من هو محمد حامد الحمرى ( تبيدى ) الذى نقل مستشارا بسفارة السودان بالدوحة ؟؟؟

Quote: والله يا رؤوف مبالغة بس اسع مثلا يجي زول هنا يقول بيان دي عذبتي وانها في الامن( طبعا قيل اني في الامن لكن لسع ما قيل اني عذبتا زول) طوالي الناس تصدق الكلام؟ ما يحاول ان يوطنه هنا الاخ عصام دهب هو سيادة القانون والذي يجب ان يوطن الان وبعد الان.. ويجب ان نسعى جميعا لتوطينه لنقتص للضحايا حقهم والحاجة دي عشان تحصل يجب ان تعمل كل القوى السياسية مع بعض.. ولكن ليس من الحكمة ان تنشر القصص وتستخدم كسلاح كما استخدمت من قبل لنيل اللجوء السياسي من البعض منذ فترة نكتب انه يجب ان نرفض جميعا الادعاءات هذه صونا لحق من مروا ببيوت الاشباح حقا..حتى لا يختلط الحابل بالنابل كما هو حادث الان.. حق شبشة وعاصم وعلى فضل ومنعم الجزولي وعدد هنا ممن تعرضوا للاعتقال التعسفي والتعذيب ومنهم من مات متاثرا بجراحه من نعرفهم ومن لا نعرفهم حقهم ان نحفظ لهم حقوقهم بان لا ندع الانبياء الكذبة يتعدون على شرف النضال من اجل الوطن.. حتى ياتي نظام قانوني نرتضيه جميعا اي شخص يلزم مكانه.. واي متهم برئ حتى تثبت ادانته في محكمة ودي ما بتحصل بالهرجلة والتمني والعاطفية.. والتصيد لكل من يزور الدوحة او اي زول يقدم نقد للحزب الشيوعي يتحول الى امنجي وسارق لاموال الشعب ونصاب ووثابة وخفيفة دي اصلها ما طريقة لاحقاق حق او ارجاع حق دي ياها الريقة بتاعة بيوت الاشباح ذاتها فقط اسفيرية تدمير صورة اي مواطن او مواطنة كذبا وقدحا طريق غير نبيل والغايات النبيلة نصلها بواسطة سبل نبيلة.. اصلو شتم الناس والكذب عليهم بالباطل لن يورث الا مزيد من الدمار وتكون المعارضة والحكومة الفارق بينهم المكان بس.. تطمع في معارضة مسؤولة تسعى سعيا حثيثا لسيادة القانون كان يمكن ان يلعب هذا البورد دور عظيم جدا ولكن لن يلعبه ابدا لان هذا المكان فقد مصداقيته بسب عدم المسؤولية وعدم الاخلاقية في التعامل مع المعلومة.. ودخلت في عالم مصطلحات تكذيب الاخبار انه دا كلام بوردات ساكت يعني كلام ما مؤسس.. ولا تستطيع ان تنطر ان الاكاذيب تستخدم هنا من قبل البعض للنيل من الخصوم. لو انا في مكان عاصم وشبشبة سوداينزانلاين وبوستات ود الزين ليس المكان المناسب لعرض اي قضية عادلة.. سيادة القانون هي هدفنا