أيقظت فيً روح الرصد والمراقبة وتكوين الأفكار وفتحت أمامي أبواب الحوار الواسع مع أطراف عديدة ( ورمت عين السلطة عليٌ) مما جعلها تعتقد إنني شاعرها وطبالها الذي يفصل على هواها ما تريد من قمصان الشعر وفساتين الكلمات وسرعان ما أطلقت حولي بخور الجذب المضلل ـ ( الموقع ـ والمكانة ـ والضوء ـ) ولكنني لم اكن سوى معلم ابتدائي بسيط ، إنسان لا يرغب في غير سترة الحال وصحوة الضمير ، إذ كيف يمكن مثلا أن يقبل من تخرج قبل عام واحد فقط أن يصبح سكرتير تحرير في جريدة كبرى ألم يكن هذا ( شركا) ؟ وإذا قبلته لوقعت في المستنقع حتى السادس من أبريل ، وغير هذا كثير . المهم أن رائحة الرشوة كانت تفوح برائحتها النتنة فتعروا سريعا أمام الصدق والبساطة ـ وغير هذا تفاصيل كثيرة لا يسمح بها هذا الحيز ، كما إنها توقعني فيما لا احبه وهو الحديث عن النفس . لكن لابد من ذكر تفاصيل سواها أهمها أن بصيرتي تفتحت ووعيي نما بسرعة ما تواتر من أحداث خاصة وعامة فحزمت أمري وقررت أن أتحمل مسئولية ما كتبت .. فلم اهمس بذلك ولم اكتف بالانزواء إنما قررت أن أكون صوتا مسموعا أمام الشعب والتاريخ فكانت تلك القصيدة التي تشيرون إليها والتي اشتهرت في تلك الفترة بـ( لا حارسنا ولا فارسنا ) ثم قصيدة ( ما دوامة) وكان ذلك في عام 1970 ، أي أن العشرة السيئة لم تدم اكثر من عام . وفي ذلك المساء من عام سبعين فتح لي ملف في جهاز الأمن القومي برئاسة مامون عوض ابو زيد وتكرر استجوابي ـ قلت كذا في المكان الفلاني ـ في جامعة الخرطوم، في دار اتحاد طلاب الجامعة الإسلامية . لماذا تغير موقفك من التأييد إلى المعارضة؟ وكان كل هذا يتم بين التهديد والوعيد والإغراء ، لم يكن أحد يعلم ولم تكن هنالك جهة بعينها غير تيار الحركة الديمقراطية العام وسوى صوت الضمير ووجه الوطن . كل هذا كان يتم في عماراتهم الشاهقة وأنا في سنوات الحب والانطلاقة وتلك فيلات فيها ما فيها موجودة الآن وهي في ذمة التاريخ ـ إنني سعيد بأنني لم انتقد موقفي بيني وبين نفسي ، بل دفعت انضر سنوات العمر واجمل أيام الشباب وادفأ ليالي الأنس في سجونهم المظلمة مطاردا في الشوارع ممنوعا من حق العمل .. ودفعت أسرتي استقرارها ومريم محمود عافيتها .. ولست نادما على ما عانيت ولست خائفا مما هو آت ـ ولم يكن كل هذا من اجل تبرئة ذمة ( وبس) ولو كان الأمر كذلك لاكتفيت (بـ لا حارسنا ولا فارسنا) ثم فتشت عن عقد و( سديت دي بي طينة ودي بي عجينة) ولنسيني الناس كما لا يذكرون أي واحد غيري من الذين كتبوا لمايو من أيامها الأولى مرورا بكل بحار الدم والقمع ومصادرة الحريات حتى سقوطها في انتفاضة الشعب العظيمة . هؤلاء لا يسألهم أحد، رغم أطنان الأناشيد التي صدعوا بها الشعب وافسدوا بها الذوق وامتلاءت بها جيوبهم من شباك صراف الإذاعة وخزائن القيادة الرشيدة ( بالمناسبة اسألوا عني كل الصرافين وفتشوا كل الدفاتر لن تجدوا إنني في أي فترة تقاضيت مليما واحدا ولا حتى عن أغنياتي العاطفية )...
ولكن أسالوا عساكر السجون وضباط البوليس ومضابط جهاز الأمن .. كم قصيدة أدخلتني الزنازين، وكم نشيد منعني حتى البقاء بين المعتقلين، وكم نشيد جلجل في السجن فعجل بنقلي من كوبر إلى شالا .. إلى بور تسودان .. إلى سجن كسلا .. هذا هو التمني الذي اخترته حتى خروجي من السجن في ذلك الصباح الجميل .. صباح السادس من أبريل ، .. بل فتشوا عن ديواني ( الأطفال والعساكر ) الذي صدر في عز الجبروت والعنجهية وباسمي كاملا غير منقوص ولا متواري وكان سببا في اعتقال كثير من القادمين من المطار إلى كوبر .
المهم إن الصدق وحده ليس كافيا إنما الوعي والنضج والفهم العميق لتعقيدات الصراع الاجتماعي والسياسي والانحياز الكامل لجماهير الشعب هو صمام الأمان من الانزلاق في بريق الشعارات الداوية فربما كان المقصود هو إفراغ هذه الشعارات من محتواها وتدميرها بالتشويه والمزايدة .. لذلك يجب السؤال .. من هؤلاء؟ ! ومن خلفهم ؟ وما هي منطلقاتهم الفكرية وأصولهم الطبقية ؟ وما موقفهم من الديمقراطية ؟ ..و ...و... ؟ والاجابه الصحيحة هي التي تعطي غناءاً للوطن والشعب بعيدا عن الانتهازية والمصالح الأنانية الضيقة . كم هو ركيك وساذج هذا المعنى : ـ
(بنرجع ليك توصينا وبنسمع ليك تحدثنا ) انه معنى يحول جماهير الشعب إلى تلاميذ .. إلى قصَر ، ويلغي تماما دورها في التغير وحقها في الإرادة .. لقد لفت نظري إلى هذا المعنى طالب آنذاك كان يصغرني بعام .. فمسكت الجمرة حتى صارت شعلة في يدي .
المجد لشعبنا الأبي القوي وتبقى إرادته كما بقيت رغم (حارسنا وفارسنا) ورغم البراءة .. ورغم البذاءة ورغم .. ورغم .
المهم الآن أن ندافع عن الديمقراطية حتى الاستماتة كي لا نفتح الطريق أمام شاعر جديد يكتب فارسنا وحارسنا جديدة ، وذلك يعني أن لا نكرر أخطاء الماضي ولنلجم ومنذ الوهلة الأولى جماح العسكر مهما رفعوا من شعارات فليس هنالك أمضى واعز من حريات الشعب وكرامته .
أما عن إن قصائدي قبل واثناء وبعد الانتفاضة لم تكن في قوة القصائد الاكتوبرية فهو رأي ليس صحيحا على إطلاقه لانه لم يقم على دراسة ناقدة لتلك القصائد لان اغلبها حتى الآن يتجول في مساحات ضيقة ومحظورة اغلبها باسم ( قومية الأجهزة الإعلامية ) ولها فضل إنها كانت ( قبل الانتفاضة) . أما أناشيد أكتوبر فقد كانت بعد الانتصار تجلجل بالفرح العميق العام وقد كتبت تحت الشمس وعبير الحرية وقد توفر لها شرط هام من شروط الإبداع ألا وهو الديمقراطية ـ والحديث ما زال حول القصائد ( ( ما قبل) الانتفاضة ـ وهي قصائد عمرها يمتد 15عاما إلى يوم النصر ولم تجد فرصة النشر حتى يتم الحكم لها أو عليها ولكنها مع أناشيد أكتوبر لعبت دورها في سنوات الاعتقال في رفع الروح المعنوية وتأكيد صمود أبناء الشعب . أما أثناء الانتفاضة فهذا سؤال الاجابه عليه ليست ممكنة ، لان القصيدة الوحيدة التي سمعناها جميعا وكنا نردد بعض أبياتها .. كانت الشوارع الغاضبة المشتعلة بالهتاف ، ثم هل أكملت الانتفاضة مشوارها ؟ هل حققت بصورة جذرية أهدافها ؟ أليست هنالك فرامل؟!! هل الذين يقولون إنها انتفاضة 15 رجب هل هم نفس الذين يقولون إنها انتفاضة مارس أبريل ؟ أما أكتوبر، فقد كانت ثورة 21اكتوبر، ولذلك كان الطعم عاما والمذاق ليس متبايناً كثيرا بين السنة وأخرى . ومن تلك المواقع الفكرية الحادة والاستقطاب يتم النظر والسمع لما يكتب ومن هنا يصعب الإطلاق .
هل تنتمي لأي تنظيم أدبي آخر غير اتحاد الأدباء السودانيين ؟
أنا لست عضوا في اتحاد الأدباء السودانيين بل عضو في اتحاد الكتاب السودانيين ، المهم أن الديمقراطية تتيح تعدد المنابر ، وربما يظهر تنظيم باسم المبدعين السودانيين .. أو غير ذلك المهم في كل الأحوال سيبقى ما ينفع الناس .
• مساجينك قصيدة رددها الناس في المصنع والبيت والشارع .. فقد حملت للشعب النبوءة بالانتصار على حكم القهر .. هل هي من قصائد المعتقل ؟
السؤال عن مساجينك الاجابه عليه نعم وهو أحد أناشيد المعتقلات مثله مثل ( عما قريب الهمبريب يفتح شبابيك الحبيب ) فهي ليست نبوءة الأنبياء المرسلين المعصومين ، ولا هي بصيرة خاصة خارقة ، ولا بطولة فردية ، بقدر ما هي انسجام مع الإيقاع الداخلي والعام للحركة الشعبية التي لو لاها لكانت نبوءة تشبه الأماني المستحيلة . ولذلك لن تقبل جذورها أبدا كلمة جذورها في تراب الشعب مؤمنه بقدرته على الانتصار ولو آمنت في أي يوم بأنه ( شعب جعان لكنه ########) لما كان لها أن تعيش ولا أن تلهم .. فالمجد مجد الشعب وليس عندي سوى بعض من مدده .
معذرة إذا أطلت وشكراً فقد تحتم علي الإطالة ، المهم أن نتمسك بسؤال الشاعر والفنان والصحفي والقائد السياسي .. لماذا قلت كذا يوم كذا .. وماذا فعلت يوم كذا .. فبالنقد وحده وطرحه بجراءة تفتح الدروب الصحيحة للأجيال المقبلة ونمسك جيدا بزمام امرنا .. وليصمت من لا يحب ذلك أو فليشرب من البحر .
لكم الانحناءة .. وعفوا .. ومعذرة .
( صورة طبق الأصل لاحد الاستدعاءات المتكررة من جهاز الأمن للشاعر محجوب شريف) :ـ
اورنيك أمن عام نمرة 2
ورقة تكليف بالحضور صادرة بموجب المادة 11 / 3(أ) من قانون الأجهزة المركزية لأمن الدولة سنة 1974م
إلى ( الاسم) : محجوب محمد شريف
محل الإقامة : الثورة الحارة الخامسة
حيث انه لدينا معلومات بان جريمة ( تبين الجريمة باختصار ) قد ترتكب ( أو إنها قد ترتكب) .
وبما انه يبدو محتملا تقديمك لمعلومات جوهرية في هذا الموضوع فبناء عليه أنت مكلف بالحضور أمام رئاسة جهاز الأمن العام .
في اليوم 14 من شهر 6 سنة 1977م
في الساعة 10صباحاً للإدلاء بما تعلم وألا تغادر ذلك المكان دون استئذان ويلزم تحذيرك انه في حالة عدم حضورك في الزمان أو المكان المحددين بدون عذر مقبول يصدر أمر بإجبارك على الحضور .
تحريراً في اليوم 31 من شهر 6 سنة 1977م
مقابلة الملاحظ مصباح عبد الله
الإمضاء
البرنامج الانتخابي لمحجوب شريف
خلال انتخابات الجمعية التاسيسية عام 1986م
بسم الله الرحمن الرحيم والحمد لله رب العالمين
والمجد لله في الأعالي
وعلى الأرض السلام وبالناس المسرة..
ترى ماذا يقول الوثنيون ؟
مسلمون .. مسيحيون .. وثنيون ..
جميعا من تراب الأرض السودانية .
واليها عائدون
طبقات
أغنياء ، فقراء ، مناطق متخلفة ،
مناطق اكثر تخلفا ، مدن ، قرى
إسمنت ، صفيح ، قطاطي .. وخيام من الشعر
عرب ، نوبة ، نوبيون ، بجة ،
انقسنا، أعراق ، وأفخاذ وسحنات
والسن .. ومناخات تتداخل في أدق التفاصيل
نرفع سقف البيت في الشمال ..
وتنحدر السقوف في الجنوب ..
لماذا يتحدث بعضهم بأصوات عالية ..؟
والذي هو عيب وحرام هنا ..
شرف وبسالة هناك ؟
الدين لله والوطن للجميع
وكل شاة معلقة من عصبتها
ونحن نريد الدستور الديمقراطي
دستور الثقافات المتعددة
الدليب، الكمبلا، والمردوم
النميم، والباسكوب، والجنقر
الطنبور، وأم كيكي، وام بري بري
وهل تعلم إذاعة امدرمان
إن فنان الانقسنا الأول اسمه
جكمان ؟
ولذلك نريده دستوراً ديمقراطياً
يراعي ويحترم التعددية
أو بدلوا جلودنا بأخرى
واشتروا لنا السنة عربية من سوق عكاظ
واشتروا لنا شعرا وشفاها
وانوفا على نفقة البنك الدولي
واسحبوا السودان كالبساط
إلى أعلى بعيدا عن خط الاستواء
واستجلبوا لنا وجدانا
ازرعوا البلح في تربة التيلبون، والبفرة
واحلقوا كل لحى الأشجار في جنوب الوطن
واجعلوا النوبة يحفظون شعر
المتنبي عن ظهر قلب
ويقيمون المطارحات الشعرية
على رؤوس الجبال ..
وعندما يعرب تلاميذ الانقسنا الجملة الآتية:
(السودان الوطن الواحد ما قد كان وما سيكون.)
عندما تتمكنوا من القيام بكل هذا
يمكنكم أن تطلبوا منا أن نكف
القول عن إن السودان
وطن متعدد الديانات والأعراق
والطبقات والقوى الاجتماعية
متعددة الثقافات والأحزاب والمشارب
ولذلك لابد من دستور ديمقراطي
لجمع شتات هذا القاموس الفريد
ويسد أبواب الفتن..
وبهذه المناسبة لماذا اختفى
برنامج ( في ربوع السودان)؟؟؟؟ !!!!!!!
ديوان الاطفال والعساكر الشاعر ضمير عصره
بقلم الشاعر : جيلي عبد الرحمن
لانبالغ اذا قلنا ان هذا الديوان_ وهوبعض من شعر صاحبه- يمثل قمة للفن الثورىالاصيل الذى يتكامل فنيا وديمقراطيا فى السودان ،وانفجر كالاعصارفى خضم المد الجماهيرى الذى توجه شعبنا بانتفاضة 19 يوليو1971م.انه من ظواهر الطبيعة الاجتماعية اذن ...تلك التى بدات مخاضهابالثورة المهدية،واستكملت حلقة صاعدة فى ثورة 1924م، ثم تبوأت قمة جديدةبانبثاق الحركةلبوطنية - والماركسة بالذات- بعد الحرب العالمية الثانية لتصفية الاستعمار البريطانى...ثم اكتمال الثورة الوطنية الديمقراطية..واخذت خصائصها الجديدة تستبين فى عاصفة اكتوبر 1964 ..ولا نقول ان هذا الفن قد انفجر اعصارا عاتيا فى السبعينيات من باب التزويق البيانى فنحن نعنى بذلك ان رايات المشرعة، وسماته فى الشكل والمحتوى قد اكتسب نوعية وميلادا جديدين
لم يجث هذا الفن على ركبتيه ، أو ينكس راسه ،وكما يحلو لمحجوب شريف ان يقول لم ينكسر سيفه .. والسيف هذا لايتقلده نبيل من سلالة الاقطاع أو "محلق"،نجيب من قبائل الهدندوه..فمثل هذه السيوف والجياد قد ولى زمانها.. ولكن سيف الشعر احمر صقيل ، رمز يستمده من التراث الشعبى ويغنيه بدلالات انسانية زاخره ، ،والعشيقة التى ينافح عنها هذا السيف هى سماء الخرطوم
ونقاوة التربة ، وشرف الوطن ..وان كانت ثمة ولهى فى انتظاره فنها تلتحم بالسماء والتربه والشرف،والا ليس بينه وبينها من واصل ..واذا كان هذا الفن لم ينحسر بالردة ..وانما ردها على اعقابها ووضعها فى قفص الاتهام..بل غدا قاضيا لايسترجع الاوضاع المقلوبه الى نظامها الصحيح ..ويحشو البنادق بالرصاص لسددها فى صدور الخونة..ويرفض فى اباء المقولةالخاسرة بتركيع الثورة - مما سنوضحه بشئ من التفصيل فيما بعد - نقول ان هذا السيف لايستجدى الامل ،او يدق النحاس لواهنين وجيلين ، ولكنه شاهد وضمير عصره.. فهو يحيل الحلم الى حقيقة .. ويخوض معركة كتب فيها للشهيد ان يكون عريسا ، والصرخة زعرودة، والمتهم قاضيا ..ويخلع عن المجرم رتبته واوسمته ليقبع فى مكانه من القامة ملطخا بالدم ، وقد علقت على رقبته المشنقة التى نصبها للشرفاء
بالاحضان نستقبل هذا الديوان الذى يطرب افئدتنا بنغم الوطن ، وعبق دم الشهداء.. ولن نقف لدى الهنات التى قد يتعرض لها الشعر حينما ينظم قصيدة فى السجون وقد شح الورق ،أو مايبدو فى الديوان من نبره عالية تقترب حينا من الهتاف أو التكرار فهذه
،الهنات لاتقل بحال من المكانة المرموقة، والركائز الفنية
التى ارساهاالشعر فى مسيرته الثورية
فى قصيدتين من قمم الديوان يؤكد محجوب شريف انسانيته ..بل تنسكب اضلعه فيهما - الما واملا- يمتزجان فى ديالكتيكية الصراع ، وهما "الحب والثورة"ورسالة الى مريم محمود "وكانما يقول بهما فى نقاء ثورى مؤثر - بعد استنفار الهمم ورفع راية التحدى والعصيان - ها انذا انسان بسيط واله محب ، كاعمق مايكون الشعر والشوق .. فليست تلك العواصف نصيبكم وحدكم ايها الشعراء العاكفون فى محراب العزلة ..لا.. اننا نعتقها وهى تثرى بنا ، ولكن حبى يعانق الثورة ، مريم تجسد الام السودانية الاصيلة التى لاترضى "الشين"والعار لابنها..ان الرمز يرتفع ويسموحتى تصبح حبيبته وامه كل مايملك من تراث وشمم وذكريات
مشتاقلك كتير والله
وللجيران والحلة
كمان قطر النضال ولى
وغالى على ادلى
ليس هذا موقف اجوف يريد تسجيله ولكنه يشتاق كثيرا اليها _ ويقسم والى الجيران والبيوت .. ولن يدع قطار النضال فدون ذلك المنية المعنوية .. ولمن يترك محجوب شريف يتلالا على قمة نضوجها ومعاركها الضاربة
كانت معظم النهايات فى قصائد الخمسينات فجائية ومفتعله ..نهاية سعيدة قطعا"أشبه بالاكلشيهات " ولكن الامل هنا يتغلغل منذ البيت الاول .. واذا تصادف ان كانت النهاية اكثر دويا ..فلانها تتويج لماسبقها من نسيج فنى
ان هذا الامل ليس اعتباطيا خالصا مقحما ولكنه تكوين عضوى دينامكى.
ماهى الادوات الصياغية التى عبر بها الشاعر عن تجربته النابضة فى قصيدة الحب والثورة"؟
لقد عبر بالتفاصيل التى تشبه الشعيرات الدقيقة ، وبالمونولوج الداخلى ، والحوار وتداعى المعانى ، مما اكسب القصيده حيوية فائقة ، ودينامية ، وفى مهارة تتنوع القوافى والتفاعيل وتتموسق فى بناء اوركسترالى ...وهذه انتصارات للشعر الجديد ..ولكن الصفة الجريئة التى اعلنت مولدها الفنى فى هذه " الجهارة الثورية " التى تجسد نفسها فى مقايس ومواصفات فنية جديدة
و"رسالة الى مريم محمود " تلك الام البسيطة من ملايين الامهات فى السودان قد ارتقى بها الشاعر من دلالة تجسد العلاقة الخاصة بين ابن وامه الى دلالة عامة ، رمز اكثر شمولا وفعاليه وعمقا وهذا الشمول ينطلق من الخاص الى العام ، من الجزئى الى الجوهرى ..فتتخطى القصيده فى نهاية فى النهاية - وقد استمدت كل تكوينها من العواطف الانسانية ، واللقطات والادوات البسيطه - هذا المنطق الخاص لتصبح تجربه شاملة ينفعل بها المتلقى .. فقد لخصت تجربته أن لم تكن زودته بتجربه جديدة أعنته عن مكابدتها ، وقطرها محجوب من خلال مقاطع مركزة قصيرة .. تثبت نهايتها "الميم الساكنة " المأساة وتفضح عن ابعادها وعذاباتها
ان هذه القصيدة تشهد على ان الشاعر لاتقوده نظرة دوقماتيكية ، او صوفية بلهاء ... فلم يختصر عواطفه ولم يلغيها .. وانما على العكس تماما لقد عمقها وعاد كالطفل فى حضن امه ، يناغيها ويقبلها .. وتمسح دموعها بقلبه حينما يقف " العسكرى السراق " بينه وبين قلبها " الساساق "
اية عذوبة تفيض بها هذه المناجاة ؟ وهل كان يمكن للغة اخرى تقتحم جدران القلب ، وتتسرب فيه بمثل هذه التلقائية ، والبساطة والبراءه أن لم تكن لغة الشعب التى اختارها محجوب أداه صياغة له؟
ياوالدة يا مريم
يا عامرة حنية
انا عندى زيك كم
ياطيبة النية ؟
بشتاق ومابندم
تنثبرى شوية
ياوالدة يامريم
لم يكن تركيز المقاطع فى تفعيلتين او ثلاث .. مصادفه .. ولكنها عفوية الحديث الى مريم بالتحديد لكى تعى ما يريد ان يشئ به ابنها فى اذنيها ... وذكر اسم الام لم يات عفوالخاطر ايضا .. وانما هو ترديد لكلمة عذبة تضرب فى تاريخ الشاعر النفسى من ناحية ، وتمنح هذه الانسانة المجهولة مكانتها ووزنها ايضا فيتغلغل حديثه فى قلبها ، ويسير لها " باعقد" مافى القضية التى تعجز عن فهمها بابسط كلمات الدنيا وضوحا وسطوعا
مانى الوليد العاق
لاخنت
والعسكرى الفراق
بين قلبك الساساق
وبينى هو البندم
والدايرو مابنتم
ياوالدة يامريم
وقبل ان يسوق لها الامثال بود الزين وفولاذية رفاقه ، والتضحيات الاسطورية تسيل امام القصيدة فى عفوية رائقة ، لاتعمل فيها .. بل تمس جذور الوجدان الانسانى وتهزه هزا عنيفا :
عارف حنانك لى
راجيك تلولنى
دايما تقلدينى
وفى العين تشيلينى
القاهو عز الليل
قلبك يدفينى
ضلك على مشرور
قيلت فى سنينى
ويتحدث عن قلبها الذى تدفأ به : وظلها الذى لاذ فى رحابه من هجير الحياة ثم يبادلها الحب نفسه .. وهو الاخلاص المتفانى لابن بار بشعبه .. فكيف لايبر بامه ، أو يقول لها أف أو ينهرها .. لقد فرض عليه هذا الفراق اللاانسانى .. فرضه العسكرى حين بذل انسانيته ، ولكن محكوبا فى خضم هذه العاطفة يصفعه ، فلم يتم للدركى مايريد
انا لوتعرفينى
لو تعرفى الفينى
انا بحبك كم
والعسكرى الفراق
بين قلبك الساساق
وبينى هو البيندم
والدايرو مابنتم
ياوالدة يامريم
ويغوص الشعر فة عواطف انسانية خالصة .. تكشف فجأة عن بطولة الصمود .. ليس صمود بلاثمن أو رحلة فى الخلاء ، ليست بطولة زائفه ,, وانما الالم حتى النخاع .. دون ان يستسلم أو تخور قواه .. ما يمنحه لمريم هو ذلك القلب الكبير الذى افعم باحزان شعبه واشواقة:
طول النهار والليل
فى عينى شايلك شيل
لكنى شادى الحيل
والخوف على داهم
هاك قلبى ليك منديل
الدمعة لما تسيل
قشيها يامريم
واذا كان " ود الزين " وحيد امه لم يقف ليودعها ، فقد اختطفه القتلة ، فالشاعر لن يجلب العار لامه حتى لو سقوه الدم .. وبقية القصيدة نصب للشهداء لن تنساه الاجيال ... لوحة لايرسمها لمريم محمود وحدها .. وانما لتاريخ البطولات
ولا شك ان هاتين القصيدتين سوف تظلان بناء شامخ فى ادبنا السودانى
السمة الثانية التى يؤكدها محجوب شريف هى الرفض .. انه يرفض الواقع ، والموت الذى فرضه باسنه الرماح ، وحبال المشانق .. وتاتى به يحيل الحلم حقيقة ، والحقيقة حلما ... وتلك اداة صياغية جديدة من خلال الوحدة العضوية بينهما ، فالموت والحياة ، والحلم والحقيقة فى تداخل جدلى تصبح فيه للوحة تجسيدا لشئ لا يتطرق اليه الشك،
صدقنى انا لقتو أمبارح
لا بحلم كنت ولا سارح
كان باسم وشامخ كالعادة
نفس الخطوات بنمشيها
نفس الكلمات الوقادة
ويستبعد كل ماحدث من استشهاد وبسالة عبد الخالق ورفاقه .. ومن اكاذيب الراديو والصحف الصفراء المقيتة ، الفزع من السنوكى والكابوس الذى حيوية وواقعية ، فى لغة بسيطه ودود:
ياخينا ازيك
أهلا مرحب .. أيوه اتفضل
نادانى
سلمت بقلبى واحضانى
راجل نكتة .. عميق ومهذب
رائع جدا .. وانسانى
ولما جمعنى وشجعنى
سالتو بدهشة عن الحاصل
لقد رسم هذا الحوار شخصية عبد الخالق العميقة ، المهذبة ، الرصينة .. ان الغادى ان يسال الغائب من بقى على قيد الحياة .. ماذ سيحدث أو يبعث الشاعر للشهيد بكلمات العزاء والمواساة ولكن غير العادى ان يكون الغائب اكثر خضورا او ثباتا ووعيا حين يسال عن الحاصل .. هذه لغة الفنالمعجزة ، ولمسة الفنان الحقيقية التى تحضر الحدث تحصيرا دراميا .. ويؤكد بذلك الرفض وينفى الموت .. فالمعمر لايحسب بالزمن المحدود .. ولكن بما يخلفه الانسان من وجود حقيقى
- قاطعنى .. بتعنى الاعدام
الشعب يقرر مين الحى والميت مين
ثم يوصية بالحزر واليقظة ولاقدام ، ويمتلئ الشارع مرة اخرى بالناس والعمال والطلائع والمنشورات .. وهنا ايضا يعيد لشعارته والى نسقها الصحيح ، ويضع الامور فى نصابها ، وهنا ايضا يعيد الشارع لشعارته والى نسقها الصحيح ، ويضع الامور فى نصابها ، ويبعث فى الحياة الايقاع والانسجام والمنطق
لم يكن رفض الشاعر ميافيزيقيا أو ذهنيا .. وانما هو رفض واع بقوانين التاريخ وحركة التطور ، وديمومة الحياة .. وفى " اغنية عبد الخالق " يرسم محجوب لوحة فذة حقا .. لم يسبقه اليها احد .. واذا تناولناها فنيا فانها من الناحيةالدرامية كل تحليل جمالى
الفارس معلق .. ولا الموت معلق
حيرنا البطل
ياناس الحصل
طار بى حبلو حلق
فج الموت وفات .. وخلى الموت معلق
انتصر عبد الخالق على الموت.. هذه جملة عادية قد تىد الى ذهن اى مواطن ، ولكن كيف جسدهل شاعرنا فى صورى حسية نابضة ، كبانوراما حية ؟؟ الموت وعبد الخالق لم يمن صنوين .. عبد الخالق شق الموت وخلفه معلق .. خلفه المشنقه والتقله ومعهما الخزى والموت .. وطار محلقا كالملاك .. ليس الى السماء وانما ليهبط فى الحزب الشيوعى
الشاعر لا يرفض الموت لامنية أو رغبة .. وانما عن وعى عميق كما اسلفنا .. ان عبد الخالق يستمد بقاءه من بقاءه من الحزب الشيوعى الذى شيد صرحه ، كما ان الحزب هو امتداد لعبد الخالق .. اذن فالموت هنا شئ عرض وثانوى ، ومفروض .. والجوهرى ان عبد الخالق هبط وعاد اليه العزم ، والنبض والتصميم ليس بقوة خارجة عن نطاق الطبيعة ، وانما باصراره الانسانى وارادته واختياره
فى عينيا بات
وسط الناس نزل
فى الحزب الشيوعى
تحت الارض بذرة
وفوق الشمس هامة
بالحزب الشيوعى
ومن كل الوسايد
وفى نبض القصايد
اعتبره حبيبى عايد
من بين الشدائد
فى وهج الليالى
راحة الكان بلالى
فى الشارع علاقة
طال فى الدنيا قامة
وزاد فى العين وسامة
الرفض وادراك الامتداد التاريخى ركيزتان لفن الشاعر - بل والشعر الذى تفجر فى السبيعينات _ ولكنهما يندرجان تحت اعم .. سمة الشاعر الفنية وليس بالشعارات العامة، والعبارات الزاعقه ، ويلح الشعر على سمتى الرفض والامتداد ويزيدهما جلاء ، ويعمق من دلالتهما الانسانية فى قصائد اخرى
فى قصيدته عن شهيد الطبقة العاملة الخالد " الشفيع " يغبطه ويغبط رفيقة حياته فاطمة على هذا الموت .. ان موت الشفيع مهرجان عرس حقيقى .. هذا الماتم يغدوعرسا لان الحياة تنفجر بالاستشهاد وتتوهج .. هذا رفض واع لموت ملفق
واحلى انا واحلالى
اريتو حالك يابا حالى
اموت شهيد جرحى بيلالى
الشفيع يافاطمة فى الحى
فى المصانع وفى البلد حى
سكتيها القالت :أحى
ماحصادوا الاخضر النى
راضى عنه الشعب والدى
ومات شهيد أنا واحلالى
وأحمد يرمز الى الامتداد ، الجيل الذى وهبه الشفيع حياته .. فليس العرس هنا استحلابا لأمل خلاب ، أو دعوة خطابية طنانة .. ولكنه حقيقة تصوغها الحياة ذاتها متجسدة فى انسان من لحم ودم الشهيد ، نبؤة الشاعر فى استقرائه واستجلابه للمستقبل
أحمد .. احمد تكبر تشيل
الجواد والسيف الطويل
خط ابوك بالدم النبيل
كل صفحة وصفحة أكليل
زمات شهيد واحلالى
ويطور محجوب شريف بهذه القصيدة الاهازيج التى انبثقت فى ثورة
1924م
م ويجعل من ينبوعها ريا وزادا له بعد أن انتقلت الثورة من فئ
البرجوازية الصغيرة الى " الورش والسكة حديد ، والعرق والزيت والمصانع
كان ثوار 1924 يغنون لأم ضفاير
يللأمالضفاير قودى الرسن
بالشباب الناهض صباح
قومى زندك وموت بارتياح
واصغى فليحيا الوطن
كان رصاص أو كان بالحراب
ودع اهلك وأمش الكفاح
فوق ضريحك تبكى الملاح
وفوق ضريح الشفيع الذى يرهب الاعداء مجرد وجوده لاتبكى الملاح ولكن يطلقن الزغاريد لليوم المقبل السعيد
وثمة سمة لهذا الشعر تكاد تكون القسمة الرئيسية للديوان .. وهى التحريض الثورى .. وتؤدى اللغة جور الطبول والنحاس والهتاف والزغاريد ، يطوعها الشاعر ويستخدمها فى اتقان ومهارة .. وتتحمل اللهجة العامية " حينما تشد كل اوتارها ويستغل ماتختزنه من كنوز ما تمور به التجربه الحديثة من عمق ، وتعقيد ، واصاله ووعى ، الشاعر يطرح اكثر قضايا شعبه معاصرة من خلال العامية .. ولكن كلمات من قاموس (الفصحى)ولغة الكتب والجرايد تتسلل خلسة لترصع كلمات اخرى من صميم البئه,وليس ثمة غرابة هنا بين التداخل فى لهجة المدينة والقرية,والكلمات الفصيحه لان هذا التداخل تعبير عن الالتحام الطبقى الثورى للعمال والفلاحين والمثقفين.ولذا فأن لغة الشاعر يعبر عن هذه(الجبهة).ان صح التعبير,ومن ناحيه اخرى فأن لغته ترتقى الى مستوى النظرية التى يبشر بها وهى تعنى التحديث والتغيير الاجتماعى.
والموسيقى الداخلية..والقوافى الباطنية فى قصيدة(اكتوبر)ليست ترصيعاًوتنويعاًزخرفياً,ولكنها وظيفة جديده للغة فى تعشقها لفكرة التحريض, انها مارش حماسى لا يثير الغناء فقط,ولكنه يحث على الأستشهاد؟
اكتوبر ديناميتنا
ديناميتنا ساعة الصفر
ركيزة بيتنا
لون الشارع
طعم الشارع
قبضة سيفنا
وطولنا الفارع
ويواصل الشاعر لمساته وموسيقاه الداخلية,والانسجام فى القافية الذى يكاد يشبه التطابق ويحيل النبرة الى نغم خالص الاشبه برقصة اسطورية حول النار.. والغريب أننا لانحس فيها بادنى تكلف..وعلى العكس نستشعر ضرورتها الفنية :
بطاقتنا
قيامتنا
عمرنا الباقى لو متنا
لمن نبنى جبهتنا
وشعبنا نحن غيرتنا
حقيقتنا وجبيرتنا بصيرتنا ومسيرتنا الخ ....
ولعل قصيدة (الدفتر الأول)مثال رائع أيضا لشعر التحريض الثورى وهو كما قلنا قسمة رئيسيه للديوان ..يتحدى فيها الشاعر الرصاص والسجان..ويخاطب قوافل لشهداء وهى تمضى حاملة الرايات فى مقاطع موجزة ومركزة
ملينا الدفتر الاول
حنملا الدفتر الثانى
بكل عزيز وانسانى
حنملا الدفتر المليون
ونتحول
رجالا هدوا كتف الموت
وماهم شمسنا الحية
اناشيد ثورية يومية
ويتداخل تحدى السجان مع رفض الموت فيصيران تحديا واحدا مزلزلا
ولسة عبد الخالق المغوار
يقود الصف
ونحن وراه كف فوق كف
وهاشم قاطع الحدين
لسة ولسة يملا العين
واذا كنا فى محال الايماء للسمات الجديد التى يحملها هذا الشعر فلا شك سمة البشارة والبشرى من ابرز ملامح الديوان .. وتتمثل كنموذط فى قصيدتى " اغنية حب للخرطوم " و" يابنوتنا غنن " وحين يشجب الشاعر الحزن لا يستجدى الغناء أو يفتعله ولكنه يغنى الاستشهاد حقيقة .. يقف فى الطليعة حاملا قيثارة ودموعه فرح ومهركان وعرس
غنى ياخرطوم وغنى
شدى أوتار المغنى
ضوى من جبهة شهبدك
امسياتك واطمئنى
لماذا تغنى الخرطوم؟ للريح التى هبت وشبت فى اوجه الخونة.. للشهداء الذين عادوا .. زعادت معهم افواج المناضلين من المنافى .. هل هى عودة اسطورية .. ام ان الفنان يحيل الحلم حقيقة ؟ هذا هو السحر الذى بقى فى الفن الرفيع
ونحن ياست الحبايب
من ثمارك
فى دروب الليل نهارك
وقبل ما يطول انتظارك
نحن جينا
وديل انحنا القالو فتنا
وقالو للناس انتهينا
جينا زى ماكنا حضنك يحتوينا
كنا نود أن نقف قليلا لنحلل ذلك التكثيف النغمى فى قصيدة عريس الحمى"
التى استغل فيها الشاعر ببراعة قافية واحدة ليصور لنا لحظة من
اشق اللحظات واعنفها ، لحظة الاستشهاد .. ليحلها زفافا وهتافا فكيف يتحول الالم املا والصرخة زغرودة ، والياس ثورة ؟ هذه رؤية الفنان الباسل الذى أمن بشعبه ولم ينكس رايته .. ولكننا ندع القارئ لليوان ليستكشف التاثير ، وسحر اللغة والتحصير الدرامة للحدث ، وواقعية الحوار
ولن نتعرض للقصائد الفصيحة .. وما قد تتضمنه من هنات فى اللغة او النغم أو القفية فليس هذا مجال مقارنه الفصيح بالعامة .. فالشاعر قد شق دربا جديدا فى شعر العامية ، او قل الادب الشعب الجديد
ولنتذوق معا حلاوة النغم وروعة الموسيقى الخالصة فى هذه الابيات من قصيدة " اهلا بالاعياد " حيث يخاطب التاريخ
سجل أنحنا
برغم جرحنا
اجتزنا المحنة
ونحن الليلة اشد ثبات
تحية لمحجوب شريف فى رحلته التى لامست فيها أوتاره الشمس
قدر الثبات.. ضد السكات
أغسطس 1989، قسم المديرية في سجن كوبر
جيناك
وكنا طلعنا منك
نحن مرفوعي الرؤوس
جيناك مرفوعي الرؤوس
أفتح زنازينك
أهو بنفتح صدورا ما بتكوس
الرحمة تبْ
ما فينا مِرْقاً فيهو سوس
بل فينا عِرقاً من جذور الشعب
عشقاً لا يُداس
نحن بندوس
على كل من عايز يدوس
نحن بندوس
جيناك وكنا طلعنا منك
عنوةً كدا واقتدار
تشهد ترابيسك هديك
وهدا الجدار
نهر الجماهير العميق
جلجل شديد الانحدار
زلزل حديد الانكسار
امتد حولك واستدار
وملا الطريق
فإذا بأسوار الضفاف
وسواعد الناس النخيل
حملتنا أمواج الهتاف
في ذلك الصبح الجميل
حملتنا أفواج الكفاف
ومدامع الفرح النبيل
الغدر ما ببْقى انتصار
والانكسار
المستحيل
المستحيل.. المستحيل
اسمعنا يا ليل السجون
نحن بنحب شاي الصباح
والمغربية مع الولاد
والزوجة والأم الحنون
والأصدقاء
وإلى اللقاء
واللّمة عند الأمسيات
والتكية جنب الأغنيات
والقدلة في السوق الكبير
نتمشى نغرق في الزحام
ملء العيون
بنحب كدا ونعشق تمام
إلا بْنكون قدر الثبات
ضد السُّكات
ضد التسكُّع والجنون
جنبا إلى جنب التماسك والحنين
أفتح زنازينك أهو بنفتح
شبابيك اليقين
رسالة الى مريم محمود
ياوالدة يا مريم ... يا عامرة حنية
أنا عندي زيك كم ... يا طيبة النية
بشتاق وما بندم ... اتصبري شوية
يا والدة يا مريم
ما ني الوليد العاق ... لا خنتّ لا سراق
والعسكري الفراق ... بين قلبك الساساق
وبيني هو البندم ... والدايرو ما بنتم
يا والدة يا مريم
عارف حنانك ليّ راجيك تلوليني
دايماً تقيليني وفى العين تشيليني
ألقاه عز الليل قلبك يدفيني
ضلك عليَّ مشرور قيلت فى سنيني
أنا لو تعرفيني لو تعرفي الفيني
أنا كم بحبك كم
والعسكري الفراق بين قلبك الساساق
وبيني هو البندم ... والدايرو ما بنتم
يا والدة يا مريم
طول النهار والليل فى عيني شايلك شيل
لكني شادّي الحيل لا خوف عليَّ لا هم
هاك قلبي ليك منديل الدمعة لما تسيل
قشيها يا مريم
والعسكري الفراق بين قلبك الساساق
وبيني هو البندم ... والدايرو ما بنتم
يا والدة يا مريم
ما بركب السرجين وما ني زولاً شين
يا والدة دينك كم دين الوطن كمين
ما شفتي ود الزين الكان وحيد أمه
ماليلا كان العين قالولو ناسك كم
ورينا ناسك وين .. ورينا شان تسلم
العودو خاتي الشق ما قال وحاتك طق
تب ما وقف بين بين لى موتو اتقدم
قال أنا ما بجيب الشين أنا ما بجيب الشين
أنا لو سقوني الدم
والعسكري الفراق بين قلبك الساساق
وبيني هو البندم ... والدايرو ما بنتم
يا والدة يا مريم
كم من حبيباً ليَّ كان مالي بينا دروب
ما ودع الحبان ما وسدوه الطوب
حي قولي ما حي ووب
حي قولي ما حي ووب
ما خلى ساعة الموت يمه السرج مقلوب
اتشتت الرصاص فى جسمو واتقسم
لاقاهو يتبسم والحولو حيله وكان
ريحة صباه تتشم
زي التقول يومداك يوم العرس يادوب
قال أنا ما بجيب الشين أنا لو سقوني الدم
والعسكري الفراق بين قلبك الساساق
وبيني هو البندم ... والدايرو ما بنتم
يا والدة يا مريم
يمه السجن مليان رجالة ما بتنداس
الختو قبلي الساس والشالو هم الناس
والفات وليدن ليهو ما مسكو الكراس
ما سمعو يتكلم ما نحن عود الفاس
فرسان حمى وحراس فى الحارة نتحزم
عشم القدر ما كاس ما لاقى بيت يتلم
عشم الطواه الجوع المتعب المعدم
والعسكري الفراق بين قلبك الساساق
وبيني هو البندم ... والدايرو ما بنتم
يا والدة يا مريم
ما تقولي شن سويت ما تبكي شن سويت
غير البطمن ناس بى همهم ساويت
فارس مع الفرسان حارس بلدنا البيت
أخواني علو السور أنا طوبة ما ختيت
ديل من زمن تاتيت لامن كتبتَّ قريت
عرقنا ياما يدر يمه اللبن والزيت
الكسرة والكراس لى قشة الكبريت
تقولي جيداً جيت راجع مع الفرسان
فايت الحدود واسيت
وتغني يا مريم لينا وتجري النم
والعسكري الفراق بين قلبك الساساق
وبيني هو البندم ... والدايرو ما بنتم
يا والدة يا مريم
أغنية حب للخرطوم
غنى ياخرطوم غنى
شدى أوتار المغنى
ضوى من جبهة شهيدك
أمسياتك واطمئنى
نحنا منك ريح وهبت
نار وشبت
فى وجوه الخانو اسمك ياجميلة
ونحن ياست الحبايب من ثمارك
فى دروب الليل نهارك
وقبل مايطول انتظارك
نحن جينا
وديل أنحنا القالو متنا
وقالوا للناس انتهينا
جينا زى ما كنا حضنك... يحتوينا
لما فارسك فينا هبَّ
وعبَّ حجرك بالمحبة وبالأماني
صحى نار الثورة تاني وجانا داخل
زي شعاع الشمس من كل المداخل
وهز بالمنشور وبشر
ياما فرهد فى عيونك غصن أخضر
وفرحة أكبر من شجونك
والسلاسل يا جميلة
يوم ما كان ميلاد شهيدك
يلا غني ولاقي عيدك
ولى ثمارك لقي ايديك
جيل مكافح حلَّ قيدك
فى غضبنا الحر ولافح
وياما باكر وفى زنازين العساكر
نبني مجدك ومهرجانك
وكل قطرة دم عشانك
ولى جديدك يا جميلة
بطاقة شخصية
الاسم الكامل إنسان
والشعب الطيب والديَّ
والحزب حبيبي وشرياني
أداني بطاقة شخصية
مـن غير الدنيا وقبالو
قـدامي جزاير وهمية
المهـنة بناضل وبتعلـم
تلميذ فى مدرسة الشعب
المدرسة فاتحة على الشارع
والشارع فاتح فى القلب
والقلب مساكن شعبية
وديني محل ما توديني
شرد أخواتي وأخواني
فتش أصحابه وجيرانه
خليني فى سجنك وأنساني
فى سجنك جوا زنازين
أرميني وكتف إيديَّ
علشان مستقبل إنساني
وعشان أطفالنا الجايين
والطالع ماشي الوردية
وحياة الشعب السوداني
فى وش المدفع تلقاني
قدام السونكي حتلقاني
وأنا بهتف تحت السكين
والثورة طريقي وأيامي
معدودة. وتحيا الحرية
الحب والثورة
مشتاق ليك كتير والله
وللجيران وللحلة
كمان قطر النضال ولىَّ
وغالي عليَّ أدلىّ
محطة محطة بتذكر عيونك ونحن فى المنفى
بتذكر مناديلك خيوطها الحمرا ما صدفة
بتذكر سؤالك ليَّ متين جرح البلد يشفى
متين تضحك سما الخرطوم حبيبتنا ومتين تصفى
سؤالك كان بيعذبنا ويقربنا
ويزيد ما بينا من الفة
ويزيدني حماس
وكم فى قلبي دق نحاس
وطار من عيني باقي نعاس
ونحن اتنين بنتقاسم هموم الناس
أعاهدك يا أعز الناس
أسامحك لو نسيتيني وأهنتيني وبكيتي عليَّ
لو فى يوم رميت سيفي ورفعت ايديَّ
وخنت الثورة جيت والذلة فى عينيَّ
حرام عيونك يناغموني ويرحبو بىَّ
حرام ايديك ينومن تاني فى ايديَّ
بس لكن يا ويلي يا ويلي
أقبل وين وأقول يا منو
لمن أخون صباح العين وأخون جيلي
أعاهدك يا قمر ليلي
وحاة أمنا الخرطوم
أشيل شيلي وأموت واقف على حيلي
وأقول ليك يا أعز الناس
على الوعد القديم جايين
ما بين الثورة والسكين
ثوريين حتى الموت ثوريين
وأقول ليك يا صباح العين
بنادق وين بتمنعنا العديل والزين
قنابل وين بنادق وين
الهمبريب
عما قريب الهمبريب يفتح شبابيك الحبيب
والحال يطيب يا محمد احمد تستجم
البيت يتم تتلم تلم
تفرح فرح تحلم حلم
كم تطمئن
حقك يجيك لا فيهو شك يمكن
ويفوتوا هم والعدل يعم
وتغني أم كادت تجن
كبر الولد جوه السجن فاقداهو هي
دا كلو كلو كلو ينتهى
زولاً تريدو وتستهيه
تلقاهو في .. لا فى السجن لا مختفي
لا يقولوا ليك ما تمشي ليه
زولاً تريدو وتشتهيه
تلقاهو في .. لا فى السجن لا مختفي
دا كلو كلو كلو ينتهى
عما قريب الهمبريب
يفتح شبابيك الحبيب
والحال يطيب يا محمد احمد تستجم
محبة البينا ولا صداقة
محبّه البينا..
ولاّ صداقه؟
ولاّ بداية فرقه طويله؟
أهو بنتقابل نمشى ونضحك
وياما نعدّى أماسى جميله
وكم بتساءل..
وكم بتفاءل
ومرّه أكون غلبان الحيله
واسارع أسارع
أطوى الشارع
وبرضو
خطايا بشوفا تقيله
واساهر..
أطرّز باسمك غنيه
وأنوم والشمسِ
مسح منديلا
جبين الدنيا ولفّ جديله
وأقول أكتبلك..
أنا من قبلك
يمكن تبقى الخطوة عديله
وأقول أصبّر
يمكن نكبر
أكبر من تغلبنا وسيله
وتانى الشوق يشعلنى فتيلة
وافتش عنك..
واهرب منك
وسيرتك دايماً بمشى واجيلا
محبة البينا ولاّ صداقه
ولاّ بداية فرقة طويله
مع السلامة
كنت عايزك للطويله..
وللأمانى المستحيله
وكنت محتاجلك معاى
والليله بهرب من وسايدى
من نجيمات المسا..
العنّك بتسال
ومن قصايدى
الليله بهرب من ملامحك
حتى من فكرة اسامحك
من الدروب الجينا بيها
وأىّ حتّه مشينا ليها
ومن حنينى الكان بيحلم
لو أماسيكِ
واصابحك..
قلبى كم حّباك ياما..
خَلّى يرحل بالسلامه
مع السلامه
مع السلامه
مع السلامه
يمة شفتك فى المنام
يمة شفتك فى المنام
وانتِ بين سربين حمام
نازله سكّه وادى أخضر
شايله سلّة ورد أحمر
وحزمتين أحلى الكلام
يتبعوك طفلين حلاوه
طاروا عصفورين علىَّ
ركّوا فى اسود عينىّ
ورحت في غمرة ندواه
كنتَ مُجْهد
قلبي فَرْهد
ورشّ أيامى الغمام
صحيت وقفت
مشيت أعاين
القى بينى وبين عيونك
كم ضواحى
وكم مداين
وانطوت كل الجناين
فى غيابك
وفى الظلام
عَشّه كلّمينا ميرى ذكرينا
عشة كلمينا ميري ذكرينا
عَشّه .. كلّمينا
ميرى.. ذكّرينا
كل سنكى أحسن
يبقى ..مسطرينا
*
نحن شعب أسطى
يلا ..جيبو مونا
نبنى ..نبنى نبنى
مسرحاً..ونــــادى
مصنعاً ..وبوسته
حرب لا لا لا لا
كبرى..استباليه
صاله للثقافه
تسرح الغزاله
جنبها ...الزرافه
ركَ قمرى طار
قيره قيره قيره
نطَط الصغار
صفّق الترولى
طمّن ..القطار
حلقت ..وحلقت
حمامة المطار
كلّ طلقه..بينا
نحن تبقى وفر
سمسماً ..وبفره
سكراً وشاى
تترا سايكلين..
جاى وجاى وجاى
مافى حاجه ساى
كلّو عندو دِين
كلّو عندو راى
بور..وبورسودان
بارا.. والجنينه
عبرى ..ولاّ واو
حاجه مش كويسه
كلّ زول براو
هى سودانا بكره
من سودانا ناو
تكتب انت تقرا
تعرف السياسه
فى محل حراسه
حجرة الدراسه
تمشى انت تلقى
فى الضلمه..لمبه
ألف ضحكه حلوه
تسندك بجنبه
بى تمن طبنجه
أحسن الكمنجه
أحلى شتل منقه
أحسن الحليب
إيد .. وإيد وإيد
نزرع الجديد
غابة النشيد
إيد..وإيد وإيد
مافى بينا سيد
إيد..وإيد وإيد
نلحق البعيد
نحنه مش مرقنا
حته واحده جينا
جينا لى السرقنا
حقّنا..وعصينا
دمّنا..وعرقنا
ولّعوا الرتينا
*
عَشّه..كلّمينا
ميرى ..ذكّرينا
كلّ سنكى أحسن
يبقى ..مسطرينا
وطنا..
وطنا..
الباسمك كتبنا ورطنا
أحبك
مكانك صميم الفؤاد
وباسمك اغنى..
وتغنى السواقى
خيوط الطواقى
سلام التلاقى
ودموع الفراق
واحبك ملاذ
وناسك عزاز
أحبك حقيقه..
وأحبك مجاز
وأحبك بتضحك
وأحبك عبوس
بعزة جبالك ترك الشموس
وما بين ظلالك
افتش وأكوس
أفتش طفولتى وملامح صباى
بناتك عيونن صفاهن سماى
وهيبة رجالك بتسند قفاى
صحى بتملا عينى..
وتشّرف غناى
بحضرة جلالك..
يطيب الجلوس
مهذب أمامك يكون الكلام
لأنك..
محنك
عميق الدروس
مجيد المهابه ومديد القوام
شبابك..
تشابك
شديد الزحام
أراهم..
وراهم
غبار الحياه
مداين..
تعاين
كأمّ العروس
تهلل..
تكلل
جبين الإمام
رزازاً يبلل أغانى الخليل
أصدق كلامك حقيقه وبخاف
أخاف الطريق..
اللى ما بودى ليك
وأعاف الصديق
اللى ما بهم بيك
معاك انتظارى..
ولو بالكفاف
وعنك بعيداً
أبيت الرحيل
وبيك اعتزاز الصباح الجميل
جميع الأغانى اتكالن عليك
جميع الأغانى اتكالن عليك
أحـبك
أحبك
حب شديد بالحيل
كأني ولد
كبر يادابو
واتنفّس هوا العشرين
وشدّ الحيل
يخربش في الكراريس
ليل
وفي الخاطر بنيه
شديدة اللمعان
يفكر فيها
ويتذكر
مشيها قيبل
قريب من لفّة الشارع
رمت في قلبو حنيّه،
وزي نعسان وما نعسان
وما هين عليهو النوم
يغمّد صاحي يتخيّل
بأنو معاها في طرف البحر قيّل
وبحلم أنو شدّ الحيل
وكف...!
من حارس البستان
وباللهفه الجنونيه
ختف وردة البكت
في حضنو بالفرحه
وغطّت وشّو بالطرحه
ونزل جيها
ما بهدم مكانا السيل،
إذاهدّم
ولا بجيها
بتتوسّد ضراع النهر
صافي القلب والنيّه
نصب في ضفّتو الخيمه
اللّي شدّت وردة أوتادا
وربت فيها أولادا..
وأمانيها...
ويصحى على الشمس
شرّت على كتف المدن شالا
ونعست في ضواحيهن
فوانيس المزارعيه
وبحزن..
لما لا ورده بتهبّب
جنبو شاييها
ولا الخيمه القميريه
بترك فيها
ولا النهر اب صديريه
ولا الجيها.
يا شعباً تسامى
يا شعباً تسامى..
يا هذا الهمام
تفجّ الدنيا ياما
تطلع من زحامها
زى بدر التمام
تدّى النخله طولها
والغابات طبولها
والأيام فصولها
والبذره الغمام
*
قدرك عالى قدرك
يا سامى المقام
يا ملهم
رماحك سننّاها الصدام
أم در والطوابى..
فى صدرك وسام
ملامح..كم تسامح
تغضب لا تلام
*
همّه وعبقريّه
ذمّه وفنجريهّ
ضد العنصريه
تحلم بالسلام
*
فداك وفى حواك..
يامدد الكلام
عَفُوك انت ورضاكا
بِرّنا ليك تام
وبحلم فى هواكا..
بى حسن الختام
دَينك كم علينا
منك والدينا
من يوم السمايه
ومن قبل الفطام
منّّك كل حتّه..
وفى الخاطر صبابه
جنبك نبته نبته
نكبر نحنّ يابا
نسألك انت
وانتَ
ورينا الإجابه
علّمنا الرمايه
والحُجى والقرايه
والمشى بى مهابه
فى الضحىوالظلام
يا شعباً لهبك ثوريتك
يا شعباً لهبك ثوريتك
تلقى مرادك والفى نيتك
وعمق احساسك بى حريتك
يبقى ملامح فى ذريتك
*
على اجنحة الفجر ترفرف
فوق أعلامك
ومن بينات اكمامك
تطلع شمس أعراسك
*
ماكَ هوين سهل قيادك
سّد نفسك..
مين أسيادك؟
ديل أولادك
وديل أمجادك
ونيلك
هيلك
جري قدامك
تحت اقدامك
رجع صداك وسجع نحاسك
وانت نسيج الفدا...
هندامك
وانت نشيد الصبح كلامك
وعطر أنفاسك
*
أرفع صوتك..
هيبه وجبره
خلى نشيدك علي النبره
خلى جراح أولادك
تبرا
كبروا...
مكان الضحكه العبره
إلاّ يقينهم فيك اتماسك
يا الإصرارك..
سطراً سطراً
مَلا كراسك
حنبنيــهو
حنبنيهو..
البنحلم بيهو يوماتى
وطن شامخ
وطن عاتى
وطن خيّر ديمقراطى
*
وطن مالك زمام أمرو
ومتوهج لهب جمرو
وطن غالى
نجومو تلالى فى العالى
إراده
سياده
حريّه
مكان الفرد تتقدم..
قيادتنا الجماعيّه
مكان السجنِ مستشفى
مكان المنفى كليّه
مكان الأسري..
ورديّه
مكان الحسره أغنيّه
مكان الطلقه
عصفوره
تحلق حول نافوره
تمازج شُفّع الروضه
حنبنيهو
البنحلم بيهو يوماتى
*
وطن للسلم أجنحتو
ضدّ الحرب أسلحتو
عدد مافوق ما تحتو
مدد للأرض محتله
سند للإيدو ملويّه
حنبنيهو..
البنحلم بيهو يوماتى
وطن حدّادى مدّادى
ما بنبنيهو فرّادى
ولا بالضجه فى الرادى
ولا الخطب الحماسيّه
وطن بالفيهو نتساوى
نحلم..
نقرا
نتداوى
مساكن
كهربا ومويه..
تحتنا الظلمه تتهاوى
نختّ الفجرِ طاقيّه
وتطلع شمس مقهوره
بخط الشعب ممهوره
تخلي الدنيا مبهوره
إراده
وحده شعبيّه
مشتاق ليك كتير والله
مشتاق ليك كتير والله
وللجيران وللحلة
كمان قطر النضال ولىَّ
وغالي عليَّ أدلىّ
محطة محطة بتذكر عيونك ونحن فى المنفى
بتذكر مناديلك خيوطها الحمرا ما صدفة
بتذكر سؤالك ليَّ متين جرح البلد يشفى
متين تضحك سما الخرطوم حبيبتنا ومتين تصفى
سؤالك كان بيعذبنا ويقربنا ويزيد ما بينا من الفة
ويزيدني حماس
وكم فى قلبي دق نحاس
وطار من عيني باقي نعاس
ونحن اتنين بنتقاسم هموم الناس
أعاهدك يا أعز الناس
أسامحك لو نسيتيني وأهنتيني وبكيتي عليَّ
لو فى يوم رميت سيفي ورفعت ايديَّ
وخنت الثورة جيت والذلة فى عينيَّ
حرام عيونك يناغموني ويرحبو بىَّ
حرام ايديك ينومن تاني فى ايديَّ
بس لكن يا ويلي يا ويلي
أقبل وين وأقول يا منو
لمن أخون صباح العين وأخون جيلي
أعاهدك يا قمر ليلي
وحاة أمنا الخرطوم
أشيل شيلي وأموت واقف على حيلي
وأقول ليك يا أعز الناس
على الوعد القديم جايين
ما بين الثورة والسكين
ثوريين حتى الموت ثوريين
وأقول ليك يا صباح العين
بنادق وين بتمنعنا العديل والزين
قنابل وين بنادق وين
مازلت بتذكر
أنا عارفه اسمك مين
أنا عارفه شفتك وين
!ما زلت بتذكر
!ما زلت بتذكر
الزمان يا شباب:
أكتوبر الأخضر
المكان:
شارع
غضبان بيتفجر
وكنا خمسه بنات..
عاملات هلال أحمر
نزحف مع الثوار..
ونضمد الجرحى
ضمّدت جرحك ليك..
وربطتو بالطرحه
وقبل انت تفيق.. من قبل ما تصحى
لقيتو اسمك فوق
مكتوب على الدفتر
وعرفتَ اسمك مين
وعرفت إنّك مين
وعرفت إنّك شاب..
بتحب بلادك موت
!مازلت بتذكر
ما زلت بتذكر
محبة البينا ولا صداقة ؟
محبّه البينا..
ولاّ صداقه؟
ولاّ بداية فرقه طويله؟
أهو بنتقابل نمشى ونضحك
وياما نعدّى أماسى جميله
وكم بتساءل..
وكم بتفاءل
ومرّه أكون غلبان الحيله
واسارع أسارع
أطوى الشارع
وبرضو
خطايا بشوفا تقيله
واساهر..
أطرّز باسمك غنيه
وأنوم والشمسِ
مسح منديلا
جبين الدنيا ولفّ جديله
وأقول أكتبلك..
أنا من قبلك
يمكن تبقى الخطوة عديله
وأقول أصبّر
يمكن نكبر
أكبر من تغلبنا وسيله
وتانى الشوق يشعلنى فتيلة
وافتش عنك..
واهرب منك
وسيرتك دايماً بمشى واجيلا
*
محبة البينا ولاّ صداقه
ولاّ بداية فرقة طويله
مساجينك
مساجينك
مساجينك
تغرد في زنازينك
عصافيراً مجرّحه بى سكاكينك
*
نغنى..
ونحن فى أسرك
وترجف..
وانت فى قصرك
!سماواتك دخاخينك
مساجينك
مساجينك
مساجينك
*
برغمك نحن مازلنا
بنكبر بى زلازلنا
بنعشق فى سلاسلنا
وبنسخر..
!من زنازينك
مساجينك
مساجينك
مساجينك
*
حكايات الهوى الأول..
بنحكيها
بدايات الغُنا الطول.. نغنيها
حقيقه وليس تتأول
!حتخجل من عناوينك
مساجينك
مساجينك
مساجينك
*
للسودان عواطفنا
وبالسودان مواقفنا
ولّما تهب عواصفنا
ما حيله قوانيك؟
مساجينك
مساجينك
مساجينك
أكتوبر هدير الحق
أكتوبر هدير الحق
وفارس ليل يشق يا ليل دروبك شق
ودقت دق
طبول العزة دقت دق
يا قرشي الصبي الريان
جبينك لاح يقطر دم
وكتفك لافتة فوق شارعنا ما بتنجم
نشيلا أيادي ما بترتاح
نشيلا مبادئ ما بتهزم
وما بنسكت على السفاح يا قرشي
عبدالخالق العامر يحب الناس
قدامنا انفتح كراس بخط ايديك وضو عينيك
سطورو الغالية تتبسم
ويابا الشفيع الساس
ضلالة هجير الصيف
ويا تار البلد جوزيف
ويا يوليو القلم والسيف
وضابط حر شديد البأس
مشينا ونمشي نتحزم
بمجد الشعب والنبراس
يا أكتوبر الجايات تسنك سن
يا أكتوبر الجايات بشائر جن
على السفاح بيتقسن
على المستقبل الأحسن
طلائع الجبهة تتقدم
ويوم الدم يلاقي الدم
ويوم تشفع يا موردنا والمنبع
وتغلي مداخن المصنع
ويسكت جنبها المدفع
ونحو القصر حتى النصر
وليل القصر يتعتم
وتتقدم طلائع الجبهة تتقدم
الغويشاية ..
الغويشاية ..
هذه سيرة ذاتية لها
تلك الغويشايه
هجين الدبله والخاتم
سلالة كم وكم حاجه
متل الستره وهاجه
بختم الدوله لا حوله
باوراقا الثبوتيه
صبحت في خبر كان
اللي كانت ليها محتاجه
المسيكينه
ما تسألني كم تمن الغويشايه
بل جاوبني كم تمن الطمأنينة؟
***
دخري الحوبه للقمريه
حبة عيش وقشايه
غويشايه
تدسدس فيها وتخبي
يعلم الله بتربي
علي كل المهن طافت
من عين الفقر خافت
بس عين الصقر شافت
صقر لابس لبس حربي
وختم الدوله لا حوله
باوراقا الثبوتيه
في هنداما متخبي
صبحت في خبر كان
اللي كانت بيها فرحانه
المسيكينه
***
غويشة مي ومريومه
تماما زي حمامايه
لم تعرف لها زوجا
ولم تعرف لها تومه
وحيده وجوه عشايه
***
بتاتا لم تساسق
في الطريق العام
ولا في الحله قوقايه
وتب ما للتباهي
ولا لزوم القدله والزينه
هي المختوته لي يوما
المدسوسه للحفله
المحروسه من غفله الموروثه في الخاطر
المخصوصه للممكن
يكون باكر
مسام البيت
وتسكن في ضرا النومه
وكم تتعثر القومه
كتيرا ما
كتيرا ما
كتيرا ما
ككل الناس
تتم الناقصه بالمويه
وتبقي الستره عشايه
***
غويشة السترة والحوبه
ومن تعب التي ظلت
ترتق للصبر توبا
تفتق وردة السترة
التبتق في بنياتا
وتعتق ذكري حبوبه
غويشايه
وفر من سكرا وشايا
وفر من كسرتا وزيتا
وكم من باقي ماهيه
يشيلا السوق كما هي
بلا سكة رفاهيه
ولا حتة قماشايه
تساسق مكتبا وبيتا
كما كل الافنديه
حبيبة فول وعيشايا
تساهر ابرتا وخيطا
مكنتا مِن زمن ياما
تحت الداما دواره
وكل زراره نواره
تفرهد في قماشايا
تخليهو القديم لنجي
يبقي المافي من مافي
ويبقي البلدي افرنجي
تقول للذله حاشايا
***
فاما العبد لللاهي
فزوجاً ليس باللاهي
قلبي الجمره واطيها
وماني محلقا ساهي
ولا متملقا احدا
ولا متعلقا ابدا
باموال و لاجاه
طول العمر ماهيه
بقت حزمة معاشايه
اخيرا اصبحت ورقة
وما بتسد فرد فرقه
المنديل تمن طرقه
والصقر ان وقع
كترالبتابت عيب
ضرا و درقه
لذلك يا رضى نفسي
حزمت الامر من اول
ما بالخوف بنتحول
ولا بنجوع بنتسول
اكيد عمر الكلام اطول
قصير العمر لو طول
احب الكلمة لو حره
احب الستره لو مره
اعاف الشينه لو دره
احب العفه بت امي
حليب الستره في فمي
دبيب النمله في دمي
وكت تلقالا عيشايا
تجر جريا واباريها
وما بتضل طريق الصف
للمخزن
ولم تأذن لنفسها
تنفرد بيها
ولن تأذن
ولم تحزن على ذلك
ولم تحزن
***
وبعض البعض قد ذهبوا
الي من عنده ذهب
وبعض البعض قد مالوا
الي من عنده مال
ولكن من ستر حالو
يمين الله قد نهبوا
ألا ما اشرف النمله
ألاما اشرف النمله
وتبا للضمير
لمن يصير خمله
فيا لصا حكوميا
بختم الدوله لاحوله
باوراقا الثبوتيه
بكل ملابس الحمله
عمل عمله
عمل عمله
عمل عمله
عفيتك لو بقت سكر
وشاهي وزيت
عفيتك لو كسيت امك
صرفت روشتة الوالد
وراحت في إيجار البيت
واقول ياريت
اذا فرحتهم بالحق
اقول يا ريت
عفيتك.. لو....
ولكنك
دا ما منك
دا ما منك
دا من حال البلد ذاتا
حراباتا وحزازاتا
ناس السلطة ناساتا
ناساً فوق و ناس
تحت الارض اقرب لامواتا
ضاقت ولما استحكمت حلقاتها
ضاقت ولما استحكمت حلقاتها
ياللاسف...
كم من ولد فاتا
سهولا، جبالا، غاباتا
ونيلاً جاري
في حزة مفازاتا
هديك لجة موانيها
وفوق رحمة سماواتا
ضاقت ولما استحكمت حلقاتها
كم من ولد فاتا؟؟
تلفون العالم حوِّل
تلفون العالم حوِّل
إتنين وتلات أصفار
البرق هناك
مستني
والشمس على
استنفار
فلنزحف نحو
النور
لو ننحت بالأظفار
من حقنا نحلم
بي عالم
بي عالم
يتسالم
ضدَ التسليح
الخبز .. الحريات
المكننة
والتلقيح
لن نقبَل بالمعتاد
العكننة والتبريح
العدل بلا تمييز
الحظر على
البمبان
العطر مهب الريح
دوران الأرض
مراجيح
والشفع لؤلؤ منثور
سادين السكَّة
أناشيد
ما دين الدنيا
بساتين
ورداً..قمصان
وفساتين
والنهر بيعمل زقزاق
من خضرة وحفلة
ياسمين
ناساً جينا تم زيناتم
جنياتم خِلقة
وأخلاق
شبت حبت من لسَّعَ
في الخاطر شوق
وحنين في عيون
العُشاق...
كم مُدُناً طيَّ
الأشواق
حاراتا حتملا
الأسواق
وشوارع تجري
ملايين
لِسَّع في سنَن
الأقلام
أنفاس الناس القِدام
وخُطى الأقدام
في القرن الواحد
وعشرين
من خير الأرض
الممتد
تنعم أفواه
ومناقير
والحبّه ظلال
وعصافير
والخطوة بتبقى
جماهير
والهمسة بتبقى
هتافات
تتفكك لعب
أطفال
وأسرّة وإسعافات
آفات
فتكت بالسلم جنازير
وتقرب بينَّا مسافات
كنا بنمشيها محاذير
وتفرهد ياما ثقافات
تتنفس حق التعبير
لا رجعة لظلمٍ
قد فات
تلقوه هناكَ
ملفات
فى ركن القرن العشرين
إلقاء القبض على
الخوف
الخلا النسمة
أعاصير
والشجر الأخضر
أوتاد..
من حَقنا إننا نحلم
لن نقبل بالمعتاد
نتماسك أيدي
ونرتاد
القرن الواحد
وعشرين
شُبَّاكاً جنب
الشُباك
آفاقاً ذاتَ مصابيح
تلفون العالم حول
...
لا شك االرقم
!! صحيح
السنبلايه
لّما عرفتك اخترتك سعيد البال..
وختّ شبابى متيقن
عليك آمال
لا جيتك قبيله..
ولا رجيتك مال
ولا مسحور
ويوم ما كنت في عينىّ..
أجمل من بنات الحور
جيتك عاشق اتعّلم
من الأيام
ومن سأم الليالى البور
ومن أسر الوِلِف كتّال
لقيتك فى طشاشى دليل..
وفى حرّ الهجيره مقيل
ركزت على ضاكِ عصاى
لقيتك فى حياتى جذور
بنيّه اتلفّحت بالنور
مهجّنه من غنا الأطفال..
ومن سعف النخيل والنيل
ومن وهج الشمس موّال
*
وان اخترتينى إنساناً..
عزيزَ النفس بتمنّى..
وبسيط الحال
علىَّ حرَّمت زرعاً
ما سقيتو حلال
ومافصّد حصادو قفاى
وبينى وبينك الضحكه..
ورحيق الشاى
وطعم الخبز والسُتْره..
ومساء النور
وعمق الإلفه..
بين النهر
والنخله
وغنا الطمبور
وصدق العُشْره بين الأرضِ..
والإنسان
وبيني وبينك الفكره..
وجمال الذكرى
والنسيان
وحسن الظن
ومشوار الحيا اليوماتى
ما بين الجبل والسهل..
ما بين الصعب والسهل
عزّ الليل..
وفى سكّه مطر بكّاى
فلا هماً تشيلى براكْ
ولا جرحاً أعانى براى
ولانا على بعض نمتن
*
وتزعلى يوم..
وازعل
وننفعل مرات
تقبّلى منّى..
واتوسّد ضُراعى سكات
وفينا حنينه
تتشابك موده..
تشابك الغابات
ونحن اذا اختلفنا سوا..
بنطيع الصاح
ولو بتنا القوا بنرتاح
اذا تمن الملح والعيش..
رُضا الشمّات
* وتتكى سنبلايه على ضراعى..
واميل
كأنى غنا الطفوله العذبْ
كأن الدنيا طى القلبِّ والمنديل
كأنّ الدنيا طىِّ القلب والمنديل
السودان الوطن الواحد
مارس حارس ليس يخون
الألف
اللام
السين
الواو
الدال
الألف
النون
السودان الوطن الواحد
ما قد كان وما سيكون
*
مارس ماسك كتف ابريل
أعظم شعب...
وأعظم جيل
نعمَ بنادق لا ترتد
لصدر الشعب..
الغدر دخيل
*
شعباً صمم فرداً فرد
هبّ وهدّم حكم الفرد
وجاهو عديل
إعصار إعصار
خطوه بخطوه..
وايد على ايد
وسِلّم سِلّم
ما بنسلم
وشعب معلم..
قال اصرار:
عصينا عصينا
على الحريه منو بوصينا؟
نحن الشعب المابحتار..
اختار اختار
ديمقراطيه
بلا أميّه
بأيدى قويه
نحفر أعمق..
نرمى الساس
للسودان الوطن الحر
مرفوع الراس
للحريه بلا دوريّه
ولا تفتيش
ولا حق ينداس
*
ديمقراطيه عمود النور
ولما تغطى حقول القمح..
الأرض البور
والمكنه تدور
وترفع صوتك يا مقهور
وبينا وبين العالم سد
ينهدّ..
وسور
*
مارس حارس ليس يخون
الألف
اللام
السين
الواو
الدال
الألف
النون
السودان الوطن الواحد
ما قد كان وما سيكون
الطاؤوس
يا ماشي كالطاؤوس
على مكتبك محروس
يا سلام .. سلام .. يا سلام
على خطوك المدروس
سلام .. يا سلام
حظك عظيم يا عظيم
على قمة التنظيم
وعرفت ساسه يسوس
أنا يعني جنبك إيه
لا تكيتك للكاب
ولا لمعة الدبوس
أنا يعني جنبك إيه
ود المره البتعوس
وتسوي طول الليل
طعمية بالفانوس
أنا يعني جنبك إيه
إنسان شقي ومنحوس
دايما علي محبوس
والتهمة اني فقير
وعميل كمان للروس
بتذكرك بلباص
في المدرسة وبصاص
دايما فطورك خاص
وكمان مدرس خاص
ولا مره جيت بالباص
سألونا يوم عن مين
صديقكم الفي الصين
جاوبت ابن العاص
مليون قلم باركر
ومليون قلم رصاص
لامن طلعنا يمين
تبصم على الكراس
يا اللي بتسمع .. والما بتسمع ..
يا اللي بتسمع .. والما بتسمع ..
لازم تفتح اضانك .. وتسمع
صوت الشارع لمن يدوي ..
كل قلاع الخونة بتهوي..
وكل جباه الكهنة بتركع
وشمس الحق السرقو شعاعها
بكرة بامر الشعب .. بتطلع
ياللي بتسمع ..
والما بتسمع ..
نحن اسودا ما بتدجن
ونحن سدودا ما بتهدن
ونحن جبلا ما بتصدع ..
لملم ناسك .. ولحمة راسك ..
وارفع ايدك عننا .. ارفع
يا اللي بتسمع
والما بتسمع
لو بي بنادقك ما بترهبنا
ولو بى خنادقك ما بترعبنا
والتاريخ يا جاهل .. بيشهد
والايام لسع بيناتنا
وكل الحق الضايع بيرجع
يا اللي بتسمع
والما بتسمع
.اسأل كل العسكر قبلك
وكل الحاول فكر متلك
الاستأسد .. والاتنمر..
مهما استعلا.. ومهما استكبر
برضو في يوم الغضبة بيهلك
وبيلقى مصيرو .. نفس المصرع
واننا أمة عظية اصيلة
لينا خصايص ما في مثيلها
وفينا طباع بالفطرة نبيلة
والاسلام ما جانا الليلة
ولا اخلاقو علينا دخيلة
الايمان من بدري سبيلنا
والقرآن في الصدر دليلنا
انقى .. وارقى .. واسمى .. وارفع
يا اللي بتسمع
والما بتسمع
نحكي ليك لو كان ما بتعرف
حاجة بسيطة بس عن ماضينا
انحنا رضعنا الثورة رضاعة
وبالوطنية انحنا ربينا
التدجيل ما بنفع فينا
والتضليل ما بيمشي علينا
انحنا عبرنا السكة مشينا
وشفنا عدونا .. وشفنا صفينا..
وما بنهاب لا سيخ .. لا مدفع
يا اللي بتسمع
والما بتسمع
الانقاذ ما بالدبابة
ولا احلام شايلاها سحابة
ولا اوهام عالم كضابة
ولا ارقام خاوية .. وخلابة
والاصلاح ما جربندية
الاصلاح ما بالزندية
الاصلاح عدل .. وحرية
الاصلاح موضوع .. وقضية
الاصلاح عزقة .. وطورية
نحن بنفكر بتاريخنا
يا اللي بتسمع
والما بتسمع
نحن اولاد الوطن الواحد ..
متسامحين من يوم ما قمنا
عشنا حبايب ولسه حبايب
ما اتخاصمنا ولا اتصادقنا
فينا مساجد بتهليلها
وفينا كنايس بي انجيلها
وفينا معابد يسرج ليلها
ربنا واحد .. وشعبنا واحد
وحبنا واحد .. ودربنا واحد
يا اللي بتسمع
والما بتسمع
دايرين نختم نحن كلامنا
ودايرين نحسن نحن ختامنا
للاحرار نديها تحية
وللثوار تعظيم وسلام
نحن الفوق الشمس مقامنا
ونحن جبين الثمسر مرامنا
ونحن وقود الحارة .. ونارها
ونحن منية الباغي .. سهامها
الا ارادة المولى ارادت
حكمت فينا .. وفي حكامنا
بعد ما ازهري كان هو زعيمنا
بعد المهدي الصلى امامنا
بعده الغرد الضوو جبينا
بعد الدرر الزانو زمانا
جات البقرة عشان تحكمنا
وام رخم الله مشت قدامنا
جل جلالة الملك الواحد
يأتي وينزع
ويعطي ويمنع
ويخفض .. ويرفع
يا اللي بتسمع
والما بتسمع
يومك قرب يا ظالمنا
وبكرة حناخد منك تارنا وما بنرجاهو حساب الآخرة
داكا حسابا من غفارنا
يمكن يصفح .. ويمكن يسمح
ويمكن يعدك من اشرارنا
الا انحنا حسابنا براهو
يوم الحارة بتوقد نارنا
تحصد كل الداسو حقوقنا
تحرق كل الخربو ديارنا
دايرين نعرف وين شهدانا
دايرين نعرف وين ابرارنا
والشرفا الراحو اوانطة من طلابنا ومن احرارنا
والآلاف الشردتوها من خبراتنا ومن اخيارنا
والمؤتمرات الدبلجتوها من اخوانا ومن اعمارنا
نحن عرفنا البير وغطاها
ونحن خلاص ... قرارنا
ونحن حنضرب كل العملا
ونحن حنصلب كل الجهلا
نحن حنغبن عصابة القتلة
ومن الباغي حناخد تارنا
وعالية ترفرف راية العزة
وغالية عزيزة حترجع دارنا
ونور الفجر القادم يسطع
يا اللي بتسمع
والما بتسمع
مريم محمود
مجنون
مجنون مجنون
مجنون مجنون مجنون
مجنون مجنون مجنون مجنون
مجنون مجنون مجنون
مجنون مجنون
مجنون
مجنون الحزن المسجون
بارود الحزن المسحون
جوااااي انا شافع محزون
عن امو بفتش فتيش
فتش فتيش هبش هبيش
دقش دقيش
يصرخ ياناااااااس
مريم محمود راحت شقيش
يصرخ ياناااااااس
مريم محمود راحت شقي
ش
يصرخ ياناااااااس
مريم محمود راحت شقيش
في زنك اللحمة وفي الزحمة
مريم محمود راحت شقيش
في منحنيات الاسواق
مريم محمود راحت شقيش
ولا آه يا مريم محمود
آآه يامريم محمود
آآآه يامريم محمود
آآآآه يامريم محمود
آآآآآه يامريم محمود
ياذات الضل الممدود
ياذات القلب الساساق
حتلت جواي الاشواك
حتلت جواك الاشواك
وكنت الولد المفقود
لا هجراً ليك ولا عاق
لا هجراً ليك ولا عاق
حبيتك ذي ما حبيت
الوالد
الوطن
البيت
منك خطفوني تماسيح
كم مرة وخلو التباريح
كم جيتك راجع مسحور
بذات الوجه المغرور
البيني وبينك عصفور
علي قلبومنشن صياد
علي قلبومنشن صياد
علي قلبومنشن صياد
ظلموك يامريم ظلموك
حرموك يامريم حرموك
خلوك الدمعة تفصد خدك في الاعياد
خلوك الدمعة تفصد خدك في الاعياد
خلوك الدمعة تفصد خدك في الاعياد
مشوك في الشوك علي حد السيف
اتعلمتي الشك في الغربا
وكنتي ملاذ الشتا والصيف
سرقو امانك وإطمئنانك
قلبك كل ما باب الشارع دق يدق
قلبك كل ما باب الشارع دق يدق
قلبك كل ما باب الشارع دق يدق
قلبك كل ما باب الشارع دق يدق
قلبك كل ما باب الشارع دق يدق
يدك ترجف في الصقاطة
وشك شاحب ربنا يستر يمكن هم
وشك شاحب ربنا يستر يمكن هم
وشك شاحب ربنا يستر يمكن هم
وشك شاحب ربنا يستر يمكن هم
تفرحي فرحاً قدر الدنيا
تفرحي فرحاً قدر الدنيا
تفرحي فرحاً قدر الدنيا
تفرحي فرحاً قدر الدنيا
تفرحي فرحاً قدر الدنيا
إذا ما كان الطارق صاحب
حالا نارك بالهبابة لهيبا يبق
وحالا نارك بالهبابة لهيبا يبق
وحالا نارك بالهبابة لهيبا يبق
حالا نارك بالهبابة لهيبا يبق
حالا نارك بالهبابة لهيبا يبق
يا شعبنا
يا شعبنا
يا والداً أحبنا
يا من منحت قلبنا ثباتك الأصيل
اليك هذه الرسالة القصيرة الطويلة
اليك من زنزانة تخاصم الفصول
اليك رغم أنف كل بندقية
وحقد بربرية
وكلمة شقية.. اليك منا الحب والسلام والتحية
ودمت يا أبي حبيبنا وبعد أدبتنا
أحسنت يا أبي
فلم نتابع الهوى وكأنما هابيل ما ارعوى
وكم غوى وتاه فى الأنا
أراد للدماء ان تسيل
ونحن مثلما عرفت يا أبي بفضلك الكريم
أشرس الرجال حينما نقاوم
نموت لا نساوم
ندوس كل ظالم
ونفتح الصدور للمدافع الثقيلة
ومن هنا أبناؤك الرفاق باسمك العظيم أقسموا
فصيلة فصيلة
أن يثأروا لصرخة الأمومة الجليلة
لطفلة جميلة.. تنفست قليلا.. تمددت قتيلة
رصاصة فى جنبها وطعنة فى قلبها
لم تعش طويلا
لكن مليون مثلها سينجب النضال
يا أبي حقيقة
فكم من حديقة تفتحت على حطامها حديقة
وكم مكان نخلة هوت علت نواتها وزادت ارتفاعا
أجمل الأطفال قادمون ساعة فساعة
عيونهم أشد من عيوننا بريقا
دورهم بما وهبت أكثر اتساعا
وحينما يكبرون يا أبي
سيوفهم تزيد من سيوفك الطوال طولا
لأن بذرة الحياة ليست الرصاص
لأن بذرة الحياة ليست الرصاص
واحلالي
واحلالي القبلي شال شبال لمع برق المهيرة
قيرة قيرة يا مطيره
يا رزاز الدم حبابك
لما يبقى الجرح عرضة ولما نمشي الحزن سيرة
من دمانا الأرض شربت موية عزبة
كل ذرة رملة شربت حبة حبة
موية أحمر لونها قاني
فتقت ورد الأغاني
تهدي لى اسمك رمزاً للوطن كنز المحبة
قيرة قيرة يا مطيرة يا شهيد الشعب أهلاً
مش بتطلع كل يوم الشمس أجمل
وكل يوم النخل أطول زيدو قامة
وياما شفتك ياما ياما
لما شفت البدر طالع فى سما الوطن ابتسامة
إنتّ فى النهر البسافر جاري طول العمر صاحي
طبعو منك يا الملامحك من ضفافي
واللي شافك مرة شافو
واسمك الختيتو فرهد عشب أخضر فى الجناين
فى الشوارع نيمة نيمة فى مصابيح المدينة
فى فوانيس الضواحي
تملا نادي الحلة سيرتك
اسمك الخلانا نقدر فى ظلام الليل نعاين
والبتسأل عنو ده الخليتو شافع
لسه دابو
يا ما حيعجبك ، شنابو
صوتو رقان فيهو بحة
ود فلان اصرار وصحة
عندو قصة حب جميلة
جرب آلام الحراسة وحرض أولاد الدراسة
وهدّو حيل العسكرية
البنية أم طرحة كبرت
يا سلام الفنجرية
ليها راية وبى كلامها وبى اهتماماتها الجديدة
دقت أجراس القصيدة وشدت أوتار الصلابة
الكتوف اتلاحقت فى السكة يابا
واحلالي القبلي شال شبال لمع برق المهيرة
قيرة قيرة يا مطيرة يارزاز الدم حبابك
لما يبقى الجرح عرضة
ولما نمشي الحزن سيرة
جميلة ومستحيلة
يا جميله..
ومستحيله
انت دايما زى سحابه
الريح تعجّل بى رحيلها
عيونى فى الدمعات وحيله
اسمحيلا تشوف عيونك..
اسمحيلا
أنا لا الصبر قادر عليّ..
ولا عندى حيله
يامراسى الشوق تعالى
لا الليالى تمر بدونك هى الليالى
من ضواحى الدنيا جيت..
وعليْ رحالى
لمداين فوق عيونك يا محالى
ريّحينى..
أسُتْرى حالى
فرحينى
عيونى فى الدمعات وحيله
أنا لا الصبر قادر عَلَىْ..
ولا عندى حيله
حدّثت عنك نجمة جارة
وزرعت اسمك..
حارة حارة
فى مناديل العذارى
فى مشاوير الحيارى
فى لحى الأشجار كتبتو..
نحتو فى صم الحجارة
وبحت للشمس البتقدل..
فى مدارها
عيونى فى الدمعات وحيله
اسمحيلا تشوف عيونك
اسمحيلا
أنا لا الصبر قادر عَلَىْ
ولا عندى حيلة
وانتِ منك لا بداية..
عرفت لسّه ولا نهاية
مرة أسرح..
ومرة أفرح..
ومرة تغلبنى القراية
ولّمن أكتبلك وداعاً..
قلبى ينزف فى الدواية
يا صبيّة..
الريح ورايا
خلي من حضنك ضرايا
عيونى فى الدمعات وحيله
اسمحيلا تشوف عيونك
اسمحيلا
أنا لا الصبر قادر علىْ..
ولا عندى حيلة
يابا مع السلامة
يابا مع السلامة يا سكة سلامة
في الحزن المطير
يا كالنخلة هامة
قامة واستقامة
هيبة مع البساطة
اصدق ما يكون
راحة ايديك تماماً متل الضفتين
ضلك كم ترامى حضناً لليتامى
خبزاً للذين هم لا يملكون
بنفس البساطة والهمس الحنون
ترحل يا حبيبي من باب الحياة لباب المنون
روحك كالحمامة بترفرف هناك
كم سيرة وسريرا من حولك ضراك
والناس الذين خليتم وراك
وعيونم حزينة بتبلل ثراك
ابواب المدينة بتسلم عليك
والشارع يتاوق يتنفس هواك
يا حليلك حليلك يا حليل الحكاوي
تتونس كانك يوم ما كنت ناوي
تجمع لم تفرق بين الناس تساوي
نارك ما بتحرق ما بتشد تلاوي
ما بتحب تفرق من جيبك تداوي
الحلم الجماعي والعدل اجتماعي والروح السماوي
والحب الكبير
في الزمن المكندك والحزن الاضافي
جينا نقول نفرق نجي نلقاه مافي
لا سافر مشرق لافتران وغافي
وين عمي البطرق جواي القوافي
يا كرسيه وسريرو هل ما زلت دافي
يا مرتبتو امكن في مكتبتو قاعد يقرا وزهنو صافي
يا تلك الترامس وينو الصوتو هامس
كالمترار يساسق يمشي كما الحفيف
كم في الذهن عالق ثرثرة المعالق والشاي اللطيف
تصطف الكبابي اجمل من صبايا
بينات الروابي والضل الوريف
احمر زاهي باهي يلفت انتباهي
هل سكر زيادة ام سكر خفيف
ينده للبنية يديها الحلاوة
والخاطر يطيب
يدخل جنو منو محبوب الشقاوة
يستنى النصيب
الدفو والنداوة السنا والعبير
كالغزلان هناك في الوادي الخصيب
حيث الموية عذبة والغصن الرطيب
كم تحت المخدة اكتر من مودة
للجنا والغريب
عش وعشب اخضر جدول من حليب
يابا ابوي يا يابا
الشمس البتطلع بلت منو ريقا
والنجمة البتسطع فيه تشوف بريقا
الندى في حركتو يطفيها الحريقة
ننهل من بركتو زي شيخ الطريقة
شاييهو وطرقتو والايدي الصديقة
يلا نسد فرقتو حب الناس درقتو
يا موت لو تركتو مننا قد سرقتو
كنا نقول ده وقتو لكنك حقيقة
النفاجو فاتح ما بين دين ودين
نفحة محمدية دفئاً كالضريح
ميضنة كم تلالي جيداً في اليالي
مجداً في الاعالي
مريم والمسيح
قلباً نبضو واصل ما بين جيل جيل
ما بين كان وحاصل او ما قد يكون
ما بتشوف فواصل الا الذكريات
وآلام المفاصل بعضاً من شجون
يابا مع السلامة يا سكة سلامة
في الحزن المطير
ود باب السنط
البكري هاج وماج
مدناً من تراب
قد جيتا
فوق أمواج
يا مك الحديث
اللى الكلام دراج
الحبرو ما مهماج
ودباب السنط
والدكة والنفاج
والحوش الوسيع
والساكنين أفواج
واللمة التي ربت جنا المحتاج
والنار الدغش
والريكة جنب الصاج
والشاي باللبن
برادو لابس تاج
صينتو الدهب
ترقش كبابى زجاج
والسكسك المنضوم
حول الجبينة نجوم
والفنجرية تقوم
تقهوج الحجاج
طق طرق يابن
القهوة كيف ومزاج
خلى النعدل الراس
ونحصل الطرماج
عشرة مقاطع للحياة
( 1 )
غطى الجبال الليل
لكن هدير السيل
لكن صهيل الخيل
نار الغضب والجوع
تحت الجبل مسموع
يضووا عز الليل
( 2 )
والموج شديد الظلام
غطى الشهيد الهمام
لكن دماهو بتقيد
لكن طريقو المجيد
ابداً شديد الزحام
رايات ترفرف غمام
ينزل رزاز النشيد
والنجمة تلمع هناك
رغم المكان البعيد
( 3 )
والنهر عبر السنين
يزحف بعنف وبلين
في الليل بيلمع يبين
فارس بسيفو السنين
يحمينا حضنو الامين
نطلع بكتفوا الشمال
ننزل بكتفوا اليمين
لكنو مين يقدر يقول
أنا سيدو مين
( 4 )
في منحنى الدرب الطويل
الحبة تفلت من جراب
عابر سبيل مسكين هزيل
عطشان يموت في السكة
ما يتم الرحيل
تكبر تشيل تلبس جميل
تصبح مقيل عابر سبيل
( 5 )
عصفورة من أخر بلاد
في رحلة لي أخر بلاد
تعرف مواعيد الحصاد
وكل دورات الفصول
وأنضر ايام الحقول
وتعادي أسراب الجراد
وتنادي لوكركب زناد
صياد على العش والولاد
( 6 )
أنسانة ابسط ما يقال
لو صاح
اعز من النساوين الرجال
أنثى ولا دستة رجال
تمشي وما بتطأطي
ما بين بير وشاطي
تطلع عالي واطي
نهارها مع السواقي
وليلها مع الطواقي
وعمرها للجهال
( 7 )
والنملة في الصف العجيب
وعلى انفراد
نفس النشاط والأنضباط
نفس الحماس
تسعى وتجيب ولا من رقيب
ولا حتي في الأمر التباس
ولا في اختلاس
أحسن كتير من بعض ناس
ولا في اختلاس
وهيلا .. وهيلا هيلا .. هيلا
تلقى تفسها في سفينة
وهيلا .. وهيلا هيلا .. هيلا
تاني في شارع مدينة
والحكمة بنفس الحماس
تلقاها في الصف العجيب
كم مرة تهرب من مداس
من طفل عابث ومن لهيب
بالحبة تمسك في عناد
الحبة ملك الاتحاد
( 8 )
والحكمة في مر السحاب
والعلاقة البينو ما بين الجذور
واللسة في الباطن بذور
وغنا الطيور
والمعركة الدارت تصلصل
بسيوفها وبالحراب
والعلاقة البينو بين الغابة والهبابة
والربابة والمنديل
ومجرى النيل وضلفة باب
وبكية طفلة في الكتّاب
تفتش عن قلم رصاص
وقع في الباص
وحس رصاص هدر في ناحية
فيها العيش حكر للجيش
بتاكل من زمن مافيش
وتشرب من زمن مافيش
وكان اضراب
( 9 )
والشمس تطلع يبين
ادق ما في الجبال
تبدأ الموانئ العظيمة الهدور
وتصحى المصانه بيهمة وتدور
ووتملأ الشوارع وكل الجسور
وتشفى الصدور
جموع الشغيله خطاها ثقيلة
تخلى القصور تحس بالفتور
وحمى الزوال
( 10 )
تصحى المدينة
تقوم تستحم وتولع سيجارة
تدخن تسخن بشاى الصباح
وحق الملاح وسيد الجزارة
وتقعد تدندن تخيط زرارة
ترتق هدوما وتفتق هموما
وتسب الحكومة وتفن الريال
وتنفض سريعاً غبار النعال
وتنزل تواجه مشاكل عويصه
تشرّط قميصا وتدق العيال
ليه العيال يعيش النضال
يخلى الحكومة تدخن تسخن
بنار الكفاح
وتقعد تطنطن لحدي الصباح
بتطلع بتطلع حزينة وكتومة
تشرّط هدوما وتحش المصحة
يعيش الأصح يعيش النضال
وضروري النضال
وتر مشدود
سلمت
خايف كنت ما يسلم قلب مبسوط
حلمت
قبلك كنت لا بحلم ولا موجود
معاك بحلم كأني على فرس طاير بغني على وتر مشدود
واطير عبر السما المدود
سما الوطن اللي مالو حدود
حمامة جناها لا خايف ولا مفقود
واشر الغيمة خيمة على النجم وارتاح
أصادف أجمل الغابات واصادق غصنك الفواح
واشرب من زوايا القلب جنبك اخر الأشباح
وتفتح كلمة من عينيك لي مجرى الغنى المسدود
واخط اسمك على باب الزمان اكليل
وردة صبية تلمع صديري النيل
وباسمك أغني لي عالم بسيط وجميل
وانادي عليك ملاذا في شتا الأيام
وبردا في الحياة وسلام
وفي شدة هجير وزحام
جزيرة حنينة بين نهرين حنان القاك عليك اتلم
وهودج في صحاري الهم
وعالي النخيل عليك اتلم
وفي السكة اللي ما بتعود معاك
لآخر المشوار نغني على وتر مشدود
الشهيد
صدقنى أنا لا قيتو امبارح
لا بحلم كنت ولا سارح
كان باسم وشامخ كالعادة
نفس الخطوات البمشيها
نفس الكلمات الوقادة
كان فاتح قلبه على الشارع
صحيح أنا قبلك صدقت
جريت وبكيت لما سمعت
يوم نفذوا حكم الاعدام
لكنه بكل تفاصيلو
جسمو .. لونو .. ضحكو .. صوتو
مشيهو وطولو
لاقانى وبحلف نتأكد
لا طيف لا واحد من جيلو
فوجئت حقيقة وبصراحة
لو مش أبعادو الشخصية
والسوق .. الحركة هدير الكارو
حديث المارة مع الباعة
والناس ، الداخل للبوسته
الطالع منها ، والساعة
زى سبعة صباحا ، والشارع
مليان عمال وأفندية
وفى طول الوقت وكنت بفكر
امكن بحلم
امكن كل الحاص اشاعة
بس لكنى جرية قريت أيام المحنة
سمعت اذاعة
وكل الزملا الشهدا ، شرفنا
صانو شرفنا بكل شجاعة
واستبسالم كان فى الدنيا
حديث الساعة
وشفت بعينى
فتشو بيتنا وبيت جيرانا
رفعت ايدى
مرة الدبشك ، ومرة السنكى
ومرة زناد ما بين عينى
دا كلو تمام انا وعشتو
لحظة بلحظة مشاهد حيه
بس لكنو هداك قدامى
كمان شايفنى بعاين لى
وفطول الوقت .. كنت بفكر
امكن بحلم
امكن امانى
امكن بشبهو واحد تانى
وفجأة الصوت اياه .. عرفتو
عرفتو الما بغبانى
"يااخينا ازيك"
اهلا مرحب .. ايوه اتفضل" نادانى
مشيتلو.. مصدق وما مصدق
سلمت بقلبى واحضانى
وشعرت كأنه بيعرفنى
شعرت كأنه بيقرانى
راجل نكته عميق ومهذب
رائع جدا وانسانى
ولما جمعنى وشجعنى
سألتو بدهشة عن الحاصل
قاطعنى .. "بتعنى الاعدام؟
اعدامنا .. بتقصد اعدام؟
الموت لو شنقا حتى الموت
الموت .. لو رميا بالرصاص
ما هو الموت"
"الشعب يقرر من الحى والميت مين
الشعب يقرر مين الحى والميت مين
ونحن عمرنا القدام
الحزب .. اليقظة .. الاقدام
الحزب .. اليقظة .. الاقدام
الحزب .. اليقظة .. الاقدام"
وبسرعة انكسر الميدان بالناس
عشرات العشرات
أطفال .. عمال .. وطليعيين
وبنات طيبات
ومنشورات
أغنية حب لعبد الخالق
الفارس معلق، ولاّ المُوت مَعَلق
حَيَّرنا البَطل
يا ناس الحَصل
طار بي حَبلوُ حَلَّقْ
فَجَّ الموت وفات، خلى الموت معلق
في عينينا بَات
وسط الناس نَزل
بالحزب الشيوعي
ومن كل الزوايا
وليِ ما لا نهاية
وضاح المبادي .. ممدود الابادي
بالحب والتحايا
ابزيد الهِلالي
في عصر الدراية
والطفل البتاتي من يوم السماية
والحزب الشيوعي
ومن كل الزوايا
ولي مَالا نهاية
ومن كل الشوارع
وفي كل المطالع
طابع حسنو طالع
في سُهد المصانع
وفي عبق المزارع
وفي رشة غمامة
وفي منقار حمامة
تحت الأرض بذرة
وفوق الشمس هامه
بالحزب الشيوعي
ومن كل الوَسايد
وفي نبض القصايد
عَبده حَبيبي عايْد
عايد ألف عايد
من بين الشدايد
في هُوج الليالي
جرحه الكان بلالي
في الشارع علامه
طال في الدنيا قامة
وزاد في العين وسامة
وعايد لِسه عايد
عايد بالسلامة
في الحزب الشيوعي
ملينا الدفتر الأول
ملينا الدفتر الأول
حنملا الدفترالثاني
بكل عزيز وإنساني
ولسه ولسه عبد الخالق المقدام يقود الصف
ونحن معاه كف فوق كف
وهاشم قاطع الحدين
لسه ولسه يملا العين
يعيشوا ومت يا سفاح
ومات الموت
حسير الصوت
ويا يابا الشفيع الساس
وضلالة هجير الصيف
ويا تار البلد جوزيف
ويا يوليو القلم والسيف
وضابط حر شديد البأس
مشينا ونمشي
ونتحزم بمجد الشعب
والنبراس
هكذا أستشهد البطل
هادئًا كان أوان الموتِ
عاديًا تماما
وتمامًا كالذي يمشي بخطوٍ
مطمئنٍكي يناما
وكشمسٍ عبرتها لحظةٌ كفُ غمامة
قال مع السلامة
لوّح بابتسامة
ثم ارتمى
وتسامى
وتسامى
وتسامى
غارقًا في دمه
واسمنا في فمه
وتسامى
وتسامى
وتسامى
والآسي حزمة كبريتٍ رماها
في ملايين الأيادي
ناهضًا بكل عينٍ وفؤادي
مالئاً كل زمان ومكان في بلادي
وغدا الموت والجلاد
أسيرين حسيرين
ذليلين حقيرين أمامه
سيبقى رغم سجن الموتِ
يبقى رغم سجن الموتِ
غير محدود الإقامة
غير محدود الإقامة
وا حلالي
وا حلالي أنا وا حلالي
أريتو حالك
يابا حالي
أموت شهيد نجمي البلالي
وأخلف إسما لي عيالي
الشفيع يا فاطمة في الحي
في المصانع وفي البلد حي
سكتيها القالت أحي
ما عماره الأخضر الني
بدري بكر خضر الحي
ومات شهيد أنا واحلالي
يا المصانع يالسكك الحديد
يا ورش نارها بتقيد
يا عمال الميناء البعيد
جروا حبل اليوم السعيد
وشايفوا قرب أنا واحلالي
أحمد أحمد تكبر شيل
إسم أبوك في النجم والنيل
خظ أبوك بالدم النبيل
كل زهرة وزهرة إكليل
ومات شهيد أنا واحلالي
قاسم أمين
الطارق مين؟
أنا قاسم أمين
أهلاً بالراي
شيخ السراي
أتفضل جاي
أعمل لك شاي
اللحظة معاك
بتساوي سنين
أديتني حواس
وحماس ويقين
كلمته الناس
كم واحد قال
أديتو حواس
وحماس ويقين
لأنك يابا
نقابة وغابة
وحس ربابه
وغنا أطفال
ودياليكتيك
تقرأ كتاب الزمني الجائي
وتكشف سراً في ألأعماق
وتنحت تنحت في الآفاق
أنفاق .. أنفاق
تشوف المدن اللسه
مكانه تراب وخلا
تشوف أهلا
وهم لسه حنين
في عيون عشاق
الطبقة العاملة
رعيته جنين
هسع عملاق
درع الوطن
الواقي وباقي
وحلم الناس
المغلوبين
أديتني حواس
وحماس ويقين
لأنك يابا
نقابة وغابة
وحس ربابه
وغنا أطفال
ودياليكتيك
مريم ومي بنياتي
مريم ومى بنياتي وحشتّنى ولعبتن بى
تحياتى تصحو امامى اشواقا تهز النبض وتاكى
عميقا من شعاب النوم الاقى الذكري بتاكى
سلاماً يا حمامتى اسكن فى مسامتى
سلاماً يا غمامتى البتدني ابتساماتى
مريم ومى بنياتي وحشتّنى ولعبتن بى
يسافر قلبى صوتي يرن يسابق الريح
قلب الوالد انت صحيح تحن وتهم
حذراك من الجواك وحذراك من جري التبريح
حتهرب منو جلدك وين ويوماً ما حتسكت وتم
واخط رأسى وافارق دنيتى وناسى
واخلى وراي كراسى
فما تسود سطر بالشين
وما تعود اساك العين
وما تشمت عدوي فينى
مريم ومى بنياتي وحشتّنى ولعبتن بى
طريق الشعب اوسع من زحام الضيق
وقلب الشعب ارحب من رحاب الضو
ونبض الشعب كلو حلم بداهو بتم
تطلع من شقوق الارض الاف المدن قامات
ويطلع حتى من قلب الحجر والصى
شجر متشابك الهامات وجيلاً جاى حلو الشهد
صبايا وفتيه يمرحوا فى صباح الغد
عيونهم برقهن لماح سؤالهم رد
خفاف ولطاف وثابين اوان الجد
دفاعا عن حياض السلم والافصاح
سلمو لى عليهم == سلمو لى عليهم
جملة حتى اللسه قبل الخلق والتكوين
صناع الحياة اليوماتى ملح الارض
نبض الشعر والموسيقى والتلوين
هدامين قلاع الخوف
كانت هذه الدراجة يوماً ما كلاشنكوف
مابين منارات السمع والشوف
نقاشين جدار الصمت
نساجين خيوط الشمس كهربجية للظلمات
واجمل ما تكون الدنيا
رسامين حفاريين مجارى العصر
نصراً نصر
حروفم وا حلالى تشمهن ترتاح
ح حرية
ت تغير
ت تعليم
ك كتاب
م مسمار
ح حرية
ت تغير
ت تعدين
ج جرار
سكة حديد وتهز وترز
ب بحارة
بحراً عب وثار
وطن مدرار
جرت تتلاحق الانهار
كما بتتلاحق الاعراف
كما بتتمازج الالوان
كما بتتصافح الاديان
كما بتتمازج الالوان
هجيناً من سلالات الفخار والعز
مرور النسمة ويداً هبة الاعصار
علم فى نشرة الاخبار
وهيبة على امتداد الكون
علما فى حماه الوردة حتى الزهرة والمريخ
شبح حرب النجوم انزاح
ايادى القهر خلف الظهر مكتوفين
افاعى السحت حيث مذابل التاريخ
سلمو لى عليهم جملة
حتى اللسة قبل الخلق والتكوين
بشوفهم كلهم حسه
عصافيراً ترك جنبى
نوافيراً ترش قلبى
حمامتى بتشرب حسه من ايدى
مريم ومى بنياتى سمعت صوتى جيت هى
مريم ومى بنياتى سمعت حسى جيت هى
طلعتن من زوايا السجن كالبلاب
وبين السونكى والترباس وبالرقاق وحلق الباب
وعبر السور زى النجمة والعصفور
تجرن جدولاً رقاق
من حبل العشم فتلات
من حقل الوطن شتلات
امكمن الفى قلب جبتن لى
من تيابها شراع
منديلاً خيوطو شعاع
وكراساً مسطر بالضحى اللماع
وخط ايدا وشعورا الحى
شعورا الحي
وقالت لى قالت لى وقالت لى
سلاماً يا ابو مريم ومى
ثباتك شعلة فى ايدى
بناتك خلى راسن فوق
وحاشك الكلام النى
وحاتك ما انكسرنا وراك
ولابداً يعود الحى
وفجراً كالكرب حيبين
وشعب تترب حيقوم
ويملا شوارع الخرطوم
وتجر مدامع الحلال
تجر النم تسوى القوق
فوق سودانا فوق سودانا فوق
بدل شاهيك اشرب دم اذا قلت الكلام النى
وانا الما عندى ليهن شىء
لا فى البنك ولا فى الدين سوى الكلمة المابتنداس
ولا بصبح مكان الرف ولا عصفورة جو الكف
ولا صقر يحلق فوق وينزل كف
نبض الشعب اجمل من بريق الماس
واجمل من حليب الستره ما حبيت مشارب كاس
كما القمرية بين اغصانها اشرف من موائد ناس
واقرب للوطن من ناس
وخيراً جانا ما عم البلد وسواس
أذن فلتقرع الاجراس
مريم حضرى الكراس
أميرة ومى تعالن جاى
نغنى لاخر المشوار
نغنى لاخر الانفاس
نغنى لاخر المشوار
نغنى لاخر الانفاس
مريم ومي بنياتي
سمعتن صوتي جيتن هي
طلعتن من زوايا السجن كاللبلاب
وجيتن من ثنايا الكاب
وبين السونكي والترباس
وبالرقراق وحلق الباب
وعبر السور متل النجمة والعصفور
دخلتن علي تجرن جدولا رقراق
ومن حبل العشم فتلات
ومن حقل الوطن شتلات
وامكن الفي القلب جبتن لي من ثيابها شراع
ومنديلا خيوطه شعاع
مسطر بالضحا اللماع
وخط ايدها وشعورها الحي
قالت لي سلاما ياابو مريم ومي
ثباتك شعلة في ايدي
بناتك خلي راسهن فوق
وحاشاك الكلام الني
وحاتك ما انكسرن وراك
ولابد ان يعود الحي
تبتبا
تبتبا تبتبا تبتبا تبتب
باكر تعرف تقرا وتكتب
وياما ترتب
نحنا بنحلم وكم نتمنى
هي تحقق كل ما تحب
تبني حياتا الند بالند
اي مكانة وخانة تسد
هدهدا هدهد كل الورد ينوم ويفرهد
زي عصفورة تطير وترك
تحبا وتمسك وتاني تفك
سيبا تفكفك سيبا تلكلك عايزة تنطط
بكرة حترسم وياما تخطط
بكرة حا يبنوا مدائن ضو
ما بيعكر صفو الجو صفارة حرب
تشطب من قاموس الدنيا
الضرب الشك الخوف
ينعموا كم بالشم والشوف واغاني الحب
افتح بابك آمن تب
زي ما النهر بيلقى مصب
اي حمامة بتلقى الحب
تلقى الورده الندى في الكم
تلقى حداها جناها الام
يرضع صافي حليب الحب
نقدل نحنا الجد والعم
تملا عيونا كهارب سد
باباً جاب الهم والزم والصد ينسد
نفرح لما ندمع جد
مد البصر الامل يمتد
العمل يشتد البنا ينتم الغنا يمتد
هدهدا هدهد
اكتبي اكتبي الف المد
حمام وسلام وسعادة بجد
اكتبي اكتبي ياء المد
سرير وعصير وعبير ينشم
اكتبي اكتبي واو المد
حقول وعقول تقرا المجهول كتاب الغد
اكتبي علم وسلم
لا حد يئن لاتسمع بم
لا ينزف دم
لا يعجز رد
لا يعجز طب
لا دمعه في خد
تبتبا تبتبا تبتبا تبتب
طريق الشعب
طريق الشعب أوسع من زحام الضيق
وقلب الشعب أرحب من رحاب الضو
ونبض الشعب كل حلم براه يتم
شجر متشابك الهامات
جيلاً جاي حلو الشم
صبايا وفتية يمرحوا فى صباح الغد
عيونهم برقهن لماح
سوالم رد
وتطلع من شقوق الأرض
آلاف المدن قامات
يطلعوا من قلب الحجر الصم
خفاف ولطاف
ثعابيناً أوان الجد
دفاعاً عن حياض السلم والإفصاح
سلموا ليَّ عليهن جملة
حتى اللسة قبل الخلق والتكوين
صناع الحياة اليوماتي
ملح الأرض
نبض الشعر والموسيقى والتكوين
هدامين قلاع الخوف
كانت هذه الدراجة يوماً ما.. كلاشنكوف
وما بين منارات السمّع والشوف
نقاشين جدار الصمت
نساجين خيوط الشمس
كهربجية الظلمات
وأجمل ما تكون الدنيا
رسامين وحفارين مجاري العصر
نصراً نصر
مقدامين زمانهم فيه ضبط الوقت بالتقدير
شروق الشمس بالإنجاز
حروفهم وا حلالي
تشمهم ترتاح
حا.. حرية
تا.. تغيير
جـ.. جدار
ك.. كتاب
س.. سمار وسكة حديد تهز وترز
با.. بحارة بحراً عبَّ وثار
واو.. وطن مدرار
جرت تتلاحق الأنهار كما تتلاحق الأعراف
كما تتصافح الأديان
كما تتمازج الألوان
هجيناً من سلالات الفخار والعز
مرور النسمة وأيضاً هزة الإعصار
علم فى نشرة الأخبار
وهيبة على امتداد الكون
وعلماً فى حماه الورد
حتى الزهرة والمريخ
شبح حرب النجوم ينزاح
أيادي القهر خلف الظهر مكتوفين
أفاعي السمت حيث مزابل التاريخ
الحرامي
صحيت بالمؤذن وحالتك تحزن
مرقت وسرقت الوبال
معكز ملكز بسيخة ونعال
مكتف ملتف بأغلظ حبال
وغيرك بخزن جميع الغلال
يسرق ويهرب جمال
باسمه اللواري تهد الكباري تباري الجبال
سيادته يتدبر شئونه الأماسي
يرش الحديقة ويرص الكراسي
ما بين الغواني ورنين الخماسي
تعاين تشوفه تقول دبلوماسي
يمضي ويرضي ويهدي المحال
كمان لو تلاحظ صديقه المحافظ
وقالوا الملاحظ عيونه الجواحظ تباري الريال
حليلك بتسرق سفنجة وملاية
وغيرك بيسرق خروف السماية
وفى واحد لو تصدق بيسرق ولاية
ودا أصل الحكاية وضروري النضال
ضروري النضال
عما قريب
عمّا قريب..
الهمبريب
يفتح شبابيك الحبيب
والحال يطيب
يا محمد أحمد تستجِمْ
والبيت يتمْ
تتلم تلمْ
تفرح فرح
تحلم حِلِم
كم تطمئن
حقك يجيك لافيهو شك..
يمكن واظن
ويفوتو همْ
والعدل يعمْ
وتغني أمْ
كادت تجن
كبر الولد جُوّا السجن
فاقداهو هى
دا كلو كلو ينتهى
دا كلو كلو ينبهى
زولاً تريدو وتَشْتهِى
تلقاهو فى
لا فى السِّجِن..
لا مختفى
لا يقولو ليك ما تمشي لى
دا كلّو كلّو ينتهى
دا كلّو كلّو ينتهى
دا كلّو كلّو ينتهى
ونطلع للحياة أنـــداد
ونطلع للحياة أنـــداد
أحبك...
وحبك النادر بشرفنى
وبى نفسى بيعرفنى
وبالزمن اللى ضاع منى..
بيصادفنى
والاقيه
على الحلم اللى غالى علىْ
كان احلم بىْ
صحَانى
على استسلامى عضانى
ووصّانى
اغنى اغنى..
وصّانى
وخلانى أحس لوجودى
فى عيونك طعم تانى
وللفرح البعيد من عمرى
طول أيامى ودانى
طلعتِ علي متحمل..
عذاب الأرض
طالع من جرح
قانى
تعالى تعالى
نتماسك على الروعه
ونتجاسر على اللوعه
ونتقاسم سوا..
الهجره الطويل مشوارا
والهجعه
ونطلع للحياه أنداد
زي سيفين مساهر..
فيهم الحدّاد
ونطلع من بذور الأرض
زرعاً فارع الأعواد
حبابك يا سما الأعياد
أحبك يا ضحى الميلاد
ويا وطناً بدون أسياد
ويا انشاد عصافيراً
ببالن ما خطر
صياد
هم هم غم غم آخرتها دمدم
هم هم ..
هم هم ..
غم غم آخرتها دمدم
..هم..غم..دم
عتمة وكتمة وزنقة وذم
طابق يناطح آخر طابق
صنقع عاين تشوفن كم
يا مستهلك يا مستهلك
حاذر مهلك
أوعك تهلك بالتخدير
فيتو فيك قمح أمريكي
اللفندر عطره يطير
زيت أبو سمكة للتقلية وللتحمير
وانت بتحلم يا عبدالله بموية الزير
وأحمد صابر راصو تفسخ بالتفكير
شفعّ ستة وساكن حتة
أنيميا وحمى وبيته ضلمة
كقاع البئر
فكوا دربنا وجعتوا قلبنا
حتى ######نا أكل جرجير
فديتك
مطارد ومستباحة دماي
عساكر من دروب تايهات مداي
قدامي خطاي ووراي
وذنبي هواي ليك يا موطني ومناي
وذنبي ولاي وإنك سيدي ومولاي
تعيش يا ذنبي طول ما عشت معاي
لا عنك بحيد لا جاي بفوت ولا جاي
فديتك يا مديد القامة
يا شعباً سديد الرأي
وقلبي عليك يا حجراً حنين دفاي
أقبل وين أفوتك وفى حماك حماي
أسيب عزاي أسيبه وكيفن ألقى عزاي
فى وحشتي وسلواي عيونه وبحة الغناي
نخيلك ثمرة ضو صباي
ونيلك فى جواي هامد هميم جرّاي
وقبضة إيدي مسكة رمحك الرماي
أطالع فى صحارى الليل
مطالع صبحك الضواي
فديتك لو بقيت منفاي
فديتك لو بقيت مرساي
الغائب
سافر زمان
قُبال سنين
لا جاب جواب لا جاب خبر
أمُّو تسأل كل طاير
وكل عائد من سفر
خيالو ما فارق عيونها
وطيفو ما غاب
ليهو
*
وما زال هناك..
فى الركن داك
صوتو وغناهو وضحكتو
وصور المعلّقه فى الجدار
وجرايدو
والكتب الزمان
الليله كاسيهم غبار
مصباحو فى الركن الحزين
ومكانو ما زال فى انتظار
اصحابو انداد الطريق
قدّام عيونها مشو اخضرار
*
يا ماشى لى بلداً بعيد
قول للمخاصم أُسرتو
قول للطالت هجرتو
أمك هناك مادقّ باب
ماعاد قطار
ووصل جواب
اسمك تهزّها ذكرتو
والبيت وراك لو شفتو كيف
ضاعت مواسمو وخضرتو
*
يا حليلو لّمن كان صغير
تلميذ بيمشى المدرسه
تشفق عليهو من الطريق
وتخاف عليهو من المسا
كيف ينسى عِيديّه وحنان
وكفاح سنين كيفن نسا؟
*
سافر زمان
قبال سنين
لا جاب جواب
لا جاب خبر
قزازة دم
واحلالي القبلي شال شبال لمع برق المهيرة
قيرة قيرة يا مطيره
يا رزاز الدم حبابك
لما يبقى الجرح عرضة ولما نمشي الحزن سيرة
من دمانا الأرض شربت موية عزبة
كل ذرة رملة شربت حبة حبة
موية أحمر لونها قاني
فتقت ورد الأغاني
تهدي لى اسمك رمزاً للوطن كنز المحبة
قيرة قيرة يا مطيرة يا شهيد الشعب أهلاً
مش بتطلع كل يوم الشمس أجمل
وكل يوم النخل أطول زيدو قامة
وياما شفتك ياما ياما
لما شفت البدر طالع فى سما الوطن ابتسامة
إنتّ فى النهر البسافر جاري طول العمر صاحي
طبعو منك يا الملامحك من ضفافي
واللي شافك مرة شافو
واسمك الختيتو فرهد عشب أخضر فى الجناين
فى الشوارع نيمة نيمة فى مصابيح المدينة
فى فوانيس الضواحي
تملا نادي الحلة سيرتك
اسمك الخلانا نقدر فى ظلام الليل نعاين
والبتسأل عنو ده الخليتو شافع
لسه دابو
يا ما حيعجبك ، شنابو
صوتو رقان فيهو بحة
ود فلان اصرار وصحة
عندو قصة حب جميلة
جرب آلام الحراسة وحرض أولاد الدراسة
وهدّو حيل العسكرية
البنية أم طرحة كبرت
يا سلام الفنجرية
ليها راية وبى كلامها وبى اهتماماتها الجديدة
دقت أجراس القصيدة وشدت أوتار الصلابة
الكتوف اتلاحقت فى السكة يابا
واحلالي القبلي شال شبال لمع برق المهيرة
قيرة قيرة يا مطيرة يارزاز الدم حبابك
لما يبقى الجرح عرضة
ولما نمشي الحزن سيرة
ليلة الميلاد
يا مشتل فرحنا الشّال..
ويا مرسى الشراع الضّال
ويا واحة قليباً كان زمن رحال
يفتش عن عيون إنسانه..
ينسى لديها حزناً طال
ولما لقاكِ فرّهد ياما
بالفرح اللى عندو محال
ولّما لقاكِ رسّلو القمر منديل
وركّت نجمه..
ضوّت فى الدرب قنديل
وهشّت زهره..
كانت تبكى طول الليل
وجات من بعد طول الهجره..
غنوات الحروف
وكانت ليلة الميلاد
*
أقدّم نفسك ليك:
إنسان..
عزاى الشعرِ والآمال
وطيبه القلب
وحسن الفال
واحب كلّ العيون لمن تحب عينيك
واحب كل القلوب
لمن تعاين ليك
من حبى ليكى عليك
مازلت بتذكر
مازلت بتذكر
أنا عارفه اسمك مين
أنا عارفه شفتك وين
!ما زلت بتذكر
!ما زلت بتذكر
الزمان يا شباب:
أكتوبر الأخضر
المكان:
شارع
غضبان بيتفجر
وكنا خمسه بنات..
عاملات هلال أحمر
نزحف مع الثوار..
ونضمد الجرحى
ضمّدت جرحك ليك..
وربطتو بالطرحه
وقبل انت تفيق.. من قبل ما تصحى
لقيتو اسمك فوق
مكتوب على الدفتر
وعرفتَ اسمك مين
وعرفت إنّك مين
وعرفت إنّك شاب..
بتحب بلادك موت
!مازلت بتذكر
ما زلت بتذكر
أهلاً... أهلاً بالاعياد
أهلاً أهلاً بالأعياد
مرحب مرحب يا أجداد
أفتح... أفتح يا تاريخ أبعاد أبعاد
وأملأ عيون كل الأحفاد بالأمجاد
أفتح محضر باسم الشعب.. بخط الشعب
لوجه الشعب... لخير الشعب
سجل سجل أنحنا الغضب الواعي
ضمير الثورة على استعداد وبالمرصاد
سجل سجل لا أغلال
لا استغلال مع استقلال
لا حرية بلا استبسال
استشهاد باستمرار وعلى استعداد وباستعداد
خط النار اتعبَّ وزاد
وقول للشهدا الختو الذات
وباسمنا هتفوا وبينهم وبين الموت خطوات
الجايين من قلب الشارع من ثكنات
سجل أنحنا برغم جرحنا اجتزنا المحنة
ونحن الليلة أشد ثبات
ونحن بخير ولسه وراكم فى الجايات
لسه ولسه على استعداد
وشعبنا واقف بالمرصاد
بلا وانجلى
بلا وانجلى
بلا وانجلى
حمد الله الف على السلامه
انهّ كتف المقصله
والسجن..
ترباسو انخلع
تحت انفجار الزلزله
والشعب..
بى أسرو اندلع
حرر مساجينو اندلع
قرّر ختام المهزله
يا شارعاً..
سوّا البدع
اذهلت أسماع الملا
كالبحر..
دواى الجلجه
فتحت شبابيكا المدن
للشمسِ
واتشابا الخلا
*
شفت البنادق فى السما
الظبط والربط انتمى
للشعب..
شعب الملحمه
الصرخه كانت همهمه
والهبه كانت ململه
*
سداً منيعاً يا وطن
يا شعب وهّاج الفطن
للظلم يوماً ما ركع
مهما جرى
تباً لعهد السرسره
والنهب..
ثمّ السمسره
سداً منيعاً يا وطن
صه يا طنين البلبله
أبدا ً لحكم الفرد..
لا
بالدم لحكم الفرد..
لا
تحيا الديمقراطيه
كم نفديك يا مستقبلا
بلا وانجلى
بلا وانجلى
حمد الله الف علي السلامه
انهدّ كتف المقصله
يا بهلوي
يا بهلوي
يا بهلوي أمسك قوي
أوعك تقع
نكل بمن لا يرعوي
وأرخي السمع
أخد الحذر ثم الحذر من كل شئ
ضلك تحدق فى النظر ما تختشي
لو كشكشت صفقة شجر
روح وانزوي
خلي المشي
يمكن خطر
يا بهلوي
واطلق رصاص على كل شئ
على كل نسمة تمر وما تأخذ إذن
على كلمة بدون جواز
علم عصافير البلد تكتب تقارير الجهاز
علم شبابيك المدن علم فوانيس القرى
وكل عيدان الذرة
خلي النمل يدخل صفوف المخبرين
خلى الرزاز يكتب تقارير الجهاز
أحسن تعبي الشعب أغلبه فى قزاز
ركز بشدة على الجياع
ركز لو تستطيع أو حتى قدر المستطاع
أخسف بكل الكادحين سابع أرض
أرجم رجم
صادر من الليل النجم
صادر من البحر الجزر
أشطب ولا تقبل عذر
وش الصباح
قصقص جناحين الرياح
جمد شرايين الحياة
وأنفي الأمل
الغى اكتشاف النار
وتقسيم العمل
المحتمل تلقى الملاذ
يا بهلوي
أو فانتظر!
لا إنتو جند الله
ولا جند الوطن
بل إنتو حقاً جندهم
وبعض من ما عندهم
سندة قفاهم وغمدهم
لكنهم هم
ما ح تسكن حيّهم
ولا ح تاكل زيهم
ولا ح تلبس إنت زي
زي زيهم
واذا عطشت،
بعيد بعيد،
ما تقترب من ريهم
هل شفتهم
ملأوا الشوارع
في الصباح،
عند الظهيرة مغبرين
طالعين من الوردية
والليل انتصف؟
باين على وجوهم تعب؟
وزمن صعب؟
القفة
والدكان
ودخان الفرن
ومرتبات حال الثبات
لا تحل وظيفة ولا نبات
هل شفتهم بين كر وفر
والدنيا حر
بين صف وصف
واحد وقف
هل شفت يوما هؤلاء؟
هل تذكرهم؟
زاروكا يوم أو زرتهم
بس إلاّ في شارع ظلط
ومظللاتهم مسرعة
كلا ولن ولا بالغلط
ما شفتهم
على إيه إذن
لي مين إذن
وانت بتشوف
غرقانة كم
في الدم
مفاتيح الخزن
هم دربوك على الأذى
تقتل تدوس
تحرق
ولا يهمك
كذا ولا كذا ولا كذا
كم فر طاغية من بلد
ما خلا غير ###### الحراسة
يئن وحيداً في القفص
متلك مصيرو
العزلة والخوف والجزع
إن متَ حتى ولا عزا
حكّم ضميرك يا ولد
أمشي استحمى واعتذر
واغسل يديك
من كل ما يخليك
أمام روحك قذر
ألبس عراريق الحياة اليوماتي
واقدل في الدرب
لا يدسو منك لو غشيت
ولا إنت أقرب زول إليك
منك حذر
أو فانتظر
أو فانتظر
أو فانتظر!
أرفع راسك
أرفع راسك
زلزل أسرك
أصلك شعباً صعباً كسرك
وحد بأسك
انت المجد مقاسو مقاسك
والقهروك زوالم شمسك
كل الأيدي وكت تتماسك
تكتب نصرك
تهزم ليلك وظلمة حبسك
حرر نفسك بي إيديك
عندك زودك وحمرة عينك
ودخري الحوبة شبابك زينك
علّي هتافك.....أدي شراع الهنا مجدافك
خلي الخوف يخشاك ويخافك
ويبقى رماد البينو وبينك
كل الدنيا بتسأل عنك ...
يا مبدع ثوراتك .......... وينك؟
انت الزيّك ما بتذل
كم من ظالم ظلمك و ولى
أنا متفائل بيك و بحلم
بل متأكد ما بتتخلى
ما بتتفرج ..... تفضل ساكت
و حفنة تقبقب في خلق الله
أنا متفائل بيك وعارف
إنك يوماُ ما بتتخلى
تبقى حديث العالم كلو
إذاعة .. إذاعة …. جريدة ..جريدة
مجلة مجلة
يملا الشاشة ثباتك
وضو عافيتك
وعلمك وقلمك وجلابيتك
وقدلة ولدك وجدلة بتك
ونيلاً قلدك جنب طابيتك
ما من بيتك يا الحبيتك
كل من ظلمك ولا تربيتك
قدرتك إنت وإمكانيتك
شامخ تبني ديمقراطيتك
وعزة بلدك ورفعة شانك
يا متعدد وواحد ابداً
تحيا العشرة البين أديانك
وسلم حقيقي يزيدك عددا
ويبقى عنان السما عنوانك
يا مختفين في الناس..
في رثاء المناضل..الراحل المقيم.. عبد الحميد علي..
وإلى كل المناضلين الشرفاء.. الذين بذلوا سنوات العمر النضرة.. من أجل قضايا الوطن الحية.. وبين حنايا شعبهم إستمروا في نضالهم مختفين من الأعين الشريرة.
_________
عبد الحميد،، إسمك ،، تحت الأرض عثمان
عثمان هوايد الليل والصمت والكتمان
بالتضحيات مكتوب في دفتر النسيان
لا كرسي ،، لا تقرير راجيك ولا عنوان
حُر الضمير تختار ما شئت من حرمان
العمة والجلباب في عتمة الميدان
طرقاً خفيف في باب ،، أفتح معاك عثمان
اتضايرو النسوان والشفع الحلوين أقل من لحظات
التكية ختة راس ولم يكن مطلوب ما ليس في الامكان
طاقية الاخفاء كلا ،، بل الانسان
العادي والمألوف ،،
ذو النجدة والعرفان
الأعين الخاينات ،، تتسلق الأنفاس
تلهث زمان ومكان
تتحلق الأوقات ،، وسلالم الألحان
تتدبا في الطرقات
تتخبا في الأركان
متل النكد والسوس والأرضة والديدان
والحمى في الأبدان
ليل الصباح دخان
والقهر باسم الدين
إرهاب لبس قفطان
واتنحنحت مايكات ،، القسوة فكت ريق
والدم عشا السلطان،،
إتشتت الرصاص ،، وادلت الثمرات
تلك الحبال أغصان ،،
الكبري قال للموج ،، اللحظة مرً فلان
الواسع الادراك ،، الناصع الوجدان
الاسمو في المذياع والصورة في العمدان
شجعان بلا لمعان ،، لا سطوة لا إذعان
يا أعلى نكران ذات ،، مين في العدم طمعان
هم أغنياء السوء والسحت والعدوان
لكنكم أبطال ،،
أبطال زمن هطال ،، بالحزن والأشواق والصبر والسلوان
صبر السمع والشوف ،، وتلهف الأحضان
ديوان وكم صيوان ،، أفراح تجي واحزان
مين فيكم الموجود للفاتحة والضيفان
وحفيدكم المولود أو زفة العرسان
مفقود ولا مفقود حاضر تغيب أزمان
اتحزمت امات ،، واتلزمن زوجات
سندن قفاكم هن
زين بنين وبنات ،،
سترة وثبات وأمان
يا مختفين في الناس ،، حاشا انكسار العين ما عتب الحيشان
تحت الأرض ،، بس فوق ،،
حتى ولو جثمان
رايات ترفرف شوق ،، المجد للسودان.
صفِّــقوا وغــنُّوا .. دقوا الترمبيتة
قبل وفاته بيومين وتحديدا بتاريخ 31 مارس الماضي كتب الشاعر الراحل محجوب شريف قصيدته الاخيرة من داخل مستوصف تقى التخصصي بأمدرمان
وفيما يلي نص القصيدة .
محجوب شريف
مستوصف تُقى التخصصي – أمدرمان
صفِّــقوا وغــنُّوا
دقوا الترمبيتة
حبَّـتني حبَّــيتا .. ربّــتني ربّـــيتا
ما بطيق النوم بَــرَّه من بيتا
إلا في منفاي صورة خـتــيتا
إن شاء الله ما يحصل
ينقطِـع خيتا
حلــيـبها .. شاييها .. كسِــرتا وزيتا
بيــنـَّا نِدِّية همَّــنا السُترة
ما استفزتني .. ما استفزيتا
كم تشاجرنا
مين سمع صوتنا؟
ولا غَلَط مَـــرّه .. إيدي مديتا
زعلتَ رضَّــتني
برضو رضّـــيتا
نُـمتَ غـتـتني
قمتَ غَــتــيتا
كبرنا تاتتني
ياما تاتيتا
والبنات كِــبرَنْ
أصبحن نِــسوة
جابن الكِـــسوة
نوَّرن بيتنا
الدهب زينا بينا ما بسوى
سمعه بس سمعة
في ضحى الجمعة
ورَّقَــن خُدرة
فـَرَّن الكِـــسرة
فَــرَّحَـن ضيفنا
شاهي بالله ولا صينية
تفتح النية
هي ماهية ولا تدبيرا .. وسَّــع القـدرة ؟
دنيا .. يا دنيا
ألف شكراً ليك
هي لاقتني
وإني لاقيتا
حبتني .. حبيتا
ربتني .. ربيتا
لحفيدي حميد قاسم أمين .. ولكل الأطفال ...
مستوصف تُقى التخصصي – أمدرمان
01/04/2014
أنا ليك مشتاق مشتاق مشتاقْ
تكبر سَبَّــاقْ
بالإيد والساقْ
بالحب والخير
من سَــهْلِ فسيح أو من رقراقْ
ترزي وسوَّاق تعمل زِقْـزاقْ
من وردِ جميل تَــهدي العشاقْ
أمَّــا الدقداقْ
سهلاً يا زول تحتك بنطاقْ
تقطع لكن .. لا حد السيف ولا بالسكين
حِــبرك ضوَّاي
تملا الأوراق
ماكا الحدَّاث الما سَــوَّاي
بل كلك زوقْ
عندك أخلاقْ
بتلم الناسْ
قط ما فَــرَّاق
بـر الوالدين وتسد الدين
تب ما نقناقْ
تدي الأشجار العصفورات ..
والضل والساقْ.
سرقتو وطن
سرقتو وطن واسع ممـــــتد…
فكفـكتوهــــو…
وزعزهتوهو
وجدتو مصانع
لقيتو مزارع…
وسكـــة حديـــد جد بالجــــد
عطلتوهـــا…
وفرتقتوهـا…
ووقفتوهــا…
وقطعتو رزق عمـال من حد
كيف وحدتنا وكيف دولتـــنا ؟
كيف عيشتنا وكيف حالتــــنا؟
ووين ثرواتنا؟
ووين أموالنا؟
وين غيرتنا؟
وكيف سمعتـــنا؟
خرمجتوهـا…
وبشتنتوهـا…
وبـددتوهــا…
ولوثـتوهــا
بإسم الدين الخداعين…
تجار الدين الأفاكين
ملعونين ملعونين…
ملعونين لي يوم الدين
and#65165;and#65247;and#65240;َand#65166;and#65211;ِand#65266; and#65259;and#65256;and#65166;and#65241; and#65261;and#65165;and#65247;and#65194;and#65165;and#65255;and#65266;
and#65207;ُand#65244;and#65198;and#65165;ً and#65247;and#65272;and#65197;and#65213; and#65165;and#65247;and#65184;and#65166;and#65169;and#65176;and#65256;and#65266;
and#65261;and#65165;and#65247;and#65194;and#65197;and#65167; and#65165;and#65247;and#65248;and#65268;and#65244;and#65250; and#65261;and#65193;َّand#65165;and#65255;and#65266;
and#65267;and#65166; and#65219;and#65166;and#65197;and#65233; and#65261;and#65175;and#65166;and#65247;and#65194;
and#65267;and#65166; and#65261;and#65165;and#65247;and#65194;
and#65165;and#65247;and#65256;and#65268;and#65246; and#65165;and#65247;and#65192;and#65166;and#65247;and#65194; and#65207;and#65198;َّand#65235;and#65256;and#65266;
and#65261;and#65165;and#65187;and#65194; and#65251;and#65254; and#65255;and#65204;and#65248;and#65242; and#65227;and#65194;َّand#65165;and#65255;and#65266;
and#65159;and#65255;and#65174;َ and#65165;and#65271;and#65261;and#65245;
and#65261;and#65251;and#65166; and#65169;and#65176;and#65188;and#65262;َّand#65245;
and#65261;and#65175;َand#65168; and#65251;and#65166; and#65227;and#65256;and#65194;and#65265; and#65243;and#65276;and#65249; and#65169;and#65176;and#65156;and#65261;َّand#65245;
and#65155;and#65255;and#65174; and#65165;and#65271;and#65261;and#65245;
and#65261;and#65243;and#65246; and#65165;and#65247;and#65228;and#65166;and#65247;and#65250; and#65169;and#65228;and#65194;and#65241; and#65175;and#65166;and#65255;and#65266;
and#65267;and#65166; and#65251;and#65176;and#65228;and#65194;ِّand#65193;
and#65261;and#65251;and#65166; and#65251;and#65176;and#65208;and#65194;ِّand#65193;
and#65251;and#65166; and#65251;and#65176;and#65198;and#65193;ِّand#65193; …
and#65251;and#65166; and#65251;and#65176;and#65198;and#65193;ِّand#65193; and#65251;and#65248;and#65162; and#65183;and#65236;and#65262;and#65255;and#65266; and#65169;َand#65256;and#65262;and#65249; and#65251;ُand#65176;and#65156;and#65243;ِّand#65194;
and#65169;and#65246; and#65251;and#65176;and#65184;and#65194;ِّand#65193; ..
and#65175;and#65256;and#65260;and#65214; and#65175;and#65166;and#65255;and#65266;
and#65261;and#65247;and#65252;and#65166; and#65175;and#65228;and#65166;and#65255;and#65266; .. and#65169;َand#65228;and#65166;and#65255;and#65266;
and#65261;and#65165;and#65227;and#65166;and#65255;and#65266; and#65261;and#65239;and#65248;and#65170;and#65266; and#65261;and#65227;َand#65166;and#65255;and#65266;
and#65155;and#65187;and#65170;and#65242; and#65155;and#65243;and#65176;and#65198;
and#65261;and#65251;and#65166; and#65243;and#65236;َّand#65198;and#65173;َ ..
and#65261;and#65275; and#65255;and#65236;َّand#65198;and#65173;َ
and#65261;and#65247;and#65250; and#65175;and#65204;and#65176;and#65228;and#65212;and#65264; and#65227;and#65248;and#65268;and#65242;َ and#65251;َand#65228;َand#65166;and#65255;and#65266;
and#65227;and#65248;and#65252;and#65176;and#65262;and#65255;and#65166; and#65255;and#65204;ِـand#65194; and#65165;and#65247;and#65236;and#65198;and#65239;and#65172;
and#65261;and#65159;and#65175;and#65240;and#65166;and#65203;and#65252;and#65256;and#65166; and#65197;and#65187;and#65268;and#65238; and#65165;and#65247;and#65220;َـand#65198;َand#65239;َـand#65172;
and#65261;and#65243;and#65250; and#65207;and#65248;and#65256;and#65166;and#65259;and#65262; and#65179;and#65170;and#65166;and#65175;and#65242; and#65193;َand#65197;َand#65239;and#65172;
and#65169;and#65244;and#65246; and#65165;and#65247;and#65170;َـand#65266;ْ and#65261;and#65227;َـand#65248;َـand#65264;ْ
and#65261;and#65187;and#65268;and#65166;and#65175;and#65242; and#65155;and#65175;and#65188;and#65194;َّand#65165;and#65257;
and#65243;and#65252;and#65166; and#65155;and#65175;and#65188;and#65194;َّand#65165;and#65255;and#65266;.
أوعَك تخاف
يا من تموت بالجوع وقدامك ضفاف
والأرضِ باطنها ظلَّ مطمورة سواك
عطشان وقد نزلت عليك
أحزان مطيره
مُزَن سماك
الدنيا أوسع من تضيق
قوم أصحى فِك الريق هتاف
إن الذين أحبوا روحهم ضيَّعوك
وبيَّعوك أعز ما ملكت يداك
أوعَك تخاف
الخوف محطه محطه ما سكَّة وصولك للطريق
إن الأيادي الحُرَّه ما بْتشعِل حريق
تبْ ما بْتقيف تستنَّى قدامها بْتشوف
يَحْتِل غريق تلو الغريق
ما تنسى إنك كنت صاحب راي وبيت
أهلا حباب لو دقَّ باب
عندك مخدَّه وعنقريب هبَّابي،
لمَّه وقهقهات
تصحى وتنوم وتقوم معطَّر بالنشاط
تنعس وقع في لحظه من إيدك كتاب
وقلم كما برق السحاب
يتهادى ما بين السطور
كان سرجو كرسي الخيزران
عند المغيرب رادي
بغ بِنْ المزاج
يدخل من النفَّاج عليك عثمان حسين
يا عُشرة الأيام تمام
أهو دا الكلام
يا سلوى جك المويه
أعملوا لينا شاي
الأسره ممتده وحِداك جيران لطاف بي جاي وجاي
جار المسيحي سكن إمام
إلفه ومودَّه وقرقراب
والناس قُراب
ناس من نيالا وآخرين
من وين ووين
هسَّع جهنم في الحقيقه معسكرات
من أين جاءكَ هؤلاء
ما جونا من قيف السراب
أو جونا من خلف الحدود
بل جونا من جوّانا هم حُترب
هنالك باقي في حلق الكلام
تلك البذور الراكده في قاع الجُراب
ما اتنفَّست فلق الصباح
نفس الأزقة الفيها
سكَّتنا الكلاب..
ولكم وكم غلب الغُنا السمح النباح
كم نحن أحياناً شربنا المويه
من كاس الجراح
من بين أصابعنا المخدَّره بالسُكات
من بين مسامات العيوب..
يا الله مين جلَد البنات
جلداً موثق في القلوب
وسكتنا ساي
جُوّانا منْ فصل الجنوب
هم عَسَّموك وقسَّموك خلُّوك مشتت في الدروب
حدَّادي مدَّادي الوطن قد كان
حليل الأغنيات
يا أيها الأسف الشديد
أكتب نشيد من تاني أجمل أمنيات
لا للشهيد تلو الشهيد
إلا إذا خطأً وصدفه تِحِتْ هدير التنميه
موت الله ساي حتماً أكيد
أو جانا من خلف الحدود
وطن الجدود وطن الجدود
نفديك بالأرواح نذود
من بعد ذلك يا جميل
أحلم بما لك من حقوق
كشك الجرايد في الصباح،
كيس الفواكه والملابس والكراريس والحليب
نكهة خبيز والدنيا عيد إنسان عزيز
وطن سعيد والشعبِ حر
وطن التعدد والتنوع والتقدم والسلام
حيث الفضا الواسع حمام
والموجه خلف الموجه والسكه الحديد
حرية التعبير عبير
تفتح شهيتك للكلام
النهر ما بِستأذن الصخره المرور
جهراً بِمُرْ نحو المصب
أمواجو تلهث من بعيد
أكتب نشيد راسخ جديد
الشمسِ تشهد وبرضو أستار الظلام
السبت 7 سبتمبر ألمانيا
and#65165;and#65247;and#65240;َand#65166;and#65211;ِand#65266; and#65259;and#65256;and#65166;and#65241; and#65261;and#65165;لدand#65165;and#65255;and#65266;
آخر ما كتبه شاعر الشعب محجوب شريف من داخل مستوصف ( تقي ) التخصصي بمدينة أمدرمان ..
حمل عنوان (and#65211;and#65188;and#65172; and#65261;and#65227;and#65166;and#65235;and#65268;and#65172;).. بتاريخ
31 and#65251;and#65166;and#65197;and#65201; 2014and#65249;..
and#65165;and#65247;and#65240;َand#65166;and#65211;ِand#65266; and#65259;and#65256;and#65166;and#65241; and#65261;and#65165;لدand#65165;and#65255;and#65266;
and#65207;ُand#65244;and#65198;and#65165;ً and#65247;and#65272;and#65197;and#65213; and#65165;and#65247;and#65184;and#65166;and#65169;and#65176;and#65256;and#65266;
and#65261;and#65165;and#65247;and#65194;and#65197;and#65167; and#65165;and#65247;and#65248;and#65268;and#65244;and#65250; and#65261;and#65193;َّand#65165;and#65255;and#65266;
and#65267;and#65166; طاand#65197;and#65233; and#65261;and#65175;and#65166;لد and#65267;and#65166; and#65261;and#65165;لد
and#65165;and#65247;and#65256;and#65268;and#65246; and#65165;and#65247;and#65192;and#65166;لد and#65207;َand#65198;ّand#65235;and#65256;and#65266;
and#65261;and#65165;حد and#65251;and#65254; and#65255;and#65204;لك and#65227;َand#65194;ّand#65165;and#65255;and#65266;
and#65159;نتَ and#65165;and#65271;and#65261;and#65245; and#65261;and#65251;and#65166; and#65169;and#65176;and#65188;َand#65262;ّand#65245;
and#65261;تَب and#65251;and#65166; and#65227;ندand#65265; and#65243;and#65276;and#65249; and#65169;and#65176;and#65156;and#65261;َّand#65245;
and#65155;نت and#65165;and#65271;and#65261;and#65245; and#65261;and#65243;and#65246; and#65165;and#65247;and#65228;and#65166;لم بعدك and#65175;and#65166;and#65255;and#65266;
and#65267;and#65166; and#65251;and#65176;عدّand#65193;
and#65261;and#65251;and#65166; and#65251;and#65176;and#65208;and#65194;ّand#65193; and#65251;and#65166; and#65251;and#65176;and#65198;and#65193;ِّand#65193; …
and#65251;and#65166; and#65251;and#65176;and#65198;and#65193;ِّand#65193; and#65251;and#65248;and#65162; and#65183;and#65236;and#65262;and#65255;and#65266; and#65169;َand#65256;and#65262;and#65249; and#65251;ُand#65176;and#65156;and#65243;ِّand#65194;
and#65169;and#65246; and#65251;and#65176;and#65184;دِand#65193;ّ ..
and#65175;and#65256;and#65260;and#65214; and#65175;and#65166;and#65255;and#65266;
and#65261;and#65247;and#65252;and#65166; and#65175;and#65228;and#65166;and#65255;and#65266; ..
and#65169;َand#65228;and#65166;and#65255;and#65266;
and#65261;and#65165;and#65227;and#65166;and#65255;and#65266;
and#65261;and#65239;and#65248;and#65170;and#65266; and#65261;and#65227;َand#65166;and#65255;and#65266;
and#65155;and#65187;and#65170;and#65242; and#65155;and#65243;and#65176;and#65198;
and#65261;and#65251;and#65166; and#65243;and#65236;َّand#65198;and#65173;َ ..
and#65261;and#65275; and#65255;and#65236;َّand#65198;and#65173;َ
and#65261;and#65247;and#65250; and#65175;and#65204;and#65176;and#65228;and#65212;and#65264; and#65227;and#65248;يكَ and#65251;َand#65228;َand#65166;and#65255;and#65266;
and#65227;and#65248;and#65252;and#65176;and#65262;and#65255;and#65166; and#65255;and#65204;ِـand#65194; and#65165;and#65247;and#65236;and#65198;and#65239;and#65172;
and#65261;and#65159;and#65175;and#65240;and#65166;and#65203;and#65252;and#65256;and#65166; and#65197;and#65187;and#65268;and#65238; and#65165;and#65247;and#65220;َـand#65198;َand#65239;َـand#65172;
and#65261;and#65243;and#65250; and#65207;and#65248;and#65256;and#65166;and#65259;and#65262; and#65179;and#65170;and#65166;and#65175;and#65242; and#65193;َand#65197;َand#65239;and#65172;
and#65169;and#65244;and#65246; and#65165;and#65247;and#65170;َـand#65266;ْ
and#65261;and#65227;َـand#65248;َـand#65264;ْ
and#65261;and#65187;ياتك and#65155;and#65175;حَدand#65165;and#65257; and#65243;and#65252;and#65166; and#65155;and#65175;حَدّand#65165;and#65255;and#65266;.
فكرهتموه
كان المدعو الطيب مصطفى قد شتم الشاعر الإنسان المرحوم عمر الدوش و شاعر الشعب محجوب شريف.. حيث كتب :
)) رأيت بعض صحافيي الغفلة يحتفون ب########ين و########ات ويسوِّدون بسيرتهم الصفحات.. أحدهم شيوعي متشاعر ــ وهو قريبي بالمناسبة ــ قالت له زوجه: (يا أنا يا العرقي) فقال لها: (العرقي) فكان أن ليّف العرقي كبده ومات!
أخر.. سمَّوه شاعر الشعب وهل يحتفي الشعب السوداني المسلم ويمنح اسمه لشيوعي لا يصلي؟! وكثير من الزبد الطافي على صفحة حياتنا يعطِّل مسيرنا ويملأ حياتنا بؤساً وتعاسة!!))
الانتباهة 1فبراير 2012م
---------------------------------
"فكرهتموه"
تنبش حي وميت
سكاكينك تسنها بالكراهية
معلم تنتج الكربة
وتدي الفتنة ماهية
تدس في إيدا كبريتة
بخيت وسعيد عليك إنك
مكانك من ذوي القربى
وعندك من كراسي السلطة
مسند للرفاهية
مالك ومال قريبك ساكن التربة؟؟
منو البسرق عشم ميت
أمام الله والحكمة الإلهية؟؟
يمين الله
كاتب حر
نسيج وحده
ومن طبعو الفروسية
وأصدق من ملامح طفلة
وسط اللمة منسية
عصافير الكلام ركت
تحت شهقة غنا الفواح
مع الموجة الصباحية
أدى الود
وشال الود
وجمّل للحزن ممشى
لا كذّب ولا غشّ
وما منو الضمير طشّ
وما شنّق
بريق الشهرة من فوق راسو طاقية
أبسط من حرف كسرة
ومن بذرة
ومن نقاع سبيل يوماتي
تشرب منو تحت النيمة قمرية
كذلك لم يكن يوماً
هوين قابلاً للكسر والذلة
أما العبد لله
إذا ما عارف أعرفني
من غير الله ما خايف
ولا شايف هنالك
من يهد حيل الثبات فيني ويخوفني
فما خجلان ولا نادم
وما متوجس الإحساس من القادم
لا طعّان ولا لعّان
ولا فاحش ولاني بذئ
ولا نسناس
وما بجرح مشاعر الناس
وأنبل من حليب السترة
ما عبّت مشارب كاس
أدوسا محاكم التفتيش
بأعلى الصوت علانية
تخربش في مسام الروح
وتتجسس علي النية
بسوء الظن والمكرِ
ضميري لم يكن يوماً
من الأيام ولد مكري
شبر والله في البكري
ولا الفلل الرئاسية
وطن حدادي مدادي
ما بنبنيهو فرادي
ولا بالضجة في الرادي
ولا الخطب الحماسية
وطن حدادي مدادي
قد شفناهو يتقسم
ذبائح وإنت تتبسم
لديك الخضرة تتفحم
وتصبح في الأيادي عصي
وأوتاداً بلا خيمة
وصحراءً بلا غيمة
سلاماً يا وطن بحلم
أشوفك يا وطن آمن
حر وسعيد ومتفتح
محل ما يمشي إنسانك
عزيز النفس مطامن
ومتضامن
والخير الظاهر والكامن
في الأيدي جميعاً قدامن
تعيش إنت ونموت نحن
لكي يا غالي ما يكبر جنانا
تحت شرا المحنة
جرحنا إذا بفرهد فيك
ح نمشي علي البجرحنا
وحزننا لو يضوي سماكا
هو الحزن البفرحنا
ودمنا لما يسقي ثراكا
ينزل من جوانحنا
وإن راحتنا ما ترتاح
نقول إنشاءالله ما ارتحنا
تضيع أيامنا بس ما تضيع
ملامحك من ملامحنا
بنرجع ليك توصينا
ونسمع ليك تحدثنا
ولو علّينا صوتنا عليك
يا والدنا سامحنا
تنبش حي وميت
سكاكينك تسنها بالكراهية
معلم تنتج الكربة
وتدي الفتنة ماهية
تدس في إيدا كبريتة
بخيت وسعيد عليك إنك
مكانك من ذوي القربى
وعندك من كراسي السلطة
مسند للرفاهية
مالك ومال قريبك ساكن التربة؟؟
منو البسرق عشم ميت
أمام الله والحكمة الإلهية؟؟
يمين الله
كاتب حر
نسيج وحده
ومن طبعو الفروسية
وأصدق من ملامح طفلة
وسط اللمة منسية
عصافير الكلام ركت
تحت شهقة غنا الفواح
مع الموجة الصباحية
أدى الود
وشال الود
وجمّل للحزن ممشى
لا كذّب ولا غشّ
وما منو الضمير طشّ
وما شنّق
بريق الشهرة من فوق راسو طاقية
أبسط من حرف كسرة
ومن بذرة
ومن نقاع سبيل يوماتي
تشرب منو تحت النيمة قمرية
كذلك لم يكن يوماً
هوين قابلاً للكسر والذلة
يا كالنخلة هامة
قامة واستقامة ..
هيبة مع البساطة
اصدق ما يكون ..
راحة ايديك تماماً
متل الضفتين ..
ضلك كم ترامى
حضناً لليتامى ..
خبزاً للذين
هم لا يملكون ..
بنفس البساطة
والهمس الحنون
كل الجروح
بتروح
إلاّ التي
في الروح
خلي القلب
شباك
نحو الأمل
مفتوح
سرج الأماني
حنون
مهر الليالي
جموح
أقول دون رهبة
أقول دون رهبة
أقول دون زيف
أموت لا أخاف
أين أو متى وكيف
بغتة مستمتعا
بأنجم السماء
ليل صيف
رصاصة في القلب
طعنة من سيف
أموت لا أخاف
أين أو متى وكيف
أموت في الظلام
في الزحام
تحت غفلة
بساحل الطريق
حريق
غريق
أموت في سريري
زوجتي بنتاي
جيرتي عشيرتي
وأصدقائي
قطتي راكوبتي وزيري
معززا مكرما مهندما
بناصع البياض
موكب يحفني
لمرقد أخير
أموت لا أخاف
كيفما يشاء لي مصيري
أموت لا أخاف
قدرما أخاف
أن يموت لحظة ضميري
(عدل بواسطة الكيك on 04-06-2014, 10:50 AM)
|
|
  
|
|
|
|
|
| العنوان |
الكاتب |
Date |
| محجوب شريف ...صاحب الخلق النبيل ..ونصير الضعفاء ..الوطنى الجسور ...توثيق | الكيك | 04-03-14, 06:01 AM |
| Re: محجوب شريف ...صاحب الخلق النبيل ..ونصير الضعفاء ..الوطنى الجسور ...توثيق | الكيك | 04-03-14, 06:09 AM |
| Re: محجوب شريف ...صاحب الخلق النبيل ..ونصير الضعفاء ..الوطنى الجسور ...توثيق | الكيك | 04-03-14, 06:14 AM |
| Re: محجوب شريف ...صاحب الخلق النبيل ..ونصير الضعفاء ..الوطنى الجسور ...توثيق | الكيك | 04-03-14, 06:49 AM |
| Re: محجوب شريف ...صاحب الخلق النبيل ..ونصير الضعفاء ..الوطنى الجسور ...توثيق | الكيك | 04-03-14, 09:37 AM |
| Re: محجوب شريف ...صاحب الخلق النبيل ..ونصير الضعفاء ..الوطنى الجسور ...توثيق | مني عمسيب | 04-03-14, 09:48 AM |
| Re: محجوب شريف ...صاحب الخلق النبيل ..ونصير الضعفاء ..الوطنى الجسور ...توثيق | الكيك | 04-03-14, 10:17 AM |
| Re: محجوب شريف ...صاحب الخلق النبيل ..ونصير الضعفاء ..الوطنى الجسور ...توثيق | الكيك | 04-03-14, 11:08 AM |
| Re: محجوب شريف ...صاحب الخلق النبيل ..ونصير الضعفاء ..الوطنى الجسور ...توثيق | اسماعيل عبد الله محمد | 04-03-14, 11:17 AM |
| Re: محجوب شريف ...صاحب الخلق النبيل ..ونصير الضعفاء ..الوطنى الجسور ...توثيق | الزنجي | 04-03-14, 11:22 AM |
| Re: محجوب شريف ...صاحب الخلق النبيل ..ونصير الضعفاء ..الوطنى الجسور ...توثيق | عبدالله عثمان | 04-03-14, 12:21 PM |
| Re: محجوب شريف ...صاحب الخلق النبيل ..ونصير الضعفاء ..الوطنى الجسور ...توثيق | الكيك | 04-03-14, 10:17 PM |
| Re: محجوب شريف ...صاحب الخلق النبيل ..ونصير الضعفاء ..الوطنى الجسور ...توثيق | الكيك | 04-03-14, 10:37 PM |
| Re: محجوب شريف ...صاحب الخلق النبيل ..ونصير الضعفاء ..الوطنى الجسور ...توثيق | محمد علي عثمان | 04-03-14, 10:39 PM |
 Re: محجوب شريف ...صاحب الخلق النبيل ..ونصير الضعفاء ..الوطنى الجسور ...توثيق | Mohamed Adam | 04-04-14, 04:32 AM |
| Re: محجوب شريف ...صاحب الخلق النبيل ..ونصير الضعفاء ..الوطنى الجسور ...توثيق | الكيك | 04-04-14, 10:05 AM |
| Re: محجوب شريف ...صاحب الخلق النبيل ..ونصير الضعفاء ..الوطنى الجسور ...توثيق | الكيك | 04-04-14, 06:25 PM |
| Re: محجوب شريف ...صاحب الخلق النبيل ..ونصير الضعفاء ..الوطنى الجسور ...توثيق | الكيك | 04-04-14, 10:48 PM |
| Re: محجوب شريف ...صاحب الخلق النبيل ..ونصير الضعفاء ..الوطنى الجسور ...توثيق | bashir kurdufan | 04-05-14, 01:22 AM |
| Re: محجوب شريف ...صاحب الخلق النبيل ..ونصير الضعفاء ..الوطنى الجسور ...توثيق | الكيك | 04-05-14, 09:29 AM |
| Re: محجوب شريف ...صاحب الخلق النبيل ..ونصير الضعفاء ..الوطنى الجسور ...توثيق | الكيك | 04-05-14, 10:23 AM |
| Re: محجوب شريف ...صاحب الخلق النبيل ..ونصير الضعفاء ..الوطنى الجسور ...توثيق | الكيك | 04-06-14, 06:50 AM |
| Re: محجوب شريف ...صاحب الخلق النبيل ..ونصير الضعفاء ..الوطنى الجسور ...توثيق | الكيك | 04-06-14, 09:52 AM |
| Re: محجوب شريف ...صاحب الخلق النبيل ..ونصير الضعفاء ..الوطنى الجسور ...توثيق | المكاشفي الخضر الطاهر | 04-06-14, 10:17 AM |
| Re: محجوب شريف ...صاحب الخلق النبيل ..ونصير الضعفاء ..الوطنى الجسور ...توثيق | الكيك | 04-06-14, 10:36 AM |
| Re: محجوب شريف ...صاحب الخلق النبيل ..ونصير الضعفاء ..الوطنى الجسور ...توثيق | الكيك | 04-06-14, 10:17 PM |
| Re: محجوب شريف ...صاحب الخلق النبيل ..ونصير الضعفاء ..الوطنى الجسور ...توثيق | الكيك | 04-07-14, 09:06 AM |
| Re: محجوب شريف ...صاحب الخلق النبيل ..ونصير الضعفاء ..الوطنى الجسور ...توثيق | الكيك | 04-07-14, 05:49 PM |
| Re: محجوب شريف ...صاحب الخلق النبيل ..ونصير الضعفاء ..الوطنى الجسور ...توثيق | الكيك | 04-08-14, 08:08 AM |
| Re: محجوب شريف ...صاحب الخلق النبيل ..ونصير الضعفاء ..الوطنى الجسور ...توثيق | مني عمسيب | 04-08-14, 08:13 AM |
| Re: محجوب شريف ...صاحب الخلق النبيل ..ونصير الضعفاء ..الوطنى الجسور ...توثيق | الكيك | 04-08-14, 10:09 PM |
| Re: محجوب شريف ...صاحب الخلق النبيل ..ونصير الضعفاء ..الوطنى الجسور ...توثيق | الكيك | 04-09-14, 08:43 PM |
| Re: محجوب شريف ...صاحب الخلق النبيل ..ونصير الضعفاء ..الوطنى الجسور ...توثيق | الكيك | 04-10-14, 11:24 PM |
| Re: محجوب شريف ...صاحب الخلق النبيل ..ونصير الضعفاء ..الوطنى الجسور ...توثيق | الكيك | 04-10-14, 11:39 PM |
| Re: محجوب شريف ...صاحب الخلق النبيل ..ونصير الضعفاء ..الوطنى الجسور ...توثيق | الكيك | 04-11-14, 03:09 PM |
| Re: محجوب شريف ...صاحب الخلق النبيل ..ونصير الضعفاء ..الوطنى الجسور ...توثيق | الكيك | 04-12-14, 10:17 PM |
| Re: محجوب شريف ...صاحب الخلق النبيل ..ونصير الضعفاء ..الوطنى الجسور ...توثيق | الكيك | 04-14-14, 08:48 AM |
| Re: محجوب شريف ...صاحب الخلق النبيل ..ونصير الضعفاء ..الوطنى الجسور ...توثيق | الكيك | 04-14-14, 10:52 PM |
| Re: محجوب شريف ...صاحب الخلق النبيل ..ونصير الضعفاء ..الوطنى الجسور ...توثيق | الكيك | 04-15-14, 10:39 AM |
| Re: محجوب شريف ...صاحب الخلق النبيل ..ونصير الضعفاء ..الوطنى الجسور ...توثيق | الكيك | 04-18-14, 05:56 PM |
| Re: محجوب شريف ...صاحب الخلق النبيل ..ونصير الضعفاء ..الوطنى الجسور ...توثيق | الكيك | 04-21-14, 10:10 AM |
| Re: محجوب شريف ...صاحب الخلق النبيل ..ونصير الضعفاء ..الوطنى الجسور ...توثيق | الكيك | 04-23-14, 11:16 AM |
| Re: محجوب شريف ...صاحب الخلق النبيل ..ونصير الضعفاء ..الوطنى الجسور ...توثيق | الكيك | 04-24-14, 10:55 PM |
| Re: محجوب شريف ...صاحب الخلق النبيل ..ونصير الضعفاء ..الوطنى الجسور ...توثيق | الكيك | 04-27-14, 10:25 PM |
| Re: محجوب شريف ...صاحب الخلق النبيل ..ونصير الضعفاء ..الوطنى الجسور ...توثيق | الكيك | 04-29-14, 06:37 AM |
| Re: محجوب شريف ...صاحب الخلق النبيل ..ونصير الضعفاء ..الوطنى الجسور ...توثيق | الكيك | 05-04-14, 06:47 PM |
| Re: محجوب شريف ...صاحب الخلق النبيل ..ونصير الضعفاء ..الوطنى الجسور ...توثيق | الكيك | 05-06-14, 10:58 PM |
| Re: محجوب شريف ...صاحب الخلق النبيل ..ونصير الضعفاء ..الوطنى الجسور ...توثيق | الكيك | 05-06-14, 11:11 PM |
| Re: محجوب شريف ...صاحب الخلق النبيل ..ونصير الضعفاء ..الوطنى الجسور ...توثيق | الكيك | 05-07-14, 11:47 PM |
|
| |
الكيك
فيس بوك
تويتر
انستقرام
يوتيوب
بنتيريست