أقوله حبني بالغصب ؟ لا لا (كلام في الشعر)

مرحبا Guest
اخر زيارك لك: 03-19-2024, 10:15 AM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مكتبة الشاعر عبد القادر الكتيابى
نسخة قابلة للطباعة من الموضوع   ارسل الموضوع لصديق   اقرا المشاركات فى صورة مستقيمة « | »
اقرا احدث مداخلة فى هذا الموضوع »
01-26-2005, 05:58 AM

نادية عثمان

تاريخ التسجيل: 11-26-2004
مجموع المشاركات: 13808

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أقوله حبني بالغصب ؟ لا لا (كلام في الشعر) (Re: على اسماعيل)

    الغياب ورنَّة الصدى
    مرَّيت وجيت من بابك المقفول على وعد الأمل والذكريات
    جسمي ارتعش لمَّا النسيم جاب العبير حاضِن نُعاس الأمسيات
    جبروت عَظَمْتَك وروعتك مشَّت إرادتي على خُطاك سَكَبَت رحيق الأمنيات
    * * * *
    مرَّيت وجيت راكبة السحاب وضامة النجوم ضواية زي لمع البروق
    الليل مجنَّح ريش نعام وسَرْجُو الحرير شايِلْنِي من فوق الطوابق للشروق
    الشمس فوق راجياني فوق
    شاربة المطر سكرانة ما بتدور تفوق
    * * * *
    مرَّيت على الباب البِئِن وينادي بالبُكا والنحيب
    تَرْباسُو مكسور الجناح.. وكيفن بيَجْبُر خاطر الزول الحبيب؟
    العتبة ما عتبة قزاز.. والريح بشيش سحب البساط شان لو وقَعْتَ يكون نصيب!
    مرَّيت عليك والانشراح لفلف تلافيف القلب.. ولفَّ الفؤاد
    هنا عاش قريب زولي الحبيب.. مِرِقْ يسند الحيط بالقفا حجر الأساس للبيت عماد
    حبيت لُمَض نايلو المكان.. صوت الضجيج والانزعاج غُبُش الجُحُور واللون رماد
    * * * *
    بمشي وأجِيك.. قُبَّال أجيك روحي بتجيك تفرش ظلالها في دُنيتَك
    حتماً أجيك ساعة الصباح.. في الأمسيات ساعة الضُّحى وانبُش دواخل غُنيتَك
    مِفتَاح تَرابِيسك مَعَاي.. ومعَاك مفاتيح فَرحَتِي أفتح شبابيك الغرام
    طوِّل سنين السَّرمَدَة.. وَحْدَك مُنَاي هل يا حبيب أنا مُنيَتَك ؟؟
    مرَّيت وجيت من بابك المقفول على الجُرح النَّبَح.. وحزني القديم
    خبَّطت ما طلَّ الملاك.. ووجهو الضحوك باسِم نَضِر مُشرِق بهيج
    زي مصحف الرَّب الرحيم
    قلباً وِدِر بَعَدَك ونَُوسَر جُرحو مَكبُوب دَمُّو حار
    دافِق هَدَر شلال شرخ قلب الأديم
    * * * *
    مرَّّّّّّيت وجيت والغُصَّة زي خنجر غَرَز.. خَازُوق وَقَف في الجوف عَرِض
    لا الدمعة خففت الألم.. لا الصرخة برَّدَت الحشا لا داوت القلب المِرِض
    باب الحبيب قُبة ومزار.. بخور ضريح وصلاة خشوع سُنّة وفَرِض
    * * * *
    مرَّيت وجيت من بابك الأبنوس مَطَعَّم بالدَّهَب.. وترباس جُمَان
    خشبو المعفَّر بالتُّراب.. ريحتو المِسك بشذاها عبَّقت الزمان
    يا باب حبيب وين الحبيب ؟؟.. لَهَبَك حريق يا قَسْوة تتوشح حنان
    * * * *
    مرَّيت وجيت من بابك المقفول على النغم الشجي
    وموال فَرَح وليلاً هجع
    اتشَقَّق الخشب الأصيل يوم فارقوا الزول الجميل
    ولي دارو في الأوطان رجع
    الباب بكى وترباسو من حلقو اتخلع
    الحُمَّى هَرَّدَت العيون
    وقلبي الوَجَف من قَفْلَة الباب ارتجف مات بالصَّرع!!

    الكتيابى هو ذاته الموصلى .. والقدال هو الكتيابى وانا كلكم ..وكلكم مبدعين بلادى الشامخين كنخيل الشمال وروعة الجنوب وحنين التاكا وحميمية الوسط واصالة الغرب!!

    وهل تنفصل الدهشة عن جسد الروعة عن ذات العشق عن حبل المحبوبة عن لذة العشق عن وجع الحرف عن عشق الوطن عن الهام الملائكة ؟؟

    القدال الغالى الذى يقدل بخدر بوحه الللذيذ فى اعصابنا .. وانت ايضا هل تتزكرنى ام ان مشاغل الحياة قد انستك اننا جلسنا وتحدثنا كثيرا ايام هوجة الشعراء وموضوع الملكية الفكرية والحقوق والحقوق المجاورة والتقاء الشعراء واجتماعاتهم مع عز الدين ساوند فى احدى فنادق الخرطوم الفخيمة ؟

    الكتيابى سيد البيت تسلم يامن فتح لنا كوّة ونفاج للجمال وسط اكوام من القبح المقيت !!

    القدال والكتيابى الفطحلان (مثنى فطحل التى جمعها فطاحلة حلوة موش؟)
    اريد منكما قرأتى شعرا وتلمّس مفرداتى نثرا فبرعاية كريمة من مبدعين بلادى وتشجيع منقطع النظير كنت انا الشاعرة التى تخطو نحو عوالم الدوحة فى غير ما تعجل ..

    واظن ان وقوف الفطاحلة بجانبى ومراهنتهم على ذاتى المتواضعة لم تضع هدرا وسدى وذلك باعترافهم(شخصيا ) وهم السر احمد قدور ، فضل الله محمد، محمد على ابو قطاطى ، د. المعز عمر بخيت الذين قدموا لى اصداراتى الشعرية الاولى والثانية

    ثم تشجيع الفيتورى ومختار دفع الله واخرين كثر استفدت كثيرا من نصائحهم الغالية جدا

    والان لحننى الموصلى الموسيقار كاروع مايكون التلحين .. ومن قبله الفنان المخضرم عثمان حسين وايضا السر قدور واللملحن اللواء جلال حمدون واخرين الا ان معظم الاعمال لم ترى النور بعد !!

    الاعزاء الكتيابى والقدال ساسكب هاهنا بعض من عصير قصيدى فهل اطمع فى توقيعكم حول مااكتب لتزداد قائمة من شرفونى بقرأتى برائعين اخرين من شعراء بلادى الذين اتشرف بانتمائى الى دوحتهم الشعرية ؟
    اتمنى وانتظر !!

    الحصاد المُـر

    بِتَنبُش في الأرض طِفلة
    بتلعب بالحَجَر حِجلة
    حَصَاصَها عَقَابُو في الحفرة
    وبالدس دس تنادي شليل
    شليل وين راح؟؟ .. حليل زمنو !!
    تمساح الفتن كتلو ؟
    ولا الدودو المخيف أكلو ؟؟!
    بقولوا شِرِق في بطن النيل
    حليلو شليل!!
    * * * *
    لون المَحْلَب المدقوق صِبِِح أسود
    وأم أحمد بكت بالدم
    عشان أحمد رجع زي ناس عيونها خُضُر
    وبدل يُمَّا بيقول (ماظر)
    بكت مَلأ دمَّهَا المِنديل
    حليل أحمد
    حليلو وشليل
    * * * *
    كم طيراً هجر عُشُّو
    وكم مِهْيَار ودَّع روح سماهو وطار
    لا بِقَى في المدينة ولد يَشِد الحيل ..
    لا أسداً يطاعن في خيال الفيل
    رواكيب البلد وَقَعَنْ حصيراتها
    برندات الولد وقفن عواميدها
    تضاري الشمسة والقنديل
    كتير واللهِ عليك يا بنية .. شيل الهم عليكي تقيل
    حليل أحمد .. حليلو شليل
    * * * *
    زمان الفرحة ما وِدْرَن حكايتو !!
    بقن ناس فاطنة حزنانات
    وطاحونة الشتات تطحن .. تَدَقِّق في العضُم والرُّوح
    وما بترحم سماح وخليل
    تيران السواقي تدوس .. حوافرها غارزة في الأبدان
    تشوِّه مَعلم الإنسان
    وتِحْت الحافر المسنون .. يضيع الجيل وراهو الجيل ..
    حليل أحمد حليلو شليل
    * * * *
    سيفاً دون جفير لامع .. بريقو الومضة تضوي الليل
    ووعداً بالحرير مغزول
    وشرط الخطوة للأحلام بتركب فوق جناح الويل
    تطير أول تسيب جواك.. كُراعك تسرق الخطوات
    تفتش لي جُحُر بي هناك.. وتسيب بوراك مليون ميل ..
    حليل أحمد حليلو شليل
    * * * *
    في زمن الحصاد المُر .. تفتش لحظة في الأعماق
    وجوة الروح تغوص أكثر
    تقول يمكن تلاقي سعادة تبقى الزاد.. ولمسة حب بتعني جويل
    وتعود تلقى البراح ضيِّق.. وكمان الحِجلة ما حِجلة
    ولا أم الحُفر لعبة
    تلاقي الطفلة ما طفلة
    وأم أحمد بقت (ماظر)
    والراكوبة شالها السيل
    حليل أحمد .. حليلو شليل!!

    بواقـي فـرح

    داخلة بين عصب الخلايا ودَفْقَة الدم لي مَسَامَك
    طالعة من روعة حروفك غُنْوَة منظومة بكلامَك
    كُلي منَّك وانت مني صورة مرسومة في منامك
    * * * *
    ساكنة جوَّاك ما بسيبك وانتَ ساكن في الحنايا
    بتعني عندي حبيب فؤادي يا السَّكَنتَ في جوف حَشَايا
    سابْحَة في الرُّوح بين جوارحك وشاربة من حُبَّك مِحَاية
    * * * *
    حالفة أهرب مِنِّي ليكَ وأبقى ذاتك فيها سابْحَة
    ما خَلَفتَ في يوم ميعادك وأنت لو تخلِف مُسَامْحَة
    لو غرامك جولة خاسرة برضو تبقى خسارتي رابحة
    * * * *
    ما مهم لو إنو فَرَح الكون بِحَالُو مشى ونِسَانِي
    راضية أجمع باقي فرحة تبقى ليها معاك معاني
    بي حنان الحب أضُمَّك وانت هانِي بِفيض حناني
    اصطفيت حُبك وعشقك
    هل قِليبَك اصطفاني ؟؟

    استاذى الكتيابى ارجو ان لااكون قد اخذت اكثر من المساحة المخصصة لى فى بوست الجمال والروعة هذا ..!! عذرا فنحن فى حوجة الى كرنفال الجمال هذا !!

    (عدل بواسطة نادية عثمان on 01-26-2005, 06:05 AM)

                  

العنوان الكاتب Date
أقوله حبني بالغصب ؟ لا لا (كلام في الشعر) عبدالقادر الكتيابي01-23-05, 03:24 AM
  Re: أقوله حبني بالغصب ؟ لا لا (كلام في الشعر) Omayma Alfargony01-23-05, 04:04 AM
    Re: أقوله حبني بالغصب ؟ لا لا (كلام في الشعر) munswor almophtah01-27-05, 10:52 AM
  Re: أقوله حبني بالغصب ؟ لا لا (كلام في الشعر) محمد الامين احمد01-23-05, 04:17 AM
  Re: أقوله حبني بالغصب ؟ لا لا (كلام في الشعر) bushra suleiman01-23-05, 04:35 AM
  Re: أقوله حبني بالغصب ؟ لا لا (كلام في الشعر) القدال01-23-05, 05:11 AM
  Re: أقوله حبني بالغصب ؟ لا لا (كلام في الشعر) عبدالقادر الكتيابي01-23-05, 06:19 AM
    Re: أقوله حبني بالغصب ؟ لا لا (كلام في الشعر) Elmosley01-23-05, 07:10 AM
    Re: أقوله حبني بالغصب ؟ لا لا (كلام في الشعر) نادية عثمان01-23-05, 07:18 AM
  Re: أقوله حبني بالغصب ؟ لا لا (كلام في الشعر) لؤى01-23-05, 07:22 AM
  Re: أقوله حبني بالغصب ؟ لا لا (كلام في الشعر) عبدالقادر الكتيابي01-23-05, 09:17 AM
  Re: أقوله حبني بالغصب ؟ لا لا (كلام في الشعر) محمد الامين احمد01-23-05, 02:56 PM
    Re: أقوله حبني بالغصب ؟ لا لا (كلام في الشعر) خضر عطا المنان01-23-05, 03:52 PM
  Re: أقوله حبني بالغصب ؟ لا لا (كلام في الشعر) نصار01-23-05, 06:02 PM
  Re: أقوله حبني بالغصب ؟ لا لا (كلام في الشعر) عبدالقادر الكتيابي01-24-05, 01:27 AM
  الكتيابى mohmmed said ahmed01-24-05, 01:45 AM
  الكتيابى mohmmed said ahmed01-24-05, 01:46 AM
    Re: الكتيابى نادية عثمان01-24-05, 11:15 AM
      Re: الكتيابى Elmosley01-24-05, 11:26 AM
  Re: أقوله حبني بالغصب ؟ لا لا (كلام في الشعر) أيمن علي حامد01-24-05, 11:48 AM
    Re: أقوله حبني بالغصب ؟ لا لا (كلام في الشعر) abuguta01-24-05, 12:32 PM
  Re: أقوله حبني بالغصب ؟ لا لا (كلام في الشعر) ALGARADABI01-24-05, 12:19 PM
  Re: أقوله حبني بالغصب ؟ لا لا (كلام في الشعر) الجندرية01-24-05, 12:44 PM
  Re: أقوله حبني بالغصب ؟ لا لا (كلام في الشعر) luai01-24-05, 01:15 PM
  يرفع mohmmed said ahmed01-25-05, 02:07 AM
  Re: أقوله حبني بالغصب ؟ لا لا (كلام في الشعر) ALGARADABI01-25-05, 05:35 AM
  1 + 1 = 3 Fadl Karrar01-25-05, 06:06 AM
  1 + 1 = 3 Fadl Karrar01-25-05, 06:06 AM
  Re: أقوله حبني بالغصب ؟ لا لا (كلام في الشعر) عبدالقادر الكتيابي01-25-05, 02:34 PM
  Re: أقوله حبني بالغصب ؟ لا لا (كلام في الشعر) القدال01-25-05, 11:10 PM
    Re: أقوله حبني بالغصب ؟ لا لا (كلام في الشعر) على اسماعيل01-26-05, 00:28 AM
      Re: أقوله حبني بالغصب ؟ لا لا (كلام في الشعر) نادية عثمان01-26-05, 05:58 AM
        Re: أقوله حبني بالغصب ؟ لا لا (كلام في الشعر) Elmosley01-28-05, 12:32 PM
  Re: أقوله حبني بالغصب ؟ لا لا (كلام في الشعر) عبدالقادر الكتيابي01-26-05, 09:23 AM
    Re: أقوله حبني بالغصب ؟ لا لا (كلام في الشعر) نادية عثمان01-27-05, 04:59 AM
  Re: أقوله حبني بالغصب ؟ لا لا (كلام في الشعر) ALGARADABI01-26-05, 02:48 PM
    Re: أقوله حبني بالغصب ؟ لا لا (كلام في الشعر) munswor almophtah01-26-05, 10:12 PM
      Re: أقوله حبني بالغصب ؟ لا لا (كلام في الشعر) نادية عثمان01-27-05, 05:25 AM
      Re: أقوله حبني بالغصب ؟ لا لا (كلام في الشعر) Elmosley01-28-05, 12:33 PM
  Re: أقوله حبني بالغصب ؟ لا لا (كلام في الشعر) عاطف عمر مكاوي01-27-05, 07:21 AM
  Re: أقوله حبني بالغصب ؟ لا لا (كلام في الشعر) معتصم الطاهر01-27-05, 12:41 PM
    Re: أقوله حبني بالغصب ؟ لا لا (كلام في الشعر) نادية عثمان01-27-05, 01:16 PM
      Re: أقوله حبني بالغصب ؟ لا لا (كلام في الشعر) نادية عثمان01-28-05, 08:29 AM
  Re: أقوله حبني بالغصب ؟ لا لا (كلام في الشعر) عبدالقادر الكتيابي01-28-05, 11:56 AM
    Re: أقوله حبني بالغصب ؟ لا لا (كلام في الشعر) Elmosley01-28-05, 12:37 PM
      Re: أقوله حبني بالغصب ؟ لا لا (كلام في الشعر) AL GURAIR01-28-05, 12:46 PM
        Re: أقوله حبني بالغصب ؟ لا لا (كلام في الشعر) Elmosley01-28-05, 02:22 PM
    Re: أقوله حبني بالغصب ؟ لا لا (كلام في الشعر) نادية عثمان01-28-05, 01:50 PM
      Re: أقوله حبني بالغصب ؟ لا لا (كلام في الشعر) المسافر01-28-05, 02:39 PM
  Re: أقوله حبني بالغصب ؟ لا لا (كلام في الشعر) عبدالقادر الكتيابي01-28-05, 11:35 PM
  Re: أقوله حبني بالغصب ؟ لا لا (كلام في الشعر) عبد الرحمن الشبلي01-30-05, 10:35 AM


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de