يا مثقفاتية:ترفضون الجهاد لانه عنف و تؤيدون حمل السلاح لحل القضايا

Quote: نا لمن قلت ليك إنو الجهاد مصطلح أيديولوجي كنت قاصد الكلام ده بكل حذافيرو .. وما تقدر تقول لي إنو الزول من يدافع عن أرضو أو عرضو بيبقى ده جهاد، لأنو الدفاع عن الأرض والعرض ما أيديولوجية إسلامية، أو ما فعل نضالي خاص بالمسلمين. يعني ممكن نلقى هندوس بيدافعوا عن عرضهم، أو هنود حمر بيدافعوا عن أرضهم .. إلخ، فلا يمكن إنو نسمي نضالهم ده "جهاد" لأنو النتيجة الميتافيزيقية للجهاد هو الشهادة. وبالتالي فالجهاد مصطلح أيديولوجي خاص بالمسلمين، وأنا ما بكون مستني إنو أوزن إيماني أشوفو قدر شنو عشان أشارك في النضال الشعبي لدحر عدو أو للدفاع عن أهل بيتي لمن يحصل اعتداء عليهم. إذن ما في فرق بين الجهاد والقتال .. إلا اللهم إنو الجهاد له مبررات دينية وموثق بنصوص شريعة ما أكتر من كده .. لكن الفرق هو بين القتال وبين النضال. لأنو النضال عمل مشروع زي الدفاع عن الأرض والعرض بغض النظر عن الدفوعات الدينية وراء هذا العمل النضالي. فتحرير الأرض من المعتدين، والدفاع عن العرض هو عمل غير مرتبط بدين محدد لا سماوي ولا غيرو.