مقـارنـة بين الزوجـة السودانية والأجنبيـة .. من واقع تجارب!!

Quote: Hamid Jarelnaby ماشاء الله ياجكسا انت معانا فى حزب الحيشان انا قلت لوحدى ناس حسين بربر ديل يجب ان يكونوا مستمعين انت لديك تجربه كبيره وانا كذلك حواء السودانيه وفى تعدد زيجاتنا نملك رصيد كبير لسلوكها هى بطبعها لاتحب التنازل والصفح بسرعه وان اتت به يكون الموضع قد فات عليه الاوان لديها مزاج متغلب غير ثابت نندهش عند ما نشاهدهن فى كامل زينتهن وتعلو البسمه محياهن وعادة هذا التغير او اظهار الزينه يتم على فترات متباعده لذلك الدهشه تملئنا وردة الفعل سبحان الله الزوله دى مالها اليوم تبدا تبحث فى اسباب التغيير الذى طراءعليها ياجماعه نساوينا ديل ماسكنهن على بركة الله الجمال موجود فى نفوسهن لاكنهن بخيلات وما عارفات نحن فى حاجه له الواحد لو لقى ليه واحد رومانسيه اجنبيه تم بيها الكشف يكون احسن الجماعه ديل يخليهم للكسره والعصيده .................................................................................................. Hussein Barbar طبعا يا حامد لما تجيك مبتسمه و مزاجها رايق تعرف انو عندها طلبات دايره تقدما اما يا سماح اذا الواحد اتجرأ وقال ليها الكلام البنقولو للزميلات دا يا اتهمتو بالنفاق او افتكرت انو عامل ليهو عمله داير يغطيها .................................................................................................. Zakia Ibrahim طبعا معروف انو معظم الرجال السودانيين بتجاهلو مشاعر زوجاتهم ... ودي حاجة خطيرة جدا جدا .. ومن الطرايف انو في واحدة مشت الكوفير وعملت ( نيو لوك ) بعد الرجل جا من الشغل ما علق ليها كلو كلو ... قامت قالت ليهو ما لاحظت حاجة ؟؟ قال ليها ابدا .. قالت ليهو مشيت الكوفير .. قال ليها لقيتي قافل ولا شنو ؟؟ .... ...... عليك الله شوف الاحباط ده