الحساسية ضد العنصرية...

Quote: ما فهمتك بالضبط يا بريمة عايز تقول شنو؟ انّكم ما بتشتغلوا بالاهانات العنصرية ضدّكم بسبب الحروب و الجو المعايشنه وكدا ! طيب الكلام الفي الاقتباس دا ببساطة ممكن يؤدي يكم للوقوع في نفس فخ ممارسة التمييز ضد الآخرين, ياهو كلام النازي عن افضلية الجنس الآري و دونية البقية بدا كدا زي كلامك دا, عندهم راي في اي جنس بعدين ياخوي ما تفنّط لي الممارسة العنصرية دي عنصرية غرابة ودي عنصرية اولاد بحر, التمييز ياهو التمييز ولا فضل لأحدهما على الآخر ودي واحدة من اغرب الحاجات في السودان الكل يتعنصر على الكل! حتى داخل الجهة الواحدة تلقى قبيلة ترى انها الافضل و الآخرين حشرات, وفي القبيلة الواحدة عادي خشم بيت أو فرع يرى أن الآخرين ليسوا في مقامه و يمارس التمييز عليهم عشان كدا المسالة دي ليس لها علاج إلّا بالوعي على المستوى الفردي الذي يتطوّر ليصبح وعيا جماعيا و ترتفع الحساسية لدى الجميع بعدم التسامح او التغاضي عن الاشارات التمييزية أو التحقيرية على اساس عنصري حتى في النكتة العادية دي خليك كونها تتكتب في حالة خلاف سياسي أو تباين مواقف العواطلية الشتموا قريمان باصله وقبيلته جهته ديل ما بعروفه ولا شافوه ولا عندهم معاه شي شخصي, لكن مجرّد اختلاف ولاء وموقف سياسي بالإضافة لمسالة التخفي التي بظنهم تعفيهم من تبعات المسؤولية خلّـتهم يشتموه بعنصرية, و للأسف مرّ عليها زملاء مر الكرام بل تم الاحتفاء بفكرة شتيمة ولخ قريمان وهذا ما كان ليحدث لو كان موضوع التمييز شخص آخر معارض او لو كان قريمان على موقفه القديم. هذا النوع من السلوك ما نحتاج للوعي بخطئه و نتعامل معه بحساسية أكثر.